تازيون خبرون

Daily Archives: April 8, 2015

جنسي ڏاڍائي ڪيس، پوليس روبيل حسين کي بيگناهه قرار ڏئي ڇڏيو

ڍاڪا(اسپورٽس نيوز) مقامي پوليس بنگلاديشي فاسٽ بالر روبيل حسين کي اداڪاره نازنين اختر هيپي طرفان داخل ڪيل ڪيس ۾ ڪلين چٽ ڏئي ڇڏي اداڪاره پهريان ئي ورلڊ ڪپ ۾ بنگلاديشي ٽيم جي زبردست ڪارڪردگي تي ڪيس واپس وٺڻ جو اعلان ڪيو هو انويسٽيگيشن آفيسر حليمان خاتون ڍاڪا ڪورٽ ۾ جاچ رپورٽ جمع ڪرائي ڇڏي جنهن ۾ پوليس جو چوڻ آهي هت اداڪاره طرفان مڙهيل الزامن جي حوالي سان ان کي بالر خلاف ڪوبه ثبوت نه مليو ڪيس جي ٻڌڻي 13 اپريل تي شيڊول آهي ياد رهي ته نازنين گذريل سال 13 ڊسمبر تي ميرپور پوليس اسٽيشن ۾ روبيل تي شادي ڪرڻ جي ڪوڙي واعدي ۽ لاڳاپن تي ڪيس داخل ڪيو هو جنهن جي 2 ڏينهن کان پوءِ ان کي 4 ڏينهن جي ضمانت ملي وئي هئي پر ان ڪيس ۾ 8 جنوري تي ان کي جيل موڪليو يوو هو جنهن کانپوءِ عدالت 11 جنوري تي ٻيهر ان جي ضمانت منظور ڪندي آزادي ڏني هئي جنهن تي هو ورلڊ ڪپ لاءِ آسٽريليا جو سفر ڪري سگهيو هو.

 

هڪ ڏينهن ڌوني پنڻ تي مجبور ٿي ويندو: يوگراج سنگهه

نئين دلي(اسپورٽس نيوز)ڀارتي ڪرڪيٽر يووراج سنگهه جي والد يوگراج سنگهه  جي ڀارتي ڪرڪيٽ ٽيم جي ڪپتان مهندر سنگهه ڌوني خلاف ڪاوڙ گهٽ ٿيڻ جو نالو ئي نه ٿي وٺي ۽ هن ڌوني کي رامائڻ جو راوڻ قرار ڏئي ڇڏيو  آهي يوگراج ڀارتي ٽي وي چينل تي ڳالهائيندي چيو ته ڌوني ڪجهه نه هو پر ميڊيا سبب هو ڪرڪيٽ جو خدا بڻجي چڪو آحي، ميڊيا ان کي عظيم رانديگر جو تاج پارائي ڇڏيو آهي پر هو هرگز ان جي مستحق نه هو هڪ وقت هو جڏهن ان وٽ ڪجهه نه هو پر اڄ ميڊيا جي سامهون ويهي ميڊيا جي نمائندن تي ٺٺول ڪري ٿو هو ان ميڊيا تي کلي ٿو جنهن ان کي ايتري شهرت ڏني ۽ ان عوام تي کلي ٿو جنهن ان جي رنسون ٺاهڻ تي تاڙيون وڃايون سچ پڇو ته جيڪڏهن مان ميڊيا جو نمائندو هجان ها ته ڌوني جي منهن تي چماٽ وهائي ڪڍان ها. يووراج جي والد وڌيڪ چيو ته هڪ ڏينهن ايندو جڏهن ڌوني ڪنگلو ٿي ويندو ۽ پنڻ تي مجبور ٿي ويندو پر ان وقت ان کي ڪوبه پڇڻ وارو نه هوندو.

 

کينجهو ڀرسان لڄالٽ بعد ساڙي ماريل نينگري سان انصاف ڪير ڪندو…؟

 

ڏهرڪي جي علائقي کينجهو ڀرسان لڄالٽ بعد ساڙي ماريل نينگري جي نه رڳو پونئرن سان انصاف ٿي سگهيو آهي پر زخمي امڙ جي به ڪنهن سار ناهي لڌي، انتظاميه جي ملي ڀڳت چئجي يا وري روايتي لاپرواهي جو جوابدار پڪڙ کان آجا آهن ۽ اطلاع آهن ته اهي پوليس جي سُستي جو ناجائز فائدو وٺندي پنجاب فرار ٿي ويا آهن.واقعو ته هڪ مهينو پهريان پيش آيو پر ميڊيا ۾ اچڻ کانپوءِ وڏو اشو بڻيو، وس وارن جي دل تي ضرب لڳي يا نه پر سنڌ جا عام ماڻهو ۽ سڄاڻ حلقا هن دردناڪ واقعي تي هن وقت تائين افسرده آهن ۽ گڏوگڏ اچرج ۾ به آهن ته وحشت ناڪ واقعي کانپوءِ آخر ڇو متاثر خاندان کي پنهنجائپ جو احساس ڏياريو ويو آهي.ٿيڻ ته ائين گهرجي ها جو سرڪاري نمائندا،علائقي جا چونڊيل نمائندا ۽ ٻيا سياستدان فوري طور تي متاثر خاندان وٽ پهچي انهن جي واهر ڪن ها ۽ گڏوگڏ پوليس تي به دٻاءُ رکيو وڃي ها ته بنا ڪنهن مصلحت جي واقعي جي جاچ ڪئي وڃي ۽ جوابدارن کي هر صورت ۾ پڪڙ ۾ آندو وڃي، پر غريب هئڻ ڪري هن مظلوم خاندان کي مڪمل طور تي نظرانداز ڪيو ويو آهي،اهڙو ڪير به ناهي جيڪو سندن زخمن تي پَها رکي.ڳوٺ مينهون مهر ۾ وحشت جو نشانو بڻيل الهوڌائي سولنگي ڪراچي جي هڪ اسپتال ۾ بي يارو مددگار ۽ زندگيءَ جا ڏينهن ڳڻي رهي آهي، ان ڪري به ته مالي سگهه نه هئڻ ڪري سندس مناسب علاج ناهي ٿي سگهيو،حالانڪ جيڪڏهن سرڪار يا وري عورتن جي حقن جي نالي تي ڪروڙين روپين جا فنڊ ڪمائيندڙ اين جي اوز پاران الهوڌائي جي سار لڌي وڃي ها ۽ سٺي اسپتال ۾ داخل ڪري سندس علاج ڪرايو وڃي ته شايد سندس حياتي بچي سگهي ٿي، پر هينئر هوءَ زندگي ۽ موت جي ٻه واٽي تي آهي، افسوس آهي ته ايس ايس پي پاران جوڙيل جاچ ٽيم رڳو نالي ۾ جوڙي وئي آهي پر ان پنهنجو ڪم ناهي ڏيکاريو.ڊي ايس پي،3 ايس ايڇ اوز ۽ سي آءِ اي انچارج شامل هئڻ باوجود ڪا واضح پيش رفت ناهي ٿي سگهي، بلڪ پوليس اصل جوابدارن بدران واقعي کي”غنيمنت “سمجهندي ڪمائي جو ذريعو بڻايو آهي ۽ جيڪي ماڻهو ملوث آهن انهن کي ته پنجاب ڀڄڻ جو موقعو ڏنو ويو پر عام ماڻهن لاءِ رڻ ٻاريو ويو آهي، پوليس جي لاپرواهي جي نتيجي ۾ جوابدار پنجاب کسڪي ويا آهن ۽ شايد ان ئي بهاني کي بنياد بڻائي ڪيس کي به ڪمائي جو ذريعو سمجهيو پيو وڃي.ايس ايس پي پاران ايس ايڇ او کينجهو ۽ سي آءِ اي انچارج عهدن تان هٽائي لائين حاضر ڪرڻ وارو عمل پنهنجي جڳهه تي بهتر قدم آهي پر تعريف جوڳو قدم اهو هوندو جو جوابدار فرار ٿيڻ تي ذميوار ماڻهن کي سزا ڏني وڃي ۽ پنجاب مان جوابدارن کي پڪڙي قانون جي ڪٽهڙي ۾ آندو وڃي، گڏوگڏ الهوڌائي جي مالڪي به ڪئي وڃي ته جيئن سندس حياتي بچي سگهي.هي معاملو هاءِ پروفائيل آهي، تنهنڪري ان کي ان ئي نظر سان ڏٺو وڃي جنهن ضلعي ۾ هي واقعو پيش آيو آهي، واقعي به سرداري ضلعو آهي ۽ اتي سردارن توڙي سياسي شخصيتن ۽ ٻين بااثرن جوگهڻو حڪم هلي ٿو پر اميد آهي ته اهي سڀ مظلوم خاندان لاءِ جيڪڏهن ڪجهه ڪري ناهن سگهيا ته پوءِ گهٽ ۾ گهٽ جوابدارن جي حق ۾ مداخلت نه ڪندا، اسين ضلعي انتظاميه کان اميد رکون ٿا ته اها ان سلسلي ۾ غير جانبداري جو مظاهرو ڪندي ۽ گڏوگڏ سرڪار کي به اپيل آهي ته هن واقعي کي همدرداڻي بنياد تي ڏسي ۽ الهوڌائي جي زندگي بچائڻ لاءِ هنگامي قدم کڻي.

 

سنڌ جي ارڏي پٽ شهيد بشير خان قريشي جون نه وسندڙ ڳالهيون؛ع. ف عباسي

شهيد بشير خان قريشي جي گهڻ رخي شخصيت تي لکڻ لاءِ وڏي دل جي ضرورت آهي.ڇاڪاڻ ته هو ڪمال جو سياسي ورڪر،ڪارڪن اڳواڻ هو.ان جي شخصيت جا ڪيترا ئي رخ مخالفن کي به مجبور ڪندا رهيا، اهي ڀلي جو ڪٽر سياسي مخالف هجن پر ان جي سنڌ سان اڏول محبت کي دل سان مڃيندا هئا.شهيد بشير خان قريشي هڪ غريب گهراڻي سان تعلق رکندڙ سياسي ورڪر ڪارڪن اڳواڻ هو.جنهن سڀ کان پهريان سنڌ جي عظيم قومپرست تحريڪ جي باني سائين جي ايم سيد جي تحريڪ جي اسٽوڊنٽ ونگ ۾ جيئي سنڌ اسٽوڊنٽ فيڊريشن (جساف) جي پليٽ فارم تان سياست جي شروعات ڪئي ۽ سنڌ جي عظيم درسگاهه ٽنڊوڄام يونيورسٽي کان اڳتي هلي.هن سنڌ جي سچي عاشق ۽ سائين جي ايم سيد جي فرمانبردار ڪارڪن ورڪر ڪيترا ئي  سنڌ جي سياست ۾ نوان لاڙا متعارف ڪرايا جو ڏسندڙ حيران ٿيڻ لڳا ته هي جساف ۽ پوءِ جيئي سنڌ قومي محاذ (جسقم) سنڌ جي گهر گهر ۾ ايئن ڇائنجي وئي جو هر ٻئي ماڻهو محسوس ڪيو ته انهيءَ ۾ سڀ کان وڏي قرباني انهيءَ سنڌ جي ارڏي، بي باڪ،بهادر۽ اڏول قومي ورڪر اڳواڻ بشير خان قريشي جي محنتن ۽ سنڌ سان سچي عشق جي نتيجي ۾ ان سنڌ جي هر ٻرندڙ مسئلن تي پنهنجي جدوجهد ڪري ڏيکاري.هو عدم تشدد جو قائل هو.هو صوفي ازم جي تعليمات جو سچو پيروڪار هو. انهيءَمرد مجاهد جا تاريخي سنڌ امڙ لاءِ ڌرڻا،احتجاجي مارچ ۽ سنڌ پنجاب جي رستن تي روڊ بلاڪ ڪرڻ وارا عمل سنڌ سان محبت ڪندڙ لکين سنڌين جي اندرنئون اتساهه پيدا ڪندا آهن. جنهن لاءِ عام طرح اهو چيو ويندو هو ته جيئي سنڌ وارا ڇوڪرا رڳو ڪاليجي شاگردن واري سياست ڪندڙ آهن. انهيءَ ڳالهه کي سنڌ جي هن بهادر پٽ بشير خان قريشي پنهنجي اڻٿڪ جدوجهد سان واهڻ وستي،نگر نگر، هر جاءِ تي پهچائڻ ۾ اهڙو ته ڪامياب ويو جو سنڌ جي غدارن جي اک ۾ ڪنڊو ٿيڻ لڳو، جنهن کان پوءِ هن سنڌ جي ارڏي پٽ مٿان هڪ نه پر الائي ڪيترا ئي ڀيرا دهشتگردن جي هٿان حملا به ڪرايا ويا.

ڪراچيءَ جي روڊن رستن کان ويندي ڪراچي يونيورسٽي تائين ان جي مٿان حملا ٿيا پر هي هر وقت الرٽ ۽ هو پنهنجن توڙي ٻين سنڌ جي جوانن جي حفاظت ڪرڻ ڄاڻندو هو. انهيءَ انهن سنڌ جي غدارن حملي آورن کي هٿيارن سوڌو گرفتار ڪري انهن جي هٿان ڪارڊ،سڃاڻپ ڪرڻ کانپوءِ حڪومت کي اهي دهشتگرد ڏنا ويا پر انهن کي ڪا به سزا نه آئي۽ انهن مٿان ڪو به ڪيس نه هليو.جڏهن ته شهيد جي هر سنڌ جي غدار مٿان نظر هوندي هئي. هو هڪ اهڙو ته بهادر ۽ انمول سنڌ جو هيرو هو جنهن جو مثال ملڻ مشڪل آهي.هن سنڌ جي اندر ذاتين،برادرين،قبائلي تڪرارن کي ختم ڪرائڻ لاءِ هڪ تاريخي قدم کڻندي مختلف برادرين،ذاتين جي چڱن مڙسن وٽ  ميڙ منٿ قافلا ڪري لنگهي ويو جنهن تي هن مانجهي مڙس کي زبردست موٽ به ملي ۽ ڪيترين ذاتين برادرين جا خوني تڪرار سالن جا جهيڙا ختم ٿيڻ لڳا.انهن ماڻهن جسقم جي قيادت محترم بشير خان قريشي، ڊاڪٽر نياز ڪالاڻي،ساگر حنيف بڙدي،امجد مهيسر، چاچو محمد راهمون،حبيب ڀٽو،سيد منير حيدر شاهه ۽ ٻين کي انهيءَ سلسلي ۾ وڏي موٽ ملڻ کان پوءِ ڪن وڏيرن به مڃيو ته اسان اهڙي عمل تي جسقم جي تاريخ ساز عمل تي انهن جي ڪوششن تي شاباس ڏيڻ کانسواءِ نٿا رهي سگهون. پوءِ ته هر ٻئي شهر ۾ وڃڻ سان سنڌ جي هن بهادر پٽ کي مختلف ذاتين جي ننڍن وڏن تڪرارن جهيڙن کي ختم ڪرائڻ لاءِ گهڻين ئي برادرين جي نيڪ مردن به درخواستون ۽ اپيلون ڪيون ته اسان جي برادري ۾ به سالن کان ٿيندڙ تڪرار جي خاتمي لاءِ اسان جي ڳوٺ ۾ اچي مسئلي کي کير کنڊ ڪرڻ لاءِ تاريخ ڏيو ۽ اهڙي طرح گهڻي انگ ۾ تڪرار ختم ٿيڻ لڳا. ڇاڪاڻ ته سنڌ اڳ ۾ ئي ڪيترن مسئلن جو شڪار آهي ويتر ننڍن ننڍن جهيڙن تڪرارن جو بار سنڌ نٿي کڻي سگهي. شهيد بشير خان قريشي جا سنڌ امڙ لاءِ وڏا وڏا تاريخي قدم آهن پر هن مانجهي مڙس جيڪي ڪراچي جي اندر ٻه تاريخي لکين سنڌي عوام جا  سنڌ جي آجپي لاءِ ڌرڻا مارچ ڪيا، انهيءَ کانپوءِ سنڌ جي ويرين جا منهن ڪارا ٿيڻ لڳا.ڇاڪاڻ ته سنڌ جي عوام جي ڀرپور موٽ هئي.هر هڪ مڪتب فڪر واري جي ڪراچي جي تبت سينٽر وٽ لکين ماڻهن جي اچڻ سان ثابت ٿيڻ لڳو ته سنڌ جو عوام سنڌ جي ايشو تي شهيد بشير خان قريشي سان متفق آهي.سنڌ جي وحدت تي وار ٿيڻ کانپوءِ سنڌ جي ماڻهن ۾ شدت سان احساس ٿيڻ لڳو ته اسان سان هر معاملي ۾ ٻه اکيائي پئي ٿئي.اسان جا وسئلا،اسان جي پيداوار معدني ذخيرا ٻين جي استعمال ٿيڻ لڳاته پوءِ سنڌ جا ماڻهو بک، بدحالي، غربت، مفلسي، تنگدستي، خودڪشين،لاواثي جي احساس ۾ تبديل ٿيڻ کانپوءِ هڪ ئي رستو محفوظ سمجهڻ لڳا.ته سائين جي ايم سيد جي ٻڌايل واٽ تي ئي سنڌ جي مسئلن کان ڇوٽڪارو ۽ آجپو سمايل آهي.بشير خان قريشي جي هر عمل مان سنڌ جي محبت جا منظر نمايان ۽ نظر ايندا هئا.اڄ انهيءَ سنڌ جي سچي عاشق بشير خان قريشي جي ٽين ورسي آهي پر افسوس جو انهيءَ جي قتل ۾ ملوث جوابدارن کي هن وقت تائين وائکو نه ڪيو ويو آهي. ايڏي وڏي پائي جي قومي اڳواڻ جي موت جي تحقيقات نه ٿيڻ سنڌ سان سراسر زيادتي آهي.سنڌ چاهي ٿي ته هن قومي اڳواڻ جي قتل ۾ ملوث جوابدارن کي پڌرو ڪيو وڃي.جيئن سنڌ سان انصاف ٿي سگهي.

 

سنڌ جو مزاحمتي ڪردار بشير خان قريشي؛مظهر خاصخيلي

سنڌ پنهنجي قديم وجود ۽ تهذيب جي بقالاءِ مسلسل جهيڙيندي پئي رهي آهي سنڌ ڪيتريون ئي آمريتون سٺيون آهن ۽ سندس وجود کي قائم رکڻ لاءِ ڪيترن ئي سورمن پنهنجي حياتي ۽ سرار پيا آهن ۽ اڄ 7 اپريل جو ڏينهن وري اهڙي سنڌ ۽ سنڌي ماڻهن سان گڏ سيد جي سچي عاشق محترم بشير خان قريشي جي جسماني وڇوڙي جو ڏينهن آهي اڄوڪي ڏينهن 7 اپريل 2012 تي تمام چالاڪي سان سنڌي ماڻهن جي محبوب اڳواڻ بشير خان کي ذهر ڏئي شهيد ڪيو ويو جيڪو بشير خان سنڌي مسڪين ۽ مظلوم ماڻهن جو ڀر جهلو هو ان 10 آگسٽ 1959 تي رتو ديرو شهر جي موئڻ پور محلي ۾ رهندڙ غلام مرتضي قريشي جي گهر ۾ اک کولي هن پرائمري کان ميٽرڪ 1974 ۾ ڪئي ۽ 1976 ۾ انٽر شڪارپور ڪاليج مان پاس ڪئي جنهن کان پوءِ 1976 ۾ سنڌ زرعي يونيورسٽي ٽنڊوڄام ۾ داخلا ورتي جتي سياسي سرگرمين ۾ حصو وٺڻ لڳو 1980 ۾ جئيي سنڌ اسٽوڊنٽس فيڊريشن جساف ززعي يونيورسٽي يونٽ جو صدر چونڊيو ويو 1981 ۾ کيس ززرعي يونيورسٽي يونٽ مان هڪ سال جي لاءِ ريسٽيڪٽ پڻ ڪيو ويو 1982 ۾ هيءِ جساف جو مرڪزي نائب صدر چونڊيو ويو ۽ چئن سالن بعد 1986 ۾ کيس جساف جو مرڪزي صدر چونڊيو ويو 1990 تائين وري ساڳئي عهدي تي چونڊيو ويو 1976 کان وٺي 1995 تائين هن سموري سياسي ۽ نظرياتي تربيت سنڌ هي عظيم قوم پرست اڳواڻ سائين جي ايم سيد جي ويجهڙائپ ۾ رهندي ٿي 25 اپريل 1995 ۾ سائين جي ايم سيد جي لاڏاڻي کان پوءِ جئيي سنڌ قومي محاذ جسقم قائم ڪئي وئي ان وقت هو جيل ۾ هيو پر پوءِ به کيس ان جو ڊپٽي ڪنوينر مقرر ڪيو ويو 1996 ۾ کيس جسقم جو سيڪريٽري جنرل چونڊيو ويو ۽ 1998 ۾ کيس جسقم جو چئيرمين چونڊيو ويو جنهن عهدي تي هي پنهنجي زندگي جي آخري گهڙين تائين رهيو سنڌ جي هن بهادر اڳواڻ کي ڪيترا ڀيرا گرفتار به ڪيڳو ويو هن کي پهريون ڀيرو ٽنڊو ڄام جي پوليس 1978 ۾ گرفتار ڪيو هيو هن کي 15 جنوري 1985 تي رتو ديرو مان گرفتار ڪيو ويو هيو هي حيدرآباد جيل ۾ ڪيتري عرصي تائين بند وارڊ پڻ رهيو هيو هن کي ان وقت جي ملٽري ڪورٽ هڪ سال ۽ ڏهن ڪوڙن جي سزا پڻ ڏني هئي جنهن تي عمل به ڪيو ويو بيٺ کيس آگسٽ 1986 ۾ آزاد ڪيو ويو هن کي وري 11 آگسٽ 1988 ۾ سنڌ ۾ ٿيل نسلي جهگڙن دوران گرفتار ڪيو ويو هن ڀيري کيس 18 مهينن تائين جيل ۾ رکيو ويو کيس 2 جنوري 1994 تي گرفتار ڪيو ويو ڻ ٻن سالن تائين جيل ۾ رهيو 17 جنوري 1999 تي وري کيس گرفتار ڪيو ويو ۽ ساڳئي سال جي نومبر مهيني ۾ کيس آزاد ڪيو ويو هن کي آخري ڀيرو 15 سيٽمبر 2011 تي هٿيار رکڻ جي ڪوڙي الزام هيٺ ڪراچي مان گرفتار ڪيو ويو هيو ۽ ٽن ڌينهن کانپوءِ کيس ضمانت تي آزاد ڪيو ويو هيو اهڙي طرح هي جملي 6 سال 10 مهينا جيل ۾ رهيو هن سائين جي ايم سيد جي قدم لڳي بشير خان قريشي قومي منشور ۽ شاهه جو رسالو کڻي سن کي پنهنجو سياسي قبلو ۽ جي ايم سيد کي پنهنجو رهبر ڪري سنڌ امڙ جي آجپي ۽ خوشحالي لاءِ جاکوڙي ۽ کاهوڙي بڻجي سنڌ جي مظلوم عوام ڏي موٽي آيو پوِءِ ڏسڻ وارن ڏٺو ته رتيديري جو جي الهڙ جو ان ڪئين تجربن جون لاهيون چاڙهيو لهندو چڙهندو ۽ پنهنجن پراين جون سازشون ۽ بد خواهيون لتاڙيندو اڳتي وڌندو رهيو، آزادي ياموت ،وحلن يا ڪفن، جا نعرا گونجائيندو ۽ رتا ئون لال جهنڊو جهو لائيندو اڳتي وڌندو رهيو رتيديري هي موئڻ پور محلي جو هئي نوجوان ان سن مان سنڌ پرستيءَ جي ستي پي جو نڪتو ته سڄي سنڌ تي ڇا نئجي ويو پوءِ جتي به سنڌ جو هي اڻموٽ فرزند پهچندو هو چوڌاري ڪهاڙيءَ جي موني گرام سان لال جهنڊن جا بادل هومدا هئا ۽ ماڻهن جون ڇوليون ڏيندڙ سمنڊ بشير خان کي ڪيترائي ڀيرا غداري جي ڪيسن ۾ گرفتار ڪري مقدما درج ڪيا ويا ڦاهن ۽ فٽڪن جا دڙڪا دهمان سزائون سچ پتراء ٽارچر سيل هن ارڏي پي جي سامهون آيا پر هن بهادر ۽ اڏول جو جيل به رستو روڪي نه سگهياسين جو سنواريل اسان جي ڳوٺ جوهي انمول ۽ اڻموٽ انسانپنهنجي قول جو پڪو ۽ مقصد جو مڪمل بشير خان سنڌ جي گهر، گهر، گهٽي، گهٽي، جهر جهنگل ۽ واهڻ وستيءَ پهچي سن جي سيد جي فرمان ۽ فڪر کي عام ۽ جام ڪندو رهيو هن سنڌ ۽ سيد جي عاشق بشير خان قريشي جي شخصيتن هونءِ ته گلد ستر مئل آهي جنهن ۾ ڪيترائي گل سجائي قدري يڪ جا ڪيا هئا پر سندس سياسي ٻه نمايان ڪردار آهن هڪ سياسي ۽ ٻيو سماجي سندس سياسي ڪردار جي ڪارڪردگي جي حوالي سان ڀلي ڪير هن سان اختلاف ڪري سگهي ٿو پر سندس سچائي ۾ ڪو به گمان ٿي نٿو سگهي پر سندس سماجي ڪردار ۽ ڪارڪرسگيءَ ۾ ڪٿي به ڪنهن به قسم جي ڪا ڪاڻ نظم ڪان ٿي اچي سنڌ وارن کي اهانخوبي ڄاڻ آهي ته سنڌ جو هي اڏول پڻ سنڌ جي حوالي سان ڪنهن اتحاد صا ڀلائي لاءِ سڏ ٿيو ته اتي پهريون پهچڻ وارو فرد بشير طان ئي هيو ڪٿي به ڪو سنڌي قوم ۾ جهيڙو فساد ٿيو ڪا به گڏجاڻي يا جرڳو ٿيو ته هي جوڌو جو ان هميشه مظلوم ڌر جو مشير يا حمايتي ٿي اتي ضرور پهچندو هو ميڙ منٿ قافلا،رڄل سنڌين کي پرچائڻ لاءِ هي سيد سنائي وٺي وڄڻ وارو شخص بشير خان ئي هيو سندس همت ۽ جرئت کي ۽ سنڌي ماڻهن سان سچائي ارپنا کي ڏسي وڏا وڏا قومپرست سردار به سندس عزت ڪندا هئا ۽ همشيه سندس جهوليءَ ۾ ڪاميابيون وجهي وڏي پيار پا ٻوهه ۽ عزت ابرو سان زخمت ڪند هئا بشير خان قريشي هاڻي طنقي طور اسان سان گڏ ناهي روحاني ۽ تصور تي طور هو پنهنجي ڪردار ۽ گڻن جي حوالي سان هميشه هر دل ۾ زنده رهندو ڇا ڪاڻ هو جو پنهنجي ڪم ڪردار ۽ شخصيت جي حوالي سان سنڌ جي سياسي ۽ سماجي تاريخ جو حصو بڻجي ويو آهي ۽ تاريخ زنده ئي رهندي آهي باقي بشير خان قريشي جي جسماني وڇوڙي جو ڏک هڪ دائمي ڏک آهي جيڪو ونڊڻ سان ورهائجي نه سگهندو پر ڌندو ۽ وگهرندو رهندو ۽ ايندڙ صديون به هن ڏک جي ڪري ۽ درد جي ڀوڳنا محسوس ڪنديون اي ڪاتب تقدير ڇا ته تهنجي چونڊ آ توگل ته اهڙو چڳو جيڪو ويڙهو ئي ويران لري ويو ڇا ٿئي ها جو مارڻ کان مڙي وڃين ها تو وڻ ڪهڙي ڪمي هئي تو وڻ سنڌ جا اڻ ڳڻيا غير تي پڻ مخدوم بلاول، دولهه دريا خان شاهه عنايت شهيد، شاهه حيدر سنائي، هوشو، هيمون، سورهيه بادشاهه، شهيد الله بخش، دودو ، سرائي قربان کهاوڙ،روپلو چولياڻي،نور الله تنيو، سميح الله ڪلهوڙو، مشتاق خاصخلي، ۽ شهيد نذير عباسي جو موجود هئا.

جاري

ڇا ٿيئي ها جو سنڌ امڙ جو سڪيلڌو پڻ بخش ڪرين ها ڏسڻ مالڪ سنڌ اڃا سڪتي مان ناهي نڪتي سندس اکيون آليون ۽ قومي جهنڊي جيان ڳاڙ هيون ٿي ويون آهن سڪڻ جو نالو ئي نٿيون وٺڻ به شهيد سنڌو ديش جو خون خوشبوءِ ۽ مهڪ ٿي ايندو ۽ اجرڪ جي فلڙي جيان دائمي دوا ماڻيندو وصلن جا ويڙها ويران ڪرن ندران واسي ڇڏيندو ۽ آزادي جي راهه وٺڻ لاءِ اتساهيندو ورهندو بشير خان قريشي کي هٿ سان رياستي ادارن پنهنجي راهه تان هٽائڻ جا لاءِ ان لي تمام چالاڪي سان موت حوالي ڪيو آهي پر منهنجي سوچ آهي جيڪڏهن رياستي ادارن پنهنجي بچاءُ ۾ جيڪڏهن اهڙو قدم کينو آهي ته اها انهن جي ڀل آهي سنڌ اندر بشير خان قريشي جي وڇوڙي کانپوءِ ڪاوڙ تمام گهڻي وڌي پئي آهي ۽ هڪ دفعو ٻيهر جي ايم سيد جي فڪر تي هلندڙ سمورين ڌرين کي پاڻ ۾ گڏجي گهرجي ۽ انهن ڌرين کي شڪست ڏيڻ جو واحد طريقو اهو آهي ته بشير خان قريشي جيان سنڌ جي انهن عام ماڻهن وٽ جسقم جي اڳواڻن کي نڪري اچڻو پوندو ۽ ان ۾ سنڌ جي فتح آهي ۽ انهن ڌرين جي شڪست هي ڪيترا به پنهنجا جلد طريقا استعمال ڪن هميشه انهن کي شڪست نصيب ٿيندي . نوٽ: ليکڪ جي راءِ سان اداري جو متفق هجڻ ضروري ناهي