تازيون خبرون
افغانستان ۾ امن جي بحالي لاءِ هر ممڪن مدد ڪنداسين: وزيراعظم - زرداري ۽ شهباز شريف کي ڪجهه ڪرڻ جي ضرورت ناهي، عمران خان پاڻ ڪري رهيو آهي: خورشيد شاهه - آمريڪي مداخلت، آئي ايم ايف پاڪستان کان نئين کان اڳ پراڻي قرضن جا تفصيل گهري ورتا - نواز-زرداري سياست ختم، الله تعاليٰ وٽ دير آهي انڌير ناهي: فواد چوڌري - نواز شريف مريم لاءِ اين آر او ڳولي رهيو آهي، مارچ کان اڳ چورن ۽ ڦورن تي ٻهارو ڦري ويندو: شيخ رشيد - چيف جسٽس ميان ثقاب نثار جي ترڪ صدر طيب اردوان سان ملاقات، عوام جي وچ ۾ محبت ۽ گهري جذباتي لڳاءَ جو ذڪر به ڪيو - ڪئمرامين تي تشدد ڪندڙ گارڊ خلاف ڪارروائي ٿيندي، حرڪت گارڊ جي بدنامي منهنجي ٿي: نواز شريف - سنڌ سرڪار جو تاريخي فيصلو، پي اي ايف ۽ سنڌ حڪومت ايمبولينس سروس شروع ڪرڻ جي معاهدي تي صحيحون ڪري ڇڏيون - هڪ وک به مديني جهڙي رياست ڏانهن ناهي کنئي ويئي، بلوچستان کي ظالم سرڪار ۽ سردارن غريب رکيو آهي: سراج الحق - سياست جو بنارسي ٺڳ شيخ رشيد جمهوريت لاءِ ناسور آهي، نواز شريف جو مٿو چمڻ وارو اڄ عمران خان جا بوٽ چَٽي رهيو آهي: راڻا ثناءُ الله

Daily Archives: August 8, 2015

صدر ۽ وزير اعظم پاران ڪراچي آپريشن جاري رکڻ تي اتفاق

اسلام آباد (بيورو) وزيراعظم ميان نواز شريف صدر ممنون حسين سان ملاقات ڪئي آهي، ملاقات ۾ ڪراچي اندر دهشتگردن ۽ ڏوهارين خلاف ڪارروائي جاري رکڻ تي اتفاق ڪيو آهي، صدر ۽ وزيراعظم وچ ۾ ان ڳالهه تي به اتفاق ٿيو ته، ڪرپشن خلاف ڪارروائي سان ڪرپشن تي ڪنٽرول ڪرڻ ۾ مدد ملندي. ذريعن موجب صدر ممنون حسين سان ايوان صدر ۾ وزيراعظم ميان نواز شريفف ملاقات ڪئي آهي، جنهن ۾ آپريشن ضرب عضب، ڪرپشن خلاف ڪارروائي سميت ڪراچي ۾  جاري آپريشن  تي اتفاق ڪيو. ملاقات دوران صدر ۽ وزيراعظم نواز شريف قانون لاڳو ڪندڙ ادارن خلاف تنقيد جي مـذمت ڪئي، صدر ۽ وزيراعظم چيو ته، آپريشن ضرب عضب جا سٺا نتيجا اچي رهيا آهن. ملاقا ت ۾ ماتحت عدالتن ۾ لا آفيسرن جي مقرري جي منظوري ڏني وئي، ملاقات دوران ٻنهي اڳواڻن ڪرپشن ڪارروائي سان ڪرپشن تي ڪنٽرول ڪرڻ  ۾مدد ملندي.

 

سنڌ اسيمبلي الطاف حسين خلاف گڏيل ٺهراءُ منظور ڪري ورتو، ڪارروائي جو مطالبو

ڪراچي(اسٽاف رپورٽر) سنڌ اسيمبلي، پاڪ فوج ۽ رياست خلاف تقرير ڪرڻ تي الطاف حسين خلاف گڏيل ٺهراءُ منظور ڪري ورتو، ٺهراءَ ۾ سنڌ کي ٻن حصن ۾ ورهائڻ واري بيان جي مذمت ڪندي مطالبو ڪيو ويو آهي ته ايم ڪيو ايم سربراهه کي ڏيهه گهـُرائي سندس خلاف ڪارروائي ڪئي وڃي. سنڌ اسيمبلي جو اجلاس اسپيڪر آغا سراج دراني جي صدارت هيٺ ٿيو. اجلاس دوران مسلم ليگ نون، فنڪشنل ليگ ۽ تحريڪ انصاف طرفان ايم ڪيو ايم سربراهه الطاف حسين جي تقريرن خلاف مذمتي ٺهراءُ ايوان ۾ پيش ڪيو ويو جڏهن ته پيپلز پارٽي ٺهراءَ جي حمايت ڪئي. ان موقعي تي ايم ڪيو ايم ڪارڪنن ٺهراءَ خلاف سخت احتجاج ڪيو ۽ نعريبازي ڪئي. اسيمبلي ۾ گوڙ ۽ سخت نعريبازيءَ سبب ايوان الطاف حسين خلاف گڏيل ٺهراءُ منظور ڪري ورتو. ٺهراءَ جي متن موجب ايوان، پاڪستان ۾ پرڏيهي مداخلت بابت الطاف حسين جي بيان جي مذمت ڪري ٿو ۽ ايم ڪيو ايم سربراهه طرفان سنڌ کي ٻن حصن ۾ ورهائڻ واري مطالبي کي به رد ڪري ٿو. ٺهراءَ ۾ وفاقي حڪومت کان مطالبو ڪيو ويو آهي ته پرڏيهي مداخلت جي بيان تي الطاف حسين خلاف قانوني ڪارروائي ڪئي وڃي. ان کان اڳ سوالن جوابن جي وقفي دوران ايوان ۾ ڪوآپريٽو سوسائٽي ۾ ڪرپشن تي بحث ڪيو ويو. حڪومتي توڙي اپوزيشن ميمبرن ڪوآپريٽو سوسائٽي جا نوان قانون متعارف ڪرائڻ جو مطالبو ڪيو. صوبائي وزير ڊاڪٽر سڪندر مينڌري چيو ته ڪوآپريٽو سوسائٽي ۾ سڌارن جي سخت ضرورت آهي. هن چيو ته فشرمين ڪوآپريٽو سوسائٽي جا قانون جوڙڻ لاءِ جلد ڪم شروع ڪيو ويندو، جڏهن ته ڪو آپريٽو هائوسنگ سوسائٽيز ۾ نوان قانون تيار ڪيا ويندا، اپوزيشن وارا سهڪار ڪن. ان موقعي تي فنڪشنل ليگ ميمبر نصرت سحر عباسي چيو ته تعليم کاتو ڇڏي نثار کهڙي آبپاشي کاتو سنڀاليو. هن چيو ته کاتو تبديل ٿيندي ئي آبپاشي کاتي ۾ 50 ارب رپين جي ڪرپشن جو اسڪينڊل سامهون آيو، سنڌو درياهه جي حساس بندن جا تفصيل ايوان ۾ پيش ڪيا وڃن. ان موقعي تي نثار کهڙي چيو ته سنڌ جو ايريگيشن سسٽم قديم ٿي چڪو آهي، هر پنجن سالن کانپوءِ ٻوڏ جي صورتحال پيدا ٿئي ٿي. هن چيو ته سنڌو درياهه جا 45 ڪپر ۽ بند حساس آهن، گڊو بئراج کان ساڍا ست لک ڪيوسڪ پاڻي جو وهڪرو گـُذريو آهي. صوبائي وزير نثار کهڙي چيو ته گڊو ۽ سکر بئراجن تي پاڻي جي سطح گهٽجڻ شروع ٿي وئي آهي پر پاڻي ۾ واڌ جو خدشو آهي. نثار کهڙي چيو ته سنڌ ۾ ٻوڏ جي صورتحال کي منهن ڏيڻ لاءِ قدم فول پروف آهن، ٻوڏ جو ڪو وڏو خطرو ناهي، پاڻي خيريت سان سمنڊ تائين هليو ويندو. هن چيو ته ٽوڙي بند کي مستقل طور تي مضبوط ڪرڻ لاءِ ڪم هڪ سال ۾ مڪمل ٿي ويندو، جڏهن ته عاقل آگاڻي بند سميت سمورن حساس هنڌن تي مضبوطي جو ڪم جلد مڪمل ٿي ويندو. نثار کهڙي چيو ته شڪارپور، گمبٽ سميت جن علائقن ۾ بند خطرنڪا هئا اتي بنا دير مرمت جو ڪم ڪيو ويو. هن چيو ته سنڌو درياهه ۾ ايمرجنسي جي صورتحال ناهي، پاڻي جي وهڪري ۾ واڌ يا گهٽتائي قدرتي امر آهي،. اجلاس دوران سنڌ صوبي ۾ پرائيويٽ اسڪولن کي مانيٽر ڪرڻ لاءِ فنڪشنل ليگ ميمبر شهريار مهر ڌيان ڇڪايو نوٽيس پيش ڪيو. شهريار مهر چيو ته خانگي اسڪولن جي فيس اسٽرڪچر کانسواءِ انتظامي مسئلا ڪنٽرول ڪرڻ جو حڪومتي اختيار ڪهڙو آهي؟ جيڪڏهن اسڪولن تي ڪنٽرول لاءِ ڪو بورڊ يا ڪميٽي آهي ته ايوان کي ٻـُڌايو وڃي. شهريار مهر جي ڌيان ڇڪايو نوٽيس تي تعليم وارو نئون وزير مير هزار خان بجاراڻي ايوان مان اٿي هليو ويو جڏهن ته پارلياماني معاملن واري وزير ڊاڪٽر سڪندر مينڌري ايوان ۾ جواب پيش ڪيو. سنڌ اسيمبلي ۾ پينل آف چيئرمين جوڙيو ويو جنهن ۾ مهتاب اڪبر راشدي، سيد مراد علي شاهه، سردار شاهه ۽ مهيش ملاڻي شامل آهن. اسيمبلي جو اجلاس جاري هو ته اسپيڪر ايوان جي وڌيڪ ڪارروائي سومر تائين ملتوي ڪري ڇڏي.

 

سڪيورٽي فورسز جي قربانين سبب اڄوڪو پاڪستان ماضيءَ جي ڀيٽ ۾ پر امن ۽ وڌيڪ محفوظ آهي: پرويز رشيد

اسلام آباد (بيورو)  سـُڌ سماءَ واري وفاقي وزير پرويز رشيد چيو آهي ته سڪيورٽي فورسز جي قربانين سبب اڄوڪو پاڪستان ماضيءَ جي ڀيٽ ۾ پر امن ۽ وڌيڪ محفوظ آهي، ملڪ مان دهشتگردي جي مڪمل خاتمي لاءِ سڀني کي ڪردار ادا ڪرڻو پوندو. اسلام آباد ۾ دهشتگردي جي خاتمي ۽ ميڊيا جي ڪردار بابت تقريب کي خطاب ڪندي وفاقي وزير پرويز رشيد چيو ته امن امان جي قيام لاءِ پوليس جو ڪردار اهم آهي، دهشتگردي جي خاتمي لاءِ پوليس ۽ فوج جون قربانيون وسارڻ جوڳيون نه آهن. هن چيو ته پوليس بهادري سان دهشتگردي جو مقابلو ڪري رهي آهي، دهشتگردي جي خاتمي لاءِ پوليس جو ڪردار هميشه ياد رکيو ويندو. پرويز رشيد چيو ته تبديل ٿيندڙ حالتن سان گڏ پاڪستان مختلف چيلينجز کي پڻ منهن ڏئي رهيو آهي، چيلينجز کي منهن ڏيڻ لاءِ کين ڀائيچارو پيدا ڪرڻ سان گڏ سموريون گهرجون پوريون ڪرڻيون پونديون. سڌ سماءَ واري وفاقي وزير چيو ته سڪيورٽي فورسز جي قربانين سبب اڄوڪو پاڪستان ماضيءَ جي ڀيٽ ۾ وڌيڪ محفوظ ۽ پر امن آهي، دهشتگردي جي خاتمي لاءِ سڀني کي ڪردار ادا ڪرڻو پوندو.

 

نيب ۽ ايف آئي اي سنڌ حڪومت جي اندروني معاملن ۾ نه پوي: خورشيد شاهه

سکر (بيورو) مخالف ڌر جي اڳواڻ سيد خورشيد احمد شاهه جو چوڻ هو ته نيب ۽ ايف آئي اي سنڌ حڪومت جي اندروني معاملن ۾ نه پوي، اهڙين مداخلتن سان نفرتون وڌنديون. خورشيد شاهه جو چوڻ هو ته الطاف حسين جي بيان سان هر پاڪستاني کي ڏک پهتو آهي، هٿياربند فوج سرحدن جي حفاظت ڪري رهي آهي، اُن تي تنقيد ڪرڻ بنا جواز آهي. خورشيد شاهه جوڌيڪ چوڻ هو ته عمران خان کي عوامي معاملن تي سياست ڪرڻ گهرجي، پارليامينٽ ۾ عوامي مفاد، مسئلن تي بحث ٿيڻ گهرجي.

 

آءِ ايم ايف پاڪستان کي نائين قسط ڏيڻ تي راضي ٿي ويو،مهانگائي جي شرح ۾ رڪارڊ گهٽتائي ٿي آهي: اسحاق ڊار

اسلام آباد (بيورو) دبئي ۾ڳالهيون مڪمل ٿيڻ بعد آءِ ايم ايف پاڪستان کي نائين قسط ڏيڻ تي راضي ٿي ويو، ناڻي واري وزير اسحاق ڊار چيو آهي ته مهانگائي جي شرح ۾ رڪارڊ گهٽتائي ٿي آهي، اقتصادي راهداري منصوبي سان معاشي بهتري ايندي. دبئي ۾ آءِ ايم ايف سان ڳالهيون مڪمل ٿيڻ بعد ميڊيا سان ڳالهائيندي ناڻي واري وزير اسحاق ڊار چيو ته مالياتيادارو پاڪستان کي نائين قسط ڏيڻ تي راضي ٿي ويو آهي، بورڊ آف ڊائريڪٽر جي منظوري کانپوءِ رقم جاري ڪئي ويندي. هن چيو ته آءِ ايم ايف پاڪستان جي معاشي صورتحال تي اطمينان جو اظهار ڪيو آهي، عالمي مارڪيٽن ۾ تيل اگهن ۾ گهٽتائي سبب ملڪي معيشت تي سٺا اثر پيا آهن. اسحاق ڊار چيو ته مهانگائي جي شرح 12 سالن جي رڪارڊ گهٽتائي تائين اچي وئي آهي، جڏهن ته مالياتي خسارو به 8 ڏهائي 8 مان گهٽجي 5 ڏهائي 3 ٿي ويو آهي. ناڻي واري وزير جو چوڻ هو ته گذريل ٽن مهينن جا سمورا حدف حاصل ڪيا ويا آهن، اقتصادي راهداري منصوبي سان وڌيڪ بهتر ٿيندا.

 

ايم ڪيو ايم تي پابندي بابت راءِ وفاق پاران رابطو ڪرڻ کانپوءِ ڏني ويندي:نثار کهڙو

ڪراچي (اسٽاف رپورٽر) اطلاعات واري صوبائي وزير نثار احمد کهڙَي، سنڌ ۾ پرڏيهي فوج گهرائڻ واري الطاف حسين جَي بيان جِي مذمت ڪندَي چيو آهي ته پاڪستان ٺاهيندڙ سنڌ تي ڪو به وار برداشت نه ڪيو ويندو، ايم ڪيو ايم تي پابندي بابت راءِ وفاق پاران رابطو ڪرڻ کانپوءِ ڏني ويندي. سنڌ اسيمبليءَ ٻاهران ميڊيا سان ڳالهائيندَي نثار کهڙَي چيو ته پرڏيهي فوج گهرائڻ وارو الطاف حسين جو بيان سنڌ جِي وحدانيت تي وار آهي، جنهن جِي مذمت ڪن ٿا. هـُن چيو ته سنڌ پاڪستان کي جنم ڏيندڙ صوبو آهي، جنهن جِي وحدانيت تي ڪو به وار برداشت نه ڪيو ويندو. صوبائي وزير چيو ته الطاف حسين سنڌ خلاف بيان ڏئي وري واپس وٺندو رهيو آهي پر هن ڀيري هن ملڪ، پاڪ فوج، سنڌ رينجرز توڙي ٻين سڪيورٽي ادارن کي نشانو بڻايو. نثار کهڙَي چيو ته سنڌ ۾ سموريون ٻوليون ڳالهائڻ وارا ماڻهو رهن ٿا، سڄي ملڪ ۾ هاڻ ڪو به مهاجر ناهي. صوبائي وزير پ پ هميشه سنڌ جي سالميت جو خيال رکيو آهي، جمهوريت جِي بقا لاءِ پ پ اڳواڻ ڪوڙا کاڌا. سندس چوڻ هو ته ذوالفقار علي ڀـُٽي ۽ بينظير ڀٽو کي قتل ڪيو ويو، پر ان باوجود پيپلز پارٽي پاڪستان کپي جو نعرو هنيو. هڪ سوال جَي جواب ۾ نثار کهڙَي چيو ته ايم ڪيو ايم تي پابندي لڳائڻ بابت راءِ وفاق پاران رابطو ڪرڻ بعد ڏني ويندي.

 

ڀارت پاران پاڪستان ۾ ٿيندڙ ڪامن ويلٿ پارليامينٽري ڪانفرنس جي بائيڪاٽ جو اعلان

نئين دهلي(مانيٽرنگ ڊيسڪ)  ڀارت ايندڙ مهيني پاڪستان ۾ ٿيندڙ ڪامن ويلٿ پارليامينٽري ڪانفرنس جي بائيڪاٽ جو اعلان ڪيو آهي. نئين دهلي ۾ سمورن ڀارتي رياستن جي اسپيڪرن جو اجلاس ٿيو، جنهن ۾ اهو فيصلو ڪيو ويو ته پاڪستان پاران والاريل ڪشمير جي اسپيڪر کي دعوت نه ڏيڻ تي ڀارتي اسپيڪرز ڪامن ويلٿ پارليامينٽري ڪانفرنس

۾ شامل نه ٿيندا.اسپيڪرز جو چوڻ هو ته 30 ڊسمبر تي اسلام آباد ۾ ٿيندڙ ڪانفرنس ۾ ڀارت جي سمورن اسپيڪرز کي دعوت موڪلي وئي آهي پر والاريل ڪشمير جي اسپيڪر کي هن وقت تائين دعوت ناهي موڪلي وئي، جڏهن ته ڪامن ويلٿ پارليامينٽري قانونن مطابق گڏيل ملڪن جي سمورن اسپيڪرز کي دعوت نامو موڪلڻو پوندو آهي.لوڪ سڀا(ايوان زيرين) جي اسپيڪر سمترا مهاجن ميڊيا سان ڳالهائيندي چيو ته پاڪستان پاران والاريل ڪشمير جي اسپيڪر کي دعوت نامو نه موڪلڻ، ڪامن ويلٿ پارليامينٽري يونين جي قانونن جي ڀڃڪڙي آهي. جڏهن ته معاملي کي سي پي يو جي صدر ۽ سيڪريٽري جنرل جي اڳيان اٿاريو ويندو، جڏهن ته ان حوالي سان کيس هڪ خط به لکيو ويو آهي، جنهن  ۾ اها ڄاڻ ڏني وئي آهي ته جيڪڏهن والاريل ڪشمير جي اسپيڪر کي ڪانفرنس ۾ شامل ٿيڻ  جي دعوت نه ڏني وئي ته ٻيا 31 ڀارتي اسپيڪرز به پاڪستان ۾ ٿيندڙ ڪانفرنس ۾ شامل نه ٿيندا، ٻي صورت ۾ ڀارتي اسپيڪرز جي لاءِ ڪانفرنس جو وينيو مٽايو ويندو.ٻئي پاسي پاڪستاني گهرو وزارت جي ذريعن جو چوڻ آهي ته ڀارت ڪانفرنس جي باءِ ڪاٽ بابت باضابطا طور تي ڄاڻ ناهي ڏني، ان ڪري ڀارت پاران  باءِ ڪاٽ جو سرڪاري طور تي ڄاڻ ملڻ تي ردِ عمل ظاهر ڪيو ويندو. گهرو وزارت مطابق والاريل ڪشمير تڪراري علائقو آهي ۽ ان جي مستقبل جو فيصلو هڪ راءِ سان ٿيڻ گهرجي، جڏهن ته والاريل ڪشمير تي گڏيل قومن جي سيڪيورٽي ڪائونسل جا ٺهراءَ به موجود آهن.

 

دهشتگردي جي خاتمي جي شروعات ٿي چڪي، فيصلائتي جنگ پيا وڙهون: نويد مختار

ڪراچي (اسٽاف رپورٽر) ڪور ڪمانڊر ڪراچي ليفٽيننٽ جنرل نويد مختار چيو آهي ته ڪراچي آپريشن غير سياسي ۽ بنا فرق جي ٿي رهيو آهي، ڪنهن کي ڪراچي جو امن خراب ڪرڻ جي اجازت نه ڏني ويندي. ڪراچي ۾ رينجرز اهلڪارن جي پاسنگ آئوٽ پريڊ کي خطاب ڪندي ليفٽيننٽ جنرل نويد مختار چيو ته دهشتگردي خلاف ڪارروائي آخري ڪاوش ۽ منزل ناهي. هن چيو ته پاڪستان جي راهه ۾ ايندڙ رڪاوٽون ٽوڙيون وينديون، پرامن ڪراچي مضبوط پاڪستان جي علامت آهي. ڪور ڪمانڊر ڪراچي چيو ته دهشتگردي جي خاتمي جي شروعات ٿي چڪي آهي، ڪراچي جي عوام جو اعتماد بحال ٿي ويو آهي. ليفٽيننٽ جنرل نويد مختار چيو ته رينجرز دهشتگردي خلاف فيصلائتي جنگ وڙهي رهي آهي، ڪراچي ۾ بنا فرق ۽ غير سياسي آپريشن ڪيو پيو وڃي.

 

سنڌ اسيمبلي ۾ الطاف حسين نه پر پاڪستان ۾ رهندڙ 5 ڪروڙ مهاجرن خلاف ٺهراءُ پاس ڪري سندن دل آزاري ڪئي وئي آهي: ايم ڪيو ايم

ڪراچي (اسٽاف رپورٽر) ايم ڪيو ايم سنڌ اسيمبلي جي مبمبرز متحده سربراهه الطاف حسين خلاف ٺهراءَ پاس ڪرڻ جي سخت مذمت ڪندي چيو آهي ته ٺهراءَ الطاف حسين نه پر ملڪ جي 5 ڪروڙ مهاجرن خلاف پاس ڪيو ويو آهي. سنڌ اسيمبلي ٻاهران خواجه اظهارلحسن، سيد سردار احمد ۽ ٻين ميڊيا سان ڳالهائنيدي چيو ته آصف زرداري ۽ عمران خان خلاف ٺهراءَ به ٺهراءُ پيش ڪيو وڃي، جن قومي ادارن جي خلاف گهڻو ڪجهه ڳالهايو آهي. اڳواڻن چيو ته   اڄ سنڌ اسيمبلي ۾ الطاف حسيننه پر پاڪستان ۾ رهندڙ 5 ڪروڙ مهاجرن خلاف ٺهراءُ پاس ڪري سندن دل آزاري ڪئي وئي آهي. متحده اڳواڻن چيو ته الطاف حسين خلاف ميڊيا ٽرائل ٿي رهيو آهي،پر آصف علي زرداري ۽ عمران خان جيڪو ڪجهه قومي ادارن خلاف ڳالهايو آهي، ان مطابق انهن خلاف به ميڊيا ٽرائل ٿيڻ گهرجي. هنن وڌيڪ چيو ته اوردو ڳالهائندڙن کي حب الوطني جي سرٽيفڪيٽ جي ضرورت ناهي، اڄ به هو ملڪ  جي بقا لاءِ جان جو نذارانو پيش ڪرڻ لاءِ تيار آهيون.

 

نيب ۽ ايف آءِ اي جون ڪارروايون صوبائي خومختياري خلاف آهن، ڇا ڪرپشن رڳو سنڌ ۾ آهي ۽ ٻيا سڀ صوبا پاڪ آهن؟ پيپلزپارٽي

اسلام آباد (بيورو) سنڌ ۾ نيب ۽ ايف آءِ اي جي ڪاررواين خلاف پيپلزپارٽي جي ميمبرز پاران قومي اسيمبلي ۾ سخت احتجاج ڪيو ويو، اعجاز جکراڻي چيو آهي ته  نيب ۽ ايف آءِ اي جون ڪارروايون صوبائي خومختياري جي خلاف آهن، ڇا ڪرپشن رڳو سنڌ ۾ آهي ۽ ٻيا سڀ صوبا پاڪ آهن.؟ قومي اسيمبلي جو اجلاس اسپيڪر سردار اياز صادق جي صدارت هيٺ ٿيو، اجلاس جي شروعات ۾ مانسهره ۾هيليڪاپٽر حادثي ۾ شهيد ٿي ويلن لاءِ فاتح خواني ڪئي وئي. اجلاس ۾ پيپلزپارٽي جي ميمبرز سنڌ ۾ نيب ۽ ايف آءِ اي جي ڪاررواين خلاف سخت احتجاج ڪيو. پ پ ايم اين اي اعجاز جکراڻي چيو ته نيب ۽ ايف آءِ اي وڏي وزير جي اجازت کانسواءِ سنڌ ۾ ڇاپا هڻي رهيا آهن، جيڪو عمل صوبائي خومختياري جي خلاف آهي. اعجاز جکراڻي چيو ته نيب ۽ ايف آءِ اي کي رڳو سنڌ نظر ڇو اچي رهي آهي، ڇا ميٽرو بس ۽ اين اي آر سي ۾ ڪرپشن نيب ۽ ايف آءِ اي کي نظر ئي نٿي اچي. هن چيو ته وفاق ٻين صوبن ۾ مداخلت نٿو ڪري ته سنڌ ۾ به مداخلت بند ڪئي وڃي. اعجاز جکراڻي چيو ته سڀ ڪرپشن جو خاتمو چاهين ٿا، وڏي وزير کي ڪرپشن خلاف ڪم ڪرڻ ڏنو وڃي. ا