تازيون خبرون

Daily Archives: January 9, 2016

دهشتگردي جي خاتمي لاءِ ڀارت سان تعاون ڪنداسين، پاڪستان جي سرزمين دهشتگري لاءِ استعمال نه ٿيندي: نواز شريف

اسلام آباد (اين اين آءِ) پاڪستان جي سياسي ۽ فوجي قيادت هر قسم جي دهشتگردي جي هڪ ڀيرو ٻيهر مذمت ڪندي چيو آهي ته سمورن دهشتگردن ۽ سمورين تنظيمن خلاف ڪارروائي تي مڪمل يڪراءِ آهي، دهشتگردي ختم ڪرڻ لاءِ ڀارت سان تعاون ڪيو ويندو، پٺاڻ ڪوٽ حملي جي حوالي سان ڀارتي حڪومت سان رابطو رکڻ جو فيصلو ڪيو آهي ۽ ان يقين جو اظهار ڪيو آهي ته ٻئي ملڪ ٺوس، بامقصد ۽ جامع ڳالهين واري عمل تي قائم رهن، اعليٰ سطحي اجلاس جمعي تي وزيراعظم محمد نواز شريف جي صدارت ۾ ٿيو، اجلاس ۾ آرمي چيف جنرل راحيل شريف، اسحاق ڊار، چوڌري نثار علي خان، سرتاج عزيز، ناصر خان جنجوعا، ليفٽننٽ جنرل محمد رضوان اختر، اعزاز احمد چوڌري ۽ ڊي جي ملٽري آپريشن شرڪت ڪئي، اجلاس ۾ پاڪستان پاران هر قسم ۽ هر شڪل جي دهشتگردي جي سخت مذمت جو عزم ورجايو ويو، اجلاس ۾ ان ڳالهه تي اطمينان جو اظهار ڪيو ويو ته پاڪستان جي دهشتگردي خلاف ڪارروايون سان غير معمولي ڪاميابيون مليون آهن ۽ سڀ ادارا دهشتگردي جي خاتمي لاءِ گڏجي ڪم ڪري رهيا آهن، اجلاس ۾ چيو ويو ته پاڪستان جي عوام سمورن دهشتگردن ۽ دهشتگرد تنظيمن خلاف ڪنهن به امتياز خلاف ڪارروائي لاءِ سياسي يڪراءِ قائم ڪئي ۽ ان عزم جو اظهار ڪيو ته ڪنهن دهشتگرد کي دنيا ۾ ڪٿي ۾ پاڪستان جي سرزمين استعمال ڪرڻ جي اجازت نه ڏني ويندي.

 

سنڌ ۾ 216 ارب جي مالي ڪرپشن جو انڪشاف:آڊٽ رپورٽ

ڪراچي(اسٽاف رپورٽر) سنڌ ۾ پيپلز پارٽي جي 8 سالن جي اقتدار واري دور ۾ سڀني سرڪاري کاتن ۾ 216 ارب رپين جي مالي بي ضابطگين جو انڪشاف اڳيان آيو آهي. ذريعن مطابق آڊيٽر جنرل آف پاڪستان جي رپورٽ مطابق پيپلز پارٽي جي گذريل حڪومت واري دور ۾ سنڌ جي سڀني سرڪاري کاتن ۾ گڏيل طور تي 216 ارب رپين جون گهوٻيون ٿيون.رپورٽ مطابق سنڌ جي سڀني سرڪاري کاتن ۾ 8 سالن جي دوران 2 کرب 16 ارب 216 رپين جون گهوٻيون ڪيون ويون ۽ رڳو تعليم کاتي ۾ قومي خزاني کي هڪ ارب 44 ڪروڙ رپين جو نقصان پهچايو ويو. آڊٽ رپورٽ مطابق مالي سال 2009-8 ۾ قومي ناڻي کي 32 ارب رپين جو لوڏو هنيو ويو،جڏهن ته مالي سال 2010-11 ۾ مختلف کاتن ۾ 15 ارب رپين جو گهوٻيون ڪيون ويون،مالي سال 2012-13 ۾ 58 ارب رپين جون گهوٻيون اڳيان آيون.مالي سال 2013-14 ۾ سنڌ حڪومت قومي ناڻي کي 15 ارب رپين جو لوڏو ڏنو ۽ سڀ کان وڌيڪ گهوٻيون ۽ ڪرپشن مالي سال 2014-15 ۾ ڏٺو ويو،جنهن  دوران سرڪاري کاتن ۾ 129 ارب رپين جي ڪرپشن ڪئي وئي.رپورٽ ۾ وڌيڪ ٻڌايو ويو ته ورلڊ بينڪ جي پراجيڪٽ جي نالي تي سنڌ حڪومت پاران اربين رپين جي ڪرپشن ڪئي وئي،جنهن جي ڪري ورلڊ بينڪ تعليمي ادارن ۽ تعليمي صورتحال جي بهتري لاءِ شروع ڪيل رٿائون به بند ڪري ڇڏيون ۽ ورلڊ بينڪ سنڌ کي هڪ ارب 29 ڪروڙ رپيا تعليمي امداد ڏيڻ کان انڪار ڪري ڇڏيو.رپورٽ ۾ ٻڌايو ويو ته سنڌ ۾ 18 هزار اسڪول در درين ڀتين کان محروم آهن،جڏهن ته شاگردن کي مفت ڪتاب ۽ نه وري اسڪول کي فنڊز مليا.

 

آصف زرداري جو بطور صدر پيپلزپارٽي پارليمينٽرينز نوٽيفڪيشن جاري ، اليڪشن ڪميشن کي به اماڻيو ويو

لاهور (اين اين آءِ) اڳوڻي صدر آصف علي زرداري جو پاڪستان پيپلزپارٽي پارليمينٽرينز جي صدر طور نوٽيفڪيشن جاري ڪري ان جي ڪاپي اليڪشن ڪميشن آف پاڪستان کي به اماڻي ويئي آهي پيپلزپارٽي پارليمينٽرينز جي صدر مخدوم امين فهيم جي لاڏاڻي کان پوءِ هي عهدو خالي ٿيو آهي پارليمينٽرينز جي جنرل سيڪريٽري راجا پرويز اشرف باضابطه نوٽيفڪيسن جاري ڪري اليڪشن ڪميشن آف پاڪستان کي نوٽيفڪيشن جي ڪاپي به اماڻي ويئي آهي سينٽرل ايگزيڪيوٽو ڪميٽي 27 ڊسمبر تي متفقه طور تي ان عهدي لاءِ آصف علي زرداري جو نالو ڏنو هو.

 

خورشيد شاهه جي قائم علي شاهه سان ملاقات، رينجرز اختيارن جي معاملي تي ڳالهيون

ڪراچي (اين اين آءِ) قومي اسيمبلي ۾ مخالف ڌر اڳواڻ خورشيد شاهه جمعي جي شام تي قائم علي شاهه سان سي ايم هائوس ۾ ملاقات ڪئي، ذريعن مطابق ملاقات ۾ سنڌ ۽ وفاق وچ ۾ رينجرز تڪرار، مڪاني چونڊن جون خاص سيٽون، سنڌ جي ضلعن ۾ پارٽي جي چيئرمين ۽ وائيس چيئرمين جي اميدوارن سميت مختلف معاملن تي خيالن جي ڏي وٺ ڪئي وئي، قائم علي شاهه سيد خورشيد شاهه کي رينجرز جي اختيارن جي حوالي سان گذريل هفتي محمد نواز شريف سان ٿيل ملاقات سميت رينجرز تڪرار جي ڪجهه اهم معاملن تي پڻ خيالن جي ڏي وٺ ڪئي.

 

پ پ چيئرمين سيڪيورٽي سببن جي ڪري شيڊول کان اڳ لاهو پهچي ويو

لاهور (اين اين آءِ) پ پ چيئرمين بلاول ڀٽو زرداري سيڪيورٽي سببن ڪري اعلان ڪيل شيڊول کان هٽي هڪ ڏينهن اڳ لاهور پهچي ويو، سيڪيورٽي خدشن سبب بلاول ڀٽو جي دوري کي اڳواڻن کان ڳجهو رکيو ويو، بلاول ڀٽو جي لاهور اچڻ جي حوالي سان پيپلز پارٽي جي اڳواڻ به بي خبر رهيا ۽ ڪو به اڳواڻ استقبال لاءِ ايئرپورٽ تي موجود نه هو، خاص جهاز ذريعي لاهور پهچڻ کانپوءِ کيس سخت سيڪيورٽي ۾ بلاول هائوس لاهور پهچايو ويو.

 

ڪراچي ۾ ڌانڌلين باوجود اسان مينڊيٽ تسليم ڪيو: مولابخش چانڊيو

ڪراچي (اين اين آءِ) مشير اطلاعات سنڌ مولابخش چانڊيو پيپلزپارٽي تي بلدياتي نمائندن جي خريد ۽ وڪرو جي الزام کي رد ڪندي چيو ته پيپلزپارٽي جي حڪومت کي ڪراچي ۾ بلدياتي نمائندن جي خريد ۽ وڪرو جي ضرورت نه آهي اسان جي تصور ۾ به نه آهي ته ڪراچي ۾ ڌانڌلي ڪيون بلدياتي چونڊن کان پوءِ اسان مينڊيٽ کي تسليم ڪيو هو جمعي تي ڪراچي ايڪسپو سينٽر ۾ جنگ ڊريم هوم ايڪسپو جي افتتاح کان پوءِ ميڊيا سان ڳالهه ٻولهه ڪري رهيو هو مولابخش چانڊيو چيو ته صوبي وفاق جي خلاف بغاوت جي ڪائي ڳالهه ناهي ڪئي جڏهن ته صوبائي خودمختياري جي حد ۾ رهي پنهنجي تحفظات جو اظهار ڪيو آهي هن چيو ته اسان جمهوريت جي تسلسل لاءِ مسلم ليگ (ن) جي حڪومت جي مدد ڪئي ۽ اجايو تنقيد برداشت ڪئي. هن چيو ته مان (ن) ليگ جي نيت تي ڪڏهن به سئو سيڪڙو اعتبار نٿو ڪيان هن ڊريم هوم ايڪسپو کي ساراهيو ۽ چيو ته هتي هڪ پليٽ فارم تي ڪراچي جا سمورا ماڻهو پنهنجي گهر بابت معلومات حاصل ڪري سگهن ٿا.

 

منهنجو يا الطاف حسين جو ڊاڪٽر عمران فاروق شهيد جي قتل سان ڪو به تعلق نه آهي: محمد انور

لنڊن (اين اين آءِ) ايم ڪيو ايم اڳواڻ محمد انور پنهنجي هڪ بيان ۾ چيو آهي ته سندس يا قائد تحريڪ الطاف حسين يا ايم ڪيو ايم جي ڪنهن به ذميواري يا ڪارڪن جو ايم ڪيو ايم جي ڪنوينيئر جي ڊاڪٽر عمران فاروق جي قتل سان ڪو به تعلق نه آهي، هن چيو ته ڊاڪٽر عمران فاروق شهيد جي قتل جي الزام ۾ پاڪستان ۾ گرفتار ماڻهن جي حوالي سان گذريل ڏينهن ميڊيا تي جيڪو مبينا اعترافي بيان سامهون آيو آهي ان ۾ کيس ملوث ڪرڻ جي ڪوشش ڪئي وئي آهي، محمد انور واضح لفظن ۾ چيو ته مان هن مبينا بيان ۾ لڳايل الزامن جي سختي سان ترديد ڪيان ٿو، هي الزام بي بنياد ۽ حقيقتن جي خلاف آهي، هن چيو ته ماضي ۾ به اهڙي ريت ڪوڙن الزامن ۽ هٿ ٺوڪي اعترافي بيان ذريعي ايم ڪيو ايم کي بدنام ڪرڻ جي ڪوشش ڪئي وئي ۽ عمران فاروق شهيد جي قتل ۾ ايم ڪيو ايم کي ملوث ڪرڻ جي ڪوشش ايم ڪيو ايم خلاف سازشن جو تسلسل آهي.

 

پراڪسي وار ۾ شامل ناهي ٿيڻو، پاڪستان، ايران ۽ سعودي وچ ۾ ٽياڪڙ جو ڪردار ادا ڪري: عمران خان

اسلام آباد (اين اين آءِ) پاڪستان تحريڪ انصاف جي چيئرمين عمران خان چيو آهي ته سعودي عرب ۽ ايران ڇڪتاڻ وڌڻ سان مسلمانن جو نقصان ٿيندو، ايران سعوديا جهيڙي جا اثر پاڪستان تي پوندا، معاملو حل ڪرڻ لاءِ پاڪستان جو ڪردار اهم ٿي سگهي ٿو، اسان کي ڪنهن پراڪسي وار ۾ شامل ٿيڻ نه گهرجي، هڪ پاڙيسري ۽ ٻيو دوست آهي، اسان کي ٽياڪڙ جو ڪردار ادا ڪرڻ گهرجي، پاڪستان ڀارت ۾ اهڙا ماڻهو آهن جيڪي ٻنهي ملڪن جا بهتر لاڳاپا نٿا چاهين، وزيراعظم محمد نواز شريف جي ڀارتي دوستن کان دشمن بهتر آهي، جمعي تي عمران خان سعودي ۽ ايراني سفيرن سان الڳ الڳ ملاقات ڪئي، ملاقات ۾ سعودي ۽ ايران تڪرار تي خيالن جي ڏي وٺ ڪئي وئي، ملاقات کانپوءِ پريس ڪانفرنس ۾ هن چيو ته اسان کي سوچي سمجهي سعودي اتحاد ۾ وڃڻ گهرجي، ايران جو موقف آهي ته سعودي عرب جيڪو 34 ملڪن جو اتحاد جوڙي رهيو آهي اهو دهشتگردي جي خلاف نه آهي پر ايران خلاف آهي، جيڪڏهن پاڪستان ان اتحاد جو حصو بڻجي ٿو ته پوءِ ٽياڪڙ جو ڪردار ادا ڪرڻ مشڪل ٿي وڃي ٿو، هن چيو ته هن وقت حڪومت کي ليڊر شپ ڏيڻ گهرجي، پاڪستان دهشتگردي خلاف آهي، ڪوشش ڪري هو ٽياڪڙ جو ڪردار ادا ڪري، هن چيو ته منهنجي ملاقات ٻنهي سفيرن سان ٿي آهي جنهن ۾ ان معاملي تي ڳالهيون ڪيون ويون آهن، هن چيو ته ايراني سفير ٻڌايو آهي ته ايران مفڪر جي سزا کانپوءِ ڪاوڙ ۽ چڙ ۾ آهي پر اسان ايران ۾ سعودي سفارتخاني سميت سمورن هنڌن جي حفاظت ڪنداسين، سعودي سفارتخاني تي حملو ان جي دشمنن ڪيو آهي اسان جلد انهن ماڻهن جا نالا ٻڌائينداسين، هن چيو ته پٺاڻ ڪوٽ ۾ دهشتگردي ٿي جنهن جي اسان مذمت ڪئي ۽ چيو ته اسان دهشتگردي خلاف آهيون، پاڪستان ۽ ڀارت جا لاڳاپا اڳتي وڌي رهيا هئا، جڏهن مان ڀارت جي دوري تي ويس ته نريندري مودي سان ملاقات ۾ چيو ته ڳالهه ٻولهه کي ڊي ريل ڪرڻ جي ڪوشش ڪئي ويندي، ٻنهي ملڪن جي ليڊر شپ کي گهرجي ته اهي ان کي ڊي ريل ٿيڻ نه ڏئي، ڀارت ۾ اهڙا ماڻهو آهي جيڪي چاهين ٿا ته پاڪ ڀارت لاڳاپا بهتر نه ٿين، پاڪستان ۾ ڪجهه اهڙا ماڻهو آهن، هن چيو ته وزيراعظم نواز شريف، جڏهن مودي جي حلف واري تقريب ۾ ويو ته نواز شريف جي بزنس پارٽنر پاران ان جي ملاقات جو احتمام ڪيو ويو، دنيا ۾ ڪٿي به ائين ناهي ٿيندو، ليڊرز جي پاڻ ۾ دوستي ڪا خراب ڳالهه نه آهي، پرڏيهي پاليسي بزنس پارٽنرز جي بنياد تي نه آهي، قومي مفاد مطابق هلائڻ گهرجي، نواز شريف ڀارت جي دوري ۾ پنهنجي پٽ کي وٺي جندال گروپ جي آفيس ويو، ان بزنس پارٽنر بيان ڏنو آهي پٺاڻ ڪوٽ جو واقعو پاڪستاني سيڪيورٽي ادارن ڳالهه کي ڊي ريل لاءِ ڪيو آهي، ميان صاحب جي اهڙن دوستن کان دشمن بهتر آهي، اسان جي خواهش آهي ته لاڳاپا بهتر ٿين، خطرو آهي ته اهڙن بيان ۾ امن ڳالهيون ٻيهر ڊي ريل ٿي سگهن ٿيون.

 

پيپلز پارٽي ذوالفقار علي ڀٽو جي پارٽي آهي، جيڪا پورهيتن، هارين لاءِ ٺاهي وئي ۽ انهن کي مضبوط ڪيو ويو: نثار کهڙو

ڪراچي (اين اين آءِ) پيپلز يوٿ آرگنائيزيشن اوڀر ضلعي جي احتمام هيٺ ذوالفقار علي ڀٽو جي 88 هين سالگره جي تقريب پيپلز سيڪريٽريٽ ڪراچي ۾ منعقد ڪئي وئي، تقريب جو خاص مهمان نثار احمد کهڙو هو، وقار مهدي، راشد رباني، فريد انصاري، نجمي عالم، لطيف مغل، اقبال ساند، خرم سليم، شعيب مرزا سميت ضلعي صدر ۽ جنرل سيڪريٽريز ۽ ڪارڪنن وڏي انگ ۾ شرڪت ڪئي، ان موقعي تي سالگره جو ڪيڪ ڪاٽيو ويو، ان کانپوءِ نثار احمد کهڙو چيو ته پاڪستان پيپلز پارٽي ذوالفقار علي ڀٽو جي آهي جيڪا پورهيتن، هارين ۽ آبادگارن لاءِ ٺاهي وئي ۽ انهن سڀني کي سگهارو ڪيو ويو، هن چيو ته ڪو به ماءُ جو پٽ 73 جو آئين ختم نٿو ڪري سگهي، پ پ شروع کان اڄ تائين گهڻو ڪجهه برداشت ڪندي آئي آهي، قيادت جي شهادت، ڪارڪنن جا نظرانا ۽ تاريخ پاڪستان پيپلز پارٽِي ۽ ذوالفقار علي ڀٽو کي ڪڏهن به وساري نٿي سگهي، هن چيو ته پ پ کانسواءِ پاڪستان ۾ اهڙي ڪا پارٽي نه آهي جن جي ڪارڪن پنهنجي ليڊر لاءِ پاڻ کي باهه ڏئي ساڙي ڇڏيو، گوليون کاڌيون ۽ پ پ لاءِ سر ڏنا، هن چيو ته پ پ کي ختم ڪندڙ ڪالهه به اهمڪن جي جنت ۾ رهندا هئا ۽ اڄ به جن جو چٽو ثبوت مڪاني چونڊن ۾ پ پ جي نامزد اميدوارن جو ڪامياب ٿيڻ آهي.

 

عمران فاروق جي قاتلن کي سخت سزا ملڻ گهرجي : ڊاڪٽر فاروق ستار

ڪراچي (اين اين آءِ) ايم ڪيو ايم جي اڳواڻ ڊاڪٽر فاروق ستار چيو آهي ته عمران فاروق جي قاتلن کي سخت سزا ملڻ گهرجي سمجهه ۾ نه پيو اچي ته انصاف ڪيئن ڪيو ويندو اعترافي بيانن سان صرف ميڊيا ٽرائيل جو پيٽ ڀري سگهجي ٿو خانگي ٽي وي سان ڳالهائيندي ڊاڪٽر فاروق ستار چيو ته ملڪ جي تاريخ ۾ ڪوئي به اهم قتل ڪيس آخري انجام تائين ناهي پهتو. هن چيو ته اسان چاهيون ٿا ته انصاف جون گهرون پوريون ڪيون وڃن.