تازيون خبرون

Daily Archives: February 13, 2015

بلوچستان ۾ دهشتگردن ۽ فاٽا ۾ طالبان جي پٺڀرائي ڀارت پيو ڪري: ترجمان پاڪ فوج

اسلام آباد (بيورو) آئي ايس پي آر جي ڊاريڪٽر جنرل ميجر جنرل عاصم سليم باجوا چيو آهي ته بلوچستان ۾ دهشت گردن ۽ فاٽا ۾ طالبان کي ڀارت جي پٺڀرائي حاصل آهي. اسلام آباد ۾ ميڊيا سان ڳالهائيندي هن چيو ته حملي جي ماسٽر مائينڊ تائين پهچي چڪا آهيون. هن چيو ته پشاور سانحي جي جاچ ۾ اهم اڳڀرائي ٿي آهي. هن چيو ته اتر وزيرستان جو اڪثر علائقو ڪليئر ڪرايو ويو آهي. هن چيو ته آپريشن ضرب عضب ڪاميابي سان جاري آهي. هڪ سوال جي جواب ۾ هن چيو ته آپريشن خيبر ون به ڀرپور طريقي سان هلندڙ آهي. ميجر جنرل عاصم سليم چيو ته پاڪ، افغان سرحد لڳ ننڍن وڏن علائقن ۾ پڻ آپريشن جاري آهي. هن واضح ڪيو ته آپريشن خيبر ون دوران 176خطرناڪ دهشتگرد ماريا ويا آهن. هن چيو ته ملا فضل الله ۽ عمر امير پشاور اسڪول تي حملي جي منصوبا بندي ڪئي هئي. هن چيو ته اسڪول تي حملي جو حڪم ملا فضل الله ڏنو. هن چيو ته اسڪول تي حملي جو ٽاسڪ حاجي ڪامران کي ڏنو ويو هو. هن چيو ته جمرود ۾ دهشتگردن کي پناهه ڏيندڙ کي گرفتار ڪيو آهي. هن چيو ته هڪ گروپ جي ڪمانڊر عتيق الرحمان کي گرفتار ڪيو ويو آهي. جڏهن ته ٻيو گروپ تاج عرف رضوان جو هو. هن چيو ته آرمي اسڪول تي حملو ڪندڙ ۾ 27ڄڻا شامل هئا. هن چيو ته ستاويهن مان ٻارهن دهشتگردن کي گرفتار ڪيو ويوآهي. ميجر جنرل عاصم سليم چيو ته ڪيترن ئي دهشتگردن کي افغانستان مان گرفتار ڪيو ويو آهي. هن چيو ته پشاور حملي ۾ دهشتگردن مسجد جي پيش امام جي گهر ۾ پناهه ورتي هئي. هن واضح ڪيو ته دهشتگردن خلاف قوم ۽ سياستدان متحد ٿي چڪا آهن. هن ان عزم جو اظهار ڪيو ته پشاور سانحي جي جوابدارن کي منطقي انجام تائين پهچايو ويندو هن چيو ته افغانستان جي حڪومت کان مطالبو ڪيو آهي ته ملا فضل الله کي زنده يا مردهه پاڪستان جي حوالي ڪيو وڃي. فوج جي ترجمان واضح ڪيو ته دهشتگردن مان اڪثريت پاڪستانين جي هئي. هن چيو ته دهشت گردي جا ٻاويهه ڪيس فوجي عدالتن ۾ پهچي چڪا آهن. هڪ ٻئي سوال جي جواب ۾ هن چيو ته مينا بازار، راولپنڊي ۽ ترنول ڌماڪن ۾ ساڳيا دهشتگرد ملوث هئا. هن واضح ڪيو ته پاڪستان دهشتگردي جي خاتمي جو پڪو پهه ڪري ڇڏيو آهي.

 

عوام کي رليف ڏيڻ لاءِ توانائي منصوبا جلد مڪمل ڪيا وڃن: نواز شريف

اسلام آباد (بيورو) وزيراعظم محمد نوازشريف بجلي پيدا ڪرڻ، ورهائڻ ۽ روانگي جي منصوبن بابت فنڊن جي استعمال نه ٿيڻ جو نوٽيس وٺندي هدايت ڪئي ته عوام کي تڪڙو رليف فراهم ڪرڻ لاءِ بجلي جي منصوبن تي تيزي سان پهرين ترجيحي طور ڪم ڪيو وڃي پرڏيهي امداد جي منصوبن تي ڪم جي رفتار تيز ڪرڻ گهرجي جڏهن ته توانائي سان لاڳاپيل ڪميٽي ملائيشيا چين الجزئر نائيجريا ۽ ٽيني ڊاڊ سان ايل اين جي گهرائڻ لاءِ ڳالهيون شروع ڪرڻ جي منظوري ڏيئي ڇڏي خميس تي هتي توانائي بابت ڪابينه ڪميٽي جو نائون اجلاس وزيراعظم محمد نوازشريف جي صدارت هيٺ وزيراعظم هائوس ۾ ٿيو اجلاس ۾ وفاقي ناڻي وزير محمد اسحاق ڊار وفاقي وزير خواجه محمد آصف وفاقي وزير شاهد خاڪان عباسي، وفاقي وزير احسن اقبال وفاقي وزير خواجه سعد رفيق وڏو وزير محمد شهبازشريف ۽ چيئرمين واپڊا سميت اعليٰ سرڪاري آفيسرن شرڪت ڪئي ڪميٽي ملائيشيا چين الجزائر نائيجيريا ۽ ٽرينيڊاڊ سان ايل اين جي گهرائڻ لاءِ ڳالهيون شروع ڪرڻ جي پڻ منظوري ڏني ان ڏس ۾ قطر سان اڳواٽ ئي ڳالهه ٻولهه ٿي رهي آهي ۽ هي فيصلو ڪيو ويو ته ان ڏس ۾ ڪنهن به قسم جي شڪايتن کان بچڻ لاءِ ايل اين جي جون ادائيگيون باقاعدگي سان ڪرڻ لاءِ هڪ بهتر طريقو جوڙيو ويندو توانائي بابت ڪابينه ڪميٽي روس، قطر ۽ چين سان نارٿ سائوٿ گئس پائيپ لائين جي اڏاوت لاءِ حڪوتم جي سطح تي ڳالهيون شروع ڪرڻ جي به منظوري ڏني 42 انچ جي هي پائيپ لائين اين فائيو جي نئين رستي سان گڏوگڏ وڇائي ويندي اجلاس دوران وزيراعظم کي ٻڌايو ويو ته ايران سان به ڳالهيون ٿي رهيون آهن جڏهن ته ايران تي بين الاقوامي پابندين جي ڪري گهٽ مدي ۾ ايران کان بجلي گهرائڻ ممڪن نه ٿيندي. توانائي بابت ڪابينه ڪميٽي گوادر نوابشاهه پائيپ لائين کي چين پاڪستان اقتصادي راهداري منصوبي جي ارلي هارويسٽ پروگرام ۾ شامل ڪرڻ جي باضابطا طور تي منظوري ڏني پاڻي ۽ بجلي ۽ پيٽروليم ۽ قدرتي وسيلن جي وزيرن ڪميٽي کي ايل اين جي مان 3600 ميگاواٽ بجلي جي پيداوار جو پلانٽ لڳائڻ بابت بريفنگ ڏني ڪميٽي کي ٻڌايو ويو ته پورٽ قاسم ۾ ايل اين جي ٽرمينل اينڊڙ مهيني مڪمل ٿي ويندو وزيراعظم هدايت ڪئي ته فزيبلٽي اسٽيڊيز ۽ ٻيون ضروري گهرجون گهٽ ۾ گهٽ وقت ۾ پوريون ڪيون وڃن ۽ ٻئي وزارتون ان ڏس ۾ تفصيلي پريزيٽينشن ڏين وزيراعظم ان منصوبي لاءِ پي ايس ڊي پي مان فنڊ مختص ڪرڻ جي منظوري ڏني. اقتصادي معاملا ڊويزن جي سيڪريٽري اجلاس ۾ انرجي ايڪٽو پورٽ فوليو جو خاڪو پيش ڪيو ۽ فنڊن جي استعمال ۾ دير جي سببن بابت ٻڌايو اجلاس کي خطاب ڪندي وزيراعظم چيو ته ماڻهن کي جلد رليف ڏيڻ لاءِ بجلي جي منصوبن تي تيزي سان پهرين ترجيحي طور ڪم ڪرڻ گهرجي هن چيو ته سستي بجلي جي پيداوار وڌائڻ لاءِ پاڪستان توانائي لاءِ سمورا وسيلا ڪتب آڻي رهيو آهي وزيراعظم ڪميٽي کي هدايت ڪئي ته 1680 ڪلوميٽر ڊگهي ترڪمانستان افغانستان پاڪستان ڀارت گئس پائيپ لائين منصوبي (تاپي) تي ڪم جلد شروع ڪيو وڃي جيڪو خطي ۾ انرجي سيڪيورٽي فراهم ڪرڻ لاءِ جلد فائديمند ثابت ٿيندو.

 

خورشيد شاهه جو پاڪ چين اقتصادي راهداري تبديل ڪرڻ تي خدشن جو اظهار، وزير اعظم کي خط لکي ڇڏيو

اسلام آباد (بيورو) قومي اسيمبلي ۾ مخالف ڌر جـَي اڳواڻ سيد خورشيد شاهه، پاڪ – چين اقتصادي راهداري تبديل ڪرڻ تي خدشن جو اظهار ڪندي وزيراعظم کان،نوٽيس وٺڻ ۽ اصل روٽ بحال ڪرائڻ جو مطالبو ڪيو آهي. اپوزيشن ليڊر سيد خورشيد شاهه وزيراعظم ميان نواز شريف کي خط لکي پاڪ – چين اقتصادي راهداري تبديل ڪرڻ بابت پنهنجي خدشن کان آگاهه ڪيو. خط ۾ وزيراعظم کان مطالبو ڪيو ويو آهي ته پاڪ-چين اقتصادي راهداري تبديل ڪرڻ جو نوٽيس ورتو وڃي. مخالف  ڌر جي اڳواڻ، وزيراعظم کان اهو به مطالبو ڪيو ته پاڪ-چين اقتصادي راهداري جي عملدارن کي اصل روٽ بحال ڪرڻ جي هدايت ڪئي وڃي

 

سنڌ ۾ رينجرز 17 ٽارگيٽ ڪلرز ۽ 84 دهشتگردن کي گرفتار ڪيو ويو آهي:ايپڪس اجلاس

ڪراچي (اسٽاف رپورٽر) سنڌ ايپڪس ڪاميٽي جي اجلاس کي ٻڌايو ويو آهي ته سنڌ ۾ رينجرز 17 ٽارگيٽ ڪلرز ۽ 84 دهشتگردن کي گرفتار ڪيو ويو آهي. سنڌ جي سڌ سماءَ جي وزير شرجيل انعام ميمڻ اجلاس کانپوءِ ميڊيا کي بريفنگ ڏيندي چيو ته دهشتگردي بابت سنڌ ۽ بلوچستان جو گڏيل اجلاس ڪوٺايو ويندو. هن چيو ته سنڌ ۾ جهادي تنظيمن جا جهنڊا، والر پوسٽر هٽائڻ ۽ گرفتارين جو عمل شروع ڪيو ويو آهي. شرجيل انعام ميمڻ ٻڌايو ته سنڌ مان 64ڪيس فوجي عدالتن ۾ موڪليا ويندا. وزير اعليٰ هائوس ۾ گورنر سنڌ ڊاڪٽر عشرت العباد ۽ سنڌ جي وڏي وزير سيد قائم علي شاهه جي صدارت هيٺ ٿيل اجلاس کانپوءِ بريفنگ ۾ شرجيل ميمڻ ٻڌايو ته وال چاڪنگ ڪرڻ تي نون ماڻهن کي گرفتار ڪيو آهي. هن چيو ته دهشتگردي جي خاتمي وارو فورس هڪ هزار اهلڪارن تي ٻڌل هوندو. شرجيل ميمڻ چيو ته سنڌ ۾ سمورن مدرسن کي رجسٽرڊ ڪرڻ جو فيصلو ڪيو ويو آهي. هن چيو ته پوليس هڪ سو ايڪانوي غير قانوني پرڏيهين کي گرفتار ڪيو آهي. ان موقعي تي بريفنگ ڏيندي رينجرز عملدارن ڪاميٽي کي ٻڌايو ته سنڌ ۾ 84 دهشتگردن کي گرفتار ڪيو ويو آهي.

 

5 سالن ۾ 8 3 6 دهشتگرد مارجي ويا، آءِ ڊي پيز لاءِ 0 1 ڪروڙ 4 6 لک ڊالر امداد ملي: حڪومت

اسلام آباد (بيورو) قومي اسيمبلي کي حڪومت طرفان ٻڌايو ويو ته گذريل 5  سالن ۾ 8 3 6  دهشتگرد ماريا ويا آهن، آءِ ڊي پيز لاءِ 0 1  ڪروڙ 4 6  لک ڊالر امداد ملي، اسلام آباد ۾ 3 5  مدرسا غير رجسٽرڊ آهن، خيبر پختونخوا حڪومت کي 5  سالن دوران دهشتگردن جي ڏس ۾ 6 8  ارب 9 9  ڪروڙ رپيا واڌو ڏنا ويا، آزاد ڪشمير ۽ ڪي پي ڪي ۾ ايرا 0 0 0 1  اسڪول آڪٽوبر 5 1 0 2 ع تائين مڪمل ڪندو، ميٽرو بس منصوبي جي لاڳت تي نظرثاني نه ڪئي ويندي، پاڪ افغان ٽرانزٽ ٽريڊ جي ڪنٽينرز کي چوري کان بچائڻ لاءِ ٽريڪنگ آلات لڳايا وڃن ٿا. سوالن جي وقفي دوران مسرت رفيق جي سوال جي جواب ۾ گهرو معاملن جي پارلياماني سيڪريٽري مريم اورنگزيب ايوان کي ٻڌايو ته وفاقي گادي واري هنڌ ۾ هلندڙ پبلڪ ٽرانسپورٽ ڪراين ۾ پيٽروليم مصنوعات جي قيمتن ۾ لاٿ بعد گهٽتائي ڪئي وئي آهي. ڊاڪٽر عذرا افضل پيچوهو جي سوال جي جواب ۾ ناڻي امور جي پارلياماني سيڪريٽري ايوان کي ٻڌايو ته عارضي طور تي لڏي آيل آءِ ڊي پيز لاءِ 0 1  ڪروڙ 4 6  لک 5 4  هزار ڊالر غير ملڪي امداد ملي آهي، جنهن ۾ چيني حڪومت 5 8  لک ڊالر جو سازوسامان ۽ خوراڪ جڏهن ته 0 1  لک ڊالر ڪيش فراهم ڪيا آهن. يو ايس ايڊ ڊينمارڪ، برطانيا، جاپان ۽ ڪينيڊا عالمي امدادي ايجنسين ذريعي امداد ورهائي آهي جڏهن ته گڏيل عرب امارات خوراڪ جا 0 5  هزار ٿيلا ورهيا آهن. شاهده رحماني جي سوال جي جواب ۾ گهرو معاملن جي پارلياماني سيڪريٽري ٻڌايو ته 4 1 -0 1 0 2 ع دوران 8 3 6  دهشتگرد مارجي ويا آهن، خيبر پختونخوا ۾ 4 0 3 ، سنڌ ۾ 6 0 2 ، بلوچستان ۾ 5 5  ۽ پنجاب ۾ 6 4  دهشتگردن کي ماريو ويو آهي، فاٽا ۾ جاري آپريشن سبب انگ اکر حاصل ناهن ٿي سگهيا، ٻئي سوال جي جواب ۾ ناڻي امورو جي پارلياماني سيڪريٽري ايوان کي ٻڌايو ته مالي سال 4 1 -3 1 0 2 ع ۽ 5 1 -4 1 0 2 ع دوران سنڌ ۾ 1 6 2 1  ارب رپين لاڳت جا 0 1  ميگا پراجيڪٽ شروع ڪيا ويا آهن جن مان هر هڪ منصوبو هڪ ارب کان وڌيڪ لاڳت جو آهي. مسرت رفيق جي سوال جي جواب ۾ پارلياماني سيڪريٽري ٻڌايو ته راولپنڊي اسلام آباد ميٽرو منصوبي جي لاڳت تي ڪا نظرثاني ناهي ڪئي وئي، منصوبي تي 4 4  ارب 4 8  ڪروڙ 6 5  لک رپيا خرچ ٿيندا جنهن تي وفاقي حڪومت 3 2  ارب 2 9  ڪروڙ رپيا خرچ ڪري رهي آهي. مزمل قريشي جي سوال جي جواب ۾ گهرو معاملن جي پارلياماني سيڪريٽري ٻڌايو ته سال 4 1 -3 1 0 2 ع دوران منشيات جي 6 8 8  ڪيسن ۾ 8 8 8 1  جوابدارن جو چالان ڪيو ويو آهي. ڊاڪٽر عذرا افضل جي سوال جي جواب ۾ ٻڌايو ويو ته اسلام آباد ۾ 9 2 3  ديني مدرسا آهن جن مان 5 7 1  رجسٽرڊ مدرسا آهن، 3 5  غير رجسٽرڊ ۽ 1 0 1  مڪتب آهن. نعيمه ڪشور جي سوال جي جواب ۾ ناڻي امور جي پارلياماني سيڪريٽري ٻڌايو ته گذريل 5  سالن دوران خيبر پختونخوا کي دهشتگردي سان لاڳاپيل خرچن جي ڏس ۾ 6 8  ارب 9 9  ڪروڙ رپيا جاري ڪيا ويا آهن. خالده منصور جي سوال جي جواب ۾ ايوان کي ٻڌايو ويو ته خيبر پختونخوا ۽ آزاد ڪشمير ۾ ايرا هڪ هزار اسڪول آڪٽوبر 5 1 0 2 ع تائين مڪمل ڪندي

 

مڪاني چونڊن تي اڳڀرائي نه ٿي. سپريم ڪورٽ سنڌ ۽ پنجاب جي چيف سيڪٽريز کي طلب ڪري ورتو

اسلام آباد (بيورو) ســُپريم ڪورٽ، مڪاني چونڊن تي اڳڀرائي نه ٿيڻ سبب سنڌ ۽ پنجاب جي چيف سيڪٽريز کي طلب ڪري ورتو، چيف جسٽس ريمارڪس ڏنا آهن ته جيڪڏهن صوبن تڪبندين تي اليڪشن ڪميشن سان سهڪار نه ڪيو ته وڏن وزيرن کي طلب ڪيو ويندو. سپريم ڪورٽ ۾ چيف جسٽس ناصر المــُلڪ جي سربراهي ۾ 3 رڪني بينچ، مڪاني چونڊن بابت ڪيس جي ٻڌڻي ڪئي. ان موقعي تي عدالت، بلدياتي اليڪشن جي حوالي سان سنڌ ۽ پنجاب جي رپورٽن تي بي اعتمادي ظاهر ڪئي. چيف جسٽس ريمارڪس ڏنا ته صوبائي حڪومتون مڪاني چونڊون ڪرائڻ کان لنوائي رهيون آهن ۽ جيڪڏهن ائين ٿيندو رهيو ته هلندڙ سال نومبر ته ڇا ايندڙ سال نومبر ۾ به اليڪشن نه ٿي سگهندي. عدالت ڪاوڙ جو اظهار ڪندي ريمارڪس ڏنا ته جيڪڏهن صوبن تڪبندين تي اليڪشن ڪميشن سان سهڪار نه ڪيو ته وڏن وزيرن کي طلب ڪيو ويندو. عدالت، مڪاني چونڊن تي اڳڀرائي نه ٿيڻ تي سنڌ ۽ پنجاب جي چيف سيڪريٽريز کي به طلب ڪري ورتو.

 

سينيٽ چونڊن جي تاريخ تبديل، پولنگ هاڻي 3 بدران پنج مارچ تي ٿيندي

اسلام آباد (بيورو) اليڪشن ڪميشن، سينيٽ چونڊن جــِي تاريخ تبديل ڪري ڇڏي،پولنگ هاڻي 3 بدران پنج مارچ تي ٿيندي، جڏهن ته اميدوارن طرفان نامزدگي ڪاغذن جــِي وصولي ۽ جمع ڪرائڻ جو عمل جاري آهي. اليڪشن ڪميشن پاران جاري ڪيل بيان موجب اميدوارن جي نامزدگي ڪاغذن جي ڇنڊڇاڻ ۾ وڌيڪ وقت ڏيڻ سبب سينيٽ چونڊن جي شيڊول ۾ تبديلي ڪئي وئي آهي. ٻئي طرف سينيٽ جي 52 سيٽن تي چونڊن لاءِ سڄي ملڪ مان اميدوارن طرفان نامزدگي ڪاغذن جي وصولي ۽ جمع ڪرائڻ جو سلسلو جاري آهي جيڪو سڀاڻي تائين جاري رهندو. نامزدگي ڪاغذن جي ڇنڊڇاڻ جو عمل 16 ۽ 17 فيبروري تي ٿيندو، جڏهن ته اميدوارن جي قطعي لسٽ 25 فيبروري تي جاري ڪئي ويندي.

 

سنڌ کي ٽڪراءُ، ڇڪتاڻ جي نه افهام تفهيم ۽ امن ۽ محبت جي ضرورت آهي: الطاف حسين

لنڊن (مانيٽرنگ ڊيسڪ) متحده قومي موومينٽ جي اڳواڻ الطاف حسين چيو آهي ته سنڌ کي نفرت ٽڪراءُ ۽ ڇڪتاڻ جي نه پر افهام تفهيم امن ۽ محبت جي ضرورت آهي هن هي ڳالهه اربع جي رات گورنر هائوس ۾ سيد قائم علي شاهه، رحمان ملڪ، نثار کهڙو، شرجيل ميمڻ ۽ مراد علي شاهه سان فون تي ڳالهائيندي ڪئي ان موقعي تي ڊاڪٽر عشرت العباد ۽ ايم ڪيو ايم جا اڳاوڻ ڊاڪٽر خالد مقبول صديقي، ڪنور نويد، بابر غوري ۽ رئوف صديقي به موجود هئا الطاف هسين چيو ته سنڌ ۾ ماضي ۾ به ڪجهه عنصرن نفرتون پکيڙي صوبي جي مستقل رهواسين کي پاڻ ۾ ويڙهايو پر سنڌ جو عوام پاڻ ۾ ُڙهڻ نٿو چاهي پر شاهه لطيف جي هن ڌرتي کي امن ۽ پيار جي ضرورت آهي هن چيو ته انشاءُالله پيپلزپارٽِ ۽ ايم ڪيو ايم گڏيل ڪوششن جي ذريعي سنڌ ۾ افهام تفهيم امن ۽ ڀائپي جي معاملي کي هٿي ڏيندي ۽ گڏجي عوام جا مسئلا حل ڪيا ويندا ان موقعي تي سيد قائم علي شاهه، عبدالرحمان ملڪ، نثار کهڙو، شرجيل ميمڻ ۽ مراد علي شاهه به الطاف حسين سان ڳالهه ٻولهه ڪئي ۽ کيس يقين ڏياريو ته ٻئي جماعتون سنڌ ۾ پيار محبت سان ڪم ڪنديون ۽ گڏجي سنڌ کي ترقي ڏيارينديون ان موقعي تي الطاف حسين سنڌ ۾ امن ۽ ڀائپي لاءِ دعا ڪرائي.

 

جسٽس فيصل عرب چيف جسٽس سنڌ هاءِ ڪورٽ مقرر، نوٽيفڪيشن جاري

اسلام آباد(بيورو) جسٽس فيصل عرب جي چيف جسٽس سنڌ هاءِ ڪورٽ طور مقرري جو نوٽيفڪيشن جاري ڪيو ويو آهي، قانون واري وزارت  طرفان جاري ڪيل نوٽيفڪيشن مطابق چيف جسٽس سنڌ هاءِ ڪورت جسٽس مقبول باقر کي سپريم ڪورٽ جو جج مقرر ڪيو ويو آهي جنهن جي جاءِ تي سينيئر جج جسٽس فيصل عرب سنڌ هاءِ ڪورت جو نئون چيف جسٽس هوندو، ان کان علاوه جسٽس رياض احمد خان کي وفاقي شريعت ڪورٽ جو چيف جسٽس مقرر ڪيو ويو آهي.

 

خيبر ايجنسي جي مختلف علائقن ۾جيٽ جهازن جي بمباري، 7 دهشتگرد مارجي ويا، ٺڪاڻا تباهه

خيبر ايجنسي (مانيٽرنگ ڊيسڪ) خيبر ايجنسي جي مختلف علائقن ۾ سڪيورٽي فورسز جي جيٽ جهازن جي بمباري جي نتيجي ۾ 7 دهشتگرد مارجي ويا ۽ 15 کان وڌيڪ زخمي ٿي پيا، جڏهن ته بمباري ۾ دهشتگردن جي 7 ٿاڪن کي به تباهه ڪيو ويو.ذريعن موجب، خيبر ايجنسي جي ٿيرا ماٿري جي مختلف علائقن ۾ سڪيورٽي فورسز   دهشتگردن جي ٺڪاڻن تي جيٽ جهازن جي ذريعي بمباري ڪري ڏني. ذريعن جو چوڻ آهي ته بمباري جي نتيجي ۾ 7 دهشتگرد مارجي ويا، جن ۾ پابندي مڙهيل تنظيم جا دهشتگرد شامل آهن. فورسز جي بمباري جي نتيجي ۾ 15 کان وڌيڪ دهشتگرد پڻ زخمي ٿي پيا، جڏهن ته دهشتگردن جي 7 ٿاڪن کي پڻ تباهه ڪيو ويو.