تازيون خبرون

Daily Archives: February 7, 2015

بلديه فيڪٽري کي باهه هٿ سان لڳائي وئي، رينجرز جي جاچ رپورٽ ۾ اهم انڪشاف

ڪراچي (اسٽاف رپورٽر) ڪراچي جي بلديه ٽائون فيڪٽري بابت درخواست ۾ رينجرز واقعي جي جاچ بابت رپورٽ پيش ڪري ڇڏي آهي رپورٽ مطابق پوليس ڪجهه ڏينهن اڳ هڪ جوابدار کي گرفتار ڪيو آهي جنهن پڇا ڳاڇا دوران انڪشاف ڪيو آهي ته هن پنهنجن ساٿين سان گڏجي فيڪٽري کي باهه ڏني هئي بلديه ٽائون فيڪٽري جي درخواست جي ٻڌڻي سنڌ هاءِ ڪورٽ جي چيف جسٽس مقبول باقر جي سربراهي ۾ 2 رڪني بينچ ڪئي ٻڌڻي دوران رينجرز واقعي جي جاچ بابت رپورٽ پيش ڪئي، رينجرز جي لا آفيسر عدالت کي ٻڌايو ته پوليس ڪجهه ڏينهن اڳ هڪ جوابدار کي گرفتار ڪيو آهي ۽ ان پڇا ڳاڇا دوران انڪشاف ڪيو آهي ته هن پنهنجن ساٿين سان گڏجي فيڪٽري کي باهه ڏني هئي، رينجرز جي لا آفيسر جو چوڻ هو ته گرفتار جوابدار کان وڌيڪ جاچ ڪئي پئي وڃي جنهن تي عدالت سانحي جي رهيل متاثرن ۾ چيڪ ورهائي رپورٽ هڪ هفتي ۾ پيش ڪرڻ جو حڪم ڏنو آهي. نجي ٽي وي موجب جوابدار ڪي ايم سي جو سينيٽري ورڪر آهي ۽ ان جو تعلق سياسي پارٽي سان آهي، هن انڪشاف ڪيو آهي ته 20 ڪروڙ ڀتو نه ڏيڻ تي فيڪٽري کي ڪيميڪل هاري باهه ڏني وئي.

 

خيبرپختونخواهه ۾ تحريڪ انصاف جي حڪومت ختم ٿئي به ته پرواهه ناهي، ثمبر مافيا کي نه ڇڏبو: عمران خان

مانسهره(م.ڊ) تحريڪ انصاف جي چيئرمين عمران خان خيبرپختونخواهه ۾ وڻن جي حفاظت لاءِ سائينٽيفڪ پاليسي جو اعلان ڪندي چيو آهي ته ٽمبر مافيا خلاف اعلان جنگ ڪيون ٿا جڏهن ته صوبي ۾ ڪرپشن جي خاتمي لاءِ جيڪڏهن حڪومت ختم به ٿئي ٿي ته ان جي پرواهه ناهي، مانسهره جي دوري جي موقعي تي خيبرپختونخواهه جي وڏي وزير سان گڏ پريس ڪانفرنس ڪندي عمران خان جو چوڻ هو  ته صوبي ۾ وڻن جي حفاظت لاءِ 22 سال کانپوءِ پهريون ڀيرو سائينٽيفڪ پاليسي آڻي رهيا آهيون جنهن تحت جهنگلات جون سيٽلائيٽ تصويرون ورتيون وينديون ۽ وڻ وڍڻ جي صورت ۾ ٽمبر مافيا خلاف ڪارروائي ڪندي انهن تي ڳرو ڏنڊ وڌو ويندو هن چيو ته ٽمبر مافيا مقامي ماڻهن جي مدد سان جهنگلاٽ کي ڪٽي وڏو منافعو ڪمائي رهي آهي ۽ گذريل 10 سالن دوران صوبي مان 100 ارب روپين وڌيڪ وڻ وڍجي چڪا آهن جڏهن ته  حڪومت ٽمبر پافيا خلاف اعلان جنگ ڪيو آهي جڏهن ته ڪجهه مقامي ماڻهو پئسا وٺي جهنگلات جي خاتمي ۾ لڳل آهن جن خلاف عدالت کان به مدد جي درخواست آهي  تحريڪ انصاف جي چيئرمين چيو ته صوبائي حڪومت هڪ ارب کان وڌيڪ وڻ لڳائيندي ۽ سرڪاري ۽ پرائيويٽ پارٽنرشپ سان پوري صوبي ۾ پاليسي تحت جتان کان وڻ وڍيو ويندو اتي ٻيو وڻ لڳاينداسين جڏهن تو پوري صوبي ۾ ٽمبر مافيا طرفان وڻن جي واڍي لاءِ انهن تي نشان لڳايا ويا هئا جن جو حڪومت نوٽيس وٺندي وڻ وڍڻ کان انهن کي روڪي ڇڏيو، هن جو چوڻ هو ته مقامي ماڻهن کي گڏائي انهن کي وڻن جي حفاظت تي مقرر ڪنداسين ۽ جهنگلات جي حفاظت ڪنداسين ٽمب مافيا تمام طاقتور آهي پر ڪرپشن ختم ڪرڻ لاءِ حڪومت وڃي ته به پرواهه ناهي صوبائي حڪومت فاريسٽ پاليسي تي عمل ڪرائي ڏيکاريندي.

 

پاڪستان ۾ جمهوريت سان گڏ پارليامينٽ به يرغمال آهي: سراج الحق

اسلام آباد (بيورو) جماعت اسلامي پاڪستان جي امير سراج الحق چيو آهي ته پاڪستان ۾ جمهوريت سان گڏ پارليامينٽ به يرغمال آهي ملڪ ۾ اصل جمهوريت هجي ۽ عوام کي آزاداڻي بنياد تي ووٽ ڏيڻ جي اجازت ملي ته جماعت اسلامي به اقتدار ۾ اچي سگهي ٿي ايم ڪيو ايم تشدد ۽ طاقت جي سياست ڇڏي ڏي ته گڏ هلڻ لاءِ تيار آهيون الله جا گهر ڊاهڻ جون ڳالهيون مناسب نه آهن مولانا عبدالعزيز ڪوئي ڏوهه ڪيو آهي ته قانون مطابق ڪارروائي ڪئي وڃي هڪ انٽرويو ۾ سراج الحق چيو ته مغل ۽ انگريزن جي دور کان حڪمراني ڪرائيندڙ خاندان هاڻي به اقتدار ۾ آهن هڪ سوال جي جواب ۾ ڪي پي ڪي جي اڳوڻي ناڻي وزير چيو ته جيڪڏهن جماعت اسلامي اسٽيبلشمينٽ جي اتحادي هجي ها ته پيپلزپارٽي ۽ مسلم ليگ وانگر اسان کي به اقتدار ملي ها. 21هين آئيني ترميم ۾ مخالفت جي حوالي سان سراج الحق چيو ته دهشتگردي ۾ ڪنهن قسم جو فرق نه ڪيو وڃي ان لاءِ دهشتگرد ڪوئي به هجي ان کي سزا ڏني وڃي سراج الحق چيو ته پاڪستان جي پرڏيهي پاليسي ڪڏهن به واضح ناهي رهي ۽ نه ئي قومي اسيمبلي ۾ ان تي ڳالهه ٿئي ٿي جڏهن ته آمريڪا اسان سان لاشن جي سياست ڪري ٿو جڏهن ته هندستان سان سول نيوڪيئر معاهدا ڪري هٿو ڪشمير مسئلي جي حوالي سان هن چيو ته پاڪستان جي ڀيٽ ۾ هندستان جو ميڊيا ان حوالي سان وڌيڪ ڳالهائي ٿو جڏهن ته ڄمون ۽ ڪشمير ۾ اڄ به پاڪستان جو جهنڊو ڦڙڪايو وڃي ٿو.

 

عذير بلوچ کي ڏيهه آڻڻ لاءِ پوليس ٽيم دبئي پهچي وئي

دبئي(م.ڊ) دبئي ۾ گرفتار لياري گينگ وار جي مک ڪردار  عزير بلوچ  کي ڏيهه آڻڻ لاءِ ايس ايس پي نويد خواجه جي سربراهي ۾ 2 رڪني ٽيم دبئي پهچي وئي آهي. عذير بلوچ کي 29 ڊسمبر تي دبئي ۽ عمان بارڊر تي گرفتار ڪيو ويو هو، جنهن کي ڏيهه آڻڻ لاءِ ايس ايس پي نويد خواجه جي سربراهي ۾ ٻه رڪني ٽيم دبئي پهتي  آهي. دبئي پهتل ٽيم جو چوڻ آهي ته عذير بلوچ جي حوالگي لاءِ ايندڙ آچر کان قانوني ڪارروائي شروع ڪئي ويندي. عذير بلوچ تي قتل  ۽  ڀنگ لاءِ اغوا  سميت مختلف ڪيس داخل آهن، سندس گرفتاري لاءِ سنڌ هاءِ ڪورٽ ۽ ٻيون عدالتون ڪيترائي ڀيرا وارنٽ جاري ڪري چڪيون آهن…

 

دپيڪا، سوناڪشي، رنوير، ارجن ۽ ڪرن جوهر خلاف ڪيس داخل

پوني(شوبز نيوز)ڀارت ۾ عوامي جاءِ تي پروگرام دوران غلط زبان استعمال ڪرڻ تي بالي ووڊ جي مشهور هدايتڪار ڪرن جوهر، دپيڪا پڊڪون، سوناڪشي سنها، رنوير سنگهه ۽ ارجن ڪپور خلاف ڪيس داخل ڪيو ويو آهي ڀارتي ميڊيا رپورٽن مطابق پوني پوليس اسٽينڊ اپ ڪاميڊي گروپ اي آءِ بي طرفان ڪجهه ڏينهن اڳ منعقد ڪيل هڪ شو دوران غلط لفظ استعمال ڪرڻ تي هدايتڪار ڪرن جوهر ۽ بالي ووڊ ادڪارن ارجن ڪپور، رنوير سنگهه، سوناڪشي سنها ۽ دپيڪا پڊڪون خلاف ڪيس داخل ڪري ورتو آهي مقامي پوليس سوشل ميڊيا ويب سائيٽ يوٽيوب خلاف به ڪيس داخل ڪيو آهي عوامي جاءِ تي غلط لفظ استعمال ڪرڻ جي ڏهه ۾ انهن سمورن ماڻهن کي 5 کان 10 سالن جي سزا ٿي سگهي ٿي جڏهن ته ٻئي طرف يوٽيوب به ان وڊيو کي پنهنجي ويب سائيٽ تان هٽائي ڇڏيو.

 

هالي ووڊ آسڪر ايوارڊ تقريب 22 فيبروري تي ٿيندي

لاس اينجلس(شوبز نيوز)هالي ووڊ اڪيڊمي ايوارڊز آسڪر جي تقريب جو هر ڪو بي صبري سان انتظار ڪري رهيو آهي، انتظاميه مهمانن لاءِ تمام گهڻو تياريون ڪيون آسڪر ايوارڊ جي تقريب ۾ مهمانن جي کاڌن سان سان خاطر توازع ڪئي ويندي وينيو کي ڪهڙي طرح  سجايو ويو آهي اهي سڀ تياريون سامهون اچي ويون آهن آسڪر ۾ ايندڙ ڏيڍ هزار مهمان مزيدار روايتي کاڌا ۽ طرح طرح جي ڪاڪ  ٽيل جو  مزو وٺي سگهندا تقريب ۾ پراڻن اداڪارن جي تصويرن سان گڏوگڏ انهن جي هينڊ رائيٽنگ سان لکيل نوٽ به رکيا ويندا، 87 هون اڪيڊمي ايوارڊ تقريب 22 فيبروري تي ٿيندي

 

هالي ووڊ جي نئين ايڪشن فلم سيونٿ سن رليز ڪئي وئي

نيويارڪ(شوبز نيوز) هالي ووڊ جي ايڪشن فلم سيونٿ سن رليز ڪئي وئي ايڪشن ۽ ايڊونچر سان ڀرپور فلم جي ڪهاڻي جوزف ڊيلاني جي ناول مان کنئي وئي آهي فلم جي ڪهاڻي هڪ نوجوان جي چوڌاي گهمي ٿي جيڪو شيطاني طاقتن سان مهاڏ اٽڪائي ٿو جادو جي دنيا سان جڙيل فلم ۾ بين برنز، جيف برجز ۽ جولياني مور مرڪزي ڪردار ڪري رهيا آهن، 95 ملين ڊالر سان ٺهندڙ ايڪشن فلم جي ڊائريڪشن سرگئي بوڊروف ڏني آهي

 

نون ڳايل گيتن مون کي نئين زندگي ڏني آهي؛پاڪستاني گلوڪار رحيم شاهه

ڪراچي(شوبز نيوز)پاڪستان جي مشهور  گلوڪار رحيم شاهه جو چوڻ آهي ته سندس نون ڳايل گيتن کيس نئين زندگي ڏني آهي. پاپ موسيقي سان تعلق رکندڙ رحيم شاهه جو چوڻ آهي ته هڪ وڏي عرصي بعد سندس موسيقي طرف واپسي تمام گهڻي خوشي محسوس ٿي رهي آهي، رحيم شاهه جو چوڻ آهي ته ڳچ وقت بعد ڳايل گيتن سبب کيس ايئن محسوس ٿي رهيو آهي ڄڻ کيس نئين زندگي ملي هجيس ،رحيم شاهه جو چوڻ هو ته کيس  خوشي آهي ته ڪراچي شهر ۾ هڪ دفعو ٻيهر موسيقي جي پروگرامن جي شروعات ٿي وئي آهي اگر ماضي وانگر شهر ۾ وڏا وڏا ڪونسرٽ ٿين ته شهر جي رونقن ۾ اضافو ٿيندو موسيقي جيڪا هڪ وڏي بحران مان گذري رهي هئي هڪ دفعو  ٻيهر نواڻ اچي ويندي

 

ڪيريبين ليگ ڪرڪيٽ لاءِ رانديگرن جي نيلامي،شاهد آفريدي ڏيڍ لک ڊالرن ۾ وڪرو

ڪراچي(اسپورٽس نيوز)ڪيريبين ليگ ڪرڪيٽ لاءِ رانديگرن جي نيلامي ٿي وئي جارحاڻي انداز جو مالڪ شاهد آفريدي، ڪرس گيل، ڊيرن سيمي ڏيڍ لک ڊالرن ۾ وڪرو ٿيا، ڪيريبين ليگ 2015ع لاءِ ٿيندڙ رانديگرن جي نيلامي ۾ شاهد آفريدي کي ٽاپ ڪيٽيگري ۾ رکيو ويو ليگ جي نئين فرنچائيز سينٽ ڪٽس ۽ نيوس هڪ لک پنجاهه هزار ڊالرن ۾ شاهد آفريدي جون خدمتون حاصل ڪري ورتون سهيل تنوير به 80 هزار ڊالرن ۾ ان ئي ٽيم جو حصو بنيو باربادوس ٽرائيڊنٽس پاڪستان جي اڳوڻي ڪپتان شعيب ملڪ کي هڪ لک ڊالرن ۾ پنهنجي ٽيم ۾ شامل ڪري ڇڏيو آهي، پاڪستان جو هڪ ٻيو ٽيسٽ ڪرڪيٽر ڪامران اڪمل به ڪيريبين ليگ ۾ ايڪشن ۾ هوندو ان کي ٽرينيڊاڊ ٽوبيگو ريڊ اسٽيل 30 هزار ڊالرن ۾ حاصل ڪيو آهي.

 

ورلڊ ڪپ 2015ع جي شروعات وارم اپ ميچن جي شروعات سڀاڻي کان ٿيندي

ايڊيليڊ(اسپورٽس نيوز) ورلڊ ڪپ 2015ع جي وارم اپ ميچن جي شروعات (سڀاڻي) کان ٿيندي. پهرين وارم اپ ميچ ۾ ميزبان آسٽريليا ۽ دفاعي چيمپئن ڀارت جون ٽيمون آمهون سامهون ٿينديون. 9 فيبروري تي چار وارم اپ ميچون کيڏيون وينديون جنهن ۾ پاڪستان ٽيم سڊني ۾ بنگلاديش سان مقابلو ڪندي. نيوزيلينڊ ۽ زمبابوي جي وچ ۾ مئچ لنڪن ۾ کيڏي ويندي، جڏهن ته ڏکڻ آفريڪا ۽ سريلنڪا جون ٽيمون ڪرائسٽ چرچ ۾ آمهون سامهون ٿينديون. ويسٽ انڊيز ۽ انگلينڊ جي وچ ۾ ميچ سڊني ۾ کيڏي ويندي. 10 فيبروري تي پهرين ميچ ۾ افغانستنا ۽ ڀارت جون ٽيمون ايڊيليڊ اوول ۾ آمهون سامهون ٿينديون جڏهن ته انهيءَ ڏينهن ٻيو وارم اپ ميچ آئرلينڊ ۽ اسڪاٽ لينڊ وچ ۾ سڊني ۾ کيڏيو ويندو ۽ پاڪستان پنهنجو ٻيو وارم اپ ميچ 11 فيبروريءَ تي انگلينڊ جي خلاف کيڏندو، انهيءَ ڏينهن ٻي ميچ ۾ آسٽريليا ۽ يو اَي اي جي ٽيمن وچ ۾ مقابلو ٿيندو، ٽيون ميچ سريلنڪا ۽ زمبابوي جي وچ ۾ کيڏيو ويندو. چوٿين ميچ ۾ نيوزيلينڊ ۽ ڏکڻ آفريڪا جون ٽيمون آمهون سامهون ٿينديون. 12 فيبروري تي پهرين ميچ بنگلاديش ۽ آئرلينڊ جي وچ ۾ کيڏي ويندي، جڏهن ته ٻي ميچ اسڪاٽ لينڊ ۽ ويسٽ انڊيز جي ٽيمن وچ ۾ مقابلو ٿيندو. 13 فيبروريءَ ۾ آخري وارم اپ ميچ افغانستان ۽ يو اَي اي جي وچ ۾ کيڏي ويندي