تازيون خبرون

Daily Archives: May 20, 2015

ترقين جي معاملي کي صوبائيت جو رنگ ڏيڻ مناسب ناهي، ترقيون ميرٽ تي ٿيڻ گهرجن: وزير اعظم

اسلام آباد (بيوروِ) وزيراعظم محمد نوازشريف چيو ته ڪنهن به حڪومت کي ملڪ ۽ قوم جي نقصان جو فيصلو نه ڪرڻ گهرجي ترقين جو معاملو ميرٽ تي ڏسندس ۽ رپورٽ مخالف ڌر اڳواڻ سيد خورشيد شاهه سان شيئرز ڪندس ترقين کي صوبائيت کي رنگ ڏيڻ غلط ڳالهه آهي ترقيو اهليت ۽ صلاحيت جي بنيد تي ٿيڻ گهرجن ٽئين درجي جي سفارشي کي اول درجي تي ترجيحي ڏيڻ اسان جي پاليسي نه آهي عوام سان انصاف ڪرڻو آهي ته اصولن تي هلڻو پوندو خورشيد شاهه جلد گهٻرائجي ويندو آهي اسان صبر ۽ تحمل سان ڪم ڪنداسين اڱاري تي قومي اسيمبلي ۾ سيد خورشيد شاهه پاران سول سروس ۾ ترقين جي معاملي تي اٿاريل پوائنٽ آف آرڊر جي سوالن جي جواب ۾ چيو ته سيد خورشيد شاهه جيڪو معاملو اٿاريو آهي ڪالهه به اهو معاملو اٿاريو هو ان تي مختصر مان هي چوندس ته هي معاملو ڪنهن هڪ صوبي جو نه آهي ۽ نه ئي سنڌ بلوچستان پنجاب ڪي پي ڪي آزاد ڪشمير يا گلگت بلتستان جو آهي پر هي معاملو ميرٽ جو آهي ۽ ان لاءِ اڃا تائين ان جو مون وٽ تفصيل ناهي آيو هڪ ننڍي نوٽ واري سمري آئي آهي فيڊرل پبلڪ سروس ڪميشن جي چئرمين پروموشن بورڊ جو چيئرمين به هوندو آهي چار ئي چيف سيڪريٽري ۽ ٻيا ان جا ميمبر آهن 20 کان 21 گريد ۾ ترقي لاءِ ڪيترن ئي ماڻهن تي غور ڪيو ويو جنهن کان پوءِ ڪيترن ئي ماڻهن کي ڊراپ ڪيو ويو هي ڪنهن صوبي جو معاملو نه آهي منهنجو ان معاملي سان ڪوبه تعلق نه آهي مان چيئرمين کي نٿو سڃاڻان ته هي ڪير آهي هي پيپلزپارٽي جي دور حڪوتم ۾ ميمبر بڻايو ويو هو ۽ چيئرمين جي رٽائرڊ ٿيڻ کان پوءِ وقتي چيئرمين ٿيو آهي اسان هن معاملي کي تڪراري نه پيا بڻايون اسان صوبائيت جو رس نٿا ملهائڻ چاهيون پهريان به 21هين گريڊ ۾ جيڪي ماڻهو پرموٽ ٿيا هئا ان مان ڪجهه ماڻهو عدالت ۾ ويا ۽ اسٽي آرڊر حاصل ڪيو جنهن جي جواب ۾ حڪومت سپريم ڪورٽ ويئي ته عدالت فيصلو حڪومت جي حق ۾ ڏنو 20هين کان 21هين گريڊ ۾ ترقي لاءِ انهن ماڻهن جي شهرت کي ڏسڻ گهرجي انهن جي ماضي جي ڪيريئر کي ڏسڻ ضروري آهي يا نه اسان پاڪستان پنجاب ۽ بلوچستان اندر ڀرتيون ميرٽ تي ڪيون آهن اسان اصولي موقف اختيار ڪيو هو جيڪڏهن پاڪستان جي عوام سان انصاف ڪرڻُ آهي ته ميرٽ تي فيصلا ضروري آهن هي نٿو ٿي سگهي ته ٿرڊ ڪلاس کي سفارش تي ڀرتي ڪيون ۽ فرسٽ ڪلاس جنهن جي ڪائي سفارش نه هجي ان کي محروم ڪري ڇڏيون هي قوم سان ناانصافي ٿيندي اسان قوم سان انصاف ڪرڻچاهيون ٿا ڪير پنجابي سنڌي پٺاڻ بلوچ آهي هي فرق ڪرڻ اسان جو حق نه آهي اهو چوڻ ته ايترا پنجابي پرموٽ ٿي ويا سنڌي نه ٿيا يا ٻيا نه ٿيا ٺيڪ نه آهي اسان ميرٽ رکي آيه ان تي پورو لهندڙن کي انهن جو حق ضرور ملندو جيڪڏهن ايئن نه ڪيون ته پوءِ ميرٽ ۽ شفافيت کي ڇڏي ڏيون وزراعظم چيو ته هي معاملو مون وٽ ايندو ته مان ان کي چڱي طرح ڏسندس ۽ پوءِ خورشيد شاهه سان شيئر ڪندس ته ٻڌائي ڪٿي زيادتي ۽ ناانصافي ٿي آهي جيڪڏهن ڪائي نظر آئي ته ان کي ٺيڪ ڪدناسين وزيراعظم چيو ته خورشيد شاهه جلد ئي گهٻرائي وڃي ٿو اسان صبر ۽ تحمل سان ڪم ڪنداسين جيڪڏهن اسان لاءِ ٺيڪ آهي ته معاملو حل ڪنداسين ان جي جواب ۾ خورشيد شاهه چيو ته اسان گهٻرائڻ وارا نه آهيون اسان وڏن وڏن طوفانن سان ٽڪرائڻ وارا آهيون اسان طوفانن سان ٽڪرائي اوهان کي محفوط رستو ڏنو آهي سيد خورشيد شاهه چيو ته مان وزراعظم جي ڳالهه سان 100 سيڪڙو متفق آهي ته ميرٽ تي ڪائي سوديبازي نه ڏيڻ گهرجي مان وزيراعظم جي نيت ۾ کوٽ نٿو ڏسان اوهان جا ڪن اکيون اوهان جا دوست هوندا آهن اهي ٻڌائيندا ته ڇا ڪرڻو آهي هن چيو ته مان يقين ڪيان ٿو ته جيڪو ڪجهه وزيراعظم چيو ان تي پورو لهنداسين.

 

چونڊ نتيجا نه مڃيا هئا، جمهوريت جي لاءِ چپ رهياسين : آصف زرداري

پشاور (م.ڊ) پاڪستان پيپلز پارٽي جي شريڪ چئرمين آصف علي زرداري پشاور ۾ ڪارڪنن سان خطاب ڪندي چيو ته اسان چونڊ نتيجن کي نه مڃيو هو پر جمهوريت جي مصبوطي لاءِ چپ رهياسين، خيبرپختونخواه ۾ نقلي پختونن جي حڪومت آهي، انهن کي سمجهڻ گهرجي ته هي ڪرڪيٽ ميچ نه پر حڪومت آهي، حڪومت ۽ ڪپتاني ۾ وڏو فرق هوندو آهي. پاڪستان پيپلز پارٽي جي شريڪ چئرمين آصف علي زرداري پشاور ۾ ڪارڪنن سان خطاب ڪندي تحريڪ انصاف تي سخت تنقيد ڪئي.  هن چيو ته قوميت جي نالي تي ووٽ وٺندڙن 3 سالن ۾ پختونن لاءِ ڪجهه ناهي ڪيو، جيڪا ٻوڏ ڪراچي کان اٿلي اسان ڄاڻو ٿا ته اها خيبر پخوتنخواهه ۾ ڪئين پهتي، اسان اهو به ڄاڻو ٿا ته خيبر پخوتونخواهه ۾ ڇا ٿيو هو. آصف رزداري جو چوڻ هو ته سرحد صوبي جو نالو مٽائڻ جي همت ڪنهن به نه ڪئي هئي، اسان پختونن جي سڃاڻپ کي مڃيو، اسان 18 ترميم جي ذريعي سمورن صوبن کي انهن جا اختيار ڏنا، هاڻي صوبن تي ٻڌل آهي ته اهي ڪهڙي ريت پنهنجا اختيار وفاق کان وٺن ٿا. اڳوڻي صدر ۽ پيپلز پارٽي جي شريڪ چئرمين آصف زرداري وڌيڪ چيو ته تحريڪ انصاف صوبي ۾ نئين قانون سازي ڪري اسان جي دوستن کي ڦاسڻ چاهي ٿي، ڪارڪنن کي هن وڌيڪ چيو ته اسان ته جيل ۾ به رهي وينداسين پر توهان ڇا ڪندو، توهان ته جيل جو پاڻي به نٿا پي سگهو.

 

پوري ملڪ ۾ 300 کان400 تائين مدرسا دهشتگردي ۾ ملوث هجڻ جا ثبوت ملي ويا آهن: خواجا آصف

اسلام آباد (بيورو) بچاءَ واري وزير خواجا آصف چيو آهي ته ڪجهه مدرسن جي دهشتگردي ۾ ملوث هئڻ جا ثبوت ملي ويا آهن، هاڻوڪي سرڪار ماضي جي غلط فيصلن جا نتيجا ڀوڳي رهي آهي، سوچ تبديل نه ڪئي وئي ته دهشتگردي وارو عذاب ختم نه ٿيندو.قومي اسيمبلي جو اجلاس اسپيڪر سردار اياز صادق جي صدارت هيٺ ٿيو، جنهن ۾ مختلف معاملن تي بحث ڪيو ويو.ايوان کي ڄاڻ ڏيندي بچاءَ واري وزير خواجا آصف چيو ته سڌ سماءَ واري وزير پرويز رشيد جي مدرسن بابت بيان کي غلط رنگ ۾ پيش ڪيو ويو آهي. هن چيو ته ملڪ جا 3 کان 4 سيڪڙو مدرسا دهشتگردي ۾ ملوث آهن، جنهن جا کين ثبوت ملي ويا آهن.خواجا آصف چيو ته ماضي جي حڪومتن ۾ غلط فيصلا ڪيا ويا، جنهن جا نتيجا اڄ به ڀوڳي رهيا آهيون، جيستائين سوچ تبديل نه ٿيندي، دهشتگردي جي غذاب مان جان نه ڇٽندي.بچاءَ واري وزير خواجا آصف وڌيڪ چيو ته دهشتگردي خلاف آپريشن ضرب عضب هلي رهيو آهي، ملڪ مان دهشتگردي جو خاتمو آڻي ئي سک جو ساهه کنيو ويندو.

 

ڪالهه هزارين ماڻهو سمنڊ تي وهنجڻ ويا، اڃان عوام کي ڪيترو امن کپي: وڏو وزير

ڪراچي/نوابشاهه (نمائندن وٽان) نوابشاهه ۾ ميڊيا سان ڳالهائيندي قائم علي شاهه اهم پڌرائي ڪئي ته صفورا وقعي ۾ ملوث 4 ماڻهو نوابشاهه مان گرفتار ڪيا ويا آهن، هن چيو ته اها اهم خبر عوام سان ونڊڻ چاهيان ٿو ته صفورا واقعي ۾ 4 ماڻهن کي پڪڙيو ويو آهي، جن جو تعلق نوابشاهه سان آهي، هنن صفورا واقعي جي هتي ئي رٿابندي ڪئي، هن چيو ته اها خبر مون کي ڪراچي ۾ ڏيڻي هئي پر نوابشاهه ۾ موجود آهيان انڪري هتي اها خبر ڏيان پيو. ٻئي طرف سنڌ جي وزير اعليٰ سيد قائم علي شاهه سنڌ اسيمبلي ۾ پنهنجن  خيالن جو اظهار ڪندي چيو ته سنڌ ۾ مڪمل طور تي امن امان جي صورتحال بهتر آهي ۽ ڪراچي ۾ صورتحال بهتر ٿي رهي آهي، جيڪڏهن سنڌ ۾ امن نه هجي ها ته سيڙپڪار ڪراچي ڇو پيا اچن، پنجاب ۾ ٿيندڙ واقعن تي ڪنهن به آواز نه اٿاريو ۽ ڪنهن استعيفيٰ ڇو نه ڏني، ماڻهن استعيفيٰ کي مذاق بڻائي ڇڏيو آهي. هن چيو ته پرويز مشرف جي دور ۾ آمريڪي ڪائونسل خاني ۾ بم ڌماڪو ٿيو هو ته ڇا ان وقت هن استعيفيٰ ڏني، ارباب غلام رحيم جي وزارت واري دور ۾ ان وقت جي ڪور ڪمانڊر تي حملو ٿيو ان وقت جي وزيراعليٰ استعيفيٰ ڇو نه ڏني. تنقيد ڪرڻ مخالف ڌر جو حق آهي پر  جيڪڏهن ڪو الزام لڳائي ٿو ته پوءِ ثبوت به سامهون آڻي.قائم علي شاهه چيو ته اپيڪس ڪميٽي ۽ سنڌ حڪومت ڏوهارين جو خاتمو ڪرڻ لاءِ اهم قدم کنيا آهن جن کي وزيراعظم، آرمي چيف ۽ ڊي جي آءِ ايس آئي سنڌ حڪومت کي ساراهيو آهي.صفورا واقعي وقت مان اسلام آباد هئس ۽ اهو واقعو صبح9 وڳي ٿيو ۽ واقعي کان 2 ڪلاڪ پوءِ مان 11 وڳي ڪراچي پهچي چڪو هئس،

 

گهرو وزير ايگزٽ ڪمپني طرفان جعلي ڊگري وڪڻڻ جي تحقيقات ڪرڻ جو حڪم ڏئي ڇڏيو

اسلام آباد (بيورو) وفاقي گهرو وزير چوڌري نثار چيو آهي ته پاڪستان ۾ ڪم ڪندڙ آءِ ٽي ڪمپني ايگزٽ طرفان جعلي ڊگريون وڪڻڻ جي تحقيقات ڪرڻ جو حڪم ڏئي ڇڏيو. چوڌري نثار آءِ ٽي ڪمپني ايگزٽ طرفان جعلي ڊگرين جي معاملي جي تحقيقات لاءِ ايف آءِ کي حڪم ڏنو آهي. چوڌري نثار چيو ته ملڪ  کي بدنام ڪندڙ اسڪينڊل  جي فوري طور تي جاچ ڪئي ويندي. واضح رهي ته آمريڪي نيويارڪ ٽائمز ايگزيٽ ۾ پاڪستاني سافٽ ويئر ڪمپني جو ڀانڊو کولي ڇڏيو.انڪشاف ڪيا هئا ته ايگزيٽ ڪمپني مبينا طور جعلي آن لائين ڊپلوما ۽ ڊگرين جي پيشڪش ڪري سالانا اربين رپيا ڪمائي رهي آهي.

 

پ پ جي دؤر ۾ وڏا ترقياتي ڪم ٿيا آهن، آفيسرن کي واضع گائيڊ لائين ڏني آهي: شرجيل ميمڻ

ڪراچي(اسٽاف رپورٽر) سنڌ جي اطلاعات ۽ بلديات واري وزير شرجيل انعام ميمڻ چيو آهي ته پيپلز پارٽي جي حڪومت ۾ ڪراچي ۾ وڏي پيماني تي ترقياتي ڪم ٿيا آهن ۽ هاڻ به ڪيترن منصوبن تي ڪم جاري آهي. آفيسرن کي واضح گائيڊ لائن ڏني وئي آهي. ٽي وي چينلز تي ڪجهه اينڪرز رات جو سنڌ حڪومت ۽ حڪومت جي عهديدارن جا نالا وٺي هروڀرو تنقيد ڪن ٿا، جيڪڏهن اسان هتڪ عزت جو عدالتن ۾ وڃي ڪيس ڪريون ته اينڪرز لاءِ ڏکيائي ٿيندي. صفائي جي ڪم کي ”آئوٽ سورس“ ڪنداسين. سنڌ ويسٽ مينيجمينٽ بورڊ سيپٽمبر کان ڪم شروع ڪندو. اپوزيشن جي هڪ عورت ميمبر مون تي تنقيد ڪئي آئون ان جو جواب ان لاءِ ڏيندس ته ان عورت ميمبر سينيٽ جي چونڊن ۾ پيپلز پارٽي جي حمايت ڪئي هئي. اهڙن خيالن جو اظهار هن اڱاري تي سنڌ اسيمبلي جي اجلاس ۾ ٽئين ٽه ماهي رپورٽ تي بحث دوران خطاب ڪندي ڪيو. شرجيل انعام ميمڻ چيو آهي ته اپوزيشن ميمبرن بلديات کاتي جي ڪارڪردگي تي تنقيد ڪئي. وزيرن جي ذميواري آهي ته هو گڊ گورننس لاءِ پنهنجن کاتن جي آفيسرن کي گائيڊ لائن ڏين. معاملن کي سڌارڻ لاءِ ذاتي مفادن کان مٿانهون ٿي ڪم ڪيو وڃي. هن چيو ته ڪجهه ٽي وي چينلز تي ڪجهه اينڪرز رات جو سنڌ حڪومت ۽ حڪومت جي عهديدارن جا نالا وٺي هروڀرو تنقيد ڪن ٿا، جيڪڏهن اسان هتڪ عزت جو عدالتن ۾ وڃي ڪيس ڪريون ته اينڪرز لاءِ مشڪلات ٿيندي. اسان انهن کي اها گذارش ڪريون ٿا ته هو ثبوتن سان ڳالهه ڪن. صرف تاثر جي بنياد تي ڳالهه نه ڪن. شرجيل ميمڻ چيو ته بلديات کاتي ۾ ڪجهه هنڌن تي سٺن آفيسرن کي مقرر ڪيو ويو آهي ۽ مونکي بهتري نظر آئي آهي. 100 سيڪڙو نتيجا حاصل ناهيون  ڪري سگهيا پر بهتري آئي آهي، حيدرآباد ۾ سٺو ايڊمنسٽريٽر، ڪمشنر ۽ سٺو ڊپٽي ڪمشنر مقرر ڪيو آهي، جنهن سان اتي واضح بهتري آئي آهي. 8 کان 10 ضلعن ۾ بهتري ٿي آهي، جنهن حڪمت عملي سان اسان هلي رهيا آهيون، اسان پوري سنڌ ۾ بهتري ڏسي رهيا آهيون. قبضا ختم ڪري رهيا آهيون. صفائي سٿرائي تي خصوصي ڌيان ڏنو پيو وڃي. اتر سنڌ ۾ بلديات کاتي جو اسٽاف نساسسڪ لاءِ ڪم نه ڪندو ڇو ته ان جي ڪارڪردگي مان اسان ڪنهن صورت ۾ مطمئن نه آهيون. هن چيو ته هاڻ نساسسڪ پنهنجي اسٽاف جو پاڻ انتظام ڪري. شرجيل ميمڻ چيو ته صفائي جي ڪم کي ”آئوٽ سورس“ ڪنداسين. سنڌ ويسٽ مينيجمينٽ بورڊ هلندڙ سال جي سيپٽمبر کان ڪم شروع ڪندو. هڪ آمريڪي ڪمپني کي به ڪراچي جي ڪجهه حصن ۾ ڪچرو کڻڻ جو ڪم ڏيڻ تي ڪم ڪري رهيا آهيون. ٻين ڪمپنين سان ڳالهه هلي رهي آهي. بورڊ  کانسواءِ ڪراچي ۾ صفائي جو ڪم نٿو ٿي سگهي. هن چيو ته ڪراچي جي ترقي لاءِ پيپلز پارٽي جي حڪومت هميشه ڪم ڪيو آهي. شارع فيصل شهيد ذوالفقار علي ڀٽو ٺهرائي. فلائي اوورز جو تصور شهيد محترمه بينظير ڀٽو ڏنو. پيپلز پارٽي جي دور ۾ پل، انڊر پاسز ۽ فلائي اوور تعمير ٿيا. هلندڙ سال دوران ملير 15، ملير هالٽ، واٽر پمپ، عائشه منزل، ڊاڪخانه، تين هٽي تي فلائي اوور جو گهڻو ڪم مڪمل ٿي چڪو آهي. ڪيترن نون فلائي اوورز تي ڪم ٿي رهيو آهي. مهراڻ انڊر پاس ۽ فلائي اوورز چئن مهينن ۾ مڪمل ٿي ويندا. هن چيو ته هن وقت به ڪراچي ۾ ڪيترين ئي ترقياتي اسڪيمن تي ڪم جاري آهي. هن چيو ته ڪراچي جي سمورن ضلعن ۾ رستن جو پچ ورڪ ٿي رهيو آهي. اسٽريٽ لائٽس تي به ڪم ٿي رهيو آهي. صفائي سٿرائي لاءِ گاڏين جي مرمت ڪئي پئي وڃي. هن چيو ته وڌ کان وڌ ترقياتي ڪم ڪرڻ اسان جي ترجيح آهي. ٽي وي چينلز تي اهو تاثر ڏيڻ ته ڪم نه ٿي رهيو آهي اهو تاثر غلط آهي. بدين ۽ ٿر ۾ رستن تي ڪم ٿيو آهي. ڪراچي – ٺٽو ڊيوئل ڪيريج وي ٺاهيو پيو وڃي. صوبي ۾ مواصلاتي نظام تي ڌيان ڏنو پيو وڃي. ڪنسلٽنٽ مقرر ڪيو ويو آهي. هن ئي مهيني وزيراعليٰ سنڌ ان منصوبي جو آغاز ڪندو. ڌاٻيجي پمپنگ اسٽيشن جي توسيع تي ڪم ٿي رهيو آهي. ڪراچي جي متاثر علائقن ۾ 1000 ٽينڪرز ذريعي پاڻي فراهم ڪري رهيا آهيون. اپوزيشن ليڊر جي تجويز مطابق انهن ٽينڪرز جي ورڇ ڊپٽي ڪمشنرز جي ذريعي ڪرائي رهيا آهيون. هن چيو ته اسان جو ڪو ذاتي مفاد نه آهي. الزامن جي اوٽ ۾ ذاتي حملا ڪيا پيا وڃن. هن چيو ته ٿرپارڪر ۾ سالار هائوس منهنجي پٽ جي نالي تي آهي. اهو هائوس مون ان وقت ٺاهيو هو جڏهن آئون وزير نه هئس. اپوزيشن جي هڪ عورت ميمبر مون تي تنقيد ڪئي آهي ان جو جواب ان لاءِ ڏيندس ته ان عورت ميمبر سينيٽ جي چونڊن ۾ پيپلز پارٽي جي حمايت ڪئي هئي.

 

شوال ۾ آمريڪي جاسوس جهاز جي حملي ۾ 6 ماڻهو مارجي ويا، 2 زخمي ٿي پيا

اتر وزيرستان (اي پي پي) اتر وزيرستان جي علائقي شوال ۾ آمريڪي جاسوس جهاز جي حملي جي نتيجي ۾ 6 ماڻهو مارجي ويا ۽ 2 زخمي ٿي پيا. پي ٽي وي جي رپورٽ موجب گذريل رات اتر وزيرستان جي تعلقي شوال جي علائقي زوئي ناري ۾ هڪ گهر تي چار ميزائيل اڇلايا ويا.جنهن جي نتيجي ۾ 6 ماڻهو مارجي ويا. جڏهن ته 2 زخمي ٿي پيا. ا

 

 نثار کهوڙو قوم جي نياڻين، عورتن، مائن، ڀيڻن کان معافي گهري:نصرت سحر عباسي

اسلام آباد (بيورو) فنگشنل ليگ جي اڳواڻ نصرت سحر عباسي اسيمبلي ۾ نثار کوڙو کي هر پاسي کان گهيري ڇڏيو، ۽ سند هڪ اهڙي وڊيو اسيمبلي ۾ ڏيکاري جيڪا سوشل ميڊيا تي پڻ موجود آهي، نصرت سحر عباسي چيو ته هي وڊيو اسيمبلي ۾ موجود هر ميمبر وٽ موجود آهي.وڊيو تي پوري اسيمبلي ۾ گوڙ شروع ٿي ويو. جنهن نصرت سحر عباسي کي ڪيترائي ڀيرا ڳالهائڻ کان روڪيو ويو پر هن جو چوڻ هو ته تعليم جو وزير معافي گهري قوم جي مائن، ڀيڻن ۽ عورتن کان. هن چيو ته اسيمبلي جو ميبر هجڻ جي حيثيت ۾ مان اسان اهو حق رکون ٿا ته اسان کي هڪٻئي جي خبر هجي هن وڌيڪ چيو ته مان جڏهن ڳالهائي رهي آهيان ته نثار کهوڙو اسيمبلي مان ڇو هليو ويو، هن کي هتي موجود هجڻ گهرجي ها ۽ مون کي ٻڌڻ ۽ جواب ڏيڻ گهرجي ها.

 

دهشتگردي ٽوڙ عدالت ذوالفقار مرزا ۽ سندس ساٿين جي 30 مئي تائين عبوري ضمانت منظور ڪري ورتي

ڪراچي(اسٽاف رپورٽر) ڪراچي جي دهشتگرد ٽوڙ عدالت ذوالفقار مرزا ۽ سندس ساٿين جي بدين ٿاڻي تي داخل ٽن ڪيسن ۾ 30 مئي تائين عبوري ضمانت منظور ڪري ورتي، جڏهن ته سنڌ هاءِ ڪورٽ ذوالفقار مرزا جي گرفتاري کان اڳ ضمانت ۽ سمورا ڪيس ڪراچي منتقل ڪرڻ جون 2 درخواستون ٻڌڻي لاءِ منظور ڪري ورتيون. اڳوڻو گهرو وزير ذوالفقار مرزا پنهنجي حامين سميت ڪراچي جي دهشتگردي ٽوڙ عدالت ۾ ضمانت لاءِ پهتو، ان موقعي تي سيڪيورٽي جا انتظام انتهائي سخت ڪيا ويا، ذوالفقار مرزا جا حامي به پاڪستان جا جهنڊا کڻي عدالت جي ٻاهران گڏ ٿي ويا. عدالتي ڪمري ۾ ذوالفقار مرزا ۽ پ پ جي جي وڪيلن ۾ ڏند چڪ ٿي، ذوالفقار مرزا چيو ته آصف زرداري کيس مارڻ لاءِ وڪيلن کي موڪليو آهي، هو اهڙن وڪيلن کي سڃاڻي ٿي، اُهي سڀ وٽس سفارشون کڻي ايندا هئا. پ پ جي وڪيل عبدالصمد بلوچ ذوالفقار مرزا کي مخاطب ٿيندي چيو ته هو مئل گهوڙن سان نه ڳالهائيندو آهي، عدالت ذوالفقار مرزا جي وڪيل جي درخواست تي ٽن ڪيسن ۾ 30 مئي تي عبوري ضمانت منظور ڪري ورتي، جڏهن ته ڪيس جي ٻڌڻي 25 مئي تي مقرر ڪئي وئي آهي. ٻئي طرف ذوالفقار مرزا وڪيل معرفت سنڌ هاءِ ڪورٽ ۾ گرفتاري کان اڳ ضمانت ۽ سمورا ڪيس ڪراچي منتقل ڪري تفصيلن کان آگاهه ڪرڻ جون درخواستون جمع ڪرائي ڇڏيون آهن. سنڌ هاءِ ڪورٽ جي جسٽس شوڪت ميمڻ پاران ذوالفقار مرزا سان ذاتي تعلق سبب ٻڌڻي کان انڪار ڪرڻ بعد چيف جسٽس ٻنهي درخواستن جي ٻڌڻي لاءِ 2 الڳ الڳ بينچون قائم ڪري ورتيون آهن. ذوالفقار مرزا جي ضمانت واري درخواست جي ٻڌڻي لاءِ جسٽس سجاد علي شاهه جي سربراهي ۾ 2 رڪني بينچ قائم ڪئي وئي آهي. ذوالفقار مرزا جا سمورا ڪيس ڪراچي منتقل ڪرڻ بابت درخواست جي ٻڌڻي لاءِ جسٽس نعمت الله ۽ جسٽس عبدالمالڪ تي ٻڌل الڳ بينچ قائم ڪئي وئي آهي، جيڪا ڪجهه دير بعد ٻڌڻي ڪندي.

دولت اسلاميه جو پاڪ افغان جي مختلف علائقن تي ٻڌل صوبو ٺاهڻ جو اعلان

لنڊن (اين اين آءِ) دولت اسلاميه افغانستان ۽ پاڪستان جي مختلف علائقن تي ٻڌل صوبو ٺاهڻ جو اعلان ڪري ڇڏيو بي بي سي مطابق دولت اسلاميه جي ترجمان ميگزين دبيڪ جي ستين شماري ۾ ٻڌايو ويو ته خراسان ولايت يا صوبي جو قيام عمل ۾ آندو ويو آهي جنهن ۾ افغانستان سميت خيبر ريجن سوات ميدان مروت ڪکي خيل دير هنگو باجوڙ ارڪزئي قرم ۽ وزيرستان جا علائقا شامل آهن خراسان لاءِ تحريڪ طالبان ارڪزئي جو اڳوڻو ڪمانڊر شيخ حافظ سعيد خان کي ولي جڏهن ته عبدالرئوفخادم کي نائب به مقرر ڪيو ويو آمريڪي اخبار وال اسٽريٽ جنرل جي پاڪستان ۾ نمائندي شعيب بي بي سي کي ٻڌايو ته وزيررستان جي ڪجهه ٽولن جو جن ۾ پنجابي طالبان ۽ لشڪر جهنگوي به شامل آهن ڪراچي جي ٽولن سان تعلق آهي ان مطابق ڪراچي ۾ دهشتگردي جون جيڪي به وڏيون ڪارروايون ٿيون آهن ان ۾ لشڪر جهنگو جو نالو ايندو رهيو آهي ان بنياد تي چئي سگهجي ٿو ته هي لشڪر جهنگوي جا ماڻهو آهي جيڪي هاڻي دولت اسلاميه ۾ اچي ويا آهن. پاڪستان انسٽيٽيوٽ آف پيس اسٽيڊيز جي ڊآئريڪٽر عامر رانا مطابق شدت پسند گروهه جندالله جي ڪري ٿورو ابهام آهي ڇو ته جندالله وڏي عرصي کان دولت اسلاميه کي متاثر ڪرڻ جي ڪوشش ڪري رهيو آهي جڏهن ته اڃا تائين اهڙا ثبوت آڏو ناهن آيا جنهن مان ثابت ٿئي ته جندالله جي بيت کي دولت اسلاميه قبول ڪيو آهي جندالله لشڪر جهنگوي بلوچستان جو ڌڙو آهي هي گروهه بلوچستان کان علاوه سنڌ ۾ ڪافي سرگرم آهي پهريان شايد هن گروهه تي قانون لاڳو ڪندڙن جو خاص ڌيان نه هو طالبان ۽ القاعده جي گروپن افغانستان طرف لڏپلاڻ ڪئي آهي ۽ انهن جي ڪارروائين ۾ گذريل ٽن چئن مهينن ۾ گهٽتائي آئي آهي هاڻي هو گروهه جنهن تي قانون لاڳو ڪندڙ جو توجهه نه هو هاڻي هو تعاون ڪري رهيو آهي.