تازيون خبرون

Daily Archives: November 9, 2015

عورتون پنهنجي صلاحيتن کي ڪڏهن به نظرانداز نه ڪن: دپيڪا پڊوڪون

ممبئي (شوبز نيوز) بالي ووڊ اداڪاره دپيڪا پڊوڪون چيو آهي ته سموريون عورتون پنهنجو پاڻ تي اعتماد ڪن ۽ پنهنجي صلاحيتن کي ڪڏهن به نظر انداز نه ڪن، عورتن کي بااختيار بڻائڻ جي حوالي سان پنهنجي انٽرويو ۾ اداڪارهچيو ته اسان کي عورتن جي حوالي سان ڏينهن ملهائڻ جي ضرورت ناهي ۽ اسان کي ان ڏينهن جو انتظار پڻ نه ڪرڻ گهرجي، هن چيو ته عورتون انتهائي مضبوط ۽ جذباتي صلاحيتن جون حامل هونديون آهن، هن چيو ته سمورين عورتن کي منهنجو پيغام آهي ته هو پنهنجو پاڻ تي مڪمل اعتماد رکن ۽ پنهنجي صلاحيتن کي ڪڏهن به نظر انداز نه ڪن.

 

 

سورج برجاتيه ۽ سلمان خان فلم ”پريم رتن ڌان پايو“ خاندان سان گڏ ڏسڻ لاءِ ٽڪيٽ بڪ ڪرائي ڇڏي

ممبئي : بالي ووڊ هدايتڪار سورج برجاتيه ۽ سلمان خان پنهنجي نئين فلم پريم رتن دهان پايو خاندان سان گڏ ڏسڻ لاءِ ٽڪيٽ بڪ ڪرائي ورتي، سڌ سماءَ جي ذريعن مطابق سلمان خان جي فلم ”پريم رتن دهان پايو“ ڏسڻ لاءِ ايڊوانس بڪنگ 2 ڏينهن شروع ٿي وئي آهي، فلم جي هدايتڪار برجاتيه ۽ اداڪار سلمان خان پنهنجي خاندان وارن سان گڏ فلم ڏسڻ لاءِ فلم جي رليز جي ڏينهن 4 وڳي جي شو ۾ ممبئي ٿيٽر ۾ ٽڪيٽ بڪ ڪرائي ورتي آهي، سيڪيورٽي سبب ان حوالي سان وڌيڪ تفصيلن کان آگاهه نه ڪيو ويو آهي، ٻنهي خاندان وارن چيو آهي ته اها فلم عام مداحن وانگر ڏسڻ اينداسين، ان لاءِ اها ٽڪيٽ خريدڻ جو فيصلو ڪيو آهي، ڄاڻايل فلم 12 نومبر تي رليز ٿيندي، جنهن ۾ سلمان خان، سونم ڪپور مرڪزي ڪردار ادا ڪيو آهي.

 

قائد اعظم ڪرڪيٽ ٽرافي جي ٽئين مرحلي جي شروعات اڄ ٿيندي

اسلام آباد (اسپورٽس نيوز) پاڪستان ڪرڪيٽ بورڊ (پي سي بي) جي اهتمام هيٺ قائداعظم ڪرڪيٽ ٽرافي جي ٽئين مرحلي جي شروعات (اڄ) سومر کان ملڪ جي مختلف شهرن ۾ گڏ ٿيندي، ڊائمنڊ ڪرڪيٽ گرائونڊ ۾ اسلام آباد ۽ پورٽ قاسم وچ ۾ ميچ ٿيندي، تفصيل موجب قائداعظم ٽرافي ۾ شريڪ ٽيمن وچ ۾ دلچسپ ۽ شاندار مقابلن جو سلسلو جاري آهي، ٻن مرحلن جي ختم ٿيڻ کان پوءِ ايس ايس جي سي ۽ اين بي پي جون ٽيمون پنهنجي پنهنجي گروپن ۾ پوائنٽ ٽيبل تي پهرين نمبر تي آهن، ملڪ جي مختلف شهرن ۾ (اڄ) سومر تي شروع ٿيندڙ ميچن ۾ فاٽا جو مقابلو خان ريسرچ ليبارٽريز (ڪي آر ايل)، حيدرآباد جو مقابلو سوئي گيس، اسلام آباد جو مقابلو پورٽ قاسم ڪراچي، وائٽس جو مقابلو نيشنل بينڪ ۽ لاهور بليوز جو مقابلو يونائيٽيڊ بينڪ سان ٿيندو.

 

سريلنڪا آخري ون ڊي ۾ ويسٽ انڊيز کي 19 رنسن تان هارائي سيريز ۾ ڌوئي ڇڏيو

پالي ڪيلي:سريلنڪا ٽئين ۽ آخري ون ڊي انٽرنيشنل ۾ ويسٽ انڊيز کي 19 رنسن تان مات ڏئي سيريز ڪلين سوئيپ ڪري ورتي، خراب موسم سبب ميچ جو فيصلو ڊڪ ورٿ لوئس ميٿڊ هيٺ ٿيو، ويسٽ انڊيز جي مارلن سيموئلز ي ناقابل شڪست سينچري اسڪور ڪرڻ تي ميچ جو بهترين رانديگر قرار ڏنو ويو، جڏهن ته سريلنڪا جي ڪوسال پريرا کي سيريز جو بهترين رانديگر قرار ڏنو ويو، پالي ڪيلي انٽرنيشنل ڪرڪيٽ اسٽيڊيم ۾ کيڏيل سيريز جي ٽئين ۽ آخري ون ڊي انٽرنيشنل ۾ سريلنڪا جي ڪپتان ايجلو ميٿوز ٽاس کٽي پهرين فيلڊنگ جو فيصلو ڪيو ، برسات سبب ميچ دير سان شروع ٿي ۽ ان کي 36 اوورن تائين محدود ڪيو ويو، ويسٽ انڊيز مقرر اوورن ۾ 9 وڪيٽن جي نقصان تي 206 رنسون ٺاهيون، جنهن ۾ مارلن سيموئلز جون 109 رنسون شامل آهن، لاسٿ ملنگا، سرنگا لڪمل، دشمانٿا چميرا ۽ جنٿا مينڊس ٻه ٻه وڪيٽون حاصل ڪيون، جواب ۾ سريلنڪا 32.3 اوورن ۾ 5 وڪيٽن جي نقصان تي 180 رنسون ٺاهيون ته ٻيهر برسات شروع ٿي وئي، جنهن ڪري ميچ روڪي وئي، جيڪا ٻيهر شروع نه ٿي سگهي ۽ سريلنڪا ڊڪ ورٿ لوئس ميٿڊ تحت 19 رنسن تان ڪامياب ٿي وئي.