تازيون خبرون

Monthly Archives: June 2015

اڻ اعلانيه لوڊشيڊنگ ختم ڪئي وڃي…!

سنڌ ۾ گرمي سبب وڌيڪ 43 حياتيون ضايع ٿي ويون، ڪراچي ۾ 1203 ماڻهو فوت ٿيڻ جي سرڪاري طورتصديق ٿي آهي. ڪراچي ۾ گذريل ڏينهن به گرمي سبب 24 ڄڻا فوت ٿي ويا. انگ اکرن موجب پٽيل اسپتال ۾ 12، سول اسپتال ۾ 2، جناح اسپتال ۾ 3، قطر اسپتال ۾ هڪ، دل جي صحت واري قومي اداري ۾ هڪ، ڪي ايم سي اسپتال ۾ 2، نيوڪراچي ۾ 2، عباسي شهيد  اسپتال۾ هڪ ڄڻو فوت ٿي ويو. سرڪاري طور 1203 ماڻهو ڪراچي ۾ فوت ٿيڻ جي تصديق ٿي آهي پر آزاد ذريعن موجب اهو انگ 1300 تائين ٿي سگهي ٿو. مدئجي ۾ پيرسن پورهيت غلام قادر هڪڙو فوت ٿي ويو. ڳوٺ پنهور جو رهواسي غلام عباس ۽ امروٽ شريف ۾ نينگر اظهر ڪنڀر فوت ٿي ويا. ٿاڻي بولا خان ۾ هڪ، ٽنڊي الهيار ۾ 2 ڄڻا فوت ٿي ويا. کڏڙي، ڳڙهي خيري ۽ گمبٽ ۾ به 5 ڄڻا گرمي سبب حياتيون وڃائي ويٺا. ٽنڊي محمد خان بيلدار پيرو چانگ گرمي جي سٽ نه سهندي فوت ٿي ويو. ڳوٺ سليمان سومرو ۾ حسين سومرو فوت ٿي ويو. حب ويجهو عورت سميت 3 ڄڻا فوت ٿي ويا. ڳڙهي تيغو ۾ عبدالغني تيغاڻي فوت ٿي ويو. شاهپور جهانيان ۾ علي محمد ۽ عارف سولنگي فوت ٿي ويا. ٻئي طرف پاڪستان پيپلزپارٽي جي چيئرمين بلاول ڀٽو زرداري سول اسپتال ڪراچي جو دورو ڪيو ۽ گرمي سٽيل مريضن سان ملي سندن خيرت معلوم ڪئي، هن سول اسپتال ۾ صفائي نه هجڻ ۽ گهربل بندوبست ٺيڪ نه هجڻ تي ڪاوڙ جو پڻ اظهار ڪيو، ان موقعي تي  سنڌ جو وڏو وزير سيد قائم علي شاه، صحت وارو صوبائي وزير ڄام مهتاب ڏهر، سينيٽر شيري رحمان ۽ جميل سومرو به ساڻس گڏهئا، بلاول ڀٽو زرداري اسپتال ۾ داخل مريضن جي هر بيڊ تي وڃي سندن طبيعت معلوم ڪئي، ان موقعي تي سول اسپتال جي ايم ايس پ پ چيئرمين کي ٻڌايو ته هن وقت تائين 1200 گرمي سٽيل مريضن جو علاج ڪيو ويو آهي ۽ ڪجهھ وڌيڪ مريضن جو هن وقت به علاج هلندڙ آهي بلاول ڀٽو زرداري ان موقعي تي چيو ته جيستائين گرمي جي لهر آهي تيستائين اسپتال انتظاميا اهڙن مريضن جي علاج لاءِ گھربل سهوليتن سان خصوصي وارڊ قائم ڪيا وڃن.هن وڌيڪ چيو ته سمورين سرڪاري اسپتالن ۾ گرمي سٽيل مريضن جي تڪليفن جي گھٽتائي ۽ سندن بهتر علاج لاءِ وڌ ۾ وڌ سهوليتون مهيا ڪيون وڃن. هوڏانهن سنڌ جي انفارميشن ۽مڪاني کاتي واري وزير شرجيل انعام ميمڻ چيو آهي ته قدرتي آفت تي سياست چمڪائڻ ان آفت سان فوت ٿيندڙن سان ناانصافي جي برابر آهي. جيڪڏهن ڪراچي سميت سڄي سنڌ ۾ بجلي جو بحران نه هجي ها ته 50 سيڪڙو ماڻهو فوت نه ٿين ها پر انهن ۾ گهٽتائي ٿئي ها. گرمي جي شدت سبب سڄي سنڌ ۾ خاص ڪري ڪراچي ۾ ماڻهن جي مرڻ جي ذميوار وفاقي وزارت پاڻي ۽ بجلي ۽ ڪي اليڪٽرڪ آهي.ڪراچي ۾ گرمي جي شدت سان فوت ٿيندڙن ۾ وڌيڪ ضعيف ۽ وڏي عمر جا مرد ۽ عورتون آهن ۽ گهڻن ماڻهن جي فوت ٿيڻ جو سبب گهرن ۾ ڪلاڪن جا ڪلاڪ  بجلي جي لوڊشيڊنگ آهي.حڪومت سنڌ طرفان سڀني سرڪاري اسپتالن ۾ گرمي سبب ايندڙ مريضن لاءِ مڪمل انتظام ڪيا ويا آهن. جڏهن ته سڀني اسپتالن ۾ ايمرجنسي نافذ ڪئي ويئي آهي، ۽ عملي جو موڪلون به رد ڪيون ويون آهن. مڪاني کاتي ۾ گوسڙو ملازمن خلاف مهم جاري آهي ۽ عباسي شهيد اسپتال جي 140 گوسڙو ملازمن جون پگهارون بند ڪيون ويون آهن.جڏهن ته 33 ملازمن کي فائنل شوڪاز کانپوءِ انهن کي ملازمتن مان فارغ ڪيو ويو آهي جن ۾ 27 ڊاڪٽرز به شامل آهنساليانو اربين روپين جو منافعو ڪمائيندڙ ڪي اليڪٽرڪ انتظاميه خود ان ڳالهه کي تسليم ڪيو آهي ته انهن وٽ ترسيلي نظام سٺو ناهي ۽ شديد گرمي ۾ انهن جو نظام ناڪاره ٿي ويوهو.اهڙن خيالن جو اظهار هن آچر ڏينهن عباسي شهيد اسپتال جي اوچتي دوري کان پوءِ اتي موجود ميڊيا سان ڳالهائيندي ڪيو.ان موقعي تي ايڊمنسٽريٽر ڪراچي روشن شيخ، ميونسپل ڪمشنر ڪراچي سميع صديقي، ڊي سي سينٽرل افضل زيدي ۽ ٻيا موجود هئا.هن  عباسي شهيد اسپتال جي ايمرجنسي وارڊ، آءِ سي يو ۽ هيٽ اسٽروڪ سان متاثر ٿيل مريضن لاءِ ٺاهيل خصوصي وارڊن جو دورو ڪيو ۽ اتي موجود مريضن ۽ انهن گهرڀاتين سان خيريت معلوم ڪئي. ان موقعي تي اسپتال جي ميڊيڪل سپريٽنڊنٽ صوبائي وزير کي مريضن کي  ڏنل طبي امداد ۽ ٻين سهولتن کان مڪمل آگاهي ڏني. هن اسپتال انتظاميه جي ڊاڪٽرن ۽ پيراميڊيڪل اسٽاف جي حوالي سان تفصيل طلب ڪئي ۽ هدايت ڪئي ته سڀئي ڊاڪٽرز ۽ پيراميڊيڪل اسٽاف 24 ڪلاڪ پنهنجن ڊيوٽن تي حاضر رهن.ان موقعي تي ميڊيا سان ڳالهائيندي شرجيل انعام ميمڻ چيو ته موجوده صورتحال ۾ شديد گرمي ۽ حبس سان گڏوگڏ بدترين بجلي جي لوڊشيڊنگ سبب سنڌ ۾ سيڪڙن جي تعداد ۾ معصوم جانيون ضايع ٿيون آهن. هن چيو ته اڃا به ڪراچي جي مختلف سرڪاري ۽ نجي اسپتالن ۾ گرمي جي شدت سبب مريضن کي آندو پيو وڃي ، جڏهن ته سيڪڙن جي تعداد ۾ روزانو هيٽ اسٽروڪ سان متاثر ٿيندڙ مريضن جو سرڪاري اسپتالن ۾ علاج ڪيو پيو وڃي. هن چيو ته سڀني سرڪاري اسپتالن ۾ سنڌ حڪومت طرفان سڀئي سهولتون فراهم ڪيون ويون آهن، سنڌ جي مختلف اسپتالن ۾ مڪمل سرڪاري مشينري موجود آهي.هن چيو ته اسان پهرين ترجيح عوام کي ان ڳالهه جي مڪمل آگاهي فراهم ڪئي وڃي ته هيٽ اسٽروڪ سان ڪنهن صورت ۾ بچي سگهجي ۽ جيڪڏهن ڪو گرمي جي شدت سبب بيمار ٿئي ته هو فوري طور تي احتياطي تدبيرون اختيار ڪري. ان سلسلي ۾ عوام ۾ شعور اجاگر ڪرڻ لاءِ اخبارن ۽ ٽي وي چئنلن ذريعي پبلسٽي به ڪئي پئي وڃي ۽ عوام کي اپيل ٿي ڪجي ته اهي ايمرجنسي جي صورت ۾ ڪي ايم سي ۽ ڪمشنر ڪراچي جي هيلپ لائينن تي فوري طور تي رابطو ڪن. هڪ سوال جي جواب ۾شرجيل انعام ميمڻ چيو ته خود اليڪٽرڪ جي انتظاميه ان ڳالهه کي تسليم ڪيو آهي ته انهن وٽ ترسيلي نظام  ايترو سٺو ناهي جو سخت گرمي يا هلڪي بارش ۾ به عوام کي مڪمل طور تي بجلي فراهم ڪئي وڃي.

 

متحده خلاف بنا ثبوتن جي ڪارروائي نٿي ڪري سگهجي، اڳواڻ پوزيشن واضح ڪن: پرويز رشيد

اسلام آباد (اين اين آءِ) سڌ سماءَ جي وفاقي وزير پرويز رشيد چيو آهي ته ايم ڪيو ايم خلاف جيستائين ثبوت نٿا ملن تيستائين ڪارروائي نٿي ڪري سگهجي، بهتر ائين ٿيندو ته ايم ڪيو ايم اڳواڻ پنهنجي پوزيشن واضح ڪن. هڪ انٽرويو ۾ هن چيو ته متحده خلاف جيستائين ثبوت نٿا ملن تيستائين ڪارروائي نٿي ڪري سگهجي، ايم ڪيو ايم بابت بي بي سي جي رپورٽ جي حوالي سان برطانيا کي تعاون جي اپيل ڪئي وئي آهي، ڪراچي ۾ امن قائم ڪرڻ لاءِ وفاق پنهنجو ڀرپور ڪردار ادا ڪري رهيو آهي، جڏهن ته سنڌ حڪومت کي به سخت قدم کڻڻا پوندا. وفاقي وزير چيو ته ضرب عضب دهشتگردن خلاف ڪامياب آپريشن ثابت ٿيو، ڪراچي ۾ ماڻهن جي مرڻ تي افسوس آهي، جڏهن ته فوتگيون لوڊشيڊنگ سبب نه پر گرمي سبب ٿيون آهن، هن چيو ته گرمي خلاف قدم کڻڻ سنڌ حڪومت جي ذميواري هئي پر سنڌ حڪومت ان ۾ ڪامياب نه ٿي سگهي نه ئي ڪراچي اسپتال ۾ اهڙي حالتن کي منهن ڏيڻ لاءِ ڪي به انتظاميا ڪيا ويا هئا.

 

ڪراچي جي مختلف اسپتالن ۾ گرمي سٽيل وڌيڪ 26 ڄڻا فوت، انگ 1130 ٿي ويو

ڪراچي(اسٽاف رپورٽر) ڪراچي جي مختلف اسپتالن ۾ گرمي سٽيل وڌيڪ 26 ڄڻا فوت ٿي ويا، فوتين جو انگ وڌي 11 سئو 30 ٿي ويو، ڪراچي جي ڪمشنر شهر جي 60 هنڌن تي هيٽ اسٽروڪ سينٽر قائم ڪري ڇڏيا. ريسڪيو ذريعن موجب شهر جي سرڪاري ۽ نجي اسپتالن ۾ گذريل رات کان وڌيڪ 26 مريض فوت ٿي ويا، جڏهن ته ڪيترن جي حالت ڳڻتي جوڳي ٻڌائي وئي آهي. ڪراچي جي جناح اسپتال ۾ گرمي وگهي فوت ٿيل مريضن جو انگ 354 ٿي ويو آهي، جڏهن ته پٽيل اسپتال ۾ هينئر تائين 36 مريض فوت ٿي چڪا آهن. شهر جي مختلف اسپتالن ۾ اڃا به هزارين متاثر داخل آهن، جن مان ڪيترن جي حالت ڳڻتي جوڳي ٻڌائي پئي وڃي. هوڏانهن ايڌي سرد خاني ۾ 24 ڪلاڪن ۾ 35 لاش منتقل ڪيا ويا، ترجمان مطابق انهن لاشن مان 15 لاوارث آهن، لاشن جي سڃاڻپ نه ٿي ته سڀاڻي انهن جي تدفين ڪئي ويندي. ٻئي طرف ڪراچي جي ڪمشنر شهر جي 60 هنڌن تي هيٽ اسٽروڪ سينٽر قائم ڪري ڇڏيا آهن.

 

پ پ سربراهه جو سول اسپتال ڪراچي جو دورو، هيٽ اسٽروڪ جي مريضن جي عيادت

ڪراچي (اسٽاف رپورٽر)پاڪستان پيپلز پارٽي جي چيئرمين بلاول ڀٽو زرداري سول اسپتال ڪراچي جو دورو ڪيو. بلاول ڀٽو سول اسپتال جي مختلف وارڊز ۾ هيٽ اسٽروڪ جي مريضن جي عيادت ڪئي. سنڌ جو وڏو وزير سيد قائم علي شاهه به بلاول ڀٽو زرداري سان گڏ هو. ان موقعي تي هن هيٽ اسٽروڪ جي مريضن جي بهتر علاج لاءِ ڊاڪٽرن کي هدايتون ڪيون. هن متاثر مريضن جي بهتر علاج ۽ کين ملندڙ سهولتن جو جائزو ورتو. ان موقعي تي سول اسپتال جي ڊاڪٽر ن ، پيپلز پارٽي جي سربراهه کي مريضن کي ملندڙ سهولتن کان آگاهه ڪيو. هنن ٻڌايو ته مريضن کي علاج جون بهتر سهولتون ملي رهيون آهن.

 

بجلي مسئلن جي ذميوار ڪي اليڪٽرڪ ۽ وفاقي حڪومت آهي: شرجيل ميمڻ

ڪراچي(اسٽاف رپورٽر) سنڌ جي انفارميشن ۽ بلديات کاتي واري وزير شرجيل انعام ميمڻ چيو آهي ته قدرتي آفت تي سياست چمڪائڻ ان آفت سان فوت ٿيندڙن سان ناانصافي جي مترادف آهي. جيڪڏهن ڪراچي سميت سڄي سنڌ ۾ بجلي جو بحران نه هجي ها ته 50 سيڪڙو ماڻهو فوت نه ٿين ها پر انهن ۾ گهٽتائي ٿئي ها. گرمي جي شدت سبب سڄي سنڌ ۾ خاص ڪري ڪراچي ۾ ماڻهن جي مرڻ جي ذميوار وفاقي وزارت پاڻي ۽ بجلي ۽ ڪي_اليڪٽرڪ آهي.ڪراچي ۾ گرمي جي شدت سان فوت ٿيندڙن ۾ وڌيڪ ضعيف ۽ وڏي عمر جا مرد ۽ عورتون آهن ۽ گهڻن ماڻهن جي فوت ٿيڻ جو سبب گهرن ۾ ڪلاڪن جا ڪلاڪ  بجلي جي لوڊشيڊنگ آهي.حڪومت سنڌ طرفان سڀني سرڪاري اسپتالن ۾ گرمي سبب ايندڙ مريضن لاءِ مڪمل انتظام ڪيا ويا آهن. جڏهن ته سڀني اسپتالن ۾ ايمرجنسي نافذ ڪئي ويئي آهي، ۽ عملي جو موڪلون به منسوخ ڪيون ويون آهن. سالانه اربين روپين جو منافعو ڪمائيندڙ ڪي_اليڪٽرڪ انتظاميه خود ان ڳالهه کي تسليم ڪيو آهي ته انهن وٽ ترسيلي نظام سٺو ناهي ۽ شديد گرمي ۾ انهن جو نظام ناڪاره ٿي ويوهو.اهڙن خيالن جو اظهار هن آچر ڏينهن عباسي شهيد اسپتال جي اوچتي دوري کان پوءِ اتي موجود ميڊيا سان ڳالهائيندي ڪيو.ان موقعي تي ايڊمنسٽريٽر ڪراچي روشن شيخ، ميونسپل ڪمشنر ڪراچي سميع صديقي، ڊي سي سينٽرل افضل زيدي ۽ ٻيا موجود هئا.شرجيل انعام ميمڻ عباسي شهيد اسپتال جي ايمرجنسي وارڊ، آءِ سي يو ۽ هيٽ اسٽروڪ سان متاثر ٿيل مريضن لاءِ ٺاهيل خصوصي وارڊن جو دورو ڪيو ۽ اتي موجود مريضن ۽ انهن گهرڀاتين سان خيريت معلوم ڪئي. ان موقعي تي اسپتال جي ميڊيڪل سپريٽنڊنٽ صوبائي وزير کي مريضن کي  ڏنل طبي امداد ۽ ٻين سهولتن کان مڪمل آگاهي ڏني. شرجيل انعام ميمڻ اسپتال انتظاميه جي ڊاڪٽرن ۽ پيراميڊيڪل اسٽاف جي حوالي سان تفصيل طلب ڪئي ۽ هدايت ڪئي ته سڀئي ڊاڪٽرز ۽ پيراميڊيڪل اسٽاف 24 ڪلاڪ پنهنجن ڊيوٽن تي حاضر رهن.ان موقعي تي ميڊيا سان ڳالهائيندي شرجيل انعام ميمڻ چيو ته موجوده صورتحال ۾ شديد گرمي ۽ حبس سان گڏوگڏ بدترين بجلي جي لوڊشيڊنگ سبب سنڌ ۾ سيڪڙن جي تعداد ۾ معصوم جانيون ضايع ٿيون آهن. هن چيو ته اڃا به ڪراچي جي مختلف سرڪاري ۽ نجي اسپتالن ۾ گرمي جي شدت سبب مريضن کي آندو پيو وڃي ، جڏهن ته سيڪڙن جي تعداد ۾ روزانو هيٽ اسٽروڪ سان متاثر ٿيندڙ مريضن جو سرڪاري اسپتالن ۾ علاج ڪيو پيو وڃي. شرجيل انعام ميمڻ چيو ته سڀني سرڪاري اسپتالن ۾ سنڌ حڪومت طرفان سڀئي سهولتون فراهم ڪيون ويون آهن، سنڌ جي مختلف اسپتالن ۾ مڪمل سرڪاري مشينري موجود آهي.هن چيو ته اسان پهرين ترجيح عوام کي ان ڳالهه جي مڪمل آگاهي فراهم ڪئي وڃي ته هيٽ اسٽروڪ سان ڪنهن صورت ۾ بچي سگهجي ۽ جيڪڏهن ڪو گرمي جي شدت سبب بيمار ٿئي ته هو فوري طور تي احتياطي تدبيرون اختيار ڪري. هن چيو ته ان سلسلي ۾ عوام ۾ شعور اجاگر ڪرڻ لاءِ اخبارن ۽ ٽي وي چئنلن ذريعي پبلسٽي به ڪئي پئي وڃي ۽ عوام کي اپيل ٿي ڪجي ته اهي ايمرجنسي جي صورت ۾ ڪي ايم سي ۽ ڪمشنر ڪراچي جي هيلپ لائينن تي فوري طور تي رابطو ڪن. هڪ سوال جي جواب ۾شرجيل انعام ميمڻ چيو ته خود اليڪٽرڪ جي انتظاميه ان ڳالهه کي تسليم ڪيو آهي ته انهن وٽ ترسيلي نظام  ايترو سٺو ناهي جو سخت گرمي يا هلڪي بارش ۾ به عوام کي مڪمل طور تي بجلي فراهم ڪئي وڃي. هن چيو ته سالانه اربين روپين جو منافعو ڪمائيندڙ ڪي_اليڪٽرڪ ترسيلي نظام تي ڪجهه به خرچ ناهي ڪيو ۽ مان اهو وضاحت سان چوان ٿو ته گرمي جي شدت سبب سڄي سنڌ ۾ خاص ڪري ڪراچي ۾ فوت ٿيندڙن جي ذميوار وفاقي وزارت پاڻي ۽ بجلي ۽ ڪي اليڪٽرڪ آهي. هڪ ٻئي سوال جي جواب ۾ شرجيل انعام ميمڻ چيو ته بلديات کاتي ۾ گوسڙو ملازمن خلاف مهم جاري آهي ۽ عباسي شهيد اسپتال جي 140 گوسڙو ملازمن جون پگهارون بند ڪيون ويون آهن.جڏهن ته 33 ملازمن کي فائنل شوڪاز کانپوءِ انهن کي ملازمتن مان فارغ ڪيو ويو آهي جن ۾ 27 ڊاڪٽرز به شامل آهن.هن چيو ته سنڌ حڪومت جي هاڻي واضح پاليسي آهي ته ڪنهن به کاتي ۾ هاڻي گوسڙو ملازم برداشت نه ڪيا ويندا.جيڪي ملازم سرڪاري ملازمت ڪندا اهي ڊيوٽي ڏيندا، ائين نه ڪندڙن لاءِ سرڪاري ادارن جا دروازا بند ڪيا ويندا.هڪ سوال جي جواب م شرجيل انعام ميمڻ چيو ته ان اشو تي سياست نه چمڪائي وڃي.هن چيو ته گذريل ڏينهن تحريڪ انصاف طرفان ان سلسلي ۾ سنڌ حڪومت ۽ ڪي_اليڪٽرڪ خلاف مقدما درج ڪرائڻ جو اعلان ڪيو ويو آهي،آءُ انهن کان پڇڻ چاهيان ٿو ته جڏهن پشاور ۾ شديد بارشن سبب ماڻهو فوت ٿيا ۽ ان صوبي جو وزيراعليٰ اسلام آباد ۾ اسٽيج تي ڌرڻي ۾ رقص ڪري رهيو هو. ان وقت انهن کي عوام جي ڪهڙي مصيبت ياد آئي هئي.هن چيو ته عوام جي فوت ٿيڻ تي سياست ڪرڻ انهن فوت ٿيندڙن ۽ انهن جي وارثن جي ڦٽن تي لوڻ ٻرڪڻ جي برابر آهي.هڪ ٻئي سوال جي جواب ۾ هن چيو ته سڄي صوبي ۾ ضلعي انتظاميه مڪمل هاءِ الرٽ آهي. سڀني ضلعن ۾ سنڌ حڪومت، صوبائي ڊزاسٽر مئنيجمينٽ، ڪي ايم سي، ڊي ايم سيز ۽ سڀني ادارن طرفان ڪئمپ لڳايا ويا آهن ۽ عوام کي سڀ سهولتون فراهم ڪيون پيون وڃن. هن اهو واضح ڪيو ته جيڪڏهن ڪراچي سميت سموري سنڌ ۾ بجلي جي لوڊشيڊنگ جو خاتمو ٿئي وڃي ته هي بحران مڪمل طور تي ختم ٿي سگهي ٿو.

 

اسلام آباد مان آيل نيپرا جي جاچ ٽيم ڪي اليڪٽرڪ کي آجو قرار ڏئي ڇڏيو، ماڻهو گرمي سبب فوت ٿيا: رپورٽ

ڪراچي(اسٽاف رپورٽر) اسلام آباد مان آيل نيپرا جي جاچ ٽيم ڪي اليڪٽرڪ کي آجو قرار ڏئي ڇڏيو، ماڻهو گرمي سبب فوت ٿيا، وزير اعظم پاران مقرر ڪيل تحقيقاتي ٽيم جو چوڻ آهي ته ڪراچي ۾ فوت ٿيل ماڻهن جي موت جي ذميوار ڪي اليڪٽر ناهي، ماڻهو گرمي ۽ ماحولياتي تبديلين جي ڪري فوت ٿيا، ڪراچي جي ٻن ڏينهن جي دوري دوران نيپرا جي جاچ ٽيم جاچ مڪمل ڪري ورتي، رپورٽ اڄ وزير اعظم نواز شريف کي پيش ڪئي ويندي، رپورٽ ۾ چيو ويو آهي ته فوت ٿيندڙن مان گهڻو تعداد انهن ماڻهن جو هو جيڪي گهرن کان ٻاهر هئا، فوتگيون لوڊشيڊنگ سان نه پر گرمي ۾ اضافي سبب هيٽ اسٽروڪ سان ٿيون، بجلي جي گهرج ۽ فراهمي ۾ گهٽتائي جي ذميواري ڪي اليڪٽرڪ تي وڌي وئي، ٻئي طرف ڪي اليڪٽرڪ انتظاميه ٽيم کي ٻڌايو ته ڪراچي ۾ لوشيڊنگ ۾ اضآفو بجلي جي گهرج وڌڻ سبب ٿئي ٿو.

 

2013 جي چونڊن ۾ ڌانڌلي يا منظم ڌانڌلي جا ڪي ثبوت نه مليا آهن: اليڪشن ڪميشن

اسلام آباد (اين اين آءِ) اليڪشن ڪميشن تحريڪ انصاف پاران لڳايل ڌانڌلي جي الزامن کي رد ڪندي چيو آهي ته 2013 جي چونڊن ۾ ڌانڌي يا منظم ڌانڌلي جا ڪي به ثبوت نه مليا آهن، اليڪشن ڪميشن پاران انڪوائري ڪميشن کي لکت ۾ آگاهه ڪيو ويو ته عام چونڊن ۾ ڌانڌلي يا منظم ڌانڌلي جا ڪي به ٺوس ثبوت نه مليا آهن، جڏهن ته نادرا جي رپورٽ سان ڌانڌلي ثابت نٿي ٿئي، اليڪشن ڪميشن مطابق بيلٽ پيپرز جو تعداد جو تعين ڪرڻ ريٽرننگ آفيسر کي ڏيڻ قانون مطابق هو، بيلٽ پيپرن جي اردو بازار مان ڇپائي جا ڪي به ثبوت نه مليا آهن، جڏهن ته پي ٽي آءِ جا ميمبر اهو ثابت ڪرڻ ۾ به ناڪام ٿي ويا آهن ته ريٽرننگ آفيسرن ڪهڙي طرح اضافي بيلٽپيپرز جو غلط استعمال ڪيو، اليڪشن ڪميشن مطابق پي ٽي آءِ ڌانڌلي بابت لڳايل ڪيترن ئي الزامن تان دستبردار ٿي وئي، آر اوز پاران ووٽن سان دٻا ڀرڻ جو ڪو به ثبوت نه مليو آهي، جڏهن ته سڀ کان وڌيڪ فارم 15 ڪي پي ڪي مان غائب ٿيا آهن، فارم 15 جو غائب هئڻ ۽ ٿيلهن جون سيلون ٽوڙن نااهلي آهي،اليڪشن ڪميشن دليلن ۾ چيو ته سڀ کان وڌيڪ فارم 15 ڪي پي ڪي مان غائب ٿيا،سنڌه ٻئي نمبر تي ۽ پنجاب ٽئين نمبر تي رهيو، جڏهن ته فارم 15 جو عائب ٿيڻ ۽ ٿيلهن جون سيلون ٽوڙڻ ڌانڌلي نه پر نااهلي آهي. واضح رهي ته تحريڪ انصاف پاران عام چونڊن ۾ وڏي پيماني تي ڌانڌلي جا الزام لڳائيندي جوڊيشل ڪميشن جوڙڻ جو مطالبو ڪيو هو.

 

عمران فاروق قتل لاءِ لنڊن مان هدايتون ڏنيون ويون: جوابدار خالد شميم جا انڪشاف

اسلام آباد (اين اين آءِ) ڊاڪٽر عمران فاروق قتل ڪيس ۾ ملوث جوابدار خالد شميم قومي سلامتي جي اداري جي جاچ وقت ڪيترائي اهم راز ظاهر ڪري ڇڏيا آهن، ذريعن مطابق واٽر بورڊ جي آفيسر خالد شميم ٻڌايو ته ڊاڪٽر عمران فاروق جي قتل لاءِ کيس هدايتون سڌي طرح لنڊن مان ڏنيون ويون، جڏهن ته ان قتل جي رٿابندي به لنڊن ۾ ڪئي وئي، هن عمران فاروق کي قتل ڪندڙ محسن ۽ ڪاشف سان ملاقات ڪراچي جي سينٽرل ضلعي جي هڪ هوٽل ۾ ڪئي جنهن کانپوءِ هن ٻنهي کي معظم علي سان ملايو، خالد شميم جو چوڻ هو ته معظم جي ڪمپني ۾ نوڪري دوران هو معظم جي نگراني به ڪندو رهيو، هن انڪشاف ڪيو ته عمران فاروق جي قتل جي عيوض ڪاشف ۽ محسن کي ڳجهه رقم ڏني وئي هئي، جاچ ذريعن مطابق جوابدار اهو به ٻڌايو ته محسن ۽ ڪاشف لنڊن ۾ ترسڻ دوران ان کي روزانو جي بنياد تي هڪ ٽيليفون ڪال ۽ 2 اي ميلز اماڻيندو هو جنهن ۾ سي آءِ ڊي بابت تفصيل هوندو هو، جوابدار انڪشاف ڪيو ته هن کي محس ۽ ڪاشف ڪراچي پهچڻ تي قتل جا اطلاع مليا جنهن تي هو ان سان ملڻ سريلنڪا ويو، جتي ڪاشف ۽ محسن کان ان عمران فاروق قتل جو مڪمل تفصيل ورتو،هن چيو ته عمران فاروق جي قتل کانپوءِ کيس معظم جي فون جو بليڪ بري ختم ڪرڻ جون هدايتون ڏنيون ويون جنهن تي هن معظم جو فون ٽوڙي ڇڏيو هو.

 

سڀني کي گڏجي ڪراچي جي مسئلن جو حل ڳولڻو پوندو: سراج الحق

ڪراچي(اسٽآف رپورٽر) سڀني کي گڏجي ڪراچي جي مسئلن جو حل ڳولڻو پوندو، اهڙن خيالن جو اظهار افطار پارٽي ۾ ڳالهائيندي جماعت اسلامي جي امير سينيٽر سراج الحق ڪيو، هن چيو ته سياسي پارٽين سياسي جهندن ۾ ڏوهارين کي نه لڪائين، بي بي سي جيڪي انڪشاف ڪيا ان تي گهرو وزير خط ته لکي ڇڏيو پر تفصيلات به ڏيڻ گهرجن، هن چيو ته حادثا ۽ واقعا زندگي جو حصو اهن، حڪومت ۽ رياست جو ڪم عوام جي لاءِ ڪوششون ڪرڻ آهي، سمورين سياسي پارٽين کي عوام لاءِ سوچڻ گهرجي.

 

الطاف حسين کي ايجنٽ نه چوندس: حميد گل

ڪراچي(م.ڊ) الطاف حسين کي ايجنٽ نه چوندس، اهڙيون ڳالهيون نجي ٽِي جي پروگرام ۾ ڳالهائيندي آئي ايس آئي جي اڳوڻي سربراهه ليفٽينينٽجنرل (ر) حميد گل ڪيون، هن چو ته جن ماڻهن ايم ڪيو ايم جي قائد کي پناهه ۽ پاليو انهن کان پڇيو وڃي، پروگرام ۾ ڳالهائيندي هن چيو ته پاڪستان کي سڀ کان وڌيڪ نقصان پرويز مشرف پهچايو ۽ آمريڪا کي ڊبل ڪراس ڪيو.