تازيون خبرون
افغانستان ۾ امن جي بحالي لاءِ هر ممڪن مدد ڪنداسين: وزيراعظم - زرداري ۽ شهباز شريف کي ڪجهه ڪرڻ جي ضرورت ناهي، عمران خان پاڻ ڪري رهيو آهي: خورشيد شاهه - آمريڪي مداخلت، آئي ايم ايف پاڪستان کان نئين کان اڳ پراڻي قرضن جا تفصيل گهري ورتا - نواز-زرداري سياست ختم، الله تعاليٰ وٽ دير آهي انڌير ناهي: فواد چوڌري - نواز شريف مريم لاءِ اين آر او ڳولي رهيو آهي، مارچ کان اڳ چورن ۽ ڦورن تي ٻهارو ڦري ويندو: شيخ رشيد - چيف جسٽس ميان ثقاب نثار جي ترڪ صدر طيب اردوان سان ملاقات، عوام جي وچ ۾ محبت ۽ گهري جذباتي لڳاءَ جو ذڪر به ڪيو - ڪئمرامين تي تشدد ڪندڙ گارڊ خلاف ڪارروائي ٿيندي، حرڪت گارڊ جي بدنامي منهنجي ٿي: نواز شريف - سنڌ سرڪار جو تاريخي فيصلو، پي اي ايف ۽ سنڌ حڪومت ايمبولينس سروس شروع ڪرڻ جي معاهدي تي صحيحون ڪري ڇڏيون - هڪ وک به مديني جهڙي رياست ڏانهن ناهي کنئي ويئي، بلوچستان کي ظالم سرڪار ۽ سردارن غريب رکيو آهي: سراج الحق - سياست جو بنارسي ٺڳ شيخ رشيد جمهوريت لاءِ ناسور آهي، نواز شريف جو مٿو چمڻ وارو اڄ عمران خان جا بوٽ چَٽي رهيو آهي: راڻا ثناءُ الله

Daily Archives: February 16, 2015

وزير اعظم هڪ ڏينهن جي دوري تي اڄ ڪراچي پهچندو، اسڪولن ۽ اسپتالن جي سيڪيورٽي وڌائي وڃي: نواز شريف

ڪراچي (اسٽاف رپورٽر) وزيراعظم نوازشريف اڄ هڪ ڏينهن جي دوري تي ڪراچي پهچندو، انهيءَ موقعي تي کيس بلديه ٽائون سانحي جي معاملي تي بريفنگ ڏني ويندي. وزيراعظم نوازشريف جي ڪراچي واري دور ۾ بلديه سانحي تي تفصيلي بريفنگ ڏني ويندي ۽ سنڌ حڪومت جي مشاورت ۽ قانوني معاملن کي نظر ۾ رکندي انهيءَ معاملي بابت ايندڙ حڪمت عملي طي ڪئي ويندي. وفاقي حڪومت انهيءَ معاملي جي جي آئي رپورٽ ۽ سمورن قانوني پهلوئن جون جائزو وٺندي. وزيراعظم پنهنجي ڪراچي جي دوري دوران پوليس پاران بلديه ٽائون سانحي تي ٿيندڙ اڳڀرائي ۽ چالان ۾ دير جي سبب جي باري ۾ معلومات وٺندو. ذريعن موجب قانوني ۽ جانچ معاملن ۽ جي آئي ٽي رپورٽ جو جائزو وٺڻ کانپوءِ انهيءَ ڪيس ۾ دهشتگردي يا ٻيا قلم شامل ڪرڻ يا انهيءَ ڪيس کي دهشتگردي يا فوجي عدالت ۾ منتقل ڪرڻ تي غور ڪيو ويندو.انهيءَ ۾ مشاورت ۾ سانحي ۾ ملوث ماڻهن جي گرفتاري لاءِ حڪمت عملي جوڙي ويندي ته جيئن انهيءَ معاملي ايندڙ حڪمت عملي عدالتي حڪمن ۽ ٽرائل ڪورٽ ۾ ڪيس کي نظر ۾ رکندي اختيار ڪئي ويندي.  ٻئي طرف وزير اعظم نواز شريف پمز اسپتال ۾ فائرنگ ۾ زخمي ٿيل ڊاڪٽر شاهد نواز جي علاج لاءِ ميڊيڪل بورڊ جوڙڻ جي هدايت ڪري ڇڏي، بورڊ کي هدايت ڪئي آهي ته مستقبل ۾ اهڙن واقعن کان بچڻ جي لاءِ قدم ضروري آهن، وزير اعظم گهرو کاتي کي اسڪولن ۽ اسپتالن جي سيڪيورٽي وڌائڻ جي هدايت ڪري ڇڏي.

 

پرڏيهي سيڪريٽري ڳالهين ۾ ڀارتي مداخلت ايجنڊا جو حصو هوندي: سرتاج عزيز

اسلام آباد(بيورو) وزيراعظم جي پرڏيهي معاملن بابت صلاحڪار سرتاج عزيز ڀارت سان بامعنيٰ ۽ سنجيده ڳالهين تي زور ڏيندي چيو آهي ته پرڏيهي سيڪريٽري سطح تي ڳالهين ۾ پاڪستان ۾ ڀارتي مداخلت به ايجنڊا جو حصو هوندي سرڪاري خابرو اداري مطابق پرڏيهي صلاحڪار سرتاج عزيز چيو ته پاڪستان ڀارت سان سمورن مسئلن جي حل لاءِ بامعنيٰ ۽ سنجيده ڳالهيون چاهي ٿو جڏهن ته عالمي برادري به ٻنهي ملڪن تي زور ڏئي رهي آهي ته ڳالهين جي عمل ۾ اڳڀرائي ڪريون، هن چيو ته آمريڪا ۽ بين ملڪن قبول ڪيو آهي ته ڀارت گذريل سال پرڏيهي سيڪريٽري سطح جي ڳالهين کي هڪ طرفي طور ختم ڪري سٺو نه  ڪيو هو جڏهن ته ڀارت سان ڳالهين ۾ سر ڪريڪ ۽ سياچن جي ميئلن تي پهريان ئي اڳڀرائي ٿي چڪي آهي ۽ هاڻ سيڪريٽري سطح تي ڳالهين ۾ پاڪستان ۾ ڀارت مداخلت به ايجنڊا جو حصو هوندي.

 

تحريڪ انصاف جي صوبائي حڪومت امن امان قائم ڪرڻ ۾ ناڪام ٿي چڪي آهي: پ پ سينيٽرز

ڪراچي (اسٽآف رپورٽر) پاڪستان پيپلز پارٽي جي سينيٽر ڊاڪٽر ڪريم خواجه ۽ عاجز ڌامراهه پشاور ۾ هڪ ٻئي پٺيان دهشتگردي جي واقعن ۾ معصوم ۽ بيگناهه مسلمانن جي شهادتن کي نئون پاڪستان جو شوشو ڇڏي عوام کي دهشتگردن جي رحم ۽ ڪرم تي ڇڏي ڌرڻا ڪنسرٽ جي مالڪ عمران خان ۽ ان جي ڪٽ پتلي وزيراعليٰ جي نااهلي ۽ طالبان جي پٺڀرائي جو نتيجو قرار ڏنو آهي، هنن چيو ته تحريڪ انصاف جي صوبائي حڪومت امن امان قائم ڪرڻ ۾ ناڪام ٿي چڪي آهي، هنن وفاقي حڪومت کي چيو ته هوءَ پشاور جي عوام شاگردن، شيعا مسلمان قتل عام کي روڪڻ لاءِ عملي قدم کڻي ۽ گهٽ ۾ گهٽ پشاور ۾ سيڪيورٽي معاملا وفاق پنهنجي هٿ ۾ کڻي ڇو ته عمران خان ۽ طالبان دهشتگردن جي هٿان پشاور جي عوام جي اهڙي طرح رت وهندو رهندو، هن چيو ته طالبان دهشتگرد ان وقت تائين رت جي راند کيڏندا رهندا جيستائين عمران خان جي هوندي ان جي نظرياتي حليف جو ڪم ڪندا رهندا، پر الميو آهي ته ملڪ جون طاقتون سموري صورتحال تي خاموش آهن، هنن چيو ته تحريڪ انصاف دهشتگردن لاءِ دفتر کولڻ جو جيڪو مطالبو ڪيو هو اهو اڃاتائين واپس نه ورتو آهي جنهن سان عمران خان جو لاڳاپور طالبان سان صاف ظاهر آهي.

 

پنجاب جي وڏي وزير جي قطر جي امير سان ملاقات، پاڪ قطر اقتصادي تعاون وڌائڻ تي اتفاق

دوها (م.ڊ) پنجاب جي وڏي وزير محمد شهباز شريف دوها ۾ قطر جي امير شيخ تحمم بن حمد الثاني سان ملاقات ڪئي، ملاقات ۾ پاڪ قطر لاڳاپا وڌائڻ ۽ اقتصادي تجارتي شعبن ۾ تعاون وڌائڻ تي اتفاق ڪيو ويو، قطر جي امير محمد شهباز شريف سان ملاقات ۾ چيو ته قطر پاڪستان ۾ قومي ترقي جي مختلف شعبن ۾ سيڙپڪاري ۽ توانائي بحران کي منهن ڏيڻ لاءِ تعاون ڪندو، هن چيو ته پاڪستان اسان جو دوست ملڪ آهي ۽ اسان کي پاڪستان جي ترقي ۽ خوشحالي عزيز آهي، قطر کي پاڪستان جي تڪليفن جو چڱي طرح اندازو آهي جنهن تي ڪنرول ڪرڻ لاءِ هر شعبي ۾ ساٿ ڏينداسين، هن چيو ته قطر گيس جون ضرورتون پوريون ڪرڻ سميت زراعت، بجلي جي پيداوار ۽ هنر مند افرادي قوت جي شعبي ۾ پاڪستان سان تعاون جاري رهندو، هن چيو ته سندس ملڪ پاڪ قطر دوستي کي وڌائڻ لاءِ وزيراعظم محمد نواز شريف جي تازي ڪوشش کي قدر جي نگاهه سان ڏسي ٿو ۽ انهن ڪوششن جا مثبت اثر تجارتي ۽ معاشي نظام تعاون وڌائڻ سان آڏو اچي رهيا آهن، مستقبل ۾ ٻنهي ملڪن وچ ۾ تجارتي ۽ معاشي لاڳاپا وڌيڪ بهتر ٿيندا، ان موقعي تي وفاقي وزير شاهد خاقان عباسي ۽ وزيراعظم جو ترجمان مصدق ملڪ به موجود هو.

 

ڪرڪيٽ ڪڏهن ناهي کيڏي، پاڪ ڀارت ميچ ڏسندو آهيان: سراج الحق

اسلام آباد (بيورو) امير جماعت اسلامي سراج الحق چيو آهي ته ڀارت ڪڏهن به زهني طور تي پاڪستان کي تسليم نه ڪيو آهي، ڪرڪيٽ ڪڏهن به ناهي کيڏي، پاڪ ڀارت ميچ ڏسندو آهيان، هڪ انٽرويو ۾ هن چيو ته هو پاڪ ڀارت ميچ ڏسڻ جي ڪوشش ڪري ٿو، ڀارت ڪڏهن زهني طور پاڪستان کي تسليم ناهي ڪيو، ڪشمير جو مسئلو حل ٿيڻ تائين ڀارت سان دوستي نه ٿيڻ گهرجي، هن چيو ته لال مسجد جو مولانا عبدالعزيز نماز پڙهي ٿو ته مان ان سان گڏ آهيان، جيڪڏهن هو غلط ڪم ڪري ٿو ته حڪومت کيس پڪڙي، دهشتگردي پاڪستان لاءِ نقصانڪار آهي، هن ٻارڙن کي قتل ڪرڻ، مسجدن ۽ امام بارگاهن تي حملا ڪرڻ تي تحريڪ طالبان پاڪستان جي مذمت ڪئي.

 

لاهور: آءِ ايس آءِ جي آفيس تي حملي جي ذميواري آمريڪي شهري قبولي ورتي

واشنگٽن(مانيٽرنگ ڊيسڪ) پاڪستان ڄائي آمريڪي شهري 2009ع ۾ لاهور ۾ آءِ ايس آءِ جي آفيس تي حملي ۾ ملوث دهشتگردن جي مددڪرڻ جو ڏوهه قبول ڪري ورتو آهي، پورٽ لينڊ ۾ قائم آمريڪي اٽارني جنرل جي آفيس طرفان جاري ڪيل هڪ بيان ۾ چيو ويو آهي ته 51 سالن جو رياض قادر خان جاچ دوران قبول ڪيو آهي ته هن لاهور ۾ آءِ ايس آءِ جي آفيس تي حملي ۾ ملوث دهشتگردن کي هٿيار ۽ مالي مدد مهيا ڪئي هئي حملي ۾ آءِ ايس آءِ جي ملازمن سميت 30 ماڻهو قتل ۽ 300 کان وڌيڪ زخمي ٿي هئا جڏهن ته رياض قادر سان رابطي ۾ اهم حملي آور ابو جليل ان خودڪش حملي ۾ مارجي ويو هو رياض قادر اين اي ڊي مان گريجوئيشن ۽ آمريڪي يونيورسٽي مان انجنيئرنگ ۾ ماسٽرس ڊگري حاصل ڪئي آهي هو پورٽ لينڊ ۾ پاڻي کي صاف ڪرڻ واري پلانٽ تي ڪم ڪندو رهيو آهي عدالت جي دستاويزن مطابق قادر خان ابوجليل ۽ ٻين ماڻهن کي جن 27 مئي 2009ع تي لاهور ۾ آءِ ايس آءِ جي آفيس تي هڪ ٽرڪ ذريعي حملو ڪيو هو لاءِ وڏي رقم موڪلي هئي حملي کانپوءِ القاعده طرفان ابو جليل جي بيان کي وڊيو ذريعي جاري ڪيو ويو هو جنهن ۾ هن ذميواري قبول ڪئي هئي، وڊيو ۾ ابوجليل کي فاٽا جي علائقي ۾ حملي ڪرڻ جي تياري ڪندي ڏيکاريو ويو هو رياض قادر اي ميل ۽ ٻين ذريعن سان جليل سان رابطي ۾ ۽ ان کي ۽ سندس خاندان کي رقم مهيا ڪئي هئي جڏهن ته پاڪستان ۾ سفر ڪرڻ لاءِ ابوجليل کي تفصيل پڻ مهيا ڪيا هئا حملي ۾ ملوث دهشتگردن جي مدد ڪرڻ تي قادر خان کي 87 مهينن جي سزا ٻڌائي سگهجي ٿي ۽ سزا مڪمل ڪرڻ کانپوءِ ان کي پاڪستان ڏي بي دخل ڪيو ويندو

 

ملير جيل مان 172 ڀارتي مهاڻا آزاد، اڄ ڀارتي اختيارين حوالي ڪيو ويندو

ڪراچي (اسٽاف رپورٽر) ڪراچي جي ملير جيل مان 172 ڀارتي مهاڻن کي آزاد ڪيو ويو مهاڻن کي اڄ واهگا بارڊر تي ڀارتي اختيارين حوالي  ڪيو ويندو پاڪستاني حڪومت خير سگالي جي جذبي تحت ڀارتي مهاڻن کي آزاد ڪرڻ جو فيصلو ڪيو جنهن تحت ملير ڊسٽرڪٽ جيل مان مهاڻن کي آزاد ڪيو ويو فشر فوڪ فورم طرفان آزادي حاصل ڪندڙ مهاڻن کي اجرڪ جا تحفا پيش ڪيا ويا مهاڻن کي ٽرين ذريعي لاهور روانو ڪيو ويو جتي انهن کي اڄ واهگا بارڊر تي ڀارتي اختيارين حوالي ڪيو ويندو ڀارتي مهاڻن کي پاڪستاني سامونڊي حدن جي ڀڃڪڙي تي گرفتار ڪيو ويو هو.

 

پاڪستان کي عالمي مقابلن ۾ ڀارت هٿان لڳاتار ڇهين شڪست، محمد شامي جون 4 وڪيٽون، ڪوهلي مين آف دي ميچ قرار

ايڊيليڊ(م.ڊ)مصباح اليون قوم جي خوابن جو محل ڊاهي ڇڏيو،ڌوني اليون 76 رنسن تان سوڀ ماڻي ورلڊ ڪپ مقابلن گرين شرٽس کان نه هارائڻ جي روايت برقرار رکي، پاڪستان کي عالمي مقابلن ۾ ڀارت هٿان لڳاتار ڇهين شڪست ڀارت مقرر اوورن ۾ 300 رنسن جو ڳاڻيٽو جوڙيو، ويرات ڪوهلي 107 رنسن جي اننگز کيڏي، رائنا ۽ ڌون ففٽيون ٺاهيون،پاڪستاني شاهين هدف پويان ڊڪندي 47 اوورن ۾ 224 رنسن تي هيڻا پئجي ويا، ڊراپ ڪيچن ۽ ناقص بالنگ شڪست جو بنياد وڌو. رانديگرن ۽ ماهرن جون تاريخ بدلائڻ جون دعوائون اڌ ۾ رهجي ويون. ڊراپ ڪيچن ۽ ناقص بالنگ پاڪستان جي شڪست جو بنياد وڌو، بيٽسمينن جي غير ذميواري آخري مهر ثابت ٿي. تفصيل مطابق آچر تي ايڊيليڊ اوول ۾ ڀارت جي ڪپتان مهندرا سنگهه ڌوني ٽاس کٽي اڳ ۾ بيٽنگ جو فيصلو ڪيو، ڀارت جي پهرين وڪيٽ 34 تي ڪري پئي جڏهن روهيت شرما 15 رنسون ٺاهڻ بعد سهيل خان جي بال تي مصباح الحق هٿان ڪيچ آئوٽ ٿيو. ان موقعي تي ويرات ڪوهلي ۽ شيکر ڌون 129 رنسن جي شراڪت قائم ڪري اسڪور 163 تائين پهچائي ڇڏيو، ڌون 73 رنسون ٺاهي رن آئوٽ ٿي ويو، ان بعد ڪوهلي ۽ سريش رائنا به شاندار بيٽنگ جو سلسلو جاري رکيو ۽ 110 رنسون ٺاهي ٽيم جو اسڪور 45.2 اوورن ۾ 273 تائين پهچائي ڇڏيو. ويرات ڪوهلي 107 رنسن جي دلڪش اننگز کيڏي سهيل خان جي بال تي وڪيٽن جي پٺيان آئوٽ ٿي ويو. ان موقعي تي ائين پئي لڳو ته ڀارت 330 جو ڳاڻيٽو سولائي سان ٺاهي وٺندو پر ڊيٿ اوورن ۾ سهيل خان ۽ وهاب رياض سٺي بالنگ جو مظاهرو ڪيو ۽ آخري 5 اوورن ۾ 27 رنسن عيوض 4 رانديگرن کي آئوٽ ڪري ڀارت کي 300 رنسن تائين محدود ڪري ڇڏيو. سريش رائنا 56 بالن تي 74 رنسن جي جارحاڻي اننگز کيڏي جنهن ۾ 3 ڇڪا ۽ 5 چوڪا شامل هئا. ڌوني 18، روندرا جديجا 3 ۽ اجڪتيا راها ٻڙي تي آئوٽ ٿيا. وهاب رياض هڪ وڪيٽ حاصل ڪئي، هدف پويان ڊڪندي پاڪستاني ٽيم 47 اوورن ۾ 224 رنسون ٺاهي آئوٽ ٿي وئي. تجربيڪار بيٽسمين يونس خان آئوٽ ٿيندڙ پهريون رانديگر هو جنهن کي ريگيولر اوپنر ناصر جمشيد تي ترجيح ڏني وئي هئي. هو رڳو 6 رنسون ٺاهي محمد شامي جو شڪار بڻجي ويو. حارث سهيل ۽ احمد شهزاد ان موقعي تي سٺي بيٽنگ ڪئي ۽ 18 اوورن ۾ ٽيم جو اسڪور 79 تائين پهچائي ڇڏيو.حارث سهيل ٻيو آئوٽ ٿيندڙ رانديگر هو جيڪو 36 رنسون ٺاهي ايشون جي بال تي سلپ ۾ سريش رائنا هٿان ڪيچ آئوٽ ٿي ويو. 102 رنسن جي مجموعي اسڪور تي اميش ياديو هڪ ئي اوور ۾ احمد شهزاد ۽ صهيب مقصود کي ڪيچ آئوٽ ڪرائي پاڪستاني بيٽنگ لائين جي چيلهه ًٻي ڪري ڇڏي. احمد شهزاد 47 ۽ صهيب مقصود ڪا به رنس ٺاهي نه سگهيا، ان کان پوءِ واري اوور ۾ جديجه عمر اڪمل کي ٻڙي تي آئوٽ ڪري فتح جي راهه هموار ڪري ڇڏي. مصباح الحق 76 رنسن جي مزاحمتي اننگز کيڏي، کيس محمد شامي آئوٽ ڪيو. سهيل خان آخر ۾ آئوٽ ٿيو جيڪو رنسون ٺاهي موهيت شرما جو شڪار بڻيو. محمد شامي 4 جڏهن ته موهيت شرما ۽ اميش ياديو 2، 2 وڪيٽون حاصل ڪيون.

 

ملٽري ڪورٽس جو قيام جمهوري حڪومتن جي ناڪامي جو ثبوت آهي، موجود حالتن ۾ حمايت ڪيون ٿا: چوڌري سرور

اسلام آباد (بيورو) پنجاب جي اڳوڻي گورنر ۽ برطانوي پارليمان جي اڳوڻي ميمبر چوڌري محمد سرور چيو آهي ته پاڪستان ۾ حڪومت ۾ اچڻ کان پوءِ منصوبا بڻايا وڃن ٿا اليڪشن کان اڳ بجلي بهران ۽ ڪرپشن ختم ڪرڻ جو واعدو ڪيو ويو هو عمل ناهي ٿي سگهيو ايندڙ چونڊن ۾ پي ٽِ آءِ جي ڪارڪردگي تي ضرور سوال يٿندو ملٽري ڪورٽس جو قيام جمهوري حڪومتن جي ناڪامي جو ثبوت آهي موجود حالتن ۾ حمايت ڪيون ٿا هڪ انٽرويو ۾ چوڌري محمد سرور چيو ته اهو تاثر غلط آهي ته تحريڪ انصاف مسلم ليگ (ن) جي حڪومت کي ختم ڪرڻ گهري ٿي اصل ۾ هو ملڪ ۾ چونڊ ڌانڌلي جي شفاف جاچ ۽ چونڊ سڌارا چاهين ٿا حڪمران جماعت مسلم ليگ (ن9 کي ڇڏي تحريڪ انصاف ۾ شامل ٿيڻ جي سوال تي هن چيو ته سندس خيال آهي ته تحريڪ انصاف جي پليٽ فارم تان هو عوام کي بنيادي حق ڏيڻ لاءِ وڌيڪ بهتر جدوجهد ڪري سگهي ٿو هن چيو ته بيروني ملڪ پاڪستاني نوجوانن جي اڪثريت مون کي تحريڪ انصاف ۾ شامل ٿيڻ جي درخواست ڪئي مسلم ليگ (ن) سان اختلافن جي سوال تي هن چيو ته سندس اختلاف اشوز تي ٻڌل هو جنهن ۾ سرفهرست بيروني ملڪ پاڪستانين کي هتي پيش ايندڙ قبضا مافيا جو مسئلو هو هن چيو ته بدقسمتي سان هتي پوليس ۾ سياسي مداخلت ڪئي وڃي ٿي جڏهن ته نظام خراب هجڻ جي ڪري عدالتن ۾ ڪيسن کي 10 کان 15 سال لڳن ٿا.

 

3 ڀيرا ڦاهي ملتوي ٿيندڙ قيدي کي مقتول جي وارثن معاف ڪري ڇڏيو

راولپنڊي(بيورو)  اڊيالا جيل ۾ 3 ڀيرا موت واري سزا ملتوي ٿيڻ کانپوءِ مقتول جي وارثن قيدي کي معاف ڪري ڇڏيو راولپنڊي جي اڊيالا جيل ۾ قيت شعيب 21 جنوري 1996ع تي واهه ڪينٽ ۾ معمولي جهيڙي تي اويس نواز نالي نوجوان کي قتل ڪري ڇڏيو هو جنهن تي مقامي عدالت ان کي ڦاهي جي سزا ٻڌائي سندس 3 ڀيرا ڦاهي جو وقت مقرر ٿيو ۽ ٽنهي ئي ڀيري ان جي ڦاهي ملتوي ٿي وئي، آخري ڀيرو ان جي ڦاهي جو ڏينهن 3 فيبروري مقرر ٿيو هو هڪ طرف شعيب سرور پنهنجي سزا تي عملدرآمد لاءِ بيٺو هو ته ٻئي طرف ان جا گهروارا مقتول جي خاندان کان معافي حاصل ڪرڻ جي ڪوششن ۾ مصروف هئا جن رنگ لاتو ڌارين ۾ راضي نامو ٿيڻ تي صدر ممنون حسين سزا تي عملدرآمد کان 6 ڪلاڪ اڳ ڦاهي 3 هفتن لاءِ ملتوي ڪندي جوابدار خاندان کي راضي نامي جو آخري مقعو ڏنو قاتل ۽ مقتول جي گهرن وارن وچ ۾ ٿيندڙ راضي نامو تيار ڪيو ويو آهي جيڪو سومر تي عدالت ۾ پيش ڪيو ويندو ۽ ان ئي ڏينهن شعيب سرور جي آزاد به عمل ۾ اچي ويندي.