تازيون خبرون

Daily Archives: April 1, 2015

يمن ۾ ڦاٿل پاڪستانين کي به جلد ڏيهه واپس آندو وڃي: نواز شريف

اسلام آباد (بيورو) وزيراعظم محمد نوازشريف جي صدارت هيٺ اجلاس ۾ هڪ دفعو ٻيهر واضح ڪيو ويو آيه ته سعودي عرب جي علائقائي سالميت ۽ خودمختياري جي ڪنهن به خلاف ورزي تي پاسڪتان پاران سخت ردعمل آڏو ايندو جڏهن ته وزيراعطم محمد نوازشريف يمن ۾ ڦاٿل پاڪستانين جي صحيح سلامت واپسي تي اطمينان جو اظهار ڪندي چيو ته يمن ۾ ڦاٿل رهجي ويل پاڪستانين جي واپسي جا انتظام بهتر ڪيا وڃن اڱاري تي وزيراعظم هائوس ۾ وزراعظم نوازشڙيف جي صدارت هيٺ اعليٰ سطحي اجلاس ٿيو جنهن ۾ ناڻي وزير اسحاق ڊار بچاءُ وارو وزير خواجه محمد آصف وزيراعظم جو قومي سلامتي معاملن جو صلاحڪار سرتاج عزيز وزيراعظم جو معاون خاص طارق فاطمي پرڏيهي سيڪريٽري ۽ ٻين اعليٰ آفيسرن شرڪت ڪئي. وزيراعظم محمد نوازشريف يمن مان پاڪستانين جي واپسي جي پهرين مرحلي مڪمل ٿيڻ تي اطمينان جو اظهار ڪندي چيو ته يمن ۾ باقي رهجي ويل پاڪستانين کي جلد کان جلد صحيح سلامت وطن واپس پهچايو وڃي وزيراعظم خوشي جو اظهار ڪندي چيو ته يمن مان پاڪستانين کي ڪڍڻ جو پهريون مرحلو اطمينان بخش نموني سان مڪمل ٿيو آهي يمن ۾ باقي رهجي ويل پاڪستانين کي جلد کان جلد واپس آندو وڃي. اجلاس ۾ وزيراعظم کي ٻڌايو ويو ته يمن مان وطن واپس پهتل پاڪستاني شهري يمن جي مختلف وڳوڙي علائقن ۾ ڦاٿل پاڪستانين جي محفوظ واپسي کي يقيني بنائڻ ۽ ان معاملي کي قومي ترجيحي طور تي وٺڻ لاءِ وزيراعظم جي ذاتي دلچسپي تي ان جو نهايت ممنون آهيان اعليٰ سطحي اجلاس ۾ هڪ دفعو ٻيهر واضح ڪيو ويو ته سعودي عرب جي علائقائي سالميت ۽ خودمتياري جي ڪنهن خلف ورزي تي پاڪستان جي عوام جي امنگن مطابق پاڪستان پاران سخت ردعمل ظاهر ڪيو ويندو.

 

اتحادي فوج يمني بندر گاهن تي ڪنٽرول حاصل ڪري ورتو، بمباري ۾ 40 مارجي ويا

يمن(م.ڊ) يمن ۾ سعودي اتحاد جي جنگي جهازن جي جاري بمباري ۾ وڌيڪ 40 ماڻهو مارجي ويا ۽ 2 سئو کان وڌيڪ زخمي ٿي پيا.پرڏيهي ميڊيا موجب، سعودي جهازن يمن جي اتر اوڀر واري صوبي حجا ۾ المزراڪ ڪئمپ کي نشانو بڻايو، جنهن ۾ 40 پناهگير مارجي ويا.هوائي حملي ۾ 2 سئو کان وڌيڪ ماڻهو زخمي به ٿيا، جن مان 25 جي حالت ڳڻتي جوڳي ٻڌائي پئي وڃي.امدادي اداري ميڊيسين سان فرنيٽيئر جي مينيجر پبلو مارڪو ميڊيا کي ٻڌايو ته پناهگير ڪيمپ تي بمباري بعد 40 لاش ۽ 34 زخمين کي هراده جي اسپتال ڏانهن منتقل ڪيا ويا.پبلو مارڪو جو چوڻ هو ته زخمين مان گهڻن جي حالت ڳڻتي جوڳي هئڻ ڪري مارجي ويلن جي انگ ۾ واڌ جو خدشو آهي.ايم ايس ايف موجب، المزراڪ ڪيمپ 2009 ۾ قائم ڪئي وئي هئي، حوثي باغين ۽ حڪومت وچ ۾ ويڙهه دوران متاثر ٿيل ماڻهو اتي رهائش اختيار ڪري رهيا هئا.ايم ايس ايف موجب،گذريل ٻن ڏينهن دوران 5 سئو کان وڌيڪ خاندان ان ڪيمپ ۾ پهتا آهن.پرڏيهي ميڊيا موجب،صنعا کان ڏيڍ سئو ڪلو ميٽر مفاصلي تي مارب، عدن ۽ الحديده جي سامونڊي شهرن تي به سعودي اتحاد جي جنگي جهازن بمباري ڪئي آهي.يمني حلال احمر موجب، الحوطه ۾ حوثي باغين ۽ صدر هادي جي حامين وچ ۾ جنگ سبب ڪيتريون ئي گهٽيون لاشن سان ڀريل آهن.يمني حلال احمر اپيل ڪئي آهي ته الحوطه شهر ۾ ڦاٿل ماڻهن جي فوري طور مدد ڪئي وڃي.سعودي اتحاد جي سربراهه جو چوڻ آهي ته علائقن جو قبضو ختم ٿيڻ تائين باغين جي ٺڪاڻن تي بمباري جاري رکي ويندي. ٻئي پاسي سعودي عرب جي قيادت ۾ اتحادي فوج يمن جي سمورين بندرگاهن جو ڪنٽرول حاصل ڪري ورتو ترجمان سعودي فوج چيو ته تربيت يافته هٿياربند زميني فوج تيار آهي صحيح وقت تي پنهنجون ذميواريون نڀائيندي سعودي فوج جي ترجمان برگيڊيئر جنرل احمد عصري چيو ته يمن ۾ ڪارروائين دوران هٿياربند حوثي باغين، ان جي قيادت ۽ اسلحي جي ڊپوڳ کي نشانو بڻايو ويو اتهادي جهازن روسي ٽينڪ ٽرانسپورٽر تباهه ڪري ڇڏيو بيلسٽڪ ميزائيلن جو پتو لڳائي کين تباهه ڪرڻ جي ڪوشش ڪئي پئي وڃي ترجمان مطابق روسي باغين سرحد ويجهو مارٽر گولا فائر ڪرڻ ۽ اتحادين جي ويڙهاڪ جهازن کي نشانو بنائڻ جي ڪوشش ڪئي.

 

يمن جي صورتحال تي ڳالهين لاءِ خواجه آصف جي اڳواڻي ۾ پاڪستاني وفد سعودي عرب پهچي ويو

اسلام آباد (بيورو) يمن جي صورتحال تي سعودي اختيارين سان خيالن جي ڏي وٺ لاءِ پاڪستان جي اعليٰ سياسي ۽ عسڪري اختيارين  تي ٻڌل وفد سعودي عرب پهچي چڪو آهي، وفد جي قيادت بچاءُ وارو وزير خواجه آصف ڪري رهيو آهي سعودي عرب ويندڙ وفد ۾ بچاءُ واري وزير خواجه آصف  جي علاوه قومي سلامتي ۽ پرڏيهي معاملن بابت صلاحڪار سرتاج عزيز، چيف آف جنرل اسٽاف ليفٽيننٽ جنرل اشفاق نديم ۽ ڊائريڪٽر جنرل ملٽري آپريشنز ميجر جنرل عامر رياض به شامل آهن وفد سعودي اختيارين سان يمن جي صورتحال ۽ سعودي عرب جي سلامتي بابت معاملن تي ڳالهيون ڪندا . سعودي عرب روانگي کان اڳ ميڊيا سان ڳالهائيندي بچاءَ واري وزير خواجا آصف چيو ته پاڪستان مسلمان ملڪن مان ڏڦيڙ جو خاتمو چاهي ٿو. هـُن چيو ته پر امن طريقي ۽ اتحاد سان معاملا حل ڪرڻ جي هو حمايت ڪن ٿا. خواجا آصف چيو ته سعودي عرب جِي سالميت کي خطرو ٿيو ته پاڪستان سمورا وسيلا استعمال ڪري ڀرپور دفاع ڪندو. ياد رهي ته پاڪستاني وفد سعودي اختيارين سان ملاقات کانپوءِ اڄ ڏيهه واپس ورندو، جڏهن ته ان حوالي سان وزيراعظم کي رپورٽ به سڀاڻي ئي پيش ڪئي ويندي.

 

آصف زردري بلاول هائوس ٻاهران لڳايل بيريئرز هٽائڻ جو حڪم ڏئي ڇڏيو

ڪراچي(اسٽاف رپورٽر) پيپلز پارٽي جي شريڪ چيئرمين آصف زرداري بلاول هائوس ۽ وزيراعليٰ هائوس جي آس پاس بيريئرز هٽائڻ جو حڪم ڏئي ڇڏيو اڳوڻي صدر آصف زرداري سان سنڌ جي وڏي وزير سيد قائم علي شاهه بلاول هائوس ۾ ملاقات ڪئي جنهن ۾ ڪراچي ۾ امن امان سميت ٻين معاملن تي خيالن جي ڏي وٺ ڪئي وئي جڏهن ته ان موقعي تي آصف زرداري سنڌ جي وڏي وزير کي بلاول هائوس ۽ وزيراعليٰ هائوس ٻاهران سيڪيورٽي بيريئرز هٽائڻ جو حڪم ڏنو آصف زرداري جو چوڻ هو ته سيڪيورٽي خدشن جي باوجود بلاول هائوس ۽ وزيراعليٰ هائوس ٻاهران بيريئرز هٽايا وڃن، ذريعن جو چوڻ آهي ته گذريل ڏينهن امن امان جي بابت ٿيندڙ اجلاس ۾ ڊي جي رينجرز بلال اڪبر طرفان بلاول هائوس ٻاهران بيريئر جي موجودگي تي خدشن جو اظهار ڪيو ويو هو جڏهن ته صوبائي گهرو کاتي به اڳوڻي صدر جي رهائشگاهه ٻاهران بيريئر نه هٽائڻ جو حڪم ڏنو هو.

 

يمن ۾ ڦاٿل پاڪستانين کي واپس آڻڻ لاءِ چين کان به مدد ورتي پئي وڃي:پرڏيهي ترجمان

اسلام آباد (بيورو) پرڏيهي کاتي جي ترجمان تسنيم اسلم چيو آهي ته يمن ۾ ڦاٿل پاڪستانين کي واپس ڏيهه آڻڻ لاءِ ڪوششون جاري آهن،ان حوالي سان چين کان به مدد ورتي پئي وڃي. پنهنجي جاري ڪيل بيان ۾ پرڏيهي ترجمان چيو ته يمن ۾ هن وقت 4 سئو پاڪستاني موجود آهن،جڏهن ته گادي واري شهر صنعا ۾ 70 پاڪستاني ڦاٿل آهن. تسنيم اسلم جو چوڻ آهي ته عدن ۾ موجود پاڪستانين کي ڏيهه آڻڻ لاءِ ڪوششون جاري آهي. پرڏيهي ترجمان چيو ته پاڪستانين جي واپسي  لاءِ چين سان به ڳالهايو پيو وڃي ۽ ان کان مدد گهـُري ورتي آهي.

 

ڪراچي ۾ امن امان لاءِ قومي ايڪشن پلان تحت قدم کڻي رهيا آهيون: ڪور ڪمانڊر

ڪراچي (اسٽاف رپورٽر) ڪور ڪمانڊر ڪراچي سان صنعتڪارن جي وفد ملاقات ڪئي جنهن ۾ شهر ۾ امن امان جي صورتحال تي انهن جي ڪوششن کي ساراهيو ڪور ڪمانڊر ڪراچي ليفٽيننٽ جنرل نويد مختار سان صنعڪارن جي وفد ڪور هيڊڪوارٽر ۾ ملاقات ڪئي جنهن۾ ڪراچي ۾ امن امان تي خيالن جي ڏي وٺ ڪئي وئي جڏهن ته ان موقعي تي صنعتڪارن شهر ۾ امن امان بهتر بڻائڻ تي ڪور ڪمانڊر جي ڪوششن کي ساراهيندي ان جو شڪريو به ادا ڪيو ڪور ڪمانڊر ڪراچي شهر ۾ امن قائم ڪرڻ لاءِ واپارين، صنعتڪارن جي تعاون تي شڪريو ادا ڪندي چيو ته شه ر۾ امن لاءِ تاجرن ۽ صنعتڪارن جو تعاون تحسين جي لائق آهي جڏهن هت اسان ڪراچي ۾ امن امان لاءِ قومي ايڪشن پلان تحت قدم کڻي رهيا آهيون.

 

 

کاتي مان 103 گوسڙو ملازمن کي ڪڍي ڇڏيو، 10 ملازم ڏوهاري سرگرمين ۾ ملوث هئا: شرجيل ميمڻ

ڪراچي(اسٽاف رپورٽر)سنڌ جي اطلاعات ۽ بلديات کاتي واري وزيرشرجيل انعام ميمڻ جي نگراني ۾اڱاري ڏينهن به ڪورنگي ضلعي ۾ قائم هڪ درجن کان وڌيڪ غير قانوني  سرڪاري زمينن ۽راندين جي ميدانن تي اڏيل شادي هالن کي پٽ ڪيو ويو، جڏهن ته پارڪ جي جڳهه تي قائم غيرقانوني منرل واٽر جي فيڪٽري تي ڇاپو هڻي ان کي به ڊاٿو ويو. صوبائي وزير ان موقعي تي ان عزم کي ورجايو ته سڄي صوبي ۾ سرڪاري زمينن، فلاحي پلاٽن، راندين جي ميدانن ۽ پارڪن تي ڪنهن به قسم جي اڏيل غيرقانوني عمارتن کي قائم نه رهڻ ڏينداسين ۽ انهن جي خاتمي تائين هن مهم کي جاري رکيو ويندو. هن چيو ته اهڙا اطلاع به آهن ته انهن شادي هالن جي آمدني مان ڏوهاري ۽ دهشتگرد فائدو حاصل ڪري رهيا آهن ۽ ان آمدني کي هو دهشتگردي لاءِ استعمال ڪري رهيا آهن. بلديات کاتي ۾ هزارين گوسڙو ملازمن جي خلاف ايڪشن کڻڻ جي شروعات ڪئي وئي آهي ۽ 10 کان وڌيڪ اهڙن ملازمن کي نوڪرين مان ڪڍيو ويو آهي، جيڪي ڏوهاري هئا ۽ کين اسان جي رينجرز ۽ پوليس گرفتار به ڪري ورتو آهي. اسان غيرقانوني قبضن ۽ گوسڙو ملازمن خلاف جهاد جو آغاز ڪيو آهي ۽ اهو جهاد انهن جي خاتمي تائين جاري رهندو. خبر مطابق سنڌ جي اطلاعات ۽ بلديات واري وزير شرجيل انعام ميمڻ 23 فيبروري 2015 کان جاري صاف، سرسبز ، پرامن سنڌ مهم جي ٻئي مرحلي ۾ ڪراچي ۾ راندين جي ميدانن، پارڪن ۽ رفاحي ۽ فلاحي پلاٽن تي قائم غيرقانوني شادي هالن ۽ ٻين قبضن جي خاتمي لاءِ اڱاري تي ضلعي ڪورنگي ۾ ڪورنگي نمبر ڏيڍ، چار ۽ ساڍا پنج نمبر ۾ قائم هڪ درجن کان وڌيڪ غيرقانوني شادي هالن ۽ انهن سان گڏ ئي قائم هڪ غيرقانوني منرل واٽر فيڪٽري کي پنهنجي نگراني ۾ مسمار ڪرايو ۽ ان ۾ موجود سموري سامان کي ضبط ڪرڻ جا حڪم ڏنا. ان موقعي تي ايڊمنسٽريٽر ڪراچي ثاقب سومرو، ڪمشنر ڪراچي شعيب احمد صديقي، ميٽروپوليٽن ڪمشنر ڪراچي مسعود عالم، ڊي سي ڪورنگي آصف جان صديقي، ايڊمنسٽريٽر ڪورنگي عبدالراشد، ميونسپل ڪمشنر ڪورنگي مسرور ميمڻ، ڊائريڪٽر لوڪل گورنمينٽ روبينه آصف ۽ ٻيا به ساڻس گڏ هئا. صوبائي وزير ڪورنگي ڏيڍ نمبر جي علائقي جي اندرين حصي ۾ راندين جي ميدان ۾ قائم 4 شادي هالن ۽ انهن سان لڳ هڪ غير معياري منرل واٽر  فيڪٽري کي مسمار ڪرايو ۽ ڪورنگي نمبر 4 تي راندين جي ميدان ۾ قائم 6 شادي هالن جڏهن ته ڪورنگي نمبر 5 تي ٻارن جي پارڪن جي جاءِ تي قائم هڪ شادي هال ۽ ڪورنگي پوڻا 6 نمبر تي اسٽيڊيم لاءِ مختص زمين تي قائم 6 شادي لان کي به مسمار ڪرايو. ان موقعي تي علائقي جي رهواسين جي وڏي تعداد به ان ڪارروائي واري اطلاع تي اتي گڏ ٿي وئي ۽ هنن صوبائي وزير شرجيل ميمڻ جي ان ڪارروائي تي کيس خراج تحسين پيش ڪيو. ميڊيا سان ڳالهائيندي صوبائي وزير شرجيل انعام ميمڻ چيو ته هاڻ هن شهر ۽ صوبي ۾ هڪ به غيرقانوني شادي هال نه رهڻ ڏنو ويندو ۽ جيستائين انهن جو خاتمو نه ڪري وٺندس سک سان نه ويهندس. هن چيو ته اهڙي به اطلاع آهي ته انهن غيرقانوني شادي هالن جي آمدني ۾ ڪجهه ڏوهارين ۽ دهشتگردن کي به حصو ڏنو ويندو هو ۽ هو ان غيرقانوني شادي هالن جي آمدني سان هن شهر، صوبي ۽ ملڪ ۾ دهشتگردي ڪري رهيا آهن. هن چيو ته هڪ طرف وزيراعليٰ سنڌ جي قيادت ۾ صوبي ۾ دهشتگردن، ڀتاخورن، ٽارگيٽ ڪلرز ۽ ڏوهارين خلاف آپريشن جاري آهي، جنهن ۾ اسان جي رينجرز، پوليس ۽ ٻيا امن امان جي بحالي وارا ادارا ڀرپور ۽ ڪامياب ڪارروايون ڪري رهيا آهن ۽ ٻي طرف اسان بلديات کاتي ۾ جتي سالن جو پراڻو گند آهي ان کي صاف ڪرڻ لاءِ ڪوشان آهيون. هن چيو ته ڪراچي آپريشن ۽ بلديات کاتي وارو آپريشن ڪنهن به سياست جماعت يا ڪنهن فرد خلاف نه آهي بلڪ اهو انهن ماڻهن خلاف آهي، جيڪي هن شهر، صوبي ۽ ملڪ جي امن لاءِ خطرو بڻجي چڪا آهن. هن چيو ته بلديات کاتي سان وابسته اهڙا 10 ڏوهاري ماڻهن کي اسان جي فورسز گرفتار ڪيو آهي، جيڪي ٽارگيٽ ڪلنگ ۽ ڀتاخوري ۾ ملوث هئا ۽ اسان انهن سميت وڌيڪ 103 اهڙن ماڻهن کي نوڪريون مان ڪڍي ڇڏيو آهي، جيڪي هن ادارن ۾ گوسڙو ملازم هئا. هن چيو ته بلديات کاتي جي  انتظام هيٺ ڪي ايم سي، واٽر بورڊ ۽ ٻين ادارن ۾ هزارن جي تعداد ۾ گوسڙو ملازم آهن ۽ انهن سمورن جي فهرست تيار ڪرڻ جو ڪم مڪمل ڪيو ويو آهي ۽ جلد ئي انهن سمورن گوسڙو ملازمن خلاف قانوني ڪارروائي ڪري کين نوڪريون مان فارغ ڪيو ويندو. هڪ سوال جي جواب ۾ شرجيل انعام ميمڻ چيو ته هن آپريشن جو مقصد صرف ۽ صرف هن شهر ۽ صوبي جي عوام کي سک جو ساهه فراهم ڪرڻ آهي ۽ انهن تي قائم خوف جي پاڇولي کي هميشه لاءِ ختم ڪري انهن کي روشنين جو شهر واپس ڪرڻو آهي. هن چيو ته اڄ به هڪ شادي هال کي مسمار ڪرڻ جي موقعي تي هڪ هيٺين سطح جي عدالت پاران ان غيرقانوني شادي هال کي اسٽي آرڊر هڪ ڏينهن اڳ ڏنو ويو آهي جيڪو قانونن ان عدالت جي دائره اختيار ۾ ئي ناهي ۽ سپريم ڪورٽ پاران واضح فيصلو ٿي چڪو هجي ته ڪنهن به سرڪاري، رفاحي ۽ فلاحي، راند جي ميدان ۽ پارڪن تي ڪنهن قسم جو ڪوبه قبضو نه ٿو ڪري سگهجي. ته پوءِ ڪهڙي طرح ان کي حڪم امتناعي ڏنو پيو وڃي. هن چيو ته ان سلسلي ۾ اسان اعليٰ عدالت کي به گذارش ڪنداسين ته هو پنهنجي ماتحت عدالتن کي ان حوالي سان تنبيهه ڪري. هڪ سوال جي جواب ۾ هن چيو ته ڪجهه رفاحي ۽ فلاحي زمينن تي ناجائز اڏاوت ڪري اتي وڏا وڏا پلازا به ٺاهيا ويا آهن ۽ ان سلسلي ۾ اسان قانوني ماهرن کان راءِ وٺي رهيا آهيون ته انهن پلازن کي ڪهڙي طرح مسمار ڪرايو وڃي ۽ انهن ۾ رهندڙن کي ڪهڙي طرح ٻين جاين تي منتقل ڪيو وڃي. هڪ سوال جي جواب ۾ هن چيو ته غيرقانوني شادي هالن ۽ قبضن جي خاتمي جي ذميواري لاڳاپيل ضلعي جي ذميوار آفيسرن جي هوندي آهي، پر ان سان گڏ ڪجهه مجبوريون آهن ۽ هو چاهين ٿا ته آئون پاڻ اچي ان آپريشن جي نگراني ڪريان ته منهنجو به اهو فرض آهي ته آئون ان جو ڀرپور ساٿ ڏيان. هڪ سوال جي جواب ۾ شرجيل انعام ميمڻ چيو ته انهن غيرقانوني شادي هالن ۽ ٻين قبضن کي قائم ڪرڻ ۾ ماضي ۾ ٽائون ۽ يوسي ناظمن جو وڏو هٿ رهيو آهي ۽ انهن پنهنجن اختيارن سان قبضا ڪري سرڪاري زمينن ۽ ٻين راندين جي ميدانن ۽ پارڪن کي ان جي اصل مقصد بجاءِ ٻين مقصدن لاءِ الاٽ ڪيو ۽ اها انهن هن شهر جي عوام خاص ڪري هتان جي ٻارن ۽ نوجوانن سان وڏي زيادتي ڪئي آهي. هڪ ٻئي سوال جي جواب ۾ هن چيو ته ڪنهن به سياسي ۽ مذهبي جماعت کي به اهو اختيار حاصل نه آهي ته هو سرڪاري زمينن تي قبضا ڪري اتي آفيسون قائم ڪري ان لاءِ آئون انهن کي به گذارش ڪريان ٿو ته هو فوري طور تي پنهنجون آفيسون ختم ڪن ٻي صورت ۾ انهن کي به مسمار ڪيو ويندو.

 

حڪومت تيل اگهه وڌائي ڇڏيا، پيٽرول 4 روپيا مهانگو ٿي ويو

اسلام آباد (بيورو) حڪومت اوگرا پاران تيل اگهن ۾ واڌ جي سمري منظور ڪري ورتي آهي. عالمي منڊي ۾ تيل جي اگهن ۾ واڌ کانپوءِ اوگرا پاران وزيراعظم کي موڪليل تيل اگهن ۾ واڌ جي سمري منظور ڪري ڇڏي آهي. ناڻي واري وزارت موجب پيٽرول جي اگهن ۾ 4 روپيا واڌ ڪئي وئي آهي جنهن کانپوءِ پيٽرول 74.29 روپيا في ليٽر ٿي ويو آهي جڏهن ته ڊيزل جي قيمت ۾ 3 روپيا واڌ ڪئي وئي آهي. حڪومت پاران هائي اسپيڊ ڊيزل جي قيمت ۾ 6.25 پئسا اضافو ڪيو ويو آهي جنهن کانپوءِ اُن جي قيمت 86.86 روپيا ٿي وئي آهي جڏهن ته ايڇ او بي سي، گاسليٽ ۽ لائيٽ ڊيزل جي قيمت برقرار رکي وئي آهي.

 

پاڪستان ۾ 2015کان 2013 تائين 80 هزار ماڻهو دهشتگردي جي ور چڙهيا: رپورٽ

واشنگٽن (م.د) عالمي امن جنگ ۽ جدال جي خلاف ڪم ڪندڙ تنظيمن پاران جاري ٿيل تازن انگن اکرن مطابق پاڪستان ۾ 2005 کان 2013 تائين 80 هزار ماڻهو دهشتگردي جي مختلف ڪارروائين ۾ مارجي ويا آهن نئين دهلي ۾ قائم انسٽيٽيوٽ آف ڪون فلڪٽ مئنجمينٽ سان جڙيل ڏکڻ ايشيائي دهشتگردي پينل جي رپورٽ ۾ موجود انگن اکرن مطابق دهشتگردي جي نتيجي ۾ مارجي ويلن ۾ شهرين کان علاوه سيڪيورٽي ادارن جا اهلڪار شآمل آهن ڪيترائي دهشتگرد به مارجي ويا ايس اي ٽي پي جي رپورٽ ۾ چيو ويو ته 2013 جي پڄاڻي تائين پاڪستان ۾ ٿيندڙ مختلف دهشتگردي جي ڪارروائين ۾ 26 هزار 862 دهشتگرد ۽ 5 هزار 498 سيڪيورٽي  ادارن جا اهلڪار شهيد ٿيا آهن ايس اي ٽي پي مطابق سال 2013 ۾ 3 هزار هڪ شهري پاڪستان ۾ زندگي وڃائي ويٺا ان حوالي سان فزيشن فار سوشل ريسپونسبلٽي فزيشن فار گلوبل سرائيول ۽ نوبل انعام يافته تنطيم انٽرنيشنل فزيشن فار پري وينسيشن فار نيو ڪليئر وار جي گڏيل رپورٽس ۾ به ملندڙ جلندڙ انگ اکر پيش ڪيا ويا آهن پاڪستان انسٽيٽيوٽ فار پيس اسٽيڊيز پاران گڏ ڪيل انگن اکرن مطابق سال 2005 کان 2012 دوران 34 هزار شهري مارجي ويا صرف 2011 ۾ 6 هزار 550 شهري ۽ سال 2012 ۾ 4 هزار 711 شهري شهيد ٿيا سمورن رپورٽن جا انگ اکر گڏ ڪيا وڃن ته سال 2013 جي پڄاڻي تائين سڄي ملڪ ۾ 48 هزار شهري شهيد ٿيا آهن.

 

جناح گرائونڊ واقعي سان تحريڪ انصاف جا عزم سامهون اچي ويا: حيدر عباس رضوي

ڪراچي (اسٽاف رپورٽر) ايم ڪيو ايم جي اڳواڻ حيدر عباس رضوي پاران هنگامي پريس ڪانفرنس کي خطاب ۾ چوڻ هو ته عمران اسماعيل ۽ ان جي ساٿين جي بدامني ڦهلائڻ جي مذمت ڪريون ٿا عمران اسماعيل پنهنجي ڪارڪنن جي وڏي تعداد سان اوچتو جناح گرائونڊ پهتو هو هن الزام مڙهيو ته پي ٽي آءِ جي  ڪارڪنن شهداءِ جي يادگار تي بيهي گاريون ڏنيون، ڏوهاري عنصرن جناح گرائونڊ جي چوطرف لڳل الطاف حسين جون تصويرون ڦاڙي ڇڏيون ان کانپوءِ عمران اسماعيل پنهنجي ڪارڪنن سان گڏ ڪراچي پريس ڪلب پهتو ۽ ڪرسين تي زبردستي ويهي پريس ڪانفرنس شروع ڪري ڏني پريس ڪلب انتظاميه جي منع ڪرڻ تي انهن کي به گهٽ وڌ ڳالهايو حيدر عباس جو چوڻ هو ته چونڊڻ ۾ حصو وٺڻ سمورين پارٽين جو آئيني حق آهي جڏهن ته جناح گرائونڊ واقعي سان تحريڪ انصاف جا عزم کلي سامهون اچي ويا آهن هو طاقت جي زور تي چونڊن ۾ حصو وٺڻ چاهي ٿا جمهوريت جو مطلب صرف چونڊون نه پر عوام جي دل کٽن هوندو آهي.