تازيون خبرون

Daily Archives: November 20, 2015

پنجاب ۾ ن ليگ، سنڌ ۾ پ پ اڪثريت سان ڪامياب، بدين ۾ مرزا گروپ ميدان ماري ويو

لاهور/ڪراچي(مانيٽرنگ ڊيسڪ/نمائندن وٽان) مڪاني چونڊن جي ٻئي مرحلي ۾ به پنجاب ۾ نواز ليگ ۽ سنڌ ۾ پيپلزپارٽي اڪثريت سان ڪامياب ٿي آهي. بدين ۾ مرزا گروپ پيپلزپارٽيءَ کي بدترين شڪست ڏني آهي. حيدرآباد ۽ ميرپورخاص ۾ ايم ڪيو ايم اڪثريت سان ڪامياب. پنجاب ۾ ن ليگ 208 سيٽون، 208 آزاد اميدوار ڪامياب ٿيا جڏهن ته تحريڪ انصاف جا 59 اميدوار به ڪامياب ٿيا. پنجاب ۾ جماعت اسلامي کي 5، نيشنل مسلم ليگ ۽ پيپلزپارٽي کي 2 2 سيٽون مليون. سنڌ ۾ پيپلزپارٽيءَ 377 سيٽون سان سڀني کان اڳتي آهي. 45 آزاد اميدوار ڪامياب ٿيا، ايم ڪيو ايم 44 سيٽون حاصل ڪيون. نواز ليگ کي 19، فنڪشنل ليگ کي 11 ۽ عوامي اتحاد کي 8 سيٽون مليون. تحريڪ انصاف کي 3، پيپلزپارٽي شهيد ڀٽو کي 2 ۽ جي يو آئي (ف) کي به 2 سيٽون مليون آهن. حيدراباد ۽ ميرپورخاص ۾ ايم ڪيو ايم کي سرسي حاصل آهي. نوشهروفيروز ۾ نواز ليگ 5 سيٽون حاصل ڪيون. سنڌ جي ٻين ضلعن ٺٽي، دادو، ڄامشورو، مٽياري، ٽنڊومحمد خان، شهيد بينظير آباد، عمرڪوٽ، سجاول ۾ پيپلزپارٽي اڳتي آهي. پنجاب ۾ ٻئي مرحلي ۾ نواز ليگ اڪثريت حاصل آهي. تحريڪ انصاف ٻئي نمبر آهي. گوجرانوالا جي ميونسپل ڪميٽي علي پور چٺا جي 20 وارڊز مان نون ليگ جا 12 اميدوار ڪامياب ٿيا آهن چٺا گروپ کي 5 سيٽڳن مليون. سرگوڌا، جهلم، ساهيوال، اٽڪ، چنيوٽ، شيخوپوره، منڊي بهاءُ الدين، خانيوال ۽ ٽوبه ٽيڪ سنگهه ۾ به نواز کي سرسي آهي. ساهيوال جي تحيصل چيچه وطني ميونسپل ڪميٽي ۾ تحريڪ انصاف ميدان ماري ورتو آهي 22 مان 12 سيٽون کٽي ورتيون آهن. نواز کي 9 سيٽون مليون. ميانوالي ۾ آزاد اميدوارن 25 کان وڌيڪ سيٽون حاصل ڪيون. تحريڪ انصاف ٻئي نمبر تي آهي.  ليڪشن جو ٻيو مرحلو پنجاب ۾ وري شينهن جي رڙ ۽ سنڌ جي گهڻن ضلعن ۾ ٿيندڙ تيرن جا ڍير،پر بدين ۾ تير ڀڄي پيو. ڊاڪٽر ذوالفقار مرزا گروپ ڏني خطرناڪ انٽري ۽ اڳوڻي پيپلز پارٽي جي جيالي پيپلز پارٽي کان بدين شهر ڦري ورتو. مرزا گروپ بدين سٽي ميونسپل ڪميٽي ۾ پيپلز پارٽي کي خطرناڪ مات ڏني ۽ 14 ئي سيٽون کٽي ورتيون. ضلعي جي جنرل سيڪريٽري کي به مات ملي. حيدرآباد ۽ ميرپورخاص ۾ ايم ڪيوايم کي برتري آهي. نوشهروفيروز ۾ نون ليگ به چست نظر آئي ۽ 5 سيٽون کتي ورتيون.سنڌ جي ٻين ضلعن دادو، ڄامشورو، مٽياري، ٽنڊو محمد خان، شهيد بينظيرآباد، عمر ڪوٽ، سجاول ۾ پيپلز پارٽي اچي وئي آهي. پنجاب ۾ اڳ جيان ٻئي مرحلي ۾ به ن لوگ کي گهڻائي آهي. تحريڪ انصاف ٻئي نمبر تي آهي. گجرانوالا جي ميونسپل ڪميٽي علي پور چٺ جي 20 وارڊن مان نون ليگ جا 12 اميدوار کٽي ويا. چٺ گروپ کي 5 سيٽون مليون.حيدرآباد جي ميونسپل ڪاميٽي قاسم آباد ۾ پاڪستان پيپلز پارٽي پنهنجو چيئرمين آڻڻ جي پوزيشن ۾ اچي وئي.ميونسپل ڪميٽي جي ٽوٽل 27 سيٽن مان پيپلز پارٽي 24 سيٽون کٽي ورتيون آهن،اهڙي طرح هاڻي قاسم آباد ميونسپل ڪاميٽي جو چيئرمين  پيپلز پارٽي جو هوندو،ياد رهي ته  قاسم آباد ميونسپل ڪميٽي تي پهريان ايم ڪيو ايم جو چيئرمين چونڊيو هو.سنڌ ۾ مڪاني چونڊن جي ٻئي مرحلي ۾ بدين مان ذوالفقار مرزا گروپ ڪلين سوئيپ ڪندي ميونسپل ڪميٽي جي سموريون 14 سيٽون کٽي ورتيون آهن جڏهن ته پيپلزپارٽيءَ پنهنجي ئي ڳڙهه ۾ هارائي وئي آهي. مڪاني چونڊن جي ٻئي مرحلي جي نتيجن اچڻ جو سلسلو جاري آهي جڏهن ته بدين مان غير حتمي غير سرڪري نتيجن موجب ذوالفقار مرزا جي حمايتي گروپ 14 وارڊن جي سمورين يونين ڪائونسلن جون سيٽون وٺي ورتيون آهن ۽ علائقي ۾ پيپلزپارٽي کي بدترين شڪست ملي آهي. بدين ۾ مرزا گروپ جي اميدوارن جو چونڊ نشان بوتل هو جنهن غير معمولي ڪاميابي حاصل ڪندي پيپلزپارٽي جي تير کي شڪست ڏني. بدين ۾ پيپلزپارٽي جي اثر وارن علائقين مان به هارائي وئي آهي. مرزا گروپ جي ڪاميابي کانپوءِ حامي روڊن تي نڪري آيا ۽ شهيد بينظير ڀٽو جي حق ۾ نعرا هنيا جڏهن ته انهيءَ دوران آصف علي زرداريءَ خلاف به نعرا هنيا. بدين ۾ پيپلزپارٽي جي هارائڻ کانپوءِ جيالن جون ڪيمپون ويران ٿي ويون آهن جڏهن ته ذوالفقار مرزا جا حامي مرزا فارم هائوس پهچي ويا ۽ جشن ملهايو ويو. مورو ميونسپل ڪاميٽي جي 12 وارڊن ۾ ٿيندڙ اليڪشن ۾ مجموعي طرح پ پ اميدوار وڏي اڪثريت سان ڪامياب ٿي ويا آهن ۽ ڳڻپ کانپوءِ هر طرف پ پ ورڪرن جيالن ۽ معزز شهرين پاران دهل شرنائين تي خوشي ۾ جهمريون پائي نعري ڀٽو جيئي ڀٽو جي گيتن تي رقص ڪري رهيا هئا ۽ غير سرڪاري ۽ غير حتمي نتيجن موجب مورو ميونسپل ڪاميٽي جي مورو شهر جي 13 وارڊ مان 10 وارڊن تي پ پ جي بيٺل اميدوار غير حتمي ۽ غير سرڪاري طور تي وڏي اڪثريت سان ڪامياب ٿي ويا ۽ مورو ميونسپل ڪاميٽي جي چيئرمين شپ پ پ جي حامين ۾ يقيني بڻجي وئي جڏهن ته پ پ جا هيٺيان اميدوار وڏي اڪثريت سان ڪامياب ٿي ويا آهن جنهن ۾ مورو ميونسپل ڪاميٽي جي وارڊ نمبر 1 تان ڊاڪٽر غلام شبير ميمڻ، وارڊ نمبر 2 تان سعاد الله ڪلهوڙو، وارڊ نمبر 3 تان عبدالستار لانگاھ، وارڊ نمبر 5 تان جان عالم راجپوت، وارڊ نمبر 6 تان سجاد علي ڪلهوڙو، وارڊ نمبر 7 تان نذير احمد ميمڻ، وارڊ 8 تي سڪندر خان زرداري، وارڊ نمبر 12 تي دوست علي سولنگي ۽ وارڊ نمبر 13 تان علي گل  ڪامياب ٿي ويا آهن جڏهن ته پ پ جا 3 اميدوار محمد اڪرم آرائين، علي نواز سولنگي، محمد موسى سولنگي مسلم ليگ ن جي اميدوارن جي مقابلي ۾ هارائي ويا جڏهن ته مسلم ليگ ن جا 3 اميدوار وارڊ نمبر 4 تان محمد ادريس چوهاڻ، وارڊ نمبر 9 تان غلام شبير ملڪ ۽ وارڊ نمبر 10 تان انورالدين قائمخاني وڏي اڪثريت سان ڪامياب ٿي ويا آهن، جڏهن ته پ پ اميدوارن جي مقابلي ۾ مسلم ليگ ن جا هاريل اميدوار هر هڪ وارڊ نمبر 1 تان محمد عثمان سولنگي، وارڊ نمبر 2 تان لطف الله ڪلهوڙو، وارڊ 3 تان علي بخش عرف نانو ڪلهوڙو، وارڊ نمبر 5 تان مولانه فيض محمد شيخ، وارڊ نمبر 6 تان حاجي خان ڀٽي، وارڊ نمبر 7 تان منظور احمد ميمڻ، وارڊ نمبر 8 تان موجن فيروز ڪورائي، وارڊ نمبر 12 تان مولانه عبدالواحد قاسمي، وارڊ نمبر 13 تان غلام مصطفى سيال شامل آهن، ٻئي پاسي مورو شهر ۾ بيٺل پ پ اميدوار اليڪشن ۾ ڪامياب ٿيڻ کانپوءِ دهل شرنانئين ۽ نعرن جي گونج ۽ جلوس جي شڪل ۾ جمالي هائوس ۾ رئيس خان محمد خان جمالي، رئيس فيروز خان جمالي، بهڻ هائوس ڌيرڻ ۾ رئيس ذوالفقار علي بهڻ کي گلن جا هار پارائي مبارڪون ڏنيون ۽ هر طرف ميلي جو سماءَ نظر اچي رهيو هو ۽ عوام جي وڏي رش نظر اچي رهي هئي. جڏهن ته پ پ جي مرڪزي رهنما رئيس فيروز خان جمالي جي ڪوشش سان جنرل ڪائوسنلر وارڊ 11 تان بيٺل اميدوار لالا مجتبى ڪلهوڙو جي مقابلي ۾ بيٺل اميدوار حاجي محمد عيسى اوڏ ڀٽي کي هٿ کڻائي لالا مجتبى ڪلهوڙي کي اڳ ۾ ئي بنا مقابلي ڪامياب ڪرايو هو، مورو ميونسپل ڪاميٽي جي 12 وارڊن تي پولنگ جو عمل صبح ساڍي ست وڳي شروع ٿي جنهن ۾ مختلف پارٽين جي اميدوارن جي ووٽرن وڏي انگ ۾ پهچي پنهنجو ووٽ ڏنو جڏهن ته مورو شهر جي مختلف وارڊن ۾ انتظاميه پاران سيڪيورٽي جا انتظام سخت ڪيا ويا ايتري قدر جو پوليس سان گڏ رينجرس جا جوان پوري مورو شهر جي مختلف پولنگ اسٽيشنن تي گشت ڪندا رهيا ۽ پڻ اليڪشن دوران پ پ پ اڳواڻن سميت مسلم ليگ ن، قومي عوامي تحريڪ، جا اڳواڻ پولنگن جو گشت ڪندا رهيا ۽ پنهنجن پنهنجن ايجنٽن ۽ همدردن کان اليڪشن بابت پڇا ڳاڇا ڪندا رهيا. پ پ جي مرڪزي رهنما، بزرگ سياستدان ۽ مورو جي عظيم سياسي سماجي شخصيت ۽ لبرل سياستدان رئيس خان محمد خان جمالي مورو ۾ پ پ جي اميدوارن جي ڪاميابي تي مورو جي عوام کي سلام پيش ڪندي چيو آهي ته مورو جي عوام جي جيتري به ساراھ ڪجي ته اها گهٽ آهي ڇاڪاڻ ته مورو جي عوام هميشھ حق ۽ سچ جو ساٿ ڏنو آهي ۽ مورو جي عوام سان واعدو ٿو ڪريان ته مورو جي غريب ماڻهن هارين مزدورن پورهتين شاگردن مسڪينن ۽ مظلوم عوام جي هر ڏک سک ۾ اڳ وانگر هاڻي به ساڻس گڏ رهندس ڇاڪاڻ ته مورو جي عوام کي بخوبي خبر آهي ته مورو جي شهر جي ترقي ۽ شهرين جي خوشحالي ۽ ترقي لاءِ گذريل پنجاھ سالن کان وٺي جاکوڙ ڪندو رهيو آهيان ۽ پڻ تاريخ شاهد آهي ته مان مورو جي غريب عوام سان سندن هر ڏک سک ۾ گڏ رهيو آهيان ۽ گڏ رهندس ۽ جمالي هائوس جا دروزا غريب ماڻهن ۽ باشعور ماڻهن لاءِ هر وقت کليل آهن ۽ رهندا انهي موقعي تي عظيم سنڌي، جماڻي بخشل احمد موجود هئا.

 

امن جو ٻيڙو ٻوڙيندڙن کي پنهنجي انجام تائين پهچايو ويندو: وزير اعظم

اسلام آباد (اين اين آءِ) وزيراعظم محمد نوازشريف چيو آهي ته پاڪستان ۽ روس وچ ۾ لاڳاپا مضبوط رابطن جي نئين مرحلن ۾ داخل ٿي رهيا آهن جنهن سان ٻنهي ملڪن لاءِ فائديمند نئون دور شروع ٿيندو تاجرن ۽ سيڙپڪارن جي مفاد ۾ ماسڪو ۽ اسلام آباد وچ ۾ براءِ راست اڏامن جي ضرورت آهي وزيراعظم جي پاڪ روس بين الحڪومتي ڪميشن اقتصادي، تجارتي ۽ سائنسي تعاون جي ڪو چيئرمين وڪٽر پي آئيوانوف جي قيادت ۾ ملاقات ڪندڙ وفد سان ڳالهه ٻولهه هو خميس تي هتي روسي وفد سان ڳالهه ٻولهه ڪري رهيو هو ان موقعي تي اسحاق ڊار چيئرمين سيڙپڪاري بورڊ مفتاح اسماعيل ۽ حڪومت جي سينيئر عملدارن سميت روسي وفد جا ميمبر پڻ موجود هئا. وزيراعظم چيو ته پاڪستان ۽ روس وچ ۾لاڳاپا مضبوط رابطن جي نئين مرحلي ۾ داخل ٿي رهيا آهن وزيراعظم چيو ته پاڪستان پرامن مستحڪم ۽ سيرپڪار دوست ماحول کي يقيني بنائڻ لاءِ دهشتگردي انتهاپسندي بابت ٺوس موقف اختيار ڪيو آهي دهشتگردن جي ٺڪاڻڻ ۽ ڍانچي کي موثر ڪارروائين جي ذريعي تباهه ڪيو ويو آهي وزيراعظم چيو ته موجوده حڪومت جي قيادت ۾ دهشتگردي خلاف جنگ ۾ پاڪستاني قوم جي مڪمل تائيد حاصل آهي وڪٽر پي آئيوانوف چيو ته پاڪستان ڀرپور تاريخ رکندڙ هڪ مضبوط ملڪ آهي روس ۽ پاڪستان وچ ۾ گڏيل واپار جا وسيع امڪان موجود آهن هن چيو ته خاص ڪري تاجرن ۽ سيڙپڪارن جي مفاد ۾ ماسڪو ۽ اسلام آباد وچ ۾ براءِ راست اڏامن جي ضرورت آهي وزيراعظم محمد نوازشريف روسي صدر ولاديمير پيوٽن کي نارٿ سائوٿ گئس پائيپ لائين جي افتتاح لاءِ دعوت ڏني جيڪا پاڪستان ۾ روس جي سڀ کان وڏي سيڙپڪاري آهي وزيراعظم چيو ته پاڪستان ٻطرفو واپار معيشت سائنس ۽ ٽيڪنالوجي تعاون سميت سمورن شعبن ۾ روس سان پنهنجن لاڳاپن جو گهڻو قدر ڪري ٿو هن چيو ته پاڪستان افغانستان ۾ امن لاءِ افغان قيادت ۽ افغانستان جي پنهنجي حل جي حمايت ڪري ٿو جيڪو سڄي خطي ۽ دنيا لاءِ بهتر آهي.

 

پاڪستان جي بهادر عوام ۽ هٿياربند فوج جون قربانيون ڪامياب ٿي چڪيون آهن: صدر ممنون حسين

ڪراچي (اين اين آءِ) صدر ممنون حسين چيو آهي ته پاڪستان جي بهادر عوام ۽ فوج جون قربانيون ڪامياب ٿي چڪيون آهن ۽ دهشتگردي خلاف جنگ ڪامياب ٿي رهي آهي جنهن جي نتيجي ۾ ملڪ ۾ ترقي ۽ استحڪام جي هڪ نئين دور جي شروعات ٿيندي جنهن ۾ مختلف علوم ۽ فنون ۾ مهارت رکندڙ نوجوانن جي ذميواري ڪافي اهم هوندي صدر اها ڳالهه ڪراچي ۾ پاڪستان نيوي انجنيئرنگ ڪاليج ۽ نسٽ جي 72هين ڪانووڪيشن کي خطاب ڪندي ڪئي ان موقعي تي پاڪستان نيوي جو سربراهه ايڊمرل محمد ذڪاءالله ۽ ٻيا اعليٰ عملدار پڻ موجود هئا صدر چيو ته پاڪستان اڄ تاريخ جي اهم موڙ تي بيٺو آهي ڪجهه گمراهه ماڻهو تشدد جي ذريعي قوم تي پنهنجي غير حقيقي سوچ مڙهڻ چاهين ٿا انهن تشدد ۽ دهشتگردي جي ذريعي ڪافي نقصان پهچايو آهي ان کي چٿڻ لاءِ سخت اپائن جي ضرورت هئي پاڪستان حڪومت قدم کڻي چڪي آهي جنهن تي عمل ڪندي فوج ۽ قومي سلامتي جا ادارا ڪاميابيون ماڻي چڪا آهن هن چيو ته ڪراچي جي بدامني به قوم کي گهڻو ڏک پهچايو آهي جڏهن ته مان قوم کي خوشخبري ڏيان ٿو ته خراب ڏينهن ختم ٿي رهيا آهن هن چيو ته مان قوم کي يقين ڏياريان ٿو ته دهشتگردي جي مڪمل خاتمي تائين هي ڪارروايون جاري رهنديون هن قوم کي اپيل ڪئي ته قوم هن اهم موقعي تي قومي ادارن جي ڪلهن تي بيهي رهي صدر ممنون حسين چيو ته پاڪ چين اقتصادي راهداري جي فعال ٿيندي ئي ملڪ ۾ اقتصادي ۽ تجارتي سرگرمين جي هڪ نئين دور جي شروعات ٿيندي نئين ٽيڪنالوجي ايندي نيون صنعتون لڳنديون ۽ روزگار کان نوان زريعا پيدا ٿيندا انهن موقعن مان فائدو وٺڻ لاءِ ضروري آهي ته پاڪستان جو دارومدار بيروني دنيا تي ختم ٿي وڃي ان مقصد لاءِ اسان جي نوجوانن کي جديد ٽيڪنالوجي مهارت حاصل ڪرڻ گهرجي. ان پاڪ بحريه جي نگراني هيٺ هلندڙ ادارن ۾ عام شاگرد کي تعليم جا موقعا ملڻ جي تعريف ڪئي ۽ اميد ظاهر ڪئي ته ان سلسلي ۾ اڃا واڌارو ايندو ان موقعي تي نسٽ جو ڊائريڪٽر انجينئر محمد اصغر ۽ پاڪستان نيوي انجنيئرنگ ڪاليج جي ڪمانڊنٽ ڊاڪٽر نصر اڪرام پڻ خطاب ڪيو.

 

راتو رات پولنگ اسيٽيشنن ۾ تبديلي، اليڪشن ڪميشن جي ناڪامي آهي: خورشيد شاهه

اسلام آباد (بيورو) قومي اسيمبلي ۾ مخالف در اڳواڻ خورشيد شاهه چيو آهي ته اليڪشن ڪميشن شفاف مڪاني چونڊون ڪرائڻ ۾ ناڪام ٿي ويو ۽ بروقت صحيح فيصلا نه ڪري سگهيو ميڊيا سان ڳالهائيندي خورشيد شاهه چيو ته راتورات بدين ۾ 22 پولنگ اسٽيشنز تبديل ڪيون ويون جنهن مان اهو ثابت ٿئي ٿو ته اليڪشن ڪميشن مڪاني چونڊن جي تياري ۾ ناڪام ٿي ويو ۽ بروقت صحيح فيصلا نه ڪري سگهيو هن چيو ته سنڌ هاءِ ڪورٽ جي فيصلي جو احترام ڪيون ٿا ۽ هي فيصلو اليڪشن ڪميشن قانونن سان ٽڪراءُ هو ڇو ته اليڪشن شيدول جي اعلان کان پوءِ ڪنهن عدالت جو فيصلو نافذ ناهي ٿيندو هن چيو ته اليڪشن ڪميشن ميمبر تڪراري ٿي چڪا آهن ۽ عمران خان به انهن ميمبرن جي تڪراري هجڻ جو فائدو وٺي رهيو آهي هڪ سوال جي جواب ۾ خورشيد شاهه چيو ته وفاقي ۽ صوبائي حڪومت زلزلي جي متاثرن جي مدد لاءِ ڪي خاص قدم نه ڪيا منفي سياست ڇڏي زلزلي متاثرن تي ڌيان ڏنو وڃي.

 

مڪاني چونڊن کان ڪجهه ڪلاڪ اڳ 81 ڪائونسلز تي چونڊون ملتوي ڪرڻ پ پ کي عوامي حمايت کان محروم ڪرڻ جي ڪوشش آهي:آصف علي زرداري

اسلام آباد (بيورو) وزيراعظم نواز شريف، پشاور ۾ آرمي پبلڪ اسڪول تي حملو ڪندڙ  چئن دهشتگردن جون رحم واريون اپيلون رد ڪرڻ جي سفارش ڪندي چيو آهي ته پشاور سانحي بعد پاڪستان تبديل ٿي ويو آهي، قوم جي خواهش آهي ته دهشتگردن کي انجام تائين پهچايو وڃي. پي ايم هائوس پاران جاري ڪيل بيان موجب، وزيراعظم نواز شريف آئين جيآرٽيڪل 105 تحت صدر ممنون حسين کي سفارش ڪئي آهي ته پشاور ۾ آرمي پبلڪ اسڪول تي حملي ۾ ملوث دهشتگردن جون رحم واريون اپيلون رد ڪيون وڃن. وزيراعظم جو چوڻ آهي ته پشاور سانحي بعد پاڪستان تبديل ٿي ويو آهي، پارليامينٽ ۽ سموري قوم گڏجي ملڪ مان دهشتگردي جي پاڙ پٽڻ جو عزم ورجايو آهي ۽ دهشتگردي جي خاتمي لاءِ آپريشن ضرب عضب جاري آهي. نواز شريف چيو ته قوم جي خواهش آهي ته آرمي پبلڪ اسڪول تي حملي ۾ ملوث دهشتگردن کي سزا ملڻ گهرجي، ان ڪري دهشتگردن جون رحم واريون اپيلون رد ڪيون وڃن. واضح رهي ته فوجي عدالت، پشاور سانحي ۾ ملوث 4 دهشتگرد کي موت جي سزا ٻڌائي چڪي آهي.

 

ٻنهي صوبن مان هيل تائين 80 شڪايتون موصول ٿيون، جيڪي معمولي نوعيت جون هئڻ سبب اڪلايون ويون آهن: اليڪشن ڪميشن

اسلام آباد (بيورو) اليڪشن ڪميشن کي مڪاني چونڊن جَي ٻئي مرحلي لاءِ سنڌ ۽ پنجاب مان شڪايتون وصول ٿيڻ جو سلسلو جاري آهي، اليڪشن ڪميشن چيو آهي ته سنڌ ۾ پولنگ عملي جي جانبداري ۽ پنجاب ۾ اميدوارن جا چونڊ نشان غلط ڇپجڻ جون شڪايتون مليون آهن، پولنگ عمل بنا ڪنهن رنڊڪ جي جاري آهي. اليڪشن ڪميشن موجب، سنڌ  ۽ پنجاب ۾ مڪاني چونڊن جي ٻئي مرحلي لاءِ اميدوارن ۽ ووٽرز جي شڪايتن جي ازالي لاءِ شڪايتي سيل قائم ڪيو ويو آهي. اليڪشن ڪميشن موجب، سنڌ ۾ اميدوار پولنگ عملي جي جانبدار هئڻ بابت شڪايتون ڪري رهيا آهن، جڏهن ته پنجاب مان اميدوارن جا چونڊ نشان غلط ڇپجڻ جون شڪايتون مليون آهن. اليڪشن ڪميشن چيو آهي ته ٻنهي صوبن مان هيل تائين 80 شڪايتون موصول ٿيون، جيڪي معمولي نوعيت جون هئڻ سبب اڪلايون ويون آهن اليڪشن ڪميشن چيو آهي ته جن پولنگ اسٽيششنز تي اميدوارن جا چونڊ نشان غلط ڇپجي ويا آهن، اتي پولنگ ملتوي ڪئي وئي، جنهن جي تاريخ جو اعلان بعد ۾ ڪيو ويندو.

 

حڪومت عوام جو رت پئي چوسي، پاڪستان ۾ اميرن بدران غريبن کان ٽئڪس وصوليو پيو وڃي: عمران خان

چارسده (مانيٽرنگ ڊيسڪ) تحريڪ انصاف جي سربراهه عمران خان چيو آهي ته حڪومت عوام جو رت چوسي رهي آهي، پاڪستان ۾ اميرن بدران غريبن کان ٽئڪس وصوليو پيو وڃي. چارسده ۾ ڪارڪنن کي خطاب ڪندي عمران خان چيو ته ناانصافي سبب ملڪ ۾ انتهاپنسدي ۾ اضافو ٿي رهيو آهي، سستي ۽ تڪڙي انصاف کانسواءِ پاڪستان ترقي نٿو ڪري سگهي. هن چيو ته حڪمران عوام جي پئسي سان پرڏيهه ۾ غير قانوني اثاثا ٺاهي رهيا آهن، پر سياستدان هڪٻئي کي بچائڻ لاءِ هوائي ڳالهيون ڪري رهيا آهن. عمران خان چيو ته دنيا جي ڪنهن به معاشري ۾ پيدائشي طور ڪو انسان ڏوهاري ناهي هوندو، انصاف جون گهرجون پوريون نه ٿيڻ هن چيو ته هتي جهنگ جو نظام آهي، جنهن جي لٺ تنهنجي مينهن،

 

پيپلز پارٽي کي بدين جي عوام جو جواب چونڊ نتيجن  جي صورت ۾ ملي ويندو: ذوالفقار مرزا

بدين (ڊ.ر) سنڌ جي اڳوڻي گهرو وزير ذوالفقار مرزا جو چوڻ آهي ته پيپلز پارٽي کي بدين جي عوام جو جواب چونڊ نتيجن جي صورت ۾ ملي ويندو، قيوم سومرو کي سياستدان نٿو سمجهان. ذريعن مطابق ڊاڪٽر ذوالفقار مرزا جو چوڻ هو ته جڏهن کان اسان جو ضلعو ٺهيو آهي تڏهن کان هن وقت تائين سڀئي اميدوار هڪ پاسي رکو، جڏهن ته ذوالفقار مرزا جا اميدار ٻئي پاسيرکو تڏهن به ذوالفقار مرزا جي ميمبرن جو انگ گهڻو. سندس چوڻ  هو ته پنهنجي ضلعي ۾ رڪارڊ ترقياري ڪم ڪرايا آهن بدين ۾ اڍائي سئو ڪلو ميٽر روڊ ٺهرايا آهن.سندس چوڻ هو ته شهيد محترما بينظير ڀٽو جي پيپلز پارٽي جو ڪارڪن آهيان، جڏهن  ته سومرو زرداري ۽ ٻيا اهي سڀ زرداري ليگ جا ماڻهو آهن،هن وقت سنڌ ۾ زرداري ليگ جي حڪمراني آهي.هڪ سوال جي جواب ۾ ذوالفقار مرزا چيو ته ڊاڪٽر فهميدا مرزا ۽ حسنين مرزا  انهن ماڻهن ۾ شامل آهن  جيڪي زرداري ليگ جي ٽيم ۾ هوندي به پيپلز پارٽي ۾ آهن.بدين ضلعي جي 80 سيڪڙو کان مٿي سيٽن تي ڊاڪٽر ذوالفقار مرزا جا دوست ڪامياب ٿيندا، جڏهن قاتلن کي ڪاميابي نه ملندي.

 

ڪراچي ۾ وين ۽ رڪشا ۾ ٽڪر ،پيءُ پٽ سوڌو 3 ڄڻا فوت

ڪراچي (اسٽاف رپورٽر) ڪراچي ۾ وين ۽ رڪشا ۾ ٽڪر جي نتيجي ۾ پيءُ پٽ سوڌو 3 ڄڻا فوت ٿي ويا، شاهراه فيصل تي ايف ٽي سي بلڊنگ ويجهو عائشه باواني اسڪول ويجهو وين ۽ رڪشا ۾ خوني ٽڪر ٿيو، جنهن جي نتيجي ۾ 3 ماڻهو سخت زخمي ٿي پيا، پوليس موقعي تي پهچي ٽمهي زخمين کي طبي امداد لاءِ جناح اسپتال پهچايو جتي ٽنهي زخمن جا سور نه سهندي دم ڏنو، فوتين جي سڃاڻپ محمد ڀانجي، محمد اسماعيل ۽ سندس پٽ محمد جي نالي سان ٿي، ايس ايڇ او صدر ملڪ اياز ٻڌايو ته مرحومن جو اباڻو شهر گلگت آهي۽ هن وقت لائنز ايريا ۾ رهندڙ هئا.

 

مني لارڊنگ ڪيس: ماڊل ايان تي فرد جرم لاڳو ٿي ويو

راولپنڊي (م.ڊ) مني لارڊنگ ڪيس ۾ آخر ايان علي تي فرد جرم لاڳو ٿي ويو.سخت سيڪيورٽي ۾ پهچندڙ ماڊل ايان علي کي راولپنڊي جي عدالت ۾ پيش ڪيو ويو،جتي ڪيس جي ٻڌڻي ٿي.اسلام آباد کان دبئي ويندڙ ماڊل ايان علي کي گرفتار ڪيو ويو هو،جنهن کانپوءِ راولپنڊي جي خاص عدالت ۾ پيش ڪيو ويو جتي اختيارين عدالت کان ماڊل جي 3 لاءِ جسماني رمانڊ لاءِ درخواست ڪئي هئي، ان وقت ماڊل ايان جي وڪيل مڃيو هو ته بيگ مان ملندڙ پئسا ماڊل ايان جا ئي آهن.لڳ ڀڳ 8 مهينا پوليس جي حراست هيٺ رهندڙ ماڊل ايان علي تي اڄ فرد جرم لاڳو ٿي ويو، پر ماڊل  ڏوهه مڃڻ کا انڪار ڪيو آهي.