تازيون خبرون

Daily Archives: October 27, 2015

دپيڪا رنبير جي ڪيمسٽري کان خوفزده نه آهيان: ڪترينا ڪيف

ممبئي (شوبز نيوز) بالي ووڊ اداڪاره ڪترينا ڪيف جي ترجمان جو چوڻ آهي ته ڪترينا سندس بواءِ فرينڊ رنبير ڪپور ۽ دپيڪا ڪپور جي وچ ۾ ايندڙ فلم تماشا کي کڻي بلڪل خوفزده ناهي. ڀارتي اخبار مطابق ڪياس آرائيون هيون ته ڪترينا رنبير ۽ دپيڪا جي فلم ۾ ٻنهي جي وچ ۾ جي ڪيمسٽري سبب خوفزده آهي جنهن سبب هن پنهنجي رنبير سان گڏ آيل فلم جگا جاسوس ۾ هدايتڪار کان وڌيڪ بهتري ڪرڻ جي گذارش ڪئي هئي جڏهن ته ڪترينا جي ترجمان جو انهن سمورين خبرن کي افواهه ڪوٺيندي چوڻ هو ته اهي ڪوڙيون خبرون آهن ۽ ڪترينا پنهنجي هدايتڪار کي ان قسم جي ڪا به فرمائش ناهي ڪئي.

 

ڪيريئر ۾ ڪڏهن به اهڙي فلم ناهي ملي جنهن ۾ پنهنجن صلاحيتن جا جوهر ڏيکاري سگهان ها: گووندا

ممبئي (شوبز نيوز) بالي ووڊ جي ڊانسر ۽ اداڪار گووندا جو چوڻ آهي ته کيس سندس فلمي ڪيريئر ۾ ڪڏهن به اهڙي فلم ناهي ملي جنهن ۾ هو پنهنجي صلاحيتن جا جوهر ڏيکاري سگهي. ڀارتي ميڊيا رپورٽس مطابق بالي ووڊ ۾ ڦنهنجي ڪاميڊي ۽ بهترين ڊانس ڪرڻ سان مشهور اداڪار گووندا جو چوڻ آهي ته کيس پنهنجي فلمي ڪيريئر ۾ پروڊيوسرز ۽ هدايتڪارز پاران اهڙي ڪا به فلم ناهي ڏني وئي جنهن دوران هو پنهنجون صلاحيتون ڏيکاري. هن جو چوڻ هو ته فلم نگري جي شروعات سٺي هئي جن فلمن جو هو حصو رهيو اهي ڪامياب ٿيون جڏهن ته هو مڪمل رٿابندي واريون فلمون نه هيون پر پوءِ به اهي ڪامياب ٿيون. ٻئي پاسي پنهنجي آخري فلم هيپي اينڊنگ جي حوالي سان هن چيو ته هو هدايتڪار ۽ سيف علي خان جو ٿورائتو آهي جو انهن سبب انهن جي پنجن سالن کانپوءِ ڪا فلم اسڪرين تي آئي پر اها ناڪام ٿي وئي آهي ۽ کيس ان فلم جي ناڪامي جو ڪو به ڏک نه آهي.

 

عدنان سميع کي انڊين شهريت ڏيڻ جون تياريون

نئين دهلي (شوبز نيوزِ) هندستاني حڪومت گذريل هڪ ڏهاڪي کان هندستان ۾ ترسيل ۽ بالي ووڊ ۾ ڪم ڪندڙ پاڪستاني گلوڪار عدنان سميع کي شهريت ڏئي رهي آهي. ڀارتي اخبار هڪ رپورٽ ۾ ٻڌايو ته شيو سينا پاران ممبئي ۾ غلام علي جو ڪانسرٽ ملتوي ڪرائڻ جي ڪوششن باوجود حڪومت عدنان کي شهريت ڏئي رهي آهي رپورٽ ۾ ٻڌايو ويو ته شهريت ڏيڻ جي معاملي تي اٽارني جنرل مڪل روحا تغي گهرو وزارت کي پنهنجي بهتر راءِ پهچائي هئي جنهن کانپوءِ اهو فيصلو ڪيو ويو آهي. هڪ سينئر افيسر ٻڌايو ته 2001 کان انڊيا ۾ رهندڙ عدنان کي انڊين سٽيزنشپ ايڪٽ 1995 جي سيڪشن ڇهه تحت شهريت ڏني ويندي. ان شق تحت سائنس، فلاسافي، آرٽ، ادب، دنيا ۾ امن ۽ انساني حقن لاءِ خاص خدمتون فراهم ڪندڙ درخواستگذارن کي شهريت ڏئي سگهجي ٿي. هلندڙ سال مئي ۾ گهرو وزارت پاڪتساني پاسپورٽ جو مدو ختم ٿيڻ کانپوءِ انساني همدردي جي بنياد تي اڻڄايل مدي تائين رهڻ جي اجازت ڏئي ڇڏي هئي.

 

آسٽريليا ۽ نيوزيلينڊ وچ ۾ پهرين ٽيسٽ ميچ 5 کان 9 نومبر تائين برسبين ۾ کيڏي ويندي

برسبين (اي پي پي) آسٽريليا ۽ نيوزلينڊ جي ڪرڪيٽ ٽيمن وچ ۾ ٽن ٽيسٽ ميچن جي سيريز جي پهرين ٽيسٽ 5 کان 9 نومبر تائين برسبين ڪرڪيٽ گرائونڊ ۾ کيڏي ويندي، تفصيل موجب نيوزيلينڊ جي ٽيم برينڊن ميڪ ڪلم جي اڳواڻي ۾ اڄڪلهه آسٽريليا جي دوري تي آهي، جتي هو ٽن ٽيسٽ ميچن جي سيريز کيڏندي، ٽيسٽ سيريز کان اڳ ڪيوي ٽيم 29 آڪٽوبر کلان پهرين نومبر تائين ڪرڪيٽ آسٽريليا اليون خلاف 4 ڏينهن واري ٽور ميچ کيڏندي، آسٽريليا ۽ نيوزيلينڊ وچ ۾ سيريز جي پهرين ٽيسٽ 5 کان 9 نومبر تائين برسبين ۾ کيڏي ويندي، آسٽريليا جي ٽيم اسٽيون سمٿ جي اڳواڻي ۾ ميدان ۾ لهندي، جڏهن ته نيوزيلينڊ جي ٽيم جي ڪپتانا جا فرض برينڊ مڪ ڪلم انجام ڏيندو، سيريز جي ٻين ٽيسٽ 13 کان 17 نومبر تائين پرٿ، جڏهن ته ٽين ۽ آخري ٽيسٽ 27 نومبر کان پهرين ڊسمبر تائين ايڊيليڊ اوول ۾ کيڏي ويندي.

 

جيڪب آباد خودڪش حملي جا کنيل پيرا : غلام مصطفيٰ جمالي

اها ڳالهه منظرعام تي اچي وئي آهي ته جيڪب آباد ۾ ٿيل خدڪش حملي جي زميواري پابندي مڙهيل تنظيم لشڪر جهنگوي قبولي ورتي آهي.اهڙو انڪشاف سنڌ صوبي جي گهرو وزير انور سيال پاران ڪيو ويو آهي.جڏهن ته گهرو وزير  انور سيال ۽ آءِ جي سنڌ غلام حيدر جمالي ۽ ايڊيشنل آءِ جي مشتاق مهر سان گڏ واقعي واري هنڌ پهچي ڪري ميڊيا سان ڳالهيندي چيو.جڏهن ته محرم الحرام کان پهرين ڪيترن ئي نجي ٽي وي چيئنلن تي اها برڪينگ نيوز هلائي ته سنڌ اندر 50کان وڌيڪ داعش جا اهي دهشتگرد داخل ٿي چڪا آهن. جن .خدڪش حملن کان ويندي هرطرح جي دهشتگردي جي سکيا ورتي آهي.جيتوڻيڪ سنڌ اندر داعش جي حملي ۽ انهن جي هجڻ جو ڪو پڪو ثبوت ناهي مليو.ليڪن جيڪا ڳالهه سنڌ اندر هٌلي آهي ان ۾ ڇا صداقت ٿي سگهي ٿي اهو وقت فيصلو ڪندو.جڏهن ته سنڌ اندر داعش جي موجودگي کي پڻ آءِ جي سنڌ کي مڪلمل طور رد ڪندي چيو آهي ته انهي ڳالهه ۾ ڪا صداقت ناهي.پر پاڪستان اندر ڪيتريون جهادي تنظيمون ضرور آهن. جيڪي پاڪستان جي مخالف ملڪن جي ايجنسيز کان ڪروڙين ڊالرن جي مالي مدد وٺي ڪري پاڪستان اندر دهشتگردي ڦهلائي رهيون آهن.۽ اها ڳالهه سورهن آنا سچ آهي.اوهان پاڪستان تي هڪ نظر وجهندا ته سموري ملڪ جي  تاريخ اندر جيڪي به خدڪش حملا ٿيا آهن.۽ انهن اندر جيڪي به معصوم جانيون ضايع ٿيون آهن.انهن جي زميواري ڪنهن نه ڪنهن پابندي مڙهيل جهادي تنظيم ضرور قبول ڪئي آهي.پوءِ چاهي اها تحريڪ طالبان هجي،يا لشڪر جهنگوي هجي،جندالله يا داعش هجي. يا اڃان به ڪا ٻئي تنظيم. پر اها هوندي جهادي تنظيم آهي..انهي ڪري جيڪب آباد واري خدڪش حملي جا پيرا ڀلي ڪيڏانهن به وڃن .پر مان سمجهان ٿو ته انهي جي آخري منزل وري ڪا جهادي تنظيم ئي هوندي.اها پراڻي ناهي ته ڪراچي اندر ڪجهه ميهنا پهرين صفوران ڳوٺ اسماعيلي جماعت سان تعلق رکندر ماڻهن جي هڪ ڀريل بس مٿان حملو ٿيو.جنهن حملي اندر پاڪستان جي سڀ کان جديد هٿيارن جو استعمال ڪيو ويو هو.جنهن اندر50کان وڌيڪ اسماعيلي جماعت جا مرد عورتون مارجي ويا.جڏهن ته انهي صفوران ڳوٺ ڀرسان ٿيل واقعي جي زميواري.تحريڪ طالبان کان ڌار ٿي پنهنجي تنظيم ٺاهي.حملا ڪندڙ جهادي تنظيم جندالله قبول ڪئي هئي.جڏهن ته جندالله جي ترجمان احمد مروت هڪ رائيٽرسان ڳالهائيدي انهي حملي جي زميواري قبولي هئي.جڏهن ته واقعي واري هنڌ تان داعش جا پفليٽ پڻ مليا هئا. جن ۾ انگريزي زبان اندر لکيل هو ته انهي حملي جي زميواري داعش قبولي آهي.انهي ڪري ڀلي سنڌ اندر داعش جي هجڻ ڪا پڪا  ثبوث ناهن مليا .پر جڏهن اهڙا بيان ميڊيا جي سامهون ايندا آهن ته سنڌ داعش موجود آهي ته ملڪ جي قوم کي هڪ ڊپ ۽ حراس ضرور پيدا ٿيندو آهي.اهو انهي ڪري ته ملڪ اندر امن بلڪل به ختم ٿي چڪو آهي ننڍڙي ٻار کان ويندي هر ڄمار جو ماڻهو محفوظ ناهي.انسان جڏهن پنهنجي اکين سامهون اهڙا حملا ٿيندي ڏسندو آهي ته کيس ڊپ ۽ حراس ضرور ٿيندو آهي.جڏهن ته جيڪب آباد واري حملي جي زميواري پاڪستان اندر پابندي مڙهيل تنظيم لشڪر جهنگوي قبولي آهي انهي ڪري مان اوهان کي انهي جي باري ۾ ٻڌائيندو هلان ته پاڪستان اندر هن وقت لشڪر جهنگوي جو نالو تمام گهڻو استعمال ڪيو پيو وڃي.ڇو ته ڪجهه ڏينهن پهرين اهو بيان پڻ سامهون آيو ته ڀارتي ڳجهي ايجنسي “را”پاڪستان جي وزيراعظم ميان نواز شريف ۽ حافظ سعيد تي حملو ڪرائي سگهي ٿي ۽ اها خبر به هر ٽي وي چيئنلن توڙي.اخبار جي سرخي بڻي هئي.جنهن خبر اندر اهو پڻ ٻڌايو ويو هو ته انهي حملي لاءِ پابندي مڙهيل تنظيم تحرڪ طالبان ۽ لشڪر جهنگوي کي استعمال ڪيو ويندو.جنهن کان وزير اعظم ميان نواز شريف جي سڪيورٽي واڌائي ڪري.سندس سڪيورٽي جا انتظام سخت ڪيا ويا آهن.پر اها به ڳالهه اتي ختم ناهي ٿي.محرم الحرام جي ڇهه تاريخ تي لشڪر جهنگوي پاران آءِ جي پنجاب کي پڻ ڌمڪي ڏني وئي هئي.جنهن اندر مشتاق سکيرا کي ملڪ اسحاق جي قتل جي پلاند وٺڻ جي ڌمڪي ڏني وئي هئي.انهي ڌمڪي شدا بيان کان پوءِ ڳجهن ذريعن پڻ اها آگاهي ڏني وئي هئي ته محرم الحرام اندر ملڪ جي ڪهڙي صوبي اندر وڏي رتو ڇاڻ ٿي سگهي ٿي.جڏهن ته هن وقت هارون ڀٽي نالي هڪ شخص کي گرفتار ڪيو ويو آهي.جنهن جو تعلق پڻ لشڪر جهنگوي سان آهي.جيڪو ملڪ اسحاق جو ويجهو ۽ قريبي ساٿي آهي.جڏهن ته هارون ڀٽي جي نالي ٻڌايو پيو وڃي ته هو ڪيترن ئي ڪيسن بري ٿيل هو جنهن کي وري ٻيهر گرفتارڪيو ويو آهي.جيتوڻيڪ پنجاب حڪومت لاءِ هارون ڀٽي جي گرفتاري هڪ وڏو ڪارنامو آهي پر سوال وري به اهو آهي ته ڇا گرفتاري دير تائين هلندي يا وري به کيس بري ڪيو ويندو.اهو سموري احوال لشڪر جهنگوي کان شروع ٿو ٿئي ۽ جيڪب آباد واري خدڪش حملي تي ختم ٿو ٿئي.اوهان پاڻ سوچيو ته ملڪ ۾ محرم الحرام کان پهرين ڪيترا ڀيرا لشڪر جهنگوي کان بيان سامهون آيا پر انهن تي عمل ٿي نه سگهيو.جنهن جي ڪري جيڪب آباد واري خدڪش حملو ٿيو.ڇو ته سڪيورٽي جا انتظام جي سخت هجن ها ته اهو حملو هرگز نه ٿئي ها..جڏهن ته جيڪب آباد واقعي جون ٻه جانچ ڪميٽيون جوڙيون ويون آهن.جن مان هڪ جي سربراهي ثناالله عباسي ڪندو.۽ بم ڌماڪن جي سببن  جو پتو لڳائڻ لاءِ ثناالله عباسي جي سربراهي ۾ اعليٰ سطح تي ڪاميٽي جوڙي وئي آهي.جڏهن ته عفلت ڪندڙن آفيسرن لاءِ سائين رکيي ميراڻي جي سربراهي ۾ ڪاميٽي جوڙي وئي آهي.جڏهن ته حملي خلاف سموري سنڌ اندر مظاهرا ٿي رهيا آهن.جڏهن ته شيعا اڳواڻ علامه ڊومڪي اهو مطالبو ڪيو آهي ته ايس ايس پي جيڪب آباد کي معطل ڪيو وڃي.پر سوال صرف ان حد تائين آهي ته آخر ملڪ اندر وڌندڙ اها دهشتگردي ڪڏهن ختم ٿيندي.ڪڏهن عوام سک جو ساهه کڻندي.جيڪب آباد واقعي جا پيرا سامهون اچي چڪا آهن.پر انهي واقعي کي به چار ڏينهن گذري چڪا آهن. اڃان ته  ڪا به گرفتاري عمل ۾ ناهي آئي.انهي ڪري افسوس آهي ته ملڪ ۾ دهشتگردي کي ملڪل ڇوٽ مليل آهي.جنهن مان هو فائدو وٺي رهيا آهن ۽ جڏهن به چاهين جٿي به چاهين .پنهنجون ڪاروايون ڪري سگهن ٿا.پر اسانجي حڪومت ڇو سجيندا ناهي.ڪو واقعو ٿيو ناهي ۽ ڏهه لک جو اعلان ڪيو ناهي.انهي ڪري قوم کي هر قتل ٿيل ماڻهو کي قيمت ڏهه لک رپين تي راضي ڪندڙ حڪمرانن مان ڪهڙيون اميدون رکن.انهي ڪري.حڪومت هن وقت حڪومت کي ڪجهه اهڙو ڪارنامو ڪري ڏيکارڻ گهرجي جنهن مان ملڪ ۾ امن جي فضا قائم ٿي.جيڪب آباد جي حملي جا پيرا مڪلمل ٿي چڪا آهن.رڳو حڪومت کي ڪو ساراهه جوڳو قدم کڻڻ جي ضرورت آهي.جنهن سان هن ملڪ جي قوم مطعمين ٿي سگهي.

mustafa_jamali13@yahoo.com

 

ماڻهن جي قسمت سان کيڏندڙ سياستدان : آچر خاصخيلي

دنيا جتي جديد دور جو فائدو حاصل ڪندي وڃي چنڊ تي پهتي آهي ته اتي وري اسان سنڌ واسين جي اڪثريت کوکلن نعرن تي زندگي گذارڻ کي ترجيح ڏئي پنهنجي ٻچن ۽ پنهجي ڌرتيءَ جا دشمن ٿي بيٺل آهي، جتي ڪجھه به نه هوندي به ڪنهن کان حق گھرڻ کي توهين سمجھي خاموش آهي، اهڙا ئي منظر مون کي ان ڏينهن ڏسڻ وٽان مليا، جڏهن نوجوان سياستدان ۽ ڏيرا گروپ جي اڳواڻ نويد ڏيري مون کي ڪجهه علائقن ۾ وٺي وڃي چيو ته توهان کي به اهي منظر ڏيکاريان، جتي ڪيئن ٿا اتي جا ماڻهو رهن؟ جڏهن اتي پهتاسين ته پنجابي چڪن ۾ ته ترقي ڏسڻ  ۾ آئي پر جڏهن اندر هڪ هڪ ڳوٺ ڪري گھمياسين ۽ ڏٺوسين ته   ڪٿي ماڻهو سيلاب جي وچ ۾ ته ڪٿي واري جي دڙن ۾ ته وري ڪٿي ٻيلي نما پل جي وچ ۾ زندگي گھاري رهيا هئا، جتي ڪنهن به طرف کان ڪو روڊ نه هو، بجلي جو ته نالو نشان ئي ناهي، باقي رهيون ڊرينيج، اسپتالون، اسڪول سي ته شايد انهن جي خوابن خيالن ۾ به نه هئا، جڏهن اهڙي حالت ۾ مختلف ڳوٺن جي ماڻهن سان اهي به ڪچهريون ٿيون ته ڪيئن ٿا زندگي گذاريو ته انهن ٻڌايو ته بس ٺهي ويا آهيون، پڇيم ته توهان وٽ ڪوبه روڊ ناهي، واري جي وچ مان ڪو اهڙو رستو به ناهي، جتان ڪا گاڏي اچي سگهي، جيڪڏهن ايندي به ته ڪا فور ويل گاڏي، جيڪا توهان وٽ ناهي، ڪو ڏکيو ڊليوري ڪيس ٿئي ته پوءِ ڪيئن پهچندا اسپتال؟ جنهن تي هنن ٻهراڙي ريتن رسمن جو ڀرم رکندي انهيءَ خوش مزاجي سان چيو ته اصلي گيھه، ڍڳين، ٻڪرين جو کير آهي، جن جا مکڻ لسيون آهن، کائي نڙ ٿيو ويٺا آهيون، ان ڪري ڪير به ڪمزور ناهي، جيڪڏهن قسمت سان ڪو اهڙو ڪيس ٿي به ويندو آهي ته ان کي ڏاند گاڏين ۾کڻي ويندا آهيون، جي مائي پهتي ته ٺيڪ؟ ٻي صورت ۾ اها رضا ليکي ويندي.  وري پڇيوسين ته توهان ٻارڙن لاءِ ڪڏهن سوچيو آهي؟ ڪڏهن ڪنهن سياستدان کي چيو آهي؟ ته اسان جا ٻار به پڙهڻ چاهين ٿا، اسان کي به روڊن ۽ بجلي جي ضرورت آهي، جنهن تي هو چون ٿا ته ڪير نه چاهيندو ته سندن ٻار پڙهن، تعليم پرائين، ڪنهن کي روشني ناهي کپندي، پر ڪو سياستدان ڏسون  ته ڪنهن کي چئون، 60 سالن جي تاريخ ۾ ڪڏهن به ڪو چونڊيل نمائندو وٽن لڙي  ناهي آيو، جنهن کي چئون، سوال ڪيم ته پوءَ ووٽن لاءِ ته ايندا هوندا، جن چيو ته هو صرف ديرن تي نياپو ڇڏي ويندا آهن ته فلاڻي ڏينهن تي اليڪشن آهي، فلاڻو نشان آهي، ان تي ٺپو هڻي ڇڏجو، سائين بادشاھ جو حڪم آهي، ان جا اميدوار بيٺل آهن، بس اسان حڪم جا تابعدار آهيون، غريب ماڻهو ڇا ٿو ڪري سگهي، بهرحال  سڄي زندگي فنڪشنل ليگ کي ووٽ ڏنا آهن، پر اها خبر ناهي ته اسان جو ميمبر ڪير آهي، ڪو اچي ته ان کي چئون ؟

ڳوٺاڻن اهو به ٻڌايو ته اسان کي ڪجھه سهارو ان ڏينهن ٿيو، جڏهن شاهنواز جوڻيجي جي فرزند غلام محمد عرف گل جوڻيجي ٻهراڙين ۾ قدم رکيو، ماڻهن سان ملڻ جلڻ ڪري سٺو گرائونڊ ٺاهيو، پر زندگي سندس ساٿ نه ڏنو ۽ اهي اميدون به پوريون ٿيون، ان بعد سندن پونئرن پ پ ۾ هوندي ڪڏهن به ڪا سار نه لڌي نه ڪو روزگار ڏنو نه ئي ڪا سهولت ڏني، هنن جيڪڏهن ڪجھه ڪنهن کي ڏنو ته صرف اتي جي هڪ چوڌري کي ڏنو، جنهن سان عوام ۾ مايوسي ئي پيدا ٿي ۽ گل جي ڪيل محنت رائيگان ٿي وئي، وري به پ پ  اڳواڻ فداحسين ڏيرو ڪجھه ڪم ڪرايو، ڪجھه ڳوٺن کي لائيٽ ۽ روڊ ڏنا ۽ هاڻ وري سندس ڀائٽيي نوجوان نويد ڏيري جو اچڻ وڃڻ آهي، جنهن سندن مسئلن جي حل لاءِ جاکوڙ جاري رکي آهي ۽ هن ئي علائقي جي يوسي صدرٽ مان ضلعي تي اميدوار آهي، جنهن ۾ آسرو آهي، اميد ته مسئلا حل ٿيندا.

اهڙي ئي صورتحال سانگهڙ جي اڇڙي ٿر جي به آهي، جتي بک بدحالي جي سدائين ذميوار فنڪشنل ليگ ئي رهي آهي پر موجوده دور ۾ پ پ ايم اين اي شازيه مري کپري کان چونڊيل آهي ته وري پ پ جي طرفان علي حسن هڱورجو وزيراعليٰ جو مشير آهي ۽ بحالي وارو کاتو به اٿس، جنهن جو پڻ ان ئي کپري جي تڪ سان تعلق آهي، پر نتيجو اهو ئي ٻڙي آهي، کپري سميت اڇڙي ٿر جي صورتحال ۾ڪابه  تبديلي ناهي آئي، مال مري رهيو آهي، وڏا آسرا ڏٽا ڏئي ماڻهن کي ورغلايو ويو، بار بار اهي اعلان ته کپري لاءِ گيس ۽ ٻيون اسڪيمون ڏينداسين، پر ڪوبه ڪم نه ٿيو ۽ صورتحال سڄي ضلعي سانگهڙ جي خراب آهي، جيڪا حالت سانگهڙ جي ٻهراڙين ۾ چڪن ۾ قائم ڳوٺن سان آهي يا وري اڇڙي ٿر سان آهي، اها شايد ڪنهن دشمن سان به نه ٿئي، جهڙي اتي جي عوام سان آهي، پ پ ۽ فنڪشنل ليگ جا چونڊيل نمائندا گڏجي ان ظلم جا ساٿي رهيا آهن، پنجاهه سالن کان اقتداري سياست ڪندڙ فنڪشنل ليگ، جنهن صرف عوام سان ويساهه گھاتيون ڪيون، ڪي به مسئلا حل نه ڪرايا ڇو؟  آخرڪار هي ماڻهو وڃن ته ڪيڏانهن وڃن، وري سهارو چونڊيو ويو پ پ کي، جتي ٻه پ پ جا صلاحڪار، ٻه ايم اين اي، ٽي ايم پي اي. قدرتي وسيلن سان مالا مال ضلعو پوءِ به بدترين زندگي گذارڻ تي مجبور آهي، ڪجھه سالن کان پنهنجو قلعو هئڻ جي دعويٰ ڪندڙ پ پ آهي، جيڪا پڻ ڪجھه سالن کان سانگهڙ ضلعي تي قابض آهي، پر عوام جو کين ڪيترو قدرآهي، اهو ته توهان سانگهڙ تعلقي جي ڳوٺن عزيزالله بڙدي، مبارڪ جتوئي،باري داد بروهي، صفر بروهي، مسافر ڳوٺ، علي احمد مگسي، اختر مري، راجا بروهي، حاجي مولا داد ، ولي محمد ۽ حاجي ميرخان سميت سانگهڙ تعلقي جي مختلف يوسيز جي ڳوٺن ۾ پهچي اندازو لڳائي سگهو ٿا، جتي ماڻهو ڪهڙي زندگي گذارين ٿا، پ پ کي اهو احساس ٿيڻ گھرجي ته توهان جي سڄي سنڌ ۾ ڪارڪردگي ٻڙي آهي، پر سانگهڙ ۾ فنڪشنل ليگ جي عدم ڪاڪردگي جو توهان کي گھڻو فائدو پهتو آهي، جنهن کي توهان ضايع ڪيو آهي، هي شايد پهريون ڀيرو آهي جو هتي پي ٽي آءِ به هڪ اڌ يوسي تي ٽف مقابلي ۾ آهي، جڏهن ان صورتحال جو به اندازو ٿيو ته اها پي ٽي آءِ جي ڪاميابي نه پر توهان ٻنهي کان بيزاري نامو آهي، جي اڃا به ٻنهي پارٽين پاڻ کي نه سنڀاليو ته فدا حسين ڏيرو،گل جوڻيجي ۽ نويد ڏيري يا فنڪشنل ليگ جو دفاع ڪندڙ وريام فقير، ڪو ماڻهو مري ٿو ته سياست چمڪائيندڙ اڳواڻ اڳ ئي قبرستان  تي بيٺا آهن. گروپ بندي جي ڪري پ پ اڳواڻ نويد ڏيري جي به پارٽي گھٽ ٿي ٻڌي، مطلب اهي اختلاف سڀ پنهنجي جاءِ تي، پر هميشه اقتدار ماڻيندڙ اهي ٻه پارٽيون آهن ۽ ايندڙ ڪجھ وقت لاءِ به اهي ئي نظر اچي رهيون آهن، تن کي سوچڻ گھرجي ته توهان گھٽ ۾ گھٽ انهن ماڻهن جو احساس ڪريو، جيڪي معدني وسيلن سان مالا مال  ضلعي جا رهاڪو آهن، جن جا توهان جي مٿان حق ٿين ٿا، ڪنهن به ماڻهو جي اڳيان اهو عذر نه ڄاڻايو ته فلاڻا کائي ويا. سڀني تي فرض آهي ته عوام سان سٺو ورتاءُ ڪري انهن جا جائز مسئلا حل ڪيا وڃن ۽ عوام تي به فرض آهي ته فرض سمجهي ووٽ ڏئي، پنهجا حق وٺي۽ پنهنجي قسمت تي ٻين کي کيڏڻ نه ڏئي. ٻي صورت ۾ اهو توهان جو مقدر نه پر نااهلي هوندي، جيڪا نسل درنسل توهان جو رت چوسيندي رهندي.

 

 

 

جيڪب آباد سانحو ۽ حڪومت جا اعلان

ملڪ ۾ ڪيتري وقت کان شيعا ٽارگيٽ ڪلنگ جاري آهي حڪومتي دعوائن باوجود ان ڪلنگ ۾ ڪا گهٽتائي ناهي اچي سگهي، جنهن جو تازو مثال جيڪب آباد جي امام بارگاهه ۾ ٿيل خودڪش بم ڌماڪو آهي جنهن ۾ ٻارڙن سميت اٽڪل 27 ماڻهو شهيد ڪيا ويا، جنهن بعد رسمي طور تي سنڌ جي وڏي وزير سيد قائم علي شاهه ڌرڻو هڻي ويٺل شيعه عالمن سان ڳالهيون ڪري سندن سمورا مطالبا مڃن جو واعدو ڪيو جيڪو شايد پورو نه ٿي سگهي جنهن جي ڪري شيعه عالم وري احتجاجن ڌرڻو هڻي ويهي رهيا، شهر جي سمورين ڪاروباري تنظيمن به احتجاج ڪندي مارڪيٽون بند رکيون، انهي دوران سنڌ سرڪار سانحي جي شهيدن جي وارثن لاءِ 20، 20 لک ۽ زخمين کي 10 لک توڙي نوڪري ڏيڻ جو اعلان ڪيو آهي، ۽ ان سان گڏ جاچ لاءِ 2 ٽيمون پڻ جوڙيون ويون آهن. سائين سرڪار معذور ٿي ويل زخمين کي 10 لک ۽ نوڪري ڏيڻ جو به اعلان ڪيو. سيد قائم علي شاهه واضح ڪيو ته سانحي جو ڪيس شيعا عالمن جي مرضي موجب داخل ڪرائي جاچ ۾ غير ذميواري ثابت ٿيڻ تي ملوث پوليس عملدارن خلاف قانوني ڪارروائي ڪئي ويندي،دهشتگردن کي ڪنهن به ريت نه بخشيو ويندو. انهي وقت علامه مقصود ڊومڪي ڳالهائيندي ٻڌايو ته وڏي وزير اليڪشن ڪميشن جي اجازت سان ايس ايس پي ملڪ ظفر اقبال کي هٽائڻ جي خاطري ڪرائي آهي،جنهن بعد هنن ڌرڻو ختم ڪيو هن ان وقت اهو چتاءُ ڏنو ته ايس ايس پي سميت ٻين عملدارن خلاف ڪارروائي ڪري مطالبا نه مڃيا ويا ته هو ٻيهر ڌرڻو هڻندا. شايد اهي مطالبا نه مڃڻ ڪري انهن وري ڌرڻو هڻڻ شروع ڪيو آهي،

جيتوڻيڪ سنڌ سرڪار طرفان ٻئي طرف واقعي جِي جاچ لاءِ سنڌ پوليس ۽ فرانزڪ ڊويزن تي ٻڌل 2 ڌار ڌار ٽيمون جوڙي ايڊيشنل آءِ جي سي ٽي ڊي ثناءُ الله عباسي ۽ ڊي آءِ جي لاڙڪاڻو سائين رکئي ميراڻي کي سربراهه مقرر ڪيو ويو آهي سنڌ پوليس پاران جوڙيل جاچ ٽيم ۾ جيڪب آباد، شڪارپور ۽ لاڙڪاڻي جا ايس ايس پيز توڙي ايس ايس پي اسپيشل برانچ شامل آهن، جڏهن ته فيڪٽ اينڊ فائينڊنگ ڪميٽي جي ميمبرن کي ڳجهو رکيو ويو آهي فرانزڪ ڊويزن آف سنڌ ۽ پوليس پاران جوڙيل ٽيمون جيڪب آباد ۾ ٿيل آپگهاتي ڌماڪي جا سبب ۽ ماتمي جلوس جي سڪيورٽي ۾ ٿيل ڪوتاهين جو جائزو وٺنديون. ٻئي ڪميٽيون، واقعي جي جاچ مڪمل ڪري رپورٽ آءِ جي سنڌ کي پيش ڪنديون، هاڻي سوال اهو ته پيدا ٿئي ته ڇا واقعي جا ملوث دهشتگرد پڪڙ ۾ ايندا ۽ جئين ته شيعه عالمن حڪومت کان ايس ايس پي کي هٽائڻ جو مطالبو يو هو جيڪو اڃان پورو ناهي ڪيو ويو، ڇا اهو پورو ٿيندو، هاڻي ڏسڻو اهو آهي ته جيڪي سنڌ سرڪار اعلان ڪيا آهن اهي پورا ٿين ٿا، سائين سرڪار کي گهرجي ته پنهنجي واعدن کي پاڙي ڇو جو اڳ به اهڙا ڪيترائي اعلان ڪيا ويا آهن جن تي عمل ناهي ٿي سگهيو، جنهن ڪري عوام ۾ مايوسي ڦهليل آهي، ۽ نااميدي جو تاثر ڦهليل آهي جنهن کي ختم ٿيڻ گهرجي.