تازيون خبرون

Daily Archives: December 4, 2015

مان ۽ ڪاجول ڪافي قريب آهيون، اسان ٻنهي ۾ پيار آهي: شاهه رخ خان

ممبئي (شوبز نيوز) بالي ووڊ ڪنگ خان چيو آهي ته مان ۽ ڪاجول کي صرف دوست چئي مخاطب نٿا ڪري سگهو اسان ٻنهي وچ ۾ پيار خيال رکڻ ۽ حقيقي خواهش موجود آهي پنهنجي فلم دل والي جي نئين سانگ جي رليز ٿيڻ جي موقعي تي شاهه رخ خان ميڊيا سان ڳالهائيندي چيو ته مان ۽ ڪاجول هڪٻئي جي تمام ويجهو آهيون شاهه رخ چيو ته ڪاجول ۽ مان ويجها دوست آهيون جنهن جي باعث مون کي ڪاجول جو صرف دوست چوندي ڪافي عجب لڳندو آهي اسان 21 يا 22 سال پهريان پنهنجي ڪيريئر جو آغاز ڪيو هو ۽ ان سبب اسان هڪٻئي سان خوش رهندا آهيون شاهه رخ چيو ته مان ڪاجول سان جڏهن به ملندو آهيان مون کي اجنبيت محسوس نه ٿيندي آهي ۽ هو ڪاجول لاءِ هميشه سٺيون دعائون ڪندو آهي. فلم دل والي 18 ڊسمبر تي سئنيما گهرن ۾ نمائش لاءِ پيش ڪئي ويندي.

 

ايشوريا راءِ پنهنجي مداحن کان مون لڪائڻ تي مجبور

ممبئي (شوبز نيوز) ڀارتي فلم نگري جي اداڪاره ۽ اڳوڻي ملڪه حسن ايشوريا راءِ بچن جي صورت ڏسڻ لاءِ هزارين ماڻهو بيچين رهن ٿا پر ان جو اهو عالم آهي جو هو پنهنجي مداحن کان منهن لڪائڻ تي مجبور آهي هي ڪنهن بيماري سبب نه آهي پر هو پنهنجي ايندڙ فلم ۾ جيڪو ڪردار نڀائي رهي آهي ان کي ان جي جهلڪ فلم ڏسندڙن کي پهريان ئي ڏيکارڻ کان ممانعت ڪئي آهي ڀارتي ميڊيا مطابق ايشوريا راءِ انهن ٻنهي معروف فلم ساز ڪرن جوهر جي فلم اي دل هي مشڪل جي شوٽنگ ۾ مصروف آهي ان فلم ۾ ان سان انوشڪا شرما رنبير ڪپور ۽ پاڪستاني اداڪار فواد خان به اداڪاري جا جوهر ڏيکاري رهيو آهي فلم ۾ ايشوريا راءِ منفرد ڪردار ادا ڪري رهي آهي جنهن لاءِ ان جو خصوصي ميڪ اپ ڪيو وڃي ٿو. فلم جي هدايتڪار جو خيال آهي ته ان کي پنهنجو نئون انداز شوٽنگ جي پڄاڻي تائين مداحن کي نه ڏيکاريو وڃي ان لاءِ ڪوشش ڪئي وڃي ٿي ته شوٽنگ دوران ڪوئي غير واسطيدار شخص اتي موجود نه هجي ۽ شوٽنگ کان بعد به ان کي وڏي وڏي ڪئمپن جي ڪوٽ ۾ ان جي آرامگاهه ۾ موڪليو وڃي ٿو.

 

انگلينڊ خلاف ٿيل غلطيون ٻيهر نه ورجائبيون،محمد عامر کي ڀارت خلاف کيڏائي سگهون ٿا: وقار يونس

لاهور(اسپورٽس نيوز) پاڪستان ڪرڪيٽ ٽيم جي بالنگ ڪوچ وقار يونس چيو آهي ته پنهنجي پاڙيسري ملڪ ڀارت خلاف سيريز ۾  اسپاٽ فڪسنگ ڪيس ۾ سزا کائيندڙ محمد عامر کي شامل ڪري سگهون ٿا.پي سي بي آفيس ۾ ميڊيا سان ڳالهائيندي وقار يونس جو چوڻ هو ته ڀارت خلاف اهي غلطيون نه ڪيو وينديون،جيڪي غلطيون انگلينڊ ٽيم خلاف ٿيون،ڇو ته ڀارت خلاف سيريزجي هر ميچ اهم هوندي ۽ ان ۾ نوجوان رانديگرن کي موقعو ڏيڻ جو سوچي رهيا آهيون، جنهن ۾ محمد عامر جو نالو به سوچ هيٺ آهي.هڪ سوال جي جواب ۾ وقار يونس جو چوڻ هو ته  محمد عامر ۾ وڏي راند آهي مان هُن جي هر بال کي ڏسي رهيو آهيان، محمد عامر ڊوميسٽڪ ميچن کانسواءِ عالمي ليگ ۾ به سُٺي راندي کيڏي رهيو آهي، جيڪڏهن قومي ٽيم کي ضرورت پئي ته کين گهرائي سگهجي ٿو ۽ ڀارت خلاف کيڏائڻ تي به سوچي رهيا آهيون.

 

نيوزيلينڊ ۽ سريلنڪا جي ڪرڪيٽ ٽيمن وچ ۾ پهرين ٽيسٽ ميچ 10 ڊسمبر کان شروع ٿيندي

ڊونيڊن (اسپورٽس نيوز) نيوزيلينڊ ۽ سريلنڪا جي ڪرڪيٽ ٽيمن وچ ۾ پهرين ٽيسٽ ميچ 10 ڊسمبر کان ڊونيڊن ۾ شروع ٿيندي، سريلنڪا جي ٽيم اڄڪلهه نيوزيلينڊ جي دوري تي آهي ۽ اها ميزبان ٽيم جي خلاف ٻن ٽيسٽپنجن ون ڊي ۽ 2 ٽي- 20 انٽرنيشنل ڪرڪيٽ ميچن جي سيريز کيڏندي، ٻنهي ٽيمن وچ ٽيسٽ سيريز جي شروعات 10 ڊسمبر کان ٿيندي، جنهن کان پوءِ ٻئين ۽ آخري ٽيسٽ ميچ 18 کان 22 ڊسمبر تائين کيڏي ويندي، سريلنڪا ۽ نيوزيلينڊ جي وچ ۾ ون ڊي سيريز جي پهرين ميچ 26 جنوري، ٻئين ميچ 28 ڊسمبر، ٽئين ميچ 31 ڊسمبر، چوٿين ميچ 2 جنوري جڏهن ته پنجين ۽ آخري ون ڊي ميچ 5 جنوري تي کيڏي ويندي.

 

سنڌ کي مڪاني چونڊون ڇا ڏئي سگهنديون…؟: علي نواز ٻٽ

مڪاني چونڊن جو ٻيو مرحلو خيرن سان گذري ويو، پهرئين مرحلي ۾ 31 آڪٽوبر تي درازا ۾ اڻ وڻندڙ واقعو ٿيو. ان جو فائدو وٺي سنڌ جي حڪمران پارٽي انهن سمورن علائقن جي اليڪشن ملتوي ڪرائي ڇڏي جتي کين شڪست جو ڊپ هيو، ٻئي مرحلي ۾ به قاسم آباد ۾ سنڌ يونائيٽڊ پارٽيءَ جي اڳواڻ ڊاڪٽر انور لغاريءَ جو قتل، سنڌ اندر صاف ۽ شفاف چونڊن واري دعويٰ تي آڱر کڻڻ تي مجبور ڪري ٿو.

جيئن قومي ۽ صوبائي اليڪشن وقت پيپلز پارٽي ۽ متحده قومي موومينٽ ۾ تضاد ظاهر ڪيو ويو هيو، مڪاني نظام کي تبديل ڪري نئون مڪاني نظام آندو ويو هيو ۽ الطاف حسين کان ڌار صوبي جي ڳالهه ڪرائي وئي هئي. تيئن مڪاني چونڊن وقت وري فاروق ستار کان بيان ڏياريو ويو ته جيڪڏهن ساڻن ڪو مسئلو ڪيو ويو ته هو ڌار صوبي جي ڳالهه ڪندا. هوڏانهن ”ن ليگ“ هڪ ته پنجاب ۾ هاري پيڪيج جو اعلان ڪيو، ٻيو وري ڪالاباڊ ڊيم جي اشو کي نئين سر جياريو ته جيئن پنجاب ۾ سندس پوزيشن بهتر ٿي سگهي. ڪالاباڊ ڊيم واري اشو ۽ مهاجرن _متحده قومي موومينٽ) پاران ڌار صوبي واري ڳالهه سان پيپلز پارٽيءَ کي سنڌ ۾ آڪسيجن ملي وئي.

ٻيو ته نئين مڪاني نظام ۾ يونين ڪائونسلن کي ننڍن ننڍن وارڊن ۾ ورهايو ويو ۽ ٽيون اهو ته يونين ڪائونسل تي اڌ اميدوارن جي چونڊ ڪئي ويندي ۽ اڌ کي وري چونڊيل عهديدار ۽ ڪائونسلر پاڻ چونڊيندا، اهڙو نظام جوڙيو ويو آهي جو عام ماڻهو ڪائونسلر طور چونڊجي اهو ڏاڍو مشڪل آهي.

مڪاني ادارن لاءِ چيو وڃي ٿو ته اهي عام خلق جي ڀلائيءَ لاءِ ڪم ڪندا، سو اهو ڏاڍو مشڪل ٿو لڳي، ڇوته پاڪستان ۽ خاص طور سنڌ جهڙي ملڪ ۾ انهن جمهوري نظامن ۾ عوام غريب ماريو، مزدور ۽ مڊل ڪلاس جو ماڻهو رڳو ووٽ ڏيڻ لاءِ پيدا ٿيو آهي، اهو اليڪشن نه ٿو وڙهي سگهي. شهدادڪوٽ ۾ جيڪو ڪجهه ڪيو ويو اهو عوام جي سامهون آهي، جيڪڏهن اميدوار طاقتور نه آهي، هن جي اعليٰ سطح تي رسائي نه آهي ته ان جو جيئڻ ئي جنجال ڪيو ٿو وڃي، ڪوڙا ڪيس، جيل ۽ ٿاڻا، پوليس کان بچندو ته سياستدانن جي غنڊن کان نه بچندو، مار به کائيندو ۽ داد فرياد به نه ٿيندس.

چيو وڃي ٿو ته مڪاني چونڊون جمهوريت جي نرسري آهن، جيڪڏهن ڪنهن ملڪ جي سري ئي خراب هجي ته اتي ”صحت مند جمهوريت“ ڪيئن اُسري سگهندي؟ هتي اڃا تائين عوام بمقابله وڏيرا، سردار، جاگيردار، نواب، سرمائيدار ۽ اسٽيبلشمينٽ جي ايجنٽ ٿي ئي نه سگهيو آهي. ڪجهه ملان مولوي ميدان ۾ اچن ٿا ته انهن وٽ به پئسي ۽ اسلحي جا ذخيرا آهن. باقي وڏيرا به مقابلا وڏيرا ملان به مقابلا ملان، ٺيڪيدار به مقابلا ٺيڪيدار، ڌاڙيل به مقابلا ڌاڙيل آهن، انهن مان جن کي اسٽيبلشمينٽ جي ٽيڪ هوندي آهي اهي ڪامياب ٿيندا آهن. عوام جي زندگي گذارڻ جون جيڪي به شيون آهن اهي انهن جتي پتي سياستدانن جي قبضي ۾ آهن، مثال طور زمين وڏيري وٽ آهي، هاريءَ جي زندگيءَ جو دارومدار انهيءَ زمين کي کيڙڻ تي آهي. هو ووٽ نه ڏيندو ته زمين تان بي دخل ڪيو ويندو. ننڍي آبادگار جو دارومار زمين آباد ڪرڻ تي آهي، جيڪڏهن کيس پاڻي ملندو ته زمين آباد ڪندو، جي پاڻي نه ملندو ته زمين ڪيئن آباد ڪندو.؟ مورو شهر ۾ جتوئي صاحبن ۽ پير ڳوٺ واري پاسي ”ف“ ليگ جي متاثر ٿيڻ جو هڪ سبب ننڍن آبادگارن جو پاڻي بند ڪرڻ آهي، دِهن جون دِهون غير آباد پيون آهن ۽ ماڻهو مزدوري ڪرڻ تي مجبور آهن، جيڪڏهن ڪجهه ٽارو ڪن ته سندن لاءِ بهتر ٿي سگهي ٿي.

پڙهيل لکيل ماڻهوءِ جو مسئلو نوڪري ڪرڻ آهي، سنڌ اندر هاڻ نوڪري ان کي ملندي جيڪو حڪمران ڌر جو طرفدار هوندو، ڪاروباري، واپاري ۽ عام خلق جو هڪ مسئلو امن امان جو آهي جيڪڏهن هو ڪنهن طاقتور ڌر سان نه آهي ته سندس لٽجڻ ڦرجڻ ۽ اغوا جا امڪان گهڻا هوندا آهن، اهڙا ڪيئي مثال موجود آهن.

وڏن شهرن خاص طور ڪراچي ۽ حيدرآباد ۾ رهندڙ سنڌين کي دهشت گردن جو ڊپ آهي، جڏهن ته پيپيلز پارٽي اڃا تائين عوام کي تحفظ فراهم ڪرڻ ۾ ناڪام وئي آهي پر هڪ وڏي پارٽي جي ناتي، سنڌين جي گهڻائي نه چاهيندي به پيپلز پارٽيءَ کي ووٽ ڏئي ٿي. هاڻ 5 ڊسمبر تي مڪاني چونڊن جو ٽيون مرحلو آهي، انهيءَ ۾ ڪراچيءَ ۾ چونڊ ڪرائي ويندي ۽ وڏا امڪان آهن ته نه چاهيندي به رياست جا مهندار متحده قومي مويومينٽ کي سوڀارو ڪرائيندا، جڏهن متحده قومي موومينٽ پنهنجن پرڪارن جي ڪري دهشتگرد تنظيم طور ظاهر ٿي پئي آهي ۽ اها نه رڳو سنڌين کي ڊيڄاريندي رهي آهي پر اها خود رياست کي به ڌمڪائيندي “Threat” ڪندي رهي آهي، هاڻ ته رياستي ادارن، کين را جو ايجنٽ طور ظاهر ڪيو آهي، پر سڀ ڪنهن ڏٺو ته انهن جون اسيمبلين مان استعيفائون منظور نه ڪيون ويون ۽ ڳجهه ڳوهه ۾ معاهدو طئي ڪيو ويو. جنهن جي في الوقت ظاهري شڪل اها آهي ته متحده تي جيڪا سختي نظر پئي آئي اها هاڻ گهٽجي وئي آهي. متحده قومي موومينٽ لاءِ به اهو هڪ موقعو آهي ته اها هن عبوري دور کي خاموشيءَ سان عبور ڪري وٺي ۽ مهاجر آباديءَ کي عدم تحفظ جو احساس ڏياري پنهنجو بلدياتي هدف پورو ڪري سگهي ٿي.

مڪاني چونڊن جي پهرين ۽ ٻئي مرحلي ۾ اهو ڏسڻ ۾ آيو آهي ته پيپلز پارٽيءَ به ڳجهه ڳوهه ۾ متحده سان معاهدو ڪيو آهي ته جيئن شهري علائقن ۾ اها پنهنجن مخالفن کي شڪست ڏئي سگهي، ان جي نتيجي ۾ سنڌ جي ڪيترن ئي ننڍن شهرن ۾ به متحده جا مبصر چونڊجي آيا آهن، متحده ڪجهه شهرن ۾ ٻين جماعتن ۽ شخصيتن سان به اندروني ٺاهه ڪيو آهي جنهن جو اظهار آيل نتيجن مان ڪڍي سگهجي ٿو. هتي پاڪستان ۾ سياست ڪمائيءَ جي سڀ کان وڏي انڊسٽري آهي، جنهن ۾ ڪيل سيڙپ، مان وڏي ڪمائي جي توقع رکي وڃي ٿي، مڪاني ادارن کي ڪمائيءَ جو ڪارخانو بڻايو ويو آهي، ان ڪري سيڙپڪار ئي انهيءَ تي ڪامياب ٿين ٿا. هي وڏا وڏا پينافليڪس اشتهار گاڏين جي ڀڄ ڀڄا ۽ کٽڻ کان پوءِ مڻن جي منهن مٺايون، سونا تاج اهي ڇا ٻڌائي رهيا آهن ته اليڪشن کٽنڊر عوام جي خدمت ڪندا؟ جي ايئن هجي ها ته سنڌ اندر ڪوبه رود ڀڳل نه هجي ها، سڀني لاءِ تعليم هڪ جهڙي هجي ها، ڊرينيج جو مسئلو نه هجي ها ۽ خلق خدا پاڻي پيئڻ لاءِ پريشان نه هجي ها. پر پئسا ڀوتار کڻي وڃن ٿا ۽ ڪجهه سفايو محترم بيروڪريٽ صاحبان ڪن ٿا، جيڪو آفيس يا ملازم ڪوڙو فائيل ٺاهي نٿو، ڄاڻي اهو هاڻ ملازمن ۾ نااهل آهي ۽ سدائين سائيڊ پوسٽ تي هوندو ۽ وتندو پگهار لاءِ ٻاٿون کائيندو! انهيءَ جا اثر ايڏا گهرا آهن جو مڊل ڪلاس يا هيٺئين ڪلاس مان قومي سياست توڻي انقلابي مارڪسي سياست مان 47 سالن ۾ 1968 کان 2015ع تائين جيڪي ورڪر سياسي طور مٿي اڀري آيا انهن جي گهڻائي اڄ وفاقي جماعتن ۾ شامل ٿي ڪمائي جي ڌنڌي ۾ لڳي وئي آهي. هي ڏٺو ويو آهي ته اسٽيبلشمينٽ جو وفاقي جماعتن سان اهڙو نيٽ ورڪ جڙيل آهي جو انهن جي نيٽ ورڪ مان جيڪو به ڌار ٿيندو اهو سياسي ميدان ۾ اڳتي وڌي نه سگهندو، انهيءَ جا سنڌ اندر توڻي سنڌ کان ٻاهر ڪيئي مثال موجود آهن.

انهيءَ مٿين صورتحال ۾ هي بلدياتي ادارا سنڌي کي ڇا ڏئي سگهندا؟ اهو اهڙو سوال آهي جنهن کي ايندڙ وقت لاءِ ڇڏي ڏيون ٿا ته اهي سونا تاج پائيندڙ عوام کي ڪهڙا پٽڪا ٻڌائيندا.

رياست ايئن ڇوٿي ڪري؟ اهو هڪ اهم سوال آهي، هن رياست کي انهيءَ اسٽيبلشمينٽ ۽ سياستدانن وڏن واپارين ۽ جاگيردارن کوکلو بڻايو آهي، ناڻي جي ٻاهرين دنيا ۾ منتقلي تمام اهم سوال آهي، جنهن رپئي جو ملهه ڪيرائي ڇڏيو آهي، مذهبي ڇڪتاڻ ۽ جنگي ماحول به تباهي مچائي ڇڏي آهي، پر رياست جا مهندار اڃا انهن جي گهوڙي تي سوار آهن، هتي استحصالي طبقي جو پيٽ ايڏو وڏو آهي جو نه ڦاٽي ٿو نه ڀرجي ٿو. اسان جيڪڏهن انقلاب طرف وڃڻ چاهيون ٿا، ڪا تبديلي چاهيون ٿا ته گهٽ ۾ گهٽ سمجهدار ماڻهن، استادن، صحافين، دانشورن ۽ قومي ڪارڪنن کي پاڻ کي مال پڙيءَ جو سامان بڻجڻ کان بچائڻو پوندو. اهڙو ملڪ جنهن ۾ عوام کي ٻڪرين ۽ رڍن جيان وڪرو ڪيو وڃي ان جي مستقبل تي سواليه نشان لڳل هوندا آهن؟!!

 

فرانس کانپوءِ آمريڪا به دهشتگردي  هيٺ.!!!: غلام مصطفيٰ جمالي

ڪالهه پوري دنيا ۾ مغذورن جو عالمي ڏينهن ملهايو پئي ويو.جنهن دوران آ،مريڪا جي رياست ڪيليفورنيا جي شهر سين برنا ڊينو ۾ انهي معذورن جي ڪنهن مرڪز تي  ڪن نامعوم  دهشتگردن اوچتو حملو ڪري 12ماڻهن کي ماري ڇڏيو.اها ڳالهه غور ڪرڻ جهڙي آهي.ته آمريڪا يا ڪنهن ٻئي يورپي ملڪ تي اگر اهڙي قسم جي دهشتگردي ٿيندي آهي ته نه رڳو پوري دنيا جون نظرون ان طرف ٿينديون آهن.پر پوري دنيا انهي طرف ويهي ڪري سوچڻ تي مجبور ٿي ويندي آهي ته  ڄاڻ ڪنهن اسلامي ملڪ تي ڪا باهه ڀڙڪڻ واري آهي.ڪجهه ڏينهن پهرين فرانس تي جيڪو حملو ٿيو.انهي جو نتيجو اهو نڪتو ته انهي واقعي جي زميواري داعش قبول ڪئي.جنهن کان بدلو وٺڻ لاءِ سمورا يورپي ملڪ ۽ آمريڪا اتحادي بڻجي ويا.جن سڀني گڏجي ڪري هڪ وڏي عڪسري طاقت سان شام اندر انهي داعش خلاف حملا شروع ڪري ڏنا.جن حملن ۾ اڄ تائين داعش تنظيم جو ڪو به اڳواڻ يا دهشتگرد انهي حملن ۾ نه ماري ويوآهي ،پر انهي حملي شام جي ڪيترن ئي بي گناه شهرين جون زندگيون ضرور اجهائي ڇڏيون آهن.

جڏهن ته روس ته انهي حملن کي وٺي ڪري ايترو اڳيان نڪري ويو جو شام جون سرحدون ڇڏي ڪري پنهنجي جنگي جهازن کي ترڪي جي سرحدن ۾ گهمائڻ لڳو.جنهن کي ڏسي ڪري. ترڪي روس جي ٻنهي جنگي جهازن کي جيڪي ترڪي جي سرحدن ۾ غير قانوني طور داخل ٿي ويا هئا انهن کي گولا هڻي ڪري ڪرائي ڇڏيو. پر روس جي صدر پيوٽن ترڪي جي اهڙي رويي جي مذمت ڪئي ۽ ترڪي سان پنهنجا سمورا تعلقات ٽوڙيندي کيس خطرناڪ نتيجا ڀوڳڻ جون ڌمڪيون ڏنيون.جيڪي ڪيترائي ڏينهن اخبارن ۽ ٽي وي چئنلن جون جون مين سرخيون ۽ برڪينگ نيوز رهيون.پر ترڪي پهرين ته روس جي هر ڳالهه کان انڪار ڪندو رهيو .۽ ايتري حد تائين به بيان ڏنائين ته هو روس جي ڪنهن به ڌمڪي کان دڄڻ وارو ناهي.ڳالهه ايتري حد تائين پهچي وئي جو هر طرف  ٽئي عالمي جنگ جا چرچا ٿيڻ لڳا.سيئنر تجزئي نگارن کان ويندي هر شخص انهي ڪري پريشان هو. پر انهي دوران آمريڪا وچ وارو ڪردار ادا ڪري ترڪي کي پرچائي ورتو. جنهن ڪري روس کان انهي معامري تي ترڪي معافي گهري ورتي. جنهن کانپوءِ معاملو ٿڌو ٿي ويو.انهي معاملي ٿڏي ٿيڻ ۾ به ڪيترائي زار لڪل آهن.ڇو ته آمريڪا سعودي عرب جو هميشه محتاج رهيو آهي.۽ سعودي ترڪي جي انهي ڪري حمايت ڪري رهيو آهي ته ترڪي شام جي بشارات اسد تنظيم خلاف  وڙهي رهيو آهي. ۽ سعودي عرب انهي ڳالهه کي پسند به پئي ڪيو ته روس ترڪي سان اهڙو ورتاءُ رکي.۽جيڪڏهن روس ترڪي سان انهي ڪريل جهازن کي سامهون رکي ڪري حملا ڪري به ها.!  ته سعودي انهي جي نه رڳو مخالف ڪري هان پر ترڪي جي پنهنجي پهچه آهرمدد به ڪري هان.۽ سعودي عرب جي اهڙي مدد تي اگر روس ڪاوڙ ڪري سعودي کي ڪجهه چوي ها يا کيس کالي ڌمڪي به ڏئي ها ته پاڪستان انهي ڌمڪي جو جواب ڌمڪي سان ڏينهن هان ۽ پوءِ انهي ڳالهه ۾ ڪو شڪ به نه هو ته دنيا ٽئي عالمي جنگ جي طرف هلي وڃي هان.پر آمريڪا انهي معاملي کي سجيندا وٺي ڪري جلد کان جلد ڪوششون ڪري معاملي کي ٽاري ڇڏيو. پرافسوس آهي ته شام جي باري ۾ ڪنهن به سنجيدا سان ويهي ڪري  نه سوچيو.هن وقت شام اندر.. روس.آمريڪا.فرانس داعش خلاف حملا ڪري رهيا آهن جڏهن ته هاڻ برطانيه به انهن ملڪن جي اتحادي بڻجي ويو آهي.

جڏهن ته لنڊن پارليامينٽ ۾ اجازت کانپوءِ طرف 27منٽن کان پوءِ برطانيه به شام تي حملا شروع ڪري ڇڏيا آهن جنهن سان جنگ وڌيڪ خطري جي طرف وڃي رهي آهي.جڏهن ته لنڊن پارليامينٽ ۾ 397اميدوارن شام جي حملن جي حق ۾ ووٽ ڏنا.جنهن کانپوءِ برطانيه پارليامينٽ شام تي حملن جي اجازت  ڏني.جنهن جي تصديق برطانيه واري وزير ڪئي.دفاع واري وزير جي ترجمان ٻڌايو ته شام تي حملن جي لاءِ برطانوي 4ٽورنِيڊوجي آر فور جنگي طيارن شام اندر داعش تي ٺڪاڻن تي حملا ڪيا آهن.جڏهن ته انهي دوران ٻه جهاز واپس موٽايا ويا هئا ۽ ٻه جهاز داعش جي ٺڪاڻن تي حملا ڪري رهيا هئا.جڏهن ته برطانيه جي ڪجهه پارليامينٽ ميمبرن جو اهو به چوڻ هو ته شام ۽ عراق کي حملن جي نتيجا تمام گهڻا خراب نڪرندا.پر برطانيه جي اهڙي رويي آمريڪا جي صدر اوباما کي خوش ڪري ڇڏيو.صدر اوباما برطانيا کي پنهنجو اتحادي ٿيڻ ۽ شآم تي حملا ڪرڻ جي مبارڪ باد ڏيندي کيس ڀليڪار پڻ چئي   آهي.انهي دوران آمريڪا جي صدر چيو ته اسان ملي ڪري دنيا ۾ امن قائم ڪرڻ جي هر ممڪن ڪوشش ڪنداسين.داعش دنيا لاءِ هڪ خطرو آهي جنهن جو خاتمو هر حال ۾ ٿيڻ گهرجي.پر هڪ ڳالهه جيڪا سجهه کان ٻاهر آهي ته پهرين ئي شام اندر روس،فرانس،آمريڪا جيڪي اڳ ئي سپر پاور ملڪ آهن.جيڪي شام اندر داعش خلاف وڙهي رهيا آهن.جڏهن ته ڏسجي ته داعش وٽ ايتري عسڪري ونگ وجود ئي ناهي جو هو انهن ٽنهي ملڪن جو مقابلو ڪري سگهي جڏهن ته داعش کي ختم ڪرڻ لاءِ اگر آمريڪا به سجيندا هجي ته وٽس ايتري طاقت آهي جو هو داعش کي ختم ڪري سگهي.ٿو.پر انهي دوران ٽئي سپر پاور ملڪ انهي ٿورڙي عڪسري طاقت رکندڙ داعش خلاف پهرين وڙهيا آهن.پوءِ برطانيه ڪهڙي حصي پتي جي لالچ رکي ڪري اچي شام تي حملا ڪري ڏنا آهن.پر انهي دوران هاڻ مسلمان ملڪن کي ڇا ڪرڻ گهرجي اها ڳالهه غور هيٺ آهي.پر انهي دوران  ويڙهه ۾ آمريڪا ۽ ٻين يورپي ملڪن کي تمام گهڻو نقصان ٿيو آهي.نائين اليون کان ويندي ننڍا وڏا حملا اڪثر انهن ملڪن تي ٿيندا رهندا آهن.

جڏهن ته ڪالهه آمريڪا جي رياست ڪيليوفورنيا تي ٿيل حملو به شايد انهي شام تي ڪيل حملن جي ڪڙي هجي جڏهن ته اڃان تائين ڪنهن به انهي حملي جي زميواري ناهي قبولي.آمريڪا تي ٿيل حملن جي باري ۾  آمريڪي سڪيورٽي اهلڪارن جو چوڻ هو ته حملو ڪندڙن کي پڻ آرمي جي وردي پاتل هئي.جڏهن ته حملو ڪندڙن جي لاءِ ايف بي آءِ ۽ ٻين سڪيورٽي ادارن تلاش جاري ڪري ڇڏي آهي جڏهن ته حملو ڪندڙ موقعي تان فرار ٿيڻ ۾ ڪامياب ٿي ويا آهن.صدر اوباما ٿيندڙ واقعي تي ڏک جو اظهار ڪيو آهي.اها ڳالهه غور ڪرڻ جهڙِي آهي ته آخر دنيا جون قوتون اهي ڇو ڪري رهيو آهن.ڇا دنيا ۾ امن امان قائم ڪرڻ انهي کي چئبو آهي ته انهي امن امان جي نالي ته ڪيترائي بيگناه انسان ماريا وڃن.۽ دنيا جو سپر طاقتون اگر انهي معاملي تي ٻه اکيائي وارو ڪردار ادا ڪن ته پوءِ ٻئي ڪنهن کي ڇا چئي سگهجي ٿو.آمريڪا جي شهر ڪيلوفورنيا ۾ ٿيل حملي جا پيرا ڪيڏانهن به وڃن پر انهي کي سامهون رکي ڪري ڪو مسلمان ملڪ ۽ سندس عوام بي گناه نه مري اهو هڪ وڏو الميو آهي.جنهن تي عالمي برادري ۽ اقوامي متحده کي ضرورو سوچڻ گهرجي

 

 

ڪراچي م ملٽري پوليس تي حملو ۽ سنڌ جي ايپڪس ڪميٽي جا هنگامي فيصلا

سنڌ جي اپيڪس ڪميٽي جي اجلاس ۾ صوبائي حڪومت ڪراچي جو ٽارگيٽيڊ آپريشن وڌيڪ تيز ڪرڻ جو عزم ورجائيندي سنڌ پوليس اندر 8هزار نوان پوليس اهلڪار ڀرتي ۽ 2سئو نوان پراسيڪيوٽر مقرر ڪرڻ سميت  دهشت گردي جي انت واريون 30نيون عدالتون قائم ڪرڻ جو فيصلو ڪندي چيو آهي ٻين صوبن مان ايندڙ ماڻهو دهشت گردي پکيڙي رهيا آهن. سنڌ سرڪار ۽ عسڪري قيادت دهشت گرد حملي ۾ ٻن فوجي اهلڪارن جي شهادت جي سخت لفظن ۾ مذمت ڪندي واقعي جي الڳ الڳ  جاچ جو فيصلو ڪيو آهي، گذريل ڏينهن اپيڪس ڪميٽي جو اجلاس سنڌ جي وڏي وزير سيد قائم علي شاهه  جي صدارت هيٺ ٿيو،جنهن ۾ سنڌ جي گورنر ڊاڪٽر عشرت العباد، ڪور ڪمانڊرنويد مختار، صوبائي وزيرن، دي جي رينجرس، سنڌ جي چيف سيڪريٽري صديق ميمڻ ۽ گهرو کاتي جي ايڊيشنل سيڪريٽري سميت انٽيلي جنس ادارن جي اختيارين به شرڪت ڪئي. اجلاس دوران دهشت گردي جو شڪار فوجي جوانن ۽ رينجرس اهلڪارن جي شهادت تي افسوس ۽ ڳڻتي جو اظهار ڪيو ويو. اجلاس دوران  ڊي جي رينجرس، آءِ جي سنڌ، چيف سيڪريٽري ۽ گهرو کاتي جي سيڪريٽري نيشنل ايڪشن پلان ۽ ڪراچي شهر ۾ امن امان جي صورت حال جي حوالي سان کنيل قدمن تي بريفنگ ڏني. اجلاس بعد ميڊيا کي بريفنگ ڏيندي سنڌي جي وڏي وزير سيد قائم علي شاهه جي اطلاعات بابت صلاحڪار مولا بخش چانڊيي چيو ته اجلاس دوران فوج تي ٿيل تازي حملي تي ڏک جو اظهار ڪيو ويو، واقعي جي جاچ پوليس ۽ فوج الڳ الڳ ڪنديون ۽ جلد واقعي ۾ ملوث ڏوهارين کي پڪڙي ڪيفر ڪردار تائين پهچايو ويندو ۽ سنڌ سرڪار اهو عهد ڪيو آهي ته اها هر حال ۾ دهشت گردي پکيڙيندڙن جو مڪمل خاتمو آڻيندي ۽ ان حوالي سان اجلاس ۾ اهو فيصلو ڪيو ويو آهي ته ڪراچي آپريشن کي وڌيڪ تيز ڪيو ويندو.هن وڌيڪ چيو ته ڪراچي آپريشن ۾ تيزي کانپوءِ دهشت گرد سنڌ جي ٻين شهرن ۾ لڪي رهيا آهن پر انهن کي ٻڌائڻ چاهيون ٿا ته سندن پيڇو ڪيو ويندو.