تازيون خبرون

Daily Archives: November 14, 2015

شاهه رخ خان وڏو شاهه خرچ آهي : ڪريتي سانن

ممبئي (شوبز نيوز) بالي ووڊ اداڪاره ڪريتي سانن چيو آهي ته شاهه رخ خان وڏو شاهه خرچ آهي،پنهنجي هڪ انٽرويو ۾ ڪريتي چيو ته شاهه رخ خان منهنجي تصور کان به گهڻو سٺو اداڪار آهي، هن چيو ته منهنجي خيال ۾ شاهه رخ فلم تي گهڻو خرچ ڪري خوشي محسوس ڪندو آهي، اداڪاره ٻڌايو ته شاهه رخ خان جو چوڻ آهي ته شوقين پنهنجا پئسا خرچ ڪري فلم ڏسڻ ايندا آهن، تنهنڪري انهن کي معياري فلم ڏيکارڻ اسان جي پهرين اهميت ۾ شامل آهني، ڪريتي سانن جو چوڻ هو ته شاهه رخ خان جهڙي وڏي اداڪار سان ڪم ڪري کيس گهڻو ڪجهه سکڻ لاءِ مليو آهي.

 

بالي ووڊ فلم ”پريم رتن ڌن پايو“ رليز ٿيڻ جي پهرين ڏينهن 40 ڪروڙ ڪمائي ورتا

ممبئي (شوبز نيوز) بالي ووڊ فلم ”پريم رتن ڌن پايو“ رليز ٿيڻ جي پهرين ڏينهن 40 ڪروڙ 35 لک ڀارتي رپين جو بزنس ڪيو آهي، سڌ سماءَ جي ذريعن مطابق واپاري تجزيو ڪندڙ تارن ادارش سماجي رابطن جي ويب سائيٽ تي چيو آهي ته ”پريم رتن ڌن پايو“ رليز ٿيڻ جي پهرين ڌينهن 40 ڪروڙ 35 لک رپين جو بزنس ڪيو آهي، جڏهن ته فلم جي تامل ۽ تيلگو

ورزن جي پهرين ڏينهن جي ڪاروبار کي آخري شڪل ڏني پئي وڃي.

 

جونيئرايشيا هاڪي ٽورناميٽ سڀاڻي کان ملائيشيا ۾ شروع ٿيندو

لاهور(اسپورٽس نيوز) جونيئرايشيا هاڪي ٽورناميٽ سڀاڻي کان ملائيشيا ۾ شروع ٿيندو.پهرين ڏينهن 4 ميچون کيڏيون وينديون، جنهن ۾ پاڪستان، پنهنجي راند جي شروعات بنگلاديشخلاف ميچ ۾ ڪندو.جونيئر ايشيا ڪپ ايندڙ سال ٿيندڙ جونيئر هاڪي ڪپ جو ڪواالفائنگ ٽورنامينٽ به آهي. جنهن ۾ ڪاميابي لاءِ پاڪستان کي سيمي فائنل ۾ کيڏڻو پوندو.ٽورناميٽ ۾ شامل 8 ٽيمن کي ٻن گروپن ۾ ورهايو ويو آهي.گروپ “اي” ۾ پاڪستان، بنگلاديش، اومان ۽ ڪوريا شامل آهن.گروپ “بي” ۾ ڀارت، چين، جاپان ۽ ميزبان ٽيم ملائيشيا شامل آهن.پهرين ڏينهن  4 ميچون کيڏيون وينديون.پاڪستان لاءِ گروپ ۾ ٽاپ پوزيشن حاصل ڪرڻ ضروري آهي.

 

ڀارت کي ٻي ٽيسٽ ميچ ۾ به هارائينداسين: اي بي ڊي وليئرز

بنگلور (اسپورٽس نيوز) ڏکڻ آفريقا جي بيٽسمين ۽ وڪيٽ ڪيپر اي بي ڊي وليئرز چيو آهي ته ڀارت کي ٻي ٽيسٽ ميچ ۾ به هارائينداسين. وليئرز چيو ته ڪيريئر جي 100هين ٽيسٽ ميچ کي يادگار بنائڻ لاءِ پرعزمآهيان، ان ميچ ۾ ڪوبه دٻاءُ نه هوندو، نارمل انداز ۾ ڪرڪيٽ کيڏنداسين. 31 سالن جي ڊي وليئرز ڇنڇر کان بنگلور ۾ ڀارت خلاف ڪيريئر جي 100هين ٽيسٽ کيڏندو. پنهنجي بيان ۾ هن چيو ته هن وقت سيريز ۾ 0-1 تان برتري آهي، ان ڪري اسان جو سمورو ڌيان سيريز برابر ڪرڻ تي آهي، جڏهن ته پهرين ٽيسٽ ۾ بيٽنگ لائين ناڪام رهي. ٻي ٽيسٽ ۾ تياريءَ سان ميدان ۾ اينداسين.

 

بلدياتي اليڪشن ۽ جمهوريت جي تڪميل: غلام مصطفيٰ جمالي

پنجاب جي ٻارهن ۽ سنڌ جي اٺ ضلعن ۾ ٿي ويل بلدياتي اليڪش کي جهموريت جي تڪميل جي طرف موٽائڻ جي سفر جي اگر شروعات چئجي ته ڪجهه غلط نه چئجو.جڏهن ته ڪي پي ڪي ۽ بلوچستان اندر بدلدياتي اليڪشن جو پهرين مڪمل ٿي چڪو آهي.جتي لوڪل گورنيمينٽ عوام جي مسئلا حل ڪرڻ لاءِ آفيسن اندر پهچي چڪي آهي ۽ عوام جي مسئلن تي غور ويچار ڪرڻ ۾ رڌل آهي.جڏهن ته ٻئي مرحلي جي بلدياتي اليڪشن ۾ سنڌ ۽ پنجاب جا اڃان ڪيترائي ضلعا رهيل آهن. جن جي بلدياتي اليڪشن 19تاريخ تي ٿيڻي آهي.۽ اليڪشين ٿيڻ کانپوءِ ئي يقين سان چئجي سگهجي ٿو ته ملڪ اندر مڪمل جهموريت تي تڪميل ٿيندي يا نه.جڏهن ته بلدياتي اليڪشن جي ٻئي مرحلي اندر سنڌ جي ٻين ضلعن کي ڇڏي ڪري صرف ٻن ضلعن کي اهڙو ته احساس قرار ڏنو آهي جنهن جي هر پولنگ اسٽيشن تي فوج مقرر نه ٿي ڪو وڏو جاني نقصان ٿي سگهي ٿو.جڏهن ته اڃان اليڪشن جي پهرين مرحلي ۾ 5 ڏينهن باقي آهي جڏهن ته ڪالهه سانگهڙ ضلعي جي اليڪشن جي شروعات کان اڳ مارجڻ جا واقعا شروع ٿي ويا آهن جنهن ۾ ضلعي ڪائونسل جي سيٽ جي اميدوار جي اڪيلي پٽ کي ڳولين جو کاڄ بڻائي ڪري کيس بدردي سان قتل ڪيو ويو آهي.جنهن کان پوءِ سڄي ضلعي اندر افراتفري وارو ماحول ٿي ويو آهي.جڏهن ته حڪومت سانگهڙ ۽ بدين جي حساس پولنگ اسٽيشن تي ووٽنگ ڪرائڻ يا نه ڪرائڻ جي حمتي فيصلي جو بيان اڄ ڏيندي.بدين اندر پڻ سياسي ماحول جي گرماگرمي تيز ٿي وئي آهي.

اڪيلو ڊاڪٽر ّذوالفقار مرزا سڄي بدين جي وايو منڊل کي تبديل ڪيو ٻيٺو آهي.جڏهن ته پوري بدين ضلعي اندر ڊاڪٽر ذوالفقار مرزا جي مقابلي ۾ آيل سياسي پارٽي ۾ صرف پ پ آهي جيڪا ڪنهن وقت مرزا جي ساڄي ٻانهن طور سڃاتي ويندي هئي.پر ڊاڪٽر ذوالفقار ۽ سندس ساٿي دوست آصف علي زرادي جي دوستي ختم ٿيڻ کانپوءِ ڊاڪٽر ذوالفقار مرزا بدين اندر پنهنجي سياسي ماحول جي سرگرم ڪرڻ لاءِ ڪوششون ڪري رهيو آهي.جنهن اندر هو گهڻي ڀاڱي ڪامياب پڻ ويو آهي.جڏهن ته پ پ پاران اهڙو ڪو وڏو ليڊر ناهي جيڪو ڊاڪٽر جي مقابلي ۾ اچي سگهي.۽ ڊاڪٽر ذوالفقار مرزا جي جلسن مان ئي اندازو لڳائجي ٿو ته مرزا بدين اندر پنهنجو اميج پيدا ڪرڻ ۾ گهڻي ڀاڱي ڪامياب ويو آهي.پر انهي سان گڏ پ پ سان به ته هن وقت وڏا ڌڙا آهن جنهن ڪري بدين اندر بلدياتي اليڪشن هڪ تمام ڏکي ماحول مان گذرڻ جا امڪان آهن جنهن اندر ڪجهه به ٿي سگهي ٿو.برحال ڳالهه جهموريت جي هئي انهي ڪري ڪيترن ئي دوستن جي ذهن ۾ اها ڳالهه هوندي به بلدياتي اليڪشن سان جهموريت جي ڪهڙو تعلق آهي ۽ جهموريت ان سان سواءِ ڪهڙي ريت ناممڪن آهي.

انهي ڪري جواب آهي ته جهموريت ٽن تهه تي مشتمل آهي.ان ۾ سڀ کان پهرين وفاق حڪومت هوندي آهي جيڪا پوري ملڪ جا فيصلا ڪرڻ جا اختيار رکندي آهي.جڏهن ته ٻئي تهه صوبائي حڪومت هوندي آهي جيڪا صوبن تي حڪمراني ڪندي آهي ۽ ٽئي تهه اهي بلدياتي ادارا آهن جيڪي لوڪل گورنمينٽ کي هلائيندا آهن.واضع رهي ته وفاق ۽ صوبائي حڪومتون صوبائي اسيمبلين جو ڪم ۽ قانون سازي ڪرڻ آهي.جڏهن ته ايم پي اي ۽ ايم اين اي سميمبلين ۾ ويهي ڪري مختلف معاملن تي غور ويڇار ڪندا آهن.جڏهن ته انهن معاملن جي بحث مباحثا پڻ ٿيندا آهن ۽ پوءِ اتفاقي راءِ وٺي ڪري ڪو فيصلو ڪيو ويندو آهي.جڏهن اهي معاملا اتفاق راءِ سان منظور ڪيا ويندا آهن ته بدلياتي حڪومت انهي کي حل ڪرڻ جي ڪوشش ڪندي آهي .عوام جي مسئلن جي حل ڪرڻ انهن جي اهم ڪم هوندو آهي.جڏهن ته يونين ڪائونسلر تعلقه ڪائونسر ضلعي ڪائونسلر جي اها پهرين ڪوشش هوندي آهي ته هو عوام جي وچ ۾ ٿيڻ واري جهڙي فساد جي نگراني ڪن ۽ ٻنهي ڌرين جي سامهون ويهاري ڪري انهن جي مسئلن کي حل ڪن.انهي ڪري عوام ننڍن مسئلن جي ڪري عدالتن جي چڪرن کان چٽِي پون.انهي ڪري عوام سان گڏ عدالتن جو به ڪم اندر وقت جو زيان نه ٿئي.

بلدياتي ادارن جو هڪ اهو به فائدو آهي ته اهي عوام جي گلين جي مرمت،واٽر سپلاءِ جي خلابي.اسٽيت لائيٽز جو مرمت،جي ڪري ايم پي اي ۽ ايم اين اي جي پويان ڊوڙڻو ڪون پوندو،اهين سڀ فائده آهن جيڪي بدلياتي اليڪشن کان پوءِ عوام جي مهيا ڪرڻ جو حق اهي اميدوار رکن ٿا جيڪي بدلياتي اليڪشن اندر کٽي ڪري اڳيان اچن ٿا.پر افسوس آهي جو اهي ڳالهيون سڀ چوڻ ۽ لکڻ تائين محدود آهي. مون ته انهي لاءِ لکيو جو اوهانکي ٿوري جمهوريت اندر بلدياتي اليڪيشن اميداوارن جي حيثيت ٻڌائي سگهان پر.اهو ضوري ناهي ته ملڪ اندر انهي جمهوريت اندر اهي بدلياتي اليڪشن جا اميدار به ڪم ڪن ڇو ته پاڪستان اندر ڪرپشن هڪ موذي مرض بنجي چڪو آهي.جنهن جو خاتمو ڏسڻ ۾ اچي ئي نه پيو اهين لڳي رهيو آهي ڄڻ ۽ بلدياتي اليڪشن عوام کي حقن لاءِ نه پر پنهنجي پيٽ ڀرڻ لاءِ ڪئي پئي وڃي.ڇو ته پاڻ هڪ نظر رڳو ملڪ تي وجهون ته سڄو ملڪ دهشتگردي جي وڙ ڇڙيو پيو آهي رڳو وزيستان ۾ نه پر اسان جي هر گلي گهر محلو دهشتگردن سان ڀريو پيو آهي.ڪو شهر اهڙو ناهي جٿان ڦر جهيڙو،مارڻ مارائڻ جون خبرون نه اينديون هجن.انهي ڪري وري به سوال ڇا بلدياتي اليڪيشن اندر چونڊجي آيل اميدار اهي مسئلا حل ڪري سگهندا. ماضي ۾ جنهن دور اندر به بلدياتي اليڪشن ڪم ڪندي رهي ۽ اها ڳالهه به سچ آهي هڪ افسوس سان چوڻي ٿي پوي ته جهموريت سڏائڻ واري جمهوريت خد بلدياتي الڪيشن جي راه ۾ وڏي ۾ وڏي رڪاوٽ جو ڪارڻ بڻي آهي.هن وقت به جيڪي بلدياتي الڪيشن ٿيا آهن اهي سپريم ڪورٽ جي بار بار چوڻ تي ٿيا آهن .جڏهن ته جهموريت انهي بلدياتي اليڪشن جي حق ۾ هر گزر نه هئي.انهي ڪري پنهنجي نظر اندر هر جمهوري سياست اهڙي خيال جي نه هجڻ گهرجي.ڇو ته اگر جمهوري پارٽيون جهموريت کي پسند ڪندڙ آهن ته کين جهموريت جي خلاف ڪو به فيصلو نه ڪرڻ گهرجي.ڇو ٿه اگر جي اهين اليڪشين وقت تي ٿئي هان ته جهڙو حشر هن وقت بلدياتي اليڪشن اندر ٿي رهيو آهي اهڙو نه ٿئي ها.برحال اها هڪ جمهوري سوچ آهي ان کي ڇا ڪري سگهجي ٿو.پر ملڪ ۾ جيڪا اليڪشن ٿيڻ واري آهي انهي تي جمهوريت کي پنهنجو ڪردار ادا ڪرڻ گهرجي.پارٽين جي اڳواڻڻ جي اعتماد ۾ وٺي ڪري جهيڙن جڳڙن کان پاڪ اليڪشن ڪرائڻ لاءِ ته ڪو قدم کڻڻ گهرجي يا ملڪ اندر جهموريت جي نالي تي پئي خون ريزي ٿي ۽ عوام پئي مري ۽ اسين وري به جمهوريت جو ڍنڍورو وڄائيندا وتون اهو ته ڪنهن به صورت ۾ درست ناهي.

 

سنڌي ادب جو پارس ـــــــــ محمد ابراهيم جويو: تحرير: مير نادر علي ابڙو

ادبي ۽ علمي گھراڻي هجڻ سبب مونکي ٻالڪپڻ کان ئي سنڌي ادب جي نمايان شخصيتن سان ملڻ جو موقعو ميسر آيو، ڇو ته بابا سائين ڪامريڊ تاج محمد ابڙو جي شام واري روزاني ڪچهرين ۾ بـ گهڻي قدر سندن ادبي دوست ئي گڏ ٿيندا هئا، جتي سنڌ جي سڀني وڏن ليکڪن کي مان بابا سائين جي ڪچهرين ۾ ڏٺو ۽ جڏهن به بابا سائين جي حيدرآباد بدلي ٿيندي هئي تـ پاڻ پنهنجي سڀني کان وڌيڪ ويجهي دوست چاچا محمد ابراهيم جويو سان وڌيڪ وقت گذاريندا هئا.

مونکي ياد آهي هڪ ڏينهن مان بـ بابا سائين جن سان گڏ سنڌي ادبي بورڊ ڄامشورو ويو هئس، جتي چاچا ابراهيم جويو سان ويهي ڪچهري ڪرڻ لڳا هئا ۽ مون بابا جن کي چئي سنڌي ادبي بورڊ مان ڪيترائي ڪتاب وٺي گاڏي جي ڊڪي ڀري ڇڏي هئي. اهڙي ريت چاچا ابراهيم جويو منهنجي ان معصومانه خواهش کي پورو ڪيو ۽ پوءِ پاڻ زندگي ۾ منهنجي پسنديده شخصيت بڻجي ويو. ڪتابن سان منهنجي رغبت ۽ لڳاءُ ڪا نئين ڳالهه ناهي، پر امڙ سائنڻ ٻڌائيندي آهي تـ مان ٻالڪپڻ ۾ بـ جڏهن اڃان مان اسڪول وڃڻ جهڙو نـ هيس، تڏهن بـ اڪثر گهر مان ڪجهـ ڪتاب کڻي پراڻي اسڪولي ٿيلهي ۾ وجهي سڄي گهر ۾ گهمائيندو وتندو هيس ۽ منهنجي ان عمل تي سمورا گهر ڀاتي کلندا هئا تـ پاڻ کان وڏو ٿيلهو کنيو اٿم. پوءِ عمر سان گڏ اهو چاه ويتر وڌڻ لڳو ۽ ڪتابن جي ويجهو ٿيندو ويس.

منهنجي لاءِ اها هڪ وڏي سرهائي جي ڳالهـ آهي تـ مون جويي صاحب جهڙي مانائتي شخصيت کي ويجهڙائيءِ کان ڏٺو سندن لبن تي هميشـ سنڌي ادب ۽ زبان جي واڌاري ۽ سنڌي سماج جي خوشحالي جون ڳالهيون رهيون آهن. ڏٺو وڃي تـ سنڌي ادب جو هي اڻ ٿڪ ڪردار، ادب کي ڪيترائي اهم ڪتاب ڏئي چڪو آهي. جنهن ۾ ادبي ٻولي ۽ انجي فلسفيانـ پيڙاهي جو وڏو عنصر موجود آهي. سندن حياتي جو احاطو ڪبو تـ پوري هڪ صديءَ جو دور هن ادبي ميدان لاءِ ڏنو آهي ۽ سندس سان جڏهن بـ ڪچهري ٿيندي آهي تـ هو سنڌ جي مڙنئي مسئلن، خاص ڪري تعليمي، ثقافتي، معاشرتي اوسر ۽ اقتصادي آجپي جي ڳالهـ ڪندو آ.

سنڌ جي هن سٻاجهڙي ڏاهي، ڪشادي صاف دل، سادي فطرت ۽ درگذر ڪندڙ طبيعت جي مالڪ سائين ابراهيم جويو جو بنيادي تعلق تعلقي ڪوٽڙي ضلع ڄامشورو جي هڪ ننڍڙي ڳوٺ “ آباد” سان آهي، جتي هڪ محنت ڪش هاريءَ ميان محمد جويو جي گهر ۾ 13 آگسٽ 1915ع ۾ جنم ٿيو ۽ سندن والد جي ان وقت وفات ٿي جڏهن محمد ابراهيم جويو جن تمام ننڍا هئا. جڏهن ته سندن ڏاڏو محبوب جويو کي ڳوٺ ۾ وڌيڪ پڙهيل لکيل ۽ سمجهدار هجڻ جي ڪري“ آخوند” جي نالي سان سڏيو ويندو هيو.

محترم محمد ابراهيم جويو پرائمري تعليم پنهنجي ڳوٺ ۾ ئي حاصل ڪئي ۽ بعد ۾ 1927ع ڌاري اينگلو ورٽيڪلر ( اي ـ وي ) اسڪول سن ۾ داخلا ورتائون. جنهن بعد اڳيان تعليم حاصل ڪرڻ لاءِ کين سنڌ مدرسـ ڪراچي ۾ تعليم حاصل ڪرڻي پئي، جتي لوڪل بورڊ طرفان کيس ڏهـ روپيـ ماهانه وظيفو بـ جاري ٿيو، ان زماني ۾ اهو وظيفو انهن شاگردن کي ئي ملندو هو جن جي تعليمي ڪارڪردگي نمايان هوندي هئي ۽ ابراهيم جويو صاحب اڳيان هلي سنڌ مدرسـ ۾ اسسٽنٽ ٽِيچر جي حيثيت سان ٻن سالن تائين خدمت بـ سرانجام ڏني، جنهن سان سندس جو ڪردار سنڌ واسين لاءِ هڪ فڪري استاد ۽ شعوري شخصيت طور پڻ رهيو آهي.

ويهين صدي عيسوي جي شروعاتي ڏهاڪن ۾ جڏهن سنڌ انگريزن کان آجپي واري تحريڪ شروع ڪئي ويئي، ان زماني ۾ ايم. اين. راءِ جي فڪري تحريڪ اڀري رهي هئي ۽ ان فڪري ماحول ۾ محمد ابراهيم جويو ان تحريڪ جو فڪري ۽ شعوري طور تي ڳوڙهو اڀياس ڪيو. ان زماني ۾ هن ايم. اين. راءِ جي مضمونن جو مطالعو پڻ شروع ڪيو، جيڪي ان وقت جي ٽائيمز آف انڊيا ۾ شايع ٿيندا هئا. جنهن سان جويو صاحب کي اهو احساس ٿيو تـ سنڌ ۾ سائنسي ۽ تعليمي شعور جي جيڪا گهٽتائي آهي، تنهن لاءِ جاڳرتا جي انتهائي اشد ضرورت آهي ۽ اڳيان هلي جڏهن ننڍي کنڊ جي ورهاڱي جي ڳالهـ ٿي ۽ حڪمرانن طبقي مسلمانن لاءِ هڪ الڳ مسلم رياست جو مطالبو ڪيو تـ ان وقت محمد ابراهيم جويو جهڙي دورانديش ۽ قابل ڏاهي اهو محسوس ڪري ورتو تـ آئنده لاءِ سنڌ ۾ سماجي، علمي ۽ فڪري طور ڪي مشڪلاتون پيش اچي سگهن ٿيون ۽ ان حوالي سان سنڌ واسين جي جاڳرتا لاءِ پاڻ هڪ ڪتاب پڻ رقم ڪيو.

سنڌي ادب ۾ جويي صاحب بين الاقوامي ادب کي متعارف ڪرائڻ لاءِ پرڏيهي ڪتابن کي ترجمو ڪري ڪيترائي انيڪ ڪتاب به ڇپرايا، جنهن ذريعي هن پنهنجي ترجمن ۾ فڪري ۽ شعوري طور سنڌ ۾ جديد سائنسي علم جي اوسر، ٻوليءَ جي تحفظ ۽ سماجي سڌارن بابت وسيع ڄاڻ ڏنائون ۽ گڏوگڏ هن سنڌ کي روايتي ذات پرستي، وڏيرائي سوچ ۽ تعليمي کوٽ مان پڻ ڪڍڻ ٿي چاهيو. اهڙي ريت هن هميشـ پنهنجي قلم ذريعي ٻولي، تعليم، ادب ۽ سماج جي وڏي خدمت ڪئي ۽ اهو چوڻ ۾ ڪو وڌاءَ نه ٿيندو ته اڄ سنڌ ۾ علمي، ادبي ۽ فڪري طور تي جيڪو پڪو پختو شعور آهي تـنهن ۾ نمايان حصو جويو صاحب جو به آهي ۽ سنڌي ادب جي ڪيترن وڏن ليکڪن شيخ اياز، سراج ميمڻ، حسام الدين راشدي، محمد عثمان ڏيپلائي، الهداد ٻوهيو ۽ ٻين ڪيترن وڏن ناليواري شخصيتن سندس کان گهڻو ڪجھ سکيو آهي.

محمد ابراهيم جويو سنڌ جو اهو دانشور، مفڪر، معلم ۽ اديب آهي جنهن پنهنجي زندگي جو مقصد سنڌي ادب جي خدمت لاءِ وقف ڪري چڪو آهي ۽ سنڌ جي حساسيت کي محسوس ڪندي هو سنجيده مزاج ۽ گهڻ پاسائو اتساهيندڙ ڏيندڙ ڪردار هميشـ سنڌ لاءِ هڪ روشن خواب به ڏسندو رهيو آهي.

 

 

فلاءِ اوور 750 ملين رپين جي لاڳت سان تيار ٿيندو. انهيءَ موقعي ته مڪاني ادارن جو صوبائي وزير سيد ناصر شاهه ۽ وزير اعليٰ سنڌ جو پرنسپل سيڪريٽري علم الدين بلو، ايڊمنسٽريٽر ڪراچي ساجد عباسي، ميونسپل ڪمشنر سميع صديقي ۽ ٻيا موجود هئا.

گذريل ڏينهن سنڌ جي وڏي وزير سيد قائم علي شاهه ڪورنگي ڪراسنگ وٽ فلاءِ اوور جي پيڙهه جو پٿر رکڻ کان پوءِ صحافين سان ڳالهائيندي چيو آهي ته انتهائي حساس پولنگ اسٽيشنن تي فوج کي مقرر ڪرڻ تي اسان جي حڪومت کي ڪوبه اعتراض نه آهي. اسان به ايندڙ مڪاني ادارن جي چونڊن دوران امن امان برقرار رکڻ لاءِ احتياتي قدم کنيا آهن، وڏي وزير جو چوڻ هو ته درازا واقعي جا ملزم گرفتار ڪيا ويا آهن. مڪاني چونڊن جي ايندڙ مرحلن ۾ ٽنهي ڊويزنن جي پندرهن ضلعن لاءِ سيڪيورٽي جا سخت انتظام ڪيا ويا آهن. انتهائي حساس قرار ڏنل رڳو ٻه ضلعا سانگهڙ ۽ بدين آهن باقي انهن کان سواءِ 13 ضلعن جون ڪجهه يونين ڪائونسلون حساس آهن. سمورا ضلعا جتي مڪاني چونڊون ٿي رهيون آهن اتي فول پروف سيڪيورٽي فراهم ڪرڻ لاءِ سمورا ضروري قدم ڪيا ويا آهن. پوليس ۽ رينجرز جي مقرري جي حوالي سان پهريان ئي سمورا ڪم مڪمل ڪيا ويا آهن. هڪ سوال جي جواب ۾ سنڌ جي وڏي وزير چيو ته هن درازا شريف جي ملزمن خلاف ڪارروائي جي بابت پير پاڳاري سان ڳالهايو آهي، ان کان سواءِ 15 ضلعن خاص طور سانگهڙ ۾ مڪاني چونڊن کي پرامن انعقاد جي حوالي سان ڳالهه ٻولهه ٿي آهي. مون کي يقين آهي ته پير پڳارو صاحب مطمئن آهي. حڪومت چيف جسٽس آف سنڌ هاءِ ڪورٽ کي درازا شريف واري ڏکوئيندڙ سانحي جي جاچ لاءِ پهريان ئي جوڊيشل انڪوائري لاءِ جج جي مقرري جي درخواست ڪري چڪي آهي. ڪورنگي ڪراسنگ فالاءِ اوور بابت سنڌ جي وڏي وزير چيو ته اهو منصوبو 750 ملين رپين جي لاڳت سان مڪمل ٿيندو ۽ ان جا ٻه ليول آهن، پهرين ليول تي لاڳت جو تخمينو 404.926 ملين رپيا ٿيندو. فلاءِ اوور جي ڊيگهه 408 ميٽر آهي جيڪو 12 مهينن جي مدت ۾ مڪمل ٿيندو .مڪاني ادارن وارو صوبائي وزير وڏي محنت ڪري رهيو آهي ۽ هو روزاني جي بنياد تي ان منصوبي جي نگراني ڪندو. ان منصوبي سبب ڪورنگي انڊسٽريل ايريا ۾ رهندڙن کي وڏي سهولت ميسر ٿيندي ان موقعي تي فلاءِ اوور 750 ملين رپين جي لاڳت سان تيار ٿيندو. انهيءَ موقعي ته مڪاني ادارن جو صوبائي وزير سيد ناصر شاهه ۽ وزير اعليٰ سنڌ جو پرنسپل سيڪريٽري علم الدين بلو، ايڊمنسٽريٽر ڪراچي ساجد عباسي، ميونسپل ڪمشنر سميع صديقي ۽ ٻيا موجود هئا.