تازيون خبرون

Monthly Archives: December 2015

ڀارت کي کيڏڻو نه آهي ته صاف ٻڌايو وڃي، خاموشي مناسب ناهي: وسيم اڪرم

ڪراچي (اسپورٽس نيوز) قومي ڪرڪيٽ ٽيم جي اڳوڻي ڪپتان وسيم اڪرم چيو اهي ته ڀارت کي ناهي کيڏڻو ته صاف ٻڌائي خاموشي صحيح نه آهي، ڪرڪيٽ نه کيڏڻ سان دهشتگردي ختم نه ٿيندي، پاڪ ڀارت سيريز جي احتمام نه ٿيڻ تي ڀارت ۾ شيڊول ورلڊ ٽي ٽوئنٽي ۾ شرڪت نه ڪرڻ جو پاڪستان جي مفاد ۾ نه هوندو، ٽيم جي ڪوچ ۾ رانديگرن کي سمجهڻ جي صلاحيت هئڻ گهرجي، هن چيو ته ڀارت ڪرڪيٽ سيريز جي حوالي سان پنهنجي فيصلي کان آگاهه ڪري، ها يا انڪار ۾ جواب ڏيڻ گهرجي، خاموشي مناسب نه آهي، معاملو هتي ختم ٿي وڃي ته بهتر آهي، جيڪڏهن ڀارت نٿو کيڏڻ چاهي ته اسان تي ڪو فرق نٿو پوي، هڪ سوال تي اڳوڻي ڪپتان چيو ته يونس خان هڪ سٺو رانديگر ۽ سچو انسان آهي.

 

مري ويندس پر اهو بيان نه ڏيندس ،جيڪو هي چاهين ٿا: ڊاڪٽر عاصم

ڪراچي (اسٽاف رپورٽر) اڳوڻي وفاقي پيٽروليم واري وزير ڊاڪٽر عاصم جو چوڻ آهي ته هو مري ويندو پر اهو بيان نه ڏيندو ،جيڪو هي چاهين ٿا. ذريعن جو چوڻ آهي ته ڪراچي ۾ پڇاڻي واري عدالت ۾ پيشي جي موقعي تي صحافين سان ڳالهائيندي ڊاڪٽر عاصم جو چوڻ هو ته ڀلي مان مري وڃان پر سازشي ماڻهن جي سوچ وارو بيان جيڪو هو چاهين ٿا اهو ڪنهن صورت ۾  به  نه ڏيندس. سڀني الزامن کي منهن ڏيندس،ڀڄڻ وارو ناهيان، سندس چوڻ هو ته هو پاڻ به فوجي آهي ۽ سندس وڪيل به فوجي آهي.

 

ڀارت جو سنيئر اداڪار يوسف خان عرف دليپ ڪُمار 93 سالن جو ٿي ويو

ممبئي (شوبز نيوز) پاڪستاني ڄائو ڀارت جو مشهور ۽ سينيئر اداڪار يوسف خان عرف دليپ ڪُمار 93 سالن جو ٿي ويو، دليپ ڪمار 11 ڊسمبر 1922ع تي  پشاور پيدا ٿيو.سندس پهرين فلم “ڀاٽا” 1944ع ۾ رليز ٿي هئي، جيڪا باڪس آفيس تي ناڪام ٿي وئي، جنهن کانپوءِ شوڪت حسين رضوي کيس پنهنجي بهترين فلم “جُگنو” ۾ جڳهه ڏني، هي فلم 1947ع ۾  رليز ٿي هئي ۽ هن فلم ۾ ميڊم نورجهان دليپ ڪُمار جي هيروئن بڻي،فلم“جُڳنو” کانپوءِ  دليپ ڪُمار پوئتي نه هٽيو ۽ بهترين هدايتڪارن سان گڏ ڪم ڪيو،جنهن  ۾ محبوب خان، نتن بوس،بمل رائي،بي آر چوپڙا،يش چوپڙا ۽ سڀاش گئي  جهڙا هدايتڪار شامل آهن.جنهن  سان گڏجي  هن بهترين فلمون ديوداس، مدهومتي، رام۽شيا،آدمي، سگينه، شڪتي، ودهات، گوپي ۽ مشعل شمال ۾ ڪم ڪيو.دليپ ڪمار 8 ڀيرا فلم فيئر ايوارڊ حاصل ڪيو، پاڪستان حڪومت 1997ع ۾ کيس نشان امتياز ڏنو.بهترين اداڪاري تي دليپ ڪمار کي دادا صاحب ڦالڪي ايوارڊ سان به نوازيو ويو.

 

پاڪستان جي مشهورادڪارابابراشريف پنهنجي 61هين سالگرهه ملهائي

لاهور (شوبز نيوز) لالي ووڊ فلم انڊسٽري جي مشهور ادڪارا بابرا شريف پنهنجي 61هين سالگراهه ملهائي.پاڪستان جي فلم انڊسٽري  جي مشهوراداڪارا 10 ڊسمبر 1954ع تي پيدا ٿي،بابرا شريف 1980ع ۽ 1970ع ۾ حد کان وڌيڪ مشهوري ماڻي ۽ پوري دنيا ۾ مقبول ٿي وئي.بابرا شريف پنهنجي فلمي ڪيرئير جي شروعات 1973ع ۾ 12

سالن جي عمر کان ڪئي.پي ٽي وي جي بهترين ڊرامي“ڪرن ڪهاني” ۾ اداڪاري ڪري بابرا شريف وڏي اداڪارا بڻجي وئي ۽ پاڪستان جي سينيئر اداڪارن،وحيد مُراد،غلام محي الدين،محمد علي،نديم ۽ سلطان  راهي سان گڏ ڪم ڪندڙ بابرا شريف کي  اردو فلمن ۾ وڏي ڪاميابي ملي.بابرا شريف کي بهترين اداڪاري تي 9 ڀيرا نگار ايوارڊ سان نوازيو ويو،جڏهن ته 2013ع ۾ لڪس اسٽائل ايوارڊ ۾ لڪس بيوٽي ائيڪو ايوارڊ به حاصل ڪيو.

 

ڪرڪيٽ جي عالمي اداري ٽي ٽوئنٽي ورلڊ ڪپ 2016ع جي شيڊول جو اعلان ڪري ڇڏيو

دبئي (اسپورٽس نيوز) ڪرڪيٽ جي عالمي اداري “آئي سي سي” ٽي ٽوئنٽي ورلڊ ڪپ 2016ع جي عورتن ۽ مردن جي شيڊول جو اعلان ڪري ڇڏيو،B گروپ ۾ شامل پاڪستان ۽ ڀارت شامل جيڪي 19 مارچ تي هڪ ٻئي جو پاڻي ڪڇيندا.ٽي ٽوئنٽي ورلڊ ڪپ جو ميلو 8 مارچ کان لڳندو جيڪو 3 اپريل تائين ڀارت ۾ جاري رهندو.ايونٽ ۾ 10 ملڪن جون ٽيمون شامل ٿي رهيون آهن.ٽورنامينٽ ۾ مردن جون 35 جڏهن ته عورتن جون 23 ميچون ٿينديون،مردن واري 10 ٽيمن کي ٻن گروپن ۾ ورهايو ويو آهي.فروپ” A“ ۾ سريلنڪا،ڏکڻ آفريڪا،ويسٽ انڊيز ۽ انگلينڊ سوڌو ڪواليفائينگ مرحلي ۾ ڪاميابي ماڻيندڙ  هڪ ٽيم شامل هوندي.جڏهن ته“B“ گروپ ۾ پاڪستان، ڀارت، نيوزي لينڊ، آسٽريليا ۽ ٽي ٽوئنٽي ورلڊ ڪپ لاءِ ڪواليفائنگ ڪندڙٽيم کيڏندي.ورلڊ ٽي ٽوئنٽي  ڪپ ۾ شامل ٿيڻ لاءِ ڪواليفائنگ ڪرڻ لاءِ، بنگلاديش، زمبابوي، اومان، اسڪاٽ لينڊ، هانگ ڪانگ، آرلينڊ، هاليند ۽ افغانستان  ۾ مقابلو ٿيندو.جڏهن ته روايتي مخالف ٽيمون پاڪستان ۽ ڀارت ورلڊ ٽي ٽوئنٽي  ڪپ 2016 ع  ۾ 19 مارچ تي ڪولڪتا جي ميدان تي هڪ ٻئي آمهون سامهون ٿينديون.

 

هوبارٽ ٽيسٽ ۾ ويسٽ انڊيز ڪرڪيٽ ٽيم آسٽريليا  اڳيان بيوس

هوبارٽ (اسپورٽس نيوز) آسٽريليا ۽ ويسٽ انڊيز وچ ۾ سيريز جي پهرين ٽِيسٽ ميچ ۾  ويسٽ انڊيز ٽيم براوو جي ناٽ آئوٽ 94 رنسن کانپوءِ به ميچ ۾ مشڪلاتن جو شڪار.هڪ موقعي تي ويسٽ انڊيز ٽيم جا 6 رانديگر 116رنسن تي پوئتي موٽي ويا هئا،پر ان کانپوءِ ڊيرن براوو شاندار بيٽنگ ڪئي ۽ ٻئي ڏينهن جي راند ختم ٿيڻ تي ٽيم جو اسڪور 207 رنسن تائين پهچايو،ان وقت ديرن براوو 94 ۽ ڪيمروچ 31 رنسن تي بيٺا هئا.ان کان پهريان  آسٽريليا  3 وڪيٽن جي نقصان تي 438 رنسن تان پنهنجي اننگ ٻيهر شروع ڪئي،ته واگ 174 ۽ شان مارش 139 رنسن  تي ناٽ آئوٽ هئا،جڏهن اسڪور 583 تي پهتو ته آسٽريليا اننگ ڊڪليئر ڪئي.واگ پنهنجي ڪيريئر جي بهترين راند کيڏي ۽ 269 ناٽ آئوٽ رنسون ٺاهيون، جڏهن ته مارش 182 رنسون ٺاهي آئوٽ ٿي ويو.ويسٽ انڊيز پاران ويريڪن 3 رانديگرن کي آئوٽ ڪيو.

 

ننڍي کنڊڏانهن وڌندڙ ڪاراڪڪر

ڍاڪا هلندڙ سال جي شروعات ۾ مارجي ويل الحادحامي ليکڪ اويجيت راءِ جي ڪتابن کي ڇاپيندڙ پبلشر فيصل عارفين عمر 43 سال کي ڇنڇر (31 آڪٽوبر ڏيهاڙي ڪات ۽ خنجرن جي مدد سان سندس آفيس ۾ قتل ڪيو ويو وقعي کان ڪجهه ڪلاڪ اڳ شهر جي ٻئي حصي ۾ سيڪيولر انٽرنيٽ بلاگر ۽ ناشر سميت ٽن ڄڻن تي حملو ڪري کين سخت زخمي ڪيو ويو واردات جي ذميواري بندش پيل اسلامي مذهبي گروپ مٿان مڙهي پئي وڃي ياد رهي ته ڪافي وقت کان بنگلاديش ۾ لبرل سوچ رکندڙ اديب ساڳئي انداز ۾ ڪات ۽ خنجر وسيلي ماريا پيا وڃن سندن آفيس ۾ داخل ٿي هنن کي رت ۾ وهنجاري ٻاهران تالو بند ڪري واقعي کي عبر تناڪ بڻايو ٿو وڃي عارفين جي معاملي ۾ نڙگهٽ تي ڪاتي ڦيرائي ٻين کي سبق ڏيڻ جي ڪوشش ڪئي وئي آهي فيبروري 2015 ع ۾ اويجيت را۽ کي اجل جو راهي ڪرڻ کان پوءِ قاتل گروهه لڳاتار هن جي مواد کي شايع ڪندڙ پبلشر همراهن پٺيان لڳو رهيو ساڻس واسطو رکندڙ ۽ ٻين سميت هيل تائين پنج ڄڻن جون سسيون وڍجي چڪيون آهن پوليس موجب ڇنڇر ڏينهن منجهند ٽي وڳي هٿياربند ڪتابن جي خريداري بهاني شڌ سوار پبلشنگ هائوس ۾ داخل ٿيا اندر اچي اڳ ڪٺل آزاد خيال لکاري جو مواد ڇا پيندڙ احمد رشيد توتول سيڪيولر بلاگر راڻا ديپام باسو۽ نوجوان شاعر طارق رحيم مٿان خنجرن ۽ ڪات سان انڌاڌنڌ وار شروع ڪري ڏنائون رحيم کي گولي پڻ لڳي آفيس کي ٻاهران بند ڪري حملو ڪندڙ روانا ٿي ويا زخمين کي پوليس وارن دروزو ٽوڙي اسپتال پڄايو ٽئي شخص علاج هيٺ آهن منجهائن هڪ جي حالت نازڪ ٻڌائي ٿي وڃي ڪنهن گروپ ٻنهي واقعن جي ذميواري قبول نه ڪئي آهي وارداتن ۾سرڪار جڏهن ته اسٽيٽ اندر اهڙي ڪنهن گروپ جي موجود گيءَ کان مسلسل انڪاري آهي مٿي ڄاڻايل احوال خابرواداري اي ايف پي پاران 31 آڪٽوبر تي فلئش ڪيل نيوز اسٽوري جو مختصر تر جمو آهي بنگلا ڏاهپ پوءِ وارين تاريخن ۾ شديد ردعمل ڏيکاريندي رهي آهي اتان جي گورنمينٽ جي مجر ماڻي چپ سندن چڙ ۾ وڌيڪ اضافو آڻيندي ساڳيءَ ريت پر هندو شدت پر ستن هٿان انڊيا ڌار ٻريل آهي ليکڪن تي حملا اديبن پاران رواداري جي اڻهوند سندي وايو منڊل خلاف سرڪاري سندن جي واپسي مظاهرا ۽ ٻيا مامرا شوسينا جون ڪارروايون هاڻ مودي ۽ ساٿارين جي مٿي جو سور آهن نانءَ ڪٺيي هندو نيشنلزم کي بيگناهه شهرين جو رت پياري خود وڏو ڪيائون.

بي جي پي جي همراهن واتان سرڪار ٿيڻ بعد سهپ جي ڳالهه ۽ سا به ڌرمي تفاوتن وچ ۾ سڻي گهڻن کي حيرت وڪوڙي وئي آهي هندوستاني حڪومت طرفان آرايس ايس جي خوني ڇاڙتن کي ڇوٽ ڇڏڻ دردناڪ بي حسي جو نظارو پيش ٿو ڪري سمورو انڊين سماج ۽ خاص طور تي اتان جو سيڪيولر مزاج مسلم ٿورائي سخت دٻاءَ هيٺ آهن مودي جهڙي ٽه پتائي سياست واري کي اڃا ٻيا ڪجهه سال مليا ته دنيا جي مهان جمهوريت سڏرائيندڙ ان ملڪ جو ٻيڙو ٻڏل ڄاڻو هر قسم جي ضابطي قانون کان آجي پاڪستان جي تونگري امير ماڻهو ذاتي ڪچهرين ۾ داعش جا لياڪا نهاري رهيا آهن ميڊيا کان پرڀرو ٻه اکر پڙهيل آدمي سندن آمد اجهو ڪي پروڙي ٿو سلمان تاثير جي قتل وقت صدر زرداري جي نودپائي سڀني کي ککي ٿي پوءِ جي واقعن ۾ پنجاب جي هوم منسٽر سميت اديب رضا رومي ۽ سماجي ورڪر سبين ڪيترن ئي وڪيلن ڊاڪٽر نوع جي پروفيشنلز مٿان قاتلاڻا حملا سواءِ رومي جي ڪنهن جو به بچي نه سگهڻ شيعن عيسائين پويان رڻ ٻارڻ هزارين عام شهرين جو ٻليدان چڙهڻ ۽سيڪيور ٽي ادارن کي تارگيٽ ٺاهڻ ٻڌائين ٿا ته ڪات ڪهارا کڻي ايندڙ ايترو ڏور به نه آهن گمان سي پڻ سڻجن ته هو پنهنجا پير حساس ڊپار ٽمينٽس م کوڙي ويا هجن عجب ڪيئن وٺي صفوران ڳوٺ ڀرسان 45 اسماعيلي مسافرن کي هڪڙو ڌڪ ڪندڙ جاهل ڄٽ پٺاڻ مه هئا آءِ بي اي مان تعليم ورتي هئائون رتوڇاڻ جي ايجنڊا سانڍيندڙ نهايت علم پرايل ٽيڪنيڪل واگهه آهن اهڙي صورتحال هتان جي اٽڪل هر رهواسي کي وردي پهريل لبرل انگ جي ويجهو پهچائي چڪي آهي ٻه مهينا پهريائين 6 سيپٽمبر جي جشن کي ياد ڪجي بنگلاديش هجي يا انڊيا اسين پاڻ سياست سان واسطو رکندڙن کان سرس دانش ۽ ادب سان لاڳاپيل فردنشاني تي آهن هن ليک جي شروعاتي حصي ۾ ڍاڪا ۾ پيش ايندڙ وارداتن جي ذڪر ڪرڻ جو مقصد پڙهندڙ کي اها واٽ ڏيکارڻ ڄاڻجي رڳو ننڊ ۾ نه شام عراق افغانستان جي ساڳي وارتا سڻجي پاميرا جي مها آرڪيالوجسٽ کان وٺي قندوز جي اليڪٽرانڪ اينڪ عورتن تائين هو هر ان انسان جي رت جا پياسا آهن جيڪو روشني جاڳرتا جي ڳالهه ٿو ڪري .

انتهاپسند مسلمان يا هندو هجي هنن جي ارادي جي هڪجهڙائي ڀوائتو لقاءُ پسجي جن ٽن چئن رياستن ۾ اڄ اسان رهون ٿا انڊيشو آهي ته اهي ايندڙ سمئه وڏي مانڏاڻ ۾ هونديون لبرل ازم ۽ سيڪيولر سوچ جو تصور به ڪاريهر مٿان ٻرانگهه برابر نتيجا ڏيندي ملندو نالي ۾ نهال لبرل سيڪيولر نيشنلسٽ ۽ ٻين غير دينياتي نان ٿيو سافيڪل لاڙن جي پالنا ڪندڙ صاحبن کي اي ايف پي جي مٿي ترجمو ڪيل نيوز اسٽوري ۾ پنهنجو انجام چٽيءَ ريت ڏسڻ کپي راوي خود کي کانئن جدا صفا نه ٿو ليکي عام خلق جو فڪر اجايو آهي هوءَواءَ جي رخ سان ڊوڙڻ شروع ڪندي منجهن لڪل بگهڙ نڪري نروار ٿي بيهندو توهان تي ۽ پڻ مون مٿان سو پاڙيوارو ڪات اٿوڪرڻ ۾ دير نه لڳائيندو جنهن کي آرام پهچائڻ خاطر اسين زور ڏيندا رهيا آهيون رات الاهي ٻاٽ ٿي چڪي تدارڪ ڪوئي نه آهي لبرل سيڪيولر ۽ هانيشنلسٽ همراهه پنهنجا ڪيتا ڏيندا غور ڪبو ڳوڙهو ويچاربو ته داعش ۽ شوسينا سندا راڪاس هنن جي ناڪامي جا اهڃاڻ آهن صدمو برابر ٿئي ٿو پر بنگلاديش ۽ سندس پاڙيسري ملڪن ۾ آزاد خيال ارواح جنهن عتاب هيٺ آهن اهو هڪ طرح سان لبرل سيڪيولر ۽ نيشنلسٽ ويندي مار ڪسي ڏاهپ جي ڪڌائپ تي مبني ڪرتوتن جو منطقي انجام آهي لوڪ کي مذهب آڌاريل فڪر ۽ اخلاقيات تان هٿ کڻڻ جو چوندا رهيا هنن سامهون متبادل سماجي قدرن جا هاڪاري مثال ڪين ٿي بيٺا البت بشري ڪمزوريون کاٻي ڌر جي سڃاڻپ رهيون سوسائٽي ڪاڻ آدرشي انصاف جو قسم نامو ڪلهي کڻي گهمندڙ پنهنجي ڪنهن هڪ ويجهي رشتي سان نياءُ شايد ئي ڪري سگهيا هجن پوءِ پڻ منجهائن هر هڪ بغاءَ روشني جو مينار ڄاڻجي ڪک پن ٿي اڪيلا مارجي رهيا آهن افسوس ته جيڪي سلامت آهن انهن جو وارو ايندي دير ڪانه لڳندي اسلامي ويڙهاڪ يا هندو سفاڪ ننڍو کنڊ تاريخ جي اونداهي موڙ طرف وڌي رهيو آهي کيس روڪڻ هاڻ ممڪن نه ٻوجهو ترياق ڪوئي ناهي.

پبلڪ اوهان سان ڇا لاءِ بيهي عوام ڏنڊي بردار ٽولي جا گڻ ڳائيندو ملي سدائين هونءِ به نئين دهلي جي پارليامينٽ بلڊنگ آڏو ڪانگريس جي مک قيادت کي ڌرمي ڪروڌ مخالف مظاهري ۾ نهاري ڪاوڙ کان سواءِ ٻيو ڪواحساس نه جاڳي ورهين تائين هو انڊيا جي اڇي ۽ ڪاري جا مالڪ رهيا اقتدار ملڻ شرط ڏوڪڙ ميڙڻ سندن پهرين ۽ آخري ترجيح رهي نعرو سوشل جسٽس جو ٿي لڳايائون ۽ مصروف ڀڀ ڀرڻ ۾ رهيا ڀارت اندر سهپ ڀري ماحول جي غير موجودگي جا سڀ کان وڏا ذميوار اتان جا سيڪيولر ۽ لبرل عنصر آهن ساڳي ڳالهه بنگلا عوامي ليگ پاڪستان پيپلز پارٽي ۽ افغانستان سميت علائقي جي مڙني ملڪن جي مارڪسوادي ڌرين لاءِ لکجي ٿي جن کي پاڻ غير مذهبي نيشنلسٽ تنظيمون ٿا ڪوٺيون انهن ساڻ هٿياربند ڏوهاري گروپ سلهاڙيل پسجن جنهن خلا کي اڄ الهام جي جهنڊي هيٺ انتهاپسندي پر ڪري رهي آهي سو سچ به ته الحاد جي حامي فڪر جي پوئلڳي ڪندڙن پاران ڇڏيل پروڙجي ڏکڻ ايشيا ۾کاٻي ڌر چورائيندڙ وري ڪنڌ کڻي نه سگهندا رليجن جي سهاري ڪات ڪهاڙا کڻي ايندڙ ڪاهيندا اچن هر طرح جي نتيجي سان منهن سامهون ٿيڻ واسطي تياري وٺجي .

 

آمريڪا ۾ ڪَرُ کڻندڙ مسلم مخالف مهم: بابر امجد

آمريڪي ري پبلڪن پارٽي جي سياستدان ۽ آمريڪا جي ايندڙ صدارتي چونڊ جي لاءِ پارٽي ٽڪيٽ حاصل ڪرڻ جي ڪوشش ۾ مصروف ڊونلڊ ٽرمپ مسلمانن جي آمريڪا اچڻ تي مڪمل پابندي لڳائڻ جو مطالبو ڪيو  آهي. ڊونلڊ ٽرمپ جو اهو بيان گذريل هفتي ڪيليفورنيا ۾ ٿيندڙ اُن حملي کانپوءِ سامهون آيو آهي، جنهن ۾ هڪ مسلمان جوڙي مبينا طور فائرنگ ڪري 14 ماڻهن کي ماري ڇڏيو هو. ڊونلڊ ٽرمپ جي مشيرن ان بيان جي وڌيڪ وضاحت ناهي ڪئي. سومر جي رات يارڪ ٽائون ۾ پنهنجي 55 منٽن جي تقرير ۾ ٽرمپ چيو ته ”حالات خراب کان خراب ٿيندا پيا وڃن ۽ هڪ دفعو ٻيهر ورلڊ ٽريڊ سينٽر جهڙي وڌيڪ حملي کي منهن ڏيڻو پئجي سگهي ٿو.“ وائيٽ هائوس پاران ٽرمپ جي ان بيان کي آمريڪي قدرن جي نفي قرار ڏنو ويو آهي.

وائيٽ هائوس ۾ صدر باراڪ اوباما جي پرڏيهي معاملن جي مشير بن روهڊز ٽرمپ جي بيان تي ردعمل ظاهر ڪندي چيو ته ”اسان جي شهري قانون ۾ مذهب جو احترام ۽ مذهبي آزادي شامل آهي.“ ري پبلڪن سياسدان ٽرمپ ڪجهه عرصي کان نهايت ئي بي باڪي سان مسلمانن جي خلاف بيان ڏئي رهيو آهي، پيرس ۾ دهشتگردن جي حملي ۽ هاڻ ڪيليفورنيا ۾ ٿيل دهشتگردي جي تازي واقعي بعد ڊونلڊ ٽرمپ  جي طرف کان مسلمانن جي خلاف ڏنل بيانن تي آمريڪي مسلمان برادري سميت ٻين سياسي حلقن ۾ ڳڻتي جي لهر ڇانيل آهي. گذريل مهيني ٽرمپ اها دعويٰ ڪئي هئي ته نائن اليون جي دهشتگردي جي واقعن کانپوءِ هن نيوجرسي جي ڪجهه علائقن ۾ هزارن جي تعداد ۾ خوشي ملهائيندڙ ماڻهن کي ڏٺو هو، جن ۾ وڏي تعداد ۾ عرب ڄاوا آمريڪي مسلمان به شامل هئا.

ٽرمپ جي مسلمانن خلاف ڏنل تازي بيان ڊيموڪريٽس سان گڏوگڏ خود ريپبلڪنز جي حلقن ۾ ڪجهه سٺو تاثر ناهي ڇڏيو.  سوشل ميڊيا تي مائڪرو بلاگنگ ويب سائٽس ٽوئيٽر تي ري پبلڪن سياستدانن ٽرمپ تي تنقيد ڪئي آهي، جيڪو صدارتي اليڪشن جي مهم ۾ بطور اُميدوار شامل آهي. مثال جي طور تي آمريڪي رياست فلوريڊا جي اڳوڻي گورنر جيب بُش پنهنجي ٽوئيٽ ۾ اهو پيغام پوسٽ ڪيو: ”ٽرمپ جي پاليسين جي پيشڪش سنجيده نه آهي.“

هوڏانهن صدارتي اليڪشن جي اهم ڊيموڪريٽڪ اُميدوار هليري ڪلنٽن ٽرمپ جي بيان تي تبصرو ڪندي چيو ته ”اهو طعنو ڏيڻ، تعصب ۽ معاشري کي ورهائڻ جي ڪوشش آهي.“ هليري ڪلنٽن چيو ته اهڙي طرح جي بيانن مان ڪجهه حاصل نه ٿيندو. هڪ ٻئي ٽوئيٽ ۾ ڪلنٽن لکي ٿي ته ”ٽرمپ جهڙن بيانن سان اسان جون زندگيون وڌيڪ غير محفوظ ٿي وينديون.“

ڪلنٽن جي هڪ سياسي دوست ۽ ڊيموڪريٽڪ سياستدان مارٽن او مالي ٽرمپ جي بيان جي مذمت ڪندي هن کي ”فاشسٽ ۽ جذباتي“ قرار ڏنو آهي.

مسلم دنيا ۾ ٽرمپ جي بيان تي سخت ردعمل جو اظهار ڪيو پيو وڃي، پاڪستان ۽ انڊونيشيا ٽرمپ جي مسلمان مخالف بيان جي مذمت ڪندي هن کي تعصب ڦهلائڻ وارو سياسي ليڊر قرار ڏنو آهي ۽ چيو ته هن جا بيان تشدد کي هٿي ڏيڻ جو سبب بڻجي رهيا آهن. پاڪستان جي معروف هيومن رائٽس اڳواڻ عاصمه جهانگير جو چوڻ آهي ته ”ٽرمپ جو بيان ايترو مذاق جوڳو آهي جو مان ان تي ردعمل ظاهر ڪرڻ به پسند نه ٿي ڪريان.“ هن جي بقول ”آمريڪي صدر بڻجڻ جو اُميدوار ڪو سياسي ليڊر ڪهڙي طرح اهڙي جهالت ۽ تعصب تي ٻڌل بيان ڏئي سگهي ٿو. ٽرمپ جو بيان پاڪستان جي ڪنهن جاهل ۽ تعصبي مُلا جي بيان جو مقابلو ڪري ٿو، جيڪو ٻين مذهبن جي مڃڻ وارن جي مذمت ڪندو رهندو آهي. اسان آمريڪا جيترا ترقي يافته ناهيون پر پوءِ به اسان اڄ تائين اهڙي شخص کي صدارتي منصب جي لاءِ منتخب ناهي ڪيو.“ جڏهن ته پاڪستان علماءِ ڪائونسل جي سربراهه طاهر اشرفي چيو آهي ته ”ٽرمپ جو بيان تشدد کي هوا ڏيڻ وانگر آهي.“ هن وڌيڪ چيو آهي ته ”جيڪڏهن ڪو چوي ته مسلمانن ۽ مسيحن  جي وچ ۾ جنگ جاري آهي ته اسان ان جي مذمت ڪريون ٿا ته پوءِ آخر ڪنهن آمريڪي جي اهڙي بيان جي مذمت ڇو نه ڪئي وڃي؟“

ڪيليفورنيا واقعي کانپوءِ آمريڪي صدر باراڪ اوباما پنهنجي هڪ غير معمولي عوامي خطاب ۾ دهشتگردي جي هڪ نئين لهر تي ڪنٽرول حاصل ڪرڻ جي عزم جو اظهار ڪندي چيو آهي ته ”هن جنگ کي دهشتگردي ۽ اسلام جي جنگ نه سمجهڻ گهرجي.“ آمريڪي صدر آچر جي رات وائيٽ هائوس جي اوول آفيس مان پنهنجي خطاب ۾ چيو ته ”دهشتگردي جي هن نئين لهر ۾ آمريڪا سميت سڄي دنيا ۾ مسلمانن جي ذهنن کي خراب ڪرڻ، انهن ۾ زهر ڀرڻ جي ڪوشش ڪئي پئي وڃي.“ هن وڌيڪ چيو ته ”ان صورتحال کان گهٻرائڻ نه گهرجي ڇو ته ’آزادي خوف کان وڌيڪ طاقتور آهي.‘ آچر جي رات آمريڪي صدر جو اهو خطاب گذريل هفتي آمريڪي رياست ڪيليفورنيا ۾ ٿيل دهشتگردي جي واقعن جي تناظر ۾ هو. گذريل اربع ڏينهن آمريڪي رياست ڪيليفورنيا جي علائقي سان برنارڊينو ۾ هڪ چرچ ۾ معذور ماڻهن جي تقريب ۾ هڪ جوڙي فائرنگ ڪري 14 ماڻهن کي قتل  ۽ 21  ڄڻن کي زخمي ڪري ڇڏيو هو.

اوباما پنهنجي  خطاب ۾ چيو ته ”مون کي معلوم آهي ته ايڏي وڏي جنگ جدل کانپوءِ آمريڪي اهي سوال ڪري رهيا آهن ته  ڇا اسان اهڙي سرطان جو شڪار ٿي ويا آهيون، جنهن جو ڪو به علاج ممڪن ناهي؟“ اوباما چيو ته ”دهشتگردي جا خطرا حقيقي آهن پر آمريڪا انهن کي منهن ڏيندو.“ اوباما وڌيڪ  چيو ته ”ڪيليفورنيا ۾ فائرنگ ڪندڙ جوڙي جو سڌو سنئون ڪنهن دهشتگرد تنظيم سان لاڳاپن جي شاهدي ناهي ملي ۽ نه ئي اهو ثابت ٿيو آهي ته حملو ڪنهن غير ملڪي  دهشتگرد نيٽ ورڪ پاران ڪنهن وڏي حملي جي تياري جو حصو هو پر  ”حملي آور جوڙو  انتهاپسندي جي ڪاري اونداهي رستي نڪتا هئا.“ آمريڪي  صدر باراڪ اوباما چيو ته ”جيڪڏهن اسان دهشتگردي کي شڪست ڏيڻ چاهيون ٿا ته اسان کي مسلمان برادري کي مضبوط ترين اتحادي جي طور تي گڏ کڻڻو پوندو ۽ هنن کي شڪ  و شبهن ۽ نفرت جو شڪار ٺاهي الڳ نه ٿو رکي سگهجي.“ اوباما پرڏيهي کاتي ۽ هوم لينڊ سيڪيورٽي جي کاتي کي ”فيانسي ويزا“ يعني مڱڻي جي ويزا تي ايندڙ ماڻهن لاءِ اسڪريننگ جي عمل کي سخت ڪرڻ جا پڻ حڪم ڏنا آهن. ڇوته ڪيليفورنيا ۾ دهشتگردي جي واقعي ۾ مبينا ملوث عورت تاشفين به شايد اهڙي ويزا جي ذريعي آمريڪا پهتي هئي.

 

مودي سرڪار نيٺ پاڪ-ڀارت ڪرڪيٽ سيريز جي منظوري ڏئي ڇڏي

نريندر مودي جي سرڪار آخرڪار سريلنڪا ۾ پاڪ-ڀارت سيريز جي باضابطا منظور ڏئي ڇڏي آهي ۽ بي سي سي آءِ پاران پي سي بي کي ان فيصلي جو اطلاع ڏئي ڏئي ڇڏيو آهي، ميڊيا رپورٽ مطابق پيرس ۾ پاڪ-ڀارت جي وزيراعظمن ۾ ٿيندڙ ملاقات ۾ ٻنهي ملڪن وچ ۾ سفارتي لاڳاپن ۾ ڪنهن حد تائين بهتري آئي آهي، نريندر مودي حڪومت پاران ٻنهي ملڪن وچ ۾ هڪ ڏينهن واري ٽي 20 سيريز تي به حامي ڀري ورتي آهي، ڀارتي ڪرڪيٽ بورڊ پاران پي سي بي کي پنهنجي حڪومت جي فيصلي جو اطلاع ڏئي ڇڏيو آهي، پر هن جو باضابطا اعلان پرڏيهي وزير سشما سوراج جي اسلام آباد دوري تي يا ان کانپوءِ جلد ڪيو ويندو.

 

حڪومت ۽ پاڪ فوج جو ڪراچي آپريشن ختم نه ڪرڻ تي اتفاق

 

گذريل ڏينهن وزيراعظم هائوس ۾ آرمي چيف جنرل راهيل شريف وزير اعظم نواز شري سان ملاقات ڪئي، ملاقات ۾ ٻنهي  اڳواڻن آپريشن ضرب عضب تي اڳڀرائي جو جائزو ورتو، قومي ۽ علائقائي سلامتي بابت معاملن تي خيالن جي ڏي وٺ ڪئي، وزيراعظم نواز شريف دهشتگردي جي مڪمل خاتمي تائين جنگ وڙهڻ جو اعلان ڪندي چيو آهي ته عوام فوج جي قربانين کي ڪڏهن به نه وساريندو جڏهن ته آرمي چيف ۽ وزيراعظم ڪراچي ۾ جاري آپريشن ڪنهن به صورت ۾ ختم نه ڪرڻ تي اتفاق ڪندي چيو آهي ته شهر کي ٻيهر دهشتگردن جي رحم ڪرم تي نٿو ڇڏي سگهجي، عوام فوج ۽ سيڪيورٽي ادارن جي جوانن ۽ آفيسرن جي قربانين کي ڪڏهن به نه وساريندي، ملڪ مان دهشتگردي جي ناسور جي خاتمي تائين جنگ جاري رهندي ۽ ان کي ڪنهن به صورت ۾ اڌ ۾ نه ڇڏيو ويندو.  جڏهن ته نويڪلائي ۾ ٿيل ملاقات ۾ ٻنهي اڳواڻن ان ڳالهه تي اتفاق ڪيو ته روشنين جي شهر ڪراچي کي ٻيهر اونداهي ۾ نٿو ڌڪي سگهجي، امن امان برقرار رکڻ لاءِ ڪراچي آپريشن تي ڪنهن به قسم جو ٺاهه نه ڪيو ويندو ۽ شهر کي دهشتگردن جي رحم ۽ ڪرم تي نه ڇڏيو ويندو. هوڏانهن وزيراعظم نواز شريف جي صدارت ۾ اعليٰ سطحي اجلاس ۾ هارٽ آف ايشيا ڪانفرنس جي ايجنڊا تي غور ڪيو ويو. اجلاس وزيراعظم هائوس ۾ ٿيو، اجلاس ۾ ناڻي واري وفاقي وزير اسحاق ڊار، گهرو وفاقي وزير چوڌري نثار علي خان، چيف آف آرمي اسٽاف جنرل راحيل شريف، قومي سلامتي جي صلاحڪار ليفٽيننٽ جنرل (ر) ناصر جنجوعه، وزيراعظم جي پرڏيهي صلاحڪار سرتاج عزيز ۽ وزيراعظم جي خاص مددگار طارق فاطمي شرڪت ڪئي. اجلاس ۾ هارٽ آف ايشيا ڪانفرنس ۽ افغانستان جي صدر اشرف غني جي ايندڙ دوري بابت معاملن تي خيالن جي ڏي وٺ ڪئي وئي، افغان صدر هارٽ آف ايشيا ڪانفرنس ۾ شرڪت ڪندو. قومي سلامتي واري صلاحڪار ناصر جنجوعه اجلاس کي بئنڪاڪ ۾ پاڪستان ۽ ڀارت جي قومي سلامتي جي صلاحڪارن جي سطح تي ڳالهه ٻولهه ۾ ٿيندڙ اڳڀرائي کان آگاهه ڪيو.