تازيون خبرون

Daily Archives: December 2, 2015

27 هزار 107 ووٽ بوگس ٻڌايا ويا جيڪي ثابت نه ٿي سگهيا: اليڪشن ٽربيونل جو فيصلو

لاهور (اين اين آءِ) اليڪشن ٽربيونل قومي اسيمبلي جي تڪ 118 ڌانڌلي ڪيس جو تفصيلي فيصلو جاري ڪندي تمام بيضابطگين کي انساني غلطي قرار ڏنو درخواست گذار تحريڪ انصاف جي اڳواڻ حامد زمان کي 6 لک رپيا جرمانو هڻي ڇڏيو جرماني جي رقم ڪيس کٽندڙ مسلم ليگ (ن) جي ڪامياب اميدوار ملڪ رياض کي ڏني ويندي. گذريل ڏينهن اليڪسن ٽربيونل جي جج جسٽس رٽائرڊ رشيد قمر تڪ اين اي 118 جو تفصيلي فيصلو جاري ڪيو جنهن ۾ تمام بيضابطگين کي انساني خطا قرار ڏيندي چيو ويو آهي ته درخواست ڪندڙ پي ٽي آءِ جو حامد زمان مسلم ليگ (ن) جي ڪامياب اميدوار ملڪ رياض جي خلاف ڌانڌلي جا شاهد پيش ڪرڻ ۾ مڪمل طور تي ناڪام ثابت ٿي ويو درخواست ڪندڙ پاران 27 هزار 107 ووٽ بوگس ٻڌايا ويا جيڪي ثابت نه ٿيا تفصيلي فيصلي ۾ چيو ويو ته 4 هزار 43 ووٽن تي شناختي ڪارڊ نمبرن جي نادره تصديق نه ڪري سگهيو. اهڙا شناختي ڪارڊ آهن جن جي هڪ يا ٻن هنڌن کان غلط آهن. شناختي ڪارڊ نمبر لکندي پولنگ اسٽاف کان غلطيون ٿيون آهن. ذريعن مطابق حامد زمان فيصلو چئلينج ڪرڻ لاءِ پنهنجي وڪيل کي ڪيس تيار ڪرڻ جي هدايت ڪئي آهي ۽ ايندڙ ڪجهه ڏينهن ۾ فيصلو چئلينج ڪيو ويندو.

 

باجي رائو مستاني لاءِ دپيڪا ۽ رنوير کان وڌيڪ ٻي ڪا بهترين چونڊ ٿي ئي نه پئي سگهي: پريانڪا

ممبئي (شوبز نيوز) بالي ووڊ اداڪاره پريانڪا چوپڙا چيو آهي ته فلم باجي رائو مستاني لاءِ دپيڪا ۽ رنوير بهترين چونڊ هئا، پنهنجي هڪ انٽرويو ۾ پريانڪا چيو ته جيتوڻيڪ مان باجي رائو مستاني ۾ مرڪزي ڪردار ادا نه ڪري رهي آهيان، ن فلم ۾ مرڪزي ڪردارن لاءِ دپيڪا پدوڪون ۽ رنوير سنگهه کان بهترين ڪا چونڊ نه ٿي ٿي سگهي، هن چيو ته مان ٻڌو هو ته فلمساز سنجي ليلا ڀنسالي سلمان ۽ ايشوريا راءِ سان فلم باجي رائو مستاني ٺاهڻ چاهي پيو پر اهو ممڪن نه ٿي سگهيو، هن چيو ته سلمان خان ۽ ايشوريا راءِ جو رنوير سنگهه ۽ دپيڪا پدوڪون سان مقابلو ڪرڻ ڏکيو آهي، پريانڪا چيو ته منهنجي شخصيت ملڪي نه پر عالمي حيثيت واري آهي.

 

بالي ووڊ اداڪارا ديا مرزا ڪردار نه ملڻ سبب هاڻ هدايتڪاري ذريعي شوق پورو ڪندي

ممبئي (شوبز نيوز) بالي ووڊ اداڪاره ديا مرزا چيو آهي ته مان ايندڙ سال فلم جون هدايتون ڏينديس، ميڊيا سان ڳالهائيندي هن چيو ته مون کي فلم جي هدايتن ۾ دلچسپي آهي، مان ايندڙ سال فلم جون هدايتون ڏينديس، هن چيو ته مان ان حوالي سان ڪاغذي ڪارروائي مڪمل ڪري ورتي آهي، ۽ منفرد ڪهاڻي جي ڳولا ۾ آهيان، سندس چوڻ هو ته مان اڃا اهو فيصلوناهي ڪيو ته ان فلم ۾ مان ڪم ڪنديس يا نه ، هن چيو ته مان پروڊڪشن تي ڌيان ڏئي رهي آهيان، ديا مرزا چيو ته مان اهو چونديس ته ڊائريڪشن هجي يا پروڊڪشن ، اهو آسان ڪم ناهي، اداڪارا جو چوڻ هو ته پروڊڪشن ۾ رڏل هجڻ سبب مان ٻيا ڪم نه ڪري رهي هيس.

 

دهشتگرد حملي جي باوجود يورو 2016ع فٽبال چيمپئن شپ فرانس ۾ ئي منعقد ٿيندي: يوئيفا

لنڊن(اسپورٽس نيوز) يورپين فٽبال ايسوسيئيشن (يوئيفا) ارادو ڪيو آهي ته پيرس ۾ دهشتگرد حملي جي باوجود ايندڙ سال شيڊول يونين فٽبال چيمپئن شپ فرانس ۾ منعقد ٿيندي. فرانس جي گاديءَ واري شهر پيرس ۾ دهشتگردن ستن مختلف هنڌن کي نشانو بڻايو. ڌماڪن ۽ فائرنگ سبب 129 ماڻهو اجل جو شڪار ۽ 300 کان به وڌيڪ زخمي ٿيا هئا، پر يوئيفا اختيارين چيو آهي ته ميگا چيمپئن شپ فرانس ۾ طئي ٿيل شيڊول مطابق منعقد ٿيندي. هن چيو ته اسان گذريل 3 سالن کان انهن سان گڏجي ڪم ڪري رهيا آهيون. ان ڪري اسان ڪامياب منعقد ڪرائڻ جي گارنٽي ڏيون ٿا. ٽورنامينٽ جي ڊراز ج اعلان طئي ٿيل شيڊول مطابق 12 ڊسمبر تي ڪيو ويندو. ياد رهي ته ٽورنامينٽ 10 جون کان 10 جولاءِ تائين فرانس ۾ شيڊول آهي.

 

مڪاني چونڊون ،ڪراچي سياستدانن جي گهري هيٺ.!!: غلام مصطفيٰ جمالي

مڪاني چونڊن ۾ باقي ٽي ڏينهن بچيا آهن.پاڪستان جي سموري قيادت ڪراچي ۾ پهتل آهي.پ پ پاران بلاول ڀٽو رزادي لياري سيمت ملير ۾ اليڪشن مهم هلائي رهيو آهي.جڏهن ته ايم ڪيوايم جيڪا ڪراچي کي پنهنجي ملڪيت سمجهي ٿي.اها ايم ڪيو ايم بنا ڪنهن خوب ۽ ڊپ جي ڪراچي اندر اليڪشن مهم جاري رکيو اچي.جڏهن ته شهر قائد اندر تحريڪ انصاف عمران خان صاحب ۽ سراج الحق دراني صاحب پڻ اتحادي بڻجي ڪري .انهي ايم ڪيو ايم سان مقابلو ڪرڻ لاءِ ميدان ۾ لٿل آهن.جڏهن ته مان سمجهان ٿو ته اها خوشي جهڙي ڳالهه آهي ته پاڪستان اندر اهڙي سياسي ماحول ۾ جتي ايم ڪيو ايم پاڻ کي ڪراچي جي مالڪ سمجهندي آهي.جنهن سان اڄ تائين ڪراچي ۾ ڪير مقابلو ناهي ڪري سگهيو۽ اڄ تائين انهي ايم ڪيو ايم کي ڪراچي ۾ ڪير اليڪشن اندر به چلئج به ڏئي نه سگهيو.اهڙي ماحول اندر تحريڪ انصاف جي اڳواڻ عمران خان صاحب ۽ جماعت اسلامي جي امير سراج الحق دراني ڪراچي اندر ايم ڪيو ايم کي انهي مڪاني ايڪشن اندر چلئنج ڪري گهٽ ۾ گهٽ ايم ڪيو ايم کي ايترو ضرور احساس ڏياريو آهي ته ڪراچي سندن  ملڪيت ناهي.جڏهن ته ڪراچي سنڌ جو هڪ اهڙو حسين شهڪار۽ خوبصورت شهر آهي.جنهن تي پاڪستاني جي پوري عوام جو هڪ سريڪو حق آهي.پر ڪراچي جي سڃاڻپ سنڌ سان آهي ڪراچي سنڌ جو شهر آهي ۽ سنڌ جو ئي شهر رهندو.

جڏهن ته ڪراچي کي حصن ۾ ورهائڻ ۽ سنڌ جي ٽوڙڻ جون سازشون ته ڪيتري ئي عرصي کان ٿي رهيون هنيون.پر انهي سازشن کي ايم ڪيو ايم هڪ واضع شڪل ڏني جڏهن ايم ڪيو ايم جي قائد الطاف حسين ۽ ايم ڪيو ايم جي ٻئي سموري قيادت اهو مطالبوڪيو ته کين ڪراچي سنڌ کان ٽوڙي کيس الڳ صوبي ڪري ڏنو وڃي.جڏهن ته انهي مطالبي کي سامهون رکي ڪري نه رڳو ايم ڪيو ايم شهر بند ڪرايا پر روڊ رستن تي ٽائر پڻ ساڙي احتجاجي مظاهرا پڻ ڪيا.پر سنڌ جي هر ننڍي ٻار توري مرد عورتن يعني سموري سنڌ واسين ايم ڪيو ايم جي اهڙي مطالبي کي نه رڳو رد ڪيو پر انهي مطالبي جي سخت لفظن ۾ مذمت پڻ ڪئي.پر پوءِ به ايم ڪيو ايم جو قائد الطاف پنهنجي مطالبي کان نه مڙيو هيٺ ڪراچي سنڌ کان ٽوڙڻ جي ڳالهه ڇڏي ڪري سنڌ ون ۽ سنڌ ٽو جي مطالبي جي گهر ڪرڻ لڳو.پر اها سندس ئي سياست هئي جو هو سنڌين کي بيقوف بڻائڻ لاءِ ايترا مطالبا ڪندو رهيو،پر سنڌ جي ماڻهن انهي مطالبي جي ايتري به مخالف ڪئي جو نيٺ ايم ڪيو ايم کي پنهنجي مطالبي کان پاسو ڪرڻو پيو.اڄ مڪاني چونڊن جي سلسلي ۾ ايم ڪيو ايم ڪارڪنن ۽ ميمبرن جو هڪ عجيب قسم جي رويو مختلف ٽيليوزن تي ڏيکاريو پيو وڃي.جنهن ۾ ايم ڪيو ايم ڪارڪنن توڙي اميدوار پرجوش ڏسڻ ۾ اچي رهيا آهن.جن کي ڏسي ڪري اهين لڳي رهيو آهي ڄڻ ته اليڪشن جا پهرين ايم ڪيو ايم ڪراچي اندر سليڪشن ڪري ڇڏي هجي.جڏهن ته ڪراچي پاڪستان توڙي دنيا جي وڏن شهر طور سڃاتو وڃي ٿو جنهن اندر هر قوم سان تعلق رکندڙ ماڻهو رهي ٿو.جڏهن ته ڪراچي ۾ اڪثر سنڌ جي اهي به خاندان مختلف علائقن ۾ رهن ٿا جيڪي سنڌ جي ٻهراين جي علائقن اندر معيشت نه هجڻ ڪري.ڪراچي ۾ اچي مقيم ٿيا آهن.جن ۾ اڪثريت سنڌي قوم جي آهي اتر توڙي لاڙ ڪاڇي ٿر سان تعلق رکندڙ آهن.

ڪراچي اندر اها به ڳالهه حيقيت تي ٻڌل ته آهي ته ڪراچي اندر ايم ڪيوايم جا ڪارڪنن توڙي عوام وڏي اڪثريت سان رهندڙ آهي پر ضروري ناهي ته سموري ايم ڪيم ايم پنهنجي جماعت سان مصلق هجي.ظاهري آهي ته رنجشون ضرور ٿينديون آهن،اهڙي ريت اهو به ٻڌايو پيو وڃي ته ايم ڪيو ايم جا ڪيترائي ڪارڪنن به ايم ڪيو ايم کان ڪن ڳاليهن سبب ناراض آهن.جن جي انڊرگرائونڊ پرچايو پيو وڃي.جڏهن ته ڪراچي اندر مڪاني چونڊن تي سلسلي ۾ پ پ جي نواجوان قيادت بلاول ڀٽي پڻ ڪراچي ۾ هڪ شاندار جسلو ڪيو.جنهن ۾ بلاول ڀٽو چيو ته پاڪستان جي عوام جي ميٽرو بس سرورس جو خواب ڏيکاري بيوقوف بڻايو پيو وڃي.جڏهن ته عمران خان ڪراچي اندر ٻئي ايم ڪيو ايم ٿيڻ ٿو چاهي.جڏهن ته ايم ڪيو ايم ڪراچي اندر هميشه دهشتگدري ڪئي آهي.پنهنجي ناني ذولفقار علي ڀٽي ۽ منهنجي شهيد امڙ محترمه بينظيرڀٽو هميشه لاءِ ملڪ مٿان پنهنجو جانيون قربان ڪيون آهن.جڏهن ته بلاول جهموريت جي به ڳالهه ڪئي ته پاڪستان اندر جمهوريت جي بچائڻ مشڪل آهي ۽ هو جمهوريت جو حامي آهي.ڪراچي اندر مڪاني چونڊون عوام لاءِ هڪ وڏو درس آهي ته ڪالهه جتي ڪراچي اندر قتل سري عام ڪيو پئي ويو.جتي ڪو به شهري محفوظ نه هو اڄ انهي ڪراچي اندر ڪيترو امن آهي،ڇا اهو امن ڪنهن سياسي حڪمران ۽ جو ڪم آهي يا اهو ڪارنامو پاڪ فوج يا رينجرز ڏانهن ٿو وڃي.ڇو ته اها ڳالهه به صاف آهي ته اگر ايم ڪيو ايم چاهي هان ته ڪراچي اندر امن بحال ڪرائي پئي سگهي.پر ايم ڪيو ايم جي عسڪري ونگ ڪراچي اندر جيڪا دهشتگردي پکيڙي انهي ڪراچي جي سموري زمين جا ٽانڊو ڪري ڇڏيو جتي پير رکڻ ڪنهن به انساني زندگي جي وس جي ڳالهه نه هئي.

هن وقت ايم ڪيو ايم جيڪڏهن ماٺ ۾ آهي ته انهي جو مقصد اهو ناهي ته ايم ڪيو ايم ڪراچي ۾ امن پرستي جي حامي آهي.پر انهي امن پرستي واري گس تي کيس فوج ۽ ريجنرز لٺ جي زور تي آندو آهي.مڪاني چونڊن ۾ عمران خان ۽ سلاج الحق دراني ۾ شامل آهن.پر اها به حقيقت آهي ته سراج الحق ۽ عمران خان سياسي ماحول ۾ ڀلي ڪئين به هجن ڪنهن سياستدان سان ڪيترا به اختلاف ڇو نه رکندا هجن.پر هو امن جي هر حالت ۾ امن پرستي ئي چاهين ٿا.۽ اهو به هجڻ گهرجي ته هر پاڪستاني سياستدان جي دل اند ملڪ لاءِ محبت ۽ امن پرستي هجڻ ضروري آهي.مڪاني چونڊن اندر ڪراچي جي 200کان وڌيڪ پولنگ اسٽيشن جي انتهائي حساس قرار ڏنو ويو آهي.جنهن تي 7400سڪيورٽي اهلڪار ڊيوٽي ڪندا جن لاءِ ڏهه ڪمپنيون مقرر ڪيون ويون آهن.پر سوال وري به اهو آهي ته ڪراچي اندر جيڪي به پولينگون حساس آهن اهي ايم ڪيوايم جي علائقن سان تعلق رکندڙ آهن،انهي ڪري حڪومت جتي فوج مقرر ڪئي آهي اتي هو ايم ڪيو ايم جي رهنمائن کي پڻ هدايت ڪري ته هو پنهنجي ڪارڪنن ۽ اميدوارن جي اهڙي تاڪيد ضرور ڪن جن سان ڪا افراتفري پيدا نه ٿي.برحال اليڪشن ۾ باقي ٽي ڏينهن بچيا آهن ۽ ڪراچي سموري سياستدان جي گهيري ۾ آهي.اهڙي ماحول اندر جتي هر پارٽي جيت جي اميد کڻي اچي ڪراچي ۾ لٿي آهي اتي ڏسجي ته سوڀارو ڪير تو ٿي.

 

 

ڪراچي جي راج نيتي ڪنهن کي ملندي..!! : اشرف نوناري

5 ڊسمبر تي ملڪ اندر مڪاني چونڊن جو ٽيون ۽ آخري مرحلو آهي 5 ڊسمبر تي ڪراچي حڪمراني جو تاج ڪير پائيندو يعنيٰ ڪراچي راج نيتي ڪنهن کي ملندي اهو فيصلو پڻ  ٿيڻو آهي، هن ملڪ توڙي دنيا اندر ڪراچي جي پنهنجي هڪ الڳ تاريخ، سڃاڻپ، حيثيت ۽ اهميت آهي، هي شهر ملڪي معيشت لاءِ ڪرهنگي واري هڏي جيان حيثيت رکي ٿو، هن شهر ۾ ملڪ جي وڏي بندرگاهه پڻ آهي، جنهن وسيلي هي ملڪ دنيا جي ڪيترن ئي ملڪن سان سامونڊي رستي تجارت ڪري ٿو، هن شهر ۾ ملڪ جا سڀ کان وڌيڪ غيرملڪي سفارت خانه پڻ آهن، جتي هن شهر کي روشينن جي شهر جو درجو پڻ حاصل آهي، اتي هي  شهر مختلف مافيائن جي هٿان به سالن کا يرغمال بڻيل آهي، هن شهر ۾ ٻوري بند لاش، اسٽريٽ ڪرائيم، طالبنائيزيشن، ڀته خوري، قبضه خوري، سياسي، لساني ۽ فرقه وارانه دهشتگردي به هن شهر جي سڃاڻپ بڻيل رهي آهي. هي دنيا جو واحد شهر آهي جتي سياسي. مذهبي ۽ لساني تنظيمن وچ ۾ علائقه ورهايل آهن، ڪيترائي علائقه مختلف قومن توڙي ڌرتي ڌڻين لاءِ نوگو اريا بڻيل هئا، ڪيترن ئي علائقن کي لوهي گرلون/ بيريئر هڻي انهن علائقن ۾ ننڍيون ننڍيون رياستون قائم ڪيون ويون هيون،

هي دنيا جو واحد شهر آهي جتان مختلف سياسي، لساني ۽ دهشتگرد تنظيمون ماهوار اربين روپيا ڀتو وصول ڪنديون آهن، ۽ ڀتو نه ڏيڻ جي صورت ۾ ڪارخانن، فيڪٽرين توڙي سرڪاري عمارتن کي مزدورن توڙي سرڪاري ملازمن جي موجودگي ۾ ساڙيو ويندو آهي جنهن جو واضح مثال بلديا ٽائون واري فيڪٽري آهي، جنهن ۾ 2 سئو جي لڳ ڀڳ مزدورن کي فيڪٽري اندر ساڙيو ويو هو، هن شهر جي حڪمراني ڪافي عرصو  جمهوري توڙي آمريتي دوري ۾ ايم ڪيو ايم وٽ رهي آهي، هن شهر جي سرڪاري توڙي غيرسرڪاري ادار جهڙوڪ ايم ڊي اي، واٽر بورڊ، ڪي  ڊي اي، بلديات، ڪي اي  ايس سي ، هيلٿ، فشريز سميت ڪيترن ئي کاتن ۾ اهڙا  سوين ماڻهون ڀرتي ڪيا ويا آهن جيڪي ڀتي خوري، چائنا ڪٽنگ ذريعي قبضه خوري، ٽارگيٽ ڪلنگ ۽ سنگين ڏوهن ۾ ملوث آهن، مطلب ته بندوق جي زور تي ڪراچي اقتدار تي قبضو ڪندڙ تنظيمن روشنين جي شهر  ڪراچي  جي وسيلن کي بيرحمي سان لٽيو آهي، مگر گذريل 8 ميهنن يعني ڪراچي رينجرز  آپريشن کانپوءِ هن شهر جي سڃاڻپ ۾ نمايان تبديلي نظر آئي آهي، نوگو ايرياز جو خاتمو ٿيو آهي، ٽارگيٽ ڪلنگ، ڀته خوري، قبضه خوري، مذهبي توڙي لساني دهشتگردي ۾ رڪارڊ ڪمي ٿي رهي آهي،

مطلب تي رينجرز آپريشن ڪراچي جي زميني خدائن جابت ٽوڙي ڇڏيا آهن، جنهن سبب ڪراچي جو عوام هاڻي پاڻ کي بي خوف ۽ آزاد سمجهي ٿو ۽ ڪراچي جي عوام جو بي خوف ٿيڻ ڪراچي مٿان زبردستي حڪمراني ڪندڙ ايم ڪيو ايم کي نه صرف پريشان ڪري ڇڏيو آهي بلڪي سڪرات ۾ پڻ وجهي ڇڏيو آهي، انڪري ايم ڪيو ايم هڪ دفعو ٻيهر پاڻ کي پنهنجي دهشت، وحشت ۽ ڌاٻي کي برقرار رکڻ لاءِ هر حال ۾ 5 ڊسمبر تي ڪراچي کي  فتح  ڪرڻ  چاهي ٿي، مگر هن وقت حالتون ايم ڪيو ايم لاءِ سازگار ناهن، ڇاڪاڻ ته ايم ڪيو ايم هن ملڪ جي حڪمراني توڙي تقدير جا فيصلا ڪندڙ طاقتور ڌر سان ڦٽايو آهي، مٿان وري ڪراچي جو عوام به ايم ڪيو ايم مان بيزار آهي، اهڙي صورت ۾ ايم ڪيو ايم عوامي  توڙي عسڪري ونگ جي طاقت سان 5 ڊسمبر تي ڪراچي فتح ڪرڻ جي منصوبه بندي جوڙي آهي ان لاءِ ايم ڪيو ايم اڳواڻن 5 ڊسمبر تي ڪراچي ميئرشپ نه ملڻ جي صورت ۾ اسٽيبلشمينٽ کي الڳ صوبي جي تحريڪ واري صورت ۾ ملڪ ٽوڙڻ واري ڌمڪي ڏني  آهي ۽ ايم ڪيو ايم جو موقف آهي ته ڪراچي عوامي ميئنڊيٽ جو هر صورت ۾ هر طريقي سان  دفاع ڪبو، ايم ڪيو ايم جي اهڙي ڌمڪين کانپوءِ ڪراچي جي  بدامني ۾ هڪ دفعو ٻيهر تيزي اچي وئي آهي، 10 ڏينهن پهريائين ڪراچي جي اتحاد ٽائون ۾ رينجرز موبائيل تي حملو ڪيو ويو، جنهن جي نتيجي ۾ 4 رينجرز اهلڪار شهيد ٿيا، ان کان علاوه 4 ڏينهن اڳ ايم ڪيو ايم طرفان  هڪ وڏي ريلي ڪڍي ڪراچي رينجرز هيڊڪوارٽر آڏو ڌرڻي هڻڻ جي ڪوشش ڪئي وئي جنهن جو مقصد اسٽيبلشمينٽ کي اکيون ڏيکارڻ ۽ رينجرز تي عوامي ڌٻاءُ وجهي آپريشن سبوتاز ڪرڻ هو، ايم ڪيو ايم پاران ڪراچي ميئرشپ لاءِ وسيم اختر جي نالي جو  پڻ اعلان ڪيو ويو آهي، جڏهن ته اسٽيبلشمينٽ طرفان ايم ڪيو ايم جي اڇلايل پتن جي جواب ۾ 28 نومبر تي جماعت اسلامي ۽ تحريڪ انصاف جي گڏيل ريلي ڪڍائي وئي ۽ ڪرپشن ڪيس ۾ گرفتار ٿيل ڊاڪٽر عاصم کان اعترافي بيان جاري ڪرايو ويو، جنهن ۾ ڊاڪٽر عاصم اعتراف ڪيو ته آءُ  ايم ڪيو ايم جي دهشتگرد ونگ کي وسيم اختر ۽ روف صديقي جي معرفت فنڊنگ ڪندو هئس، اهڙي اعترافي بيان کانپوءِ  ايم ڪيو ايم جي تجويز ڪيل ڪراچي ميئرشپ وسيم اختر ۽ روف صديقي جي گرفتاري جا واضح امڪان موجود آهن،  ان کان علاوه 28 نومبر تي ڪراچي اندر  جماعت اسلامي، تحريڪ انصاف، لانڊهي ۾ ايم ڪيو ايم حقيقي جي جلسي توڙي شيري رحمان جي اڳواڻي ۾ نڪتل پ پ جي يوم تاسيس واري ريلي ۽ ايم ڪيو ايم پاران عوامي طاقت جو ڪيل مظاهرو، مٿان وري لياري ڪڪري گرائونڊ ۾ ٿيل 29 نومبر تي تحريڪ انصاف جو عظيم الشان جلسو 30 نومبر تي ملير ۾ ٿيل بلاول  ڀٽي زرداري جي اڳواڻي ۾ پ پ جو جلسو ۽ عوامي طاقت جو مظاهرو ڪراچي راج نيتي حاصل ڪرڻ هو، هاڻي ڏسڻو آهي ته ڪراچي مٿان ڪهڙي ڌر راج ڪري ٿي، گذريل 10 ڏينهن کان جاري پي ٽي آءِ، پ پ، ايم ڪيو ايم، جماعت اسلامي ۽ ايم ڪيو ايم  حقيقي جي  چونڊ مهم کي ڏسي اندازو لڳائي سگهجي ٿو، ته ڪراچي ۾ راج نيتي واري ڊوڙ ۾ صرف ٻه ڌريون آهن، پ ٽي آءِ ۽ جماعت اسلامي باقي ايم ڪيو ايم توڙي پ پ کي ڪراچي ۾ اقتدار نه ڏنو ويندو، جيڪا نه صرف وڏي سرڪار جي خواهش آهي، بلڪي ڪراچي جو عوام به گذريل ست سالن کان مفاهمت  جي آڙ ۾ ڪراچي کي لٽيندڙن مان بيزار آهي، 5 ڊسمبر وارا چونڊ نتيجا ايم ڪيو ايم ۽ پ پ لاءِ ائين هوندا، جيئن ٻئي مرحلي واري اليڪشن  ۾ بدين جا چونڊ نتيجا هئا، بهرحال هڪ شئي طئي ٿيل آهي ته ڪراچي جو تاج اهڙي ڌر کي پارايو ويندو، جنهن سان ڪراچي جو نه صرف امن امان بحال رهي بلڪي ڪراچي آپريشن به جاري رهي.

ashrafnoonari786@gmail.com

 

اسلام آباد جي تاريخ ۾ پهريون مڪاني چونڊون

اسلام آباد جي تاريخ ۾ پهريون ڀيرو ٿيل مڪاني چونڊن ۾ پي ٽي آءِ کي سرسي، ن ليگ ٽئين نمبر ۽ ٻئي نمبر تي آزاد اميدوارن کي ڪاميابي ملي آهي، غير سرڪاري ۽ غير حتمي نتيجن مطابق اسلام آباد ۾ ٿيل مڪاني چونڊن ۾ پي ٽي آءِ کي سرسي حاصل رهي، جنهن موجب پي ٽي آءِ جا 57، مسلم ليگ جا 20، پ پ جو 1، آزاد 25 اميدوار ڪامياب ٿيا آهن، جڏهن ته يوسي 40 ۽ 53 تي پي ٽي آءِ ڪلين سوئيپ ڪيو، پي ٽي آءِ جي اميدوار هٿان ن ليگ جي ميئر جي اميدوار ظفر علي شاهه کي شڪست ڏني وئي. آزاد اميدوار گجر شاهه ڪامياب ٿيو، چيئرمين ۽ وائيس چيئرمين تي پي ٽي آءِ جا 10،ن ليگ جا 10 ۽ 6 آزاد اميدوار ڪامياب ٿيا. پي ٽي آءِ جا يوسي 40 تي سمورا اميدوار ڪامياب ٿيا، يوسي 44 تي به پي ٽي آءِ کي سرسي حاصل رهي، يوسي 33 تي چيئرميني لاءِ عارف خان ڪامياب ٿيو، يوسي 29 تي پي ٽي آءِ جو خرم بختيار، يوسي 37 تي ملڪ ساجد، يوسي 42 تي عورت اميدوار رخشنه، يوسي 25 تي چيئرمين لاءِ عتيق الرحمان، يوسي 42 تي ڪائونسلر لاءِ واجد علي، يوسي 35 تي ملڪ عرفان چيئرميني لاءِ ڪامياب ٿيو، يوسي 36 تي پي ٽي آءِ جو فيصل نديم، يوسي 44 تي محمد اظهر کي سرسي رهي، يوسي 5 پولنگ 40 تي علي اعواڻ ڪامياب ٿيو. مسلم ليگ جا 6 چيئرمين ڪامياب ٿيا، يوسي 42 تي چيئرميني لاءِ فرمان علي ڪامياب، يوسي 26 تي چوڌري الله ڏتو، يوسي 32 تي ملڪ منير، يوسي 44 پولنگ 7 تي ملڪ آفتاب، يوسي 39 پولنگ 4 تي ملڪ ساجد، يوسي 46 پولنگ 9 تي ملڪ آفتاب ن ليگ جي اميدوارن کي سرسي حاصل رهي. يوسي 17 تي آزاد اميدوار قيصر جاويد ڪامياب ٿيو، يوسي 44 پولنگ 9 تي عوامي ورڪرز پارٽي جي فضل شاهه کي سرسي حاصل رهي، يوسي 48 پولنگ 11 تي آزاد اميدوار ملڪ امتياز کي سرسي حاصل رهي، رات دير تائين حاصل ٿيندڙ نتيجن مطابق پي ٽي آءِ پهرين پوزيشن تي هئي. واضح رهي ته اسلام آباد جي ڪل 50 يونين ڪائونسلن، جنهن ۾ شهري ۽ ٻهراڙي جون يوسيون شامل آهن جن ۾ 650 سيٽن تي چونڊون ٿيون، عورتن لاءِ 100، مزدورن ۽ هارين لاءِ 50، نوجوانن لاءِ 50 ۽ اقليتن لاءِ 50 سيٽون شامل آهن. هر يوسي ۾ 13 اميدوار هئا جن لاءِ هر ووٽر کي 6 ووٽ ڏيڻا هئا، چونڊن ۾ ن ليگ جي 506، تحريڪ انصاف جي 479، پي پي جي 81، جماعت اسلامي جي 164، ٻين جماعتن جي 205 ٽڪيٽن تي اميدوان چونڊن ۾ حصو ورتو ۽ 972 آزاد اميدوار پڻ چونڊن ۾ بيٺا.