تازيون خبرون

Daily Archives: October 17, 2015

هاڻوڪي حڪومت جي ڪوششن کانپوءِ لوڊشيڊنگ ختم ٿيڻ وارو واعدو پورو ٿيندو نظر پيو اچي: نوازشريف

جهنگ (مانيٽرنگ ڊيسڪ) وزيراعظم نوزشريف چيو آهي ته پرويز مشرف جي دور کان ملڪ ۾ لوڊشيڊنگ ٿي رهي آهي پر هاڻوڪي حڪومت جي ڪوششن کانپوءِ لوڊشيڊنگ ختم ٿيڻ وارو واعدو پورو ٿيندو نظر پيو اچي. جهنگ جي علائقي حويلي بهادر شاهه ۾ گئس پائيپ لائين رٿا جي پيڙهه جو پٿر رکڻ واري تقريب سان خطاب ڪندي، وزيراعظم نوازشريف جو چوڻ هو ته ملڪ جو سڀ کان وڏو مئسلو بجلي جي کوٽ آهي، جنهن تي 2017ع يا 2018ع تائين ضابطو آندو ويندو، بجلي جي لوڊشيڊنگ جو معاملو 10 سال اڳ حل ٿيڻ گهرجي ها پر ان جي شروعات اڄ ٿي رهي آهي، پرويز مشرف جي وقت کان ملڪ ۾ لوڊشِڊنگ ٿي رهي آهي ۽ 2018ع ۾ ملڪ مان لوڊشيڊنگ جو خاتمو ٿيڻ وڏي ڪاميابي هوندي.سندس چوڻ هو ته ترقياتي رٿائن کي پورو ڪرڻ ۾ ڪجهه وقت لڳندو آهي پر ڪجهه ماڻهو چون ٿا ته حڪومت ڪم نٿي ڪري، پوري ملڪ ۾ ترقياتي رٿائون شروع ڪرڻ ڪم ناهي ته پوءِ ڇا آهي، ڪارڪردگي تي تنقيد ڪندڙ ڏسن  ته ملڪ ۾ امن قائم ٿي رهيو آهي، مٽائي اڏائڻ وارا اڄ به موجود آهن، اهي مٽي اڏائيندا رهندا ۽ اسان منزل تائين پهچنداسين، هن ملڪ ۾ خوشحالي اچڻ گهرجي، ڪيستائين خوشين لاءِ سڪندا رهنداسين ۽ ڪيستائين راند روند ۾ لڳا پيا هونداسين، سندس چوڻ هو ته تنقيد ڪندڙن کي شايد ٻيو ڪجهه به نٿو اچي، پاڪستان جي عوام موقعو ڏنو آهي، انهن جي خدمت ڪنداسين ۽ عوام ڏسندو ته خدمت سان پاڪستان جو نقشو ئي مٽجي ويندو. ملڪ مان دهشتگردي ختم ڪنداسين ۽ ملڪ ترقي ڏانهن وڌندو.وزيراعظم نوازشريف جو وڌيڪ چوڻ هو ته هاڻي وقت اچي ويو آهي ته ملڪ کي اڳيان وڌڻ گهرجي، ڪراچي جون روشنيون ٻيهر موٽن پيون، جتي هڪ ڀيرو ٻيهر ڪاروبار هٿي وٺي رهيو آهي، جڏهن ته ڪاروباري ماڻهو ڪراچي ۾ امن کان اڳ سيڙپڪاري لاءِ دبئي ۾ ملندا هئا پر هاڻي هو ڪراچي اچڻ شروع پياڪن. سندس چوڻ هو ته هڪ هڪ پئسي کي قوم جي امانت سمجهون ٿا، اهو ئي ڪارڻ آهي جو حڪومت 93 ارب رپين جي رٿا کي 55 ارب ۾ لڳايو، ايترو ئي نه پر ٽن ٻين رٿائن تي به گڏيل طور تي 110 ارب رپين جي پاڇي ڪئي آهي.

 

سنڌ حڪومت چونڊون ملتوي نه پئي ڪرائي، ڪجهه هنڌن تي تڪبنديون غلط ٿيون آهن: وڏو وزير

حيدرآباد (بيورو) سنڌ جي وڏي وزير سيد قائم علي شاهه حيدرآباد ۾ صوبائي وزيرن، چونڊيل نمائندن ۽ پارٽي اڳواڻن سان گڏجاڻيون ۽ ملاقاتون ڪري ترقياتي ڪمن ۽ سياسي صورتحال تي صلاح مشورا ڪيا آهن. وڏو وزير سيد قائم علي شاهه حيدرآباد پهچڻ بعد سيد علي نواز شاهه جي رهائشگاهه تي پهتو آهي، جتي پ پ ڪارڪنن ٽڪيٽن ۾ نظر انداز ڪرڻ خلاف سخت احتجاج ڪيو. سنڌ جي وڏي وزير سيد قائم علي شاھ حيدرآباد پهچڻ بعد ميڊيا سان ڳالهائيندي چيو آهي ته سنڌ حڪومت مڪاني چونڊون ملتوي نه پئي ڪرائي، ڪجھ علائقن ۾ تڪبنديون غلط طريقي سان ڪيون ويون جنهن بابت اليڪشن ڪميشن ۽ عدالت ۾ درخواست داخل ڪئي وئي آهي…سنڌ جي وڏي وزير سيد قائم علي جو وڌيڪ چوڻ هو ته مڪاني چونڊن ۾ به پ پ ئي سوڀاري ٿيندي، پ پ سنڌ ۾ رڪارڊ ترقياتي ڪم ڪرائي لکين بي روزگار نوجوانن کي نوڪريون ڏنيون آهن..وڏي وزير جو حيدرآباد پهچڻ تي ضلعي انتظاميا، چونڊيل نمائندن ۽ پ پ اڳواڻن استقبال ڪيو، جنهن بعد وڏو وزير سيد علي نواز شاهه جي رهائش گاهه پهتو، جتي ساڻس پ پ حيدرآباد، ٽنڊو الهيار ۽ مٽياري جي پ پ اڳواڻن ۽ چونڊيل نمائندن سان الڳ الڳ ملاقاتون ڪيون ۽ پارٽي معاملن، ترقياتي ڪمن ۽ مڪاني چونڊن جي حوالي سان صلاح مشورا ڪيا ويا. ان موقعي تي مڪاني چونڊن ۾ نظر انداز ڪرڻ خلاف پ پ ٽنڊي الهيار ۽ حيدرآباد جي ڪارڪنن سيد علي نواز شاهه جي رهائش گاهه ٻاهران سخت احتجاج ڪيو، ڪارڪنن ميڊيا آڏو دانهيندي چيو ته مڪاني چونڊن ۾ جيالن کي ٽڪيٽون ڏيڻ بدران من پسند ماڻهن کي نوازيو ويو آهي. ان کان اڳ وڏي وزير جي حيدرآباد آمد وقت سيڪيورٽي جا انتظام سخت ڪيا ويا، جڏهن ته وڏي وزير جو هيليڪاپٽر هنگامي بنيادن تي نياز اسٽيڊيم جي ڪرڪيٽ گرائونڊ ۾ لاٿو ويو. جنهن دوران نياز اسٽيڊيم ۾ پاڪستان ڪرڪيٽ بورڊ جي انڊر 19 مئچ جيڪا ڪوئٽه ۽ حيدرآباد ڊويزنن ۾ ٿي رهي هئي اها مئچ روڪرائي وئي…صحافين طرفان پڇيل سوال جي جواب ۾ وڏي وزير سيد قائم علي شاھ چيو ته پاڪستان ڪرڪيٽ بورڊ طرفان مئچ روڪرائڻ تي هو انهن جو ٿورائتو آهي، اهڙيون مئچون هجڻ کپن ته جيئن نوجوانن جي حوصلا افزائي ٿي سگھي.

 

سمورين مصلحتون ختم ڪري احتساب وارو عمل تيز ڪري ڇڏيو آهي ۽ جزا وارو موثر نظام هئڻ ضروري آهي:صدر ممنون حسين

اسلام آباد (بيورو) صدر ممنون حسين چيو آهي ته حڪومت سمورين مصلحتون ختم ڪري احتساب وارو عمل تيز ڪري ڇڏيو آهي، پر بدعنواني جي خاتمي لاءِ سزا ۽ جزا وارو موثر نظام هئڻ ضروري آهي. اسلام آباد ۾ تقريب کي خطاب ڪندي صدر ممنون حسين چيو ته عزت انهن کي ملندي آهي، جن جو قبلو درست هوندو آهي، ناڻي ذخيرن ۾ واڌ سان ملڪي معيشت مضبوط ٿي رهي آهي. هن چيو ته پاڪ-چين اقتصادي راهداري منصوبو خطي لاءِ سٺو ثابت ٿيندو، جڏهن ته ملڪ ۾ ٻيا ڪيترائي نوان منصوبا پڻ شروع ٿيندا. صدر چيو قومي معاملا شفافيت سان هلائڻ ملڪ جي ترقي جو بهتر رستو آهي، حڪومت سول سروسز ۾ سڌارن لاءِ مشاورت ڪري رهي آهي. سندس چوڻ هو ته ڪرپشن، بدعنواني ۽ دهشتگردي پاڪستان کي وڏو نقصان پهچايو، بدعنواني جي خاتمي لاءِ احتساب واري عمل ۾ تيزي آندي وئي آهي. ممنون حسين موجوده حڪومت جو ڪرپشن بابت ڪو اسڪينڊل سامهون نه اچڻ منصوبن ۾ شفافيت جو  ثبوت آهي،  ملڪي معيشت جي بهتر لاءِ کنيل قدمن کي عالمي ادارن به ساراهيو آهي. صدر ممنون حسين وڌيڪ چيو ته ڪرپشن، بدعنواني ۽ سياسي مسئلن ملڪ کي وڏو نقصان پهچايو آهي، بدعنواني جي خاتمي لاءِ احتساب وارو عمل تيز ڪيو ويو آهي، موجوده حڪومت ۾ ڪرپشن جو ڪوبه اسڪينڊل سامهون ناهي آيو.

 

وزِيراعظم جي صدرات هيٺ اعليٰ سطحي اجلاس، آرمي چيف ۽ اعليٰ اختيارين جي شرڪت اسلام آباد: وزيراعظم نوازشريف جي صدرات هيٺ سيڪيورٽي بابت اعليٰ سطحي اجلاس ٿيو، جنهن ۾ ملڪي سلامتي ۽ ٻاهرين صورتحال تي غور ڪيو ويو. ذريعن مطابق اجلاس ۾ وفاقي گهرو وزير چوڌري نثار علي خان، وزيراعظم جو خاص معاملن وارو صلاحڪار سرتاج عزيز، سهڪاري طارق فاطمي، آرمي چيف جنرل راحيل شريف، ڊي جي آئي ايس پي آر ليفٽيننٽ جنرل عاصم باجوا سوڌو ٻين اعليٰ اختيارين شرڪت ڪئي. اجلاس ۾ ملڪي سلامتي ۽ ٻاهرين صورتحال سوڌو نيشنل ايڪشن پلان بابت به خيال جي ڏي وٺ ٿي. ٻئي پاسي گڏيل اجلاس ۾ وزيراعظم  جي 19 آڪٽوبر جي آمريڪا جي دوري بابت به ڳالهيون ڪيون ويون ۽ خاص طور تي آمريڪي صدر باراڪ اوباما سان ملاقات ۽ ان ۾ خطي جي سلامتي ۽ پاڪستان جي ڪردار جي حوالي سان ٿيندڙ ڳالهين تي به غور ويچار ڪيو ويو.

اسلام آباد (بيورو) وزيراعظم نوازشريف جي صدرات هيٺ سيڪيورٽي بابت اعليٰ سطحي اجلاس ٿيو، جنهن ۾ ملڪي سلامتي ۽ ٻاهرين صورتحال تي غور ڪيو ويو. ذريعن مطابق اجلاس ۾ وفاقي گهرو وزير چوڌري نثار علي خان، وزيراعظم جو خاص معاملن وارو صلاحڪار سرتاج عزيز، سهڪاري طارق فاطمي، آرمي چيف جنرل راحيل شريف، ڊي جي آئي ايس پي آر ليفٽيننٽ جنرل عاصم باجوا سوڌو ٻين اعليٰ اختيارين شرڪت ڪئي. اجلاس ۾ ملڪي سلامتي ۽ ٻاهرين صورتحال سوڌو نيشنل ايڪشن پلان بابت به خيال جي ڏي وٺ ٿي. ٻئي پاسي گڏيل اجلاس ۾ وزيراعظم  جي 19 آڪٽوبر جي آمريڪا جي دوري بابت به ڳالهيون ڪيون ويون ۽ خاص طور تي آمريڪي صدر باراڪ اوباما سان ملاقات ۽ ان ۾ خطي جي سلامتي ۽ پاڪستان جي ڪردار جي حوالي سان ٿيندڙ ڳالهين تي به غور ويچار ڪيو ويو.

 

پ پ پ چيئرمين بلاول ڀٽو زرداري جي بيجنگ ۾ چيني صدر سان ملاقات ، گڏيل دلچسپي جي معاملن تي ڳالهيون

ڪراچي(اي پي پي) پاڪستان پيپلز پارٽي جي چيئرمين بلاول ڀٽو زرداري چين جي صدر لي شنگ پنگ سان گادي واري شهر بيجنگ ۾ شاهراهه ريشم بابت ايشيائي سياسي پارٽين جي ڪانفرنس جي موقعي تي ملاقات ڪئي. جمعي ڏينهن هتي جاري ٿيل هڪ پريس پڌرائي مطابق ٻنهي اڳواڻن عوام جي عوام سان رابطن ۽ پارٽين وچ ۾ رابطن سميت گڏيل دلچسپي جي معاملن تي ڳالهيون ڪيون. پ پ پ چيئرمين بلاول ڀٽو زرداري ڪميونسٽ پارٽي آف چائنا جي اهتمام هيٺ منعقد ٿيندڙ ڪانفرنس ۾ شرڪت ڪئي ۽ مختلف ايشيائي ملڪن سان تعلق رکندڙ سياسي پارٽين جي نمائندن سان ملاقات ڪئي.

 

محرم الحرام ۾ فوج گهرائڻ جي ڪا به ضرورت ناهي: نثار کهڙو

ڪراچي(اسٽاف رپورٽر) سنڌ جي اطلاعات ۽ تعليم واري سينيئر وزير نثار احمد کهڙو چيو آهي ته محرم الحرام جي موقعي تي فوج کي گهرائڻ جي ڪا به ضرورت ناهي، امن امان جي قيام لاءِ سول حڪومت پوليس ۽ رينجرز موجود آهي ۽ محرم الحرام دوران سنڌ ۾ امن امان کي برقرار رکڻ لاءِ سيڪيورٽيءَ جا بهتر انتظام ڪيا ويا آهن اميد آهي ته ڪو به اڻ وڻندڙ واقعو پيش نه ايندو. اهڙن خيالن جو اظهار هن جمعي ڏينهن ڪراچيءَ جي مقامي هوٽل ۾ميڊيا سان ڳالهائيندي ڪيو. نثار احمد کهڙو چيو ته پيپلز پارٽي مڪاني چونڊون ملتوي نه ٿي ڪرائڻ چاهي، چونڊون ملتوي ڪرائڻ جو پيپلز پارٽيءَ تي صرف الزام آهي جنهن الزام کي رد ڪيون ٿا. هن چيو ته اسين چاهيون ٿا ته مڪاني چونڊون وقت تي ٿين. هن چيو ته اليڪشن ڪميشن جو ڪم تڪبنديون ڪرڻ ضرور آهي پر حڪومت پاران اعلانيل ٽائون ۽ يونين ڪميٽيز کي رد ڪري يونٽ جو نالو تبديل ڪرڻ جو اليڪشن ڪميشن کي ڪو به اختيار ناهي. هن چيو ته حڪومت جي ان ڪم ۾ مداخلت ڪري اليڪشن ڪميشن ڪنفيوزن پيدا ڪئي جنهن ڪري عدالت ۾ وڃڻو پيو. هن چيو ته صوبائي هيڪ ٺاهي وئي آهي پر ڪم ڪرڻ نه ٿو ڏنو وڃي جيڪو عمل صوبائي خودمختاريءَ جي خلاف آهي. هن چيو ته سنڌ پاران جوڙيل صوبائي هيڪ کي فنڊنگ وفاق پاران نه ٿي ڪئي وڃي ۽ اها فنڊنگ پڻ صوبائي حڪومت پاڻ ڪري رهي آهي. هن چيو ته نجي اسڪولن ۾ فيس جي معاملي تي والدين جو ساٿ ڏيندا سين ۽ جيڪو نجي اسڪول بنا اجازت تي واڌو فيس وصول ڪندو ان جي رجسٽريشن رد ڪئي ويندي.

 

ڪشمير تڪرار گڏيل قومن جي ٺهرائن تحت حل ڪيو وڃي: پاڪستان

اسلام آباد (بيورو) پاڪستان، عالمي برادري تي زور ڀريو آهي ته ڪشمير تڪرار گڏيل قومن جي ٺهرائن تحت حل ڪيو وڃي،اسلام آباد،نئين دهليءَ سان سمورا مسئلا ڳالهين ذريعي حل ڪرڻ چاهي ٿو. گڏيل قومن ۾ پاڪستان جي مستقل سفير مليحه لوڌي جنرل اسيمبليءَ جي اجلاس کي خطاب ڪندي ڪشمير تڪرار هڪ ڀيرو وري عالمي برادري آڏو اٿاريو آهي. مليحه لوڌي،عالمي برادري تي زور ڀريو ته ڪشمير تڪرار گڏيل قومن جي قراردادن جي روشنيءَ ۾ حل ڪرايو وڃي. هن واضح ڪيو ته پاڪستان،ڪشمير سميت سمورن تڪرارن جي حل لاءِ ڀارت سان ڳالهين لاءِ تيار آهي،پر ڪشميري اڳواڻن کي شامل ڪرڻ کانسواءِ ڳالهين جي ڪاميابي ناممڪن آهي. سندس چوڻ هو ته ڀارت کي پاڪستان جي چار نقاطي ايجنڊا جو مثبت جواب ڏيڻ گهرجي ها، پر بدقسمتي سان ائين نه ٿي سگهيو. مليحه لوڌي جو وڌيڪ چوڻ هو ته افغانستان ۾ امن لاءِ پاڪستان ڪردار ادا ڪندو رهندو،جڏهن ته فلسطين ۾ امن ڪوششن جي ناڪامي جو ذميوار اسرائيل آهي.

 

اليڪشن ڪميشن ملڪيت جا تفصيل جمع نه ڪرائڻ تي 272 پارليامينٽ جي رڪنيت معطل ڪري ڇڏي

اسلام آباد(بيورو) اليڪشن ڪميشن ملڪيت جا تفصيل جمع نه ڪرائڻ تي 272 پارليامينٽ جي رڪنيت معطل ڪري ڇڏي آهي. سردار يوسف، خرم دستگير، امين فهيم، خالد مقبول صديقي، شفقت محمود، مولانا خان شيراني، جمشيد دستي به انهن ۾ شامل آهن.اليڪشن ڪميشن ملڪيت جي تفصيل جمع نه ڪرائڻ تي پارليامينٽ جي ميمبرن جي رڪنيت ختم ڪري ڇڏي. ان ۾ قومي اسيمبلي جا62، سينيٽ جا 13، پنجاب اسيمبلي جا123، سنڌ جا 26، خيبرپختونخوا جا 39 ۽ بلوچستان جا9 ميمبر شامل آهن. ٽي وفاقي وزير سردار يوسف، خرم دستگير،پير امين الحسنات جي رڪنيت به ختم ڪري ڇڏي آهي. امين فهيم، ظفر اقبال جهگڙا، تاج حيدر، شفقت محمود، خالد مقبول صديقي، فروغ نسيم، شاهي سيد، راحيلا مگسي، جمشيد دستي، اويس لغاري، مولانا محمد خان شيراني، حاصل بزنجو به ملڪيت جا تفصيل جمع نه ڪرايا آهن.

 

ڀارت ۾ ڌماڪو، 8 ڄڻا مارجي ويا، ڪيترائي زخمي

ممبئي (م.ڊ) ڪرلا جي هڪ هوٽل ۾ سيلينڊر جي ڌماڪي ۾ 8 ڄڻا مارجي ويا جڏهن ته ڪيترائي زخمي ٿيا. ڀارتي ميڊيا رپورٽن مطابق ڀارت جي شهر ممبئي جي علائقي ڪرلا ۾ ڪنارا هوٽل ۾ سيلينڊر ڦاٽڻ سبب هڪ عورت سوڌو 8 ڄڻا ٿڏي تي ئي مارجي ويا، جڏهن ته ڪيترائي زخمي ٿيا.امدادي ٽيمن جي اهلڪارن ڌماڪي ۾ مارجي ويندڙ ۽ زخمين کي اسپتال موڪليو ويو، جتي زخمين کي طبي مدد ڏني پئي وڃي. پوليس علائقي کي ڪڙو چاڙهي واقعي جي جاچ شروع ڪري ڏني آهي.

 

سنڌ حڪومت آصف زرداري تي وڏو خرچ ڪري رهي آهي: عمران خان

اسلام آباد (بيورو) پي ٽي آءِ سربراهه عمران خان چيو آهي ته سنڌ حڪومت آصف زرداري تي وڏو خرچ ڪري رهي آهي، ملڪ جو هر ماڻهو قرضي آهي، اهڙي صورتحال ۾ ٻي ڪهڙي سازش ٿي سگهي ٿي. اسلام آباد ۾ پريس ڪانفرنس ڪندي عمران خان چيو ته عام چونڊن ۾ اليڪشن ڪميشن جي ميمبرز اڻڳڻيون غلطيون ڪيون، جن جو احتساب ٿيڻ گهرجي. هن چيو ته اياز صادق جي ڪاميابي تي نواز ليگ سرڪار کي خوش نه ٿيڻ گهرجي، عليم خان هارايو ضرور آهي پر هن پر عوام جو اعتماد حاصل ڪيو آهي. سندس چوڻ هو ته وفاقي حڪومت ننڍن صوبن سان زيادتي ڪري رهي آهي، ڪي پي ڪي جي ترقياتي ڪمن لاءِ مختص رقم اڃا تائين نه ملي سگهي آهي. عمران خان چيو ته ڪي پي ڪي جي پوليس غير سياسي آهي، پنجاب ۽ سنڌ ۾ پوليس جانبدار هئڻ سبب عوام کي انصاف نه پيو ملي. پي ٽي آءِ سربراهه چيو ته ننڍي چونڊ ۾ ووٽرز کي روڪيو ويو، اليڪشن ڪميشن جا ميمبرز ڌر بڻيل آهي، چيف اليڪشن ڪمشنر کي ذميوارن جو احتساب ڪرڻ گهرجي. عمران خان آصف زرداري تي تنقيد ڪندي چيو ته سنڌ سرڪار پ پ جي شريڪ چيئرمين تي وڏو پئسو خرچ ڪري رهي آهي، وڏي وزير کي هاڻي عوام سان انصاف ڪرڻ گهرجي. تحريڪ انصاف جي سربراهه وڌيڪ چيو ته پاڪستان جو هر ماڻهو قرضي آهي، اهڙي صورتحال ۾ ڀلا ملڪ خلاف ٻِي سازش ٿي سگهي ٿي.