تازيون خبرون

Daily Archives: November 23, 2015

بنگلاديش عالمي قانون جي ڀڃڪڙي پيو ڪري، عالمي ادارا ماٺ ڇو آهن؟: پاڪستان

اسلام آباد(بيور) وفاقي گهرو وزير چوڌري نثار علي خان جو بنگلاديش ۾ ڦاهين جي معاملن تي چوڻ هو ته پاڪستان ۽ بنگلاديش جو عوام ماضي ۽ تلخ ڳالهين کي وساري لاڳاپن کي اڳتي وڌائڻ چاهي ٿو پر هڪ گروهه ٻنهي ملڪن جي عوام۾ ڀائيچارو نٿو ڏسي سگهي. بنگلاديش ۾ مخالف ڌر جي پارٽي جي وڌيڪ 2 اڳواڻن کي تڪراري ويڙهه وارن ڪيسن ۾ ڦاهي ڏيڻ تي چوڌري نثار علي خان جو چوڻ هو ته بنگلاديش ۾ عالمي قانون جي ڀڃڪڙي ڪئي پئي وڃي، انسانيت جي قتل ۽ پاڪستانين کان پلاند واري باهه کي هاڻي ٿڌو ٿيڻ گهرجي، پاڪستان ۽ بنگلاديش جي عوام جون دليون گڏ ڌڙڪن ٿيون، پر هڪ گروهه ٻنهي ملڪن جي وچ ۾ ڀائيچارو نٿو ڏسي سگهي. سندس چوڻ هو ته  جماعيت اسلامي ۽ بي اين پي اڳواڻن جي ڦاهي انساني حقن جي ڀڃڪڙي آهي، ڏک آهي ته انهن لاءِ ڪجهه به نه ڪري سگهياسين،جن 45 سال اڳ پاڪستان سان وفاداري ڪئي،پر ان مسئلي کي ڪابينا ۾ اٿاريندس. وفاقي گهرو وزير جو چوڻ هو ته جيڪو بنگلاديش ۾ ٿي رهيو آهي اهو اخلاقيات، عالمي قانونن، انساني حقن جي ڀڃڪڙي آهي ۽ مان حيران آهيان ته عالمي انساني حقن جا ادارا انصاف جي قتل تي ماٺ ڇو آهن، بنگلاديش ۾ پاڪستان کان پلاند واري باهه کي ٿڌو ڪرڻ لاءِ عالمي تنظيمن کي ڪردار نڀائڻ گهرجي.سندس چوڻ هو ته پاڪستان ۽ بنگلاديش جي وچ ۾ دوستي جي ماحول ۾ 1971ع جا واقعا رنڊڪ آهن ۽ هڪ گروهه ٻنهي ملڪن جي عوام جي وچ ۾ بهتر لاڳاپن واري ماحول کي خراب ڪرڻ ۾ ملوث آهي ۽ اسان کي اندازو آهي ته  اهو ڪهڙو گروهه آهي.

 

نجڪاري ڪميشن ملڪي آمدني ۾ ڪراچي جو 70 سيڪڙو حصو هئڻ کي رد ڪري ڇڏي

ڪراچي (اين اين آءِ) نجڪاري ڪميشن جي چيئرمين محمد زبير چيو آهي ته اهو تاثر بلڪل صحيح نه آهي ته ملڪي آمدني ۾ 70 سيڪڙو حصو ڪراچي جو آهي، خطي ۾ پاڪستان جي ترقي جي رفتار سست هجڻ جي وڏي وجهه ملڪ ۾ مختلف نظامن جو اچڻ آهي، 2018 ۾ اقتدار انتقال تي امن ٿيو ته پاڪستان جو مستقبل روشن ٿي ويندو ۽ ملڪ ترقي جي راهه تي هلندو، سياسي ۽ معاشي استحڪام، بجلي پاڻي ۽ دهشتگردي جهڙن مسئلن کي حل ڪرڻ لاءِ مڙني صلاحيتن کي ڪتب آڻي رهيا آهيون، 2018 ۾ جڏهن نئين حڪومت اقتدار ۾ ايندي ته ان کي بجلي جي مسئلو حل ٿيل ملندو، ماضي ۾ جيترو به فوجي آپريشن ٿيو سڀ ناڪام ٿيا، ان جو سبب تمام اسٽيڪ هولڊر کي شامل نه ڪرڻ هو، ڪراچي آپريشن اتفاق راءِ سان ڪيو پيو وڃي، ان جا نتيجا مثبت اچي رهيا آهن، هو ڇنڇر تي ڪراچي جي مقامي هوٽل ۾ پيٿ فائينڊر ۽ نيٽ شيل جي احتمام هيٺ منعقد ڪيل تقرير کي خطاب ڪري رهيو هو، تقريب ۾ سي ٽي اين اي جو جنرل سيڪريٽر ڊاڪٽر جبار خٽڪ، اڪرام سهگل، ايم ڪيو ايم جو اڳواڻ فيصل سبزواري، پاڪستان بينڪر ايسوسئيشن جو سي اي او توفيق حسين ۽ ٻين شرڪت ڪئي. فيصل سبزواري پاران ملڪي آمدني ۾ 70 سيڪڙو حصو ڏيندڙ ڪراچي ۾ آپريشن بابت پڇيل سوال جي جواب ۾ هن چيو ته ڪراچي ۾ آپريشن بنا فرق ڪيو پيو وڃي ۽ اها ڳالهه ته ڪراچي ملڪ کي آمدني جو 70 سيڪڙو ڏئي ٿو بلڪل درست نه آهي، سڄي ملڪ جو آمدني ۾ حصو آهي، ڇو ته ڪيترن ئي ادارن جو ڪراچي ۾ هيڊ آفيس آهي، ان لاءِ هتان آمدني جا انگ اکر ظاهر ڪيا ويندا آهن.

 

ميانمار ۾ مٽي جي ڇپ زمين تي ڪرڻ سبب 90 ماڻهو دٻجي فوت

ڪاچن(م.ڊ) ميانمار ۾ مٽي جي ڇپ زمين تي ڪرڻ سان 90 ماڻهو دٻجي فوت ٿي ويا، اهو واقعو ملڪ جي اترين حـصي جيڊيا فيروز جي ويجهو ان وقت پيش آيو ،جڏهن کاڻ جي گند ڍير اوچتو زمين تي ڪريو ،ميانمار جي اترين رياستجو چن ۾ جتي اهو سانحو پيش آيو  اهو ڏکيو ۽ ڏورانهن علائقو آهي، جنهن سبب تصديق ٿيل خبرن تائين پهچ تمام گهڻي ڏکي آهي. هڪ مقامي آفيسر جو حوالو ڏيندي پرڏيهي خابرو اداري ٻڌايو ته لينڊ سلائينڊنگ جي نتيجي ۾ گهٽ ۾ گهٽ 90 ماڻهو مري ويا آهن ۽ ريسڪيو اهلڪار گم ٿيل ماڻهن جي ڳولا ڪري رهيا آهن،ان کان پهرين هڪ مقامي شخص ٻڌايو هو ته هن گذريل ڏينهن اوندهه ٿيڻ کان پهرين 50 کان وڌيڪ لاش ڏٺا، جيڪي ميٽيءَ جي ڍيرن هيٺان ڪڍيا ويا هئا.

 

ڪو به ماڻهو قانون کان مٿانهون ناهي، عوامي مسئلا حل ڪرڻ لاءِ ڪنهن مفاد کي اهميت نه ڏينداسين:چيف جسٽس

ڪوئٽه (م.ڊ) چيف جسٽس آف پاڪستان چيو آهي ته معاملا ٺيڪ ڪرڻ لاءِ هر آئيني ادارو پنهنجي ذميواري پوري ڪري. جڏهن ته انتظاميا اختيارن جون حدون اورانگهي ته عدالت کي ڪردار نڀائڻو پوندو آهي. سندس چوڻ هو ته 68 ورهين ۾ ملڪ کي مختلف مسئلن کي منهن ڏيڻو پيو آهي، هر ادارو پنهنجون ذميواريون پوريون ڪري،سڀ کان وڏي ذميواري عدالت تي لاڳو ٿئي ٿي. ڪوئٽه ۾ خطاب ڪندي انور اظهر جمالي وڌيڪ چيو ته ڪو به ماڻهو قانون کان مٿانهون ناهي، عوامي مسئلن کي حل ڪرڻ لاءِ ڪنهن مفاد کي اهميت نه ڏني ويندي، بلوچستان عدالت ۾ ڪرپشن جي ڪا به جڳهه ناهي. سندس چوڻ هو ته سپريم جڊيشل جي بحالي بابت منهنجي بيان کي غلط رنگ ڏنو ويو، منهنجي بيان جو قصد هو ته آئين جي مطابق فيصلا ڪيا وڃن. آئين پاڪستان جي ٽنهي ٿنڀن ۾  برابري قائم ڪري ٿو.احساس محرومي ختم ڪرڻ لاءِ سڀني کي هاڪاري ڪرادر نڀائڻو پوندو.

 

شام، عراق، افغانستان ۽ ٻين ملڪن جي مسئلن جو سياسي حل ڪڍيو وڃي: ملحيه لوڌي

نيو يارڪ (اين اين آءِ) گڏيل قومن ۾ پاڪستان جي مستقل نمائندي ڊاڪٽر ملحيه لوڌي چيو آهي ته شام، عراق، افغانستان ۽ ٻين ملڪن جي مسئلن جو سياسي حل ڪڍيو وڃي، گڏيل قومن ۾ پاڪستاني نمائنده ڊاڪٽر ملحيهلوڏي گڏيل قومن جي جنرل اسيمبلي ۾ خيالن جي ڏي وٺ ڪندي شام، عراق، افعانستان ۽ ٻين ملڪن ۾ تڪرارن جي روڪٿام لاءِ سياسي حل جي ضرورت تي ڀريو آهي، هن چيو ته ملڪي مداخلت سان حالتون خراب ٿينديون آهن ۽ تشدد سان بنيادي ڍانچي کي نقصان پهچندو آهي، جنهن سان ملڪي نظام متاثر ٿيندو آهي ۽ ماڻهو لڏ پلاڻ تي مجبور ٿي ويندا آهن، هن چيو ته ڪجهه ملڪ مسلمان پناهگيرن کي قبول ڪرڻ کان صاف انڪار ڪيو آهي، جيڪو قانوني، سياسي ۽ اخلاقي طور تي غلط آهي، بحريه روم جي ساحل تي پيدا ٿيندڙ پناهگيرن جي وڏي بحران کي منهن ڏيڻ لاءِ انساني حقن جي اصولن تي مبني واضح حقيقي ۽ اجتماعي سوچڻ رکڻي پوندي، پاڪستان هنئير به 30 لکن کان وڌيڪ افغان پناهگيرن جي ڪفالت ڪري رهيو آهي، ان لاءِ يورپي ملڪن کي به پناهگيرن سان انساني سلوڪ ڪرڻ گهرجي.

 

وزيراعظم پاران اعلانيل هاري پيڪيج رڳو پنجاب لاءِ آهي، سنڌ جي هارين لاءِ ناهي: خورشيد شاهه

سکر(بيورو) قومي اسيمبلي ۾ مخالف ڌر جي اڳواڻ خورشيد شاهه  جو چوڻ آهي ته وزيراعظم پاران اعلانيل هاري پيڪيج رڳو پنجاب لاءِ آهي، سنڌ جي هارين لاءِ ناهي. سکر ۾ ميڊيا سان ڳالهائيندي چيو ته ملڪ جو هاري طبقو تمام گهڻين خراب حالتن ۾ آهي پر هاڻوڪي حڪومت کي هارين ۽ ٻهراڙي واري زندگي جو ڪو به احساس ناهي، ڇو ته حڪمران شهرن ۾ رهن ٿا، 5 هزار في ايڪڙ سان ڪجهه نه ٿيندو، حڪومت هارين کي گهٽ ۾ گهٽ 20 هزار في ايڪڙ ڏئي پر اهو هاري پيڪيج به رڳو پنجاب جي هارين کي ملي رهيو آهي، سنڌ جي هارين کي ڪجهه به نه ٿو ملي. مخالف ڌر جي اڳواڻ جو چوڻ هو ته پاڪستان ۾ ڪا به تبديلي ناهي آئي، تبديلي رڳو پاڪستان پيپلز پارٽي آڻيندي آهي، هر ڳالهه ۾ هاڻوي حڪومت ناڪام ٿي چڪي آهي، نه ئي بجلي جو جو بحران ختم ٿيو آهي، نه وري سرڪاري ملازمن جون پگهارون وڌيون اهن، لوڊشيڊنگ ختم ڪرن لاءِ وزيراعظم ڪڏهن 3 مهينا ۽ ڪڏهن 2018ع جي ڳالهه ٿو ڪري، سندس ڪهڙي ڳالهه تي يقين ڪجي. خورشيد شاهه جو چوڻ هو ته حڪومت سال ۾ هڪ بدران 4 ڀيرا بجيٽ پيش ڪري،ائين ڪرڻ سان حڪومت نااهلي ۽ بيڊ گورننس کان بچي ويندي.

 

مشرف خلاف غداري ڪيس ٻيهر کولڻ جو فيصلو

سلام آباد (بيورو) اڳوڻي صدر جنرل(ر) پرويز مشرف خلاف غداري ڪيس جي جاچ لاءِ نئين تيم جوڙڻ جو فيصلو ڪيو ويو آهي،جنهن جي اڳواڻي لاءِ وفاقي حڪومت پاران مختلف نالن تي غور ڪيو پيو وڃي. ذريعن مطابق نئين جاچ ٽيم ايف آئي اي سان ڳنڍيل هوندي، جيڪا ڪيس ٻيهر کوليندي. ان کان پهرين غداري ڪيس جي جاچ ڪندڙ ٽيم جو سربراهه ايف آئي اي جو ايڊيشنل ڊائريڪٽر خالد قريشي هو، جڏهن ته ميمبرن ۾ حسين اصغر ۽ مقصود الحسن شامل هئا. حسين اصغر جي برطرف ٿيڻ سبب مارچ 2014ع ۾ گڏيل جاچ ٽيم ٽٽيوئي هئي پر خالد قريشي عدالت ۾ پيش ٿيو هو.

 

مخدوم امين فهيم جو لاڌاڻو، پ پ پاران سوڳ ملهايو ويو، تعزيت جو سلسلو جاري، هالا شهر بند

هالا(رپورٽر) برک سياستدان، پ پ پارليامينٽيرينز جي صدر ۽ سروري جماعت جي روحاني پيشوا مخدوم امين فهيم جي لاڏاڻي تي پيپلزپارٽي پاران سڄي ملڪ ۾ سوڳ جو ڏهارو ملهايو ويو، هالا ۾ وڇايل تڏي تي ٻئي ڏينهن به اهم شخصيتن سميت وڏي انگ ۾ ماڻهو عذرخواهي لاءِ ايندا رهيا، . مخدوم امين فهيم جي وڇوڙي تي پيپلزپارٽي جي پاران سنڌ سميت سڄي ملڪ ۾ سوڳ جو ڏهاڙو ملهايو ويو. مختلف شهرن ۾ مخدوم امين فهيم جي روح جي ثواب لاءِ قرآن خواني ڪئي وئي، ٻئي طرف هالا ۾ وڇايل تڏي تي مخدوم امين فهيم جي پونيئرن سان عذرخواهي جو سلسلو هلندڙ آهي، ٻئي ڏينهن به ڪيترين ئي اهم شخصيتن سميت وڏي انگ ۾ سروري جماعت سان لاڳاپيل ماڻهو به ڏک ونڊڻ لاءِ پهچي رهيا آهن. اڳوڻو وزير اعظم مير ظفرالله خان جمالي ، اڳوڻو وزيراعظم يوسف رضا گيلاني ، پ پ پ جو ترجمان  فرحت الله بابر، شهريار خان مهر، صوبائي وزير زراعت  علي نواز  مهر ، سينيٽر هري رام ڪشوري لال ، ايم اين اي عبدالستار بچاڻي ، صوبائي وزير  گيانچند ايسراڻي ، رحمان ملڪ، احمد علي خان پتافي ، سميت پ پ پ   جا هزارين ڪارڪن سروري جماعت  جا مريد۽ بلدياتي چونڊن ۾ ڪامياب ٿيندڙ   پ پ پ اميدوار  وفدن جي صورت ۾ تعزيت لاءِ پهتا  سروري جماعت جي روحاني پيشوا جي لاڏاڻي تي سوڳ ۾ هالا شهر ۾ ڪاروبار ٻئي ڏينهن به مڪمل طور بند رهيو. مخدوم امين فهيم جو ٽيجهو اڄ ٿيندو،جڏهن ته سندس وڏي پٽ مخدوم جميل الزمان کي درگاهه مخدوم سرور نوح جي 19هين گادي نشين طور پڳ ٻڌرائڻ واري رسم به ادا ڪئي ويندي ميڊيا سان ڳالهائيندي سيد يوسف رضا گيلاني چيو ته امين فهيم سروري جماعت جو پيشوا ۽ اديب شاعر سان گڏ دنيا جو وڏو ليڊر به هو، مخدوم امين فهيم جي وفات سان سياست ۾ جيڪو خال ٿيو آهي ان کي ڀرڻ ناممڪن آهي. مخدوم امين فهيم جي مشن کي جاري رکنداسين. مخدوم امين فهيم جي سياسي جان نشين مخدوم جميل الزمان چيو ته مخدوم صاحب کان وڇڻڻ جو هن وقت تائين يقين نٿو اچي، گهر هجي يا اسپتال هر جاءِ تي مخدود صاحب سان گڏ رهيس، ان جون ڳالهيون ياد اچي رهيون آهن.

 

منهنجي خواهش ۽ ڪوشش آهي ته شهيد ذوالفقار ڀٽو جي ڪٽنب سان سياست ڪريان: ذوالفقار مرزا

بدين (ڊ.ر) سنڌ جي اڳوڻي وزير ڊاڪٽر ذوالفقار مرزا چيو آهي ته منهنجي خواهش ۽ ڪوشش آهي ته شهيد ذوالفقار ڀٽو جي خاندان جي سان سياست ڪريان ۽ زرداري ليگ سبب سندن درميان جيڪي وڇوٽيون پيدا ٿيون آهن، انهن کي ختم ڪرايان پنهنجي رهائش گاهه تي گهرايل تڪڙي  پريس ڪانفرنس ۾ تازو ضلع مان ضلع ڪائونسل جي سيٽ تي ڪاميابي ماڻيندڙ حاميميمبر سان پريس ڪانفرنس ڪندي ڊاڪٽر ذوالفقار مرزا چيو آهي ته آئون سنڌ ۾ هر اها سياست ڪندس جيڪا سنڌ ۽ عوام جي مفاد ۾ هوندي هن چيو ته بدين جي عوام سنڌ ۾ زرداري ليگ جي ڪرپشن خلاف ووٽ ڏئي نئين تاريخ لکي آهي بدين ۾ ايس ايس پي حڪومتي ڌر جو حامي بڻيل رهيو هن منهنجي ڌي جيڪا اميدوار پڻ هئي کي پولنگ اسٽيشن مان ٻاهر ڪڍي ڇڏيو هن چيو ته   بدين  ۾ اسان ضلع ڪائونسل جي چيئرمين لاءِ واضع اڪثريت آهي هن وقت اسان وٽ 34 ضلع ڪائونسل جا ميمبر آهن جڏهن ته زرداري ليگ وٽ  28 ميمبر آهن جڏهن ته سندس ڪجھ ميمبر به اسان سان رابطي ۾ آهن جڏهن ته هڪ يوسي جي رڪيل رزلٽ ۽ ملتوي ڪيل ٽن يونين ڪائونسلن تي به اسان جا حامي ميمبر ڪامياب ٿيندا هن چيو ته جيڪڏهن ته بدين ضلع ۾ حڪومتي مشينري اسان جي فتح کي شڪست ۾ بدلي ڪرڻ جي ڪوشش ڪئي ته اسان جو ان جو سخت احتساب ڪنداسين ڊاڪٽر ذوالفقار مرزا چيو ته مخدوم امين فهيم وڇوڙو جهموريت لاءِ نقصان آهي سندس وڇوڙي سان مون کي رنج ۽ غم پهتو آهي هڪ سوال جي جواب چيو ته ڪمند جو 180 روپيه في مڻ انتهائي گهٽ آهي آئون شگر مل مالڪ آهيان تنهن هوندي به مطالبو ٿو ڪريان ته ڪمند جو اگھ في مڻ 200 رپيه مقرر ڪيو وڃي ۽ اهو به چتاءُ ٿو ڏيان ته سنڌ حڪومت 200 روپيه في مڻ مقرر نه ڪيو ته سندس گهيراءُ ڪيو ويندو ان موقعي تي مسلم ليگ ن جو اڳواڻ ذوالفقار راهو علي احمد جوکيو فنڪشل ليگ جو محمد شريف نظاماڻي پير حامد شاه راشدي ارباب گروپ جو عزيز ڏيرو حسام مرزا ۽ ٻيا به موجود هئا.

 

اقتصادي لنگهه جو رستو پهرين پنجاب کان نڪتو ته ملڪ ۾ نفرتون پکڙجنديون: عمران خان

صوابي (م.ڊ) تحريڪ انصاف جي چيئرمين عمران خان جو چوڻ آهي ته سڀئي سياسي پارٽيون پنهنجون چوريون لڪائڻ لاءِ هڪ ٿي ويون آهن. صوابي ۾ جلسي سان خطاب ڪندي، عمران خان چيو ته  سڀني وڏين پارٽين اقتدار لاءِ واريون رکيون آهن، هاڻي ائين نه ٿيندو، ايندڙ چونڊن ۾ خيبرپختونخوا ۾ اسان جي حڪومت هوندي. عمران خان چيو ته اسان صوبي ۾ ايترا ترقياتي ڪم ڪرايا آهن، جو هاڻي ايندڙ چونڊن ۾ اسان کي چونڊ مهم هلائڻ جي ضرورت نه پوندي ۽ اسان ايندڙ چونڊون بنا چونڊ مهم جي  کٽينداسين.عمران خان چيو ته اسان صوبي جي ترقي لا3 اڻ ٿڪ ڪم ڪري رهيا آهيون، ۽ اسان جو هدف نوجوانن کي صحتمند سرگرمين ڏانهن اڻڻ آهي، ان مقصد جي ڪري اسان صوبي ۾ راندين جا ميدان ٺاهينداسين ۽ هر ضلعي ۾ راند جو هڪ ميدان ضرور هوندو. عمران خان جو چوڻ هو ته هاڻي عوام کي بيوقوف نٿو بڻائي سگهجي، عوام جيڪو ٽيڪس ڀري ٿي انهن جو پئسو انهن تي ئي خرچ ٿيندو ۽ اسان صوبي ۾ ترقياتي ڪم جو ڄار وڇائي ڇڏينداسين.صوابي ۾ جلسي سان خطاب ڪندي عمران خان جو چوڻ هو ته سنڌ ۽ بلوچستان ۾ سڀ کان وڌيڪ غربت آهي، هو وزيراعظم کي نياپو ڏيڻ ٿو چاهي ته  پاڪ-چين اقتصادي لنگهه رٿا جو سڀ کان ننڍو رستو ٺاهي وڃي، ان سان پٺتي پيل علائقا خوشهال ٿي ويندا ۽ بلوچستان ۾ ڌار ٿيڻ واري تحريڪ ختم ٿي ويندي. جيڪڏهن ائين نه ٿيو ته هن پنهنجي ڪاروبار لاءِ راهداري جو رستو پهرين ئي پنجاب مان ٺهرايو ته ان سان وفاق ڪمزور ٿيندي ۽ ٻين صوبن ۾ پنجاب لاءِ نفرتون وڌينديون. چئيرمين تحريڪ انصاف جو چوڻ هو ته وفاقي حڪومت چوري نٿي روڪي سگهي. وفاقي حڪومت خيبرپختونخوا ۾ بجلي جو نظام اسان جي هٿ ۾ ڏئي ڇڏي، هو واعدو ڪري ٿو ته نه رڳو لوڊشيڊنگ ختم ڪندو پر بجلي جا اگهه به سستا ڪيا ويندا.سندس چوڻ هو ته ملڪ جي ٻين صوبين ۾ سياسي پارٽيون 6،6 ڀيرا اقتدار ۾ آيون پر اسان پهريون ڀيرو اقتدار ۾ آيا آهيون، جنهن جي ڪري اسان کي اهو سمجهڻ ۾ دير ٿي ته ادارا ڪيترا ته تباهه ٿي چڪا آهن.