تازيون خبرون

Daily Archives: April 13, 2015

موجوده صورتحال ۾ ٽياڪڙي جي ڳالهه ڪرڻ مذاق برابر آهي: سعودي صلاحڪار

اسلام آباد (اين اين آءِ) سعودي صلاحڪار اعليٰ مذهبي معاملن جي وزير داڪٽر عبدالعزيز بن عبدالله العمار چيو آهي ته پاڪستاني قوم جو موقف آهي ته پاڪستان کي سعودي عرب جو ساٿ ڏيڻ گهرجي، موجوده صورتحال ۾ ٽياڪڙ جي ڳالهه ڪرڻ مزاق جي برابر آهي. اسان مظلوم جو ساٿ ڏينداسين ۽ ظالم جو هٿ روڪينداسني. متحده عرب امارات جي وزير جو بيان شڪايت کان وڌيڪ ڪجهه ناهي. خانگي ٽي وي سان ڳالهائيندي سعودي صلاحڪار چيو ته يمن ۾ هڪ پاسي باغي آهن ۽ ٻئي پاسي قانوني حڪومت آهي جيڪو مظلوم آهي اسان مظلوم جو ساٿ ڏينداسين ۽ ظالم جو هٿ روڪينداسين. ٽياڪڙ جي حوالي اسن ڪيل سوال جي جواب ۾ هن چيو ته موجوده صورتحال ۾ ٽياڪڙ جي ڳالهه ڪرڻ مذاق جي برابر آهي. هن چيو ته ٺاهه ته ٻن مخالف گروهن وچ ۾ ڪرايو ويندو آهي. هڪ ٻئي سوال تي هن چيو ته متحده عرب امارات  جي وزير جو بيان شڪايت کان وڌيڪ ڪجهه ناهي جيتري قدر يو اي اي جي وزير جي بيان جو تعلق آهي ته اهو ان جوموقف آهي مان ان جي پنهنجي موقف تي ڪا به ڳالهه نه ٿو چوڻ چاهيان. هن چيو ته اوهان سان ڪاوڙ اهو ئي ڪندو آهي جيڪو اوهان سان محبت ڪندو آهي. هڪ سوال تي هن چيو ته سعودي شهري هجڻ جي حيثيت سان مون تي اثر پيو آهي. پاڪستاني قوم جو موقف آهي ته پاڪستان کي سعودي عرب جو ساٿ ڏيڻ گهرجي.

 

پاڪستان سعودي مخالف اتحاد ۾ شموليت جي ايراني آڇ رد ڪري ڇڏي

دبئي (اين اين آءِ) عرب اخبار الحيا پنهجي رپورٽ ۾ لکيو آهي ته پاڪستان ايران پاران يمن ۾ سعودي مخالف اتحاد ۾ شموليت واري آڇ رد ڪري ڇڏي آهي. پاڪستاني وزيراعظم نواز شريف ۽ پاڪ فوج جي سربراهه جنرل راحيل شريف اسلام آباد ۾ ايران جي پرڏيهي وزير محمد جواد ظريف سان ملاقات دوران يمن ۾ هڪ وسيع البنياد حڪومت قائم ڪرڻ تي ڳالهه ٻولهه ڪئي. ايراني وزير بند دروازن پويان سعودي حڪومت مخالف اتحاد جوڙڻ جو مطالبو ڪيو جنهن کي پاڪستاني جي فوجي عملدارن رد ڪري ڇڏيو. پاڪستان جي پارليامينٽ تي گڏيل طور تي گڏيل طور يمن جي صورتحال تي غيرجانبدار رهڻ ۽ يمن جي مسئلي  جو سفارتي ذريعي حل ڀرڻ جو زور ڀريو. اسرائيلي ميڊيا عرب اخبار الحيا ۾ پڇيل رپورٽ جي حوالي سان دعويٰ ڪئي ته پاڪستان مبينا طور تي سعدوي عرب جي خلاف ترڪي سان اتحاد ۾ شامل ٿيڻ جي تهران واري رڇ کي رد ڪري ڇڏيو آهي نواز شريف ۽ آرمي چيف جنرل راحيل شريف پاڪستان ايران ۽ ترڪي تي ٻڌل ايراني آڇ رد ڪري ڇڏي، اتحاد جو مقصد سعودي عرب جي قيادت ۾ اتحادين جو مقابلو ڪرڻ هو . سعودي اتحادين ۾ مصر ۽ اردن شامل آهن.

 

اماراتي وزير جون ڌمڪيون ظلم ئي نه پر ڳڻتي جي ڳالهه پڻ آهي: چوڌري نثار

اسلام آباد(بيورو) گهرو وفاقي وزير چوڌري نثار گڏيل عرب امارات جي زوير جي بيان تي ردِ عمل ڏيکاريندي چيو ته اماراتي وزير جون ڌمڪيون ظلم ئي نه پر ڳڻتي جي ڳالهه پڻ آهي. چوڌري نثار چيو ته  گڌيل گڏيل عرب امارات  جو وزير ڌمڪيون پيو ڏي ، پاڪستاني قوم سعودي عرب سان گڏ  امارات جي عوام لاءِ به ڀائپي وارا جذبا رکي ٿي. هن چيو ته اماراتي وزير جون ڌمڪيون سفارتي لاڳاپن جي ابتڙ آهن ۽ پاڪستان انهن ڌمڪين کي قبول نه ڪندو. واضح رهي ته متحده عرب امارات جي پرڏيهي وزير معاملن جي رياستي وزير ڊاڪٽر انور محمود گرگاش پاڪستان کي ڌمڪي ڏني هئي ته يمن جي صورتحال تي پاڪستان جي پارليامينٽ جي ٻٽي معيار تي کيس ڳري قيمت ادا ڪرڻي پئجي سگهي هٿي. بنگلاديش ۾ جماعت اسلامي جي اڳواڻ کي ڦاهي ڏيڻ تي پنهنجي ردعمل ۾ وفاقي گهرو وزير جو چوڻ هو ته بنگلاديش ۾ جيڪو ڪجهه ٿي رهيو رهيو آهي پاڪستاني جي حيثيت ۾ رت جو ڳوڙها روئي رهيو آهيان. اُهو ڪٿي جو انصاف آهي ۽ ڪهڙو داخلي معاملو آهي. 1970 ۾ اُن وقت آئيني ۽ قانوني مملڪت سان وفاداري نڀائيندڙن کي 45 سالن کانپوءِ ڦاهي تي لٽڪايو وڃي؟ هن مطالبو ڪيو ته جمهوريت ۽ انصاني حقن جي بين الاقوامي علمبردارن کي بنگلاديش جي صورتحال جو نوٽيس وٺڻ گهرجي.

 

يمن صورتحال تي پارليامينٽ جي گڏيل قرارداد 20 ڪروڙ عوام جي ترجماني ڪري ٿي، : خورشيد شاهه

لاهور (م.ڊ) قومي اسيمبلي ۾ مخالف ڌر اڳواڻ سيد خورشيد شاهه چيو آهي ته يمن جي صورتحال تي پارليامينٽ جي گڏيل قرارداد 20 ڪروڙ عوام جي ترجماني ڪري ٿي، اپوزيشن ۾ محبتون ۽ ڪربتون نه پر اصول جون ڳالهيون ٿينديون آهن حڪومت پي ٽي آءِ جي جڊيشل ڪميشن جي شرط کي تسليم ڪيو ۽ ان کي خود پارليامينٽ ۾ آڻڻ لاءِ چيو ان کانپوءِ خواجا آصف جي تنقيد سان خود حڪومت کي سبق حاصل ڪرڻ گهرجي. اڄ هرڪوئي تحريڪ انصاف جي استعيفائن تي ڳالهائي رهيو آهي پر ائين  ڪندڙن کي يا ته پارلياميڻٽ جي قاعدن ۽ ضابطن جي خبر ناهي يا وري اهي پوائنٽ اسڪورنگ ڪري رهيا آهن. افتخار محمد چوڌري اڄ اسپيڪر کي خط لکي ڇڏيو آهي پر ٻڌائي ته هو 8 مهينن کان ڪٿي هو، لاهور ايئر پورٽ تي ميڊيا سان ڳالهائيندي سيد خورشيد شاهه يو اي اي جي پرڏيهي وزير جي بيان جي حوالي سان سوال تي چيو ته ان تي پاڪستان جي پرڏيهي وزارت جو اڃا تائين ڪو به رد عمل ناهي آيو ان لاءِ ڪوئي ڳالهه نه ٿو ڪري سگهجي. پر يمن جي صورتحال تي پارليامينٽ جو گڏيل اجلاس سڏايو ويو جنهن متفقه قرارداد پاس ڪئي جيڪا 20 ڪروڙ عوام جي ترجماني ڪري ٿي. هن اڳوڻي چيف جسٽس افتخار محمد چوڌري پاران اسپيڪر قومي اسيمبلي کي لکيل خط واري سوال تي چيو ته جڏهن ڪو ميمبر مسلسل 40 ڏينهن تائين ايوان مان غير حاضر رهندو ته ان تي ايوان ۾ قرارداد ايندي آهي ڇا پارلياميڻٽ ۾ اهڙي قسم جي قرارداد آئي جو پي ٽي آءِ جي ميمبرن کي ڊي سيٽ ڪيو وڃي. جيڪي ماڻهو اڄ پي ٽي آءِ جي استعيفائن جي ڳالهه ڪري رهيا آهن انهن کي پارليامينٽ جي قاعدن ۽ ضابطن جي خبر ناهي. افتخار چوڌري ٻڌائي اهو 8 مهينن کان ڪٿي هو جنهن اڄ هن قومي اسيمبلي جي اسپيڪر کي خط لکيو آهي. هن مسلم ليگ (ن) جي اڳواڻ ظفر علي پاران هن معاملي تي سپريم ڪورٽ ۾ وڃڻ واري سوال تي چيو ته کيس سنيٽ جي سيٽ نه ملي هو وڃي سگهي ٿو هو اهوئي ظفر علي شاهه آهي جيڪو 1999 ۾ سپريم ڪورٽ ويو هو ۽ مشرف کي وردي ۾ رهڻ ۽ آئين ۾ ترميمن جي طاقت ڏئي واپس آيو هو.

 

وفاقي حڪومت جو پنجاب ۾ ايل اين جي تي هلڻ واري پاور پلانٽ کي بنا ڪنهن رڪاوٽ جي گئس ڏيڻ جو فيصلو

اسلام آباد(بيورو) ناڻي واري وزير اسحاق ڊار جي صدارت هيٺ ايل اين جي ڏيڻ جي طريقيقار تي اجلاس ڪوٺايو ويو، جنهن ۾ پاور پلانٽس کي بنا ڪنهن روڪ جي گئس ڏيڻ جو فيصلو ڪيو ويو. اجلاس ۾ صوبائي ۽ وفاقي وزيرن شرڪت ڪئي. هن اجلاس ۾ پنجاب ۾ ٽي پاور پلانٽس لڳائڻ جو فيصلو ڪيو ويو جن جي پيداواري صلاحيت 3600 ميگاواٽ هوندي. هن اجلاس ۾ فيصلو ڪيو ويو ته پاور پلانٽس قصور، جهنگ، ۽ شيخوپورا ۾ لڳايا ويندا ۽ انهن کي بنا روڪ جي ايل اين جي ڏني ويندي. اجلاس ۾ اسحاق ڊار وفاقي وزيرن کي سياسي وزيرن سان گڏ ملي  سيل اين جي ڏيڻ جي طريقيقار جوڙڻ جي هدايت ڏني.

 

23 اپريل سيڪٽر انچارج جي بدمعاشي جي خاتمي جو ڏينهن آهيُ: سراج الحق

ڪراچي(اسٽاف رپورٽر) 23 اپريل سيڪٽر انچارج جي بدمعاشي جي خاتمي جو ڏينهن آهيُ، اهڙن خيالن جو اظهار جماعت اسلامي جي امير سينيٽر سراج الحق شاهراهه پاڪستان، عائشه منزل تي چونڊ جلسي کي خطاب ڪندي ڪيو، هن چيو ته نبيل گبول 2 سالن تائين ستل رهيو، ۽ هاڻي ان جو ضمير جاڳيو آهي، هن تڪ ۾ ٺپا لڳايا ويا نبيل گبول به اعتراف ڪيو آهي، هاڻي جي ٿري جو زمانو ختم ٿي ويو، ٿر جي جو زمانو آهي سراج الح جو وڌيڪ چوڻ هو ته قائم علي شاهه کان پڇان ٿو ڪراچي ۾ هي ڪهڙو ڊرامو ٿي رهيو آهي.

 

مخالف ڌر جي ريلي سامهون اچي ته قناتون لڳائي ڪيمپ بند ڪري ڇڏيو: الطاف حسين

ڪراچي (اسٽاف رپورٽر) ايم ڪيو ايم جو اڳواڻ چئي ٿو ته مخالف چاهين ٿا ته نه کيڏو نه کيڏڻ ڏيو، ته جيئن اين اي246 ۾ ضمني چونڊون  ئي نه ٿين.جناح گرائونڊ ۾ ايم ڪيو ايم پاران رٿيل ميوزڪ نائيٽ ۾ شامل ماڻهن سان خطاب ڪندي الطاف حسين چيو ته اسان قوم کي مال ملڪيت نه پر حوصلو ڏنو آهي. الطاف حسين ڪارڪنن کي صبر جي سمجهاڻي ڏيندي چيو ته ايم ڪيو ايم ڪارڪن چونڊن واري مهم دوران مخالفن جو منهن آڏو ڪرڻ کان پري رهن، جتي ٻين تنظيمن  جا ڪيمپ هجن هو پنهنجي ريلي اتان  نه ڪڍن ڇو ته مخالف تڪن ۾ چونڊن نٿا چاهين. ايم ڪيو ايم جي اڳواڻ هدايت ڪئي ته جناح گرائونڊ اچڻ وارن جو بهتر نموني خيال رکيو وڃي، 17 اپريل کان چانهن جو ديڳون چڙهنديون. الطاف حسين اها دعوا به ڪئي ته تڪ اين اي246 جون ضمني چونڊو ايم ڪيو ايم ئي کٽيندي. الطاف حسين ڪارڪنن کي هدايت ڪئي آهي ته مخالف ڌر جي ريلي سامهون کان لنگهي ته ڪارڪن قناتون هڻي ڪيمپ بند ڪري ڇڏين ته جيئن ڪنهن به قسم جو اڻ وڻندڙ واقعو پيش نه اچي. الطاف حسين جو چوڻ هو ته مون ڪراچي وارن کي ڪنڌ مٿي کڻي جيئڻ ۽ پنهنجي حقن لاءِ جاکوڙ ڪرڻ سيکاريو آهي. هن چوڻ هو ته  مهاجرن  سان ناانصافين تي ڳالهائڻ وارو ڪير به نه آهي  مون مهاجرن کي پنهنجي حق لاءِ آواز اٿارڻ سيکاريو آهي.

 

راجن پور ۽ حافظ آباد ۾ ٽريفڪ حادثا، 10 ڄڻا فوت، ڪيترائي زخمي، حالت نازڪ

راجن پور / حافظ آباد(مانيٽرنگ ڊيسڪ) راجن پور ۽ حافظ آباد جي علائقن ۾ ٽريفڪ حادثن ۾ 10 ڄڻا فوت 7 ڪيترائي زخمي ٿي پيا زخمين مان گهڻن جي حالت ڳڻتي جوڳي آهي جنهن سبب فوتين جي انگ ۾ واڌ جو خدشو آهي . صدر ممنون حسين، وزيراعظم نواز شريف انساني جاني نقصان تي افسوس جو اظهار ڪندي زخمين کي بهتر طبي سهولتون فراهم ڪرڻ جي هدايت ڪئي آهي. اطلاعن مطابق راجن پور جي علائقي روجهان ۾ انڊس هاءِ وي تي ٽرڪ ۽ ڪراچي ويندڙ ڪوچ ۾ ٽڪر ٿيو جنهن سبب ڇهه مسافر ٿڏي تي ئي فوت ٿي ويا، حادثي ۾ 21 ماڻهو زخمي ٿيا. اطلاع ملندي ئي امدادي ٽيمون ٿڏي تي پهتيون لاشن ۽ زخمين کي تعلقه اسپتال روجهان منتقل ڪيو ويو  جتي 9 ڄڻن جي حالت ڳڻتي جوڳي آهي. هوڏانهن حافظ آباد جي علائقي ڊيرا شاهه جمال ويجهو ٽرڪ ۽ ويگن ۾ تيز رفتاري سبب ٽڪر ٿي پيو، حادثي ۾ 4 ڄڻا فوت ۽ پنج زخمي ٿي پيا. پوليس مطابق فوت ٿيندڙن چئن ماڻهن ۾ ٽي کدڙا فقير آهن واقعو تيز رفتاري سبب پيش آيو.

 

ڪراچي: ڪورنگي جي گدام مان 7 لاش هٿ

ڪراچي (اسٽاف رپورٽر) ڪراچي جي ڪورنگي واري علائقي الله والا ٽائون ۾ هڪ گدام مان ڪيميڪل جي ڊرم مان 7 ڄڻن جا لاش مليا آهن، جن مان 5 جي سڃاڻپ ٿي وئي آهي. ذريعن موجب ڪيميلڪ جي ڊرم ۾ 7 لاش ملڻ جو اطلاع گدام انتظاميا کي ڏنو ويو، جنهن کانپوءِ ريسڪيو ٽيمون پهچي ويون، جن 7 ئي لاش ڊرم مان ٻاهر ڪڍي اسپتال منتقل ڪري ڇڏيا، هٿ آيل لاشن مان 5 جي سڃاڻپ سهيل، نواز، عمران، عدنان ۽ مهتاب جي نالن سان ٿي آهي. پولييس جا وڏا اٽالا به اطلاع ملڻ تي گدام  پهچي ويا، جتي سيڪيورٽي جا انتهائي سخت انتظام ڪندي جاچ شروع ڪئي وئي آهي. اها خبر ناهي پئجي سگهي ته اهي لاش گدام ۾ ڪيميڪل جي ڊرم تائين ڪيئن پهتا ۽ مارجي ويلن جو تعلق ڪهڙي علائقي سان آهي، اها به جاچ ڪئي پئي وڃي ت اهو حادثو آهي يا وري انهن ماڻهن کي قتل ڪري لاش ڊرم ۾ لڪايا ويا .

 

شمالي وزيرستان ۾ ڊرون حملو، چار ڄڻا فوت،ٻه زخمي

ميران شاهه (م.ڊ) : شمالي وزيرستان جي تعلقي ۾ جاسوسي طياري جي حملي ۾ چار ڄڻا فوت ٿي ويا خبر مطابق علائقي ۾ جاسوسي طياري گهر تي 2 ميزائل اڇلايا جنهن کان پوءِ چار ڄڻا فوت ٿي ويا جڏهن ته ٻه ماڻهن جي زخمي ٿيڻ جون خبرون مليون آهن ۽ وڌيڪ ماڻهن جي مرڻ جو خدشو ظاهر ڪيو ويو آهي. ڊرون حملن جي نتيجي ۾ گهر  به مڪمل طور تي تباهه ٿي ويو آهي.