تازيون خبرون

Daily Archives: May 5, 2015

جانچ تائين اين اي 125 ۾ چونڊ نه ڪرائي وڃي: عمران خان

اسلام آباد (بيورو) عمران خان مطالبو ڪيو آهي ته جوڊيشل ڪميشن اين اي 125 جي آر اوز سان پڇي ته ڪنهن جي چوڻ تي ڌانڌلي ڪرائي وئي؟ هن چيو ته بهتر جمهوري مستقبل لاءِ شفاف چونڊون ضروري آهن. لاهور جي تڪ اين اي 125 جو فيصلو اچڻ کانپوءِ پريس ڪانفرنسڪندي تحريڪ انصاف جي چيئرمين عمران خان جو چوڻ هو ته 126 ڏينهن ڌرڻو نه ڏيون ها ته اڄ فيصلو نه اچي ها. ڌرڻي سبب سچ ماڻهون آڏو آيو آهي. جوڊيشل ڪميشن جي فيصلي کانپوءِ 2015ع چونڊن جو سال هوندو. عمران خان مطالبو ڪيو ته جوڊيشل ڪميشن اين اي 125 جي آر اوز کي گهرائي پڇي ته انهن ڪنهن جي چوڻ تي ڌانڌلي ڪرائي؟ جانچ تائين اين اي 125 ۾ ٻيهر چونڊ نه ڪرائي وڃي ڇو ته ذميوارن کي سزا ڏيڻ کانسواءِ اليڪشن جو ڪوبه فائدو نه آهي. هن چيو ته غلط اليڪشن کٽندر شخص 2 سالن تائين وفاقي وزير ريلوي جي عهدي تي ڪم ڪندو رهيو. خواجه سعد رفيق چوي ٿو ته سندس ڪوبه قصور ناهي. اُن کي گذارش آهي ته هاڻي ته عوام سان ڪوڙ ڳالهائڻ ڇڏي ڏي. ٽربيونل جي جج جو اُهو ڪم ناهي ته هو ٻڌائي ته ڌانڌلي ڪنهن ڪئي. جوڊيشل ڪميشن ٻڌائي ته منظم ڌانڌلي ڪنهن ڪئي. عمران خان الزام هنيو ته اين اي 122 جي رپورٽ روڪڻ لاءِ نادرا تي دٻاءُ وڌو پيو وڃي. چيئرمين نادرا ٻڌائي ته رپورٽس ڇو روڪيون ويون آهن؟ نادرا هن هفتي رزلٽ نه ڏنو ته پاڻ چيئرمين نادرا وٽ ويندس.

 

ڪراچي: واٽر ٽينڪر 7 ٻارڙن کي چيڀاٽي ڇڏيو،3 فوت، 4 زخمي

ڪراچي (اسٽاف رپورٽر) ڪراچي جي علائقي نادرن باءِ پاس وٽ واٽر ٽينڪر مدرسي مان گهر ويندڙ 7 معصوم ٻارڙن کي چيڀاٽي ڇڏيو جنهن سبب 3 ٻارڙا فوت ۽ 4 زخمي ٿي پيا، نادرن باءِ پاس خيرآباد هوٽل ويجهو تيز رفتار واٽر ٽينڪر مدرسي مان گهر واپس ويندڙ ستن معصوم ٻارڙن کي چيڀاٽي ڇڏيو جنهن ۾ پنجن سالن جي حريرا، ڇهن سالن جي عظيم سميت ٽي ٻارڙا فوت ۽ چار ٻارڙا سخت زخمي ٿيا، ٻه فوتي ٻارڙن کي عباسي شهيد اسپتال پهچايو ويو جڏهن ته ٻين ٻارڙن کي ويجهي اسپتال پهچايو ويو آهي واقعي کانپوءِ عورتن ۽ ٻارڙن جي گهرڀاتين احتجاج ڪندي نادرن باءِ پاس کي بلاڪ ڪري ڇڏيو پوليس عملدارن جو چوڻ آهي ته واٽر ٽينڪر جو ڪلينر ۽ ڊرائيور گاڏي ڇڏي

فرار ٿي ويا آهن ۽ انهن جي ڳولا جاري آهي.

 

سياسي پارٽين جا ڪجهه ماڻهو فقط ذاتي مفادن جي بنياد تي پارٽي کي ڇڏي وڃن ٿا: پ پ سينيٽر عاجز ڌامراهه ڪراچي (اسٽاف رپورٽر) پاڪستان پيپلز پارٽي جي سينيٽر عاجز ڌامراهه چيو آهي ته سياسي پارٽين جا ڪجهه ماڻهو فقط ذاتي مفادن جي بنيادن تي پارٽي کي ڇڏين ٿا جڏهن ته ڪجهه ماڻهو اهڙا به هوندا آهن جيڪي نظرياتي اختلافن سبب سياسي پارٽي سان غير وابسطه ٿي وڃن ٿا جيڪي ماڻهو ذاتي مفادن لاءِ يا ڪنهن جي اشاري تي سياسي پارٽي کان پنهنجو تعلق ختم ڪن ٿا ان جي پوءِ ڪا به تاريخ ناهي رهندي ۽ تاريخ جي صفن ۾ انهن جو ڪو به نالو ۽ نشان به ناهي رهندو. پاڪستان /ڏسو صفحو 3 بقايا نمبر 41 پيپلز پارٽي وفاق جي علمبردار سياسي پارٽي آهي جنهن مان ڪجهه ماڻهن جي وڃڻ سان پارٽي تي ڪو به فرق نه ٿو پوي. اهڙي قسم جا اختلاف ماضي ۾ به آڏو ايندا رهيا آهن ۽ ماضي ۾ هڪ دفعو ڪجهه انڪل شهيد ڀٽو بينظير بابت چيو هو ته پرڏيهي درسگاهه مان تعليم حاصل ڪندڙ هڪ ڇوڪري پارٽي جي قيادت سنڀالي نه ٿي سگهي پر وقت انهن سمورن انڪلز جي دعوائن کي ثابت ڪيو ۽ اڄ ڪو به انهن انڪلز کي نه ٿو سڃاڻي. سينيٽر عاجز ڌامراهه اهڙن خيالن جو اظهار هڪ پرهجوم پريس ڪانفرنس دوران ڪيو. جيڪا سومر ڏينهن پيپلز ميڊيا سيل ۾ ڪوٺائي وئي هئي. ان موقعي تي فدا حسين ڍڪڻ، ذوالفقار قائمخاني، فيصل مينڌرو، رياض بلوچ، نعيم آفريدي، نويد صديقي، وسيم جسڪاڻي، شهزاد گل، خالد خان ۽ پيپلز يوٿ آرگنائيزيشن جا عهديدار به موجود هئا. سينيٽر عاجز ڌامراهه سوال ڪيو ته اها ڪٿان جي اصول پسندي آهي جو جيستائين ڪوئي شخص مراعتن جا مزا ماڻيندو رهيو تيستائين ان کي پارٽي ۾ سڀ سٺو نظر اچي ۽ پوءِ ڪنهن جي اشاري تي ان کي پارٽي ۾ پارٽي جي قيادت ۾ خرابيون نظر اچڻ لڳن. هن چيو ته مخالفت جا ڪيترائي اصول ٿيندا آهن پر هڪ شخص جهڙي طرح بازاري ٻولي ڳالهائي  رهيو آهي اهو سڀني جي آڏو آهي. سينيٽر عاجز ڌامراهه چيو ته گذريل ڏينهن بدين ۾ جهڙي طرح غنڊا گردي ڪئي وئي اها غنڊا گڙدي ميڊيا ڏيکاري سياسي يتيمن کي پاڻ سان گڏ کڻي هلڻ سان پيپلز پارٽي جو ڪو به ڪجهه نه ٿو بگاڙي سگهي ۽ جيڪي ماڻهو سياسي يتيمن کي گڏ کڻي پيپلزپ ارٽي کي ختم ڪرڻ جا خواب ڏسي رهيا آهن اهي صرف احمقن جي جنت ۾ رهن ٿا. هن چيو ته جهڙي طرح ڊاڪٽر ذوالفقار مرزا پنهنجي سڃاڻپ گرفتاري کان اڳ ۽ ذاتي سيڪيورٽي لاءِ هاءِ ڪورٽ جو دروازو کڙڪايو اهڙي طرح هو ايف آءِ آر داخل نه ٿيڻ تي به عدالت سان رجوع ڪري سگهي پيو پر هن هٿياربندن ٽولن سان گڏجي ٿاڻي تي ڪاهه ڪئي. هن چيو ته ڊاڪٽر ذوالفقار مرزا جي ڪول ۽ فعل ۾ هڪ نه پر مڪمل تضاد آهي. هڪ پاسي هو چوي ٿو ته ان جو جهيڙو صرف آصف علي زرداري سان آهي ۽ بلاول ڀٽو زرداري ان جو ليڊر آهي پر ٻئي پاسي بدين جي رستن تي بلاول ڀٽو زرداري، شهيد بينظير ڀٽو ۽ شهيد ذوالفقار علي ڀٽو جون تصويرون ساڙيون ويون جنهن تي ان جي جيتري به مذمت ڪئي وڃي گهٽ آهي. هن چيو ته پيپلز پارٽي هڪ پرامن سياسي پارٽي آهي ۽ ڪارڪنن کي پرامن رهڻ جي سختي سان هدايت ڪئي آهي جڏهن ته پيپلز يوٿ آرگنائيزيشن پاران اڄ شام چار وڳي پيپلز سيڪريٽريٽ کان ڪراچي پريس ڪلب تائين احتجاجي ريلي ڪڍي ويندي ۽ ٻين سمورن ضلعن ۾ به احتجاجي ريليون ڪڍيون وينديون. 

ڪراچي (اسٽاف رپورٽر) پاڪستان پيپلز پارٽي جي سينيٽر عاجز ڌامراهه چيو آهي ته سياسي پارٽين جا ڪجهه ماڻهو فقط ذاتي مفادن جي بنيادن تي پارٽي کي ڇڏين ٿا جڏهن ته ڪجهه ماڻهو اهڙا به هوندا آهن جيڪي نظرياتي اختلافن سبب سياسي پارٽي سان غير وابسطه ٿي وڃن ٿا جيڪي ماڻهو ذاتي مفادن لاءِ يا ڪنهن جي اشاري تي سياسي پارٽي کان پنهنجو تعلق ختم ڪن ٿا ان جي پوءِ ڪا به تاريخ ناهي رهندي ۽ تاريخ جي صفن ۾ انهن جو ڪو به نالو ۽ نشان به ناهي رهندو. پاڪستان  پيپلز پارٽي وفاق جي علمبردار سياسي پارٽي آهي جنهن مان ڪجهه ماڻهن جي وڃڻ سان پارٽي تي ڪو به فرق نه ٿو پوي. اهڙي قسم جا اختلاف ماضي ۾ به آڏو ايندا رهيا آهن ۽ ماضي ۾ هڪ دفعو ڪجهه انڪل شهيد ڀٽو بينظير بابت چيو هو ته پرڏيهي درسگاهه مان تعليم حاصل ڪندڙ هڪ ڇوڪري پارٽي جي قيادت سنڀالي نه ٿي سگهي پر وقت انهن سمورن انڪلز جي دعوائن کي ثابت ڪيو ۽ اڄ ڪو به انهن انڪلز کي نه ٿو سڃاڻي. سينيٽر عاجز ڌامراهه اهڙن خيالن جو اظهار هڪ پرهجوم پريس ڪانفرنس دوران ڪيو. جيڪا سومر ڏينهن پيپلز ميڊيا سيل ۾ ڪوٺائي وئي هئي. ان موقعي تي فدا حسين ڍڪڻ، ذوالفقار قائمخاني، فيصل مينڌرو، رياض بلوچ، نعيم آفريدي، نويد صديقي، وسيم جسڪاڻي، شهزاد گل، خالد خان ۽ پيپلز يوٿ آرگنائيزيشن جا عهديدار به موجود هئا. سينيٽر عاجز ڌامراهه سوال ڪيو ته اها ڪٿان جي اصول پسندي آهي جو جيستائين ڪوئي شخص مراعتن جا مزا ماڻيندو رهيو تيستائين ان کي پارٽي ۾ سڀ سٺو نظر اچي ۽ پوءِ ڪنهن جي اشاري تي ان کي پارٽي ۾ پارٽي جي قيادت ۾ خرابيون نظر اچڻ لڳن. هن چيو ته مخالفت جا ڪيترائي اصول ٿيندا آهن پر هڪ شخص جهڙي طرح بازاري ٻولي ڳالهائي  رهيو آهي اهو سڀني جي آڏو آهي. سينيٽر عاجز ڌامراهه چيو ته گذريل ڏينهن بدين ۾ جهڙي طرح غنڊا گردي ڪئي وئي اها غنڊا گڙدي ميڊيا ڏيکاري سياسي يتيمن کي پاڻ سان گڏ کڻي هلڻ سان پيپلز پارٽي جو ڪو به ڪجهه نه ٿو بگاڙي سگهي ۽ جيڪي ماڻهو سياسي يتيمن کي گڏ کڻي پيپلزپ ارٽي کي ختم ڪرڻ جا خواب ڏسي رهيا آهن اهي صرف احمقن جي جنت ۾ رهن ٿا. هن چيو ته جهڙي طرح ڊاڪٽر ذوالفقار مرزا پنهنجي سڃاڻپ گرفتاري کان اڳ ۽ ذاتي سيڪيورٽي لاءِ هاءِ ڪورٽ جو دروازو کڙڪايو اهڙي طرح هو ايف آءِ آر داخل نه ٿيڻ تي به عدالت سان رجوع ڪري سگهي پيو پر هن هٿياربندن ٽولن سان گڏجي ٿاڻي تي ڪاهه ڪئي. هن چيو ته ڊاڪٽر ذوالفقار مرزا جي ڪول ۽ فعل ۾ هڪ نه پر مڪمل تضاد آهي. هڪ پاسي هو چوي ٿو ته ان جو جهيڙو صرف آصف علي زرداري سان آهي ۽ بلاول ڀٽو زرداري ان جو ليڊر آهي پر ٻئي پاسي بدين جي رستن تي بلاول ڀٽو زرداري، شهيد بينظير ڀٽو ۽ شهيد ذوالفقار علي ڀٽو جون تصويرون ساڙيون ويون جنهن تي ان جي جيتري به مذمت ڪئي وڃي گهٽ آهي. هن چيو ته پيپلز پارٽي هڪ پرامن سياسي پارٽي آهي ۽ ڪارڪنن کي پرامن رهڻ جي سختي سان هدايت ڪئي آهي جڏهن ته پيپلز يوٿ آرگنائيزيشن پاران اڄ شام چار وڳي پيپلز سيڪريٽريٽ کان ڪراچي پريس ڪلب تائين احتجاجي ريلي ڪڍي ويندي ۽ ٻين سمورن ضلعن ۾ به احتجاجي ريليون ڪڍيون وينديون.

 

اليڪشن ٽربيونل اين اي 125 تي ڌانڌلي ثابت ٿيڻ تي خواجه سعد رفيق جي ڪاميابي کي ڪالعدم قرار ڏئي ڇڏيو

لاهور (بيورو) اليڪشن ٽربيونل فيصل آباد، فيصلي سان هڪ ئي ڌڪ ۾ مسلم ليگ نون جون ٻه اهم وڪيٽون ڪيرائي ڇڏيون، لاهور جي قومي تڪ اين اي هڪ سئو 125 تي ڌانڌلي ثابت ٿيڻ تي وفاقي وزير خواجه سعد رفيق ۽ پي پي 155 تي به ن ليگ جي ميان نصير جي  ڪاميابي ڪالعدم قرار ڏيندي ٻيهر چونڊون ڪرائڻ جو حڪم جاري ڪيو ويو آهي. اليڪشن ٽربيونل فيصل آباد جي سربراهه جسٽس ريٽائرڊ جاويد رشيد محبوبي، اين اي هڪ سئو 125 تي مبينا ڌانڌلين خلاف حامد خان جي درخواست تي 30 اپريل تي محفوظ ڪيل فيصلو ٻڌائيندي خواجه سعد رفيق جي ڪاميابي ڪالعدم قرار ڏني. اليڪشن ٽربيونل فيصلي ۾ چيو ته اين اي هڪ سئو 25 تي ڌانڌلي ثابت ٿي آهي، اليڪشن ڪميشن فوري طور تي ٻيهر چونڊ ڪرائي. ٽربيونل لکت ۾ جاري ڪيل فيصلي ۾ چيو ته اين اي هڪ سئو 25 جي 7 پولنگ اسٽيشنز تي ڌانڌلي ثابت ٿي آهي، جڏهن ته ووٽن جي ٿيلهن ۾ جعلي ووٽ پڻ مليا آهن. اين اي هڪ سئو 25 تي خواجه سعد رفيق هڪ لک 23 هزار 416 ووٽ کڻي ڪامياب ٿيو هو، جڏهن ته حامد خان کي 84 هزار 4 سئو 95 ووٽ مليا هئا. حامد خان اليڪشن ٽربيونل جي فيصلي کي تاريخي قرار ڏيندي چيو  ته چونڊن ۾ منظم ڌانڌلي ٿي، ٽربيونل جي فيصلي بعد تحريڪ انصاف جو موقف صحيح ثابت ٿيو آهي. اليڪشن ٽربيونل فيصل آباد،پنجاب اسيمبلي جي تڪ پي پي هڪ سئو  55 تي به مسلم ليگ ن جي ميان نصير جي ڪاميابي ڪالعدم قرار ڏيندي ٻيهر چونڊون ڪرائڻ جو حڪم ڏنو آهي. پي پي هڪ سئو 55 تي ن ليگ جي ميان نصير جي ڪاميابي خلاف تحريڪ انصاف جي حافظ فرحت عباس ڪامياب ٿيو هو. ميان نصير احمد 62 هزار 8 سئو 38 ووٽ کڻي ڪامياب ٿيو هو، جڏهن ته پي ٽي آءِ جي حافظ فرحت عباس کي 42 هزار 9 سئو 42 ووٽ مليا هئا. ٻئي طرف ريلوي جي وفاقي وزير خواجه سعد رفيق اليڪشن ٽربيونل جي فيصلي کي نا انصافي قرار ڏيندي چيو آهي ته فيصلي خلاف سپريم ڪورٽ ۾ وڃڻ سميت ٻيا آپشن کليل آهن، حتمي فيصلو پارٽي سان مشاورت بعد ڪيو ويندو. اليڪشن ٽربيونل پاران اين اي 125 تي ڌانڌلي بابت محفوظ ڪيل فيصلو ٻڌائڻ کانپوءِ لاهور ۾ ميڊيا سان ڳالهائيندي خواجه سعد رفيق چيو ته ڇانوڻي بورڊ جي چونڊن ۾ ماڻهن جي هڪ وڏي انگ شينهن تي ٺپا هڻي ثابت ڪري ڇڏيو آهي ته 2013 وارين عام چونڊن ۾ ڪا به ڌانڌلي نه ٿي هئي. هن چيو ته اڄ اليڪشن ٽربيونل جيڪو فيصلو ٻڌايو آهي اهو پرازئيڊنگ آفيسرن ۽ رٽرننگ آفيسرن جي نا اهلي بابت آهي، جنهن جي نه رڳو کيس پر سندس سوا لک ووٽرز کي سزا ملي رهي آهي. هن چيو ته اليڪشن ٽربيونل پنهنجي فيصلي ۾ واضح ڪيو آهي ته حامد خان ڌانڌلي ثابت ڪرڻ ۾ ناڪام رهيو آهي ۽ اليڪشن ٽربيونل کيس نا اهل قرار نه ڏنو آهي. هن چيو ته هِن ئي شهر ۾ هن اسٽريٽ پاليٽڪس ڪئي آهي ۽ چيلنجز کي منهن ڏيڻ کيس پسند آهي. خواجه سعد رفيق چيو ته جج صاحب جو فيصلو انصاف جي ابتڙ آهي ۽ کيس آر اوز جي بدنظمين جي سزا ڏني وئي آهي. خواجه سعد رفيق چيو ته اليڪشن ٽربيونل جي فيصلي خلاف سپريم ڪورٽ ۾ وڃڻ يا وري ميدان ۾ ٻيهر مقابلو ڪرڻ وارا ٻئي آپشن سندس آڏو کليل آهن پر تنهن هوندي به هو حتمي فيصلو پارٽي قيادت سان مشاورت بعد ڪندو. هن چيو ته اليڪشن ٽربيونل جو فيصلو رڳو ست تڪن بابت آهي، جڏهن  ته هن جي ليڊ ايتري آهي، جو ان مان ست تڪ مائينس به ڪيا وڃن تڏهن به سندس ليڊ تي ڪو اثر نه ٿو پوي. خواجه سعد رفيق وڌيڪ چيو ته عمران خان ڪنٽينر تي ويهي وڏا وڏا ڪوڙ ڳالهايا، جيڪڏهن حامد خان ننڍو ڪوڙ ڳالهايو ته اُن جو هو مائينڊ نه ڪندو. هن چيو ته اليڪشن ٽربيونل پنهنجي ئي ٻڌايل فيصلي ۾ ڦاٿل آهي، هڪ طرف ته اليڪشن ٽربيونل چوي ٿو ته ڌانڌلي نه ٿي آهي پر ٻئي پاسي کيس ۽ سندس سوا لک ووٽرز کي سزا ڏني پئي وڃي.

 

پشاور لڳ چارسده روڊ تي حادثي ۾ 5 ماڻهو فوت، 3 زخمي

پشاور(اي پي پي) چارسده روڊ تي ٽريفڪ حادثي جي نتيجي ۾ 5 ماڻهو فوت ۽ 3 زخمي ٿي پيا. پوليس موجب فوتين ۾ 2 عورتون ۽ 3 مرد، جڏهن ته زخمين ۾ هڪ عورت ۽ 2 مرد شامل آهن، جن کي فوري طور اسپتال منتقل ڪيو ويو.پوليس موجب سومر ڏينهن هڪ مسافر گاڏي جيڪا شب قدر کان وڃي رهي هئي ته تيز رفتاريءَ جي ڪري ڊرائيور جي ڪنٽرول مان نڪري هڪ جنرل اسٽور ۾ وڃي لڳي، جنهن جي نتيجي ۾ اسٽور جو شيلٽر گاڏيءَ مٿان اچي ڪِريو جنهن جي نتيجي ۾ 5 ماڻهو فوت ۽ 3 زخمي ٿي پيا. اطلاع تي پوليس ۽ امدادي ٽيمن پهچي فوتين جا لاش ۽ زخمين کي اسپتالن ڏانهن منتقل ڪيو.

 

ذوالفقار مرزا گرفتاري ڏيڻ جو فيصلو ڪري ڇڏيو، مخالفن جا اهڙا پول پڌرا ڪندس جو دنيا ڏسندي: اڳوڻو گهرو وزير

بدين (ڊ ر) اڳوڻي گهرو وزير ڊاڪٽر ذوالفقار مرزا پنهنجي 60 ساٿين سميت ڊي آءِ جي حيدرآباد ثناءُ الله عباسي ۽ ايس ايس پي عرفان بلوچ آڏو گرفتاري ڏيڻ جو فيصلو ڪيو آهي، سندس چوڻ آهي ته آصف زرداري محترمه بينظير ڀٽو کي بليڪ ميل ڪندو هو ۽ هو مخالفن جا اهڙا پول پڌرا ڪندو جو دنيا ڏسندي. اڳوڻي گهرو وزير ڊاڪٽر ذوالفقار مرزا  پنهنجي گهرواري ڊاڪٽر فهميدا مرزا ۽ ليگل ايڊوائيزر ٽيم سان صلاح مشوري کان پوءِ گرفتاري پيش ڪرڻ جو فيصلو ڪيو آهي. ميڊيا سان ڳالهائيندي ڊاڪٽر ذوالفقار مرزا چيو ته هن پنهنجي گهرواري، نياڻي، پٽ ۽ ليگل ايڊوائزري ٽيم سان صلاح مشوري کان پوءِ گرفتاري ڏيڻ جو فيصلو ڪيو آهي. هن چيو ته ڊي آءِ جي ثناءُ الله عباسي ۽ ايس ايس پي عرفان بلوچ انتهائي ايماندار آفيسر آهن تنهنڪري هو انهن وٽ گرفتاري ڏيندو. ڊاڪٽر ذوالفقار مرزا جو چوڻ هو ته سندس گهر ٻاهران بيهاريل بڪتر بند گاڏين ۽ پوليس موبائيل تي هو پنجن منٽن اندر قبضو ڪري سگهي ٿو. هن چيو ته هو گرفتاري کان پوءِ مخالفن جا اهڙا پول پڌرا ڪندو جو دنيا ڏسندي. ڊاڪٽر ذوالفقار مرزا چيو ته آصف علي زرداري محترمه بينظير ڀٽو سان ڪيترائي ڌوڪا ڪيا ۽ کيس بليڪ ميل ڪندو هو. ڊاڪٽر ذوالفقار مرزا جو چوڻ هو ته هو رازن جو سمنڊ آهي  ۽ هن وقت تائين جيڪي انڪشاف ڪيا آهن اهي رازن جون چند بالٽيون هيون.

 

دلي خواهش کي پورو ڪرڻ تي يقين رکندو آهيان: اداڪار عرفان خان

ممبئي(شوبز نيوز) بالي ووڊ اداڪار عرفان خان چيو آهي ته هو دلي خواهش کي پورو ڪرڻ تي يقين رکندو آهي. بالي ووڊ اداڪار عرفان خان پنهنجي تازي ڳالهه ٻولهه ۾ چيو ته هو گريجوئيٽ ٿيڻ کان پوءِ فلم انڊسٽري ۾ آيو، انڊسٽريءَ ۾ تمام گهڻا اهڙا به اداڪار آهن جن پنهنجي تعليم مڪمل ناهي ڪئي پر انهن پنهنجو شوق پورو ڪيو ۽ اهي ڪامياب اداڪارن ۾ شامل آهن. هن چيو ته سندس گريجوئيٽ ڊگري اداڪاريءَ ۾ ڪم ناهي آئي ۽ هو پڻ هاڻي سڀني کان اڳ پنهنجون دلي خواهشون پوريون ڪرڻ تي يقين رکي ٿو. هن جي خيال ۾ هاڻي اهو تصور پُراڻو ٿي چڪو آهي ته اڳ ۾ تعليم مڪمل ڪئي وڃي پوءِ شوق جي شعبي کي اختيار ڪيو وڃي ۽ جيڪڏهن ٻارن اسڪول جي تعليم مڪمل ڪري ورتي آهي ۽ جيڪڏهن اهي اداڪاريءَ ۾ وڃڻ چاهين ٿا ته هن جي والدين کي اپيل آهي ته کين پنهنجون دلي خواهشن کي پورو ڪرڻ ڏين ۽ منع نه ڪن. اداڪار جي نئين رليز ٿيندڙ فلم ”پيڪو“ 8 مئي تي سئنيما گهرن ۾ رليز ٿيندي

 

شروتي هاسن موسيقار ايليا راجا سان گڏ پنجن سالن کان پوءِ گانو رڪارڊ ڪرائي ورتو

ممبئي (شوبز نيوز) بالي ووڊ اداڪاره ۽ گلوڪاره شروتي هاسن موسيقار ايليا راجا سان گڏ پنجن سالن کان پوءِ ٻيهر گانو رڪارڊ ڪرائي ورتو، ڀارتي سڌ سماءَ جي ذريعن موجب بالي ووڊ جي خوبصورت اداڪاره ۽ گلوڪاره شروتيهاسن 6 سالن جي عمر ۾ پهريون گانو موسيقار ايليا راجا سان رڪارڊ ڪرايو هو، ٻئي فلم ”شيمتاب“ جي گاني ”سناٽا“ لاءِ 5 سالن کان پوءِ ٻيهر گڏ ٿيا آهن.

 

هاڻي معياري ڪردارن جي چونڊ ڪري پرفارمنس ڏيندس: حيدر سلطان

لاهور (شوبز نيوز) اداڪار حيدر سلطان نين فلمين ۽ ٽي وي ڊرامن ۾ ڪم ڪرڻ لاءِ منصوبابندي  مڪمل ڪري ورتي آهي، هڪ ملاقات ۾ هن ٻڌايو ته هاڻي هو معياري ڪردار جي چونڊ ڪري ڪم ڪندو ۽ ذاتي پروڊڪشن جو پڻ ارادو رکي ٿو، هن چيو ته مون کي پنهنجي والد سلطان راهي مرحوم جي ياد هر وقت ايندي رهندي آهي ۽ آئون پنهنجي والد جي فن کي اڳتي وڌائڻ چاهيان ٿو.

 

ڪرن جوهر تامل فلم ”بائوبلي“ جو هندي ورزن پروڊيوس ڪندو

ممبئي(شوبز نيوز) بالي ووڊ فلمساز ڪرن جوهر تامل فلم ”بائوبلي“ جو هندي ورزن پروڊيوس ڪندو. بالي ووڊ فلمساز ڪرن جوهر پنهنجي تازي ڳالهه ٻولهه ۾ ٻڌايو ته تامل فلم بائوبلي تامل سان گڏوگڏ هندي ٻوليءَ ۾ پڻ رليز ٿيندي. تامل ٻوليءَ ۾ رليز ٿيندڙ فلم جي پروڊڪشن شبويارلگادا ڏئي رهيو آهي، جڏهن ته هندي ورزن کي ڪرن جوهر پروڊيوس ڪندو. فلم ميگا بجيٽ کڻي ٺاهي پئي وڃي. فلم 10 جولاءِ تي رليز ڪئي ويندي. ا