تازيون خبرون

Daily Archives: February 6, 2015

ڪشمير پاڪستان جي ساهه واري رڳ آهي، پوئتي نه هٽنداسين: نواز شريف

مظفرآباد(م.ڊ) وزيراعظم نواز شريف چيو آهي ته ڪشمير کي شامل ڪرڻ بغير ڳالهين جي ڪنهن به ايجڻدا کي مڪمل نه ٿا سمجهون ۽ پاڪستان ڪشمير جي آزادي لاءِ سياسي، سفارتي ۽ اخلاقي حمايت جاري رکندو، آزاد ڪشمير جي قانون ساز اسيمبلي ۽ ڪشمير ڪائونسل جي گيل اجلاس کي خطاب ڪندي وزيراعظم نواز شريف جو چوڻ هو ته طاقت جي زور  تي ڪشميرين جي جدوجهد کي دٻائي نه ٿو سگهجي ڀارت ڪشمير مسئلي تي هميشه التوا وارا حربا استعمال ڪندو  رهندو آهي پر واضح ڪرڻ چاهيون ٿا ته ڪشمير پاڪستان جي ساهه واري رڳ آهي ان لاءِ ڪشمير سان پنهنجا لاڳاپا ۽ رشتا نڀائينداسين، هن چيو ته ڪشمير جي آزادي ۽ حق راءِ جي ڀرپور حمايت ڪريون ٿا ڪشمير ۽ پاڪستان جو صدين جو ساٿ آهي ڪوبه الڳ نه ٿو ڪريسگهي جڏهن ته ڪشمير  کي ڊيڄارڻ لاءِ وادي ۾ 7 لک هٿياربند فوجي مقرر ڪيا ويا پر ان جي باوجود ڪشميري عوام جا مضبوط ختم ناهن ٿيا، وزيراعظم نواز شريف چيو ته دنيا جا ڪابه طاقت ڪشمير کي پاڪستان کان الڳ نه ٿي ڪري سگهي، خطي ۾ امن جو قيام ڪشميري مسئلي جي حل بغير ممڪن ناهي ۽ ڪشمير کي شامل ڪرڻ بغير پاڪستان ڳالهين جي ڪنهن به ايجنڊا کي مڪمل نه ٿو سمجهي ۽ هڪ ڀيرو ٻيهر موقف ورجايان ٿو ته ڪشميري عوام جي خواهشن جي برعڪس ڪوبه فيصلو نه ڪيو ويندو ۽ ڏکڻ ايشيا ۾ امن جو قيام ڪشميري مسئلي سان مشروط آهي. آزاد ڪشمير ۾ ترقياتي ڪمن جي حوالي سان وزيراعظم چيو ته ڪشمير ۾ ترقياتي ڪمن لاءِ وسيلا مهيا ڪري رهيا آهن نيلم جهلم منصوبي مان بجلي سان گڏ عوام کي روزگار به ملندو ۽ خواهش آهي ته ڪشمير به ترقي ۽ آزادي جي راهه تي گامزن ٿئي، پاڪستاني حڪومت پي ايڪسپريس وي کي  مظفرآباد تائين وڌائيندي جڏهن ته پاڪ چين اڪانامڪ ڪوري ڊور سان خطي کي فائدو پهچندو ۽ خنجراب کان وٺي اسلام آباد تائين رستو به ٺاهي رهيا آهن جنهن تي ڪم شروع ٿي چڪو آهي، آزاد ڪشمير قانون ساز اسيمبلي ۽ ڪشمير ڪائونسل جي گڏيل اجلاس ۾ ڪشمير ڪميٽي جي چيئرمين مولانا فضل الرحمان، وفاقي وزير برجيس طاهر، وزيراعظم آزاد ڪشمير، آزاد ڪشمير جو اڳوڻو وزيراعظم سردار عتيق ۽ ٻين شرڪت ڪئي

 

امن امان جي صورتحال: سنڌ حڪومت پاران ڪو آرڊينيشن ڪميٽيون ٺاهڻ جو فيصلو

ڪراچي (اسٽاف رپورٽر) سنڌ حڪومت صوبي ۾ ضلعي سطح تي امن امان جي صورتحال کي بهتر بڻائڻ لاءِ ڊپٽي ڪمشنرز جي سربراهي ۾ ڪو آرڊينشن ڪميٽيون جوڙڻ جو فيصلو ڪري ڇڏيو آهي، ڏي وزير سيد قائم علي شاهه چيو آهي ته سمورا عملدار امن قائم ڪرڻ لاءِ هڪٻئي سان سهڪار پيدا ڪن… وزيراعليٰ هائوس ڪراچي ۾ وڏي وزير سيد قائم علي شاهه جي صدارت هيٺ سمورن ضلعن جي ڪمشنرز ۽ ڊپٽي ڪمشنرز جو اجلاس ٿيو…. اجلاس ۾ ناڻي واري صوبائي وزير مراد علي شاهه، ناڻي، مڪاني ادارن ۽ ٻين لاڳاپيل کاتن جي عملدارن به شرڪت ڪئي. اجلاس ۾ فيصلو ڪيو ويو ته امن امان جي صورتحال بهتر بڻائڻ لاءِ ضلعن جي انتظاميا هڪٻئي سان سهڪار وڌائي، ان حوالي سان هر ضلعي جي ڊپٽي ڪمشنر جي سربراهي ۾ ضلعي ڪو آرڊينشن ڪميٽيون جوڙيون وينديون…. ضلعي ڪو آرڊينشن ڪميٽي ۾ ايس ايس پي ۽ قانون لاڳو ڪندڙ ادارن جا عملدار به شامل هوندا. اجلاس ۾ ڳالهائيندي وڏي وزير سيد قائم علي شاهه چيو ته ضلعي جا عملدار امن امان کي بهتر بڻائڻ لاءِ پاڻ به سهڪار پيدا ڪن. وڏي وزير چيو ته ڊپٽي ڪمشنر پائيپ لائين مان پيٽرول چوري کي فوري طور روڪرائين. اجلاس ۾ وڏي وزير ڊي سيز کي هدايت ڪئي ته اهي ترقياتي ڪم جي ڪوالٽي تي خاص ڌيان ڏين ۽ مقرر وقت تي انهن کي مڪمل ڪرائين

 

عمران خان خبر ناهي ڪڏهن ذاتيات واري سياست کان ٻاهر نڪرندو: پرويز رشيد

اسلام آباد (بيورو) سڌسماءَ جي وفاقي وزير سينيٽر پرويز رشيد چيو ته عمران خان ڪشمير ڏهاڙِ تي به وزيراعظم نوازشريف جي خلاف اوٻر ڪڍڻ کان پاسو نه ڪيو خان صاحب الاهي ڪڏهن زاتياط جي سياست کان ٻاهر نڪرندو پاڪستان تحريڪ انصاف جي چيئرمين عمران خان پاران ڪشمير ايڪتا ڏينهن جي حوالي سان تقريب جي موقعي تي خطاب تي ردعمل جو اظهار ڪندي سينيٽر پرويز رشيد چيو ته عمران خان جي تقرير ۾ ڪشميري سڪندا رهيا ته هو اسان جي به ڳالهه ڪري عمران خان ڪشميرڏهاڙي تي به نوازشڙيف جي خلاف اوٻر ڪڍڻ کان پاسو نه ڪيو هن چيو ته عمران خان الاهي ڪڏهن زاتيات جي سياست کان ٻاهر نڪرندو. تحريڪ انصاف جي سربراهه جي الزامن مان ڪجهه شيون واضح ٿي ويون آهن، باقي به جلد سامهون اچي وينديون.

 

ڪشميرين سان ايڪتا، سڄي ملڪ ۾ ڀارت خلاف مظاهرا، مودي جي پتلن ۽ڀارتي جهنڊي کي ساڙيو ويو

لاهور/اسلام آباد/گجرانالا/ پشاور/ سيالڪوٽ/ ڪراچي/ مظفرآباد/ والاريل ڪشمير (اين اين آءِ) ڀارتي ظلمن جي خلاف ۽ ڪشميري ڀائرن سان ايڪتا جي اظهار لاءِ پاڪستان سميت سڄي دنيا ۾ ڪشمير ايڪتا ڏهاڙو ڀرپور نموني ملهايو ويو والاريل ڪشمير ۾ شٽرڊائون هڙتال ڪئي ويئي جڏهن ته لنڊن ۾ به پاڪستانين ۽ ڪشميرين پاران ڪشمير سان ايڪتا اظهار لاءِ ريليون ڪڍيون ويون پاڪستان ۾ سياسي جماعتن سماجي ادارن ۽ سول سوسائٽِ پاران ڪشميرين سان ايڪتا اظهار ۽ ڀارتي ظلم جي خلاف سڄي ملڪ ۾ جلسا جلسو ۽ ريليون ڪڍيون ويون جنهن ڀارتي ظلم خلاف سخت نعريبازي ڪئي ويئي مختلف شهرن ۾ احتجاجي مطاهرن ۾ ڪشمير سان ٻڌي جي اظهار لاءِ ڀارتي وزيراعظم ۽ ڀارتي فوج جي سربراهه جا پتلا ساڙهيا ويا جڏهن ته مختلف تنظيمن پاران ڪيمپ قائم ڪيا ويا ۽ انساني هٿن جون زنجيرون ٺاهي مظلوم ڪشميرين سان ايڪتا جو اظهار ڪيو ويو تفصيل مطابق 5 فيبروري تي آزاد ڪشمير سميت لاهور گجرانوالا فيصل آباد سيالڪوٽ جهلم اسلام اباد راولپنڊي ملتان پشاور ڪوئيٽا ڪراچي مظفرآباد وانگر ملڪ ۾ ڪشمير ڪارروان جلسان ۽ ڪانفرنسن جو اهتمام ڪيو ويو ۽ احتجاجي مظاهرا ڪيا مسلم ليگ (ن) لاهور پيپلزپارٽِ لاهور جماعت اسلامي جماعت دعوت مسلم ليگ (ق) سميت ٻين سياسي جماعتن سماجي ادارن ۽ سول سوسائٽي پاران ڪشميرين سان ايڪتا اظهار لاءِ سڄي ملڪ ۾ مختلف هنڌن تي ريليون ڪڍيون ويون ۽ احتجاجي مظاهرا ڪيا ويا لاهور ۾ مختلف تنطيمن ڪشميرين سان ايڪتا اظهار لاءِ ڀارتي وزيراعظم ۽ ڀارتي فوج جي سربراهه جا پتلا به ساڙيا ويا ان موقعي تي موجود ماڻهن ڪشميري ڀائرن تي ڀارتي ظلمن جي خلاف سخت نعريبازي ڪئي ڪشمير ايڪتا ڏهاڙي جي مطابق والاريل ڪشمير ۾ شٽرڊائون هڙٽال ڪئي پيئي جڏهن ته لنڊن ۾ هندڙ پاڪستان ۽ ڪشميرين پاران ڀارتي ظلمن جي خلاف ريليون ڪڍيون سڄي ملڪ ۾ ٿيندڙ ڪشمير ڪانفرنس ۾ لکين ماڻهن شرڪت ڪئي جماعت دعوت پاران ملڪ ۾ ايڪتا ڪشمير جي حُالي سان ڪئمپ قائم ڪيا ويا ۽ مقامي سطح تي جلسا ڪيا ويا جن ۾ غيرتمند پاڪستانين جوشيلي انداز ۾ شرڪت ڪئي ڪشمير ايڪتا ڏهاڙِ جي موقعي تي جماعت دعوت جو سڀ کان وڏو جلسو هاءِ ڪورٽ چوڪ تي ٿيو جن ۾ سمورن زندگي جي شعبن سان تعلق رکندڙ ماڻهن وڏي انگ ۾ شرڪت ڪئي ان ڏس ۾ جماعت دعوت لاهور جي 20 هنڌن تان عالمڪن سڳورن ۽ تعلقي ذميوارن جي قيادت ۾ قافلا ڪڍيا ويا جيڪي شاگردن وڪيلن ۽ زندگي جي ٻن شعبن سان تعلق رکندڙ ماڻهن کي وٺي ڪشمير ڪارروان ۾ شريڪ ٿي ڪشمير ڪاران جلسن ۽ ڪانفرنسن دوران ڪشمير اسان جو آهي سڄو اسان جو آهي ڪشميرين سان رشوت ڇا لا اله الالله ۽ تنهنجي منڊي منهنجي منڊي راولپنڊي جا نعرا لڳايا ويا اسلام آباد ۾ فيض آباد مان آبپاره چو تان ڪشمير ڪارروان ڪڍيون جنهن جي پڄاڻي تي جماعت دعوت جو حافظ عبدالرحمان مڪي مولانا فضل الرحمان خليل شفيق الرحمان عبدالرحنا ۽ ٻين خطاب ڪيو ۽ چيو ته پاڪستان جي استحقام ۽ بقا لاءِ ڪشمير کي ڀارت جي قبضي مان ڇڏائڻ شروري آهي ڪشميري پاسڪتان جي سالميت جي جنگ وڙهي ريها آهن ڪشمير کان سواءِ پاڪستان اڻپورو آهي پاڪستاني قوم ڪشمير شهيدن جون قربانيون رائيگان نه ٿيڻ ڏيندي. بهاولپوڙ ۾ ون يونٽ چوڪ کان ختم نبوت چوڪ تائين ريلي ڪڍي ويئي اهڙي طرح جماعت دعوت پاران گجرات مريدڪي قصور قله گنگ ڊسڪا ڪامونڪي وزيرآباد ساهيوال بهاولنگر ڊيرا اسماعيل خان گوجر خان ميرپور ڪوٽلي هريپور مانسره ايبٽ آباد ۽ ٻين شهرن ۾ ۽ علائقن ۾ ڪشمير ڪانفرنسن ۽ جلسن ۽ ڪشمير ڪاروان جو آغاز ڪيو ويو. جڏهن ته ڪراچي ۾ جماعت دعوت جي انتظام هيٺ سفاري پارڪ کان پريس ڪلب تائين وڏي ريلي ڪڍي ويئي جنهن جي پڄاڻي تي عام جلسي جو اهتمام ڪيو ويو جماعت دعوت جي جلسي کي امير جماعت دعوت ڪراچي ڊاڪٽر مزمل اقبال هاشمي حافظ ڪليم الله ۽ ٻين خطاب ڪيو.

 

آءِ ايم ايف پاڪستان کي 55 ڪروڙ ڊالرڏيڻ تي راضي ٿي ويو: اسحاق ڊار

اسلام آباد(بيورو) ناڻي واري وفاقي وزير سينيٽر اسحاق ڊار چيو آهي ته آءِ ايم ايف سان ڳالهيون ڪامياب ٿيون آهن، ڇهين جائزي جي مڪمل ٿيڻ بعد آءِ ايم ايف 55 ڪروڙ ڊالر جي ايندڙ قسط جاري ڪرڻ تي راضپو ظاهر ڪري ڇڏيو آهي. هو خميس ڏينهن دبئي ۾ پاڪستاني معيشت جي ڇهين جائزي لاءِ ٿيل ڳالهين جي پڄاڻي تي آءِ ايم ايف مشن جي سربراهه جيفري فينڪس سان گڏ پريس ڪانفرنس کي خطاب ڪري رهيو هو. هن چيو ته حڪومت مسلم ليگ(ن) جي منشور تحت اقتصادي بحالي لاءِ مقرر ڪيل سمورا هدف حاصل ڪيا آهن. هن چيو ته مالي خساري ۽ مرڪزي بئنڪ مان حڪومتي قرضن ۾ گهٽتائي آئي آهي. ناڻي جي مٽا سٽا جا ذخيرا به 15 ارب ڊالر کان وڌي ويا آهن جنهن جي نتيجي ۾ پاڪستان عالمي بئنڪ جي بين الاقوامي ترقي بابت ايسوسيئيشن کان قرض وٺڻ جو اهل ٿي ويو آهي. اسحاق ڊار چيو ته معيشت استحڪام طرف گامزن آهي. واضح رهي ته ناڻي وارو وفاقي وزير آءِ ايم ايف پروگرام تحت ڳالهين لاءِ دبئي جي دوري تي هو جيڪو خميس تي مڪمل ٿيو. ان دوري ۾ هن آءِ ايم ايف مشن کي پروگرام تحت هدف حاصل ڪرڻ جي اڳڀرائي بابت آگاهه ڪيو. آءِ ايم ايف مشن پاڪستان جي معاشي ڪارڪردگي جو اعتراف ڪندي پروگرام تحت ايندڙ قسط 55 ڪروڙ ڊالر جاري ڪرڻ تي راضپو ظاهر ڪيو.

 

پشاور ۾ دهشتگردي جو واقعو صوبائي حڪومت جي نااهلي آهي: الطاف حسين

لنڊن (مانيٽرنگ ڊيسڪ) متحده سربراهه الطاف حسين پشاور ۾ ڪاليج ٻاهران ڌماڪي تي ڳڻتي ظاهر ڪندي چيو آهي ته دهشتگردي جو واقعو صوبائي حڪومت جي ناڪامي آهي، بم ڌماڪي والدين جي خوف ۾ وڌيڪ اضافو ڪري ڇڏيو آهي.  لنڊن مان جاري  ڪيل بيان ۾ الطاف حسين پشاور ۾ ڪاليج ٻاهران بم ڌماڪي تي ڳڻتي جو اظهار ڪيو آهي. الطاف حسين چيو ته پشاور ۾ دهشتگردي جو واقعو صوبائي حڪومت جي نااهلي آهي، بم ڌماڪي سان والدين جي خوف ۾ وڌيڪ اضافو ٿي ويو آهي. هن چيو ته پشاور سانحي کانپوءِ  ڪي پي ڪي حڪومت اسڪولن جي  سيڪيورٽي لاءِ ڪي به اپاءَ نه ورتا آهن.

 

سنڌ جي وڏي وزير خلاف بي اعتمادي جي رٿ ڪامياب بڻائڻ لاءِ ف ليگ ۽ پرويز مشرف سرگرم

ڪراچي (اسٽاف رپورٽر) سنڌ جي وڏي سيد قائم علي شاهه خلاف بي اعتمادي جي رٿ قائم بڻائڻ لاءِ مخالف ڌر جوڙ توڙ جو سلسلو تيز ڪري ڇڏيو. سنڌ جي وڏي وزير خلاف بي اعتمادي جي رٿ کي ڪامياب بڻائڻ لاءِ اڳوڻو صدر پرويز مشرف به سرگرم ٿي ويو آهي. جڏهن ته فنڪشنل مسلم ليگ پاران پڻ بي اعتمادي جي رٿ کي ڪامياب بڻائڻ لاءِ سرگرميون  تيز ٿي ويون آهن ۽ مختلف اڳواڻن سان رابطا تيز ڪيا ويا آهن.  جڏهن ته آل پاڪستان مسلم ليگ جي چيئرمين اڳوڻي صدر پرويز مشرف سان ايم ڪيو ايم جي وفد خميس ڏينهن هتي سندس رهائشگاهه تي ملاقات ڪئي، ملاقات ۾ سينيٽ چونڊن تي سميت وڏي وزير خلاف بي اعتمادي جي رٿ تي پڻ ويچاريو ويو. ايم ڪيو ايم جي وفد ۾ حيدر عباس رضوي، فاروق ستار، بابر غوري، فروغ نسيم ۽ خالد مقبول صديقي شامل هئا. ملاقات ۾ ملڪ جي سياسي صورتحال، سنڌ جي سيڪيورٽي صورتحال سميت ٻين معاملن تي ويچاريو ويو. ملاقات ۾ سينيٽ چونڊون گڏجي وڙهڻ متعلق اهم معاملا طي ڪيا ويا. پرويز مشرف ايم ڪيو ايم کي پنهنجي سياسي پارٽي سميت فنڪشنل ليگ ۽ ٻي پارٽي تي مشتمل سنڌ ۾ پيپلزپارٽي خلاف وڏي سياسي اتحاد جي معاملن تي به تفصيلي آگاهه ڪيو. هوڏانهن متحده قومي موومينٽ جي وفد پير پاڳاري سان ملاقات ڪئي، ملاقات ۾ ملڪ جي سياسي صورتحال ۽ سينيٽ چونڊن تي خيالن جي ڏي وٺ ڪئي وئي ايم ڪيو ايم اڳواڻ فاروق ستار، بابر غوري، خالد مقبول صديقي، فروغ نسيم ۽ رئوف صديقي راجا هائوس ۾ پير پاڳاري سان ملاقات ڪئي ملاقات کانپوءِ ميڊيا سان ڳالهائيندي خالد مقبول صديقي چيو ته ملڪ مان ڪرپشن جو خاتمو ۽ سنڌ جي مسئلن جو حل چاهيون ٿا اپوزيشن اتحاد کي ۽ سنڌ جي سياست کي مضبوط بڻائڻ جي ضرورت آهي هن چيو ته پرويز مشرف سان پراڻن لاڳاپن سبب معمول جي ملاقات ٿي آهي، ان موقعي تي مسلم ليگ فنڪشنل جي اڳواڻ پير صدرالدين شاهه راشدي چيو ته اپوزيشن متحد آهي ۽ سٺا نتيجا ڏيندي.

 

عالمي برادري ڪشميرين کي حق ڏيارڻ وارو واعدو پورو ڪري: سراج الحق

ڪوهالا (مانيٽرنگ ڊيسڪ) جماعت اسلامي جـَي امير سراج الحق، ڪشمير جي آزادي تائين پاڪستان کي اڻپورو قرار ڏيندي چيو آهي ته ڀارت کي ڄاڻ هئڻ گهرجي ته ڪشميرين جي آزادي تائين جنگ جاري رهندي، والاريل ڪشمير ۾ ظلم ۽ ڏاڍ باوجود ڀارت سان دوستي جمهوريت جي توهين آهي. والاريل ڪشمير ۾ ظلم ۽ بربريت باوجود ڀارت سان دوستي جمهوريت جي توهين آهي، ڪشمير مسئلي جي حل تائين هندستان سان دوست نه ٿيڻ گهرجي ۽ ڀارت کي ڄاڻ هئڻ گهرجي ته ڪشمير جي آزادي تائين جنگ جاري رهندي. آزاد ڪشمير جي شهر ڪوهالا ۾ يوم ڪشمير جي موقعي تي ڪشميرين سان ايڪي جي اظهار لاءِ انساني زنجير ٺاهي وئي، جنهن ۾ جماعت اسلامي جي امير سراج الحق به شرڪت ڪئي. ان موقعي تي ميڊيا سان ڳالهائيندي سراج الحق چيو ته اسان ڪشمير معاملي تي پوئتي نه هٽنداسين، عالمي برادري ڪشميرين کي حق ڏيارڻ وارو واعدو پورو ڪري. هن چيو ته ڪشمير پاڪستان جي ساهه واري رڳ آهي، ڪشمير تي ڀارتي قبضو پاڪستاني سلامتي ۽ بقا خلاف آهي،ڀارت کي ڄاڻ هئڻ گهرجي ته ڪشمير جي آزادي تائين جنگ جاري رهندي

 

هڪ مهيني اندر جعلي اليڪشن بابت اڇا ڪارا واضح ٿي ويندا: عمران خان

اسلام آباد (بيورو) پيپلزپارٽي جـَي مرڪزي اڳواڻ ۽ آزاد ڪشمير جي اڳوڻي وزيراعظم بئريسٽر سلطان محمود تحريڪ انصاف ۾ شموليت جو اعلان ڪري ڇڏيو آهي، عمران خان چيو آهي ته بدقسمتي سان پاڪستان کي حڪمران ته پري جي ڳالهه پر ڊڪٽيٽر به سٺا ناهن مليا، هڪ مهيني اندر جعلي اليڪشن بابت اڇا ڪارا واضح ٿي ويندا. اسلام آباد ۾ يوم ڪشمير جي موقعي تي ڪشميرين سان ايڪي  جي اظهار لاءِ پي ٽي آءِ پاران تقريب منعقد ڪئي وئي، جنهن ۾ آزاد ڪشمير جي اڳوڻي وزيراعظم بئريسٽر سلطان محمود تحريڪ انصاف ۾ شموليت جو اعلان ڪيو. تقريب کي خطاب ڪندي عمران خان چيو ته بئريسٽر سلطان محمود آزاد ڪشمير جي عوام جي حق ۾ بهتر فيصلو ڪيو آهي، کيس پي ٽي آءِ ۾ شامل ٿيڻ تي هو ڀليڪار چوي ٿو. عمران خان چيو ته پاڪستان کي هن وقت تائين حقيقي نموني سان آزادي ناهي ملي، ملڪ کي ڪجهه ماڻهن يرغمال بڻائي ڇڏيو آهي پر پاڪستان جي بدقسمتي اها آهي جو ڊڪٽيٽر به صحيح ناهن مليا. پي ٽي آءِ سربراهه چيو ته ملڪ جو سڀ کان وڏو مسئلو مڪاني نظام نه هئڻ آهي، سنڌ ۽ پنجاب جي ڪري خيبرپختونخواهه ۾ به مڪاني چونڊون دير جو شڪار ٿي ويون آهن. عمران خان چيو ته نواز شريف اقتدار ۾ اچڻ کان اڳ وڏيون دعوائون ڪيون ته آصف علي زرداري جو سوئيس بينڪن مان پئسو واپس آڻيندو پر هو آصف زرداري سان ائين ملي ويو آهي، جيئن ڪو وڇڙيل ڀاءُ سان ملندو هجي. عمران خان چيو ته عام چونڊن ۾ سندس تڪ تي ڌاڙو هنيو ويو، 2 سال گذرڻ باوجو کيس انصاف فراهم ناهي ٿيو پر هڪ مهيني اندر جعلي اليڪشن بابت اڇا ڪارا واضح ٿي ويندا. هن وڌيڪ چيو ته نواز شريف غلامن جي نظام کي بچائي رهيو آهي، گو نواز گو نواز شريف نه پر هن نظام جي خلاف نعرو آهي. عمران خان وڌيڪ چيو ته آزادي آساني سان ناهي ملندي، ان لاءِ وڏي جدوجهد ڪرڻي پوندي آهي، پي ٽي آءِ جي حڪومت اچڻ بعد عوام کي سندن در تي حق ملندا. ان کان اڳ تقريب ۾ عمران خان جي موجودگي دوران تقريب ۾ اسٽيج تي وڃڻ لاءِ بدنظمي پڻ ٿي.

 

ٿر پارڪر ۾ لڳايل سولر آرو پلانٽن مان ٿر جي عوام کي صاف پاڻي سان گڏ لائيٽ ۽ زمين کي آباد ڪرڻ ۾ مدد ملندي : تاج حيدر

مٺي(رپورٽر) سنڌ حڪومت پاران ٿر پارڪر ۾ لڳايل سولر آرو پلانٽن مان ٿر جي عوام کي صاف پاڻي سان گڏ لائيٽ ۽ زمين کي آباد ڪرڻ ۾ مدد ملندي اهڙن خيالن جو اظهار پي پي سينيٽر تاج حيدر مٺي ۾ لڳايل ايشيا جي وڏي ۾ وڏو سولر آرو پلانٽ ۽ ٿر ڪول ايريا جو پنجاب کان آيل سينئر صحافين جي وفد سان گڏ تفصيلي دوري ڪندي ڪيو. هن چيوته سنڌ حڪومت مستقل بنيادن تي ٿر جي عوام کي بنيادي سهولتون ڏيڻ جون ڪوششون ڪري رهي آهي هن چيوته ٿر پار ڪر ضلعي جي ڳوٺن   لڳندڙ سولر آرو پلانٽن مان ٿر جي عوام کي وڏي ۾ وڏو فائدو ملي رهيو آهي هن چيوته سولر آرو پلانٽ مان پيئڻ جي صاف پاڻي سان گڏو گڏ هر ڳوٺ کي سولر ذريعي بجلي به مهيا ڪئي ويندي. جنهن جي لاءِ سولر تي چارج ٿيندڙ هڪ کان ٻه بيٽريون لڳائي ڳوٺ کي لائيٽ فراهم ڪئي ويندي. جنهن ۾ ڳوٺ جي مين چوراهين تي پول لڳائي سولر بلبن وسيلي ڳوٺن کي روشن ڪيو ويندو. ان کان سوائي هر سولر آرو پلانٽ تي 20 ايڪڙ تائين زمين کي آباد ڪري سگهجي ٿو. جنهن جي لاءِ مختلف اين جي اوز سان رابطن ۾ آهيون جنهن کي آر او پلانٽن وسيلي زمين کي آباد ڪرڻ جو پراجيڪٽ ڏئي ٿر جي عوام کي سهولتون فراهم ڪيون وينديون. جنهن ۾ سبزي ، اناج ۽ مال جي چاري سميت ٻيون شيون ٿر جي عوام کي گهر ويٺي ملنديون. هن وڌيڪ چيو ته هن سال ۾ 750 آر او پلانٽن جو ڪم مڪمل ڪيو ويندو ۽ ايندڙ سال وڌيڪ آر او پلانٽ ڏنا ويندا هر آرو پلانٽ تي جانورن جي پاڻي پيئڻ لاءِ حوض ٺهرايا پيا وڃن جنهن سان ڳوٺ ۾ موجود جانورن کي پيئڻ جو پاڻي آساني سان ملي سگهندو. انهي بعد سنڌ اينگرو ڪول مائينگ ڪمپني، بلاڪ 2 جي دوري دوران پراجيڪٽ مينيجر نعيم آفتاب پاشا تفصيلي بريفنگ ڏيندي چيوته 1.75 بلين ٽن ڪوئلي جا ذخيرا آهن هن بلاڪ مان نڪرندڙ ڪوئلي مان ٺهندڙ 4000 ميگاواٽ بجلي ايندڙ 50 سالن لاءِ استعمال ڪري سگهجي ٿي . هن وقت اسان 660 ميگاواٽ جو پاور پراجيڪٽ لگائي رهيا آهيون. 2018 جي شروعات ۾ 660 ميگاواٽ بجلي نيشنل گرڊ اسٽيشن تي موڪلي ويندي.هرڏيڍ کان ٻن سالن اندر 660 ميگاواٽ بجلي جو جو اضافو ڪيو ويندو. 6000 ايڪڙ ايراض جي زمين تي 5000 عملو مقرر ڪيو ويندو. جهن مان 3500 مقامي ٿرجي ماڻهن کي روزگار ڏنو ويندو. ان کان علاوه 1000 چين جوعملو شامل هوندو. چين جي حڪومت سنڌ ۾ ايم او يو سائن ٿي چڪو آهي. بلاڪ 2 جي پراجيڪٽ ۾ 2 بلين ڊالر خرچ ايندا جهن ۾ هڪ بلين ڊالر پاور پراجيڪٽ تي ۽ هڪ بلين ڊالر مائينگ پراجيڪٽ تي خرچ ٿيندو.هن پرجيڪٽ کي سنڌ حڪومت ۽ اينگرو گڏجي مڪمل ڪنديون. هن وڌيڪ چيوته 160 ميٽر کوٽائي ڪرڻ بعد 1.5 بلين ٽن ڪوئلو ڪڍيو ويندو. ماحول جي حوالي سان مڪمل پلان تيار آهي هن پراجيڪٽ سان ماحول تي ڪنهن به قسم جا غلط اثر نه پوندا. مقامي ماڻهن کان خريد ڪيل زمين 4000 ايڪڙ زمين مان ڪجهه کي معاوضو ڏئي چڪا آهون رهيل رقم پڻ ڏني ويندي.