تازيون خبرون

Monthly Archives: October 2015

ڀارتي بورڊ پنهنجي ملڪ کي راند سان محبت ڪندڙ ملڪ بنائڻ بدران حڪومت جي اجائي ڳالهين تي عمل پيرا آهي: جاويد ميانداد

لاهور (اسپورٽس نيوز) قومي ڪرڪيٽ ٽيم جي اڳوڻي ڪپتان جاويد ميانداد ڀارتي ڪرڪيٽ بورڊ تي سخت تنقيد چيو آهي ته ڀارتي بورڊ پنهنجي ملڪ کي راند سان محبت ڪندڙ ملڪ بنائڻ بدران پنهنجي حڪومت جي بي معنيٰ وارين ڳالهين تي عمل پيرا آهي ٻطرفي سيريز جي بحالي لاءِ پاڪستان حڪومت پاران ڳالهيون ٻيهر شروع ڪرڻ جو مطالبو مذاق آهي ڀارتي ڪرڪيٽ بورڊ جي عهديدار جي بيان تي پنهنجي رد عمل ۾ هن چيو ته صاف نظر اچي رهيو آهي ته ڀارت جي حڪومت ڪهڙي طرح بي سي سي آءِ تي پنهنجو اثر رسوخ استعمال ڪري رهي آهي بي سي سي آءِ ڪرڪيٽ بورڊ ناهي پر حڪومت جو بورڊ آهي ڀارت کي ٻئي ڪرڪيٽ ملڪن سان اهڙي طرح جو رويو ان جو زوال طرف وٺي وڃڻ وارو سفر شروع ٿي ويو آهي ۽ هاڻي اهو ڏينهن پري ناهي جڏهن ڀارت پاڻ پاڪستان کي سيريز جي بحالي لاءِ چوندو. هن چيو ته پي سي بي جو چيئرمين بي سي سي آءِ جي دعوت تي ملاقات لاءِ ڀارت ويل هيو ته بي سي سي آءِ يا ڀارتي حڪومت ان سان اهڙو ورتاءُ ڪيو ان مان ظاهر ٿئي ٿو ته نه ته بي سي سي آءِ ۽ نه ئي ڀارتي حڪومت ٻطرفي سيريز جي بحالي لاءِ سنجيده آهي.

 

زلزلو: مورک ماڻهوئڙا……!: حافظ سڪندر تنيو

پاڪستان ۾ هر ٻئي ٽئين سال زلزلا، طوفان، ٻوڏيون، اچن  ٿيون، جيڪي تمام گهڻي انساني تباهيءَ جو باعث بڻجن ٿيون، هتان  جون حڪومتون فوٽو سيشن لاءِ روايتي ڏک جا ڳوڙها ڳاڙي،  ميڊيا کي ڏيکاري، همدرديءَ جا چار اکر چئي چپ ڪري ويهي رهنديون آهن، ان تباهيءَ کان بچڻ جا طريقاڳولهڻ جي ڪڏهن به سنجيدگيءَ سان ڪوشش ئي نه ڪنديون آهن ۽ پوءِ انهن آفتن کي منهن نه ڏيئي سگهڻ سبب انساني جانيون زيان ٿين ٿيون ته ٻئي پاسي وري دنيا جي ملڪن کي خيرات جي مدد لاءِ سندن آڏو هٿ ٽنگيو پيو هوندو آهي، کانئن امداد وٺڻ جون اپيلون ڪنديون رهن ٿيون  ۽ پوءِ هينئن به ڏٺوسين ته جيڪا امداد ٻاهرين ملڪن پئي موڪلي سا حڪومت جا اولي الامر يعني آفيسر ۽ آفيسرن کي اهم عهدن تي رکرائڻ وارا سياسي ليڊر صاحب پاڻ ۾ ساٽڙيا گاٽڙيا بڻجي، خوراڪ، ڪمبل، دوائون پنهنجي وڏن گودامن ۾ رکرائي لوڪ کان لڪائيندا آهن ته جيئن واپارين وٽ وڪرو ڪري، پنهنجا ڀڀ ڀريا وڃن، ۽ ڪڏهن ڪڏهن اها ڳالهه کلي پوندي  آهي ته ٿوري وقت لاءِ سندن خواري ٿيندي آهي، پر جيڪي هضم ڪري ويا تن کي هر ڳالهه ڦٻي ويندي آهي.

اسان وٽ تدبيرون ڪجن ئي نه ٿيون،هر مصيبت کي قدرت جي تقدير جو نالو ڏيئي، پنهنجو بار هلڪو ڪيو ٿو وڃي سموري ڏوهه ۾ فطرت کي ڦاسايو ٿو وڃي. اسان جا درياهه برساتن جي مند ۾ جڏهن پاڻيءَ سان ٽمٽار ٿي ڇُلندا ٿا رهن، درياهي ڪنارن جي مضبوط پٿرن سان پچنگ ڪئي وڃي ته هُو نهٻاهر پاڻيءَ جي ڪا به اٿل پٿل نه ٿئي. پر جيڪي ڪچي مٽيءَ جا بند انگريزن ٻڌايا هئا تن جي مٽي به ڏوڪڙن عيوض ٽريڪٽر ٽرالين ذريعي کڻائي وڪئي ٿي وڃي ۽ پوءِ درياهي بند ڪمزور بڻجي ٿا پون ۽ آفيسر پنهنجي نااهليءَ کي لڪائڻ لاءِ چوندا آهن ته درياهه بادشاهه جي مرضي آهي جنهن کي تاري جنهن کي پوڙي، مٿس هٿرادو ڪهاڻي گهڙيل واري خواجا خضر جي حاڪميت ورجائي ويندي آهي. پر سڌريل دنيا جون حڪومتون درياهن تي ڪنٽرول ڪري پاڻي ٻاهر زيان ٿيڻ نه ڏينديون آهن، ان ڪري اتي معمولي نقصان ٿيندا آهن. هينئر هڪ ڀيرو ٻيهر زلزلو آيو آهي، اخبارن ۾ هڪ مولانا صاحب به مضمون لکي گوهر افشاني ڪئي آهي ته هي مصيبتون عملن جي شامتن ڪري اينديون آهن، جو اسان جي معاشري ۾ ٻين رستن واريون عادتون شامل  ٿي ويون آهن، اسين،براين ۾ سڀني کان گهڻو اڳتي نڪري چڪا آهيون،پوءِ جيڪڏهن زلزلا اچن ٿاته ان تي حيرت ٿيڻ نه جڳائي.

سندس ان آرٽيڪل مان ملان ۽ ملوڪ جي ياري پڪي ٿي ڏسڻ ۾ اچي، جو هو حڪومتن کي آجو ڪري سمورو ڏوهدار عوام کي ٿو بڻائي، قرآن شريف ۾ چيو  ويو آهي ته اسان انسان کي قلم ذريعي علم سيکاريو، کيس پڙهڻ لاءِ پيدا ڪيو ۽ سڀني شين جا علم کيس ڏسياسين، ڪائنات جي رازن کي سمجھڻ ۽ ڳولهڻ جون مٿس ذميواريون رکيوسين، اهي سڀ ڳالهيون مذهبي عالم سمجھي نه سگهيو آهي، هر جديد شيءِ، علم ۽ ايجادات جي مخالفت ڪئي ويئي.  قرآن ۾ عبادت ڪرڻ جا سئو ڀيرا حڪم ڏنا ويا آهن ته، ڪائنات تي قبضو ۽ ڪنٽرول ذريعي کيس مسخر ڪرڻ جا ست سئو احڪام آهن، جن مان هڪ تي به عمل ڪرڻ جو زور نه ٿو ڏنو وڃي ۽ صرف بنا سوچي سمجھي پڙهڻ جي ڪنڌ جي ڌوڻ ۽ جھوٽ لڳي پئي آهي.

سائنسي جدت ذريعي زلزلن ۽ ٻوڏن جي محور مرڪز کي ڳولهڻ بعد دنيا جي ٻين قومن زلزلا پروف گهر ۽ روڊ رستن سان گڏ رهڻي ڪهڻي جا انداز به بدلائي ڇڏيا آهن ۽ هو گناهن ۽ بداعمالين جي تصور کي شڪست ڏيئي چڪا آهن، کانئن گهٻرائڻ بجاءِ مقابلي لاءِ تياري ڪري ورتي آهي، جيڪڏهن گناهن جي ڪري مصيبتن کي مڃجي ته پوءِ اسان وٽ ته چوويهه ڪلاڪ ئي زلزلا اچڻ کپندا هئا.

هتي ته سمجھدار سڏرائيندڙ ماڻهو به بي عقلن جي پو يان وڏا ڏاها ۽ اسڪالر سڏرائيندڙ سيبتا ماڻهو به هڪ معمولي پڙهيل مولويءَ جي بي عقليءَ وارين  ڳالهين کي قبولي دنيا ۽ عاقبت خراب ڪري رهيا آ هن، هي پاڻ رهنما بڻجڻ بجاءِ ٻين جي پويان انڌي جي لٺ جي سهاري جيان رستو ڳولهي رهيا آهن.

جيڪڏهن نام نهاد مولوين جي ڳالهه مڃجي ته پوءِ گناهه گار صرف غريب ئي آهي؟ اميرن جي محلن مٿان آفتون ڇو نه ٿيون اچن؟ ڇو نه ٿا ڪراچي ۽ لاهور جي گلبرگ جي گهرن ۾ رهندڙن جون ڇتيون اڏامجن، ٻوڏن ۾ ڪنهن ڀوتار جو بنگلو ۽ سندس ٻار ٻچا ڇو نه ٿا لڙهندا وڃن، جاگيردار جون پو کون ڇو نه ٿيون ٻڏن.

گناهن جا ڪم ته دولت مند گهڻا ٿا ڪن، غريب ويچارو ته ڪنهن جي سڻڀي کاڌي ڏي به ڏسڻ جي جرئت نه ٿو ڪري سگهي، هو ته وڏن ماڻهن جي ستن پيڙهين کان نوڪريون ڏيندو ٿو اچي، هو ڪهڙا گناهه ڪندو ٿو رهي، برايون وڏن ماڻهن جون ۽ ان جي سزا ۾ مسڪين ٿا سٽجن. اهو ته الله جي انصاف جي خلاف ٿو بڻجي. خدا قصور وار ناهي، پر هن ڌرتي جي  رهندڙ زميني خدا هن جا ذميوار آهن.

ان ڪري ان ۾ ڪنهن به غريب ماڻهوءَ جو قصور نه آهي. اڳ ۾ به  اهي زلزلا ٻوڏيون اينديون هيون، پر ان وقت انساني آبادي ٿوري هوندي هئي، ڪچن گهرن ۾ ميداني علائقن ۾ رهندي هئي، وڏا پلازا ۽ پختا لوهه جا ٺهيل مڪان نه هئا، ان ڪري زلزلا کين نقصان نه ڏيندا هئا. ڪوئيٽه ۾ جڏهن زلزلو آيو هيو ته سمورو شهر کنڊر بڻجي ويو، ان جا فوٽو اسان ڏسئون ٿا، ان کانپوءِ انگريزن شهر جي نئين سر تعمير ڪرائي، جن اونچا آر سي سي گهر نه ٺهرايا پر ٽين جون ڇتيون وجھرايون ويون، ته جيڪڏهن ٻيهر زلزلو اچي ته نقصان گهٽ ٿئي، انهن اهو بچاءُ جو طريقو ڳولهيو هيو.اڄ به اهڙي طرح جا اپاءَ وٺجن ته جيئن انساني جانيون گهٽ زيان ٿي سگهن.

الله جي نافرماني ڪري جيڪڏهن سزا ملي ٿي ته گهڻي نافرماني ته گهڻي پئسي و ارا ڪري رهيا آهن، خدائي عذاب ته انهن مٿان اچڻ گهرجي. هي زردار هي جاگيردار، هي سرمايه دار سڀ محفوظ پناهه گاهن ۾ ويٺل آهن ۽ عذاب جو ڏنڊو اچي غريب تي جو ٿو وسي ڇو؟

سو ان سوچ کي ذهن مان ڪڍڻ گهرجي. ڪا به عملن جي شامت نه آهي، اهي قدرت جا قائدا قانون آهن، زمين جي اندر پليٽون ڪڏهن ڪڏهن لڏن ٿيون ته لرزش پيدا ٿئي ٿي ۽ ويچارن مولوين جي چواڻي ته زمين ڏاند جي هڪ سڱ تي بيٺل آهي، جڏهن ڏاند ٿڪجي پوي ٿو ۽ سڱ بدلائي ٿو ته زمين ۾ زلزلو اچي ٿو. اهي سڀ غير عقلي، غير سائنسي ڳالهيون آهن. جنهن کي علم جي دنيا رد ڪري چڪي آهي. جيڪڏهن اسان جا مذهبي ماڻهو پنهنجي علمي اپروچ کي اڳتي نه وڌائيندا ۽ پراڻن ڳالهين تي ڳنڍ ڏيئي بيهي رهندا ته سندن مدي خارج دوائون وڪامجي نه سگهنديون. ان ڪري حڪومتن کي ها ها پاڄي ڪجي ته اُها ماڻهن جي بهتر مستقبل لاءِ سائنسي طريقا بچاءَ جا استعمال ڪري، مورک ماڻهو اڳي ئي موڳا بڻيل آهن کين وڌيڪ موڳو نه بڻائجي.

 

ضلعي ۾مڪاني چونڊ سياست ۾ڪير ڪامياب ٿيندو..: ڪليم الله خلجي

ڪنڌڪوٽ ضلعي ۾چونڊ چهچٽي ۾پير، مير ۽ لٺ، چَٺ ۽ چِٽ جي سياست بعد بنيادي۽ خدمت واري سياست جونقشوئي بدلائي ڇڏيوآهي خدمت ديانت ۽ وفاداري جون ٻوليون پيون لڳن اهڙي سياسي حرارت ۾خان ۽ ڀوتاربه هڪ لحظي جي به ديرکانسواءِزنده لاش وانگرسياسي دنگل ۾ملاکڙي جي تماش بِينن۽کيڏارين تي ڪرپشن مان ڪمايل ڏوڪڙنڇاورڪرڻ۾رڌل آهن اهڙا ڀوتار جن خدمت خاطرعوام کان عام چونڊن ۾ووٽ ورتاپراهي ٽي سال ڳوليانه لڀيامنظورنظر۽ ها۾ها ملائڻ ۽ جي جي ڪار ڪندڙن مٿان نوڪرين،ٽوڪرين جومينهن وسائي پنهنجو پاڻ ملهايائون سال2015جي ڏهين مهيني جي آخري تاريخ تي چونڊچهچٽي۾مُلهه ڪرائيندڙانساني واپارين سڃاڻپ ڪارڊن جي خريداري بعد ٽاؤن ڪميٽِين،يونين ڪونسلن۽ڪنڌڪوٽ ميونسپل ڪاميٽِي جي ڪاؤنسلرن جي ٻوليون لڳل عوامي نمائندن۽ خريد ڪيل ووٽرن جي چونڊ ۾مَلهه وڙهندي ڏٺاويندا ڀلا اهڙي سياست جنهن کي غداري، مڪاري، فريب جونالوبزبان زدِعام جوپئي ڏنووڃي اهڙِي سياست کي تاريخ ۾ڪارن لفظن سان ته ضرورڀيٽيو ويندوپرخدمت واري سياست سان نه ملايوويندو جنهن جي بنياد ئي ڪرپشن تي هجي۽ پنهنجا نواز پاليسي جي ضُمري ۾اچي ته اهڙي سياست مٿان دليل ڪونه بڻبوآهي ڪيترن ئي پترڪارن سياسي رنگ ۾رنگجي عوام کي انهن جي مستقبل کان خبردارڪيو پر سياسي رنگن جي رنگيني۾سياسي پنڊتن آڏوعوام بيوس بڻجي پنهنجي ضميرجوهميشه ڪم نه ايندڙڪجهه ٽَڪن ۾ سودوڪيو!ڀلاجيڪو ڏوڪڙڏيئي ووٽ جي خريداري ڪري رهيوآهي اهي ڇاعوامي خدمت خاطر اقتدارجي ڪرسي تي ويهي عوام جي حق۾فيصلاڪندا؟

هميشه اهڙن نام نهاد نمائندن عوام جي حقن تي ڌاڙوهڻي پنهنجي پيٽ جي پوجاڪئي آهي۽ وري سياست ۾ڪاهي پياآهن98سيڪڙو محڪوم ۽ مجبور عوام مٿان02سيڪڙوجاگيردارن،وڏيرن،آبائي سياستدانن حڪمراني ڪري پنهنجي قسمت ته بدلائي پر عوام جي قسمت ڦِٽائي ڇڏي۽ڏنل گهاؤُجودرمل به نه بڻياضلعي ڪشمورڪنڌڪوٽ به هن وقت اهڙي ئي الميئي جي داستان جوباب بڻجي ويوآهي ضلعي جي سياست هميشه پيرن ميرن۽ڀوتارن،جاگيردارن جي زيراثررهي آهي کٿي موتمارڌمڪيون ته کٿي لوڀ۽لالچ جوچڪموڏيئي مڪاني اميدوارن کي چونڊچهچٽي جي دنگل مان ٻاهرڪيوپيووڃي پر حقيقت کان ڪڏهن به ڪنڌڪونه ڇڏائبوته خدمت خاطرووٽ وٺندڙعوامي نمائندن کا عاري هي چونڊون برادرين، ايماندارن۽حق پرست نمائندن جي امتحان جو به مرحلوآهي پرڪجهه اتحادين کي ضلعي۾سهاناخواب ڏيکاري انهن جي پوئواري ڪرڻ جاوچن ڪياوياجيڪي هميشه خواب ئي رهجي وياايماندار۽فرض شناس عوامي نمائندن کي مڪاني چونڊن۾چريوڪوٺيوپيووڃي جي يوآئي۽جماعت اسلامي پنهنجي پنهنجي اميدوارن کي کٽائڻ لاءِبه اهڙن ئي وڏيرن جاساٿاري ٿياآهن ڪجهه ڏيو ۽ ڪجهه وٺوجي سياست ۾هرڪوئي پنهنجي ڳوٿري کي ڀرڻ۾رڌل آهي ضلعي ڪشمورڪنڌڪوٽ۾پ پ بمقابله پ پ هجڻ ڪري هتي پاڪستان تحريڪ انصاف، قومي عوامي تحريڪ، سنڌترقي پسندپارٽِي، سنڌ يونائيٽڊ پارٽِي جي اميدوارن به ميدان ڪارزار ۾کيڏاري بڻجي وياآهن پرانهن جي وجودکي هتان جي وڏيرن ڪڏهن به تسليم ڪونه ڪيوآهي۽نه ئي انهن کي ڪا سيٽ ملڻ جي قوي اميد آهي.

جمهوريت۾سياست جتي خدمت جونالوهواتي هاڻ پنهنجانواز پاليسي جوبڻجي ويوآهي ضلعي ڪشمورڪنڌڪوٽ۾مڪاني چونڊدنگل۾ٻه چارڏينهن بچڻ سان چونڊچهچٽي۾وڌيڪ مانائتومزوپيووڌندووڃي کٿي نعره۽گاجاته کٿي رنگين محفلن به ووٽرن کي ڀلجي ويل بنگلن جارستابه ياداچي وياآهن ڪشمورميونسپل ڪميٽِي سردارسليم جان خان مزاري جي زيراثرهجڻ ڪري هتان جي عوام الله سائين جي ڳئون آهن جن هميشه الائجي ڪهڙي اڻوڻدڙخوف وچان انکي چونڊيوڪشمورجي مختلف يونين ڪونسلن۾ ضلعي جنرل ڪونسلرچونڊرائڻ ۾سموريون برادريون ميدان تي لٿل آهن جن۾ڊومڪي، گوله، بنگوار،مزاري،جکراڻي۽ٻيون برادريون شامل آهن جنکي پ پ جي طاقتورسياست دان سليم جان خان مزاري جوساٿ آهي پ پ لاڙڪاڻي ڊويزن جي جنرل سيڪريٽري اڳوڻي ايم اين اي ميرگل محمد خان جکراڻي کي الائجي ڪهڙي پَسي پرده طاقت ضلعي چيئرمين بڻائڻ جوعنديوڏنوآهي جنهن کي هارائڻ لاءِ سردارسليم جان مزاري سياسي مداخلت ڪري مخالف اميدوارکي سرسي ڏيارڻ۾رڌل آهي پرانهن پاڻ ضلعي چيئرمين شپ لاءِتنگواڻي سان تعلق رکندڙمحمد خان کوسوکي اميدوار طورسامهون آندوجنهن جو هڪ ڀاءُمحمودخان صوبائي وزيرميرهزارخان بجاراڻي جي حمايت سان ميدان۾لٿل آهي ٻئي طرف ته پ پ جي هن سينئراڳواڻ محمد خان کوسوکي نندواڻي برادري جي ماڻهن ڪارنهن تهمت مڙهي چونڊن جي سياست۾پٺتي ڌڪي وقتي طورتي مزاري۽سندراڻي گروپ کي ڇيهورسايوآهي پراهڙن کيڏارين آڏوشايد ٻيوڪومردبحران بڻجي سامهون اچي سگهي. تنگواڻي تعلقي۾بجاراڻي خاندان جي راڄ ڀاڳ سبب اتي ٻن يونين ڪونسلن بهلڪاڻي۽مانجهي کانسواءِچونڊن جوميدان نه پيوڏسڻ۾اچي۽تعلقي جي سياست بجاراڻي خاندان جي اڳيائن پوئيان پئي گهمي،اڳوڻي ايم اين اي ميرگل محمد خان جکراڻي شايد خواب پيوڏسي ته ضلعي چيئرمين شپ ماڻيندس جنهن جاامڪان گهٽ پيانظراچن ڏوڪڙن خاطرسياسي پنڊت وارو وڄائي ويا ۽ وفاداريون تبديل ڪري ڪاؤنسلرن کي لوٽوبڻائي ويا ته ٻي ڳالهه آهي جيئن ماضي۾هڪ گروپ پاران اهڙي حرڪت بعد بجاراڻي خاندان جي کٽيل راند به هارائجي وئي هئي صوبائي وزيرميرهزارخان بجاراڻي جي ڄاٽي۽ڀائٽِي بُڙدي قوم جي سردارميرمحبوب علي خان بجاراڻي جونالوضلعي چيئرمين شپ لاءِسگهاري شخصيت طورسامهون آيوآهي جنهن ڪري ان کي ضلعي چيئرمين شپ ملڻ جوقوي امڪان آهي پر؟پ پ پ جي مرڪزي چيئرمين بلاول ڀٽوزرداري جوهڪ فيصلو به سامهون رکڻ گهرجي ته پنهنجانوازپاليسي پ پ کي وڏونقصان رسايوآهي مڪاني چونڊن۾ايم اين ايز۽ايم پي ايزپنهنجن ويجهن عزيزن کي اميدوارطورسامهون نه پئي آڻي سگهي پر جيڪڏهن ڪنڌڪوٽ ميونسپل ڪميٽِي ۾رڪن سنڌاسيمبلي ميرغلام عابد خان سندراڻي پنهنجي ڀاءُ ميرغلام راشدخان سندراڻي کي چيئرمين شپ لاءِ ميدان تي آندوآهي ته ميرهزارخان بجاراڻي جي فيصلي کي اچرج سان ڪونه ڏسبو وقت جي بي رحم راند۽مڪاني چونڊ جيڪاڏوڪڙن جي سياست آهي ان سياست۾جنهن جي ڏوڪڙن جون ٻورين جا منهن کُلندا انهن جي ئي سوڀ ڏسڻ۾ايندي.

پر اها سوڀ ضمير وٽان نه هوندي ضلعي ڪاؤنسلرن جاٽي پَتا اڳوڻي صوبائي وزيرميرغالب حسين خان ڊومڪي جي وَر۾آهن هو جنهن کي کٽائي اهوئي ضلعي چيئرمين شپ ماڻڻ جوحقدارهوندوپرسياسي طورتي ميرغالب حسسين خان ڊومڪي کي پٺتي ڌڪيندڙسگهاروسياستدان سردارسليم جان خان مزاري آهي شايد ان سان اهڙو اتحاد ممڪن نه هجي هتي اهو به يادرکڻ گهرجي ته سياست ۾ڪوبه حرفِ آخرنه هوندو آهي في الوقت ميرغالب خان جو اتحاد صوبائي وزيرميرهزارخان بجاراڻي سان آهي جيڪووقت گذرڻ سان شايد مٽجڻ جاآثاربه پيداڪري سگهي ٿوڪنڌڪوٽ ميونسپل ڪميٽِي۽ضلعي چيئرمين شپ جنهن به سگهاري گروپ مزاري۽سندراڻي اتحادياوري بجاراڻي گروپ جي هٿن۾اچي پر سوڀ پ پ جي ٿيندي ڪنڌڪوٽ ميونسپل ڪميٽِي۾تيرنشان ئي ڪونه آهي۽شل ڌڻي سائين اهڙن نمائندن کي عوام جي خدمت ڪرڻ جوثمرهٿ کان نه وڃائڻ جي توفيق ڏيئي ڇوجووقت وڏواستادآهي۽انهن ئي نمائندن کي ٻيهرعوام جي عدالت۾اچڻوآهي انلاءِ ڪجهه ويرَم عوام سوچي سمجهي پنهنجي ۽ پنهنجي ٻچن جي مستقبل بابت فيصلو ڪري ضميرکي سامهون رکي ووٽ جوفيصلوڪن اهو وقت ئي ٻڌائيندو ته نوٽ کٽندوياعوامي ووٽ ڇوجوطاقت جوسرچشموعوام ئي آهي ۽ چونڊ جي آيل نمائنده عوام جا خادم هوندا نه ڪي عوام جاحڪمران خدمت جي سياست ئي هميشه ڪامياب۽ڪامران رهڻ جي سياست آهي.

 

 

 

 

 

 

 

 

 

 

 

سنڌ ۾ استاد تنظيمن تي پابندي، امڪاني گوسڙن جو ميدان تي نڪرڻ ۽ ملتوي ڪيل پوليو مهم

گذريل ڏينهن سنڌ جي وڏي وزير سيد قائم علي شاهه جي صدارت هيٺ اجلاس ٿيو، جنهن ۾ وڏي وزير سوڌو ٻين اعليٰ اختيارين به شرڪت ڪئي. اجلاس دوران استاد تنظيمن تي پابندي جي منظوري ڏني وئي. ان کانسواءِ تعليمي کاتي کي لازمي خدمت جو درجو ڏيڻ جو فيصلو به ڪيو ويو. ان موقعي تي سنڌ جي وڏي وزير سيد قائم علي شاهه جو چوڻ هو ته تعليمي کاتي مان گوسڙو ملازمن جو خاتمو ڪيو ويندو ته جئين بهتر تعليم کي هٿي ڏئي سگهجي. ساڳئي ئي ڏينهن سنڌ جي وڏي وزير سيد قائم علي شاهه حفاظتي انتظام نه ٿيڻ ڪري پوليو مهم عارضي طور بند ڪرڻ جو فيصلو ڪيو، وڏي وزير سيد قائم علي شاهه جي صدارت ۾ ٿيل اجلاس ۾ پوليو جي روڪٿام واري پروگرام جو جائزو ورتو ويو جنهن دوران بريفنگ ڏيندي آءِ جي سنڌ غلام حيدر جمالي چيو آهي ته مڪاني چونڊن سبب پوليس اهلڪارن جي کوٽ ٿيڻ ڪري پوليو مهم لاءِ حفاظتي انتظام نٿا ڪري سگھجن، ان اجلاس ۾ پوليو جي روڪٿام واري پروگرام جي چيئرپرسن عذرا فضل پيچوهو، سنڌ جي چيف سيڪريٽري صديق ميمڻ ۽ ٻين عملدارن شرڪت ڪئي، آئي جي سنڌ جي بريفنگ بعد عذرا فضل پيچوهو چيو ته جيستائين پوليو ٽيمن جي حفاظت لاءِ انتظام نٿا ڪري سگھجن، تيستائين مهم نٿي هلائي سگھجي.جنهن بعد باضابطا طور پوليو مهم عارضي طور بند ڪرڻ جو فيصلو ڪيو ويو، جڏهن ته وڏي وزير سيد قائم علي شاهه هدايت ڪئي ته مڪاني ادارن جي چونڊن سان گڏوگڏ پوليو مهم لاءِ 3 هزار اهلڪارن جو بندو بست ڪيو وڃي، جنهن لاءِ وي وي آءِ پيز کي سيڪيورٽي لاءِ ڏنل اهلڪار واپس گهرايا وڃن. سنڌ ۾ بلدياتي چونڊن سبب امن امان جي صورتحال کي نظر ۾رکندي پوليو مهم کي عارض طور ملتوي ڪرڻ سٺو قدم آهي گڏو گڏ سنڌ حڪومت استادن جي تنظيم جي جيڪا پابندي مڙهي آهي اهو قدم پوليو معاملي کان به وڌيڪ بهتر آهي، سنڌ جي تعليم جي تباهي جو ڪارڻ اهي گوسڙو استاد ئي آهن جيڪي ڪڪڙن جي ميل توڙي ٻيا ڪم ڇڏڻ لاءِ تيار نه آهن باقي تعليم ڏيڻ کان ڄڻ ڪو تپ چڙهيل هجين، اسڪول ڊيوٽي نه ڪندڙ استاد خلاف ڪارروائي ٿئي ٿي ته نام نهاد گوسڙو تنظيمن جا اڳواڻ بوڇڻ ڪلهي تي رکي ميدان تي نڪري پون ٿا جن کي روڪڻ لاءِ تنظيم تي پابندي سٺو قدم آهي، هاڻي سوال اهو ٿو اٿي تي ڇا سنڌ سرڪار پنهنجي کنيل قدم تي ڄمي بيهي ٿي يا استادن جي احتجاجن اڳيان گوڏا کوڙي ڇڏي ٿي اهو وقت ٻڌائيندو.

امدادي ۽ بحالي وارن ڪمن جي نگراني پاڻ ڪندس، قدرتي آفت تي سياست نه ٿيڻ گهرجي: نواز شريف

پشاور (بيورو) وفاقي سرڪار، ڪي پي ڪي ۽ فاٽا ۾ زلزلي سبب حياتيون وڃائيندڙن جَي پونئيرن لاءِ 6-6 لک، معذور ٿيلن لاءِ 2-2 لک ۽ زخمين لاءِ هڪ– هڪ لک رپين جو اعلان ڪري ڇڏيو، وزيراعظم جو چوڻ آهي ته امدادي ۽ بحالي وارن ڪمن جِي نگراني هو پاڻ ڪندو، قدرتي آفت تي سياست نه ٿيڻ گهرجي. پشاور ۾ ميڊيا سان ڳالهائيندي وزيراعظم ميان نواز شريف چيو ته زلزلي سبب قيمتون جانيون ضايع ٿيون ۽ ڪيترائي ماڻهو زخمي ٿيا، جنهن تي کيس تمام گهڻو افسوس آهي. هـُن چيو ته خيبر پختونخواهه ۾ سڀ کان وڌيڪ 208 ۽ فاٽا ۾ 29 ماڻهو زلزلي جو شڪار ٿي ويا، جن جي پونئيرن کي 6-6 لک رپيا ڏنا ويندا. وزيراعظم چيو ته ڪي پي ڪي ۽ فاٽا ۾ زلزلي سبب معزور ٿيلن کي 2-2 لک ۽ زخمي ٿيل 16 سئو کان وڌيڪ ماڻهن کي هڪ-هڪ لک رپيا معاوضو ڏنو ويندو. ميان نواز شريف چيو ته زلزلي سبب فاٽا ۽ ڪي پي ڪي ۾ هزارين گهر پڻ ڊهي پٽ پئجي ويا آهن، جن جي متاثرن کي پڻ 2-2 لک رپيا ڏنا ويندا. هـُن چيو ته صوبائي سرڪار جي سهڪار سان ايندڙ هفتي سومر کان خميس تائين متاثرن ۾ امدادي رقم ورهائي ويندي. وزيراعظم چيو ته زلزلي سٽيلن جي ڏک ۾ صوبائي سرڪار جيان وفاقي حڪومت به برابر جي شريڪ آهي ۽ متاثرن کي هن ڏکي گهڙي ۾ اڪيلو نه ڇڏيو ويندو. نواز شريف چيو ته امدادي ۽ بحالي وارن ڪمن جي نگراني هو پاڻ ڪندو ۽ سندس خواهش آهي ته قدرتي آفت تي ڪا به سياست نه ٿئي. خيبر پختونخواهه جي وڏي وزير بابت ڳالهائيندي نواز شريف چيو ته پرويز خٽڪ امدادي ڪمن ۾ ڀرپور نموني حصو وٺي رهيو آهي، جنهن تي هو سندس ٿورائتو آهي. ان کان اڳ گورنر هائوس پشاور ۾ وزيراعظم جي صدارت هيٺ اهم اجلاس ٿيو، جنهن دوران ميان نواز شريف کي ڪي پي ڪي اندر زلزلي سبب ٿيل نقصان بابت تفصيلي بريفنگ ڏني وئي. وزيراعظم کي ٻڌايو ويو آهي ته زلزلي سبب ڪي پي ڪي ۾ 222 ماڻهو فوت ۽ 1688 زخمي ٿيا آهن. ميان نواز شريف کي ٻڌايو ويو ته زلزلي سبب ڪي پي ڪي ۾ 8458 گهرن کي نقصان پهتو. وزيراعظم کي اهو به ٻڌايو ويو ته زلزلي سٽيل علائقن ۾ امدادي ڪارروايون جاري آهن، جڏهن ته 2 هزار خيما ۽ 2 هزار ڪمبل متاثرن تائين پهچايا ويا آهن.

 

سنڌ ۾ استاد تنظيمن تي پابندي جي منظوري، عارضي طور پوليو مهم ملتوي ڪرڻ جو فيصلو

ڪراچي (اسٽاف رپورٽر)سنڌ جي وڏي وزير سيد قائم علي شاهه جي صدارت هيٺ ٿيندڙ اجلاس ۾ استاد تنظيمن تي پابندي جي منظوري ڏني وئي.تفصيل مطابق سنڌ جي وڏي وزير سيد قائم علي شاهه جي صدارت هيٺ اجلاس ٿيو، جنهن ۾ وڏي وزير سوڌو ٻين اعليٰ اختيارين به شرڪت ڪئي. اجلاس دوران استاد تنظيمن تي پابندي جي منظوري ڏني وئي. ان کانسواءِ تعليمي کاتي کي لازمي خدمت جو درجو ڏيڻ جو فيصلو به ڪيو ويو. ان موقعي تي سنڌ جي وڏي وزير سيد قائم علي شاهه جو چوڻ هو ته تعليمي کاتي مان گوسڙو ملازمن جو خاتمو ڪيو ويندو، ته جئين بهتر تعليم کي هٿي ڏئي سگهجي. ٻئي طرف سنڌ حڪومت حفاظتي انتظام نه ٿيڻ ڪري پوليو مهم عارضي طور بند ڪرڻ جو فيصلو ڪري ڇڏيو، آءِ جي سنڌ غلام حيدر جمالي چيو آهي ته مڪاني چونڊن سبب پوليس اهلڪارن جي کوٽ ٿيڻ ڪري پوليو مهم لاءِ حفاظتي انتظام نٿا ڪري سگھجن..وزيراعليٰ هائوس ڪراچي ۾ وڏي وزير سيد قائم علي شاهه جي صدارت هيٺ پوليو جي روڪٿام واري پروگرام جو جائزو ورتو ويو..اجلاس ۾ پوليو جي روڪٿام واري پروگرام جي چيئرپرسن عذرا فضل پيچوهو، سنڌ جي چيف سيڪريٽري صديق ميمڻ ۽ ٻين عملدارن شرڪت ڪئي..اجلاس کي آءِ جي سنڌ غلام حيدر جمالي بريفنگ ڏيندي ٻڌايو ته مڪاني چونڊن سبب پوليس اهلڪارن جي کوٽ پيدا ٿي آهي، جنهنڪري پوليو مهم لاءِ حفاظتي انتظام نٿا ڪري سگھجن..جنهن تي ملڻ سبب عذرا فضل پيچوهو چيو ته جيستائين پوليو ٽيمن جي حفاظت لاءِ انتظام نٿا ڪري سگھجن، تيستائين مهم نٿي هلائي سگھجي..اجلاس دوران پوليو مهم عارضي طور بند ڪرڻ جو فيصلو ڪيو ويو، جڏهن ته وڏي وزير سيد قائم علي شاهه هدايت ڪئي ته مڪاني ادارن جي چونڊن سان گڏوگڏ پوليو مهم لاءِ 3 هزار اهلڪارن جو بندو بست ڪيو وڃي، جنهن لاءِ وي وي آءِ پيز کي سيڪيورٽي لاءِ ڏنل اهلڪار واپس گهرايا وڃن.

 

زلزلي جون تباهيون جاري، ڇت ڪرڻ سبب 3 فوت، انگ 363 ٿي ويو

پشاور (مانيٽرنگ ڊيسڪ) ملڪ جَي مختلف شهرن ۾ خوفناڪ زلزلي جي نتيجي ۾ فوت ٿيلن جو انگ وڌي 363 ٿي ويو آهي، پشاور ۾ زلزلي سبب متاثر ٿيل گهر جي ڇت ڪرڻ سبب ٻن ٻارڙين سميت 3 ڄڻا فوت ٿي ويا، جڏهن ته متاثر علائقن ۾ پاڪ فوج جون امدادي ڪارروايون جاري آهن، سيءَ سبب زلزلي متاثرن جا اهنج وڌي ويا آهن. ملڪ جي مختلف شهرن ۾ 8 ڏهائي هڪ جي شدت سان آيل زلزلي جون تباهڪاريون جاري آهن، زلزلي سبب فوتين جو انگ وڌي 2 سئو 72 ٿي ويو آهي ۽ سوين زخمي آهن، جڏهن ته هزارين متاثر اڃا به امدادي ڪاررواين جا منتظر آهن. زلزلي سبب سڀ کان وڌيڪ متاثر خيبرپختونخواهه جو ضلعو شانگلا ٿيو آهي، جتي 49 کان وڌيڪ حياتيون ضايع ٿيون آهن ۽ هزارين گهر مٽيءَ جو ڍير بڻجي ويا آهن.  زلزلي سبب شانگلا ۾ هزارين متاثرن ۾ اڃا تائين ڪمبل، تنبو ۽ ٻيو امدادي سامان ناهي پهچي سگهيو، سيءَ ۽گهربل شين جي کوٽ سبب متاثرن جا اهنج ٻيڻا ٿي ويا آهن. نيشنل ڊزاسٽر مئنيجمينٽ اٿارٽي زلزلي سبب ٿيل جاني ۽ مالي نقصان بابت تازه انگ اکر جاري ڪندي زلزلي سبب 2 سئو 55 ماڻهو فوت ٿيڻ جي تصديق ڪئي آهي. اين ڊي ايم اي جو چوڻ آهي ته زلزلي سبب 15 سئو 67 ماڻهو زخمي ٿيا آهن، جڏهن ته مجموعي طور تي 9 هزار 209 گهرن کي نقصان پهتو آهي. اين ڊي ايم اين اي موجب، خيبرپختونخواهه ۾ زلزلي سبب فوتين جو انگ وڌي 208 ٿي ويو آهي، جڏهن ته 15 سئو کان وڌيڪ زخمي آهن، جن کي مختلف اسپتالن ۾ طبي امداد ڏني پئي وڃي.انگن اکرن موجب، خيبرپختونخواهه ۾ زلزلي سبب 8 هزار 4 سئو 53 گهرن کي نقصان پهتو آهي. اين ڊي ايم اي موجب، فاٽا ۾ 30 ڄڻا فوت ٿيڻ جي تصديق ٿي آهي، گلگت بلتستان ۾10، آزاد ڪشمير ۾ 2 ۽ پنجاب ۾ 5 ڄڻا حياتيون وڃائي ويٺا آهن، جڏهن ته اپر دير ۾ 20، باجوڙ ايجنسي ۾ 22 ۽ لوئر دير ۾ 23 ڄڻا فوت ٿيا آهن. پاڪ فوج اسلام آباد سميت ملڪ جي مختلف علائقن ۾ امدادي ڪئمپس قائم ڪري ورتيون، جتي متاثرن جي کاڌ خوراڪ سميت ٻيو گهربل سامان گڏ ڪيو پيو وڃي. آءِ ايس پي آر موجب، پاڪ فوج زلزلي متاثر علائقن ۾ امدادي سرگرميون تيز ڪري ڇڏيون آهن، ڏکئي وقت ۾ متاثرن کي اڪيلو نه ڇڏيو ويندو.

 

حڪومت ملڪ ۾ بجلي جي قلت تي ڪنٽرول ڪرڻ لاءِ ايل اين جي سميت توانائي جا سستا ذريعا ڳولي رهي آهي: خواجه آصف

اسلام آباد (اين اين آءِ) پاڻي ۽ بجلي جي وفاقي وزير خواجه آصف چيو آهي ته حڪومت ملڪ ۾ بجلي جي قلت تي ڪنٽرول ڪرڻ لاءِ ايل اين جي سميت توانائي جا سستا ذريعا ڳولي رهي آهي هو اربع ڏينهن اسلام آباد ۾ توانائي جي بچت بابت هڪ سيمينار کي خطاب ڪري رهيو هو هن چيو ته 2005 جي زلزلي سبب نيلم جهلم پن بجلي رٿا جي لاڳت ۾ اضافو ٿيو آهي هن واضح ڪيو ته ننديپور بجلي جي منصوبي جو پي سي ون 59 ارب رپين جي لاڳت سان مڪمل ڪيو ويو وفاقي وزير ميڊيا تي غور ڪيو ته هو بجلي جي منصوبن بابت غلط حقيقتن ۽ انگ اکر شمار ڪرڻ کان پاسو ڪن ان موقعي تي خيالن جو اظهار ڪندي شاهد خاقان عباسي چيو ته پاڪستان توانائي جي مثبت بل جي ضرورتن کي پورو ڪرڻ لاءِ ايل اين جي گهرائي رهيو آهي هن چيو ته هي مسلم ليگ (ن) جي ئي حڪومت آهي جنهن پهريون ڀيرو ملڪ ۾ ايل اين جي ٻاهران گهرائي.

 

آمريڪا ۽ پاڪستان افغان مصلحتي عمل جي مڪمل حمايت ڪن ٿا: سرتاج عزيز

اسلام آباد (اين اين آءِ) وزيراعظم جي پرڏيهي صلاحڪار سرتاج عزيز چيو آهي ته آمريڪا ۽ پاڪستان ٻئي افغان مصلحتي عمل جي مڪمل حمايت ڪن ٿا هڪ انٽرويو ۾ هن چيو ته هي افغان حڪومت تي دارومدار آهي ته هو هن عمل کي جاري رکڻ گهري ٿي يا نه هن چيو ته بين الاقوامي برادري کي افغانستان جي صورتحال تي ڳڻتي اهي ۽ ڪائي به عالمي طاقت افغانستان ۾ جنگ کي پسند نٿي ڪري هن چيو ته پاڪستان ۽ آمريڪا افغان حڪومت ۽ طالبان وچ ۾ ٻيهر ڳالهيون شروع ڪرڻ جو حامي آهي سرتاج عزيز چيو ته طالبان سان رابطي جي حوالي سان افغان حڪومت اڃا تائين پاڪستان سان ڪوئي رابطو ناهي ڪيو هڪ سوال تي هن چيو ته جيتوڻيڪ طالبان پاڪستان جو ڪجهه اثر رسوخ آهي جڏهن ته ان مٿان اسان جو ڪوئي ڪنٽرول نه آهي طالبان سان ڳالهيون ٻيهر شروع ڪرڻ جو فيصلو افغان حڪومت کي ڪرڻو آهي ۽ اسان سلسلي ۾ فقط سهولتڪار جو ڪردار ادا ڪري سگهون ٿا. سرتاج عزيز چيو ته پاڪستان جو موقف چٽو آهي ته هو پنهنجي سرزمين کي ڪنهن ٻئي ملڪ جي خلاف استعمال ڪرڻ نه ڏيندو.

 

پنجاب ۽ سنڌ جي مڪاني چونڊن ۾ پولنگ جو وقت هڪ ڪلاڪ وڌائڻ جو اعلان

اسلام آباد (اين اين آءِ) اليڪشن ڪميشن آف پاڪستان پنجاب ۽ سنڌ جي مڪاني چونڊن ۾ پولنگ جو وقت هڪ ڪلاڪ وڌائڻ جو اعلان ڪري ڇڏيو اليڪشن ڪميشن پاران جاري پڌرنامي مطابق سنڌ ۽ پنجاب جي مڪاني چونڊن لاءِ پولنگ جو وقت هڪ ڪلاڪ وڌايو ويو آهي جنهن کان پوءِ هاڻي ووٽنگ جو عمل 9 بدران 10 ڪلاڪ بنا وقفي جاري رهندو اليڪشن ڪميشن مطابق پولنگ جو عمل صبح ساڍي ست وڳي شروع ٿيندو ۽ شام ساڍي پنج وڳي تائين جاري رهندو اليڪشن ڪميشن پولنگ جي عملي کي مقرر وقت کان ٻه ڪلاڪ اڳ پولنگ اسٽيسن پهچڻ جون هدايتون جاري ڪيون آهن جڏهن ته اهو به واضح ڪيوآهي ته پولنگ دوران ميڊيا نمائندن مبصرن کي اجازت نامي کان سواءِ چونڊ عمل ڏسڻ جي اجازت نه هوندي. واضح رهي ته سنڌ ۽ پنجاب جي مڪاني چونڊن جي پهرين مرحلي جي پولنگ 31 آڪٽوبر تي ٿيندي.