تازيون خبرون
ڪاري ناڻي کي اڇو ڪرڻ جو موقعو، وفاقي ڪابينا ايمنسٽي اسڪيم جي منظوري ڏئي ڇڏي - ڪشمور: مسافر وين کي باهه،3 عورتن ۽ ٻارڙي سميت 5 ڄڻا سڙي فوت، 6 زخمي - حڪومتي ادارا سياسي انتقام لاءِ استعمال ٿي رهيا آهن: ن ليگ - سنڌ اسيمبلي ۾ رڳو هڪٻئي جا پٽڪا لاهڻ لاءِ بحث ٿيندو آهي: سنڌ هاءِ ڪورٽ - سڌ سماءِ صلاحڪار جي صدر سان ملاقات، صدر ميڊيا جا مسئلا حل ڪرڻ بابت ذميواري ڏني آهي: فردوس عاشق اعواڻ - آمريڪا پاڪستان تي ڪا ويزا پابندي نه لڳائي آهي، ميڊيا ۾ ڪوڙيون خبرون آيون هيون: شاهه محمود قريشي - حڪومت شهرين جي حفاظت بدران سياسي انتقام ۾ رُڌل آهي: آصف زرداري - پاڪستان پن بجلي جي پيداوار صلاحيت ۾ تازي واڌ جي حوالي سان سڄي دنيا ۾ ٽئين نمبر تي رهيو: رپورٽ جاري - انجينئر امير مقام جي پٽ ۽ سئوٽ جي گرفتاري جي مذمت، ٻه نمبري نئون پاڪستان نه کپي : شهباز شريف - ڪراچي مان ٻه مهينا اڳ پراسرار نموني گم ٿي ويل ايم بي بي ايس جي شاگردياڻي عروج صديقي جي ڊرامائي انداز ۾ گهر واپسي

Daily Archives: December 3, 2015

سوها علي سني ديول کي سڀني جي اڳيان زوردار چماٽ وهائي ڪڍي، سڀ ڏسندا رهجي ويا

ممبئي (شوبز نيوز) بالي ووڊ ۾ اسڪينڊلز، افئيرز، تڪرار، ۽ ويڙهه جهيڙ جا واقعا ته ٻڌندا ئي رهندا آهيون پر هاڻي بالي ووڊ مان اهڙا واقعا ٻڌڻ لاءِ ملن ٿا جيڪي حيران ڪندڙ آهن،ڀارتي اخبار مطابق سيف علي خان جي ڀيڻ سوها علي خان سني ديول کي سچ ۾ زوردار چماٽ وهائي ڪڍي.ڳالهه ڪجهه هن ريت هئي ته سني ديول  کي نئين ايندڙ فلم گهائيل ونس اگين ۾ سني ديول جي ڪردار جي حوالي سان هڪ سين عڪس بند ڪرائڻ لاءِ چمڪاٽ هڻڻي هئي پر سوها علي اهو سين عڪس بند ڪرائڻ ۾  سڀني حدن کي اورانگهي ڇڏيو ۽ هن زوردار چماٽ سني ديول جي ڳل تي وهائي ڪڍي. رپورٽن مطابق سوها علي پاران چماٽ جو آواز ايترو ته زوردار هو جو ڀرپاسي وارن به ٻڌو، ۽ ان کانپوءِ هو سيٽ تان تڪڙي هلي وئي،سني ديول ڪجهه جذباتي ٿي ويو،سندس اکيون ڀرجي آيون.

 

آئي سي سي 2015ع لاءِ ٽيسٽ اسڪواڊ جو اعلان ڪري ڇڏيو، ٽي پاڪستاني رانديگر به شامل

دبئي: انٽرنيشنل ڪرڪيٽ ڪائونسل 2015ع لاءِ ٽيسٽ ٽيم جو اعلان ڪري ڇڏيو آهي،جنهن ۾ يونس خان سوڌو 3 پاڪستاني به شامل آهن. آئي سي سي پاران جاري بيان مطابق 18 ڊسمبر 2014ع کان 13 ڊسمبر 2015 تائين رانديگرن جي ڪارڪردگي جو جائزو وٺي ٽيسٽ ۽ ون ڊي ٽيمن لاءِ راندگيرن جي چونڊ ڪئي وئي آهي.2015ع لاءِ چونڊيل ٽيسٽ ٽيم لاءِ انگلينڊ جي اليسٽر ڪڪ کي ڪپتان مقرر ڪيو ويو آهي، جڏهن ته ٻين رانديگرن ۾ ڊيوڊ وارنر ڪين وليمسن، جوئي روٽ،اسٽيورٽ براڊ، ٽرينٽ بولٽ، جوز هيزلي ووڊ ۽ اسٽيون اسمٿ شامل آهن، جڏهن ته ڀارت جي روي چندرن ايشون کي 12 رانديگر جي حيثيت تي ٽيم ۾ شامل ڪيو ويو آهي. آئي سي سي پاران 3 پاڪستاني رانديگرن کي به 2015 جي ٽيسٽ ٽيم ۾ شامل ڪيو ويو آهي، جن ۾ ماهر بيٽسمين يونس خان، اسپنر ياسر شاهه ۽ وڪيٽ ڪيپر بيٽسمين سرفراز احمد شامل آهن.انکانسواءِ آئي سي سي 2015ع جي لاءِ ون ڊي ٽيم جو به اعلان ڪيو ويو آهي، جنهن ۾ ڪو به پاڪستاني رانديگر شامل ناهي.

 

ٻن ملڪن جا سربراهه ملندا آهن ته سٺا اثر پوندا آهن، پاڪ – ڀارت ڪرڪيٽ سيريز جو انتظار آهي: شهريار

لاهور (اسپورٽس نيوز) پاڪستان ڪرڪيٽ بورڊ جي چيئرمين شهريار خان چيو آهي ته ٻن ملڪن جا سربراهه جڏهن ملندا آهن ته ان جا سٺا اثر پوندا آهن، اڳوڻي سفارتڪار شهريار خان لاهور ۾ صحافين سان ڳالهائيندي چيو ته پيرس ۾وزير اعظم نواز شريف ۽ سندس ڀارتي هم منصب نريندر مودي جي ملاقات مان سٺي اميد رکڻ گهرجي ، هن وڌيڪ چيو ته پاڪ – ڀارت ڪرڪيٽ سيريز بابت مون وٽ ڪا نئين ڳالهه ناهي، شهريار جو چوڻ هو ته ٻين جيان مون کي به ٻنهي ملڪن وچ ۾ سيريز جو انتظار آهي.