تازيون خبرون

Daily Archives: April 20, 2015

نوابشاهه ويجهو بس ۽ ٽرڪ ۾ ٽڪر، چار ڄڻا فوت، 22 زخمي

نوابشاهه (ڊ ر) نوابشاهه ويجهو بس ۽ ٽرڪ ۾ ٽڪر ٿيڻ جي نتيجي ۾ چار ڄڻا فوت ٿي ويا ۽ 22 ڄڻا زخمي ٿي پيا. سڪرنڊ باءِ پاس تي چوٿون ميل اسٽاپ وٽ پشاور کان ڪراچي ايندڙ تيز رفتار مسافر بس ۽ ٽرڪ ۾ آمهون سامهون ٽڪر ٿي پيو. حادثي جي نتيجي ۾ ڊرائيور محمد يوسف، اسد ۽ جهانگير سميت چار ڄڻا فوت ٿي ويا. زخمين ۾ شڪيل، نواز، حسن علي، بادشاهه خان، ارشاد، سرفراز، قاسم، بهادر، عبدالشڪور ۽ ٻيا شامل آهن. اطلاع ملڻ تي امدادي ٽيمن واقعي واري هنڌ پهچي فوتين جا لاش ۽ زخمين کي کڻائي پي ايم سي اسپتال پهچايو. ضروري ڪارروائي بعد اسپتال مان چئن فوتين جا لاش وارثن حوالي ڪيا ويا، جڏهن ته زخمين مان ٽن ڄڻن جي ڳڻتي جوڳي حالت ٻڌائي پئي وڃي

 

لال مسجد ۽ جامعه حفصه جي شهيدن جي وارثن 22 ماڻهن کي لال مسجد آپريشن جو ذميوار قرار ڏيئي ڇڏيو

اسلام آباد (بيورو) لال مسجد ۽ جامعه حفضه شهيدن جي وارثن لال مسجد آپريشن جي سمورن ذميوارن جي خلاف فرياد داخل ڪرڻ جو فيصلو ڪري ورتو آهي فرياد ۾ لال مسجد آپريشن جي سمورن ذميوارن کي ملزم نامزد ڪيو ويندو تفصيل مطابق شهدا فائونڊيشن آف پاڪستان لال مسجد جي تحت لال مسجد ۽ جامعه حفضه جي شهيدن جي وارثن جو هڪ مشاورتي اجلاس منعقد ٿيو اجلاس ۾ لال مسجد آپريشن بابت معاملن تي غور ڪيو ويو اجلاس ۾ شامل ٿيندڙن لال مسجد آپريشن بابت  سمورن دستاويزي ثبوتن کي نظر ۾ رکندي 22 ماڻهن کي لال مسجد آپريشن جو ذميوار قرار ڏنو آهي اجلاس ۾ شامل ٿيندڙ جن ماڻهن کي لال مسجد آپريشن جو ذميوار قرار ڏنو آهي ان ۾ پرويز مذرف اڳوڻو ويراعظم شوڪت عزيز صدر مسلم ليگ (ق) ليگ چوڌري شجاعت حسين اڳوڻو وزيراعلي!ٰ پنجاب چوڌري پرويز الاهي اڳوڻو مملڪتي وزير انفارميشن طارق عظيم اڳوڻو مذهبي معاملن جو وزير اعجازالحق اڳوڻو انفارميشن وزير محمد علي دراني اڳوڻو گهرو وزير آفتاب احمد خان شيرپائو اڳوڻو پرڏيهي وزير خورشيد قصوري اڳوڻي وزير ماحوليات فيصل صالح حيات اڳوڻو وزير ريلوي شيخ رشيد احمد اڳوڻو چيئرمين سي ڊي اي سيد ڪامران لاشاري اڳوڻو ڪمشنر اسلام آباد خالد پرويز اڳوڻو گهرو سيڪريٽري سيد ڪمال شاهه اڳوڻو آءِ جي پوليس چوڌري افتخار احمد اڳوڻو ايس ايس پي اسلام آباد ظفراقبال اڳوڻو ڊي آءِ جي اسلام آباد شاهد نديم بلوچ اڳوڻو اي ڊي سي عامر علي احمد اڳوڻو جوائنٽ گهرو سيڪريٽري محمد ظفير عباسي اڳوڻو ڊي جي رينجرز جنرل رٽائرڊ مهدي حسن اڳوڻو ڪور ڪمانڊر راولپنڊي جنرل رٽائرڊ طارق مجيد ۽ سرڪاري ٽي وي جو اينڪر سيد انورالحسن شامل آهن.

 

الطاف حسين اسٽيبلشمينٽ کان معافي ته ورتي پر هي نه ٻڌايو ته هو ڪهڙن ڪهڙن ڏوهن جي معافي وٺي رهيو آهي: سراج الحق

لاهور (م.د) امير جماعت اسلامي سينيٽر سراج الحق تڪ 246 ۾ بايو ميٽرڪ سسٽم تحت اليڪشن ڪرائڻ جو مطالبو ڪندي چيو ته ڇا حڪومت ايتري بي وس آهي جو هو صرف هڪ تڪ ۾ بايو ميٽرڪ سسٽم تحت اليڪشن نٿي ڪري سگهي الطاف حسين جلسي ۾ اسٽيبلشمينٽ کان معافي ته ورتي پر اهو نه ٻڌايو ته هو ڪهڙن ڪهڙن ڏوهن جي معافي وٺي رهيو آهي ڇا ايم ڪيو ايم انهن دهشتگردن کي قانون حوالي ڪندي جن پنهنجن ڏوهن جو جي آءِ ٽي آڏو پاڻ اعتراف ڪيو ڪراچي ۾ بدامني ۽ خوف وارو ماحول هاڻي به موجود آهي ۽ الطاف حسين پاڻ به ڪراچي اچڻ کان ڊڄي ٿو الطاف حسين جوابدارن جي خلاف هڪ لفظ ناهي ڳالهايون قوم کي نعرن جي نه پر سياسي شعور ۽ امن امان جي ضرورت آهي اهڙن خيالن جو اظهار هن منصوره ۾ هنگامي پريس ڪانفرنس ڪندي ڪيو. سراج الحق چيو ته اسلامي دنيا جو سبڀ کان وڌو شهر ڪراچي هن وقت سخت مشڪلات ۾ آهي 24 سالن کان هن شهر تي ايم ڪيو ايم جو قبضو آهي ايم ڪيو ايم کي شهر جو قبضو ڏيارڻ ۾ ملڪ جي ڪجهه ادارن ۽ بين الاقوامي طاقتن جو وڏو ڪردار آهي الطاف هسين ثابت ڪرڻ جي ڪوشش ڪئي ته هو هاڻي به هڪ ٻه ٽي چئي شهر کي بند ڪري سگهي ٿو پر وقت ثابت ڪري ڇڏيو ته هاڻي ان جي زبان ۾ اهو اثر ناهي رهيو الطاف هسين جڏهن جلسي ۾ اسٽيبلشمينٽ کان معافي وٺي رهيو هو ته پاڪستان جو عوام چاهي پيو ته هو 9 اپريل تي زنده ساڙيل وڪيل بلديه ٽائون ۾ 260 مزدورن ۽ ولي خان بابر جي پڪڙي قاتلن طرفان به معافيون وٺندو هن چيو ته الطاف حسين کي اسٽيبلشمينٽ کان نه پر پنهنجي گناهن جون الله تعاليٰ ۽ پاڪستان جي عوام کان معافي وٺڻ گهرجي.

 

الطاف حسين کي فرعون چوندڙ هاڻي ان جي گهر پلجڻ جا خواهشمند آهن: حافظ حسين احمد

تله گنگ (م.د) جمعيت علماءِ اسلام (ف) جي مرڪزي سيڪريٽري انفارميشن حافظ حسين احمد چيو آحي ته الطاف حسين سان جيڪو ڪجهه لنڊن ۾ ٿيو ڳڻتي جي ڳالهه نه آهي جيڪو ڪجهه ٿيڻ وارو آهي ان تي ڳڻتي آهي الطاف حسين کي فرعون چوندڙ هاڻي ان جي گهر پلجڻ جا خواهشمند آهن اهڙن خيالن جو اظهار هن تله گنگ ۾ جي يو آءِ (ف) پنجاب جي ڊپٽي سيڪريٽري انفارميشن چوڌري عبدالجبار سان گڏ هتي ميڊيا سان ڳالهائيندي ڪيو هن چيو ته عمران خان ڪراچي ۾ جلسا ڪري ٿو ته کيس الطاف هسين جو آشيرواد ۽ آشيرباد ٻئي حاصل هوندا هئا جيڪي هاڻي کيس حاصل نه آهن پهريان ٻه ۽ ٻه چار ٿيندا هئا هاڻي 246 ۾ 2 ۽ 4 کي جمع ڪيو وڃي ته 6 ٿي رهيو آهي عشرت العباد جيڪو گورنري جو آب حيات پي ڇڏيو آهي هاڻي هو جعلي ثابت ٿيڻ وارو آهي حافظ حسين احمد وڌيڪ چيو ته يعودي رياست جي قيام جو شوشو هڪ اهڙي وقت ڇڏيو ويو آهي جڏهن مسلم ملڪن کي پاڻ ۾ ويڙهائڻ جي يهودي آمريڪي سازش عروج تي آهي هن چيو ته امت مسلمه کي توقع هئي ته مسلم ملڪ فلسطيني رياست جي قيام ۽ بيت المقدس جي آزادي لاءِ گڏ ٿي ويندا افغانستان جي تقسيم ۾ ناڪامي کان پوءِ آمريڪا ۽ ان جا اتحادي هاڻي سينٽرل اوڀر کي پنهنجو نشانو بڻائي رهيا آهن.

 

بالي ووڊ اسٽار اڪشي ڪمار ۽ سڌارٿ ملهوترا فلم جي شوٽنگ مڪمل ڪرائي ڇڏي

نئين دهلي (شوبز نيو) ڌرما پروڊڪشن هيٺ ٺهندڙ فلم ”برادرز“  بابت ڪافي ڳالهيون ڪيون ۽ لکيو به ويون، جڏهن ته بالي ووڊ اسٽار اڪشي ڪمار ۽ سڌارٿ ملهوترا فلم جي شوٽنگ مڪمل ڪرائي ڇڏي آهي، ان بابت اڪشي  ڪمار هڪ تصوير به پنهنجي ٽوئٽر اڪائونٽ تي شيئر ڪئي آهي. اڪشي ڪمار پاران هڪ تصوير جاري ڪئي وئي جنهن ۾ فلم ۾ اداڪارا جيڪولين فرنينڊس سندس پيار ڪندڙ جو رول نڀائي رهي آهي، به موجود آهي، تصوير ۾ جيڪولين فرنينڊس سان گڏ فلم ڊائريڪٽر ڪرن ملهوترا به موجود آهي. ”برادرز“ ٻن ڀائرن جي ڪهاڻي آهي، جيڪي هڪ ٻئي خلاف سرگرم هوندا آهن. فلم ”برادرز“ 2011ع ۾ هالي ووڊ فلم ”وارئر“ جو ريميڪ آهي، جيڪا پڻ ٻِن ڀائرن تي ٺاهي وئي هئي. فلم ۾ تجربيڪار بالي ووڊ اداڪار جيڪي شروف اڪشي ۽ سڌارٿ جي پيءَ جو ڪردار ادا ڪري رهيو آهي.

 

هدايتڪاره سنگيتا جي فلم ”عشق پازيٽو“ التوا جو شڪار

لاهور (شوبز نيوز) هدايتڪاره سنگيتا جي فلم ”عشق پازيٽو“ ڪيترن ماڻهن جي مداخلت سبب رولڙي جو شڪار ٿي وئي آهي، ذريعن وٽان معلوم ٿيو آهي ته فلم جي هيروئن اداڪاره نور فلمساز ولي حامد خان ۽ ڪيمره مين ثاقت سميت سڀني کي ڊائريڪشن ڏيڻ جو شوق پيدا ٿي ويو هو ۽ سنگيتا جي ڪم ۾ مداخلت ڪري رهيا هئا، جنهن سبب سنگيتا تنگ  اچي ڊائريڪشن ڇڏي ڏني، ان کان اڳ رائٽر محمد پرويز ڪليم جي پٽ عديل پي ڪي پڻ فلم پنهنجي مسئلن سبب ڇڏي ڏني، ”عشق پازيٽو“ هاڻي التوا جو شڪار آهي ۽ فلمي حلقن جو چوڻ آهي ته اها فلم شايد هاڻي مڪمل نه ٿي سگهندي ۽ جيڪڏهن مڪمل ٿي ته اهو عبرتناڪ تجربو هوندو.

 

پريانڪا چوپڙا ۽ ديپڪا پڊڪون گڏجي نچنديون

نئين دهلي (شوبز نيوز) پريانڪا ۽ دپيڪا جيڪي ڪافي وقت کان سنگتياڻيون آهن، هاڻي کين اهو ثابت به ڪرڻو پوندو ته ٻه اداڪارائون  سنگتياڻيون به آهن، سندن لاءِ سنجي ليلا ڀنساليءَ جي نئين ايندڙ فلم ۾ هڪ آئٽم سانگ رکيو ويو آهي، ان بابت ڀرپور نموني سان ڳالهه ٻولهه به هلي رهي آهي. ان سلسلي ۾ ڊائريڪٽر ٻڌايو ته اسان کين ٻڌايو آهي ته گيت پنجن ڏينهن ۾ شوٽ ٿيندو، پر اداڪارائن وٽ فلمن لاءِ صرف ٻه ڏينهن آهن، ان ۾ ڪو شڪ ناهي ته اهو وڏو چئلينج آهي، ان ڪري پريانڪا ۽ دپيڪا سان لاڳيتو رابطي ۾ آهيون ۽ کانئن پڇي رهيا آهيون ان سلسلي ۾ هو ڪيئن ٿيون لائحه عمل جوڙين. هو ٻئي پيشور اداڪارائون آهن، سو ڀنساليءَ سميت ڪنهن کي به شڪ ناهي ته هو ٻئي ان لاءِ ڪامياب وينديون.

 

فلم ”فاسٽ اينڊ فيوريس-7“ رليز جي 17 ڏينهن اندر هڪ بلين ڊالر کان وڌيڪ ناڻون ميڙڻ ۾ ڪامياب وئي

واشنگٽن (شوبز نيوز) فلم ”فاسٽ اينڊ فيوريس-7“ رليز جي 17 ڏينهن اندر هڪ بلين ڊالر کان وڌيڪ ناڻون ميڙڻ ۾ ڪامياب وئي آهي، هڪ ميڪگزين جي رپورٽ موجب ايڪشن ۽ رفتار جي ستين قسط پهرين اپريل تي وڏي پردي تي رليز ڪئي وئي هئي، فلم آمريڪي باڪس آفيس تي 265.35 ملين ڊالر ۽ ٻين هنڌن تي 735.5 ملين ڊالر ڪمائڻ ۾ ڪامياب وئي آهي. ليوڊاڪرس جنهن فلم ۾ اهم ڪردارا دا ڪيو آهي، انسٽاگرام تي فلم جي هڪ تصوير اپلوڊ ڪئي ۽ لکيو ته هڪ بلين! ۽ هن پنهنجي چاهيندڙن جا ٿوريا مڃيا.

 

زمبابوي جي سيڪيورٽي ٽيم ايندڙ هفتي پاڪستان ايندي: شهريارخان

لاهور (اسپورٽس نيوز) پاڪستان ڪرڪيٽ بورڊ جي چيئرمين شهريارخان چيو آهي ته زمبابوي ڪرڪيٽ جو پاڪستان جو دورو 99 سيڪڙو طئي آهي ايندڙ هفتي زمبابوي جي سيڪيورٽي ٽيم پاڪستان ايندي جڏهن ته سيڪيورٽي ٽيم جو پاڪستان جو دورو فقط رسمي ڪارروائي آهي ميڊيا رپورٽ مطابق زمبابوي جي سيڪيورٽي ٽيم جي دوري جي ڪري پاڪستان ڪرڪيٽ بورڊ پنهنجي سيڪيورٽي مئنيجر ڪرنل اعظم کي هنگامي طور تي ڍاڪا مان پاڪستان طلب ڪري ورتو ڪرنل اعظم پاڪستاني ٽيم جوس يڪيورٽِ آفيسر آهي ۽ کيس زمبابوي جي عملدارن سان رابطي لاءِ پاڪستان سڏايو ويو آگسٽ ۾ پاڪستاني ڪرڪيٽ ٽيم زمبابوي جو جوابي دورو ڪندي.

 

آءِ پي ايل: ڪولڪته نائيٽ رائيڊرز ۽ دهلي ڊيئر ڊيولز جون ٽيمون اڄ آمهون سامهون ٿينديون

نئين دهلي (اسپورٽس نيوز) انڊين پريميئر ليگ (آءِ پي ايل) ۾ (اڄ) سومر تي واحد ميچ ۾ دفاعي چيمپين ڪولڪته نائيٽ رائيڊر ۽ دهلي ڊيئر ڊيولز جون ٽيمون فيروز شاهه ڪوٽله دهلي ۾ آمهون سامهون ٿينديون، آءِ پي ايل -8 جا دلچسپ ۽ سخت مقابلا ڀارت ۾ جاري آهن، ان سلسلي ۾ (اڄ) سومر تي واحد ميچ ڪولڪته نائيٽ رائيڊرز ۽ دهلي ڊيئر ڊيولز وچ ۾ کيڏي ويندي، ٻنهي ٽيمن ايونٽ ۾ هيستائين ٻن ميچن ۾ ڪاميابي حاصل ڪئي آهي، بهترين رن ريٽ سبب ڪولڪته نائيٽ رائيڊرز پوائنٽ ٽيبل تي ٽين ۽ دهلي ڊيئر ڊيولز چوٿين نمبر تي آهي، ليگ ۾ (سڀاڻي) اڱاري تي راجسٿان رائلز ۽ ڪنگز اليون پنجاب جون ٽيمون آمهون سامهون ٿينديون.ا