تازيون خبرون

Daily Archives: April 21, 2015

اليڪشن ڪميشن اين اي 246 تي ننڍي چونڊ کي مانيٽر ڪرڻ لاءِ ڪنٽرول روم قائم ڪري ڇڏيو

ڪراچي (اسٽاف رپورٽر) اليڪشن ڪميشن آف پاڪستان اين اي 246 تي ننڍي چونڊ کي مانيٽر ڪرڻ لاءِ ڪنٽرول روم قائم ڪري ڇڏيو آهي. اليڪشن ڪميشن پاران قائم ڪيل ڪنٽرول روم ۾ ايڊيشنل ڊي جي اليڪشن ڪميشن مسعود ملڪ جي سربراهي ۾ ٻه ٽيمون جوڙيون ويون آهن. اليڪشن ڪميشن پڌرو ڪيو آهي ته ننڍي چونڊ دوران ووٽرز ڌانڌلي يا بدنظمي جي صورت ۾ ٽيليفون تي شڪايت ڪري سگهن ٿا، جنهن لاءِ ٻه نمبر جاري ڪيا ويا آهن. اليڪشن ڪميشن موجب اين اي 246

واري ننڍي چونڊ کي مانيٽر ڪرڻ لاءِ قائم ڪيل ڪنٽرول روم حتمي نتيجن جي اعلان تائين ڪم ڪندو رهندو. ڪنٽرول روم ۾ وصول ٿيندڙ شڪايتن تي فوري طور واسطيدار ڊي آر اوز ۽ آر اوز کي هدايتون جاري ڪيون وينديون. ووٽرز کي اليڪشن ڪميشن صلاحيو آهي ته شڪايت جي صورت ۾ زيرو فائيو ون، نائين ٽو، زيرو سڪس، سيون ٿري نائين ۽ 0519204540 تي اطلاع ڪيو وڃي.

 

مڪاني چونڊن جي فنڊن ۽ اختيارن کان قبضو ڇڏائڻ لاءِ سڄي قوم کي هڪ آواز ٿيڻو پوندو: شيخ رشيد

لاهور (م،.ڊ) عوامي مسلم ليگ جي سبرراهه شيخ رشيد چيو ته مڪاني چونڊن جي فنڊن ۽ اختيارن تي قبضو ڇڏائڻ لاءِ سڄي قوم کي هڪ آواز ٿيڻو پوندو جيستائين وڏو وزير اقتدار ۾ آهي ماڊل ٽائون سانحي جي شهيدن کي انصاف نه ملندو ۽ نه ئي غيرجانبدار جاچ ٿيندي حڪمراننکي خبر آهي ته غير جانبدار جي آءِ جي جو مطلب ڦاهي آهي اهڙن خيالن جو اظهار هن گذريل ڏينهن پاڪستان عوامي تحريڪ جي مرڪزي صدر ڊاڪٽر رحيق عباسي سان ملاقات ۾ ڳالهائيندي ڪيو ملاقات ۾ ٻنهي اڳواڻن ملڪي ۽ سياسي صورتحال ۽ مڪاني چونڊن جي حوالي سان ڳالهيون ڪيون ٻنهي پارٽين ڪنٽومينٽ سان گڏوگڏ عام مڪاني چونڊن ۾ گڏيل اميدوار بيهارڻ تي اتفاق ڪيو ڳالهائيندي شيخ رشيد چيو ته سپريم ڪورٽ ايڪشن نه وٺي ها ته موجوده حڪمران ڪڏهن به مڪاني چونڊون نه ڪرائين ها مڪاني چونڊن جي فنڊن ۽ اختيارن تي قبضو ڇڏائڻ لاءِ پوري قوم کي هڪ ٿيڻو پوندو اليڪشن سپريم ڪورٽ ڪرائي رهي آهي انهن ادارن کي هلائڻ ۽ انهن جا وسيلا ۽ اختيار ڇڏائڻ لاءِ به سپريم ڪورٽ کي ئي ڪردار ادا ڪرڻو پوندو. ڊاڪٽر رحيق عباسي ملاقات ۾ ڊاڪٽر طاهرالقادري جي صحت جي حوالي سان ٻڌايو مئي جي پهرين هفتي ۾ ان جو مڪمل طبي معائنو ٿيندو ۽ انجيڪشن فريڪشن جي دل جي مرض جي حوالي سان ڊاڪٽر ان جي صحت ۾ ٿيندڙ اڳڀرائي جو جائزو وٺندو ڊاڪٽرن جي رپورٽ اچڻ کان پوءِ ڊاڪٽر طاهرالقادري وطن واپس ورڻ جي آخري تاريخ جو اعلان ڪندو.

 

اهل حديث رابطا ڪائونسل پاڪستان جو اين اي 246 جي ضمني چونڊ ۾ ايم ڪيو ايم جي حمايت جو اعلان

ڪراچي (اسٽاف رپورٽر) اهل حديث رابطا ڪائونسل پاڪستان قومي اسيمبلي جي تڪ اين اي 246 جي ضمني چونڊ ۾ ايم ڪيو ايم جي حمايت جو اعلان ڪيو آهي ان ڳالهه جو اعلان اهلحديث رابطا ڪائونسل جي وفد ايم ڪيو ايم جي مرڪز نائِن زيرو جي ايم ڪيو ايم علماءِ ڪميٽي جي انچارج جاويد احمد خان ۽ علماءِ ڪميٽي جي ٻين ميمبرن سان ملاقات ۾ ڪيو وفد ۾ اهلحديث رابطا ڪائونسل ڪراچي جو صدر علامه مرتضيٰ خان رحمان قاري انيس الرحمان شيخ مولانا جاويد هزاروي حافظ  عطيق الرحمان ۽ ٻيا شامل هئا اهلحديث رابطاڪائونسل جي وفد چيو ته فرقيواراڻي هم آهنگي ۽ مذهبي رواداري ۽ عوام جي خدمت لاءِ جيترو ڪم الطاف هسين ۽ ايم ڪيو ايم ڪيو آهي اوترو ڪنهن ٻئي ناهي ڪيو هن الطاف حسين کي سندس خدمتن تي خراج تحسين پيش ڪيو هن چيو ته الحديث رابطا ڪائونسل ضمني چونڊن ۾ الطاف حسين جي اعلان ڪيل اميدوار ڪنور نويد جي مڪمل حمايت ڪئي.

 

ڪراچي ۾ ڊبل سواري تي هڪ ڀيرو ٻيهر پابندي

ڪراچي (اسٽاف رپورٽر)ڪراچي ۾ دفعه 144 جي تحت موٽر سائيڪل جي ڊبل سواري 3 ڏينهن لاءِ پابندي عائد ڪري ڇڏي، ڊبل سواري جي پابندي وارو اطلاع رات 12 وڳي کان خميس 23 اپريل تائين رات 12 تائين هوندو. ڊبل سواري تي پابندي عائد ڪرڻ جي سفارش محڪمه داخله سنڌ جي پوليس طرفان ڪئي هئي.  ذريعن موجب ڊبل سواري جي پابندي جو فيصلو 23 اپريل تي ٿيڻ وارو حلقه اين اي 246 جي ضمني انتخاب تي پيش نظر ڪيو ويو، پابندي جو نوٽيفڪيشن اڄ جاري ٿيڻ جو امڪان آهي.اليڪشن ڪميشن حلقي جي پولنگ اسٽيشن کي حساس قرار ڏنو آهي، شهر ۾ امن امان جي صورتحال جي جائز لاءِ انتخاب لاءِ سيڪيورٽي جا سخت اقدامات ڪيا وڃن پيا.

 

ايشين ايوارڊ 2015 بالي ووڊ جي ڪنگ خان نالي ٿيو

لنڊن (شوبز نيوز) ايشين ايوارڊ 2015 بالي ووڊ جي ڪنگ خان جي نالي ٿيو ڀارتي اداڪار شاهه رخ خان کي ڀارتي سئنيما جي ترقي لاءِ سندس شاندار خدمتن تي ايوارڊ سان نوازيو ويو ڀارتي ميڊيا طمابق پنجين ايشين ايوارڊز جو رنگارنگي  ميلو لنڊن ۾ سجايو ويو جنهن ۾ بالي ووڊ جي مشهور شخصيتن شرڪت ڪئي تقريب ۾ شاهه رخ خان کي ڀارتي سئنيما جي ترقي لاءِ سندس شاندار خدمتن تي ايوارڊ سان نوازيو ويو ايوارڊ ملڻ تي خوشي جو اظهار ڪندي شاهه رخ خان جو چوڻ هو ته هو پنهنجي مداحن جي ڪري ان مقام تي پهتو جنهن تي هو انهن جو ٿورائتو آهي. ان کان اڳ پنجين ايشين ايوارڊ لاءِ نامزد بالي ووڊ فلم انڊسٽري جو اداڪار شاهه رخ خان سينٽرل لنڊن جي گروسوينيئر هائوس هوٽل پهتو ته مداحن جي وڏي انگ ٻنهي سپر اسٽارز جو شاندار استقبال ڪيو شاهه رخ جو چوڻ هو ته ايشين ايوارڊ ۾ سندس چونڊ خوش آئيند آهي.

 

فلم ڊائريڪٽرن ۽ پروڊيوسرن معاشي ڏکيائين سبب پنهنجا ڪاروبار شروع ڪري ورتا

لاهور (شوبز نيوز) پاڪستان فلم انڊسٽري ۾ راڄ ڪندڙ نالي وارا ڊائريڪٽر ۽ پروڊيوسر ايور نيو اسٽوڊيو ۽ رائل پارڪ ۾ پنهنجي آفيسن کان محروم ٿي ويا، انهن مان ڪيتران ئي فلم سازن پنهنجا ڪاروبار شروع ڪري ورتا آهن، جڏهن ته نالي وارن ڊائريڪٽرن جي اڪثريت معاشي ڏکيائين جو شڪار ٿي وئي آهي، فلم ساز سهيل بٽ گاڏين جو ڪاروبار ۽ سياست ۾ ڪم شروع ڪري ڇڏيو آهي، فلم بلندي جهڙي سپر هٽ فلم ٺاهيندڙ اسلام بٽ پرنٽنگ پريس ٺاهي ڇپائي جو ڪم شروع ڪري ڇڏيو آهي، ايور نيو اسٽوڊيو جي مالڪ ۽ سمورا وسيلا رکندڙ شهزاد گل پڻ مختلف ڪاروبار شروع ڪري ڇڏيا آهن، فلم ساز ميان خالد فيروز اٽي جو ڪاروبار شروع ڪري رهيو آهي، 50 کان وڌيڪ فلم ساز اسٽوڊيو ۽ رائل پارڪ سميت ڪم ڇڏيا آهن، ايور نيو استوڊيو مان ماڻهن جي اڪثريت غائب ٿي چڪي آهي، اسٽوڊيو ويران ٿي ويا آهن. ا

 

اقبال بانو جي ڇهين ورسي اڄ ملهائي ويندي

اسلام آباد (شوبز نيوز) ننڍي کنڊ جي عظيم گلوڪاره اقبال بانو جي ڇهين ورسي (اڄ) اڱاري ڏينهن ملهائي ويندي، سندس ڳايل گيت ڪيترائي  ڏهاڪا گذرڻ باوجود اڄ به شوق سان ٻڌا ۽ ڳايا وڃن ٿا، سندس ڳايل گيتن کي فلم جي ڪاميابي جي ضمانت سمجهيو ويندو هو، اقبال بانو 1935ع ۾ ڀارت جي شهر نئين دهلي ۾ پيدا ٿي، اقبال بانو استاد چاند خان جي اندر لڪيل فن کي آسمان جي بلندين تائين پهچايو ۽ آل انڊيا ريڊيو تي متعارف ڪرايو، 1952ع ۾ شادي کان پوءِ اقبال بانو پنهنجي مڙس سان گڏ پاڪستان آئي ۽ ملتان ۾ رهائش اختيار ڪئي، مڙس جي لاڏاڻي کان پوءِ هوءَ لاهور آئي، 1974ع ۾ هن کي صدارتي ايوارڊ پڻ ڏنو ويو، 21 اپريل 2009ع ۾ اقبال بانو لاڏاڻو ڪري وئي.

 

فلم ”بومبي ويلويٽ“ جو گانو ”محبت ڀري بيماري“ جاري

ممبئي (شوبز نيوز) بالي ووڊ فلم ”بومبي ويلويٽ“ جو گانو ”محبت ڀري بيماري“ جاري ٿي ويو آهي، ڀارتي ميڊيا مطابق بالي ووڊ فلم ”بومبي ويلويٽ“ جنهن جي مرڪزي ڪاسٽ ۾ انوشڪا  شرما ۽ رنبير ڪپور شامل آهن، اهو ميوزڪ جي قسم ”جيزي“ نوعيت جو گانو آهي، فلم ۾ 60 جي ڏهاڪي وارو زمانو ڏيکاريو ويو آهي، ڇاڪاڻ ته فلم جي ڪهاڻي 1960ع جي ڏهاڪي جي واقعن ۽ حالتن تي ٺاهي وئي آهي، فلم جلد رليز ٿي ويندي.

 

آسٽريليا ۽ انگلينڊ انڊر 19 وچ ۾ چوٿين ون ڊي ميچ (اڄ) کيڏي ويندي

پرٿ (اسپورٽس نيوز) آسٽريليا ۽ انگلينڊ جي انڊر 19 ڪرڪيٽ ٽيمن وچ ۾ يوٿ ون ڊي سيريز جي چوٿين ميچ (اڄ) اڱاري تي پرٿ ۾ کيڏي ويندي، ميزبان ٽيم آسٽريليا کي پنج ميچن جي سيريز ۾ 1-2 تان سرسي حاصل آهي، پهرين ون ڊي ۾ انگلش يوٿ ٻن وڪيٽن تان ڪاميابي حاصل ڪري سرسي حاصل ڪئي هئي، پر گذريل ٻنهي ميچن ۾ آسٽريليا انڊر 19 شاندار ڪم بيڪ ڪيو، ٻين ميچ ۾ 8 وڪيٽن جڏهن ته ٽئين ميچ ۾ 3 وڪيٽن تان فتح حاصل ڪري ڪاميابي حاصل ڪئي، ٻنهي ٽيمن وچ ۾ سيريز جي پنجين ۽ آخري ون ڊي ميچ 23 اپريل تي پرٿ ۾ کيڏي ويندي.

 

بنگلاديش کي گرين شرٽس خلاف ٽن ميچن جي سيريز ۾ 0-2 جي سرسي حاصل

ميرپور (اسپورٽس نيوز) بنگلاديش ۽ پاڪستان جي ڪرڪيٽ ٽيمن وچ ۾ ٽئين ۽ آخري ون ڊي (سڀاڻي) اربع تي شير بنگلا نيشنل اسٽيڊيم ميرپور ۾ کيڏي ويندي، بنگلاديش جي ٽيم کي ٽن ميچن جي سيريز ۾ 0-2  جي سرسي حاصل آهي، بنگلاديش پاڪستان کي پهريون ڀيرو ون ڊي سيريز ۾ شڪست ڏئي تاريخ قائم ڪئي آهي، بنگلاديش ۽ پاڪستان وچ ۾ واحد ٽي – 20 ميچ 24 اپريل تي ساڳي جاءِ تي کيڏي ويندي، ٻنهي ٽيمن وچ ۾ ٻن ٽيسٽ ميچن جي سيريز جي پهرين ميچ 28 اپريل کان 2 مئي تائين کلنا ۾ کيڏي ويندي، جڏهن ته ٻي ۽ آخري ٽيسٽ ميچ 6 مئي تي شير بنگلا نيشنل اسٽيڊيم ميرپور ۾ کيڏي ويندي.