تازيون خبرون

Daily Archives: October 21, 2015

اينجلينا جولي کي پنهنجي مڙس براڊ پٽ تي شڪ ٿي پيو

لاس اينجلس (شوبز نيوز) هالي ووڊ جي مشهور اداڪاره اينجلينا جولي کي پنهنجي مڙس براڊ پٽ مٿان شڪ ٿي پيو آهي. اينجلينا جون اجھ ڪلهه ننڊون حرام ٿيل آهن جنهن جو ڪارڻ سندس مڙس آهي. جيڪو هر وقت گهر ۾ اينجلينا جي آڏو اداڪاره سينا ملر جون تعريفون ڪندو رهي ٿو. اينجلينا کي لڳي ٿو ته براڊ پٽ هاڻي ساڻس ڪوڙ پڻ ڳالهائي ٿو جو جو سبب به رڳو اداڪاره سينا ملر آهي. جنهن سان گڏ هو اجھ ڪلهه فلم ” دي لاسٽ سٽي آف زي“ ۾ ڪم ڪري رهيو آهي.

 

عاليه بٽ ۽ شاهد ڪپور جي فلم شاندار اڄ رليز ٿيندي

ممبئي(شوبز نيوز) بالي ووڊ جي نئين رومانوي ۽ ڪاميڊي فلم ”شاندار“ (اڄ) خميس تي رليز ٿيندي. ڀارتي ميڊيا مطابق وڪاس بهل جي هدايتڪاري ۾ ٺهندڙ ان فلم ۾ مرڪزي ڪردار عاليه بٽ ۽ شاهد ڪپور ادا ڪري رها آهن، جڏهن ته ٻين فنڪارن ۾ پنڪج ڪپور، سنجي ڪپور، ڪرن جوهر ۽ سنها ڪپور شامل آهن. انوراگ ڪشيپ ۽ ڪرن جوهر جي گڏيل طور تي پروڊيوس ڪيل مزاح سان ڀرپور اها فلم 22 آڪٽوبر تي نمائش لاءِ پيش ڪئي ويندي

 

پاڪستان بلائينڊ ڪرڪيٽ ڪائونسل طرفان ڀارت ۾ ٿيندڙ ايشيا ڪپ ۾ سيڪيورٽي خدشن سبب شرڪت کان معذرت

اسلام آباد(اسپورٽس نيوز) پاڪستان بلائينڊ ڪرڪيٽ ڪائونسل طرفان ڀارت ۾ ٿيندڙ ايشيا ڪپ ۾ سيڪيورٽي خدشن سبب شرڪت کان معذرت ڪري ڇڏي آهي. پاڪستان بلائينڊ ڪرڪيٽ ڪائونسل جي چيئرمين ۽ ورلڊ بلائينڊ ڪرڪيٽ ڪائونسل جي صدر سيد سلطان شاهه موجب ايشيا ڪپ 17 کان 24 جنوري 2016ع تائين ڀارت جي شهر ڪوچي ۾ کيڏيو ويندو، جنهن ۾ 5 ملڪن کي شرڪت جي دعوت ڏني وئي آهي، جن ۾ پاڪستان، سريلنڪا، بنگلاديش، نيپال ۽ ميزبان ڀارت شامل آهن پر ڀارت ۾ تازن سيڪيورٽي خدشن سبب پاڪستان ايشيا ڪپ ۾ شرڪت کان انڪار ڪري ڇڏيو آهي ۽ ڀارت کي ان حوالي سان باضابطه طور آگاهه پڻ ڪيو ويو آهي. هن چيو ته ڀارت سان جڏهن به لاڳاپا بهتر ٿيندا ڪرڪيٽ ٻيهر بحال ٿيندي. واضح رهي ته پاڪستان ۽ ڀارت وچ ۾ 2011ع ۽ 2014ع ۾ پاڪستان ۾ ون ڊي ۽ ٽي 20 جي سيريز منعقد ٿي هئي جنهن ۾ ڀارت جي ٽيم شرڪت ڪئي هئي.

 

نيوزي لينڊ جي ڪرڪيٽ ٽيم آسٽريلياپهچي وئي. (سڀاڻي) ٽوئر ميچ سان دوري جي شروعات ڪندي

ڪينبيرا(اسپورٽس نيوز) نيوزي لينڊ جي ڪرڪيٽ ٽيم برينڊن ميڪ ڪولم جي قيادت ۾ سوڀ جو ارادو ڪري آسٽريلياپهچي وئي. ڪيويز ٽيم (سڀاڻي) جمعي تي پرائيم منسٽر اليون خلاف ٽوئر ميچ سان دوري جي شروعات ڪندي. فاسٽ بالر ٽم سائوٿي ريگيلور ڪپتان برينڊن ميڪ ڪولم جي جاءِ تي ٽوئر ميچ ۾ ٽيم جي قيادت ڪندو. 50 اوورن تي ٻڌل ان پريڪٽس ميچ ۾ پهريون ڀيرو گلابي بال جو استعمال ٿيندو. ڪيويز ٽيم جي ڪوچ مائيڪ هيسن مطابق بي جي واٽلنگ ۽ ڪين وليمسن به ٽوئر ميچ ۾ ڪيويز ٽيم جو حصو نه هوندو. اميد آهي ته ڪپتان ميڪ ڪولم آسٽريليا اليون خلاف ٻه ڏينهن واري پريڪٽس ميچ کيڏندو. ڪيويز ٽيم دوري دوران ميزبان ٽيم خلاف ٽن ٽيسٽ ميچن جي سيريز کيڏندي. ان کان علاوه 4 پريڪٽس ميچون به دوري ۾ شامل آهن.

 

قوم جو هٿياربند فوج تي اعتماد آهي، پاڪ آرمي قوم جي اميدن تي پورو لهندي: آرمي چيف

راولپنڊي (بيورو) چيف آف آرمي اسٽاف جنرل راحيل شريف چيو آهي ته خطي ۾ جٽادار امن ۽ استحڪام لاءِ پاڪ افغان سرحد جي ٻنهي پاسي ويجها رابطا ۽ بهتر مئنجمينٽ اڻٽر آهي پاڪستاني قوم جي هٿياربند فوج تي اعتماد آهي ۽ اسان انهن جي اميدن تي پورو لهنداسين چيف آف آرمي اسٽاف اڱاري تي فرنٽيئر ڪور هيڊڪوارٽر بالا حصار پشاور خيبرپختونخواهه جو دورو ڪيو آرمي چيف کي آءِ جي ايف سي پاران فرنٽيئر ڪور جي پيشاوراڻي تيارين، جاري آپريشنز ۾ اڳڀرائي ۽ ايف سي جي صلاحيتن بابت بريفنگ ڏني ويئي ان موقعي تي آفيسرن ۽ جوانن سان غير رسمي ڳالهه ٻولهه ڪندي آرمي چيف خيبر پختونخواهه پاران آمريشن ضرب عضب ۾ بهادري جو مظاهرو ۽ قربانين تي ڀرپور خراج تحسين پيش ڪيو هن چيو ته ايف سي دهشتگردي خلاف جنگ ۾ مرڪزي ۽ واکاڻ جوڳو ڪردار ادا ڪري رهي آهي ۽ فوج سان گڏجي دهشتگردي خلاف قبائلي علائقن ۽ خيبرپختونخواهه ۾ جنگ وڙهي رهي آهي ايف سي جا جوان بهادري ۽ قربانين جا نوان باب رقم ڪري رهيا آهن آرمي چيف چيو ته فوج ۽ ايف سي جي فوجين جو ڀرپور حوصلو آپريشن ضرب عضب لاءِ هڪ پهاڙ آهي هن چيو ته پاڪستاني فوج کي پنهنجي هٿياربند فوج تي يقين آهي ۽ هو ان جو گهڻو احترام ڪري ٿي ۽ فرض نڀائڻ دوران ڏنل قربانين جو اعتراف ڪري ٿي.

 

منصوبن ۾ گهڻي دير تي ڪاوڙ جو اظهار، هاڻي تڪميل جو وقت ڏنو وڃي: وڏو وزير

ڪراچي (اسٽاف رپورٽر ) سنڌ جي وڏي وزير سيد قائم علي شاهه صحت کاتي کي هدايت ڪئي آهي ته صوبي جي 17 ضلعن ۽ 41 تعلقن ۾ 16.13 ارب رپين سان 113 صحت جي سهولتن جي فراهمي جي ڪم جي رفتار کي تيز ڪيو وڃي. انهي وڏي پيماني ته صحت جي سهولتن جي شروع ٿيڻ سان سموري صوبي جي عوام کي وڏو فائدو رسندو. اهڙن خيالن جو اظهار هن اڄ وزير اعليٰ هائوس ۾ صحت کاتي جي مختلف منصوبن جي جائزي بابت اجلاس کي خطاب ڪندي ڪيو. اجلاس ۾ سينئر صوبائي ناڻي ۽ انرجي وارو وزير سيد مراد علي شاهه، وزير صحت ڄام مهتاب حسين ڏهر، چيف سيڪريٽري سنڌ محمد صديق ميمڻ، اي سي ايس ڊولپمينٽ اعجاز علي خان، وزير اعليٰ سنڌ جو پرنسپل سيڪريٽري علم الدين بلو، ناڻي وارو سيڪريٽري سهيل راجپوت، سيڪريٽري صحت سعيد مڱڻيجو، پروجيڪٽ ڊاريڪٽر ڊاڪٽر سريش، ڊي جي هيلٿ ۽ صحت کاتي او پي اين ڊي جا ٻيا آفيسرن شرڪت ڪئي. انهيءَ موقعي تي صحت واري سيڪريٽري اجلاس کي بريفنگ ڏيندي ٻڌايو ته 16.13 ارب رپين کان وڌيڪ جي مختلف منصوبا جن ۾ ڊسٽرڪٽ هيڊ ڪوارٽر هسپتال (ڊي ايڇ ڪيو)، تعلقي هيڊ ڪوارٽر اسپتال (ٽي ايڇ ڪيو) جي اپ گريڊيشن بحالي ۽ مرمت ۽ 41 ٽراما سينٽرز قائم ڪرڻ جا پروجيڪٽ شامل آهن. هن چيو ته 4.5 بلين رپين جي منصوبي تحت بدين، شڪارپور، خيرپور ۽ مٺي جي ڊي ايڇ ڪيو جي  توسيع جي ڪمن جو آغاز ٿي چڪو آهي ۽ 1106.2 ملين رپين جي لاڳت سان بدين ڊي ايڇ ڪيو جو 96 سيڪڙو ڪم مڪمل ٿي ويو آهي. انهيءَ کان سواءِ شڪارپور ڊي ايڇ ڪيو جي توسيع تي 942.94 ملين رپين جي لاڳت سان شروع ٿيندڙ ڪم 78 سيڪڙو مڪمل آهي جڏهن ته 1610.67 ملين رپين سان خيرپور اسپتال جو 80 سيڪڙو ڪم مڪمل ٿي ويو آهي. سنڌ جي وڏي وزير چيو ته انهن اسڪيمن تي ڪم ۾ وڏي دير ٿي آهي جيڪا ناقابل برداشت آهي ۽ هاڻ آئون چاهيان ٿو ته مون کي ڪم جي تڪميل جو وقت ٻڌايو وڃي. جنهن تي صحت واري سيڪريٽري وڏي وزير کي 31 ڊسمبر تائين ڪم مڪمل ڪرڻ جو يقين ڏياريو، سينيئر صوبائي وزير سيد مراد علي شاهه وڏي وزير کي ٻڌايو ته هن جي کاتي پهريائين ئي 500 ملين رپيا جاري ڪري ڇڏيا آهن، جنهن جي مڪمل خرچ ٿيڻ بعد انهن اسڪيمن لاءِ وڌيڪ فنڊز جاري ڪيا ويندا. پروجيڪٽ ڊائريڪٽر ڊاڪٽر سريش اجلاس کي ٻڌايو ته ٽنڊو محمد خان، ٽنڊو الهيار ۽ ڪوٽڙي جا ٽي ايڇ ڪيوز کي ڊي ايڇ ڪيو ليول تائين اپ گريڊ ڪرڻ لاءِ 1.5 ارب رپين جي اسڪيمن تي ڪم جاري آهي، جنهن لاءِ 824.677 ملين رپيا جاري ٿيا هئا جنهن مان هلندڙ سال ۾ 772.637 ملين رپيا خرچ ٿيا آهن. اجلاس کي ڪارڪردگي رپورٽ بابت ٻڌائيندي پروجيڪٽ ڊائريڪٽر چيو ته ٽنڊو محمد خان اسپتال جو ڪم 70سيڪڙو، ٽنڊو الهيار اسپتال جو ڪم 90 سيڪڙو، جڏهن ته ڪوٽڙي اسپتال جو ڪم 99 سيڪڙو مڪمل ٿي ويو آهي ۽ اهو افتتاح لاءِ تيار آهي. جنهن تي وڏي وزير چيو ته آئون انهن اسپتالن کي فعال ڏسڻ چاهيان ٿو ۽ انهن اسپتالن جي توسيع ۽ اپ گريڊ تي لکين رپيا خرچ ڪرڻ جو مقصد تڏهن ئي حاصل ٿيندو جڏهن اهي پنهنجي علائقن جي ماڻهن کي صحت جون سهوليون مهيا ڪندا. سنڌ جي وڏي وزير صحت واري وزير کي هدايت ڪئي ته انهن اسپتالن کي جلد فعال بڻائڻ لاءِ ضروري قدم کڻي. جنهن تي صحت واري وزير چيو ته دادو، ميرپورخاص، سانگڙ، ميرپورماٿيلو ۽ نوشهرو فيروز سميت 6 ضلعن جي ڊي ايڇ ڪيو اسپتالن جي توسيع ۽ ترقي لاءِ 3.24 بلين رپين جي لاڳت سان شروع ٿيندڙ اسڪيمون مڪمل ٿيڻ جي مرحلن ۾ آهن ۽ دادو اسپتال جو ڪم 62 سيڪڙو، ميرپورخاص 72 سيڪڙو، ٺٽو 52 سيڪڙو، ميرپورماٿيلو 70 سيڪڙو، نوشهروفيروز 70 سيڪڙو، جڏهن ته سانگهڙ  اسپتال ۾ 100 سيڪڙو ڪم مڪمل ٿي ويو آهي. وڏي وزير طرفان پڇا ڪيل هڪ سوال جي جواب ۾ سيد مراد علي شاهه ٻڌايو ته هن اسڪيم لاءِ هلندڙ سال ۾ 450 ملن رپيا مختص ڪيا ويا هئا، جڏهن ته هن منصوبي جي ڪارڪردگي جي بنياد تي وڌيڪ فنڊز به جاري ڪيا ويندا. پرجيڪٽ ڊائريڪٽر ڊاڪٽر سريش چيو ته مٽياري، عمر ڪوٽ، قمبر ۽ ڪنڌڪوٽ جي تعلقي هيڊڪورٽر اسپتالن کي اپ گريڊيشن لاءِ 3.6 بلين رپين جون اسڪيمون شروع ڪيون ويون هيون جنهن جو  45 کان 50 سيڪڙو ڪم مڪمل ٿي ويو آهي، جڏهن ته ڪنڌڪوٽ اسپتال جو ڪم  100 سيڪڙو مڪمل ٿي ويو آهي. منصوبا بندي ۽ ترقياتي کاتي کي ڪنڌڪوٽ اسپتال جي انتظامي منظوري لاءِ ڪانٽريڪٽ جاري ڪرڻ باقي آهي. وڏي وزير اي سي ايس ڊولپمينٽ اعجاز علي خان کي هدايت ڪئي ته هو هيلٿ ڊپارٽمينٽ سان رابطو ڪري ايڊمنسٽريٽو اپرو ئل جاري ڪرڻ وارن معاملن کي فوري طور تي حل ڪرائي، ڇاڪاڻ ته انهن ۾ تاخير سان ايهي عوامي مفاد جي منصوبا غير فعال آهن ۽ مان انهيءَ سلسلي ۾ ڪنهن به قسم جي لاپرواهي کي برداشت نه ڪندس. سنڌ جي وڏي وزير صحت واري وزير کي 41 ٽي ايڇ ڪيوز ۾ ٽراما سينٽر قائم ڪرڻ بابت پڇيو ته صحت واري وزير ٻڌايو ته انهن مان 18 ٽراما سينٽرز  جو ڪم مڪمل ٿي ويو آهي جڏهن ته باقي سينٽرز جو تقريبن 83 سيڪڙو مڪمل ٿي ويو آهي. وڏي وزير چيو ته هو جنوري 2016 کان سمورن اپ گريڊيڊ ااسپتالن ۽ ٽراما سينٽرز جو افتتاح ڪندو. هن چيو ته اها عوام جي خدمت آهي ۽ اسان عوام جي خدمت ۾ يقين رکون ٿا انهيءَ لاءِ هر منصوبي جي ڪوالٽي ۽ ڪم جي ڪارڪردگي ۽ مقرر وقت اندر ان  جي تڪميل جا معاملن کي ذاتي طور تي مانيٽر ڪندس.

 

ڀارت پاران ويڙهه مڙهڻ تي پاڪستان حڪمت عملي جوڙي ڇڏي

واشنگٽن (مانيٽرنگ ڊيسڪ) پرڏيهي سيڪريٽري اعزاز چوڌري جو چوڻ آهي ته پاڪستان ڀارت جي ڪولڊ اسٽارٽ نالي ويڙهه جي حڪمت عملي جو مقابلو ڪرڻ لاءِننڍا ايٽمي هٿيار تيار ڪيا آهن. واشنگٽن ۾ ميڊيا کي بريفنگ ڏيندي، پرڏيهي سيڪريٽري اعزاز چوڌري ٻڌايو ته پاڪستان جو جوهري پروگرام ڀارت پاران لاڳاپيل خطرن ۽ ڀارتي جارحيت کي ٻنجو ڏيڻ لاءِ ۽ پاڪستان ڀارت جي ڪولڊ اسٽارٽ نالي ويڙهه جي حڪمت عملي جو مقابلو ڪرڻ لاءِ ننڍا ايٽمي هٿيار تيار ڪيا آهن.ان کان اڳ پاڪستان جي نيوڪلئير ڪمانڊ اينڊ ڪنٽرول اٿارٽي هلندڙ سال سيپٽمبر ۾ چيو هو ته پاڪستان  خطي ۾ روايتي هٿيارن جي اڻ برابري سبب ننڍا ننڍا ايٽمي هٿيار ٺاهڻ جو سلسلو جاري رکندو، جڏهن پاڪستان جي هن نئين پاليسي کي فل اسپيڪٽرم ڊيٽرنس ڪيپيبليٽي جو نالو ڏنو ويو هو. پرڏيهي سيڪريٽري اعزاز چوڌري جو چوڻ هو ته وزيراعظم نوازشريف جي صدر اوباما سان ملاقات ۾ خطي تي ڳالهه ٻولهه ٿيندي جڏهن ته دوري ۾ پاڪ، آمريڪا ايٽمو معاهدو غور هيٺ ناهي. هن چيو ته افغان مسئلي جو حل طاقت بجاءِ ڳالهين سان ٿيندو ۽ پاڪستان افغان مفاهمي عمل ۾ سهولتڪار جو ڪردار ادا ڪندو.

 

سڀ سياسي پارٽيون پاڪستان خلاف ڀارتي پروپگنڊا کي ناڪام ڪرڻ لاءِ متحد آهن: پرويز رشيد

اسلام آباد (بيورو) سڌ سماءَ جي وفاقي وزير پرويز رشيد چيو آهي ته سڀ سياسي پارٽيون پاڪستان خلاف ڀارتي پروپگنڊا کي ناڪام بڻائڻ لاءِ متحد آهن، پاڪستان، ڀارت جي پروپگنڊا جو موثر جواب ڏيندو، هو سومر تي پاڪستان براڊ ڪاسٽنگ ڪارپوريشن جي هيڊڪوارٽرز ۾ قومي اسيمبلي جي اطلاع ۽ نشريات قائمه ڪميٽي جي اجلاس کي بريفنگ ڏيڻ کانپوءِ ميڊيا سان ڳالهائي رهيو هو، هن چيو ته قوم جي حيثيت سان ملڪ خلاف منفي پروپگنڊا جو مثبت جواب ڏيڻو پوندو، هن چيو ته دهشتگردن کي شڪست ڏيڻ لاءِ ريڊيو پاڪستان تان امن جو پيغام نشر ڪيو ويندو.

 

نوجوانن کي سموريون صلاحيتون اجاگر ڪرڻ لاءِ موقعا ملڻ گهرجن: بلاول ڀٽو

ڪراچي(اسٽاف رپورٽر) پاڪستان پيپلزپارٽي جي چيئرمين بلاول ڀٽو زرداري چيو آهي ته اسان جي ملڪ جي آبادي جووڏو حصو نوجوانن جي آبادي تي مشتمل آهي تنهنڪري کين پنهنجون سموريون صلاحيتون اجاگر ڪرڻ لاءِ هر قسم جا موقعا ملڻ گھرجن، بينظير ڀٽو شهيد يوٿ ڊويلپمينٽ پروگرام جو مقصد به نوجوانن کي نوڪرين جا موقعا حاصل ڪرڻ لاءِ گھربل فني ڄاڻ مهيا ڪرڻ هو، بلاول ڀٽو زرداري اهڙو اظهار اڄ بلاول هائوس ۾ سينيٽر عاجز ڌامراه ۽ سندس زال ۽ وڏي وزير جي  بينظير ڀٽو شهيد يوٿ ڊويلپمينٽ پروگرام بابت ڪوآرڊينيٽر حنا دستگير سان ملاقات دوران ڪيو، وڏي وزير جي معائني واري ٽيم جي صلاحڪار حاجي مظفر شجراع ۽ پيپلزپارٽي ڄامشوري جي ضلعي صدرايم پي اي ڊاڪٽر سڪندر شوري پڻ بلاول هائوس ۾ پيپلزپارٽي جي چيئرمين بلاول ڀٽو زرداري سان ڌار ڌار ملاقات ڪئي، سينيٽر عاجز ڌامراه ۽ حنا دستگير پيپلزپارٽي جي چيئرمين بلاول ڀٽو زرداري کي بينظير ڀٽو شهيد يوٿ ڊويلپمينٽ پروگرام جي مختلف پهلوئن ۽ ان جي اهميت بابت بريفنگ ڏني ، پيپلزيوٿ آرگنائيزيشن جي صدر سينيٽر عاجز ڌامراه  چيئرمين بلاول ڀٽو زرداري کي تنظيمي صورتحال بابت آگاه ڪيو ۽ مڪاني ادارن جي چونڊن ۾ نوجوانن کي نمائندگي ڏيڻ لاءِ مخصوص سيٽون مختص ڪرڻ واري چيئرمين بلاول ڀٽو زرداري جي هدايتن کي ساراهيو. عاجز ڌامراه چيو ته سنڌ حڪومت صوبائي يوٿ پاليسي جوڙڻ ۾ انتهائي گهري دلچسپي وٺي رهي آهي ۽ هو پاڻ اين جي اوز سان گڏجي مڪمل تحقيقي ڊرافٽ تيار ڪرائي سنڌ اسيمبلي مان منظور ڪرائڻ لاءِ ڪوشش ڪري رهيو آهي. حاجي مظفر شجراع چيئرمين بلاول ڀٽو زرداري کي وڏي وزير جي انسپيڪشن ٽيم طرفان مختلف کاتن ۾ بي قاعدگين ۽ بد انتظامين  خلاف کنيل قدمن بابت آگاه ڪيو ۽ ٻڌايو ته وڏي وزير جي انسپيڪشن واري ٽيم طرفان سنڌ حڪومت جي ڪارڪردگي تي ڪڙي نظر رکي آهي ۽ ڪجه اهم انڪوائريون به جاري آهن، پ پ پ ڄامشوري جي صدر ڊاڪٽر سڪندر شوري چيئرمين بلاول ڀٽو زرداري کي پنهنجي ضلعي ۾ مڪاني چونڊن جي صورتحال ۽ ترقياتي اڳڀرائي بابت آگاهي ڏني ۽ اهو عزم ورجايو ته پارٽي جي ڪارڪردگي سبب پوري ضلعي مان پاڪستان پيپلزپارٽي جا سمورا اميدوار ڪاميابي ماڻيندا.

 

مالي ۽ انتظامي بي ضابطگين سبب نندي پور پاور پراجيڪٽ چرچو بڻجي ويو آهي: خورشيد شاهه

اسلام آباد (بيورو) مخالف ڌر جي اڳواڻ خورشيد شاهه جو چوڻ آهي ته مالي ۽ انتظامي بي ضابطگين سبب نندي پور پاور پراجيڪٽ چرچو بڻجي ويو آهي.هڪ بيان ۾ خورشيد شاهه چيو ته حڪومت پنهنجي پسند جي ماڻهو کي نندي پور رٿا جو ايم ڊي بڻايو،پوءِ ان کي تمغائي امتيز ۽ واڌو الائونس سان نوازيو ويو. مخالف ڌر جي اڳواڻ جو چوڻ هو ته هاڻي ان ئي آفيسر کي نااهل چئي گهر ڀيڙو ڪيو ويو آهي. حڪمرانن جي پسند ۽ ناپسند سبب عوام اوندهه جي سمنڊ ۾ غوطا کائي رهي آهي. ٽيڪنيڪي عهدن تي مقرري جو معيار پنهنجو ماڻهو هجڻ بدران ميرٽ هجڻ گهرجي.