تازيون خبرون

Daily Archives: January 9, 2016

ڀارتي حڪومت شاهه رخ خان ۽ عامر خان کان سيڪيورٽي به واپس وٺي ڇڏي

ممبئي (شوبز نيوز) ڀارت ۾ انتهاپسندي ۽ حڪومت جي رويي تي ڳالهائڻ بالي ووڊ جي مشهور اداڪارن شاهه رخ خان ۽ عامر کي مهانگو پئجي ويو،ڀارتي حڪومت پاران شاهه رخ خان،عامرخان ۽ ٻين 40 اداڪارن کان سيڪيورٽي واپس وٺڻ جو فيصلو.ميڊيا رپورٽ مطابق ڀارتي حڪومت جو انتهاپسندي وارو هڪ ٻيو فيصلو سامهون اچي ويو آهي،ممبئي پوليس عامر خان شاهه رخ خان ۽ 40 ٻين اداڪارن کان سيڪيورٽي واپس وٺي ڇڏي آهي،جنهن تي پوليس اختيارين ڳالهائيندي چيو آهي ته،سيڪيورٽي واپس وٺڻ جو فيصلو يا گهٽ ڪرڻ جو فيصلو معمول مطابق آهي.

 

”گهائل ونس اگين” ۾ سني ديول سان ڪم ڪرڻ ڪنهن اعزاز کان گهٽ ناهي : سوها علي خان

ممبئي(شوبز نيوز) بالي ووڊ اداڪاره سوها علي خان چيو آهي ته فلم ”گهائل ونس اگين” ۾ سني ديول سان ڪم ڪرڻ ڪنهن اعزاز کان گهٽ ناهي. پنهنجي تازي انٽرويو ۾ سوها علي خان چيو ته فلم گهائل ونس اگين” ۾ سني ديول سان ڪم ڪرڻ هن لاءِ فخر جي ڳالهه آهي، ساڻس فلم جي شوٽنگ دوران گهڻو ڪجهه سکڻ جو موقعومليو. هن چيو ته سني ديول سٺو اداڪار هئڻ سان گڏوگڏ سٺو انسان پڻ آهي. اها فلم 1990ع ۾ ٺهيل گهائل جو سيڪوئل آهي. فلم 15 جنوري تي رليز ٿيندي.

 

ثانيه مرزا ۽ مارٽينا هنگس برسبين انٽرنيشنل جي فائنل ۾ پهچي ويون

برسبين(اسپورٽس نيوز) عالمي نمبر هڪ جوڙي ثانيه مرزا ۽ مارٽينا هنگس ڪاميابين جو سلسلو برقرار رکندي برسبين انٽرنيشنل جي فائنل ۾ جاءِ والاري ورتي، ايونٽ جي پهرين سيمي فائنل ۾ انڊو سوئيس جوڙي ايڊريجا ڪلپيڪ ۽ الا ڪدر يٽسيوا کي شڪست ڏني. تفصيل مطابق برسبين انٽرنيشنل ٽينس ٽورنامينٽ جا دلچسپ مقابلا آسٽريليا ۾ جاري آهن. گذريل ڏينهن وومينز ڊبلز جي پهرين سيمي فائنل ۾ ڀارت جي ثانيه مرزا ۽ سوئٽزرلينڊ جيمارٽينا هنگس سلوينيا جي اينڊريجا ڪلپيڪ ۽ روس جي ايلا ڪدر يٽسيوا کي اسٽريٽ سيٽس ۾ شڪست ڏني ۽ فائنل لاءِ ڪواليفاءِ ڪيو. انهن جيفتح جو اسڪور 3-6 ۽ 5-7 رهيو

 

ڏکڻ افريڪا جو انگلينڊ خلاف آخري ٻن ٽيسٽ ميچن ۽ ون ڊي سيريز لاءِ ٽيمن جو اعلان

جوهانسبرگ(اسپورٽس نيوز) ڏکڻ افريڪا انگلينڊ خلاف سيريز جي آخري ٻن ٽيسٽ ميچن ۽ ون ڊي سيريز لاءِ ٽيمن جو اعلان ڪري ڇڏيو آهي. ٽيسٽ ٽيم ۾ ڪا تبديلي نه ڪئي وئي، هاشم آمله جي استعيفيٰ ڏيڻ کان پوءِ اي بي ڊي وليئرز ٽيسٽ سيريز جي باقي ٻن ميچن ۾ ڪپتاني جو فرض ادا ڪندو جڏهن ته ٻين رانديگرن ۾ ڪائل ايبٽم هاشم آمله، تيمبا بوما، ڪوئنٽن ڊي ڪاڪ، جي پي ڊومني، فاف ڊوپليسي، ڊين ايلگر، مورني مورڪل، ڪرس مورس، ڊين پيڊٽ، ڪاگيسور بادا، رلي روسو. ڊيل اسٽين، اسٽيان وان زيل ۽ هارڊس ولجن شامل آهن. ڏکڻ افريڪا ۽ انگلينڊ وچ ۾ سيريز جي ٽئين ٽيسٽ 14 کان 18 جنوري تائين جوهانسبرگ جڏهن ته چوٿين ۽ آخري ٽيسٽ 22 کان 26 جنوري تائين سينچورين ۾ کيڏي ويندي ،ان کان پوءِ ٻنهي ٽيمن وچ ۾ پنج ون ڊي ميچن جي سيريز کيڏي ويندي جنهن لاءِ ڏکڻ افريڪا 15 رڪني اسڪواڊ جو اعلان ڪري ڇڏيو آهي. اي بي ڊي وليئرز ٽيم جي قيادت جو فرض ادا ڪندو جڏهن ته ٻين رانديگرن ۾ ڪائل ايبٽ، هاشم آمله، فرحان بهاردين، ڪوئنٽن ڊي ڪاڪ، جي پي ڊومني، فاف ڊوپليسي، عمران طاهر، ڊيوڊ ملر، مورني مورڪل، ڪرس مورس، ڪاگيسور بادا، رلي روسو ۽ ڊيل اسٽين شامل آهن. ون ڊي سيريز جي شوعات 3 فيبروري کان ٿيندي.