تازيون خبرون

Daily Archives: September 6, 2015

ورڪنگ بائونڊري ۽ ايل او سي تي ڀارتي اڳرائي جو نوٽيس ورتو وڃي: پاڪستان جو سلامتي ڪائونسل کان مطالبو

گڏيل قومون (اي پي پي) پاڪستان گڏيل قومن جي سلامتي ڪائونسل تي زور ڏنو آهي ته هو تڪراري ڄمون ۽ ڪشمير جي علائقي ۾ لائن آف ڪنٽرول ۽ ورڪنگ بائونڊري تي ڀارت جي بنا جواز فائرنگ جو نوٽيس وٺي جنهن جي نتيجي ۾ شهرين جي شهادت ۽ ماڻهن جي زخمي ٿيڻ جا واقعا پيش اچي رهيا اهن. گڏيل قومن جي سلامتي ڪائونسل جي موجوده صدر ويتالي چورڪين، جيڪو گڏيل قومن ۾ روس جو مستقل نمائندو آهي، جي نالي پنهنجي خط ۾ گڏيل قومن ۾ پاڪستان جي مستقل نمائندي ڊاڪٽر مليحه لوڌي اها ڳالهه زور ڏيندي چئي آهي ته ڀارت کي 2003ع ۾ طئي ٿيل سيز فائر معاهدي تي عمل جو پابند بڻايو وڃي، ان خط ذريعي ڊاڪٽر مليحا لوڌي گڏيل قومن جي اعليٰ ترين فورم تي ڀارتي جارحيت جو معاملو کنيو آهي. پنهنجي خط ۾ هن جنگ بندي معاهدي جي ڀڃڪڙي جي ڪيترن ئي واقعن جي نشاندهي ڪئي آهي ۽ چيو ته گذريل ڪجهه مهينن دوران اهڙي قسم جي واقعن ۾ نمايان اضافو ٿيو آهي. ڀارتي فوج بنا جواز فئارنگ دوران ننڍن هٿيارن ۽ گڏوگڏ ڳرن مارٽر گنن جي فائرنگ سان شهري آبادي جن ۾ عورتون ۽ ٻار پڻ شامل آهن کي نشانو بڻائي رهي آهي. هن سلامتي ڪائونسل جي صدر کي درخواست ڪئي آهي ته ان خط کي سلامتي ڪائونسل ۾ سرڪاري دستاويز طور ورهايو وڃي. گذريل هفتن م پاڪستان گڏيل قومن جي سياسي معاملن بابت کاتي ۽ امن مشن آپريشن ۾ لائن آف ڪنٽرول ۽ ورڪنگ بائونڊري تي ڀارتي جارحيت جي حوالي سان معاملا اٿاريندو رهيو آهي. ان ئي سلسلي ۾ ڊاڪٽر مليحا لوڌي گڏيل قومن جي سينئر قيادت جنهن ۾ ڊپٽي جنرل جان ايلياسن پڻ شامل اهي، کي ڀارتي جارحيت بابت تفصيلي طور تي آگاهه ڪيو.

 

ڪراچي ۾ اڃان به پابندي مڙهيل تنظيمن جا سليپر سيل ڪم ڪري رهيا آهن: مشتاق مهر

ڪراچي (اسٽاف رپورٽر) ڪراچي آپريشن کي 2 سال مڪمل ٿيڻ تي پوليس ۽ رينجرز عملدارن دعويٰ ڪئي آهي ته آپريشن کانپوءِ ڪراچي ۾ ڏوهن ۾ 60 کان 70 سيڪڙو ۽ ٻهراڙي وارن علائقن 95 سيڪڙو گهٽتائي آئي آهي، اي آءِ جي مشتاق مهر  چيو آهي ته هاءِ پروفائيل ڪيس فوجي عدالتن ڏانهن موڪليا ويندا ۽ پوليس جي هڪ هزار اهلڪارن کي بليڪ لسٽ ڪيو ويو آهي. ڪراچي آپريشن کي 2 سال مڪمل ٿيڻ تي ڪراچي ۾ منعقد ٿيل تقريب کي خطاب ڪندي اي آءِ جي مشتاق مهر چيو ته ڪراچي ۾ آپريشن دوران 343 ڀتي خورن، 550 ٽارگيٽ ڪلرز ۽ 913 دهشتگردن کي گرفتار ڪيو ويو ۽ گرفتار ٿيل جوابدارن وٽان 15 هزار 400غير قانوني هٿيار هٿ ڪيا ويا آهن. هن چيو ته  آپريشن ۾ پوليس جي 232آفيسرن ۽ جوانن پنهنجون قربانيون ڏنيون آهن، ڪراچي ۾ ٽارگيٽ ڪلنگ ۽ ڀته خوري جي واقعن ۾ 60 کان 70 سيڪڙو گهٽتائي آئي آهي. هن چيو ته هاءِ پروفائيل ڪيس فوجي عدالتن ڏانهن موڪليا ويندا ۽ حڪومت کي اي ٽي سي جو انگ وڌائڻ لاءِ درخواست ڏني آهي. مشتاق مهر  چيو ته سنڌ جي ٻهراڙي وارن علائقن ۾ ڏوهن ۾ 95 سيڪڙو گهٽتائي  آئي آهي پر دهشتگردن جي سليپر سيلز کي اڃا ختم ڪرڻو آهي. هن چيو ته ڪراچي ۾ موبائل فون جي ڦر وارن واقعن کي روڪڻ چئلنج آهي ۽ شهر ۾ 34 کان 35 هنڌن تي اهڙا واقعا ٿين ٿا. اي آءِ جي مشتاق مهر چيو ته پوليس ۾ احتساب وارو عمل شروع ڪيو ويو آهي ۽ هيل تائين هڪ هزار اهلڪارن کي بليڪ لسٽ ڪيو ويو آهي.  رينجرز جي ڪرنل امجد جو چوڻ  هو ته شهرين جي جان جي حفاظت لاءِ آپريشن اڻٽر هو  ۽ آپريشن کانپوءِ وڏيون ڪاميابيون مليون آهن. ڪرنل امجد چيو ته ڪراچي ۾ 2013 ۾ 2700 ماڻهن کي قتل ڪيو ويو ۽ قومي اثاثن کي نقصان کان بچائڻ لاءِ آپريشن ضروري هو. رينجرز جي ڪرنل چيو ته آپريشن دوران پابندي مڙهيل تنظيمن ۽ سياسي پارٽين جي هٿياربند ونگز خلاف به ڪارروائي ڪئي وئي آهي. رينجرز جي ڪرنل چيو ته ڪراچي آپريشن جا سٺا نتيجا سامهون اچي رهيا آهن ۽ ڪراچي جا شهري آپريشن جاري رکڻ جو مطالبو ڪري رهيا آهن. واپاري اڳواڻ سراج قاسم تيلي چيو ته ڪراچي شهر بابت  سندس 50 سالن جو تجربو آهي ، سياسي بنيادن تي آپريشن شروع ۽ ختم ٿيندا رهيا آهن. هن چيو ته جيڪڏهن ته ڪراچي آپريشن بند ڪيو ويو ته حالتون اڳ کان به وڌيڪ خراب ۽ خونريزي ٿيندي.

 

فوج سان گڏجي ڪري خطي مان دهشتگردي جي پاڙ پٽي ويندي: وزيراعظم

اسلام آباد(بيورو) وزيراعظم ميان نواز شريف، ملڪ جَي شهيدن ۽ غازين کي سلام پيش ڪندَي چيو آهي ته پاڪستان پرامن ۽ ذميوار ايٽمي ملڪ آهي، فوج سان گڏجي ڪري خطي مان دهشتگردي جِي پاڙ پٽي ويندي. بچاءَ واري ڏهاڙَي جِي مناسبت سان جاري ڪيل پيغام ۾ وزيراعظم چيو ته هو ملڪ جَي شهيدن ۽ غازين کي سلام پيش ڪري ٿو. نواز شريف چيو ته پاڪستان پرامن ۽ ذميوار ايٽمي ملڪ آهي. وزيراعظم چيو ته دهشتگرديءَ خلاف جنگ ۾ سياسي ۽ فوجي قيادتون هڪ پيج تي آهن، دهشتگرديءَ جو هر صورت ۾ خاتمو آندو ويندو. ميان نواز شريف هميشه جيان ڀارت سميت سمورن پاڙيسري ملڪن سان بهتر لاڳاپن جي خواهش جو پڻ اظهار ڪيو.

 

ڪنهن به صورت ۾ سنڌ جو ورهاڱو ٿيڻ نه ڏنو ويندو: آصف زرداري

دبئي /ڪراچي(اسٽاف رپورٽر/م.ڊ) پاڪستان پيپلز پارٽي جي شريڪ چيئرمين آصف علي زرداري چيو آهي ته الطاف حسين کي روزانو جي بهتان بازي نٿي جڳائي. دبئي مان جاري ڪيل بيان ۾ آصف علي زرداري چيو ته پ پ هميشه متحده سان ٿيل واعدن جي پاسداري ڪئي. هن چيو ته متحده واعدا ڪري ڦري وئي ۽ پ پ کي دوکا ڏنا. آصف علي زرداري چيو ته الطاف حسين جي ناڪاري سياست متحده لاءِ به نقصانڪار آهي. اڳوڻي صدر چيو ته متحده سان سنڌ جي ورهاڱي تي ڪا به ڳالهه ٻولهه نه ٿيندي. هن چيو ته متحده قومي ڌاري ۾ رهي ملڪ جي خدمت ڪري. آصف علي زرداري واضح ڪيو ته پيپلز پارٽي ڪڏهن به سنڌ جو ورهاڱو ٿيڻ نه ڏيندي. پاڪستان پيپلزپارٽي جي چيئرمين بلاول ڀٽو زرداري اڄ بچاءُ جي ڏهاڙي تي پوري پاڪستاني قوم تي اتحاد لاءِ ڀرپورڪوششون وٺڻ تي زور ڀريندي چيو آهي ته ملڪ کي سڀني قسمن جي دشمنن کان بچائڻ لاءِ هڪ جٽادارطاقت جي ضرورت آهي. بلاول ڀٽو زرداري بچاءُ واري ڏهاڙي جي موقعي تي پوري قوم کي واڌايون ڏيندي ملڪ جي دفاع ۽ سلامتي لاءِ پهاڙن جيان ارڏا بنجي دشمنن سان مقابلو ڪندڙن ۽ جان جو نذرانو پيش ڪندڙن کي خراج عقيدت پيش ڪيو آهي. هن چيو ته اسان جي وطن جي حفاظت لاءِ جن شهادت ماڻي آهي اهي اسان جا هيرو آهن ۽ کين هميشه احترام جي نگاه سان ڏٺو ويندو. پيپلزپارٽي جي چيئرمين بلاول ڀٽو زرداري وڌيڪ چيو ته ٻن وزيراعظمن شهيد ذوالفقار علي ڀٽو ۽ شهيد محترمه بينظير ڀٽو طرفان ملڪ جي دفاع کي ائٽمي ۽ ميزائيل ٽيڪنالاجي ذريعي ناقابل تسخير بنائڻ لاءِ ڪيل ڪوششون هميشه تاريخ جي سنهري بابن ۾ شامل رهنديون. بلاول ڀٽو زرداري چيو ته دشمنن کي شڪست ڏيڻ ۽ انهن جي ارادن کي خاڪ ۾ ملائڻ لاءِ اڄ 6 سيپٽمبر تي هٿياربند فورسزکان وٺي مزدورطبقي تائين سموري قوم کي پنهنجي سموري طاقت کي هڪ هنڌ ميڙي ٻڌي ۾ بدلائڻو پوندو. بلاول ڀٽو زرداري چيو ته پاڪستان پيپلزپارٽي پاڪستان لاءِ ڪنهن ملڪ يا ڪنهن دهشتگردن ۽ انتهاپسندن جي خطرن خلاف ويڙه جي ميدان ۾ هميشه اڳڀرو ٿي مقابلو ڪندي

 

اڳوڻي وزيراعظم يوسف رضا گيلاني ۽ مخدوم امين فهيم جا ضمانت نه ٿيڻ جوڳا گرفتاري وارنٽ جاري

ڪراچي (اسٽاف رپورٽر) ڪراچي جي وفاقي اينٽي ڪرپشن ڪورٽ ٽڊاپ ۾ ڪرپشن جي هڪ وڌيڪ ڪيس ۾ اڳوڻي وزير اعظم يوسف رضا گيلاني ۽ مخدوم امين فهيم جا ضمانت نه ٿيڻ جوڳا گرفتاري وارنٽ جاري ڪري ڇڏيا آهن،عدالت ٻنهي اڳواڻن کي گرفتار ڪري پيش ڪرڻ جو حڪم ڏنو آهي. وفاقي اينٽي ڪرپشن ڪورٽ ۾ ٽڊاپ ڪرپشن ڪيس جي ٻڌڻي ٿي، جنهن دوران ايف آءِ اي جي جاچ آفيسر علي حسن زرداري،  يوسف رضا گيلاني ۽ مخدوم امين فهيم خلاف ڪرپشن جي هڪ وڌيڪ ڪيس ۾ چالان پيش ڪيو. عدالت ايف آءِ اي پاران پيش ڪيل چالان منظوري ڪندي ٻنهي اڳواڻن جا ضمانت نه ٿيڻ جوڳا گرفتاري وارنٽ جاري ڪندي کين گرفتار پيش ڪرڻ جو حڪم ڏنو آهي. عدالت ان کان اڳ 24 ڪيسن ۾ ٻنهي اڳواڻن جا ضمانت نه ٿيڻ جوڳا گرفتاري وارنٽ جاري ڪيا هئا، جڏهن ته يوسف رضا گيلاني 9 ڪيسن ۾ ضمانت ڪرائي چڪو آهي.

 

عبدالحفيظ پيرزادي جي وڇوڙي سان نه صرف وڪالت پر ليڊرشپ ۾ وڏو خال پيدا ٿيو آهي: قائم علي شاهه

سکر (بيورو) وڏي وزير قائم علي شاهه چيو آهي ته عبدالحفيظ پيرزادي جو 1973ع واري آئين جي تياري ۾ مک ڪردار هو،  سندس وڇوڙي سان نه صرف وڪالت پر ليڊرشپ ۾ وڏو خال پيدا ٿيو آهي، خورشيد شاهه جو چوڻ آهي ته حفيظ پيرزادي سان 2 ڏينهن اڳ ملاقات ٿي، ٻنهي ننڍپڻ واري دور جي ياد تازي ڪئي. وڏي وزير سيد قائم علي شاهه سکر ۾ عبدالحفيظ پيرزادي جي جنازي نماز ۾ شرڪت ڪرڻ کانپوءِ ميڊيا سان ڳالهائيندي چيو ته حفيظ پيرزادي جي وڇوڙي تي جيترو به ڏک ڪجي اهو گهٽ آهي، ساڻس ڪاليج جي دور کان وٺي گڏ وقت گذريو. وڏي وزير چيو ته حفيظ پيرزادو تمام ذهين انسان هيو، هـُن ذوالفقار علي ڀٽو جي آئڊياز کي 1973ع جي آئين جي شڪل ۾ پيش ڪيو، جيڪو سڀني پارٽين کي اڄ به قبول آهي. سيد قائم علي شاهه چيو ته حفيظ پيرزادي جي لاڏاڻي سان انسانيت، وڪالت ۽ ليڊر شپ ۾ وڏو خال پيدا ٿي ويو آهي. قومي اسيمبليءَ ۾ اپوزيشن ليڊر سيد خورشيد شاهه به حفيظ پيرزادي جي جنازي نماز ۾ شرڪت بعد ڳالهائيندي چيو ته حفيظ پيرزادو نهايت شفيق انسان هيو، هن هميشه همٿايو. هن چيو ته حفيظ پيرزادي سان 2 ڏينهن اڳ سندس ملاقات ٿي، جنهن ۾ هن جوانيءَ جي يادن کي تازو ڪيو. سيد خورشيد شاهه چيو ته ذوالفقار علي ڀٽو کانپوءِ حفيظ پيرزادي جي سياست مان دل ڀرجي وئي آهي، جنهن سبب هــُو پاسيرو رهندو هو.

 

بينظير ڀٽو جي شهادت کان ڪجهه وقت پهريان مونکي هڪ فون آيوهو،هاڻي  اهو راز عدالت ۾ کلندو: ناهيد خان

لاهور (م.ڊ) شهيد محترما بينظير ڀٽو جي ويجهي ساٿياڻي ناهيد خان چيو آهي ته محترما جي شهادت کان ڪجهه وقت پهريان مونکي هڪ  فون آيو  هو، مان ان فون جي باري ۾ اڃا تائين الهه ناهي ڪئي پر هاڻي مان عدالت ۾ اها ڳالهه رکنديس.هڪ نجي ٽي وي چينل سان ڳالهائيندي هن  چيو ته منهجي ميڊيا تي اچڻ تي اُهي ئي ماڻهو جواب ڏئي سگهن ٿا، جيڪي مونکي  ميڊ يا  ۾  آڻڻ چاهين ٿا. ميڊ يا ۾ اچڻ وڏي ڳالهه ناهي، انسان کي جيئرو رهڻ کپي لازمي ناهي ته اهو ميڊ يا تي جئيرو رهي،مان پاڻ چوان ٿي ته منهنجي مٿان ايف آءِ آر داخل ڪرائي وڃي، گهٽ ۾ گهٽ شهيد بينظير جي قاتلن تائين ته پهچيو وڃي،آصف  زرداري سدائين مونکان ڊنل رهندو هو،بينظير ڀٽو جي شهادت کانپوءِ جيڪڏهن مان سرگرم رهان ها ته زرداري ليگ نه هجي ها ۽ پيپلز پارٽي شهيد ڀٽو واري پارٽي رهي ها ،پر آصف زرداري پارٽي کي پنهنجي ذاتي ملڪيت بڻائي ڇڏيو،ڇو ته  هوڊڄڻو ماڻهو آهي،وڏيون وڏيون ڳالهيون ڪرڻ سان ڪير به جوان ناهي هوندو ،مان ته پهريان ئي سمجهي وئي هئس ته منهنجي خلاف سازش ڪئي ويندي مونکي  ڏوهاري به ناهي بڻايو ويو ۽ مونکي شهادت جي قابل به نه سمجهيو ويو،محترما جي گاڏي ۾ صفدر عباسي،امين فهيم،۽ مان اسان 3 ماڻهو ويٺا هئاسين، اسان کان ڪو به بيان نه ورتو ويو.ڊرائيور جي شهادت ته ٿي سگهي ٿي پر اسان ٽنهي مان ڪنهن جي به گواهي نه ٿي سگهي .جڏهن بي بي جي قتل جي جاچ ٿي رهي هئي ته ڪو به ادارو آزاد نه هو.پيپلز پارٽي ۾ جيڪڏهن ڪو ذاتي حيثيت ۾ ڪرپشن ڪري رهيو آهي ته ان کي ڪرپشن نه چوڻ گهرجي ،جيڪي ماڻهو زرداري جا ذاتي ماڻهو آهن اهي ڪرپشن ڪري رهيا آهن.مان شهيد ڀٽو ۽ شهيد بينظير ڀٽو کي مڃيا ٿي ته لاڙڪاڻا ۾ منهنجو سياسي قعبو آهي. پ پ رجسٽرڊ پارٽي ناهي، اهو ڪيس اڃا تائين عدالت ۾ هلي رهيو آهي .بلاول ڀٽو اسان سان ڪڏهن به رابطو ناهي ڪيو، بلاول پنهنجي ماءُ جي حوالي سان ڪڏهن به تعلق ناهي رکيو، هو بينظير ڀٽو جو پُٽ آهي ، اسانجون دعائون ساڻس  گڏ آهن، هن سب رشتا ٽوڙي ڇڏيا آهن هن جي سوچ رڳو طاقت  لاءِ آهي،هو شهيد ذوالفقار علي ڀٽو جو ڏوهٽو آهي،عوام هن کي چاهي ٿو،پر هن کي منجهايو ويو آ، اڳوڻي سينيٽر ڊاڪٽر صفدر عباسي جو چوڻ آهي، ته شهيد محترما بينظير ڀٽو جي شهادت کانپوءِ  شروعاتي  ڏينهن ۾ ئي اسانجي خلاف هڪ مهم هلائي وئي.مان پهرين ڏينهن ئي چيو هو ته توهان پارٽي جي اندر جاچ ڪرايو، جئين اسان پارٽي جي جاچ کي بنياد بڻائي عدالت ۾ ڪيس وڙهي سگهون.7سالن کانپوءِ به اهو ئي چوان ٿو ته بينظير ڀٽو جي شهادت پٺيان اصل حقيقتن کي لڪايو پيو وڃي.ماڻهو ڏسڻ ٿا چاهين ته بلاول ايندڙ ڏينهن ۾ ڇا پيو ڪري،پهريان اوهان هن کي ميدان ۾ لاٿو، پوءِ اوهان ئي سندس کي ٻار ڪوٺي هن جي عزت گهٽائي ڇڏي، 30 نومبر تي پيپلز پارٽي جي سالگرهه ملهائي وئي ان ۾ به بلاول کي ٻاهر ويهاريو ويو.

 

رينجرز اختيارين کي ڌمڪيون، الطاف حسين روپوش قرار

ڪراچي (اسٽاف رپورٽر) ڪراچي جي دهشتگردي ٽوڙ عدالت، رينجرز اختيارين کي سنگين نتيجا ڀوڳڻ جون ڌمڪيون ڏيڻ بابت ڪيس ۾ الطاف حسين کي روپوش قرار ڏئي ڇڏيو، جڏهن ته سندس ملڪيت ضبط ڪرڻ ۽ ٿاڻن ۾ تصويرون اشتهاري جي حيثيت سان لڳائڻ جو پڻ حڪم ڏنو ويو آهي. دهشتگردي ٽوڙ عدالت، نمبر 3 ۾ رينجرز جي ترجمان ڪرنل طاهر جي فرياد تي الطاف حسين خلاف ڪيس جي ٻڌڻي ڪئي. ٻڌڻي دوران جاچ آفيسر، ٻن شاهدن تي ٻڌل رپورٽ عدالت ۾ جمع ڪرائي. جاچ آفيسر جي رپورٽ ۾ چيو ويو آهي ته عدالتي حڪم تي پوليس الطاف حسين جي رهائشگاهه تي ڪارروائي ڪئي، جتي سندس پاڙيسرين ٻڌايو ته متحده سربراهه 1992ع ۾ لنڊن هليو ويو هو ان ڪري سندس گرفتاري ممڪن ناهي. عدالت کي درخواست ڪئي ته الطاف حسين خلاف قلم 87 ۽ 88 تحت ڪارروائي ڪرڻ جي اجازت ڏني وڃي. عدالت جاچ آفيسر جي درخواست منظور ڪندي ايم ڪيو ايم سربراهه کي روپوش قرار ڏيندي ٻيهر ضمانت نه ٿيڻ جوڳا گرفتاري وارنٽ جاري ڪري ڇڏيا. عدالت، قلم 87 تحت الطاف حسين جي ملڪيت ضبط ڪرڻ ۽ 88 تحت ٿاڻن ۾ سندس تصويرون اشتهاري جي حيثيت سان لڳائڻ جو حڪم ڏيندي 22 سيپٽمبر تي ٻيهر رپورٽ طلب ڪري ورتي.

 

آصف زرداري ۽ الطاف حسين جي نوراڪشتي ۾ نواز شريف به شامل آهي، سنڌ ۾ پ پ جو مستقبل اونڌاهون پيو ڏسان: عمران خان

ڏهرڪي (رپورٽر) تحريڪ انصاف جي چيئرمين عمران خان جو ضلعي گهوٽڪي جي دوري گهوٽڪي ضلعي جي سياست ۾ هلچل مچائي ڇڏي، پيپلز پارٽي ۽ مهر گروپ کان ناراض اهم شخصيتن تحريڪ انصاف ۾ جلد شموليت جو امڪان، سنڌ ۾ اچڻ تي عوام جو جذبو ڏسي ڪري وڏو افسوس ٿيو ته مان سنڌ ۾ اچڻ ۾ دير ڇو ڪئي مونکي سنڌ ۾ پهرين اچڻو هيو، سنڌ جي عوام تبديلي جو نعرو هڻي ثابت ڪيو ته هو هاڻ تبديل چاهن ٿا، (تحريڪ انصاف عمران خان)، پيپلز پارٽي هاڻي شهيد ڀٽو جي پارٽي نه رهي آهي هاڻي ڪرپٽ ۽ لٽيرن جي پارٽي بڻجي ويئي آهي، پيپلز پارٽي ۾ ڪرپٽ ماڻهن جي جڳهه آهي، پيپلز پارٽي پراڻي ساٿين کي نظرانداز ڪري ڇڏيو آهي، پيپلز پارٽي ۾ بلاول ڀٽو زرداري جي به نه ڌي ٻڌي وڃي پيپلز پارٽي تي هڪ ڪرپٽ ٽولي جي حڪمراني آهي، گهوٽڪي اين اي 200 تي ڌانڌلي سان کٽي آيل منهنجو مخالف علي گوهر مهر جي جلد وڪٽ ڪرڻ واري آهي، سپريم ڪورٽ مان انصاف جي توقع رکان ٿو، خبر موجب گذريل ڏينهن تحريڪ انصاف جي چيئرمين عمران خان لنڊ گروپ جي سربراهه ۽ اڳوڻي مملڪتي وزير سردار خالد احمد خان لنڊ پاران ناشتي جي دعوت خالده آباد پهتو جتي هزارين ماڻهن   ڪري عمران خان جو شاندار استقبال ڪيو، جنهن بعد سردار خالد احمد خان لنڊ تحريڪ انصاف اڳواڻن ۽ گهوٽڪي ضلعي جي اهم شخصتين پيپلز پارٽي جي اڳواڻي ايم اين اي ميان عبدالحق عرف ميان مٺو، تحريڪ انصاف سنڌ جي اڳواڻي صدر نادر اڪمل لغاري، لنڊ برادري جي سردار فياض خان لنڊ، ميان منظور احمد قادري، ميان شفيق احمد، ميان رفيق احمد، ڪاڪو خان شر، پريل خان رهڙ، فنڪشنل ليگ اڳواڻ مير بابر خان لنڊ، شهباز خان لنڊ، سردار خان لنڊ، خليل احمد سومرو سميت اهم سياسي اڳواڻن عمران خان بند ڪمري ۾ ملاقات ڪئي، ان موقعي تي تحريڪ انصاف جي چيئرمين عمران خان پريس ڪانفرنس ڪندي چيو ته زرداري ۽ الطاف جي نوراڪشتي ۾ نواز به شامل آهي، سنڌ ۾ پ پ جو مستقبل اونڌاهون ڏسي رهيو آهيان، آصف زرداري ۽ الطاف حسين پنهنجي مفادن لاءِ سنڌ جي عوام کي ورهائي ڇڏيو، ملڪ کي 70 سيڪڙو روينيو ڏيندڙ سنڌ واسي غلامن واري زندگي گهاري رهيا آهن، هن چيو ته تبديلي جي ضرورت سنڌ کي آهي، کيس هاڻي احساس ٿيو آهي ته سنڌ جو دورو اڳ ڪرڻ گهرجي ها، هن چيو ته گذريل پنجن سالن ۾ سنڌ ۾ ترقياتي ڪمن جي نالي تي 900 ارب روپيا خرچ ڪيا ويا آهن پر اهي ڪم مونکي نظر نه ٿا اچن، پيپلز پارٽي سنڌ کي کنڊر بڻائي ڇڏيو آهي، سنڌ جي عوام احساس ٿي ويو آهي ته هاڻي هو تبديلي چاهن ٿا، 19 سالن کان سنڌ جا دورا ڪري رهيو آهيان سنڌ جي ماڻهن ۾ بهتري اچڻ بجاءِ غربت جي ور چڙهي ويا آهن، هن چيو ته سنڌ جي ٻن پارٽين پيپلز پارٽي ايم ڪيو ايم جا چيئرمين جي ٻاهر ويهي سياست ڪري رهيا آهن جيڪي وڏا ڪرپٽ آهن ۽ ٻنهي تي مني لانڊرنگ جا ڪيس داخل آهن، ٻنهي پارٽي جي ٽاپ ليڊر شپ تي ڪرپشن جا ڪيس داخل آهن، جيڪي جمهوريت جو راڳ الاپي رهيا آهن انهن صرف پنهنجي مفاد لاءِ ڪم ڪيو آهي، عمران خان وڌيڪ چيو ته اليڪشن نظام کي بهتر ڪرڻ جي ضرورت آهي جيستائين اليڪشن نظام بهتر نه ٿيندو تيستائين ملڪ ۾ بهترين جمهوريت نه ايندي، سنڌ جي ماڻهن کي انصاف جي سخت ضرورت آهي، عام سنڌي ماڻهو وٽ حقوق ناهي، سنڌ جو سڀ کان وڏو مسئلو اهو آهي سنڌ جو پاڻي چوري ڪيو وڃي ٿو، سنڌ کي بجلي نه ٿي ملي، هاڻ سنڌ جي عوام کي حق ملڻ کپن، تحريڪ انصاف اقتدار ۾ اچي سنڌ جي عوام کي حق وٺي ڏيندي، اسان سنڌ کي اهي حق وٺي ڏينداسون جيڪي سنڌ جي پارٽين به سنڌ کي نه ڏنا هوندا، عمران خان وڌيڪ چيو ته سنڌ ۾ رينجرز جي ڪاروائين بعد ڪرپشن، ٽارڪلنگ، اغوا براءِ تاوان جي وارداتن ۾ گهٽتائي ٿي آهي، هن ملڪ ۾ مضبوط احتساب بيورو جي ضرورت آهي جيڪڏهن غيرجانبدار احتساب بيورو نه جوڙيو ويو ته ڪرپٽ نظام ملڪ کي تباهه ڪري ڇڏيندو. هن وڌيڪ چيو ته آصف زرداري پنهنجي دور ۾ نواز شريف جا ڪرپشن ڪيس نه کوليا، جڏهن نواز شريف جي حڪومت آئي ته هن زرداري خلاف ڪرپشن جا ڪيس کوليا نواز شريف اهو ڪيو آهي جيڪو هو 90ع واري ڏهاڪي ۾ ڪيو هو، جنهن تي زرداري واويلا ڪري رهيو آهي. هن چيو ته سنڌ 60 سيڪڙو گيس پيدا ڪري ٿي ۽ ملڪ کي 70 سيڪڙو روينيو به سنڌ مان ملي ٿو، ان باوجود صوبي جا ماڻهو غربت جي گهاڻي ۾ پيڙهجي رهيا آهن، هتان جا آبادگار ۽ جانور هڪ جهڙي زندگي گهارڻ تي مجبور آهن. عمران خان چيو ته  خيبرپختونخواهه ۾ مڪاني چونڊون ڪرائي اختيار عوام کي منتقل ڪيا آهن ۽ اتان جي پوليس کي غير سياسي بڻائي ڇڏيو آهي، سنڌ جا ماڻهو به ڪي پي ڪي جي تبديلي کي ڏسي رهيا آهن. هن چيو ته سنڌ جو چيف سيڪريٽري، آءِ جي ۽ ٻه ايڊيشنل آءِ جيز ڪرپشن ڪيس ۾ضمانت تي آهن، رينجرز ڪرپشن خلاف جدوجهد ڪري رهي آهي، رينجرز جي ڪاررواين بعد ئي امن قائم ٿيو آهي. عمران خان وڌيڪ چيو ته الطاف حسين ۽ آصف علي زرداري سنڌ جي ماڻهن کي سنڌي ۽ مهاجر جي نالي تي ورهايو ويو آهي، ڪراچي کي ڌار صوبو نٿو ٺاهي سگهي، عوام کي بااختيار بڻائڻ لاءِ اختيار هيٺين سطح تي منتقل ٿيڻ گهرجن، تحريڪ انصاف جي چيئرمين وڌيڪ چيو ته سنڌ ۾ پوليس سياسي بڻيل آهي، هتان جي پوليس کان سياسي دٻاءَ تحت ڪجهه به ڪرائي سگهجي ٿو. هڪ سوال جي جواب ۾ عمران خان چيو ته پيپلزپارٽي کي سڀ کان وڌيڪ نقصان آصف علي زرداري پهچايو، پارٽي کي ايترو نقصان آمر به نه ڏنو هوندو، جيترو آصف علي زرداري پهچايو آهي، هن چيو ته سنڌ جا ماڻهو باشعور آهن اهي تبديلي لاءِ ترسي رهيا آهن تحريڪ انصاف جلد سنڌ ۾ تبديلي آڻيندي ۽ سنڌ ماڻ ڪرپشن خاتمو آڻيندي، ٻي طرف هن کان اڳ تحريڪ انصاف جي چيئرمين عمران خان پيپلز پارٽي جي اڳوڻي ايم اين اي ميان عبدالحق عرف ميان مٺو جي رهائشگاهه تي پهچي سندس وڏي ڀاءُ ميان اڇل جي وفات تي تعزيت ڪئي، هن موقعي هن ميان عبدالحق عرف ميان مٺو تحريڪ انصاف ۾ شموليت جي دعوت ڏني، هوڏانهن لنڊ گروپ سربراهه خالد احمد لنڊ خالد آباد ۾ چيو ته پيپلز پارٽي هن وقت ڪرپٽ ماڻهو جو قبضو آهي جنهن جي ڪري مايوسي ٿي آهي، هن چيو ته تحريڪ انصاف ۾ باضابطه شموليت جو اعلان پنهجي اتحادين، دوستن جنهن ۾ پيپلز پارٽي جي اهم شخصيت اڳوڻي ايم اين اي سميت ايم پي اي ۽ 20 کان مٿي اڳواڻا تعلقه ناظم ۽ يوسي ناظم نومبر ۽ ڊسمبر جي وچ ۾ اعلان ڪيو ويندو، هن چيو ته منهنجا ڪجهه ويجها دوست ملڪ کان ٻاهر آهن انهن جي اچڻ بعد گهوٽڪي ضلعي ۾ تاريخي جلسو ڪوٺائي جنهن ۾ عمران خان به شامل هوندو جنهن ۾ اسان باضابطه طور تي تحريڪ انصاف ۾ شموليت اختيار ڪنداسون، هن چيو ته عمران خان جيڪا مون مان اميد رکي آهي انشاءَ الله هن کان به وڌيڪ ضلع گهوٽڪي ۾ تحريڪ انصاف مضبوط ڪيو ويندو، هن چيو ته پيپلز پارٽي هاڻي شهيد ڀٽو جي پارٽي نه رهي آهي هاڻي ڪرپٽ ۽ لٽيرن جي پارٽي بڻجي ويئي آهي، پيپلز پارٽي ۾ ڪرپٽ ماڻهن جي جڳهه آهي، هن چيو ته پيپلز پارٽي پراڻي ساٿين کي نظرانداز ڪري ڇڏيو آهي، پيپلز پارٽي ۾ بلاول ڀٽو زرداري جي به نه ڌي ٻڌي وڃي ته عام وڪرڪن جي ڪٿان ٻڌي ويندي، پيپلز پارٽي تي هڪ ڪرپٽ ٽولي جي حڪمراني آهي، گهوٽڪي اين اي 200 تي ڌانڌلي سان کٽي آيل منهنجو مخالف علي گوهر مهر جي جلد وڪٽ ڪرڻ واري آهي، سپريم ڪورٽ مان انصاف جي توقع رکان ٿو، ٻي طرف تحريڪ انصاف چيئرمين نور آباد ۾ تحريڪ انصاف جي ضلعي گهوٽڪي جي آرگنائيزر ۽ اڳوڻي سنڌ جي صوبائي نائب صدر مير افتخار لنڊ طرفان عمران خان جي شان ۾ هڪ وڏو جلسو ڪوٺايو ويو جنهن ۾ لنڊ برادري ۽ تحريڪ انصاف جي هزارين ماڻهڻ جلسي ۾ شرڪت ڪئي، ان موقعي تي عمران خان جلسي ۾ پهتل هزارين ماڻهن جو شڪريه ادا ڪيو ۽ چيو ته جلسي ۾ شريڪ هزارين ماڻهو ثابت ڪيو ته اهي تبديلي چاهن ٿا ۽ تبديلي جا تبل وڄي چڪا آهن.

 

ڪنگنا رناوت فلمن ۾ روئڻ وارا ڪردار ادا ڪرڻ کان توبهه ڪري ڇڏي

ممبئي (شوبز نيوز) بالي ووڊ جي ناليواري اداڪاره ڪنگنا رناوت چيو آهي ته هاڻ هوءَ روئڻ وارين فلمن ۾ ڪم نه ڪندي، پرڏيهي خابرو اداري مطابق ڪنگنا چيو آهي ته مان فلم ڪٽي بٽي ۾ ايڏي وڏي ٽريجڊي وارو ڪردار ادا ڪيو آهي جو شوٽنگ مڪمل ٿيڻ کانپوءِ به اڃا تائين پنهنجي نارمل زندگي طرف نه اچي سگهي آهيان، ايترا وڌيڪ روئڻ وارا منظر ڪرڻ کانپوءِ هاڻ ته منهنجي بک ئي مري وئي آهي، نالي واري اداڪاره ڪنگنا رناوت فلم ڪٽي بٽي ۾ هڪ حساس ڇوڪري جو ڪردار نڀايو آهي، فلم ۾ ڪنگنا رناوت بالي ووڊ اسٽار عمران خان سان رومانس ڪندي نظر ايندي.