تازيون خبرون

Daily Archives: April 18, 2015

1 6 سالا شخص کان پوليس نه پر دهشتگردي روڪٿام ڪمانڊ جي آفيسرن پڇا ڳاڇا ڪئي: ميٽرو پوليٽن پوليس جي تصديق

لنڊن (مانيٽرنگ ڊيسڪ) ميٽرو پوليٽن پوليس  مني لانڊرنگ ڪيس ۾ 1 1  اپريل تي 1 6  سالا شخص جي پڇا ڳاڇا جي نئين پريس ريليز جاري ڪري ڇڏي. 1 6  سالا شخص کان دهشتگردي روڪٿام ڪمانڊ جي آفيسرن پڇا ڳاڇا ڪئي. تفصيل موجب 4 1  اپريل تي مني لانڊرنگ ڪيس ۾ اسڪاٽ لينڊ يارڊ 1 6  سالا هڪ شخص کي گرفتار ڪري ان کان پڇا ڳاڇا  ڪرڻ بعد جولاءِ تائين ضمانت تي آزاد ڪري ڇڏيو، ان سان گڏ هڪ 3 7  سالا ۽ هڪ 4 4  سالا شخص کي به جولاءِ تائين ضمانت تي آزاد ڪيو ويو، جنهن تي ميٽرو پوليٽن پوليس نئين پريس ريليز جاري ڪئي آهي جنهن مطابق 1 6  سالا شخص کان اسڪاٽ لينڊ يارڊ نه پر دهشتگردي روڪٿام ڪمانڊ جي آفيسرن پڇا ڳاڇا ڪئي.

 

ڀارتي اداڪار ڪيمرائن سامهون پيار جو اظهار ڪرڻ بدران ڪپڙن جي نماءَ سان پيار ڪن ٿا :اوم پوري

ممبئي (شوبز نيوز) بالي ووڊ جي ليجنڊ اداڪار اوم پوريءَ چيو آهي ته ڀارتي اداڪار ڪيمرائن سامهون پيار جو اظهار ڪرڻ بدران ڪپڙن جي نماءَ سان پيار ڪن ٿا. هن چيو ته دنيا ۾ ڪٿي به ڪپڙن سان ايترو پيار نه ٿو ڪيووڃي، جيترو اڄ ڪلهه ڀارتي اداڪار پنهنجي ڪپڙن سان ڪن ٿا. ڀارتي ليجنڊ اوم پوريءَ فلم سازن تي تنقيد ڪندي چيو ته جيڪڏهن اداڪارن کي سٺن ڪپڙن کان سواءِ نه ٿا ڏيکاري سگهو، ته پوءِ انهن جي چهرن جي فلمبندي ڪيو. هن چيو ته اسان وٽ پيار جي اظهار وارا منظر صحيح نموني نه ٿا فلمايا وڃن. ياد رهي ته اداڪار اوم پوري ڀارت جي سوين ڪامياب فلمن ۾ ڪامياب ڪردار ادا ڪري چڪو آهي

 

بالي ووڊا داڪارا پريانڪا چوپڙا ”جنجال ٽو“ جي شوٽنگ جي شروعات ڪرڻ واري آهي

ممبئي (شوبز نيوز) بالي ووڊا داڪارا پريانڪا چوپڙا فلم باجي رائو مستانيءَ کان پوءِ نئين فلم ”جنجال ٽو“ جي شوٽنگ جي شروعات ڪرڻ واري آهي. پريانڪا گذريل ٻن مهينن کان آمريڪا جي اي بي سي ٽي ويءَ ۾ پنهنجو شو ”ڪوانيٽوڪ“ جي شوٽنگ ۾ مصروف هئي، جنهن کان پوءِ تازو ئي ڏيهه پهتي آهي، جتي هوءَ سنجي ليلا ڀنساليءَ جي فلم ”باجي رائو مستانيءَ“ جي شوٽنگ مڪمل ڪرائڻ کان پوءِ هدايتڪار پرڪاش جي فلم ”جنجال ٽو“ جي شوٽنگ جي شروعات ڪندي، فلم جي شوٽنگ اتر ڀارت ۾ ڪئي ويندي.

 

بالي ووڊ اداڪار رنوير سنگھه ۽ ارجن ڪپور آئيفا ايوارد 2015ع جي ميزباني ڪندا

ممبئي (شوبز نيوز) بالي ووڊ اداڪار رنوير سنگھه ۽ ارجن ڪپور آئيفا ايوارد 2015ع جي ميزباني ڪندا، هي پهريون ڀيرو هوندو جو رنوير سنگھه ۽ ارجن ڪپور ڪنهن ايوارڊ شو جي گڏ ميزباني ڪندا هجن. گذريل سال آئيفا ايوارڊ تقريب جي ميزبانيءَ جا فرض شاهد ڪپور ۽ شاعر جاويد اختر جي وڏ وَر پٽ فرحان اختر انجام ڏنا هئا، جڏهن ته هاڻي اهڙيون ذميواريون ”بيڊ بوائز“ هوالي ڪئي وئي آهي. ياد رهي ته آئيفا ايوارڊ 2015ع جي تقريب ملائيشيا ۾ رٿي وئي آهي، جتي بالي ووڊ فلم نگريءَ جا چمڪندڙ تارا شرڪت ڪري تقريب کي چار چنڊ لڳائيندا

 

بالي ووڊ سندري اداڪار انيل ڪپور جي ڌيءُ سونم ڪپور پنهنجي نئين فلم ”پريم رتن ڌن پايو“ ۾ لوڪ پوشاڪ پهريندي

ممبئي (شوبز نيو) بالي ووڊ سندري اداڪار انيل ڪپور جي ڌيءُ سونم ڪپور پنهنجي نئين فلم ”پريم رتن ڌن پايو“ ۾ لوڪ پوشاڪ پهريندي. سونم ڪپور نئين فلم ۾ دبنگ خان سلمان سان اچي رهي آهي. فلم ۾ سلمان خان روايتي طور نڀايو ويندڙ ڪردار پريم طور نظر ايندو ۽ هڪ شاهوڪار گهراڻي جو باڪردار ڇوڪرو هوندو، فلم ۾ ايڪشن جا جلوا به هوندا. سونم ڪپور جي نئين جاري ڪيل تصوير ۾ هو روايتي ڪپڙا (لوڪ پوشاڪ) پهريل آهي. فلم ۾ ٻين اداڪارن ۾ سوارا ڀاسڪر، سلمان جي ڀيڻ ۽ نيل نيتن سلمان جي ويڳي ڀاءَ جي روپ هوندا. فلم بالي ووڊ ۾هاڪ ويهارڻ لاءِ 11 نومبر تي رليز ڪئي ويندي.

 

ايشيا ڪپ 2016ع ٽي ٽوئنٽي فارميٽ تي کيڏيو ويندو، جنهن ۾ وڌيڪ ٻه ايسوسيئيٽ ٽيمن کي به شريڪ ڪيو ويندو

ڪراچي (اسپورٽس نيوز) ايشيا ڪپ 2016ع ٽي ٽوئنٽي فارميٽ تي کيڏيو ويندو، جنهن ۾ وڌيڪ ٻه ايسوسيئيٽ ٽيمن کي به شريڪ ڪيو ويندو، هيءَ ٽورنامينٽ ڀارت ۾ ٿيندڙ ورلڊ ٽي ٽوئنٽي کان اڳ ٿيندي. ايشين ڪرڪيٽ ڪائونسل جي چيف ايگزيڪيوٽو اشرف الحق هڪ اسپورٽس ويب سائيٽ کي ڏنل انٽرويوءَ ۾ انڪشاف ڪيو ته ايشيا ڪپ ڪرڪيٽ ٽورنامينٽ هاڻي هر ٻِن سالن کان پوءِ متبادل فارميٽ موجب کيڏيو ويندو. هڪ ڀيرو ٽي ٽوئنٽي ۽ هڪ ڀيرو 50 اوورن جي فارميٽ موجب ٿيندو. هن وڌيڪ چيو ته 30 جون تي ايشين ڪرڪيٽ ڪائونسل ٽوڙي ويندي، جنهن کان ان جا صرف ٻه ميمبر آءِ سي سي جي نگرانيءَ ۾ ڪم ڪندا. اي سي سي جي ٽٽڻ کان پوءِ اشرف الحق جو ايشين ڪرڪيٽ ڪائونسل جي چيف ايگزيڪيوٽو واري 32 سالن واري حيثيت به ختم ٿي ويندي.

 

سريلنڪن ڪرڪيٽ جو اڳوڻو جادوئي اسپنر مرلي ڌرن اڄ پنهنجي 43 سالگره ملهائي

ڪولمبو (اسپورٽس نيوز) سريلنڪن ڪرڪيٽ جو اڳوڻو جادوئي اسپنر مرلي ڌرن اڄ پنهنجي 43 سالگره ملهائيندو. مرلي ڌرن 17 اپريل 1982ع ۾ سريلنڪا جي سياحتي ماڳ ڪينڊي ۾ پيدا ٿيو. هن پنهنجي ڪرڪيٽ ڪيريئر دوران سريلنڪن ڪرڪيٽ ٽيم طرفان 133 ٽيسٽ، 350 ون ڊي ۽ 12 ٽي 20 ميچون کيڏيون آهن. ٽيسٽ ڪرڪيٽ ۾ هن 1216 رنسون اسڪور ڪرڻ سان گڏوگڏ 800 وڪيٽون حاصل ڪيون، جڏهن ته ون ڊي ڪرڪيٽ ۾ 674 رنسن سان 534 وڪيٽون پنهنجي نالي ڪيون. ٽي 20 ۾ سندس اسڪور هڪ رنس ۽ 13 وڪيٽون رهيو. واضح رهي ته مرلي ون ڊي ۽ ٽيسٽ ۾ سڀ کان وڌيڪ وڪيٽون حاصل ڪندڙ بالر آهي.

 

آءِ سي سيءَ جو ايندڙ صدر نجم سيٺي

دبئي (اسپورٽس نيوز) انٽرنيشنل ڪرڪيٽ ڪائونسل جي گڏجاڻي کان پوءِ بنگلاديش سان تعلق رکندڙ آءِ سي سيءَ جي صدر مصطفيٰ ڪمال جي استعيفيٰ منظور ڪئي وئي. آءِ سي سيءَ جي گڏجاڻيءَ ۾ مصطفيٰ ڪمال پاران استعيفيٰ ڏيڻ کان پوءِ ايندڙ ٽِن مهينن تائين آءِ سي سيءَ جي صدر جي سيٽ خالي رکڻ کان پوءِ طئي ٿيل مقرر وقت تي ايندڙ صدر (نجم سيٺي) پنهنجو عهدو سنڀاليندو. ياد رهي ته آءِ سي سيءَ جو ايندڙ صدر نجم سيٺي آهي، جنهن بابت اميد پيدا ٿي هئي ته شايد کيس 3 ميهنا اڳ صدارت جو عهدو حوالي ڪيو وڃي، پر آءِ سي سيءَ جي تازي گڏجاڻيءَ ۾ اهڙين اڳڪٿين کي رد ڪندي سيٽ 3 مهينن تائين خالي رکڻ جو فيصلو ڪيو ويو آهي. ٻئي طرف آءِ سي سيءَ پاڪستان زمبابوي سيريز جي لاءِ امپائر پاڪستان نه موڪلڻ بابت بيان کان لاتعلقي ظاهر ڪئي آهي، خميس تي پاڪستاني خابرو ادارن ۾ خبرون هيون ته آءِ سي سيءَ پاڪستان ۽ زمبابوي وچ ۾ ايندڙ مهيني امڪاني سيريز جي لاءِ ايليٽ پينل جي امپائر نه موڪلڻ جو اعلان ڪيو آهي. ان سان گڏ اڳڪٿيون ڪيون پي ويون ته پاڪستان کي سيريز جي لاءِ پنهنجي مدد پاڻ تحت امپائر مقرر ڪرڻ جي اجازت ڏني وئي آهي، پر آءِ سي سي ۽ پاڪستان ڪرڪيٽ بورڊ طرفان اهڙي ڪنهن به خبر جي سختيءَ سان ترديد ڪئي وئي آهي.

 

ون ڊي سيريز کان پهريان وارم اپ ميچ ۾ شڪست ٽيم لاءِ وارننگ آهي: محمد حفيظ

شير بنگلا (اسپورٽس نيوز) پاڪستاني اوپنر محمد حفيظ جو چوڻ آهي ته ون ڊي سيريز کان پهريان وارم اپ ميچ ۾ شڪست ٽيم لاءِ وارننگ آهي. حفيظ جو وڌيڪ چوڻ هو ته بنگلاديش بورڊ اليون خلاف وارم اپ ميچ کٽڻ لاءِاسان گھڻئي ڪوششون ڪيون ۽ آخري اوور تائين مقابلو ڪيو، پر  اسان هڪ وڪيٽ تان شڪست کان بچي نه سگھياسين، هن جو چوڻ هو ته اسان کي ون ڊي سيريز ۾ فتح لاءِ تمام گھڻي محنت ڪرڻي پوندي. خاص طور بالنگ ۽ فيلڊنگ ۾ بهتري آڻڻ کان سواءِ بنگال ٽائيگرز کي قابو نه ٿو ڪري سگھجي. محمد حفيظ چيو ته هو سينچري مڪمل ڪري پي سگھيس پر مون نوجوان رانديگرن کي چانس ڏيڻ لاءِ جارحاڻو انداز اپنايو، هن چيو ته جيڪڏهن مان آئوٽ نه به ٿيا ها ته رٽائر ٿي وڃا ها، جيئن واحد وارم اپ ميچ ۾ ٻين رانديگرن کي به پريڪٽس جو موقعو ملي سگھي، پر نوجوانن ان موقعي مان فائدو نه وٺي سگھيا، مون کي اميد آهي ته هنن ناڪاميءَ مان به سگھيو هوندو. ٽِن ون ڊي ۽ هڪ ٽي ٽوئنٽي ۾ هنن کي وڌيڪ بهتر پرفارم ڪرڻو پوندو. هن چيو ته وارم اپ ميچ ۾ صابر رحمان کي ڪيترائي موقعا مليا، جنهن کان پوءِ هو سينچري ٺاهڻ ۾ ڪامياب ويو. ون ڊي ميچن جي سيريز ۾ ان قسم جي غلطي تمام مهانگي پئجي سگھي ٿي. محمد حفيظ چيو ته اسان جا گھڻا رانديگر ناتجربيڪار آهن.

 

وڏيرا شاهي ڪلچر جو خاتمو ڪير ڪندو..؟

 

خبرون آهن ته ٺل ڀرسان ڳوٺ عارف آباد ۾ بااثر وڏيري نياڻين جي تعليم جو واحد مرڪز اسڪول ڊهرائي ڇڏيو آهي، وڏيري جي ان عمل تي نه رڳو انتظاميا پر علائقي جي سڄاڻ حلقن کي ميدان تي اچڻ گهرجي ها، پر افسوس جو حسب روايت نه سڄاڻ حلقن کي ڪو خيال آيو نه وري انتظاميا سجاڳ ٿي آهي، اهڙي غفلت جو نتيجو اهو نڪري ٿو جو ٺل جي وڏيري جهڙا ٻيا ڀوتار تعليم جا ويري ٿي وڃن ٿا ۽ اهي اسڪولن کي ڪٿي ڊهرايو وڃي ٿو، ته ڪٿي وري قبضا ڪيا وڃن ٿا، ڪٿي اسڪول وڏيرن جي گهرن ۾ تبديل آهن، ته ڪٿي اوطاقن ۾، ڪٿي گدامن ۾ ته ڪٿي وري چوپائي مال جي واڙن ۾ تبديل آهن، وڏيري جي اندر جي باهه جيڪڏهن اڃا به نه ٿي اجهامي ته پوءِ ”نه رهي گا بانس، نه رهيگي بانسري“ تي عمل ڪندي اسڪول جو نالو نشان ئي مٽايو وڃي ٿو، جهڙي ريت مبينا طور ڳوٺ عارف آباد ۾ بااثر وڏيري مزدور گهرائي گرلس پرائمري اسڪول ڊاهي پٽ ڪري ڇڏيو، هينئر اسڪول جا 3 ڪلاس ملبي جي ڍير ۾ ٻڌايا پيا وڃن، ٽيڪمن ۽ ڪوڏرن وسيلي اسڪول جي ڪلاس رومز ۽ هال کي ڊاهڻ کانپوءِ ڇت جا گارڊر، ٽيئر، سرون، دريون،د ر ۽ فرنيچر سينازوري جو مظاهرو ڪندي وڏيري ٽريڪٽر ٽرالي ۾ کڻائي ويو. هي واقعو تازو ناهي پر ان پويان به وڏي ڪهاڻي ٻڌائي وڃي ٿي اهو ان ڪري ته بااثر وڏيري کان نياڻين جي تعليم ۽ تعليم جو مرڪز بڻيل اسڪول هضم نه پئي ٿيو، ظاهر آهي ته جيڪڏهن ٻهراڙيءَ جون نياڻيون تعليم پرائي باشعور ٿي وڃن ها ته پوءِ وڏيري جي ڀوتارڪي خطري ۾ پئي ها ۽ ان جو هارپو ڪير ڪري ها، انهيءَ ساڙ ۾ بااثر پنهنجي ماڻهن سان گڏجي لڳاتار 5 ڏينهن نياڻين جي اسڪول جي عمارت کي ڊاهڻ ۾ لڳايو، پر افسوس آهي ته تعليم کاتي جي ڪنهن به ذميوار نه نوٽيس ورتو نه ئي وري علائقي ۾ پاڻ کي سجاڳ سڏائيندڙ حلقن سجاڳيءَ جو عملي مظاهرو ڪندي پوليس يا لاڳاپيل اختيارين کي اطلاع ڏنو، نتيجو اهو نڪتو جو وڏيري جو حوصلو وڌي ويو ۽ ان پنهنجي هانءُ تي بار بڻيل اسڪول کي ختم ڪري ڇڏيو. وڏيري جي دعويٰ آهي ته کيس زمين جو معاوضو نه ملڻ ڪري هن اهڙو عمل ڪيو، ٿيڻ ته ائين گهرجي ها جو تعليم کاتي جي آفيسرن سان لهه وچڙ ۾ اچي وڏيرو پنهنجو مسئلو حل ڪرائي ها، پر سندس ڏاڍ ۽ طاقت پنهنجي ڳوٺ تائين محدود هئي جنهن کي هن استعمال ڪري ڳوٺ وارن تي هڪ قسم جو داٻو ويهاريو، هينئر اسڪول نه هئڻ ڪري معصوم نياڻيون گهر ويـٺل آهن، جڏهن ته کيس ايس ڊي او جي باخبري جو عالم اهو آهي ته جو کيس اتو پتو ئي ڪونهي ته سندس اختياري هيـٺ ايندڙ هڪ اسڪول ڊاهي پٽ ڪيو ويو آهي. هي رڳو اسڪول ناهي رهيو پر انهن سڀني نياڻين جا گهر ڊهيا آهن، انهن جو مستقبل ڊهيو آهي، انهن جون اميدون ڊهيون آهن ۽ انهن توڙي سندن والدين جا اهي خواب بلڊوز ٿي ويا آهن، جيڪي نياڻين جي تعليم مڪمل ٿيڻ جي صورت ۾ ڏٺا ويا هئا، هي سنگين ڏوهه آهي، جنهن جي جيتري به مذمت ڪجي گهٽ ٿيندي، وس وارن جو اهو فرض بڻجي ٿو ته اهي دير ڪرڻ بنا معاملي جو نوٽيس وٺن ۽ اسڪول ۾ پڙهندڙ شاگردياڻين جي تعليم جاري رکڻ لاءِ في الحال متبادل انتظام ڪري ڏنو وڃي ۽ وڏيري تي ڪيس داخل ڪرائي سندس خلاف قانوني ڪارروائي سان گڏ اسڪول جي نئين سر تعمير کانئس ڪرائي وڃي.