تازيون خبرون

Daily Archives: November 4, 2015

ڪنهن فرد نه پر آئين جي تابع آهيون، عوام ئي رياست جو ضامن آهي: چيف جسٽس

اسلام آباد (اين اين آءِ) چيف جسٽس آف پاڪستان جسٽس انور ظهير جمالي چيو آهي ته ڪو به قانون کان مٿانهون نه آهي اسان ڪنهن فرد جا نه آئين جا تابع آهيون، پاڪستان جو عوام رياست جو ضامن آهي، اهو پنهنجي قومي ۽ سياسي اتحاد ۽ يڪجهتي جو تحفظ ڪندو، حڪومت ۽ پارليامينٽ کي نظام جا نقس ختم ڪرڻ لاءِ وڌيڪ سرگرم ڪردار ادا ڪرڻو پوندو، روشن خيال عمليت پسند ۽ جامعه مينڊينٽ جا تقاضا پورا ڪرڻ ۾ ناڪام ٿي رهيا آهن، فوري توجهه جي ضرورت آهي، عدليه کي مستحڪم ڪيو ويندو، پوليس ۽ ڪرمنل جسٽس سسٽم ۾ سڌارا ڪيا ويندا، قانون ۽ ضابطن جو نئين سر جائزو ورتو ويندو، لا اينڊ جسٽس ڪميشن مفاد، جي تحفظ، پاڪستان ۾ قانون جي بالادستي کي مڪمن بڻائڻ لاءِ قومي لائحه عمل جوڙي، قدرن ۽ رخ جي بحرانن کي منهن ڏيڻ لاءِ اسان کي پاڻ ۾ گڏيل لائحه عمل تي متفق ٿيڻو پوندو، قانون جي بالادستي کي ممڪن بڻائڻ لاءِ قومي سوچ جي ضرورت آهي، آئيني پاليسي ۽ مقصدن کي رياستي حڪمت عملي ۽ قانونسازي ۾ شامل ڪرڻ ۾ ڏکيائيون ٿي رهيون آهن، پارليامينٽ اهڙا قدم کڻي جنهن سان آئين کي ان جي روح مطابق نافظ ڪري سگهجي، اڱاري تي سينيٽ هول ڪميٽي کي خطاب ڪندي هن چيو ته هي ڳالهه منهنجي لاءِ خوشي جو سبب ۽ افتخار آهي جو اڄ مان هتي چيئرمين سينيٽ جي دعوت تي هن ايوان سان مخاطب آهيان، منهنجو اچڻ تاريخي واقعي جو تسلسل آهي جڏهن ڪجهه وقت اڳ چيئرمين سينٽ ڪمال مهرباني سان اسان جي دعوت قبول ڪئي ۽ سپريم ڪورٽ آف پاڪستان اچي ادارن جي اهميت خاص قانون جي بالادستي جي اهم عنوان تي خيالن جو اظهار ڪيو جيڪو اسلامي جمهوريا پاڪستان جي آئين جي روشني ۾رياستي ادارن وچ ۾ هم آهنگي کي هٿي ڏيڻ لاءِ نهايت بهتر قدم هو. مان پنهنجي اڄوڪي هن تقرير جي شروعات کان اڳ ان ڳالهه جي نشاندهي ڪرڻ ضرور سمجهان ٿو ته هن تقريب جي پهرين نشت ۾ جيڪا 5 سيپٽمبر 2005 تي سپريم ڪورٽ ۾ منعقد ٿي هئي، اڳوڻي چيف جسٽس محتره جواد ايس خواجه صاحب هڪ نهايت اهم فهم ۽ فراست سان ڀرپور خطاب ڪيو هو ۽ اڄوڪو خطاب انهن ڳالهين جو هڪ تلسلس آهي جهڙو اوهان ڄاڻو ٿا ته لا اينڊ جسٽس ڪميشن آئين جي آرٽيڪل 37 جي روشني ۽ سستي ۽ تڪڙي انصاف جي فراهم مفسل سفارشون پيش ڪري چڪو آهي، اڄوڪي ڳالهه ان پس منظر ۾ ادارن جي استحڪام خاص ڪري سماج ۽ رياست جي استحڪام کي ممڪن بڻائن لاءِ قانون جي بالادستي جي اهميت ۽ ان جي رستي ۾ آيل رنڊڪن تي مرڪوز هوندي جنهن جو وجود پاڪستان جي عوام جي خوشحالي لاءِ نهايت ضروري آهي، چيف جسٽس چيو ته لازم آهي ته اسان ان ڳالهه جو اعتراف ڪريون ته اسان جو آئين تغير پسند آهي،هي رياست لاءِ اهڙو وزن پيش ڪري ٿو جتي رياست معيار تشڪيل ڏئي ٿي، منهنجي نظر ۾ هي روشن خيال، عمليت پسند ۽ جامع مينڊينٽ آهي پر افسوس آهي جنهن جو اسان کي اعتراف ڪرڻو پوندو ته اسان ان منيڊينٽ جون گهرجون پوريون ڪرڻ ۾ ناڪام ٿي رهيا آهيون، ان تي توجهه ڏيڻ جي ضرورت آهي، ان لاءِ رياست ۽ سماج ۾ آئيني روح کي وڌيڪ چست ڪرڻ جي ضرورت آهي ته جئين پاڪستان سان وابسطا واعدن بابت عوام کي آگاهه ڪيو وڃي ۽ آئين جي ان بنيادي تغيراتي عنصرن جي تصريح ڪئي وڃي جيڪا رياست ۽ سماج وچ ۾ رشتي جي وضاحت ڪن ٿا ۽ پاڪستان بابت اسان جو عزم مملڪت جي رهواسي جي حيثيت سان حاصل حق ۽ فرض جي امنگن جي ترجماني ڪن ٿا هي عمل حقيقت ۾ پاڪستان جو مقصد آهي، مان لا اينڊ جسٽس ڪميشن کي هدايت ڪئي آهي ته هو پاڪستان ۾ قانون جي عملداري ۽ بنيادي حقن بابت عام راءِ کي وڌ ۾ وڌ با خبر ڪرڻ بابت ڪردار ادا ڪري، هن چيو ته رياست جي عمارت هڪ نهايت نازڪ تصور تي قائم ٿيندي آهي، يعني ماڻهن جو ادارن تي اعتماد، قانون جي بالادستي تي عمل رياست ۽ سماج کي زنده ۽ چست رکڻ ۾ اهميت رکي ٿو جنهن سان رياستي نمائندن جي دائري جون حد طئه ٿين ٿيون ته جئين آئين جون گهرجون پوريون ٿي سگهن، هي رياست ۽ ان جي رهواسين وچ ۾ تعلق منظم ڪري ٿو جنهن ۾ عمور مملڪت جو نظام ۽ نجي ڌرين وچ ۾ تڪرارن جا حل به شامل آهي، سادي انداز ۾ هي چيو وڃي ته غلط نه ٿيندو ته اسان سڀ ڪنهن فرد جا نه قانون جي تابع آهيون، آئيني گهرجن بابت پنهنجي ڳالهه کي اڳيان وڌائيندي آئين جي آرٽيڪل 25جو ذڪر ڪندس جيڪو واضح طور تي چوي ٿو ته قانون جي نظر ۾ سمورا شهري برابر آهن ۽ هڪ جيترا برابر جا حقدار آهن، هر شهري جو اهو حق آهي ته ان سان قانون مطابق ورتا ڪيو وڃي، آرٽيڪل 4، جيئين فرانس فوڪاياما لکيو آهي ته قانون جي بالادستي دراصل هڪ مذهبي تصور آهي جنهن جي توثيق اسان جي آئين ان نظري سان ٿئي ٿي ته تمام اخلاقي ۽ حتمي حاڪميت اعليٰ صرف الله سبحان و تعاليٰ کي حاصل آهي ۽ جنهن طرف اوڀر جي شاعر علامه اقبال شڪوه (1909) ۾ اشارو ڪيو آهي، چيف جسٽس چيو ته آئين تحت هڪ منصفاڻي رياست جي قيام جو تصور مخص قانون ۽ ضابطي جي ڪارروائي نه آهي پر هي رياست جو قانوني جواز آهي، ان جي پشت ۾ قومي، مذهبي ۽ اخلاقي سوچ جو فرما آهي، اهو ئي اسان جي رياست جو نظريو هئڻ گهرجي ته ان جون پاليسيون ۽ قانونسازي ۾ اسان جي ويزن ۽ امنگن سان هم آهنگ هجي. چيف جسٽس قانون جي بالادستي جي تصورجي ڪليدي اهميت بيان ڪندي چيو ته قانون جي بالادستي روز مره جي زندگي، رياستي امور کي انجام ڏيڻ، سماجي نظم کي هٿي ۽ عوام جا پاڻ ۾ معاملن کي مرڪزي حيثيت حاصل آهي، عوام کي انصاف جي رسائي لاءِ قانون جي بالادستي جي پائيدار ترقي جي حدفن ۾ شامل ڪيو آهي، حڪومت پاڪستان به پنهنجي ويزن 2025 ۾ هڪ قوم، هڪ نصب العين پاليسي ۾ ان ڳالهه جو علان ڪيو آهي ته قانون جي بالادستي هڪ ناگزير ضروت آهي، ان پاليسي ۾ چيو ويو آهي ته ان ڳالهه تي اتفاق راءِ وڌي رهيو آهي ته ملڪ جو مستقبل قانون جي بالادستي، عدليه جي آزادي ۽ آئين جي علمبرداري ۾ ئي آهي. ويزن ۾ ان کي هڪ ترجيح جي حيثيت سان پيش ڪيو ويو آهي ته اهڙي قانوني ڍانچي جي ضرورت آهي جيڪو عوام کي بااختيار بڻائي ۽ ان ڳالهه جي ضمانت فراهم ڪري ته عوام عزت ۽ نفس سان پنهنجي زندگي گذاري،ان جا انساني حق ۽ جانيون محفوظ هجن، چيف جسٽس چيو ته اسان لاڳاپيل ادارن سان پارٽنرشپ قائم ڪنداسين ته جئين جٽادار ترقي جا حدف ۽ ويزن 2025 بابت قومي عزم تي عمل پيرا ٿي سگهون، مان لا اينڊ جسٽس ڪميشن کي هدايت ڪئي آهي ته هو ان ڏس ۾ سمورن لاڳاپيل ڌرين سان اڳڀرائي کي ممڪن بڻائي جنهن جي مان ڪميشن جي چيئرمين جي حيثيت سان پاڻ نگراني ڪندس، هڪ قومي مقصد سان منهنجي عزم جو اظهار آهي، اسان سڀ قانون جي بالادستي، اهميت سان متفق آهيون پر ڏسڻو اهو آهي ته ان بابت اسان جي ڪارڪردگي جو معيار ڇا آهي، هن چيو ته اسان وٽ قانون جي واڌ آهي، شايد ڪجهه شعبن ۾ اسان وٽ ضرورت کان وڌيڪ قانون آهن پر قانون تي عملدرآمد جي سلسلي ۾ بحران آهي جنهن کي ترجيحي بنيادن تي حل ڪرڻ جي ضرورت آهي، چيف جسٽس چيو ته اسان اهو سمجهون ٿا ته قانون تي عملدرآمد انتظاميا جي اولين ذميواري آهي، جڏهن سماج ۾ فرد جي حقن جي نفي يا خلاف ورزي جي صورتحال اڳيان اچي ته هي عدليه جو فرض بڻجي ٿو ته انتظامي سڌارن لاءِ پنهنجو ڪردار ادا ڪري. چيف جسٽس چيو ته اسان اڳيان ايندڙ سوال قانون جي معيار جو آهي جهڙوڪ مان پهريان عرض ڪيو آهي ته هڪ غير منصفاڻي رياست ۽ معاشرو غير مستحڪم ۽ جٽادار نه هوندو آهي تنهنڪري قانون جي بالادستي کي سماجي قدر طور ڏسڻ جي ضرورت آهي، اسان کي ڏسڻو پوندو ته قانون جي سخت اهڙي هجي جو ان جا مفاد سڀني تائين پهچڻ جي قابل هجن، اسان کي جائزو وٺڻو پوندو ته ڇا قانون ان آئيني تقاضا کي پورو ڪري رهيا آهن جيڪي برابري جي بنياد تي رياست جي تشڪيل جو مطالبو ڪن ٿا، اسان کي قانوني پاليسي جو مطالعو ڪرڻ جي ضرورت آهي ته جئين قانونسازي بابت آگاهي هجي، اسان قانون جي حقيقي اثرن کان واقف ٿيون ۽ هي ممڪن بڻائي سگهون ته سمورا قانون غير جابنداراڻا ۽ منصافاڻا هجن ته جئين انهن جي قبوليت ۽ جواز کي برقرار رکي سگهجي، اسان کي انهن نتيجن بابت به واضح هئڻ گهرجي جيڪي قانون جي بالادستي سبب ممڪن ٿيندا آهن، هن چيو ته بدقمستي سان ڇو ته اسان قانوني مسودي سازي لاءِ خاص صلاحيت پيدا ناهيون ڪري سگهيا، ان لاءِ آئيني پاليسي ۽ مقصدن کي رياستي حڪمت عملي ۽ قانونسازي ۾ شامل ڪرڻ ۾ ڏکيائيون ٿي رهيون آهن، قانون جي عملداري جو تصور تڏهن پنهنجو اخلاقي جواز حاصل ڪري ٿو جڏهن هو عوام جي جائز ضرورتن کي منصفاڻي طور پورو ڪري، آئين ۾ لکيل آهي ته بنيادي حقن جو تحفظ ڪيو ويندو، سماجي، معاشي ۽ سياسي انصاف جنهن جي پاليسي اصولن ۾ وڌيڪ تشريح ڪئي وئي آهي جيڪي ٻين سببن سان گڏ سماجي انصاف کي هٿي ڏيڻ جو جواز مهيا ڪن ٿا، چيف جسٽس چيو ته هي به خوش قمستي آهي ته آئين ۾ حقن جي حوالي سان خاص سفارشون آهن جنهن سان گهٽ ۾گهٽ قابل قبول طرز عمل جو معيار قائم ڪيو ويو آهي جهڙوڪ آرٽيڪل 8 ۾ موجود آهي ته ڪو به قانون يا پاليسي قدم جيڪو انساني حقن جي خلاف ورزي نفي يا توهين ڪري ٿو، غير موثر يا باطل ڪوٺيو ويندو، پر اسان اڳيان اهڙا واقعا موجود رهيا آهن جنهن ۾ طئه ٿيل بنيادي حقن جي پس منظر ۾ سرڪاري پاليسي جو جائزو وٺڻ ضروري ٿي پيو هو جنهن ۾ عدالت جو قيمتي وقت صرف ٿيو، اهڙي قسم جي مقدبازي کان پري رهڻ لاءِ ضروري آهي ته سرڪاري پالسين ۽ طرز عمل کي انهن جي حدن جي دائري ۾ رکيو وڃي جن کي بنيادي حقن جي بحث ۾ طئه ڪيو ويو آهي. چيف جسٽس چيو ته پنهنجي تاريخ جي ان اهم موڙ تي اسان کي سنجيندگي سان انهن چيلينجز جو جائزو وٺڻ جو ضرورت آهي جيڪي موثر رياست ۽ معاشري جي قيام جي رستي ۾ رنڊڪ آهن، اسان کي ڏسڻو پوندو ته ڪهڙي طرح انهن جو مقابلو ڪري پنهنجي رياست کي مستحڪم ڪري سگهون ٿا. هن چيو ته لا اينڊ جسٽس ڪميشن کي ذميواري ڏني وئي آهي ته هو مفاد جي تحفظ لاءِ پاڪستان ۾ قانون جي بالادستي کي ممڪن بڻائڻ لاءِ هڪ قومي لائحه عمل تشڪيل ڏئي ته جئين ان عزم جي تڪميل ٿي سگهي جنهن جو نالو پاڪستان آهي، مان معزز ايوان کان خطاب لاءِ گهرائڻ تي هڪ ڀيرو ٻيهر شڪريو ادا ڪريان ٿو ته منهنجو خيال آهي ته مان اهڙي طرح پاڪستان ۾ قانون جي بالادستي لاءِ حصو وڌو آهي جيڪو اسان سڀني تي لازم آهي.

 

پ پ هميشه عوامي ڀلائي جا ڪم ڪيا، ڪيل سيڙپڪاري جو فائداو عوام تائين پهچڻ گهرجي: وڏو وزير

ڪراچي (اين اين آءِ) سنڌ جي وڏي وزير سيد قائم علي شاهه ورڪس اينڊ سروسز کاتي جي اختيارين کي سختي سان هدايت ڪئي آهي ته هلندڙ مالي سال 16-2015 جي پڄاڻي تائين 544 جاري ترقياتي منصوبن مان گهٽ ۾ گهٽ 179 منصوبن تي ڪم مڪمل ڪيو وڃي جنهن لاءِ 3.585 بلين رپين جا سئو سيڪڙو فنڊ جاري ڪيا ويا آهن، وڏي وزير چيو ته سندس حڪومت صوبي ۾ ڪميونيڪيشن نيٽ ورڪ کي ترجيح ڏئي رهي آهي جنهن جو اندازو ان ڳالهه مان لڳائي سگهجي ٿو ته هن شعبي لاءِ هلندڙ مالي سال دوران 9 بلين رپيا رکيا ويا آهن، جن مان 179 جاري منصوبن جي سئو سيڪڙو رقم سميت ٻيا هلندڙ اسڪيمن تي عمل لاءِ گذريل 4 مهينن ۾ 4.53 بلين رپيا جاري ڪيا ويا آهن، هن چيو ته هو رکيل رقم جي سئو سيڪڙو استعمال جو خواهشمند آهي ته جئين رٿائن تي مقرر وقت اندر معياري ڪم مڪمل ٿي سگهي، اهڙن خيالن جو اظهار هن سي ايم هائوس ۾ ڪوٺايل ورڪس اينڊ سروسز کاتي جي اجلاس ۾ خطاب ڪندي ڪيو، اجلاس ۾ سينيئر صوبائي وزير سيد مراد علي شاهه، ايڊيشنل چيف سيڪريتري پي اينڊ ڊي اعجاز علي خان، ناڻي سيڪريٽر سهيل راڄپوت، سيڪريٽري ورڪس اينڊ سروس اعجاز احمد ميمڻ، ايڊيشنل سيڪريٽري ورڪس اينڊ سروس سيد زاهد شاهه شرڪت ڪئي، وڏي وزير اجلاس کي خطاب ڪندي چيو ته ترقياتي ڪمن تي عمل ڪرڻ سان 3 ڳالهيون اهم آهن جن ۾ فنڊ جاري ڪرڻ، خرچ ڪرڻ ۽ رٿا کي مقرر مدي اندر معيار ڪم سان مڪمل ڪرڻ شامل آهي، هن آفيسرن کي هدايت ڪئي ته اسيڪمن کي مقرر وقت اندر بنا ڪنهن وقفي جي مڪمل ڪيو وڃي، ڇو ته ڪميونيڪيشن نيٽ ورڪ صوبي جي اقتصاديات کي هٿي ڏيڻ لاءِ اهم آهي جنهن سان ماڻهن کي سفر جي سهولتن سان گڏ سندن آمدني ۾ اضافو ٿيندو پر لاڳاپيل علائقن جي مقامي ماڻهن لاءِ روزاگار مهيا ٿيندو، هن چيو ته پ پ هميشه عوام جي خوشحالي ڪم ڪيو آهي ۽ خواهش آهي ته صوبي ۾ ڪئي ويندڙ سيڙپڪاري جو عوام کي فائدو ٿئي.

 

حڪومت اردو کي سرڪاري ٻولي طور تي اختيار ڪرڻ لاءِ سنجيده آهي: پرويز رشيد

اسلام آباد (اين اين آءِ) سينيٽ کي ٻڌايو ويو ته وفاقي حڪومت اردو کي سرڪاري زبان طور تي اختيار ڪرڻ لاءِ نهايت سنجيده آهي ملڪ ۾ رجسٽرڊ پرڏيهي اين جي اوز جو انگ 19 ۽ اڻ رجسٽرڊ جو انگ 67 آهي ڪمالدين کي چئرمين پيمرا جي باقاعده مقرري تائين عارضي بنياد تي چارج ڏني ويئي آهي چيئرمين پيئرا جي مقرري لاءِ اڳڀرائي ٿي رهي آهي اڱاري تي سوالن جي وقفي دوران سينيٽر سراج الحق جي سوال تي جي لکت واري جواب ۾ وفاقي وزير سينيٽر پرويز رشيد پاران ٻڌايو ويو ته وزيراعظم قومي ٻولي کي هٿي ڏيڻ واري اداري پاران ڪيل سفارشن جي روشني ۾ اردو کي اختيار ڪرڻ لاءِ فوري قدمن جي منظوري ڏني اهي سمورن کاتن جي سربراهن کي ڪابينه ڊويزن جي ذريعي ان سلسلي ۾ حڪم جار يڪيا ويا آهن حڪومت اردو کي سرڪاري ٻولي طور اختيار ڪرڻ لاءِ نهايت سنجيده آهي وفاق جي انتظام هيٺ ڪم ڪندڙ ادارن کي هدايت ڪئي ويئي آهي ته اهي پنهنجي پاليسين جو ٽن مهينن اندر اندر اردو ترجمو شايع ڪن سمورن ادارن کي قانونن جو اردو ترجمو به ٽن مهينن ۾ شايع ڪرڻ ۽ هر قسم جي فارم انگريزي سان گڏوگڏ اردو ۾ به فراهم ڪرڻ جي هدايت ڪئي ويئي ان کان علاوه پاسپورٽ آفيس، انڪم ٽيڪس، واپڊا، سوئي گئس ۽ ٻين ادارن سميت سمورن کي هدايت ڪئي ويئي آهي ته اهي سمورا دستاويز ٽن مهينن ۾ اردو ۾ فراهم ڪن ان کان سواءِ سمورين سرڪاري تقريبن جي ڪارروائي مرحليوار ٽن مهينن ۾ اردو ۾ شروع ڪئي وڃي وفاقي وزير ٻڌايو ته اڳوڻي گهرو وزير رحمان ملڪ جي اسلام آباد ۾ ان جي رهائشگاهه تي هڪ هيڊڪانسٽيبل ۽ ٻه ڪانسٽيبل فراهم ڪيا ويا آهن جڏهن ته ذاتي طور تي ان کي ڪوئي اسڪواڊ يا گاڏي فراهم ناهي ڪئي ويئي هن چيو ته رحمان ملڪ جو دهشتگردي خلاف جنگ ۾ هڪ بهادراڻو موقف آهي ان لاءِ کيس سيڪيورٽي ڏني ويئي آهي وفاقي وزير چيو ته ملڪ ۾ رجسٽرڊ پرڏيهي اين جي اوز جو انگ 19 ۽ اڻ رجسٽرڊ جو انگ 67 آهي اين جي اوز جي رجسٽريسن جو نئون طريقو جوڙيو پيو وڃي پهريان ناڻي وزارت اين جي اوز کي ريگيوليٽ ڪندي هئي هاڻي هي ڪم گهرو وزارت کي ڏنو ويو آهي هن ٻڌايو ته اين جي اوز جي نئين رجسٽريشن پاليسي متعارف ڪرائي ويئي آهي. وفاقي وزير ٻڌايو ته اڳوڻي چيئرمين چوڌري رشيد احمد کي وفاقي حڪومت برطرف ڪري ڇڏيو هو جنهن کان پوءِ هي عهدو خالي هو جنهن ۾ هن عهدي تي مقرري لاءِ شفاف طريقيڪار ذريعي اخبارن ۾ اشتهار ڏنا ويا آهن ۽ شارٽ لسٽ ٿيندڙ اميدوارن جا انترويو ڪيا ويا آهن پر ڇو ته هي معاملو سپريم ڪورٽ ۾ ٻڌڻي هيٺ آهي ان لاءِ ان جو نوٽيفڪيشن جاري نه ٿي سگهيو آهي سينيٽر طلحه محمود جي پنجاب رينجرز ۾ ڀرتين بابت سوال جي جواب ۾ گهرو وزارت پاران جواب ڏيندي پرويز رشيد ٻڌايو ته نئين بڻايل اسپيشل سيڪيورٽي ڊيوزن ۽ تعداد وڌائڻ جي ونگ ۾ 2160 آسامين جي ڪمي کي پورو ڪرڻ لاءِ ڀرتي جو عمل جاري آهي جيڪو نومبر 2015 تائين مڪمل ڪيو ويندو هنن يقين ڏياريو ته انهن ڀرتين ۾ ڪوٽا جي پابندي کي يقيني بڻايو ويندو. هن ٻڌايو ته ناڻي وزارت نيڪٽما لاءِ هڪ ارب رپين جي منظوري ڏني آهي ناڻي وزارت بريڪ اپ به گهريو آهي نيڪٽما ۾ 155 آساميون خالي آهن جن کي ڀرڻ جو عمل پهريان ئي شروع ٿي چڪو آهي عملو ڊويزن سان نيپٽا ۾ آفيسرن جي مقرري لاءِ رابطو ڪيو ويو آهي. وفاقي وزير ٻڌايو ته مارچ کان مئي 2013 تائين چونڊ مهم دوران سرڪاري ٽي وي چينلز کي سياسي پارٽين پاران 6 ڪروڙ 54 لک رپين جا اشتهار ڏنا ويا هن ٻڌايو ته پي ٽي وي کي ميڊاس پرائيويٽ لميٽيڊ جي ذريعي پاڪستان مسلم ليگ (ق) جي 80 لک 43 هزار 926، ايڊ گروپ پرائيويٽ لميٽيڊ ذريعي پاڪستان مسلم ليگ (ن) 2 ڪروڙ 58 لک 10 هزار 523، ميڊاس پرائيويٽ لميٽيڊ ذريعي پاڪستان پيپلزپارٽي پارليمينٽرين 79 لک 31 هزار 688، گروپ اينڊ پاڪ پرائيويٽ لميٽيڊ ذريعي پاڪستان تحريڪ انصاف 2 ڪروڙ 18 لک 13 هزار 877 ۽ ايم ڪيو ايم 16 لک رپين جا اشتهار ڏنا.

 

صدر پاڪستان جو ترڪ وزير اعظم کي فون، ٻنهي ملڪن جا لاڳاپا عوامي سطح تي مضبوط ٿيندا: ممنون حسين

اسلام آباد (اين اين آءِ) پاڪستان جي صدر ممنون حسين پاران ترڪ وزيراعظم پروفيسر احمد دائود اوگلو کي چونڊن ۾ اي ڪي پارٽي جي ڪاميابي تي واڌايون ڏنيون آهن صدر ممنون حسين اڄ اڱاري تي وزيراعظم کي ٽيليفون ڪيو ۽ توقع ظاهر ڪئي ته اي ڪي پارٽي جي ڪاميابي کان پوءِ ترقي ۾ جمهوريت وڌيڪ مستحڪم ٿيندي ۽ ان جي نتيجي ۾ عوام اڃا وڌيڪ خوشحال ٿيندو صدر چيو ته پاڪستان ۽ ترڪي ٻه برادر ملڪ آهن جن جي دوستي گڏيل عقيدي ۽ تاريخي بنيادن تي ڏينهون ڏينهن وڌي رهي آهي ان توقع ظاهر ڪئي ته اي ڪي پارٽي جي حڪومت ۽ وزيراعظم پروفيسر احمت دعوتوگلو جي قيادت ۾ ٻنهي ملڪن جي ڀائراڻن لاڳاپن ۾ وڌيڪ اضافو ٿيندو ۽ ٻنهي ملڪن جا لاڳاپا عوامي سطح تي مضبوط ٿيندا ترڪ وزيراعظم پاڪستان جي صدر جو شڪريو ادا ڪيو ۽ چيو ته پاڪستان ۽ ترڪ لاڳاپا دوستي کي وڌيڪ مضبوط ڪندا صدر گذريل ڏينهن ترڪ صدر رجب طيب اردوان کي به ٽيليفون تي ڪي ڪي پارٽي جي ڪاميابي تي واڌايون ڏنيون هيون.

 

اتر وزيرستان ايجنسي جو 89 سيڪڙو ۽ خيبرايجنسي جو 87 سيڪڙو علائقو خالي ڪرايو ويو آهي: خواجه آصف

اسلام آباد (اين اين آءِ) بچاءُ واري وزير خواجه محمد آصف چيو آهي ته اتر وزيرستان ايجنسي جو 89 سيڪڙو ۽ خيبرايجنسي جو 87 سيڪڙو علائقو خالي ڪرايو ويو آهي دهشتگردي جي ٺڪاڻن ۽ مالي مدد ڪندڙن جي خلاف آپريشن جاري رهندو. ڀارت پاران 2013 ۾ جنگبندي جون 464 خلاف ورزيون ڪيون ويون اڱاري تي خواجه آصف پاران سينيٽ کي لکت طور ٻڌايو ويو ته آپريشن ضرب عضب شروع ٿيڻ سان 359 ماڻهو شهيد ٿيا جڏهن ته آپريشن ذريعي اتر وزيرستان جو 89 ۽ خيبرايجنسي جو 87 سيڪڙو حصو دهشتگردن کان پاڪ ٿي ويو آهي هن سينيٽ کي ٻڌايو ته دهشتگردن جي مالي معاونت ڪندڙن جي خاتمي تائين آپريشن جاري رهندو. سينيٽر ڪلثوم پروين جي سوال جي جواب ۾ وفاقي وزير ٻڌايو ته 2013 ۾ جنگبندي جون 464 ڀڃڪڙيون ڪيون ويون ڀارت پاران فائرنگ سبب 10 فوجي جوانن ۽ 6 شهرين شهادت ماڻي جڏهن ته 24 فوجي جوان ۽ 89 فوجي زخمي ٿيا 2014 ۾ جنگبندي جون 315 خلاف ورزيون ڪيون ويون جنهن سان 2 فوجي جوان ۽ 18 شهري شهيد ٿيا جڏهن ته 24 جوان ۽ 74 شهري زخمي ٿيا 2015 ۾ 9 سيپٽمبر تائين جنگبندي جون 218 خلاف ورزيون ٿيون جنهن سان هڪ فوجي جوان شهيد ۽ 33 شهري شهيد ٿيا 16 جوان ۽ 129 شهري زخمي ٿيا.

 

سلامتي ڪائونسل جي ٺهرائن تي عملدرآمد نه ٿيڻ تي افسوس جو اظهار، ڪشمير مسئلي جو پرامن حل اڻٽر آهي: پاڪستان

نيويارڪ (اين اين آءِ) پاڪستان ڪشمير مسئلي بابت سلامتي ڪائونسل ۾ ڪيترائي ڏهاڪا اڳ منظور ٿيندڙ قراردادن تي اڃا تائين عملدرآمد نه ٿيڻ کي افسوسناڪ ڪوٺيندي چيو ته ڪشمير مسئلي جو پرامن حل اڻٽر آهي، ڪشميرين جا حق حاصل ڪرڻ لاءِ قانوني جدوجهد کي دهشتگردي ڪوٺي ختم نٿو ڪري سگهجي مليحه لوڌي عالمي اداري جي جنرل اسيمبلي جي سماجي انساني ۽ ثقافتي معاملن بابت ڪميٽي کي ٻڌايو ته ڊگهو عرصو اڳ ڪيل ڪشميرين کي ان جو حق خوداراديت ڏيڻ جا واعدا پورا ڪرڻ ۽ ڏکڻ ايشيا ۾ جٽادار امن قائم ڪرڻ بي حد ضروري آهي حق خود اراديت جي عنوان تي بحث دوران خيالن جو اظهار ڪندي هن چيو ته ان حقيقت جي باوجود ته پاڪستان ڀارت ۽ پوري عالمي برادري ڪشميري بابت سلامتي ڪائونسل جي قراردادن جي حمايت، انهن قراردادن تي ڪيترائي ڏهاڪا گذرڻ تي به عملدرآمد نه ٿيو. ڪشميرين جا ڪيترائي نسل عالمي برادري پاران پورا نه ٿيندڙ واعدن جا شاهد آهن والاريل ڪشمير ۾ انساني حقن جي لتاڙ عروج تي آهي ۽ حق خوداراديت حاصل ڪرڻ جي جدوجهد ۾ هڪ لک کان وڌيڪ ڪشميري شهيد ٿي چڪا آهن ان موقعي تي مليحه لوڌي وزيراعظم محمد نوازشريف گڏيل قومن جي جنرل اسيمبلي کي خطاب جو حوالو ڏنو جنهن ۾ هن ڪشمير مسئلي کي پرامن نموني ۽ ڪشميري عوام جي امنگن مطابق هر ڪرڻ جي ضرورت تي زور ڀريو هو.

 

پنجاب ۾ بدترين شڪست جا تفصيلي سبب ٻڌايا وڃن، بلاول جي ضلعي صدرن کي هدايت

ڪراچي (اين اين آءِ) پيپلزپارٽي جي چيئرمين بلاول ڀٽو زرداري مڪاني چونڊن ۾ بدترين شڪست کان پوءِ پنجاب جي 12 ضلعن جي ضلعي سربراهن کان ناڪامي جا سبب گهريا آهن پارٽي ۽ حمايتي اميدوارن جو تفصيل به گهريو آهي زريعن مطابق بلاول ڀٽو زرداري پنجاب جي انهن 12 ضلعن جي سربراهن کان رپورٽ گهري اهي جن ۾ پهرين مرحلي ۾ مڪاني چونڊون ٿيون بلاول زرداري ضلعي سربراهن کي هدايت ڪئي آهي ته کيس پارٽي جي بدترين شڪست کي سببن بابت تفصيلي آگاهه ڪيو وڃي ان سان گڏ ئي هن ضلعي سربراهن کي پارٽي جي ٽڪيٽ تي چونڊ وڙهندڙ ۽ پارٽي جي حمايتي اميدوارن جون لسٽون موڪلڻ جي پڻ هدايت ڪئي آهي بلاول چيو آهي ته کيس آگاهه ڪيو وڇي ته پارٽي جي ٽڪيٽ تي ڪيترن اميدوارن چونڊن ۾ حصو ورتو ۽ پارٽي ڪيترن آزاد اميدوارن جي حمايت ڪئي انهن مان ڪيترا اميدوار ڪامياب ٿيا ۽ ڪيترا ناڪام ٿيا.

 

سپريم ڪورٽ طرفان الطاف حسين جي ميڊيا ڪوريج تي پابنديءَ وارو لاهور هاءِ ڪورٽ جو فيصلو برقرار

اسلام آباد(اي پي پي) سپريم ڪورٽ اڱاري ڏينهن لاهور هاءِ ڪورٽ جي ايم ڪيو ايم سربراهه الطاف حسين جي بيانن کي نشر يا شايع ڪرڻ مٿان لڳايل پابنديءَ واري فيصلي کي برقرار رکيو آهي. جسٽس اعجاز افضل خان جي سربراهيءَ ۾ 2 رڪني بينچ لاهور هاءِ ڪورٽ جي 7 سيپٽمبر 2015ع واري فيصلي خلاف دائر پٽيشن جي شنوائي ڪئي، جنهن ۾ ميڊيا مٿان الطاف حسين جي تقريرن ۽ بيان هلائڻ تي پابندي لاڳو ڪئي وئي هئي. شنوائيءَ دوران الطاف حسين جي وڪيل عاصمه جهانگير دليل ڏنا ته لاهور هاءِ ڪورٽ جي طرفان سندس اصيل مٿان لڳايل پابندي اظهار جي آزادي، بنيادي حقن ۽ پاڪستان جي آئين جي ڀڃڪڙي آهي. هن پنهنجي دليل ۾ چيو ته اعليٰ عدالت کي لاهور هاءِ ڪورٽ جو فيصلو رد ڪرڻ گهرجي. ان موقعي تي ايڊيشنل اٽارني جنرل رانا وقار اعليٰ عدالت کي ٻُڌايو ته لاهور هاءِ ڪورٽ جو فيصلو عبوري فيصلو ناهي تنهن هوندي به ڪيس عدالت ۾ التوا هيٺ آهي. اعليٰ عدالت قرار ڏنو ته درخواستگذار لاهور هاءِ ڪورٽ ۾ ان جي اڳوڻي فيصلي جي وضاحت لاءِ رجوع ڪري سگهي ٿو. بعد ۾ عدالت ڪيس اُڪلائي ڇڏيو.

 

عمران خان ڪرپٽ سرڪاري ڊاڪٽرن خلاف ڀرپور مهم هلائڻ جو اعلان ڪري ڇڏيو

پشاور (اين اين آءِ) پاڪستان تحريڪ انصاف جي چيئرمين عمران خان ڪرپٽ سرڪاري ڊاڪٽرن خلاف مهم هلائڻ جواعلان ڪري ڇڏيو، اسپتال ۾ مافيا بڻائيندڙن جي گهرن جو گهيرو ڪنداسين، بورڊ آف ڊائريڪٽرز کي سزا ۽ جزا جا اختيار ڏينداسين، اسپتالن کي حڪومت جي ڪنٽرول مان ڪڌانداسين، پرائيويٽ اسپتالون پيسو ڪمائڻ جو هڪ ذريعو ۽ گهڻا ڊاڪٽر ۽ ميڊيسن مافيا بڻجي چڪا آهن، 29 ڊسمبر تي شوڪت خانم اسپتال پشاور جو افتتاح ٿيندو، شوڪت خانم پشاور ست ارب رپين جي لاڳت سان 3 سالن ۾ مڪمل ٿيندو، صوبي جي اسپتالن ۾ سڌارا آڻي رهيا آهيون، ڊاڪٽرن اسٽي آرڊرز ورتا آهن، سرڪاري اسپتالن جي خراب ڪارڪردگي جو فائدو پرائيويٽ اسپتالن کي ٿي رهيو آهي، بايو ميٽرڪ سسٽم تي ڊاڪٽرن اعتراض ڪيو، جڏهن ڊاڪٽرن کي ڪيمرائن ذريعي مانيٽرنگ ڪيو ويو ته صورتحال خراب نڪتي ۽ گهڻا ڊاڪٽر ڊيوٽيون نٿا ڪن، سي ايم هائوس پشاور ۾ پريس ڪانفرنس ڪندي عمران خان چيو ته پاڪستان اڄ دنيا جو قرضي ملڪ بڻجي ويو آهي، بنگلاديش اسان کان اڳتي وڃي رهيو آهي، هن چيو ته اسپتالن کي حڪومت بدران بورڊ آف ڊائريڪٽرز جي حوالي ڪيو آهي جنهن سان صورتحال بهتر ٿيندي، سرڪاري اسپتالن جي خراب ڪارڪردگي جو فائدو پرائيويٽ اسپتالن کي ٿي رهيو آهي، اسپتالن ۾ سڌارن جي ڳالهه ڪئي ته ڊاڪٽرن ان جي خلاف ٿيا ۽ عدالتن مان اسٽي آرڊر ورتا، هن چيو ته ڊاڪٽرن سبب عوام کي تڪليف ٿي رهي آهي، نااهل ڊاڪٽرن خلاف سخت ڪارروائي ڪري انهن جي گهرن جو گهيراءُ ڪيو ويندو، ڊاڪٽر انسانيت خلاف ڪم نه ڪري، ڪرپٽ ڊاڪٽرن خلاف ڀرپور مهم هلائيندس.

 

عمران ۽ ريحام وچ ۾ طلاق کان پوءِ پهريون ڀيرو ٽيليفونڪ رابطو، 10 منٽن تائين ڳالهه ٻولهه ٿيندي رهي: ذريعا

لنڊن/اسلام آباد (اين اين آءِ) پاڪستان تحريڪ انصاف جو چيئرمين عمران خان ۽ ريحام خان وچ ۾ طلاق کان پوءِ پهريون ڀيرو ٽيليفونڪ رابطو ٿيو 10 منٽن تائين ڳالهه ٻولهه ٿيندي رهي جڏهن ته ريحام خان ڪوڙا افواهه ڦهلائيندڙن جي خلاف جلد مهم هلائڻ جو اعلان ڪري ڇڏيو ذريعن مطابق گذريل مهيني 30 آڪٽوبر تي طلاق کان پوءِ عمران خان ۽ ريحام خان وچ ۾ ٽيليفونڪ رابطو ٿيو ۽ ٻنهي وچ ۾ ڳالهه ٻولهه 10 منٽن تائين ٿيندي رهي ٻئي پاسي ريحام خان الڳ ٿيڻ کان پوءِ پنهنجو پهريون بيان جاري ڪيو آهي جنهن ۾ هن چيو ته هو ڪوڙا افواهه ڦهلائيندڙن جي خلاف جلد مهم هلائيندي هن چيو ته هو پنهنجي مڙس جو ساٿ ڏيڻ چاهي پئي جڏهن ته ان جي خلاف منفي مهم شروع ٿيڻ واري هئي ۽ هو ان جو جواب شادي ۾ رهندي نه پئي ڏيئي سگهي هن چيو ته لنڊن وڃڻ کان 4 ڪلاڪ اڳ علحيدگي جا معاملا ۽ طلاق لاءِ مالي معالا طئي ٿيڻ متعلق سمورون خبرون ۽ افواهه بي بنياد آهن ۽ نه ئي عمران خان کان ڪنهن قسم جو ڪوئي مطالبو ڪيو آهي هن چيو ته لنڊن ذهني سڪون حاصل ڪرڻ لاءِ دوستن ۽ ڪٽنب سان گڏ آهي ۽ بي بنياد افواهه ڦهلائيندڙ ۽ منفي مهم هلائڻ خلاف جلد مهم هلائيندي واضح رهي ته عمران خان ۽ ريحام خان وچ ۾ گذريل مهيني 30 آڪٽوبر تي طلاق ٿي هئي ٻنهي جي شادي هلندڙ سال جنوري ۾ ٿي هئي.