تازيون خبرون

Daily Archives: November 23, 2015

اڄ پاڪستان جي عوام لاءِ ڪارو ڏينهن آهي: سراج الحق

بنون (مانيٽرنگ ڊيسڪ) جماعت اسلامي جي مرڪزي امير سراج الحق چيو آهي ته اڄ پاڪستان جي عوام لاءِ ڪارو ڏينهن آهي، بنگلاديش جماعت اسلامي جي اڳواڻن امام حسين جي ياد تازي ڪئي آهي، ڇو ته امام حسين زيد جي هٿان بعيت وٺڻ کان انڪار ڪري پنهنجي جانين جا نظرا پيش ڪيا ۽ شهادتکي ترجيح ڏني، بنگلاديش ۾ جماعت اسلامي جي جنرل سيڪريٽري علي حسن مجاهد ۽ مرڪزي اڳواڻ صلاح الدين قادر کي بنگلاديش کي ڍاڪا جيل ۾ ڦاهي ڏني وئي ۽ ان جي لاشن کي وارثن حوالي ڪري اماڻي علائقن ۾ دفنايو آهي، هن اسلامي انقلاب جي خطاب ڪندي چيو ته سوال اهو آهي ته 40 سالن کانپوءِ جماعت اسلامي بنگلاديش جي جنرل سيڪريٽري علي حسن مجاهد، مرڪزي اڳواڻ مطعين رحمان نظامي تي ڇو ڪيس هلايو، ان جو ڏوهه اهو آهي ته هن 1971 ۾ پاڪستان ۽ پاڪ فوج جو جهنڊو ۽ نالي ۽ نظري سان وفاداري ڪئي ۽ ان کي ڦاهي جي سزا ڏني وئي. ان عدالت ۾ پڇيو ويو ته توهان پنهنجي غلطي کي تسليم ڪيو ٿا ته هن چيو ته اسان 1978 ۾ ان وقت مغربي پاڪستان صوبي جي نه پر نظريي جي حمايت ڪئي هئي، ڇو ته پاڪستان ڪجهه صوبن جو نالو نه پر نظريو ۽ عقيدتي جو نالو آهي جنهن لاءِ هڪ ڀيرو نه پر هڪ لک ڀيرا شهادت لاءِ تيار آهيون، علي حسن مجاهد کي ڦاهي کان اڳ رحم جي اپيل ڪرڻ لاءِ چيو پر هن ظالمن ۽ انڊيا جي ايجنٽ حسينا واجد کي رحم جي اپيل ڪرڻ کان انڪار ڪيو ۽ پاڪستان جي سرزمين لاءِ بنگلاديش جي سرزمين جي شهادت ماڻي قرباني ڏني ۽ اهو ثابت ڪيو ته پاڪستان لاءِ جيئڻ مرڻ ۽ رت پيش ڪرڻ جنت جي ضمانت آهي پر افسوس آهي ته بنگلاديش ۽ سرينگر ۾ پاڪستان لاءِ قربانيون ڏنيون پيو وڃن پر اسان جو وزيراعظم نواز شريف اسلامي پاڪستان بدران لبرل پاڪستان جي بنياد وجهڻ جي ڳالهه ڪري رهيو آهي، اسان ان کي ٻڌائڻ چاهيون ٿا ته جيڪڏهن ان کي لبرل يا سيڪيولرزم پسند آهي ته هو هندستان جي نئين دهلي هليو وڃي، ڇو ته اسان جي ماڻهن سيڪيولرزم لاءِ پر اسلامي پاڪستان خاطر قربانيون ڏنيون آهن ۽ پاڪستان جي باني قائد اعظم قوم سان 114 دفعو واعدو ڪيو ته پاڪستان کي مدينه منوره وانگر مدينا ثاني بڻايو ويندو ۽ اسلامي رياست ۽ اسلامي حڪومت بڻجندي. اسان اعلان ڪيون ٿا ته اسلامي پاڪستان لاءِ پنهنجي جان ڏينداسين ۽ شهيدن جي خون سان غداري نه ڪنداسين.

 

مان ۽ رنبير ڪپور شاهه رخ ۽ ڪاجول جي جوڙي جا وڏا مداح آهيون: دپيڪا پڊڪون

ممبئي (شوبز نيوز) بالي ووڊ جي خوبصورت اداڪاره دپيڪا پڊڪون چيو آهي ته مان ۽ رنبير ڪپور شاه رخ ۽ ڪاجول جي ڪامياب جوڙي جا مداح آهيون ۽ ان جي فين ڪلب ۾ ئي شمار ٿيون ٿا دپيڪا پڊڪون ۽ رنبير ڪپور جيڪيمسٽري کي ڪيترن ئي فلمن ۾ گهڻو ساراهيو ويو هو ايتري قدر جو ٻنهي جي جوڙي کي بالي ووڊ جي سب کان ڪامياب جوڙين مان هڪ شاهه رخ ۽ ڪاجول جي جوڙي سان به تشبيح ڏني ويئي دپيڪا ۽ رنبير بچنا اي حسينو، يه جواني هي ديواني ۾ گڏ ڪم ڪري چڪا آهن ۽ هاڻي هي جوڙي امتياز علي جي هدايت ۾ ٺهيل فلم تماشا ۾ هڪ دفعو ٻيهر گڏ نظر ايندي ميڊيا سان ڳالاهيئندي دپيڪا پڊڪون چيو ته مون ۽ رنبير ڪپور کان پڇا ڪئي ويئي ته اسان ڪنهن فلم جو حصو بڻجڻ چاهينداسين جنهن تي اسان ٻنهي فلم دل والي دلهنيا لي جائينگي جو نالو ورتو هو اسان هن فلم جي لو اسٽوري کي ڏسندي وڏا ٿيا آهيون ۽ ٻين مداحن وانگر اسان به شاهه رخ ۽ ڪاجول جي جوڙي جا وڏا مداح آهيون. ٻنهي اداڪارن نئين فلم تماشا 27 نومبر تي سئنيمائن ۾ نمائش لاءِ پيش ڪئي ويندي.

 

زندگي ۾ حقيقي سيڪس سين ڪرڻ تي پاڻ کي ڏوهي محسوس پئي ڪيان: جينيفر لارنس

واشنگٽن (شوبز نيوز) هالي ووڊ اداڪاره جينيفر لارنس انڪشاف ڪيو آهي ته پنهنجي زندگي ۾ حقيقي سيڪس سين ڪرڻ تي پاڻ کي ڏوهي محسوس ڪري رهي آهيان، ڇو ته ڪرس پريٽ پرڻيل هو، هڪ انٽرويو ۾ جينيفر لارنس چيو ته مان تمام گهڻي ڇڪ رکندڙ ڪرس پريٽ سان حقيقي سيڪس سين ڪرڻ لاءِ تمام گهڻو شراب پيتو ۽ اهڙي ريت پاڻ کي نشي ۾ڌت ڪري تڪراري منظر فلمبند ڪرايو. هن چيو ته ان منظر کانپوءِ مانتمام گهڻي بيچيني محسوس ڪرڻ لڳيس ۽ جڏهن گهر پهتيس ته ان وقت به پريشان هئس ته مان اهو ڇا ڪري ڇڏيو. اداڪارا جو چوڻ هو ته پريٽ پرڻيل آهي ۽ اهو پهريون ڀيرو ٿيو آهي ته مان ڪنهن پرڻيل ماڻهو سان محبت وارا منظر فلمبند ڪرايا هجن ۽ ان کي چميون ڏنيون هجن. هن چيو ته پاڻ کي ڏوهي محسوس ڪرڻ جي سڀ کان خراب ڳالهه اها آهي ته توهان کي پيٽ ۾ سور پئجي ويندو آهي. جينيفر چيو ته ڳالهه اتي ئي ختم نه ٿي پر مون پنهنجي امڙ کي به ٻڌايو ته مان اها حرڪت ڪئي آهي، ڇا تون مونکي چوندئين ته مٺي اهو سڀ ڪجهه صحيح ناهي؟ جينيفر لارنس ، ڪرس پريٽ سان ريئل سيڪس سين پنهنجي ايندڙ فلم پيسينجر لاءِ فلمبند ڪرائي آهي، جيڪا هلندڙ سال ڊسمبر ۾ رليز ٿيندي.

 

بي پي ايل جي چرڪائيندڙ شروعات، رنگپور ڪامياب، عامر جون 4 وڪيٽون

ميرپور (اسپورٽس نيوز) بنگلاديش پريمئير ليگ ۾ قومي ٽيسٽ ٽيم جي ڪپتان مصباح الحق بهترين  بيٽنگ ڪندي پنهنجي ٽيم رنگ پور رائيڊر کي فتح ڏياري ڇڏي، جڏهن ته محمد عامر جي بهترين بالنگ ڪارڪردگي وڃائي ڇڏي. اڄ ڪوشير بنگلا اسٽيڊيم ميرپور ۾ کيڏي ويندڙ پريمئير ليگ(بي پي ايل) جي پهرين ميڇ رنگ پور رائيڊرز ۽ چڻاگانگ وائڪنگز جي ٽيمن جي وچ ۾ هئي. چٽاگانگ پهرين بيٽنگ ڪندي 187 رنز جي ڳري گڏيل اسڪورسان بورڊ جي زينت بڻي، ڪپتان تميم اقبال 51 رنز ڍاهي سڀ کان ڪامياب بيٽسمين رهيو، جڏهن ته تلڪار تني دلشان 29، انعام الحق 36 ۽ جيون مينڊس 3 رنز ٺاهي نمايان رهيا. رنگ پور پاران ثقلين ساجب ٽي جڏهن ته ابو جيد 2 وڪيٽون حاصل ڪيون.188 رنز جي پويان رنگ پور جي شروعات سٺي نه هئي ۽ هو 23 رنز تي چار وڪيٽون ڳڻائي سخت ڏکيائي ۾ ڦاسي ويوهو ۽ ان تباهي جي ذميواري محمد عامر تي هئي، جنهن 2 وڪيٽون حاصل ڪرڻ سان گڏوگڏ هڪ ميڊن به ڪرايو پر ان موقعي تي مصباح الحق اهم ڪردار نڀائيندي پنهنجي ٽيم جي ميچ کٽڻ جي اميد برقرار رکي.

 

 

نومبر جي بلدياتي اليڪشن جتوئي خاندان جي سياست جا تڏا ويڙهه ڪري ڇڏيا:عاشق علي سومرو

19 نومبر جي بلدياتي چونڊ ۾ لڳي ائين ٿو ته عوام ٿورو سوچ سمجهه کان ڪم ورتو آهي، ڪجهه لوٽن ۽ وڏيري شاهي جي قمدارن کي لفٽ گهٽ ڪرائي آهي ، اگر اسان سنڌ جي علائقن جي ڏسون ته  عوام جا يونين ڪائونسل سطح تائين مسئلا حل نه ٿي رهيا هئا، عوامي مسئلن کي ختم ڪرڻ ته ممڪن نه آهي پر انهن مسئلن جي حل لاءِ ٿوري ڪوششون ڪرڻ به اسان جي وڏيرن جي سامهون مشڪل پيو لڳي،  ڇو ته هر ماڻهوءَ جي پهچ سنڌ حڪومت يا وفاقي حڪومت تائين نٿي ٿي سگهي. ان ڪري هيٺئين سطح تي اقتدار جي منتقلي وارو عمل به اِهو ئي ڄاڻائي ٿو ته هر ماڻهوءَ جو يونين ڪائونسل سطح تي مسئلو جلديءَ ۾ حل ٿي وڃي. ها اسان اگر ڏسون ته پهريان کان ڪجه نوان چهرا سامهون آيا آهن، جنهن ۾ ڪجهه نوجوان جي به حاضري لڳي پئي، پري وري به مان ائين چوندس ته انهن جي پويان به اهي ئي هٿ آهن جن هميشه اسان جي عوام جو رت چوسيو آهي، ڏٺو وڃي ته هن وقت پاڪستان پيپلز پارٽي صرف سنڌ تائين محدود ٿي وئي آهي، پ پ پ جو وجود آهستي آهستي ختم ٿي رهيو آهي. پر ان باوجود به پهرين ۽ ٻئين مرحلي ۾  پ پ پ جي اڪثريت سان ڪاميابي ٿي آهي، مڪاني چونڊن جي پهرئين توڻي ٻئي مرحلي ۾ پيپلز پارٽيءَ کي جيڪا ڪاميابي ملي آهي، تنهن جو اِهو هرگز مطلب ناهي ته ڪو عوام کانئن خوش آهي يا سندن ڪارڪردگيءَ کان مطمئن ٿي انهن سندن مقرر نمائندن کي سوڀارو ڪيو آهي، پر جيئن ته هيءَ مڪاني چونڊ آهي ۽ عام ماڻهو انهيءَ حقيقت کي سمجهي ٿو ته جيڪڏهن سندن علائقن جو ڪو ٿورو گهڻو ڪم ٿي سگهي ٿو ته اُهو سرڪاري ڌر جي سهڪار کانسواءِ ممڪن ناهي ۽ اِها پڻ حقيقت آهي ته اسان وٽ سرڪار پنهنجي مخالفن کي ڪنهن به ريت اِهو موقعو فراهم ناهي ڪندي ته اُهي ترقياتي ڪم ڪرائي ماڻهن ۾ پنهنجي ساک قائم ڪن ۽ انهيءَ سوچ تحت اُهي علائقا اڪثر نظرانداز ڪيا ويندا آهن، جن ۾ حڪومت مخالف نمائندا ڪاميابي ماڻيندا آهن. هاڻوڪين چونڊن ۾ جيڪڏهن عام ماڻهن پيپلز پارٽيءَ جي نمائندن جي چونڊ ڪئي آهي ته اُن چونڊ ۾ اهڙي سوچ جو وڏو عنصر شامل آهي. تنهن ڪري حڪمرانن کي پنهنجي ڪاميابين جي سببن تي ٿورو گهڻو ضرور ويچار ڪرڻ گهرجي.

اگر اسان ضلعي نوشهروفيروز تي ٿوري نظر وجهون ته هن دفعي تما وڏي تبديلي نظر آئي آهي. نوشهروفيروز جي اهم شخصيتن جا تڏا ويڙهجي ويا، ان جا سبب به اسان اوهانجي سامهون آهن.

نوشهروفيروز مان پيپلزپارٽي جتوئي خاندان جي سياست جي تڏا ويڙهه ڪري ڇڏي، نوشهروفيروز جي 5 تعلقن محرابپور، ڪنڊيارو، ڀرياسٽي، مورو، نوشهروفيروز ۾ ٿيندڙ بلدياتي اليڪشن جي ٻئي مرحلي ۾ غير سرڪاري ۽ غيرحتمي نتيجن موجب پيپلزپارٽي ميونسپل ڪميٽي مورو جي 13 وارڊن مان 10 تي ڪاميابي حاصل ڪئي جڏهن ته جتوئي خاندان ۽ مسلم ليگ 3 وارڊ کٽي سگهيا. جڏهن ته تعلقي مورو جي 16 يوسين مان جتوئي خاندان صرف 6 يوسيون کٽي سگهيو جن ۾ نوان جتوئي، دلو شاهه، ڏيپارجا، خيرواهه، مناهين، صالح پور کٽي سگهيو جڏهن ته پ پ 10 يوسيون جن ۾ خالصو، پراڻو گچيرو، يوسي لليا، فتو ٻلال، قئنچي جاگير، لنڊڪي، ڪهڪاٽ، ڪوٽ ستابو، درس، ليٽ تي ڪاميابي حاصل ڪئي. جڏهن ته تعلقي نوشهروفيروز اندر 4 ٽائون ڪميٽي مقرر ٿيل هنيون جن مان ٽائون ڪميٽي مٺياڻي تي اليڪشن ملتوي ڪئي وئي هئي باقي 3 ٽائون ڪميٽين نوشهروفيروز، درياخان مري، پڊعيدن تي پ پ جا اميدوار پڻ ڪامياب ٿيا. تعلقي نوشهروفيروز اندر 14 يوسين آهن جنهن مان پ پ 7 يوسين ڀرنڊ، ڪور حسن، سرحل، ڦل، ڏنگيجا، ڀانڀري، چاناري تي ڪاميابي حاصل ڪئي ۽ جتوئي خاندان 6 يوسيون جن ۾ ٺٽ، ابڙان، وڳڻ، نورپور، ويسر، چيهو کٽي سگهيو جڏهن ته هڪ يوسي مصرجي واهه ته مسلم ليگ فنڪشنل ڪاميابي ماڻي. تعلقي ڀرياسٽي اندر 3 ٽائون ڪميٽيون جنهن مان 2 ٽائون ڪميٽيون ڀرياسٽي ۽ ٺاروشاهه تي پ پ اميدوار ڪامياب ٿيا جڏهن ته ڀريا روڊ تي شهري اتحاد جي اميدوارن سوڀ ماڻي. تعلقي ڀريا ۾ 13 يوسيون آهن جن مان 3 تي مڏ عليم، لڌوراڻو، مولهڻ تي اليڪشن ڪميشن پاران اليڪشن ملتوي ڪئي وئي هئي. باقي 10 يوسين دالي، درياخان جلباڻي، چانهين، گهيڙ گجو، کاهي قاسم، کاهي ممن، ڪوٽ بهادر، دليپوٽا، راڄو ڪيريو، ٻيلاواهه تي پ پ جي اميدوارن ڪلين سوئيپ ڪيو. هتان جتوئي خاندان ۽ مسلم ليگ ن جي اميدوارن کي هڪ به سيٽ نصيب نه ٿي. تعلقي ڪنڊيارو اندر 5 ٽائون ڪميٽين مان 4 ٽائون ڪميٽين خانواهڻ، محبت ديرو، درٻيلو، ڀورٽي تي اليڪشن ڪميشن پاران اليڪشن ملتوي ڪئي وئي هئي جڏهن ته هڪ ٽائون ڪميٽي ڪنڊيارو مان پيپلزپارٽي جا اميدوار وڏي اڪثريت سان ڪامياب ٿيا. تعلقي ڪنڊياور اندر 12 يوسيون آهن جن مان 2 مڃٺ، موريا يوسي تي اليڪشن ڪميشن پاران اليڪشن ملتوي ڪئي وئي. باقي 10 مان 7 تي پيپلزپارٽي جا اميدوار ڪامياب ٿيا جن ۾ يونين ڪائونسل محبت ديرو سيال، ڪوڙو خشڪ، شيخاڻي، ڪنڌر، غلام شاهه، ڏيٿا، ڪمال ديرو تي ڪاميابي حاصل ڪئي جڏهن ته شاهه جتوئي اتحاد ڄام نورالله، گهانگهرا ۽ سومر چنڙ يوسين تي ڪاميابي حاصل ڪئي. تعلقي محرابپور اندر 2 ٽائون ڪميٽيون آهن جن مان هالاڻي تي چونڊون ملتوي ڪيون ويون باقي ٽائون ڪميٽي محرابپور تي شاهه جتوئي جا اميدوار ڪامياب ٿيا. جڏهن ته تعلقي اندر 9 يونين ڪائونسلون هيون جن مان بهلاڻي، ڪوٽڙي ڪبير، ديهات تي چونڊ ملتوي ڪئي وئي باقي 6 يوسين جئندو راڄپر، مهر حاجي، لاکا روڊ، سعيد پور، نئون آباد، هوت خان جلباڻي تي پ پ جي اميدوارن ڪاميابي ماڻي. اهڙي طرح ٿيندڙ اليڪشن اندر ڪافي جاين تي دلچسپ مقابلا پڻ ٿيا جنهن ۾ يوسي جلباڻي تي اڳوڻي ايم پي اي سيد نور محمد شاهه کي پ پ تعلقي ڀريا جي صدر شڪيل احمد جلباڻي شڪست ڏني. ٺاروشاهه بلدياتي چونڊن ۾ 8 وارڊ ٽائون ڪاميٽِي تي علي پينل ڪاميابي ماڻي سٽي چيئرمين جو آزاد اميدوار چونڊ جي ويو غير حتمي فيصلو شهرين پاران خوشي ۾ ريلي. چونڊن جي ڪاميابي حق سچ جي فتح چئيرمين تي عوام جا مئسلا حل ڪبا، وارڊ 06 ۾ ڪاميابي ماڻيندڙ علي خان عالماڻي خبر موجب ٺاروشاهه ٽائون ڪاميٽي جي 8 وارڊن تي علي پينل پاران ڇهه وارڊ ٻهاري ويا، جڏهن ته پ پ ايم اين اي سيد اصغر علي شاهه جي پينل جا 2 اميدوار ڪامياب ٿي ويا، جڏهن وراڊ 01 ۾ علي پينل جي ڪامياب اميدوار شاهد علي نارائي 678 جڏهن ته سيد اصغر علي شاهه گروپ جي پينل اميدوار الطاف کوکر 255 جڏهن ته وارڊ 02 ۾ علي پينل جي ڪامياب اميدوار حافظ جڙيل منگي 611 جڏهن سندس مقابلي پ پ ايم پي اي سيد مراد علي شاهه جي پينل جي مشتاق رضا ڪلهوڙو 166. جڏهن ته وارڊ 03 ۾ ڪامياب اميدوار علي پينل جي شعيب علي ڪلهوڙو عرف ممتاز علي 508 . سندس مقابلي ۾ پ پ ايم پي اي سيد مراد علي شاهه جي پينل جي اميدوار طفيل ڪلهوڙو 257. جڏهن ته وارڊ 04 ۾ پ پ ايم اين اي سيد اصغر علي شاهه جي پينل ڪامياب اميدوار ٽڪا خانزادهه 373، سندس مقابلي ۾ علي پينل جي اسلم خانزاده 343. جڏهن وارڊ 05 ۾ علي پينل جي ڪامياب اميدوار راڻا حيات راجپوت 353، جڏهن ته مقابلي پ پ ايم اين اي جي اميدوار مرسلين راجپوت 215، جڏهن ته علي خان عالماڻي ڪامياب اميدوار طور تي 727 ، جڏهن ته آزاد اميدوار خالد خانزادهه 202، جڏهن وارڊ 07 علي پينل جي ڪامياب اميدوار عاشق راجپوت عرف شجو 556، جڏهن ته مقابلي ۾ پ پ ايم پي اي مراد علي شاهه جي پينل جي سيد ارشاد شاهه 299، جڏهن وارڊ 08 پ پ ايم اين اي سيد اصغر علي شاهه جي پينل جي ڪامياب اميدوار حاجي عبدالروف خانزادو 337، جڏهن ته علي پينل جي اميدوار فيصل لطيف ڀٽي 310 ووٽ کيا، جڏهن ته ڪامياب اميدوار جي حمايت ۾ نصرالله ڪلهوڙو، وقار راجپوت، ۽ ٻين جي اڳواڻي ۾ ريلي ڪڌي دولن شهناين تي رڪش ڪري جمريو هيون. جڏهن ته چونڊ ۾ سيڪورٽي جي حوالي سان ڦول پورف اتنظام ڪيا ويا، ڪٿي به اڻ وڻت واڪيو پيش نه آهيو. جڏهن پ پ ايم پي سيد مراد علي شاهه توڙي پ پ ضلعي صدر عبدالحق ڀرٽ جو ڪو به اميدوار ڪامياب نه ٿي سگهيو.  جڏهن ته نوشهروفيروزجي 6 ٽائون ۽ 17 يوسيزجي اليڪشن ملتوي ڪئي وئي هئي جنهن ۾ خانواهڻ، مٺهياڻي، بهورٽي، درٻيلو، محبت ديرو جتوئي، هالاڻي انهن سڀني جي نئين تڪبندي جي ڪري اليڪشن ملتوي ڪئي وئي آهي، هاڻي جڏهن انهن جي نئين تاريخ اچي ته وڌيڪ خبر پوندي ته انهن تڪن ۾ ڪهڙي پارٽي ڪامياب ٿيندي، اگر اسان ٿورو ماضيءَ تي نظر وجهون ته مورو  مان هميشه جتوئي برادري ڪاميابي ماڻيندي آهي، پر هن دفعي اتي به هنن جي ڪا به نه هلي. اگر اسان بدين تي ٿورو نظر وجهون ته اتي به هڪ وڏي تبديلي نظر آئي آهي مرزا گروپ جي ڪثريت سان ڪاميابي مان لڳي ٿو ته ماڻهن هن دفعي ٿورو سوچي سمجهي ووٽ وڌو آهي ۽ پنهنجي  چونڊيل نمائندن سان ڳالهه ٻولهه ڪري پوءِ ووٽ ڪاسٽ ڪيو آهي.

مڪاني چونڊن ۾ ڪامياب ٿيل چيئرمينن، وائيس چيئرمينن ۽ ڪائونسلرن جي چونڊن کانپوءِ هاڻ ضلعيجي  يونين ڪائونسلن ۽ يونين ڪميٽين ۾ چونڊن جو انتظار آهي، جتي چونڊ عمل کي چونڊن واري رات تڪبندين جي مسئلن سبب روڪيو ويو هو. انتظار آهي ته اُتي چونڊن ۾ ڪير سوڀارو ٿئي ٿو ۽ ڪير هارائي ٿو. چونڊن واري عمل جي مڪمل ٿيڻ کانپوءِ ضلعي سطح تي چيئرمين ۽ ميمبرن  جي چونڊ وارو عمل به ڪجهه ڏينهن ۾ سامهون اچي ويندو

هن چونڊ جي نتيجي ۾ اسان جنهن به ميمبر کي ووٽ ڪيو آهي انهن کي ٿورو سوچي سمجهي عوامي مسئلن تي ڪم ڪرڻو پوندو ته اڳتي هلي انهن کي ووٽ جي اميد به نظر ايندي، ائين نه ٿئي ته جيئن جتوئي خاندان پنهنجي سياسي حيثيت ڏينهون ڏينهن وڃائيندا پيا وڃن،هاڻ عوام جو جتوئي خاندان مٿان ڀروسو ختم ٿيندو پيو وڃي. جتوئي خاندان کي گهرجي ته پنهنجي سياسي حيثيت واپس ڪرائڻ لاءِ عوامي مسئلن تي ٿورو سوچي ۽ پنهنجي قيمتي ٽائيم مان  غريب عوام لاءِ به ٿورو ڏين ته عوام هنن جو ڀرپورساٿ ڏيندو، جتوئي خاندان پنهنجي پارٽي کي جيڪو مسلم ليگ ن ۾ ضم ڪيو ان عمل جي ڪري به عوام ٿورو پوئتي ٿي ويو هو. اميدون آهن ته هنن سياسي ميدان ۾ جتوئي خاندان ۽ ٻيا سياسي اڳواڻ هن اليڪشن مان ٿورو سبق وٺي عوام جي خدمت ڪندا ته مستقبل ۾ پنهنجو ووٽ ٺاهيندا، ٻي صورت اسان ۽ اوهان جي سامهون آهي.

 

 

شام ۽ عراق ۾ هلندڙ خانه جنگي…: غلام مصطفيٰ جمالي

مشرڪي سطح تي هن وقت ٻه اهڙا ملڪ آهن جن اندر گذريل چار سالن کان وٺي خانه جنگي جاري آهي. جنهن اندر شام توڙي عراق جا هزارين بي گناه ماڻهو انهي خانه جنگي ۾ مارجي ويا آهن.پر افسوس ته انهي ڳالهه جو آهي جو  عالمي برادي انهي مسئلي کي حل ڪرڻ بجاءِ مجرماني غفلت جو مظاهرو ڪري رهي. جڏهن ته اها به هڪ حقيقت آهي ته عراق ۽ شام ۾ هلندڙ خانه جنگي ۾ دنيا جون ٻه  قوتون ڪم ڪري رهيون آهن. هڪ اها جيڪا قوت جيڪا عراق ۽ شام اندر خانه جنگي چاهي ٿي .جيڪا نه رڳو شام ۽ عراق ۾  دهشتگردي جي حامي آهي پر انهن دهشتگردن کي عسڪري طاقت پڻ فرام ڪندي آهي.جيڪا ڪڏهن به نه ٿي چاهي ته ٻنهي ملڪن اندر امن ٿي ۽ ٻنهي ملڪن جي عوام تان دهشتگردي ختم ٿئي.جڏهن ته ٻئي قوت اها آهي جيڪا شام ۽ عراق ۾ هلندڙ خانه جنگي جي خلاف آهي ۽ اها چاهي ٿي ته شام ۽ عراق ۾ امن ٿي.جيڪي قوت ٻنهي ملڪن جي حڪمرانن جي حق ۾ آهي ته کين انهن دهشتگردن جي خلاف جنگ ۾ فتح ٿي جنهن ٻنهي ملڪن جي عوام دهشتگردي جهڙي ماحول نڪري سک ۽ شانتي واري ماحول ۾ پنهنجي زندگي گذاري سگهي.انهي ڪري اها وجهه آهي جو شام ۽ عراق اندر امن قائم نه پيو ٿي سگهي.جڏهن ته اقوامي متحده اهو واحد ادارو آهي جيڪو دنيا ۾ امن قائم ڪرڻ جي حوالي سان ڪم ڪري رهيو آهي.پر افسوس ته اهو آهي جو انهي امن قائم ڪرائڻ واري اداري کي شام ۽ عراق ۾ ٿيندڙ تباهي نظر ڇون ڪون پئي اچي.تازو فرانس حملن کانط پوءِ جيڪا شام ملڪ اندر آمريڪا ۽ فرانس ڪئي آهي.انهي حالت جا منظر انساني اک ته ڏسي نه پئي سگهي.ڀلي انهي منظر جي عالمي سطح تي نه ڏيکاريو وڃي.پر انهي تباهي جا منظر شوشل ميڊيا جي هن وقت بحثن جي سرفهرت آهن.جڏهن ته اهڙي صورتحال اندر اقوامي محتده جو خاموش تماشائي وارو ڪردار سمجهه کان ٻاهر آهي.جڏهن ته شام ۽ عراق ۾ اندر هن وقت وڌندڙ دهشتگردي تمام گهڻو زور وٺي وئي آهي.پر مغربي ملڪن جي اها به خبر هجڻ گهرجي ته هن وقت جيڪا عراق ۾ شام اندر هنلدِڙ خانه جنگي آهي جنهن اندر شام ۽ عراق جي بي گناه عوام مري رهي آهي پر انهي خانه جنگي جي دکندڙ باهه هڪ نه هڪ ڏينهن شعلن ۾ تبديل ٿي ويندي.جيڪا مغريي ملڪن  کي ساڙي تباهه ڪري ڇڏيندي.هن وقت ڀلي عالمي برادري کان ويندي اقوامي متحده تائين انهي خانه جنگي جي بحران کي حل ڪرڻ لاِ ڀلي سنجيدا نه ٿين انهي خانه جنگي جو کين تمام گهڻو نقصان کڻڻو پوندو.جڏهن ته هن وقت آمريڪا ۽ برطانيه پاڻ کي امن پرست ملڪ سڏارائڻ پيا اهي به انهي باهه جي شعلن کان بچي نه سگهندا.جڏهن ته انهي باهه جي شعلن جي شروعات ٿي چڪي آهي.ڇو ته هن وقت دهشتگردي جا ستايل اهي انسان جيڪي هجرت ڪري يورپي ملڪ ۾ وڃي رهيا آهن.انهي ڪري يورپي ملڪ انهي سوچ ۾ گرفتار آهن ته کين پناهه ڏني وڃي يا نه.جڏهن ته شام ۾ باغين ۽ عراق اندر سرڪاري فوج ڪي ڪاروائين ڪري. ڪاروبار زندگي ملڪ طور ختم ٿي وئي آهي. جڏهن ته ٻنهي ملڪي اندر ڪاروبار تجارت جو تصور به نه ٿو ڪري سگهجي.انهي ڪري ٻنهي ملڪن جي عوام ملڪ جا ڪيترائي علائقا خالي ڪري ٻين ملڪن م پناه وٺڻ لاءِ هجرت ڪري رهيا آهن،اهو سبب آهي جو هن وقت يورپ جي دروازي تي لکين پناهه اڪيلا نه بي يارو مددگار ويٺل آهن.جڏهن ته 2008کان وٺي مالي بحران جو شڪار اهو يورپ مان نه ٿو سمجهان ته انهي لکين پناهگيرن کي پناهه ڏئي سگهي،جڏهن ته آمريڪا شام ۾ داعش کي ختم ڪرڻ ۽ انهن پناهگيرن کي پناهه ڏئي ٿي سگهيو.پر آمريڪا انهي سياسي سوچ جي ڪري اهڙو ڪرادر ادا ڪرڻ کان پاسو ڪري ويو .۽ آمريڪا جي صدر جان ڪيري شام تي ڌيان ڏيڻ بجاءِ پنهنجي سموري توجه فلسطين ۽ اسلائيل مّذاڪرات تي ڏيڻ لڳو.جڏهن ته هاڻي اهي الزام به سامهون اچي رهيا آهن ته مشرقي سطح تي انهي تواني جو بحران پيدا ڪرڻ ۾ آمريڪا جو هٿ آهي.جڏهن ته ڪيترن جي تجريڪارن جو چوڻ آهي ته مستقبل ۾ شايد آمريڪا افغانسان ۽ عراق تي ڪيل حملن وانگر ڪا غلطي ته نه ڪري رهيو آهي.؟پر آمريڪا جي سوچ ۽ پاليسي جي اڄ تائين آمريڪا خد کان سواءِ ڪنهن جي ڄاڻ نه پئجي سگهي آهي.شام ۽ عراق اسلامي ملڪ آهن.انهن اندر ٿيڻ واري خانه جنگي ۾ برطانيه يا آمريڪا کي ڪهڙي تڪليف ٿي سگهي.جڏهن ته اها سلامي ملڪن جي زميواري آهي ته ٻنهي ملڪن ۾ هلندڙخانه جنگي جي طرف ڌيان ڏئي انهي انهي جي حل ڪرائڻ جي ڪوشش ڪن.جڏهن ته مسلمان ملڪن کي سوچڻ گهرجي ته جيڪا مغربي تهذيب اسان جي اسلامي ملڪن تي اثر وڌا آهن ۽ آمريڪا جي پاليسي جيڪا اسلامي ملڪن لاءِ تيار ٿيل آهي انهي ۾ ڪٿي اسلامي ملڪن جي ڀلائي جو ڪو باب لکيل آهي.جي نه ته پوءِ يورپ ۽ آمريڪا شام ۽ عراق لاءِ ڪهڙو سٺو ويهي سوچيندا.انهي ڪري اهو اسلامي ملڪ جي فرض آهي ته هو مشڪل ۾ پيل مسلمان ملڪن جي مدد ڪن.جڏهن ته عراق ۽ شام اندر هلندڙ خانه جنگي جي انت تي هڪ نظر وجهون ته هرطرف لاشن جا مينار نظر اچڻ لڳندا جن جو ڪو به ڌڻي سائين نظر نه ايندو.جڏهن ته هن وقت شام ۽ عراق ۾ ڪيتراتي معصوم ٻار ،مرد،عورتون بي گناه ماريون ويون آهن.۽هن وقت به آمريڪا ۽ فرانس شام ۾ پهنجون ڪاروايون ڪري رهيا آهن.جن جي خلاف ڪو به اسلامي ملڪ جواب نه ڏئي رهيو آهي جيڪا نهايت ڏک ۽ افسوس جهڙي ڳاله آهي ته هڪ مسلمان بي گناه مري ۽ ٻيو خاموشي سان ويهي ڏسي ۽ ان جي مذمت به نه ڪري.

 

 

 

امين ۽ فهيم جو وڇورو

سروري جماعت جو روحاني پيشوا درگاهه حضرت غوث الحق مخدوم سرور نوح جو ارڙهون گادي نشين ۽ پاڪستان پيپلز پارٽي پارليامينٽيرين جو صدر مخدوم محمد امين فهيم المعروف ڏاڏا سائين ڪينسر جي موذي مرض ۾ مبتلا رهڻ بعد 76 ورهين جي ڄمار ۾ ڪراچي جي سائوٿ سٽي اسپتال ۾ ڪالهه صبح سوير لاڏاڻو ڪري ويو، سندس جسد خاڪي ڪراچي کان ايمبولينس ذريعي هالا آندو ويو، جتي جنازي نماز بعد درگاهه سرور نوح ۾ سندس والد مخدوم محمد زمان طالب المولى جن جي پيراندي ۾ هزارين مريدن، پ پ ڪارڪنن، مخدوم خاندان جي فردن جي موجودگي ۾ سڏڪن ۽ اوڇنگارن ۾ مٽيءَ ماءُ جي هنج ۾ سمهاريو ويو. سندس جنازي نماز ۾ پاڪستان پيپلز پارٽي جي چيئرمين بلاول ڀٽو زرداري، سنڌ جي وڏي وزير سيد قائم علي شاهه، اڳوڻي وزيراعظم راجا پرويز اشرف، اپوزيشن ليڊر خورشيد شاهه، ايم اين اي غلام مصطفى شاهه، ملڪ اسد سڪندر، اسپيڪر آغا سراج خان دراني، گهرو وزير سهيل انور سيال، ناڻي واري وزير مراد علي شاهه، وزير اطلاعات نثار کهڙو سميت ٻين اڳواڻن شرڪت ڪئي.

مخدوم امين فهيم سياسي زندگي جي شروعات ذوالفقار علي ڀٽي جي چوڻ تي ڪئي ۽ هو پهريون ڀيرو 1970ع وارين چونڊن ۾ ٺٽي مان ايم اين اي چونڊيو ويو، ان کان پوءِ هو 1977، 1988، 1990،1993، 1997، 2002، 2008ع ۽ 2013ع جي چونڊن ۾ هالا – مٽياري تڪ تان ايم اين اي چونڊيو. ضيا دور ۾ پارٽي فيصلي تحت هو 1985ع عام چونڊن ۾ اميدوار نه هو.  پنهنجي والد مخدوم طالب الموليٰ وانگر مخدوم امين فهيم کي گهڻو اولاد آهي، کيس ڇهه پٽ ۽ هڪ ڌيءُ آهي. سندس وڏو پٽ مخدوم جميل الزمان نه فقط سٺو سياست دان پر سٺو شاعر ۽ محقق به آهي سندس ٻيو پٽ مخدوم شڪيل الزمان سينيئر سول بيوروڪريٽ آهي  مخدوم نجيب الزمان لنڊن مان تعليم حاصل ڪري  ٻاهر ڪاروبار ڪري رهيو آهي. سندس چوٿون پٽ ابو محمد سنڌ يار آهي، دينا ليليٰ مان سندس اڪيلي ڌيءُ برمنگهم يونيورسٽيءَ مان اعليٰ تعليم حاصل ڪري چڪي آهي. مخدوم امين فهيم ملڪ جو واحد سياست دان آهي، جنهن کي حڪومت، مخالف ڌر ۽ اسٽبلشمينٽ ۾ هڪ جهڙي ۽ قدر جي نگاهه سان ڏٺو وڃي ٿو. ضياءُ الحق جي دور کان وٺي وزيراعظم جو عهدو سندس پويان هو پر هو پارٽي سان وفادار رهيو سنڌ جي سمورن سياسي ۽ غير سياسي وڏيرن سان سندس ياري ڪنهن کان به ڳجهي ناهي، پارٽيءَ جي منع ڪرڻ باوجود هن ڄام صادق، پير پاڳاري ۽ شاهنواز جوڻيجي سان ناتا نه ٽوڙيا. کيس راڳ رنگ، شاعري ۽ شڪار سان خاص دلچسپي هئي. سندس ولادت 4 آگسٽ 1939 ع تي هالا ۾ ٿي. هي اڃا ٻن سالن جو هو ته سندس امڙ هن فاني دنيا مان موڪلائي وئي .هن  قانون جو پڻ امتحان پاس ڪيو پر هن قانون کي پنهنجو پيشو نه بڻايو. مخدوم امين فهيم چار شاديون ڪيون جن ۾ پهرين شادي 21 جون 1957 ۾ اوڻويهه سالن جي عمر ۾ پنهنجي خاندان مان ڪئي. ٻئي شادي بنگال سان تعلق رکندڙ هڪ ايئر هوسٽس دينا ليليٰ سان ڪئي. ٽئين شادي ڪراچي جي اردو ڳالهائيندڙ عورت سان ڪئي .69 ۾ لنڊن ۾ مخدوم امين فهيم جي ملاقات پ پ جي باني ۽ اڳوڻي وزير اعظم ذوالفقار علي ڀٽو سان ٿي تنهن بعد هن پ پ ۾ شموليت جو اعلان ڪيو. هن جو والد مخدوم طالب الموليٰ پ پ جو سينيئر وائيس چيئرمين به رهيو. مخدوم خاندان ابتدا کان اڃا تائين پ پ سان نڀائيندا پيا اچن.جنرل ضياءَ الحق ۽ جنرل پرويز مشرف پاران اعليٰ عهدن جي آڇ باوجود به پ پ جي ساٿ ڇڏڻ کان انڪار ڪيو.