تازيون خبرون

Daily Archives: October 31, 2015

اسان کي پنهنجي سوچ کي تبديل ڪرڻ، فقط فلم جي ڪاروبار بابت نه سوچڻ گهرجي: بپاشا باسو

ممبئي (شوبز نيوز) بالي ووڊ اداڪاره بپاشا باسو چيو آهي ته اسان کي پنهنجي سوچ کي تبديل ڪرڻ گهرجي فقط فلم جي ڪاروبار بابت نه سوچڻ گهرجي ڀارت ۾ خوف کان سواءِ هر شئي ڪمزور ٿي چڪي آهي خوف جي راڻي جو خطاب ملڻ تي پاڻ کي خوشقسمت سمجهان ٿي ميڊيا سان ڳالهائيندي هن چيو ته اسان کي پنهنجي سوچ تبديل ڪرڻ گهرجي ۽ فقط فلم جي ڪاروبار بابت نه سوچڻ گهرجي بالي ووڊ جي هدايتڪارن ۾ خوف ۽ ڊپ وارين فلمون ۽ ڊراما ٺاهڻ جون صلاحيتون آهن جيڪي کين ڪتب آڻڻ گهرجن.

 

انتهاپسند تنظيم شيوسينا جون ڪرن جوهر، فرحان اختر، مائره خان ۽ فواد خان کي ڌمڪيون

ممبئي (شوبز نيوز) ڀارتي انتهاپسند تنظيم شيوسينا جون پاڪستاني اداڪارائن کي ڏنل تازين ڌمڪين سبب ڪرن جوهر ۽ فرحان اختر ماهره خان ۽ فواد خان کي ممبئي کان پري رهڻ جو فيصلو ڪيو آهي رپورٽ مطابق بالي ووڊ جي مشهور پروڊيوسر ڊائريڪٽر ڪرن جوهر فواد خان سان پنهنجي فلم ڪپور اينڊ سنز جي شوٽنگ مڪمل ڪري چڪو آهي ۽ اڄڪلهه فواد خان ڪرن جوهر جي ٻي فلم ”يه دل هي مشڪل“ جي شوٽنگ لنڊن ۾ مڪمل ڪرائي رهيو آهي ذريعن مطابق ڪرن جوهر کي پهريان کان انتهاپسند تنظيم پاران ممبئي کي بمبئي چوڻ تي ڌمڪيون ڏنيون هيون جنهن کان پوءِ هو ڪنهن ٻي مشڪل ۾ پوڻ پسند نه پيو ڪري پاڪستان اداڪار مائره خان پنهنجي فلم رئيس جا ڪيترائي منظر اداڪار شاهه رخ خان سان گڏ فلمبند ڪرائي چڪي آهي رئيس جو پروڊيسر فرحان اختر ۽ رتيش سدواني پاران مائره کي ممبئي کان پري رکڻ لاءِ باقي رهيل منظر دبئي ۾ فلمبند ڪرائڻ جو فيصلو ڪيو آهي.

 

ايندڙ 10 ڏينهن ۾ جواب نه ڏنو ويو ته ڀارت سان ڪرڪيٽ سيريز کيڏڻ جا دورازا بند ٿي ويندا: شهريار خان

لاهور (اسپورٽس نيوز) پي سي بي جي چيئرمين شهريار خان چيو آهي ته ايندڙ 10 ڏينهن ۾ جواب نه ڏنو ويو ته ڀارت سان ڪرڪيٽ سيريز کيڏڻ جا دروازا بند ٿي ويندا، انگلينڊ خلاف ون ڊي ۾ يونس خان کي قومي ٽيم ۾ شامل ڪرڻ جو اڃا حتمي فيصلو نه ڪيو ويو آهي، چيف سليڪٽر يو اي وڃي ٽيم انتظاميا سان مشاورت ڪندو جنهن کانپوءِ فيصلو ڪيو ويندو، ڪرڪيٽ ٽيم جي ڪپتان مصباح الحق کي رٽائرمينٽ نه وٺڻ جي درخواست ڪئي آهي، منهنجي خواهش آهي ته هو انگلينڊ جو دورو 2016 ۾ به پاڪستان جي نمائندگي ڪري، اهڙن خيالن جو اظهار هن گذريل ڏينهن قذافي اسٽيڊيم ۾ ميڊيا سان ڳالهائيندي ڪيو. پاڪ ڀارت سيريز جي حوالي سان هن چيو ته ڀارتي ڪرڪيٽ بورڊ شيوسينا جي رويي تي معافي وٺي يا نه ان ڳالهه کي ڇڏي اسان کي اڳيان ڏسڻ گهرجي، جڏهن ته ايندڙ 10 ڏينهن ۾ ڀارت سيريز کيڏڻ جي حوالي سان جواب نه ڏنو ته سيريز کيڏڻ جا دروازا بند ٿي ويندا.

 

ٽيسٽ سيريز ۾ هڪ ٻڙي جي برتري حاصل ڪرڻ بهتر آهي، سيريز جي پڄاڻي به ٻڙي تي ڪرڻ پسند ڪنداسين: وقار يونس

دبئي (اسپورٽس نيوز) پاڪستان ڪرڪيٽ ٽيم جي هيڊ ڪوچ وقار يونس چيو آهي ته انگلينڊ جي خلاف ٽن مئچن جي ٽيسٽ سيريز ۾ هڪ ٻڙي جي برتري حاصل ڪرڻ بهتر آهي جڏهن ته هو سيريز جي پڄاڻي ٻه ٻڙي تي ڪرڻ پسند ڪندا پاڪستاني ٽيم پنهنجي اسپن ۽ ريورس سوئنگ جي قوت کڻي ميدان ۾ لهندي هڪ انٽرويو ۾ وقار يونس چيو ته پاڪستاني رانديگرن کي دبئي ٽيسٽ کٽڻ تي ڪريڊٽ ڏيڻو پوندو خاص طور تي بالرز انگلينڊ به سخت مزاحمت ڪئي ۽ هي ڪرڪيٽ جو هڪ بهترين مئچ هو وقار يونس دبئي ٽيسٽ جي آخري ڏينهن تي ٽيسٽ ڪرڪيٽ لاءِ بهترين اشتهار قرار ڏيندي چيو ته هن ڏينهن حقيقت ۾ ڪرڪيٽ جي فتح ٿي هن ان تاثر کي رد ڪري ڇڏيو ته ٽيسٽ ڪرڪيٽ کي ڪنهن قسم جو خطرو آهي هي ئي اصل ڪرڪيٽ آهي ۽ هي ختم نه ٿيندي.

 

لاڙڪاڻي ۾ لڙ قمبر ۾ امبر ۽ اليڪشن: ساجد علي تنيو

نصيرآباد 1658 ۾ ميان نصير احمد ڪلهوڙو هن شهر جو بنياد رکيو هن شهر کي ان دور ۾ ڪلهوڙن، ٽالپرن، هن شهر کي صاف سٿري لاءِ نظام رکين، 1860 ۾ مختلف ڳوٺن هندو ڀائر لڏ پلاڻ ڪري ڪجه وقت کان پوءِ شهر جو بهتري لاءِ هڪ ڪميٽي ٺاهي وئي ۽ ڪجه ماڻهو مقرر ڪري شهر کي صاف سٿرو ڪري شهر کي سجايو ويو ۽ شام جي پهر ۾ محفل مچائي روشني جو نظام بهتر ڪيو، ان کان پوءِ انگريز سرڪار اچي نصيرآباد تعلقي جو درجو ڏئي شڪارپور ضلعي ۾ شامل ڪيو ان کان بعد انگريز سرڪار مرزا ڪليج بيگ کي مختيار ڪار نصيرآباد ۾ مقرر ڪريو هن ڏاهي تعليم کي عام ڪيو جنهن ۾ غريبن جا ٻار به تعليم حاصل ڪندا هئا هي شهر ان دور کان وٺي باشعور ۽ تعليم يافته رهيو آهي مرزا ڪليج بيگ جي ڪري هن تعلقي جي اندر مير پير ۽ ڀوتارن جو خاتمو هن ڪري ڇڏيو، 12 سالن کان بعد نئون ضلعو لاڙڪاڻو ٺاهي تعلقو نصيرآباد ختم ڪري تعلقي واره ۾ شامل ڪيو ان بعد انگريز دور هن نظام کي پنهنجي تحويل ۾ وٺي نوٽي فائڊ جو درجو ڏئي هڪ ٿاڻو لائبريري ۽ هڪ مين پرائمري اسڪول قائم ڪيو اڄ کان 127 سال ۾ تعليم هجڻ ڪري هي شهر تعليم يافته ۽ واپاري طبقو قائم ٿيو تعلقي ۽ ٽائون بلدياتي اليڪشن جون سرگرميون تيز مير پير ڀوتار پ پ پ جي اميدوارن کي ڪامياب ڪرڻ لاءِ ميدان ۾ لٿل ڀوتارن جون ننڊون حرام نصيرآباد ٽائون ڪميٽي 12 وارڊن ۾ 2 عورتن سميت 70 اميدوار ميدان ۾ لٿل 2 ڏينهن رهڻ جي ڪري ورڪ تيز پ پ پ جي اميد وارن سان سياسي سماجي تنظيمن ۽ آزاد اميدوارن جو چوٽي جو مقابلو 1947 ع پاڪستان جي آزادي کان پوءِ صدر ايوب جي دور ۾ بلدياتي نظام جو بنياد رکيو ۽ اليڪشن ڪرايو جنهن ۾ 1964 ۾ بشير احمد ڌڪني چئرمين ٿيو جنهن بعد واڇا ٿيو ان بعد چئرمين قاضي فضل الله جي آشيروا سان حاجي جمع خان شيخ چئرمين ٿيو جنهن پنهنجي دور ۾ مين گيٽ نصيرآباد سبزي ۽ فروٽ مارڪيٽ ۽ مڇي مارڪيٽ ان کان علاوه شاندار هوٽل السرا جي نالي لڳايو جنهن ٽيڪس لاڳو ڪئي ان کان بعد وڏيرو محمد اقبال مسڻ جيڪو شهيد ذوالفقار علي ڀٽو جو گهرو دوست هيو ان بعد حاجي محمود شيخ ان بعد محمد رمضان شيخ ان کان پوءِ 1987 ع ۾ ڪريم بخش شيخ چئرمين ٿيو ان کان بعد 1993 ع ۾ شهيد محترمه بينظير جي دور ۾ ايڊمنسٽريٽر محمد حيات شيخ محترمه جي دور ۾ نصيرآباد ۾ گريڊ اسٽيشن ، سئي سدر گئس ، ٽيليفون جو سسٽم بحال ڪرايو ان کان بعد 1996 ۾ نواز شريف جو دور ۾ جيڙو جو تيڙو دور هلندو رهيو جنهن بعد 1999 ع ۾ پرويز مشرف نواز شريف تي ٽيڪ اوور ڪري 2000 ع ۾ ڪمشنري نظام ختم ڪري ضعله حڪومت ٺاهي ۽ تعلقا ۽ يوسي نظام بحال ڪري عوام جي ڀلائي عوامي چونڊيل نظام تمام بهتر هيو جنهن ۾ عوام پنهنجو دل جو اوٻر پنهنجي چونڊيل نمائندي سان حال اووريندو هيو ان وقت 2000 ع ۾ اليڪشن ڪرائي وئي جنهن ۾ يوسي ناظم محمد حيات شيخ ۽ نائب ناظم امان الله تنيو چونڊجي ويا ۽ 4 سال عوام جي خدمت ڪئي جنهن بعد 2004 ع ۾ پرويز مشرف جر دور ۾ ۽ وزير اعلي! سنڌ ڊاڪٽر ارباب رحيم نواب شبير احمد چانڊيو کي ق ليف ۾ شموليت جي دعوت ڏني، ۽ قمبر ضلعو تحفي ۾ ڏنو ويو .

نواب شبير احمد چانڊيو پ پ پ کي الودا ڪري تاريخي ضلعي لاڙڪاڻي کي ٽوڙي نئو ضلعو قمبر ٺاهي جنهن کي 7 تعلقه ڏنا ويا شهداد ڪوٽ مان قبو سعيد خان تعلقو ٺاهيو ميرو خان کان سجاول جوڻيجو واره مان ڪٽي نصيرآباد مان ٺاهيو ويو ، ۽ قمبر تعلقي سميت 7 تعلقا ٺاهيا ويا ان کان بعد شهداد ڪوٽ جي ايم پي اي سلطان کهاوڙ ۽ نواب شبير احمد چانڊيو ۾ اختلافن سبب قمبر ڪٽي ضلعو شهداد ڪوٽ ڪيو جڏهن ته قمبر جو عوام ساڳي نالي لاءِ روڊن تي نڪري آيا ۽ کيس احتجاج ڪري مطالبو ڪيو ته ضلعو قمبر ڪيو وڃي جڏهن ته ٻنهي ڌرين ۾ تڪرار تيز ٿي ويو جنهن سبب ٻنهي ڌرين جا ڪجه ماڻهو شهيد ٿي ويا جنهن ڪري ارباب سرڪار مجبور ٿي ضلعي جو نالو قمبر شهداد ڪوٽ ايٽ قمبر رکيو ويو ان کان بعد اليڪشن جو اعلان ٿيو جنهن بعد غير جماعتي طور تي اليڪشن ۾ پوري ضلعي قمبر شهداد ڪوٽ ۾ خوش حال پينل ۽ عوام دوست پينل اميد وارن ۾ فارم ڀرايا ويا ان کان پوءِ اليڪشن جي سرگرمي شروع ٿيڻ کان ارباب رحيم جي سرڪاري مشنري ڏينهن رات هڪ ڪري عوام دوست پينل جا اميدوار بيهڻ جي لاءِ تيار نه هيا هر ڪو پارٽي مٽائڻ لاءِ سرگرم ٿي ويا جنهن ۾ يوسي نصيرآباد ۾ ناظم محمد حيات شيخ ۽ نائب نائب ناظم ضياب الدين عباسي ۽ يوسي ڏيرا جي حسين بخش جت ۽ نائب وهاب تنيو جڏهن ته ان دور جو ايس ايڇ او سرڪار جي ونگار وهندي پريشر لائز ڪري انهن مٿان هٿيار جي تحت ڪيس داخل ڪندس جون ڌمڪيو ڏنيو ويون ۽ هٿ کڻڻ لاءِ چيو ويو ڏينهن رات پريشرلائز ٿي شريف ماڻهو هٿ کڻي تي مجبور ٿي ويا ۽ پنهنجن عهدن تا رٽائر ٿي ويا اليڪشن جي ڏينهن محمد حيات شيخ جي ڪاميابي يقيني هئي ايس ايڇ او نصيرآباد ۽ ڊي ايس پي نصيرآباد ڪاميابي ماڻيندڙ پ پ پ اڳواڻ محمد حيات کي ڪمري ۾ بند ڪري تشدد ڪيو ويو ۽ شام جي پهر الائونس مين ڪري عبدالخالق مسڻ کي ڪامياب ڪرايو ويو ان بعد تعلقه ناظم خالد حسين تنيو چونڊجي وڃڻ بعد نصيرآباد تعلقو جنهن کي اڌ پئرس چوندا هيا . ان تعلقي ۾ اهڙن چونڊيلن نمائيدن جي ڪري کنڊرات بڻجي ويو جڏهن ته تعلقي جي بجيٽ 12000000 مهانا ۽ سورس آمد جي شرح به لڳ ڀڳ 2000000 روپيا هئي پر اهڙن ڪرپٽ چونڊيل جي بيڌياني سبب شهر تباهي جي ڪناري تي پهتو جڏهن ته انڪروجمينٽ وڌي وئي ۽ اسٽريٽ لائيٽ جو ته ڪو نالو نشان نه رهيو ۽ صفائي جو نظام درهم برهم ڪيو ويو جڏهن ته صفائي جو سبب ڄاڻائي 350 ملازم کنيا ويا جنهن ۾ اڌ ريشو چونڊيل نمائيندن جو رهيو .

وڏن وڏن عهدن تي تي پنهنجا نوازيا ويا جڏهن ته 5 سالن کان بعد پ پ پ حڪومت ناظم جو ٽائيم پيرڊ پورو ڪري ڇڏيو ان کان بعد ايم ڪيو ايم کي خوش ڪرڻ جي لاءِ ٻٽو نظام قائم ڪيو جڏهن ته قومرستن جي جهدوجهد جي ڪري ٻٽو نظام ختم ڪري ڪمشنري نظام بحال ڪرڻ کان بعد اليڪشن جا ٺلا آسرا ڏنا ويا جڏهن ته سپريم ڪورٽ نوٽيس وٺندي بلدياتي اليڪشن ڪرايو بعد ۾ سنڌ حڪومت مجبور ٿي بلدياتي اليڪشن جو اعلان ڪيو ويو جنهن جي 31 آڪٽومبر مقرر ڪيو ويو جنهن کان بعد بصيرآباد يوسي ختم ڪري ٽائون بحال ڪري 2 يوسيون نيون ٺاهي تعلقي ۾ شامل ڪيو ويو جنهن کان پوءِ نصيرآباد تعلقي ۽ هڪ ٽائون بحال ڪري 12 وارڊ ٺاهي اميدوارن پنهنجا آر او آفيس مان فارم ورتا ، فارم وٺڻ کان بعد پهريون ڀيرو پارٽي جي بنيادن تي اليڪشن وڙهي رهيا آهن اليڪشن جا فارم 12 وارڊن ۾ 102 اميدوارن جا فارم ورتا ويا ڪجه اميدوار پارٽي جي نشان جي الاٽ کان پوءِ پ پ پ جي ٽڪيٽ نه ملڻ تي قيادت جي کوٽ هجڻ ڪري اميدوار آمهون سامهو بهجي ويا ٻن سردارن ۽ ميرن جھي حمايت حاصل هجڻ ڪري اميدوارن جي ورڪ ۾ ميدان تي لهي پيا نصيرآباد جي ٻاره وارڊن ۾ 3 عورتن سميت 78 ڄڻا ميدان ۾ لٿل جن ۾ پ پ پ جي مقابلي ۾ قومي عوامي تحريڪ ، پي ٽي آءِ ، جي يو آءِ ، مسلم ليگ ن ، ايس يو پي، پيپلز ورڪز پارٽي، عوامي ورڪز پارٽي، شهيد ڀٽو، هاري ڪميٽي ۽ آزاد اميدوار ميدان ۾ اچي ويا، جڏهن ته پهري وارڊ ۾ پ پ پ جي نامزد اميدوار انجنيئر خان محمد ڦلپوٽو جي مقابلي ۾ جي يو آءِ، جي جنرل ڪائونسلر مولانا ياسين ڪانڌڙو، ۽ آزاد اميدوار صحافي عبدالحفيظ شيخ ، نارائن داس ، اختيار ڪلهوڙو، منٺار تنيو، ۽ اعجاز شيخ، جڏهن ته وارڊ 1 ۾ ٽوٽل ووٽ 1700 داخل آهي ، جڏهن ته پ پ پ جي اميدوار انجنئر خان محمد ڦلپوٽو جي حق ۾ نارائن داس . صحافي عبدالحفيظ شيخ ۽ منٺار تنيو حق ۾ رٽائر ٿي ويا هن تڪ تي پ پ پ ۽ آزاد اميدوار اعجاز شيخ ۾ چوٽي جو مقابلو ٿيندو جڏهن ته تنيا بردري، سولنگي، مسڻ، جتوئي، بروهي برادري، ڦلپوٽا جي پ پ پ ۾ حمايت هجڻ جي ڪري پيپلز پارٽي جو اميدوار آساني سان ڪامياب ٿي ويندو ،

جڏهن ته وارڊ 2 تي پ پ پ جي نامزد اميدوار حاجي وزير ڦلپوٽو جي مقبلي ۾ پيپلز ورڪز پارٽي جي اميدوار اعجاز سومرو ۽ آزاد اميد وار سردار غوث بخش ڪاٺيو ، صحافي رشيد مسڻ ، سيد سخاوت علي شاه ، محمد عظيم ٽڳڙ ، قومي عوامي تحريڪ جو شوڪت علي تنيو ، پي ٽي آءِ منظور علي ڳوانس جڏهن ته وارڊ ۾ 1500 ووٽ داخل آهي هن وارڊ پيپلز پارٽي جي اميدوار ڪمزور هجڻ جي ڪري هن وارڊ ۾ اصل مقابلو پيپلز پارٽي جي ورڪز پارٽي جي اعجاز سومرو، پ پ پ کان ناراض ٿيل سٽي وائس پريزيڊينت محمد عظيم ٽڳڙ کي ٽڪيٽ نه ملڻ ڪري آزاد اميدوار ۾ چوٽي جو مقابلو جڏهن ته اعجاز جي حق ۾ ميان امام الدين عباسي جي حمايت هجڻ جي ڪري ڪامياب ٿي ٿو سگهي. جڏهن ته وارڊ 3 تي پ پ پ جي اميدوار بخش علي چانڊيو قومي ورڪز پارٽي جي ڪامريڊ مهرالنساءِ ايس يو پي شبير کوکر، ۽ آزاد اميدوار ڪامريڊ عاشق نوناري هن وارڊ ۾ ٽوٽل 1400 ووٽ داخل آهن جڏهن ته پ پ پ جي اميدوار بخش علي چانڊيو ، ۽ ڪامريڊ مهرالنساءِ جي نهن چوٽِ جو مقابلو، وري وارڊ نمبر 4 تي پ پ پ غلام نبي سولنگي پيپلز ورڪز پارٽي جي منظور ڪلهوڙو ، آزاد اميدوار ضمير حسين مغيري ۽ ڊاڪٽر الياس کوکر ۾ سخت مقابلو جڏهن ته وارڊ ۾ 1200 ووٽ آهن ، وارڊ نمبر 5 تي مامي ڀاڻج ۾ مقابلو ،پ پ پ جي معشوق نوناري، عوامي ورڪز پارٽي ڪامريڊ سينگار نوناري ، ايس يو پي جي اصغر ڪانڌڙو، آزاد اميدوار ڌڻي بخش چنجڻي ، جڏهن ته ووٽ ٽوٽل 1300 داخل آهي جڏهن ته مامي ۽ ڀاڻجي ۾ ڪانٽي جو مقابلو ٿيندو. جڏهن ته وارڊ 6 تي پ پ پ اميدوار عبدالرزاق نوناري، ايس يو پي معراج ڦلپوٽو، عوامي ورڪز پارٽي جي ڪامريڊ غلام مصطفي! نوناري ۾ سخت مقابلو. وارڊ 7 تي پ پ پ جي محمد حيات شيخ ، آزاد اميد وار مسمات زليخان رڏ، قومي عوامي تحريڪ رفيع لغاري ، هاري ڪاميٽي جي جميل شيخ، آزاد اميدوار ضمير شيخ هن وارڊ ۾ 800 ووٽ داخل آهن هن وارڊ اصلي مقابلي ۾ پ پ پ جي اميد وار سان پورهيت عورت مسمات زليخان رڏ جو مقابلو آهي اصلي ڪاميابي پ پ پ جي يقيني آهي، وارڊ 8 تي پ پ پ جي اميدوار ڊاڪٽر رميش لعل سندراڻي ، مسلم ليگ ن جو حافظ عبدالروف شيخ ۽ آزاد اميد وار ممتاز شيخ ، ارشاد سولنگي سان چوٽِ جو مقابلو آهي جڏهن ته وارڊ ۾ 900 ووٽ داخل آهن وارڊ 9 تي پ پ پ جي اميدوار عبدالقيوم پتوجو ۽ آزاد اميدوار محمد نواز سولنگي سان سخت مقابلو وارڊ ۾ 900 ووٽ آهي . وارڊ 10 پ پ پ پاران منظور احمد شيخ ، شهيد ڀٽو جي رسول بخش کوسو، ايس يو پي جي رياض شيخ جو مقابلو ٿيندو، ووٽ جو تعداد 1000 جي لڳ ڀڳ آهي جڏهن ته وارڊ 11 تي پ پ پ جي اميد وار ممتاز رڏ ، شهيد ڀٽو جو مختيار خاصخيلي ، آزاد اميدوار صحافي آزاد جبار منگي ۽ ڪامريڊ دلدار ايري جو نهن چوٽي جو مقابلو آهي جڏهن ته ووٽ جو تعداد 1100 آهي جڏهن ته 12 وارڊ تي پ پ پ جي اميدوار جي حاجي فضل محمد مسڻ ۽ آزاد اميدوار ملوڪ لغاري ، ايس يو پي رمضان لغاري ، شهيد ڀٽو جي پنهل لغاري، ۾ سخت مقابلوٿيندو جڏهن ته 1100 جي لڳ ڀڳ ووٽ داخل آهن . هن 12 وارڊن آهن. برحال ڪير به اچي پر خدارا ڪجه احساس ڪري هن شهر جي سنڀال لڌي وڃي ته جئين ٻيهر ووٽن ۾ ورڪ ڪرڻ جي ضرورت نه پوي. هاڻي ڏسڻو اهو آهي ته ڪير کٽي شهر جي سنڀال لهندو …………..؟

 

اميد تي دنيا قائم آهي: نائيلا ناصر

جڏهن اسان کي پنهنجي زندگي جو احساس ٿيڻ لڳي انهي کي پنهنجو وجود محسوس ٿئي تنهنجي معنيٰ هو زنده آهي، ساهه کڻي پيو، اهو ئي ساهه انسان کي زندگي سان پيار ڪرڻ سيکاريندو آهي ۽ انسان انهي پيار ۾ زندگي سان جڙيل هر ان شيءِ جي لاءِ اها چاهي رشتي ناطي جي حوالي سان هجي يا وري ڪو ماڳ مڪان يا زمين هجي، انهن جي لاءِ جاکوڙ ڪرڻ شروع ڪري ڇڏيندو آهي، ڏينهن رات هڪ ڪري پنهنجي لاءِ پنهنجن پيارن جي لاءِ ڪک پن جوڙي جوڙي آشيانو يعني گهر ٺاهيندو آهي ۽ ان گهر ۾ ضرورت جي آهر اها شيءِ جيڪا ضروري آهي مهيا ڪرڻ جي ڪوشش ڪندو آهي، گهر چاهي ننڍو هجي يا وري وڏو هر انسان کي پنهنجي گهر سان ساهه وانگر پيار هوندو آهي ۽ هر دم اهو ئي سوچيندو رهندو آهي متان ڪو ڪوسو واه نه لڳي، پر ڪڏهن ڪڏهن اڄ به ٿيندو آهي ته انسان جيڪو ڪڏهن سوچيندو به ڪونهي اهو يڪدم ٿي وڃي ته پوءِ ڇا ٿيندو آهي، ڪجهه هي لمحن ۾ هڪ ٺهيل ٺڪيل گهر مٽي جو ڌير بڻجي ويندو آهي ۽ ڪڏهن ڪڏهن ان ڌير ۾ ان جا پنهنجا پيارا دٻجي هميشه لاءِ زندگي مان الاهي پري ڪڏهن نه اچڻ ڪري هليا ويندا آهن، بلڪل اڄ هي زلزلو نه آهي جڏهن ايندو آهي ته ڪجهه ئي سيڪنڊن ۾ سڀ ڪجهه تباهه ڪري هليو ويندو آهي ۽ انسان جيستائين زندهه رهندو آهي انهي کي وساري نه سگهندو آهي. ظاهر آهي جيڪا شيءِ ساهه سان جڙيل هجي جنهن کي ڏنهن رات محنت مزوري ڪري جوڙيو هجي ته تباهي تي افسوس ته ٿيندو، اڄ هي 26 آڪٽوبر تي هڪ دفعو وري پوري ملڪ جي ڌرتي کي لوڏي ڇڏيو ۽ 10 سال اڳ 8 آڪٽوبر وارو زخم جيڪو اڃا تائين ڀريو ئي نه هيو جنهن جي بربادي تي اڄ به انسان روئي پيو وري تازو ٿي ويو، قدرتي آفتون دنيا ۾ هر جڳهه هر ملڪ ۾ ڪنهن نه ڪنهن صورت ۾ اينديون آهن اهي چاهي زلزلي جي صورت ۾ هجن يا وري سونامي هجي، طوفان هجي يا وري برسات ۽ ٻوڏ يا ڪنهن بيماري جي صورت ۾ هجن يا دهشتگردي ذريعي آفت اچي، پر جڏهن انسان کي پهرين کان خبر هجي ته اسان جي ملڪ جو هي حصو علائقو آفت زده آهي ۽ ممڪنه اتي ڪجهه به ٿي سگهي ٿو ته جيئن نه زلزلو، ٻوڏ، بيماري طوفان يا دهشتگردي ته پوءِ حڪومت ۽ ادارن کي ڇو اهو احساس نٿو ٿئي ته انهي جي لاءِ وقت کان پهرين اپاءَ ورتا وڃن ته جيئن نقصان جو انديشو گهٽ ۾ گهٽ هجي، اسين پاڪستاني هر سال ڪنهن نه ڪنهن صورت ۾ آفتن کي لوڙنيدا آهيون پر اسان جا حڪمران سمجهي نه سگهيا آهن ۽ اکيون پوري ستا پيا آهن ۽ ان وقت اٿندا آهن جڏهن اهي ماڻهو اکيون پوري هميشه لاءِ سمهي پوندا آهن، ڪڏهن نه اٿڻ لاءِ ۽ تڏهن حڪمران ۽ ادارن کي خبر پوندي آهي ته اسان وٽ ڪو به ذريعو يا طريقو ڪونهي جيان متاثره علائقي ۽ ماڻهن کي بچائي سگهن. ويچارا ماڻهو پنهنجي مدد پاڻ تحت پنهنجو پاڻ کي ڪڍڻ جي ڪوشش ۾ هوندا آهن، وڏن علائقن ۾ وري به ڪجهه ڪم ٿي ويندو آهي پر ننڍا ۽ ڪچا علائقا رهجي ويندا آهن، حڪومتي امداد جا منتظر اهي غريب ماڻهو جيڪو پنهنجو سڀ ڪجهه تباهه ۽ برباد ٿيڻ سبب بلڪل ڀڳل ٽٽل هوندا آهن وري آباد ٿيڻ جي لاءِ بس صرف خواب هي پيا ڏسندا رهندا آهن، حڪومتي اعلان ته گهڻا ئي ٿيندا آهن ته هيترا لک متاثر ماڻهن يا خاندانن کي ڏنا ويندا پر اهي لک پک لڳائي حڪمرانن جي اڪائونٽن ۾ جمع ٿي لنڊن، دبئي يا بين ملڪن ڏانهن وڃي پهچندا آهن، غريب عوام بس الله جي آسري هي رهندا آهن، غريب عوام جي مدد جي لاءِ اهو پئسو ڪير خيرات، ڪير زڪوات يا وري الله واسطي ماڻهن جي لاءِ حڪومتي اڪائونٽ ۾ جمع ڪرائيندو آهي ته جيئن ضرورت مندن جي مدد ٿي سگهي، هن ڏکي وقت ۾ پر اهو پئسو انهن مصيبت جي ماريل ماڻهن کان وڌيڪ حڪمرانن ۽ اعليٰ عهديدارن کي ضرورت هوندي آهي، اهي مسڪين حڪمرانن الله جو فضل ۽ ڪرم سمجهي پاڻ وٺ ميڙي ويندا آهن، اهو سوچي بنا ته اهو ئي مال هن هي دنيا ۾ عذاب مسلسل ٿي ويندو ڪنهن نه ڪنهن صورت ۾ ملڪ کي گذريل آفتن جنهن ۾ ملڪي ۽ غيرملڪي به حد کان وڌيڪ امداد هي جيڪر اها امداد صحيح نموني ايمانداري سان استعمال ٿئي ها ته اڄ غريب پاڪستاني اڄ بي بسي جي تصوير نه هجي ها. پر هاڻي جڏهن ته اسين ايٽمي پاور آهيون جمهوري طاقت آهيون ته اسان کي هاڻي ملڪي سطح تي به پاور فل ٿيڻو پوندو، تحقيق سان ثابت آهي ته ملڪ ۾ زلزله ان جڳهه تي گهڻا ايندا آهن جيڪي فالٽ لائين جي ويجهو هجن، اتي گهٽ ۾ گهٽ گهر ۽ عمارتون زلزله پروف مٽيريل سان ٺهيل هجن ته هٽ ۾ گهٽ نقصان ته وڌيڪ نه ٿئي، آمريڪا ۽ جاپان کان علاوه ڪافي ملڪ اهڙا آهن انهن اهڙا اپاءَ ۽ تدابيرون ڪيون آهن جنهن سان قدرتي آفتن تي گهٽ ۾ گهٽ نقصان ٿئي، جاپان جتي زلزله وڌيڪ ايندا آهن انهن ته ڪمال ڪري ڇڏيو آهي، زلزلي جي سائرن وڄڻ شرط هي اسڪول جي ٻارن کي خبر آهي ته انهن کي ڪيئن۽ ڪٿي پناهه وٺڻي آهي ۽ ڇا ڪرڻو آهي، انهن وٽ جديد مشينري ۽ سامان دستياب آهن ته جيئن فوري طور ماڻهن کي ان پريشاني مان ڪڍيو وڃي، بلڪل اڄ اسان کي به هر مصيبت ۽ آفت کان بچڻ لاءِ ننڊ مان سجاڳ ٿيڻو پوندو ۽ دنيا ۾ ثابت ڪرڻو پوندو ته نه صرف ايٽمي طاقت آهيون پر ملڪي سطح تي به مضبوط آهيون، ڇو جو هتي عوام محفوظ نٿو هجي اتي ملڪ ڀلا ڪيئن محفوظ رهندو ۽ زلزلو واحد آفت آهي جيڪو بنا اطلاع جي ايندو آهي، انسان کي هوشيار ٿيڻ جو موقعو ئي ناهي ملندو، انهيءَ کان اڳ جو گهڻي دير ٿي وڃي پنهنجي ملڪ سان وفاداري جو ثبوت ڏيون ۽ بي وس ماڻهن جي مدد سان گڏ گڏ مستقبل به انهن جو روشن ڪيون ته جيئن سڄي زنگي روئي نه پر بردباري سان ماضي کي وساري اچڻ واري مستقبل جو سوچين. هاڻي پاڪستان غريب، ترقي پذير دهشتگرد نه پر هڪ مضبوط رياست طور دنيا جي نقشي تي اڀري، هاڻي بلڊنگ اٿارٽي کي گهرجي ته اهڙن علائقن ۾ جتي زلزلي اچڻ جا امڪان هوندا آهن اتي هر تعمير ان بلڊنگ ڪور مطابق ڪئي وڃي جنهن ۾ زلزلو پروف ڊيزائن ۽ لچڪ پيدا ڪرڻ وارو مٽيريل استعمال ڪيو وڃي جيئن ته عمارتون ۽ گهر زلزلي جي لوڏن کي برداشت ڪر سگهن، ٻوڏ اچڻ کان پهرين ان جا حفاظتي بند مضبوط ڪيا وڃن ته وقت اچڻ تي ايمرجنسي لاڳو ٿيڻ بدران ان سان مقابلي جا اپاءَ تيار هجن، بيمارين جي آفت کي به وقت کان پهرين ڪنهن به ڪنهن طريقي سان روڪي سگهجي ٿو، هر مصيبت کان بچڻ جي اميد آلله ۾ آهي ۽ هر پاڪستاني دل جان جي سان آلله ۾ اميد رکي ٿو ۽ انهن ئي اميدن تي دنيا قائم آهي.

 

وزير اعظم جا اعلانيل پيڪيج

26 آڪٽوبر تي آيل تباهه ڪن زلزلي سبب تباهه ٿيل علائقن ڏانهن وزير اعظم ميان نواز شريف طوفاني دورا ڪري رهيو آهي جيڪو هڪ بهتر قدم آهي ، جمهوري حڪومت مان اهڙي ئي اميد هئڻ گهرجي، گذريل ڏينهن به وزير اعظم گلگت بلتستان جي زلزلي مثارن لاءِ پئڪيج جو اعلان ڪيو آهي، ان کان پهريان وفاقي سرڪار ڪي پي ڪي ۽ فاٽا ۾ پيڪيجن جا اعلان ڪيا هئا، دوري دوران وزيراعظم نواز شريف جو چوڻ هو ته متاثر علائقن ڏانهن امدادي سامان پهچايو پيو وڃي، باقي امدادي چيڪ ورهائڻ جو ڪم سومر کان شروع ڪيو ويندو. گلگت بلتستان جَي علائقي داسو ۾ زلزلي سٽيلن کي خطاب ڪندَي ميان نواز شريف چيو ته هو سندن سار سنڀال لهڻ لاءِ پهتو آهي. زلزلي سبب داسو ۾ 10 ماڻهو فوت ٿيا آهن، جن جي پونئيرن کي ڪي پي ڪي ۽ فاٽا ۾ حياتيون وڃائيندڙن جي پونئيرن جيان 6-6 لک رپيا ڏنا ويندا. اهن اهو به چيو ته حڪومت زلزلي سبب ٿيل نقصان جو مڪمل طور ازالو ڪندي. زلزلي سٽيل علائقن ڏانهن خيما، ڪمبل، خوراڪ ۽ ٻيو سامان اماڻڻ جو سلسلو جاري آهي، ان موقعي تي ميان نواز شريف، زلزلي سٽيل علائقن ۾ زرعي قرضن جي ادائگي لاءِ 4 ڪروڙ رپين جي پئڪيج جو اعلان پڻ ڪيو. ان کان اڳ وزيراعظم ميان نواز شريف گلگت جي زلزلي متاثر علائقي داسو پهتو، جتي کيس زلزلي جي نقصانن ۽ امدادي ڪمن بابت بريفنگ ڏني وئي. عملدارن پاران وزيراعظم کي بريفنگ ڏني وئي ته داسو ۾ زلزلي سبب 12 ڄڻا فوت ٿيا، جڏهن ته گهرن ۽ انفرا اسٽرڪچر کي تمام گهڻو نقصان پهتو آهي. بريفنگ ۾ چيو ويو ته شاهراهه قراقرم هر قسم جي ٽريفڪ لاءِ کوليو ويو آهي. بريفنگ دوران عملدارن وزيراعظم کي ٻڌايو ته تنگ رستن سبب امدادي ڪمن ۾ ڏکيايون پيش اچي رهيون آهن. بريفنگ وٺڻ کانپوءِ ميان نواز شريف امدادي ڪمن لاءِ هيليڪاپٽر نه گهـُرڻ تي انتظاميه مٿان ڪاوڙ جو اظهار ڪيو ۽ چيو ته رستا بند آهن ته امدادي سرگرمين لاءِ هيليڪاپٽر ڇو نه ٿا گهـُريا وڃن،