تازيون خبرون

Daily Archives: July 15, 2015

ڀارت جنگي جنون ۾ پئسا پاڻي وانگر وهائڻ لڳو، مودي سرڪار جو آمريڪا کان هڪ ارب ڊالر جا جاسوس جهاز خريد ڪرڻ جو فيصلو

ڪراچي (اين اين آءِ) ڀارت جنگي جنون ۾ دولت پاڻي وانگر وهائي رهيو آهي مودي سرڪار آمريڪا کان هڪ ارب ڊالر جا جاسوسي جهاز خريد ڪرڻ جو فيصلو ڪري ورتو جنهن کان پوءِ آمريڪا روس کي پوئتي ڇڏيندي ڀارت جو سڀ کان وڏو دفائي پارٽنر بڻجي ويو 8 سالن ۾ 10 ارب ڊالر جي معاهدي جا ڀارت ۾ غربت جي لڪير کان هيٺ زندگي گذاريندڙن کي ڪوئي فائدو پهچائي سگهندا ڀارتي ميڊيا مطابق دفاعي معاهدن هٿيار خريد ڪرڻ جي آرڊرز کان پوءِ آمريڪا ڀارت جو سڀ کان وڏو دفاعي  پارٽنر بڻجي ويو آهي 8 سالن ۾ لڳ ڀڳ 10 ارب ڊالر ماليت جو جنگي سامان خريد ڪيو ويو هاڻي ڀارت جون نظرون آهن آمريڪي جاسوس پي 81 جهازن ۾ جيڪي حاصل ڪرڻ لاءِ معاملا حتمي مرحلن ۾ داخل ٿي چڪا آهن جهازن جو معاهدو هڪ ارب ڊالر ماليت جو هوندو جيڪا هلندڙ سال جي سڀ کان وڏي دفاعي ڊيل هوندي.

 

سنڌ حڪومت ڪڻڪ ۽ ان مان ٺهندڙ شين جي روانگي واپار لاءِ هموار ۽ ڏور رس پاليسي جوڙڻ چاهي ٿي: منظور وساڻ

ڪراچي (اي پي پي) خوراڪ واري صوبائي وزير منظور حسين وساڻ ايڪسپورٽرز جي هڪ وفد سان پنهنجي آفيس ۾ منعقد ڪيل اجلاس ۾ چيو آهي ته سنڌ حڪومت ڪڻڪ ۽ ان مان حاصل ٿيندڙ شين جي روانگي واپار لاءِ هموار ۽ ڏور رس پاليسي جوڙڻ چاهي ٿي ته جيئن معيشيت کي استحڪام ڏنو وڃي. هن چيو ته حڪومت چاهي ٿي ته پيداوار جو وڌ کان وڌ فائدو ڏينهن رات محنت ڪري پيداوار حاصل ڪندڙ هارين، آبادگارن کي پهچايو وڃي، تعلقي سطح تي موثر سروي ڪري علائقي ۾ حاصل ٿيندڙ ڪڻڪ جي پيداوار جي بنياد تي سڌو سنئون هارين، آبادگارن کان ڪڻڪ خريداري جي موثر حڪمت عملي ٺاهڻ جي حق ۾ آهي. هن چيو ته اهي شڪايتون عام آهن ته ڪڻڪ سپورٽ پرائيس جو فائدو هارين، آبادگارن کي پهچڻ بجاءِ آڙتي اهو فائدو کڻي وڃن ٿا، جنهن ڪري هو ڪڻڪ جي امدادي قميت وڌائڻ بجاءِ سڌوسنئون هارين کي ان جي قيمت جو فائدو پهچائڻ جي پاليسي جوڙڻ چاهين ٿا. هن چيو ته خوراڪ، روينيو ۽ زراعت کاتي جي گڏيل تعاون سان ڪڻڪ، ڪپهه، ڪمند ۽ اهڙي طرح جي ٻين فصلن جي تعلقي ۽ ان جي هيٺين سطح تي موثر سروي ذريعي هڪ موثر ڊيٽا جوڙي ويندي ته ڪنهن علائقي ۾ ڪهڙي فصل جي ڪيتري پيداوار حاصل ڪئي وڃي ٿي. هن چيو ته پيداوار جي ان تخميني سان حڪومت کي معاشي استحڪام جي پاليسين کي موثر بڻائڻ ۾ مدد ملندي ۽ هارين کي به اهو اطمينان ٿيندو ته سندن فصل جو مناسب ۽ بروقت معاوضو کين ملي ويندو. ان موقعي تي سنڌ وٽ موجود هلندڙ سال ۾ سرپلس ڪڻڪ جي کپت جي حوالي سان ايڪسپورٽرز ٻڌايو ته مڊغا سڪر، سوڊان ۽ يمن ۾ 5 کان 6 لک ميٽرڪ ٽن ڪڻڪ جي مارڪيٽ هن وقت موجود آهي جيڪڏهن حڪومت واضح پاليسي جوڙي ته سرپلس ڪڻڪ انهن ملڪن کي برآمد ڪري سگهجي ٿي.

 

ڪرن جوهر جي پروڊڪشن واري فلم ۾ ڪاسٽ جي بدلاءِ سان ڪنهن به قسم جو فرق نه ٿو پوي: عاليه ڀٽ

ممبئي (شوبز نيوز) بالي ووڊ اداڪارا عاليا ڀٽ چيو آهي ته ڪرن جوهر جي پروڊڪشن واري فلم ۾ ڪاسٽ جي بدلاءِ سان کيس تي ڪنهن به قسم جو فرق نه ٿو پوي، بالي ووڊ ذريعن  موجب ڪرن جوهر جي فلم ”شڌي“ پنهنجي ڪاسٽ جي حساب سان ميڊيائي خبرن جي زينت بڻيو هيو، فلم ۾ پهرين ڪرينا ۽ ريتڪ، ان کان پوءِ سلمان، پريانڪا ۽ ڪنگنا آخر ۾ وڃي عاليا ۽ ورن ڌون تي فائنل ڪيو ويو. عاليا ڀٽ چيو ته هر فلم کان اڳ هن مٿان هڪ خاص دٻاءَ هوندو آهي، جيڪو هاڪاري قسم جو دٻاءَ هوندو آهي، هن چيو ته هو هر شيءَ کي آخري ناهي سمجهندي. هن چيو ته هو شڌي لاءِ تمام گهڻي جذباتي ۽ خوشي محسوس ڪري رهي آهي ۽ سندس ڪوشش هوندي ته فلم کي هڪ شاندار ميلي ۾ تبديل ڪري ڇڏي. عاليا جذباتي انداز ۾ چيو ته ڪرن جوهر کي پنهنجو والد سمجهي ٿي، ان ڪري ان سان هڪ خاص رشتو آهي، جنهن جي ڪري کيس هڪ الڳ ۽ اعليٰ مقام تي رکي سوچيندي آهي

 

بالي ووڊ هيرو شاهد ڪپور شاديءَ جي خوشيءَ ۾ گرينڊ ريسيپشن جو اهتمام ڪيو

نئين دهلي (شوبز نيوز) بالي ووڊ هيرو شاهد ڪپور شاديءَ جي خوشيءَ ۾ گرينڊ ريسيپشن جو اهتمام ڪيو هو، جنهن ۾ بالي ووڊ جي تارن شرڪت ڪري تقريب کي چار چنڊ لڳائي ڇڏيا. گرينڊ ريسيپشن جي موقعي تي گھوٽ شاهد ڪپور ڪارو ٿري پيس سوٽ ۾ جڏهن ته ڪنوار ميرا راجپوت ڀارت جي مشهور ڊيزائنر منيش ملهوترا پاران ڊزائين ڪيل خوبصورت اڇي ۽ نيري لباس ۾ نظر آئي. بالي ووڊ اداڪار جي شاديءَ کان پوءِ ڏنل دعوت ۾ نئين پرڻيل گھوٽ ڪنوار کي مبارڪ ڏيڻ جي لاءِ وڏي انگ ۾ بالي ووڊ جا تارا پڻ پهتا. جن ۾ اميتاڀ بچن، ڪنگنا رناوت، سونم ڪپور، عاليا ڀٽ، شرڌا ڪپور، رنوير سنگھه، ارجن ڪپور، جينيليا ديش مُک، ديا مرزا، تُشار ڪپور، پريٽي زنٽا سميت ٻين ڪيترن بالي ووڊ جي وڏن نالن تقريب ۾ شرڪت ڪئي. جڏهن ته شادي جي خوشيءَ ۾ ٿيل تقريب ۾ ڪيترن ئي فنڪارن فن جو مظاهرو پڻ ڪيو. ياد رهي ته شاهد ڪپور ۽ ميرا راجپوت هڪ سادي تقريب ۾ شاديءَ ڪئي هئي. هيءَ تقريب نئين دهليءَ ويجھو واقع هڪ فارم هائوس ۾ رٿي وئي هئي. جنهن ۾ صرف 40 جي لڳ ڀڳ ماڻهو شريڪ ٿيا هئا. مهمانن ۾ فيملي ميمبر ۽ تمام ويجھن دوستن کي دعوت ڏني وئي هئي

 

اوليويا جورڊن مس آمريڪا 2015ع جو ٽائيٽل پنهنجي نالي ڪري ورتو

لوزيانا (شوبز نيوز) آمريڪي رياست اوڪلا هوما جي اوليويا جورڊن مس آمريڪا 2015ع جو ٽائيٽل پنهنجي نالي ڪري ورتو آهي. آمريڪي رياست لوزيانا ۾سونهن جي مقابلو ڪرايو ويو هو، جنهن ۾ رياست اوڪلاهوما جي 26 سالا اوليويا جورڊن کي فاتح قرار ڏنو ويو. مس ٽيڪساس ٻئي نمبر تي رهي. ان موقعي تي اوليويا پنهنجي جذباتن تي قابو رکي نه سگي، اوليويا يونيورسٽيءَ ۾ تعليم پرائيندڙ جورڊن مس آمريڪا چونڊجڻ تي مداحن ۽ موجود ماڻهن جا ٿورا مڃيا. حسن جو مقابلو آمريڪا جي صدارتي اميدوار  ڊونلڊ ٽرمپ پاران ڪرايو ويو هو. حسن جي ڄاڻايل مقابلي ۾آمريڪا جي 50 رياستن جي اپسرائُن حصو ورتو. سونهن راڻيءَ جي چونڊ نرتڪيءَ جي سونهن سميت ذهانت ۽ پرسنلٽيءَ جي ڏڍ تي ڪيو ويندو آهي

 

ڪڏهن ڪنهن بالي ووڊ اداڪار سان ملڻ جي لاءِ ان جي گھر جي ديوار اورانگھن جي ضرورت ناهي پئي: ڪرينه ڪپور

ممبئي (شوبز نيوز) بالي ووڊ ادڪارا ڪرينا ڪپور خان کي لڳي ٿو ته 100 ڪروڙ رپيا ڪمائيندڙ فلم ايوارڊ کان وڌيڪ بهتر آهي. ڀارتي ميڊيا کي ڏنل انٽرويوءَ دوران ڪرينا ڪپور پنهنجي ذاتي زندگيءَ بابت پڇيل سوال تي چيو ته کيس بي وفا مرد سخت ناپسند آهن، کيس ڪڏهن ڪنهن بالي ووڊ اداڪار سان ملڻ جي لاءِ ان جي گھر جي ديوار اورانگھن جي ضرورت ناهي پئي، پر جيڪڏهن کيس اميتاڀ بچن سان ملڻ جي لاءِ ايئن ڪرڻو پيو ته هوءَ ضرور ڪندي. ڪرينا ڪپور خان چيو ته هوءَ اڄ ڪلهه ڪيترن ئي ڪتابن جو مطالعو ڪري رهي آهي، هن چيو ته ڀيڻ ڪرشما ڪپور ۽ فلمساز ڪرن جوهر اهڙا دوست آهن جن سان حال احوال ڪندي مزو ايندو آهي. ڪرينا ڪپور جو چوڻ هو ته جيڪڏهن اداڪارا جي حيثيت ۾ هوءَ هالي ووڊ فلم ۾ ليونارڊو ڊي ڪيپريو سان ڪم ڪرڻ چاهيندي، هن چيو ته مان جڏهن به ذهني دٻاءَ جو شڪار ٿيندي آهيان ته پنهنجي گھر جي گيلريءَ ۾ لڳل ٻوٽن وٽ ويهي ڪافي پيئندي آهيان، جنهن سان ذهني دٻاءُ دور ڪرڻ ۾ مدد ملندي آهي

 

آءِ سي سي ورلڊ ٽي ٽوئنٽي ڪوليفائر جي گروپ بي ۾ افغانستان پهريان کيڏندي 5 وڪيٽن تي 210 رنسون ٺاهيون

ايڊنبرا (اسپورٽس نيوز) آءِ سي سي ورلڊ ٽي ٽوئنٽي ڪوليفائر جي گروپ بي ۾ افغانستان پهريان کيڏندي 5 وڪيٽن تي 210 رنسون ٺاهيون. محمد شهزاد 36 بالن تي 7 ڇڪن ۽ 5 چوڪن جي مدد سان 75 رنسون ٺاهيون. جواب ۾ اسڪاٽش ٽيم 4 بال اڳ 173 رنسن تي آئوٽ ٿي وئي، مومسين 44 رنسون ٺاهيون. محمد نبي ۽ حامد حسن ٽي ٽي وڪيٽون ورتيون. ٻي ميچ ۾ يو اي اِي ٽيم 7 وڪيٽن تي 119 رنسون ٺاهي سگھي. نيڌرلينڊز ٽارگيٽ 3 وڪيٽن تي ماڻي ورتو. بين ڪوپر 50 رنسن سان ناقابل شڪست رهيو. ٽين ميچ ۾ آئرلينڊ 6 وڪيٽن تي 146 رنسون ٺاهيون. اينڊي بالبرائن 44 رنسن سان نمايا رهيو. جواب ۾ آمريڪي ٽيم 100 رنسن تي آئوٽ ٿي وئي. ڪيوسڪ، ٿامپسن ۽ جان موني ٻه ٻه وڪيٽون ورتيون. چوٿين ميچ ۾ پاپوا نيوگني 9 وڪيٽن تي 145 رنسون ٺاهيون. جواب ۾ جرسي ٽيم 121 رنسن تي آئوٽ ٿي وئي، پنجين ميچ ۾ ڪينيڊا 3 وڪيٽن تي 133 رنسون ٺاهيون. نتيش ڪمار 53 رنسن تي ناٽ آئوٽ رهيو.جواب ۾ اومان ٽيم 2-11 اوورن ۾ صرف 3 وڪيٽن جي نقصان تي ٽارگيٽ ماڻي ورتو. ذيشان مقصود ناقابل شڪست 86 رنسون ٺاهيون

 

ڪرن خان آمريڪا ۾ ٿيندڙ سائيڪلنگ تقريب ۾ شرڪت ڪندي

نيويارڪ (اسپورٽس نيوز) پاڪستان جي اسٽار تيراڪ ڪرن خان آمريڪا ۾ مسلم ايٿيلٽس جي آگاهيءَ جي لاءِ ٿيندڙ سائيڪلنگ تقريب ۾ شرڪت ڪري رهي آهي. ڪرن خان جو چوڻ هو ته ايوينٽ ۾ پاڪستان جي نمائندگي سندس لاءِ هڪ اعزاز کان گھٽ ناهي. ان سان پاڪستان جو نالو ٿيندو، آمريڪا ۾ ٿيندڙ ”مسلم ويمن ايٿيلٽس رائيڊ فار رائيٽس اينڊ اسپورٽس“ ۾ پاڪستان جي نمائندگي مشهور تيراڪ ڪرن خان ڪري رهي آهي. 17 جولاءِ تي ٿيندڙ ان ميگا ايوينٽ ۾ پاڪستان کان سواءِ سعودي عرب، ايران، افغانستان، اردن، مصر ۽ آمريڪا سان تعلق رکندڙ ايٿيليٽ حصو وٺي رهيون آهن. ڪرن خان جو چوڻ هو ته هوءَ هڪ تيراڪ آهي، جنهن جي لاءِ سائيڪلنگ هڪ مختلف شئي آهي پر ان باوجود اسپورٽش جي ترقي ۽ ماڻهن ۾ اسپورٽس بابت گھاهي جي لاءِ هوءَ ڪجھه به ڪري سگھي ٿي. آمريڪا ۾ ٿيندڙ ايوينٽ ۾ ڪرن خان جي شرڪت سان پاڪستان جو سڄي دنيا ۾ اميج بهتر ٿيندو ۽ سڄي دنيا ۾ اهو ثابت ڪرڻ جو به موقعو ملندو ته پاڪستان جون عورتون راندين ۾ وڌي چڙهي حصو وٺي رهيون آهن

 

ثانيا مرزا پاران شعيب ملڪ جي ٽوئيٽ جو ڪو به جواب ڏنو

ڪراچي (اسپورٽس نيوز) پاڪستان ڪرڪيٽ اسٽار شعيب ملڪ پنهنجي ڀارت ڄائي گھر واري ثانيا مرزا کي مارٽينا هنگس سان ومبلدن ٽائيٽل ۾ شاندار ڪاميابيءَ تي مبارڪ ڏني هئي. شعيب ملڪ پنهنجي ٽوئٽر پيغام ۾ چيو ته کيس ثانيا مرزا تي فخر آهي، هوءَ بهترين نظم ۽ ضبط جو مظاهرو ڪندڙ بُلند خيالن واري رانديگرياڻي آهي. ان موقعي تي هڪ دلچسپ ڳالهه جيڪا نوٽ ڪئي وئي اها هيءَ ته ثانيا مرزا شعيب ملڪ جي ٽوئيٽ جو ڪو جواب نه ڏنو. جڏهن ته هن ڀارتي صدر پرناب مکرجيءَ ۽ وزيراعظم نريندر موديءَ جي ٽوئيٽن کي ري ٽوئيٽ ڪيو. ڇا ثانيا مرزا شعيب ملڪ جي مبارڪ جي ٽوئيٽ کي ڄاڻي واڻي نظر انداز ڪري رهي آهي، ان جو جواب هوءَ پاڻ ئي ڏئي سگھي ٿي

 

نيوزيلينڊ ويمنز ڪرڪيٽ ٽيم ڀارت کي ٻي ٽي ٽوئنٽي ميچ ۾ 6 وڪيٽن تان هارائي ٽِن ميچن جي سيريز 2-0 سان پنهنجي نالي ورتي

بينگلور (اسپورٽس نيوز) نيوزيلينڊ ويمنز ڪرڪيٽ ٽيم ڀارت کي ٻي ٽي ٽوئنٽي ميچ ۾ 6 وڪيٽن تان هارائي ٽِن ميچن جي سيريز 2-0 سان پنهنجي نالي ورتي. بينگلور ۾ کيڏيل سيريز جي ٻئي ٽي ٽوئنٽيءَ جو ٽاس ڪيوي ڪپتان سوزي بيٽس کٽيو ۽ ڀارت کي پهريان بيٽنگ جي دعوت ڏني. ڀارتي عورت ٽيم مقرر 20 اوورن ۾ 6 وڪيٽن تي136 رنسون ٺاهيون. ويلا سوامي ونيٿا 41، هرمن پريت ڪور 30 ۽ ويداڪرشنا مورتي 29 رنسن سان نمايان رهيون. ڪيويز طرفان صوفي ڊيوائن 2 وڪيٽون حاصل ڪيون. جواب ۾ نيوزيلينڊ جي عورت ٽيم گھربل ٽارگيٽ 4 وڪيٽن جي نقصان تي 17.5 اوورن ۾ پورو ڪري ورتو. رچل پرائسٽ 60 رنسن سان ٽاپ اسڪورر رهي. ڀارتي بالر جھولن گوسوامي ٻِن رانديگرياڻين کي آئوٽ ڪيو. ٻنهي ٽيمن وچ ۾ ٽِن ميچن جي سيريز جو ٽيون ۽ آخري ٽي ٽوئنٽي ميچ اربع تي بينگلور ۾ کيڏيو ويندو