تازيون خبرون

Daily Archives: January 24, 2015

سعودي بادشاهه لاڏاڻو ڪري ويو، آخري رسمن ۾ اسلامي ملڪن جي سربراهن جي شرڪت

رياض(م.د) سعودي بادشاهه عبدالله بن عبدالعزيز جي جنازي نماز ادا ڪئي وئي جنهن ۾ وزيراعظم نواز شريف سميت پوري دنيا جي مسلمان ملڪن جي اڳواڻن ۽ اختيارين شرڪت ڪئي، سعودي ميڊيا رپورٽرن مطابق شاهه عبدالله بن عبدالعزيز جي جنازي نماز گادي واري شهر رياض جي جامع مسجد پرنس ترڪي بن عبدالعزيز ۾ ادا ڪئي وئي جنهن ۾ وزيراعظم نواز شريف، پنجاب جي وڏي وزير شهباز شريف سميت مسلمان ملڪن جي اڳواڻن ۽ اختيارين شرڪت ڪئي شاهه عبدالله گذريل ڪيترن ئي هفتن کان بيمار هجڻ سبب اسپتال ۾ علاج هيٺ هو ۽ ان کي ڦڦڙن ۾ انفيڪشن سبب مصنوعي آڪسيجن ڏني پئي وئي جڏهن ته هو خميس ۽ جمعي جي وچ واري رات وفات ڪري ويو، سعودي شاهه عبدالله جي وفات تي وزيراعظم نواز شريف گهري ڏک ۽ افسوس جو اظهار ڪندي چيو ته پاڪستان هڪ سٺي دوست کان محروم ٿي ويو ۽ ڏک جي هن گهڙي ۾ پوري پاڪستاني قوم شاهي خاندان سان ڏک ۾ برابر جي شريڪ آهي، ڪجهه ڏينهن پهريان ئي وزيراعظم نواز شريف پنهنجي سعودي عرب واري دوري دوران شاهه عبدالله جي عيادت به ڪئي هئي، آمريڪي صدر بارڪ اوباما به شاهه عبداله جي وفات تي ڏک جو اظهار ڪندي چيو ته شاهه عبدالله جون انسانيت لاءِ خدمتون هميشه ياد رکيون وينديون جڏهن ته فلسطيني صدر محمود عباس به شاهه عبدالله جي وفات ي شاهي خاندان سان تعزيت جو اظهار ڪيو آهي ياد رهي ته شاهه عبدالله بن عبدالعزيز 2005ع ۾ پنهنجي ويڳي ڀاءُ شاهه فهد بن عبدالعزيز جي وفات کانپوءِ سعودي جو حڪمران چونڊيو ويو هو جڏهن ته شاهه عبدالله بن عبدالعزيز مڪي جو گورنر، سعودي اسپيشل گارڊ جو ڪمانڊر ۽ دفاع واري وزير جي اهم عهدن تي به مقرر رهيو شاهه عبدالله بن عبدالعزيز کي 9 پٽ ۽ هڪ ڌيءَ آهي، 9 سالن تائين سعودي جو بادشاهه رهندڙ شاهه عبدالله کي دنيا جو چوٿون امير ترين حڪمران ۽ اٺون طاقتور ترين شخص مڃيو ويندو هو ۽ ان جي اثاثن جي ماليت 18 ارب ڊالر هئي. ٻئي طرف عالمي اڳواڻن جو شاهه عبدالله بن عبدالعزيز جي لاڏاڻي تي تعزيت جو اظهار ، امريڪي صدر باراڪ اوباما سميت مختلف عالمي اڳواڻن خادم الحرمين الشريفين شاهه عبدالله بن عبدالعزيز جي لاڏاڻي تي رنج ۽ افسوس جو اظهار ڪندي ان جي سعودي عوام ۽ عالمي برادري لاءِ خدمتن ۽ امن جي ڪوششن کي خراج عقيدت پيش ڪيو آهي. امريڪي صدر اوباما مرحوم شاهه عبدالله کي هڪ راست باز اڳواڻ قرار ڌيندي چيو ته هو پختو عزم رکندڙ حوصله مند شخصيت هو. هن چيو ته ساڻس گڏجي امريڪا ڪيترن ئي چئلينجن کي منهن ڏنو ۽ سندس نقطه نظر کي هميشه قدر جوڳو ڀائنيو. شاهه عبدالله جي لاڏاڻي تي پنهنجي تعزيتي پيغام ۾ اوباما چيو ته امريڪا ۽ سعودي عرب وچ ۾ قربت ۽ ٻه طرفي شراڪت جي مضبوطي شاهه عبدالله جي ميراث آهي. فرانس جي صدارتي محل پاران جاري ڪيل تعزيتي پيغام ۾ مرحوم شاهه عبداللله کي خراج عقيدت پيش ڪندي کيس هڪ مدبر طور ياد ڪيو ويو آهي. فرانس جي صدر پنهنجي تعزيتي پيغام ۾ وڌيڪ چيو ته شاهه عبدالله جي ڏاهپ انصاف ۽ دائمي امن لاءِ استعمال ٿيندي رهي. مصر جي ايوان صدر ان موقعي تي پنهنجي تعزيتي پيغام ۾ چيو ته مصري عوام شاهه عبدالله جي تاريخي موقف کي وساري نه سگهندو. مصر جي صدر عبدالفتاح السيسي ۽ اردن جي شاهه عبدالله سعودي بادشاهه جي جنازي ۾ شرڪت لاءِ ڊيوس جو پنهنجو دورو مختصر ڪري ڇڏيو آهي، ٻئي اڳواڻ ورلڊ ايڪنامڪ فورم جي اجلاس ۾ شرڪت لاءِ ڊيوس ۾ موجود هئا. مصر جي تاريخي الازهر يونيورسٽي به شاهه عبدالله جي لاڏاڻي تي کيس خراج عقيدت پيش ڪيو آهي. اردن جي اطلاعات واري وزارت سعودي شاهه عبدالله جي لاڏاڻي تي سڄي ملڪ ۾ 40 ڏينهن لاءِ سوڳ جو اعلان ڪيو آهي جڏهن ته فلسطيني اٿارٽي جي صدر محمود عباس ان سلسلي ۾ 3 ڏينهن سوڳ جو اعلان ڪيو آهي. ٻئي طرف سعودي جي بادشاهه عبدالله بن عبدالعزيز جي وفات کانپوءِ 79 سالا ويڳو ڀاءُ شهزاده سلمان بن عبدالعزيز نئون سعودي بادشاهه بڻجي ويو آهي ۽ هن جو چوڻ آهي ته سعودي عرب جي نظام ۾ ڪابه تبديلي نه ايندي، سعودي بادشاهه جي عهدي جي چارج سنڀالڻ کانپوءِ قوم سان پنهنجي پهرئين خطاب ۾ سلمان بن عبدالعزيز چيو ته سمورن مسلمانن کي گڏجي رهڻ گهرجي جڏهن ته سعودي عرب جي نظام ۾ ڪابه تبديلي نه ايندي ۽ ملڪ موجوده نظام ۾ ئي اڳتي هلندو رهندو شهزاده سلمان بن عبدالعزيز جي بادشاهه بڻجڻ کانپو ءِسعودي ڪابينا ۾ ڪجهه تبديليون ڪيون ويون آهن شهزادو مقرن بن عبدالعزيز سعودي ويل عهد ۽ نائب وزيراعظم ۽ شهزادو محمد بن نائف بن عبدالعزيز نائب وزيراعظم ٻه هوندو، جڏهن ته شهزادي محمد بن سلمان سعودي کي ملڪ جو نئون دفاع وارو وزير مقرر ڪيو ويو آهي.

 

لياقت جتوئي ۽ ارباب رحيم کي جمهوريت هضم نه پئي ٿئي : شرجيل ميمڻ

ڪراچي(اسٽاف رپورٽر) اطلاعات واري صوبائي وزير شرجيل ميمڻ جو چوڻ آهي ته پيپلز پارٽي پنهنجي دور ۾ ڪنهن کي انتقامي ڪارروايون جو نشانو ناهي بڻايو پر اربابرحيم حڪومت کي مجبور ڪري رهيو آهي، ڪراچي ۾ ميڊيا سان ڳالهائيندي شرجيل ميمڻ جو چوڻ هو ته اڳوڻي وڏي وزير ارباب غلام رحيم پنهنجي دور ۾ 45 ٽارگيٽ ڪلرز کي پيرول تي آزاد ڪري پرڏيهه فرار ڪرايو جنهن جا ثبوت موجود آهن ۽ جيڪڏهن انهن ثبوتن کي عدلات ۾ پيش ڪيو وڇي ته دنيا جا ڪابه طاقت ان کي رد نه ٿي ڪري سگهي هن چيو ته پيپلز پارٽي اڄ تائين پنهنجي حڪومتي دور ۾ ڪنهن کي انتقامي ڪارروائي جو نشانو ناهي بڻايو  اسان ڪوشش ڪئي آهي ته ڪنهن جي خلاف انتقامي ڪارروائي نه ڪريون پر لياقت جتوئي ۽ ارباب رحيم کي جمهوريت راس نه ٿي اچي، اطلاعات واري وزير چيو ته ارباب رحيم جي دوري ۾ سنڌ ۾ وڏا وڏا سانحا ٿيا ۽ انهي جي ئي دور ۾ 12 مئي جو واقعو پيش آيو جڏهن ته ان ئي دور ۾ بينظير ڀٽو تي حملو ڪيو ويو ۽ ارباب رحيم بينظير جي جلوس کي سيڪويرٽي به فراهم نه ڪري سگهيو هو پر اڄ اسان لکن جي جلوس جي حفاظ ڪري سگهون ٿا، هن جو چوڻ هو ته لياقت جتوئي قانوني طور تي اسيمبلي ميمبر ناهي رهيو اهو ٻڌائي ته ڪهڙي حيثيت سان اسيمبلي ۾ ويٺو آهي هن مسلم ليگ ن جي ٽيڪٽ تي اليڪشن وڙهي ۽ اڄ هو نواز شريف تي ئي تنقيد ڪري ٿو جڏهن ته هن وقت لياقت جتوئي ۽ ارباب رحيم جو ڪوبه ليڊر ناهي هن ڀيري حڪومت نرم آهي پر اپوزيشن طاقت جي نشي ۾ آهي.

 

عمران خان خدا جي گهر ۾ پنهنجي لاءِ سچ ڳالهائڻ جي دعا گهري: پرويز رشيد

اسلام آباد(بيورو) اطلاعات واري وفاقي وزير پرويز رشيد چيو آهي ته تحريڪ انصاف جو چيئرمين عمران خان عمري جي ادائيگي لاءِ ويو آهي ان لاءِ عبادت تي ڌيان ڏئي ۽ خدا جي گهر ۾ پنهنجي لاءِ سچ ڳالهائڻ جي دعا گهري، پرويز رشيد چيو ته عمران خان عمرو ڪري به ڪوڙ ڳالهائڻ نه ٿو ڇڏي، چونڊن کي 70 هزار ماهرن شفاف قرار ڏنو ان لاءِ عمران خان به ان کي قبول ڪري ۽ خدا جي گهر ۾ پنهنجي لاءِ سچ ڳالهائڻ جي دعا گهري، هن چيو ته عمران خان جوڊيشل ڪميشن قائم ڪرڻ تي ڳالهائي ٿو ته ڪميشن جي دائري ۾ لفظ منظم ڌانڌلي شامل ڪرڻ کان ڇو ٿو گهٻرائي ۽ نه ڄاڻ فوجي عدالتن جي مخالفت ڪندڙ دهشتگردن کي تباهه ۽ بربادت ڪرڻ جي دعا ڪڏهن گهرندو.

 

سنڌ اسيمبلي جو اجلاس، ڪمند جي اگهه واري معاملي تي حڪومت ۽ اپوزيشن ميمبرن وچ ۾ سخت جملن جي ڏي وٺ

ڪراچي (اسٽاف رپورٽر) سنڌ اسيمبلي جي اجلاس دوران سوالن جوابن جي وقفي دوران ارباب غلام رحيم پاران ڪمند اگهه مقرري واري معاملو اٿارڻ تي پ پ ميمبرن وچ ۾ گرماگرمي شروع ٿي وئي، ايم ڪيو ايم کانسواءِ مخالف ميمبر پنهنجون سيٽون ڇڏي اسپيڪر جي روسٽرم جو گهيراءُ ڪيو، جڏهن ته سنڌ اندر ڪڻڪ جي کُليل آسمان هيٺ پوڻ واري معاملي تي به ف ليگ ميمبر نصر سحر عباسي ۽ ڄام مهتاب ڏهر وچ ۾ به جملن جي ڏي وٺ ٿي. سنڌ اسيمبلي جو اجلاس ڊپٽي اسپيڪر جي صدارت هيٺ ٿيو، جنهن ۾ صوبائي وزير جاويد نانگوري مخالف ڌر جي سولان جا جواب ڏيندي چيو ته ڪراچي جي ماڙيپور ۽ ڪجهه حيدرآباد جي علائقن ۾ قبضا معافيا سرڪاري زمينن تي ڏيرا ڄمايون ويٺا آهن، جتان قبضا ختم ڪرڻ لاءِ پوليس ۽ ٻين لاڳاپيل ادارن کان مدد ورتي پئي وڃي. هن چيو ته سنڌ اندر 23 مارچ 1985 کان آباد 40 کان 50 گهرن تي بڌل آبادين کي ليز ڪيو پيو وڃي ، جنهن لاءِ لاڳاپيل وزارت ان معاملي کي ڏسي رهي آهي، جڏهن ته ڪجهه علائقن ۾ ليز جو ڪم شروع ٿي ويو آهي. زمينن جي ليز معاملي تي ف ليگ ميمبر نصرت سحر عباسي حصو وٺندي چيو ته سنڌ سرڪار زمينن تان  قبضا ڇڏرائڻ لاءِ ڪهڙا قدم کنيا آهن، جنهن بابت ايوان ۾ ڪجهه تفقصيل پيش ڪيا وڃن. نصرت سحر عباسي جي اهڙي سوال تي پ پ وزير جاويد نانگوري جواب ڏيندي چيو ته سرڪاري زمينن تان قنضا ختم ڪرائڻ لاءِ پوليس ۽ ٻين لاڳاپيل ادارن کان مدد ورتي پئي وڃي. پ پ وزير جاويد نانگوري چيو ته ڪجهه ڪچي آبادي وارن علائقن کي سڪيورٽي ڪليئرنس نه ملڻ ڪري ليز نه پئي ڏني وڃي،  ليئرنس ملڻ کانپوءِ ليز وارو عمل تيز ڪيو ويندو. صوبائي وزير ڄام مهتاب ڏهر هڪ سوال جو جواب ڏيندي چيو ته سنڌ اندر ڪٿي ۾ ڪڻڪ کُليل آسمان هيٺ نه آهي پيل، جڏهن ته ڪڻڪ جي مند دوران آبادگارن جي سهولت لاءِ ڪڻڪ گدامن ٻاهر رکي ويندي آهي. ايم ڪيو ايم ميمبر دلاور قريشي چيو ته ٻني شهرن مان گدام خلا ٿيڻ بعد ڪراچي ڏينهن منتقلي واري مرحلي ۾ خرچ لڳندا آهن، ان لاءِ بهتري ناهي جو اڳواٽ ئي ڪجهه بهتر بندوبست ڪيا وڃن. ڄام مهتاب ڏهري اهڙي سوال جي جواب ۾ چيو ته کارايو به وڃي ۽ پياريون به وڃي ، جنهن تي ميمبر دلاور شاهه اسپيڪر کي اهڙا لفظ اجلاس مان خارچ ڪرڻ جي درخواست ڪئي. اجلاس دوران ارباب غلام رحيم پاران ڪمند جي اگهه تي ڳالهائڻ تي پ پ ميمبر گرم ٿي ويا ۽ هن کي ڳالهائڻ کان روڪيو ويو، جنهن تي ايم ڪيو ايم کانسواءِ مخالف ڌر ميمبر پنهنجن پهنجن سيٽن تان اٿي اسپيڪر جي سيٽ جو گهيراءُ ڪيو ۽ اراب کي ڳالهائڻ جي اجازت ڏيڻ لاءِ احتجاج ڪندا رهيا، جنهن کانپوءِ ڊپٽي اسپيڪر شهلا رضا اجلاس سومر ڏينهن ڏهين وڳي تائين ملتوي ڪري ڇڏيو.

 

توهين عدالت: سپريم ڪورٽ موجوده ۽ اڳوڻي وزير اعظمن خلاف درخواستون اڪلائي ڇڏيون

اسلام آباد (بيورو) سپريم ڪورٽ، وزيراعظم نواز شريف ۽ اڳوڻي وزيراعظم يوسف رضا گيلاني خلاف توهين عدالت جون درخواستون اڪلائي ڇڏيون آهن، جسٽس آصف سعيد کوسا ريمارڪس ۾ چيو آهي ته نيب چيئرمين جي مقرري کانپوءِ ٻئي درخواستون غير موثر ٿي چڪيون آهن. سپريم ڪورٽ جي 3 رڪني بينچ، جسٽس آصف سعيد کوسا جي سربراهي ۾ وزيراعظم نواز شريف ۽ اڳوڻي وزيراعظم  يوسف رضا گيلاني خلاف محمود اختر نقوي جي توهين عدالت درخواستن تي ٻڌڻي ڪئي.محمود اختر نقوي، نيب چيئرمين جي مقرري کي بنياد بڻائيندي وزيراعظم نواز شريف ۽ عدليه مخالف بيان ڏيڻ تي يوسف رضا گيلاني خلاف درخواست داخل ڪئي هئي. جسٽس آصف سعيد کوسا ريمارڪس ڏيندي چيو ته نيب چيئرمين جي مقرري ٿي چڪي آهي، هاڻي هي درخواستون غير موثر ٿي چڪيون آهن. عدالت، ٻئي درخواستون غير موثر قرار ڏيندي اڪلائي ڇڏيون.

 

بااختيار جوڊيشل ڪميشن بڻجي وڃي ته اسيمبلين ۾ وينداسين: عمران خان

جده(م.ڊ) تحريڪ انصاف جي چيئرمين عمران خان جو چوڻ آهي ته چونڊ ڌانڌلي بابت حڪومت ڪمزور جوڊيشل ڪميشن بڻائڻ چاهي ٿي ان لاءِ بااخيار ڪميشن قائم ٿيڻ تائين اسيمبلين ۾ نه وينداسين، سعودي عرب جي شهر جدي ۾ پريس ڪانفرنس ڪندي عمران خان جو چوڻ هو ته حڪمرانن جو احتساب نه ٿو ٿئي ان لاءِ ٻن خاندانن وارا ورهائي رکيا آهن آزاد عدليه بغير شفاف چونڊون ممڪن ناهن ۽ موجوده حڪومت چونڊ ڌانڌلي جي جاچ ۾ سنجيده ناهي ان لاءِ حڪومت ڪمزور جوڊيشل ڪميشن بڻائڻ چاهي ٿي جڏهن ته بااختيار جوڊيشل ڪميشن قائم ڪرڻ تائين اسيمبلين ۾ نه وينداسين، هن چيو ته پشاور سانهي کانپوءِ حڪومت جي ان لاءِ حمايت ڪئي ته اهو نه چيو وڃي ته دهشتگردي خلاف جنگ ۾ اسان جي ڪري ڪا رڪاوٽ آهي جڏهن ته ان کان اڳ ڪجهه به ٿيندو هو ته ڌرڻن تي الزام هنيو ويندو هو ۽ هاڻ ته ڌرڻو به ناهي ته پيٽرول بحران ڪيئن پيدا ٿي ويو ۽ ان تي سرچارج ڇو لڳايو ويو.

 

هٿ ٺوڪين ۽ مفادپرسن جي جهموريت ۾ دال ناهي ڳرندي ته وزارتون وٺڻ لاءِ آمرن کي دعوت ڏيندا آهن: شرجيل ميمڻ

ڪراچي(اسٽاف رپورٽر) سنڌ جي اطلاعات ۽ بلديات واري وزير شرجيل انعام ميمڻ چيو آهي ته مارشل لا جي خواهش رکندڙ ڀلي خواهش ڪندا رهن پر کين ڪجھ به حاصل نه ٿيندو. چند هٿ ٺوڪين ۽ مفاد پرستن جي جمهوريت ۾ دال ناهي ڳرندي ته هو آمرن کي دعوت ڏئي وزارتون وٺڻ جي سازش ۾ رڌل رهندا آهن هو آمرن جي دور ۾ مزه ماڻيندا آهن ۽ جمهوري دور ۾ سندن ساھ ٻوساٽجي ويندو آهي. عوام کي سچ تائين رسائي جو حق آهي ۽ کين سموري معلومات وقت تي ملڻ گھرجي ماضي ۾ به پيپلز پارٽي جي حڪومت کان جيڪو ٿي سگھيو ان پريس ڪلب لاءِ ڪيو ۽ اڄ به اسان ڪراچي پريس ڪلب ۽ ان جي ميمبرن سان گڏ بيٺا آهيون. هڪ مهيني جي اندر اندر ئي صحافين کي باقي رهيل ايم ڊي اي ۾ پلاٽ ڏينداسين ۽ ڪراچي پريس ڪلب کي اطلاعات کاتي پاران 10 لک روپين جي گرانٽ کان علاوه اطلاعات کاتي پاران  پريس ڪلب ۾ آڊيٽوريم ۽ هڪ جمنيزيم جي تعمير جو آغاز ڪيو ويندو. انهن خيالن جو اظهار هن پريس ڪلب جي نئين چونڊيل ميمبرنکي چونڊن ۾ ڪاميابي تي پريس ڪلب پهچي مبارڪ پيش ڪرڻ کان پوءِ ميڊيا سان ڳالهائيندي ڪيو ان موقعي تي پريس ڪلب جو صدر فاضل جميلي، جنرل سيڪريٽري اي ايڇ خانزاده، نائب صدر نواب قريشي، فنانس سيڪريٽري حنيف اڪبر، سيد ڪرم علي شاھ، حنا مها گل، ڪفيل الدين فيضان، صديق چودهري، منظور چانڊيو، سجاد عباس، طارق ابوالحسن، ارباب چانڊيو، رياض ساگر کان علاوه ڊي جي انفارميشن عبدالحليم شيخ، ڊائريڪٽر پريس انفارميشن يوسف ڪابورو ۽ ٻيا به موجود هئا. ان کان اڳ پريس ڪلب ۾ صوبائي وزير شرجيل انعام ميمڻ جي مان ۾ ماڻجھاندو ڏنو ويو ۽ کيس سنڌ جي روايتي اجرڪ جو تحفو ڏنو ويو. ان موقعي تي پريس ڪلب جي سيڪريٽري ايڇ اي خانزاده وزير اطلاعات شرجيل انعام ميمڻ کي ڪراچي پريس ڪلب اچڻ تي سندس ٿورا مڃيا ۽ چيو ته شرجيل انعام ميمڻ ماضي ۾ به ڪراچي پريس ڪلب لاءِ جيڪي خدمتون سرانجام ڏنيون آهن ان کي ڪڏهن به وساري نٿو سگھجي. ان موقعي تي هن ڪراچي پريس ڪلب کي وزير اعليٰ پاران اعلانيل گرانٽ سميت باقي مسئلن ڏانهن ڌيان ڏياريو. شرجيل انعام ميمڻ چيو ته آءُ سڀ کان پهرين نئين چونڊيل سڀني عهديدارن کي دل جي گھرائين سان مبارڪباد پيش ڪريان ٿو . هن چيو ته وزير اعليٰ سنڌ پاران اعلانيل گرانٽ جي حوالي سان وزير اعليٰ سان ڳالھ ڪري انهن عهديدارن جو اهو پراڻو مسئلو جلد حل ڪرائيندس جڏهن ته باقي مسئلن جي متعلق هن لاڳاپيل ادارن کي فوري هدايتون جاري ڪري ڇڏيون. ان کان پوءِ ميڊيا سان ڳالهائيندي شرجيل انعام ميمڻ چيو ته ملڪ ۾ هاڻ جمهوريت پلي رهي آهي ته ان ۾ جيترو حصو سياسي جماعتن جو آهي ته ايترو ئي حصو اسان جي صحافين جو به آهي. هن چيو ته ذميواراڻي صحافت ۽ حق ۽ سچ واري صحافت لازم ۽ ملزوم آهي. هن چيو ته اڄ عوام جي رد ڪيل ۽ چور رستي کان اسيمبلي ۾ آيل ڪجھ سياسي جماعتن جا ميمبر سنڌ ۾ مارشل لا جي خواهش ظاهر ڪري رهيا آهن. هن چيو ته هن وقت ملڪ يا سنڌ ۾ مارشل لا جي ڪا به تجويز غور هيٺ ناهي ۽ نه ئي ڪنهن کي به غير قانوني يا غير آئيني قدم کڻڻ جي اجازت ڏني ويندي. هن چيو ته مارشل لا جي خواهش رکندڙ ڀلي مارشل لا جي خواهش رکن پر انهن کي منهن جي کائڻي پوندي ۽ سندن جمهوريت کي ڊي ريل ڪرڻ جي ڪا به سازش ڪامياب نه ٿيندي. شرجيل انعام ميمڻ چيو ته ارباب غلام رحيم ۽ لياقت جتوئي جيڪي ٻئي اڳوڻا سنڌ جا وزير اعلٰي به رهيا آهن انهن هميشه آمرن کي هن ملڪ ۾ اچڻ ۾ مدد ڪئي آهي ته جيئن آمرن جي جھولي ۾ ويهي حڪومت جا مزه ماڻي سگھن ۽ هڪ ڀيرو ٻيهر هو پنهنجي ان سازش کي پورو ڪرڻ جي ڪوشش ڪري رهيا آهن. هن چيو ته اهڙي قسم جي ماڻهن جو جمهوريت ۾ ساهه گھٽجندو آهي ڇو ته کين آمريت ۾ حڪومت ۽ وزارتن جا مزه ماڻڻ جي عادت پئجي وئي آهي. هن چيو ته ملڪ جي سمورن مسئلن جو حل فقط جهوريت ۾ آهي ها حڪومتن ۽ حڪمرانن ۾ ڪا گھٽتائي ٿي سگھي ٿي پر ان کي به جمهوري طور تي ئي دور ڪري سگھجي ٿو. هڪ سوال جي جواب ۾ هن چيو ته پيپلز پارتي سنڌ ۾ پنهنجي هارين ۽ ذميندارن سان گڏ بيٺي آهي اسان ڪمند جو اگھ 182 روپيا في مڻ مقرر ڪري ڇڏيو آهي جنهن کان پوءِ ملز جا مالڪ سپريم ڪورٽ ويا آهن ۽ اسان معزز عدالت کي به استعدا ڪنداسين ته هو هارين ، زميندارن ۽ پورهيتن جي حق ۾ فيصلا ڪري. 18 ترميم کان پوءِ اطلاعات کاتي بابت صوبن کي مليل اختيارن بابت پڇيل سوال جي جواب ۾ هن چيو ته بدقسمتي سان 18 ترميم کان پوءِ اڄ تائين ڪيترن ئي کاتن بابت صوبائي ۽ وفاقي حڪومتن ۾ ڇڪتاڻ هلي رهيو آهي. ان ۾ هڪ اطلاعات کاتو به آهي ۽ ان بابت اسان وزير اعليٰ سنڌ سان به ڳالھ ڪئي آهي ۽ وفاق کي به خط لکيو آهي ته هي کاتو مڪمل طور تي صوبن جي حوالي ڪيو وڃي . سنڌ حڪومت پاران ڪيترا دهشتگردي جا ڪيس فوجي عدالتن ۾ موڪليا ويا جي سوال جي جواب ۾ هن چيو ته ايپيڪس جي تحت سنڌ حڪومت وفاق کي اهي سڀئي ڪيس موڪليندي ۽ ان بعد وفاق کي انهن ڪيسن کي فوجي عدالتن ۾ موڪلڻ جو اختيار حاصل آهي هي صوبائي اختيار ناهي. سنڌ اسيمبلي ۾ تحريڪ انصاف جي ميمبرن جي استعيفائن جي سوال جي جواب ۾ هن چيو ته ان سلسلي ۾ آخري جواب اسپيڪر ئي ڏئي سگھي ٿو تنهن هوندي به منهنجي اطلاع موجب اسپيڪر انهن ميمبرن کي استعيفائن جي تصديق لاءِ گھرايو آهي ۽ ان کان پوءِ ڪو آخري فيصلو ٿيندو. ان موقعي تي هن ڪراچي پريس ڪلب جي باقي رهيل 140 ميمبرن کي جلد ئي پلاٽس ڏيڻ ، ڪراچي پريس ڪلب کي اطلاعات کاتي پاران 10 لک روپين جي گرانٽ ڏيڻ ۽ پريس ڪلب ۾ آڊيٽوريم ۽ جمنازيم جي تعمير جو به اعلان ڪيو.

 

ڪلمو پڙهي چئي سگهان ٿو ته ٽي ايم اي ۾ ڀرپور ڪرپشن آهي: (شهريار مهر)، ڪرپشن جا الزام ڪوڙا آهن: شرجيل ميمڻ،

ڪراچي (اسٽاف رپورٽر) سڌ سماءَ واري صوبائي وزير شرجيل ميمڻ چيو آهي ته شهريار مهر پاران لڳايل ڪرپشن جا الزام بي بنياد آهن، شهريار مهر ڪلمو پڙهي ته مون رشوت ورتي آهي ته هو وزارت تان استعيفيٰ  ڏئي ڇڏيندو، شهريار مهر چيو آهي ته لوڪل گورنمينٽ ۾ 80 سيڪڙو ڪرپشن آهي، ڪلمو پڙهي چئي سگهان ٿو ته ٽي ايم ايز ۾ ڀرپور ڪرپشن آهي. سنڌ اسميبلي اجلاس کان پوءِ ميڊيا سان ڳالهائيندي شرجيل ميمڻ چيو ته شهريار مهر پاران لکي واري ٽي ايم او کان پئسا وٺڻ بابت الزام بي بنياد آهن، شهريار مهر چيو ته ڪلمو پڙهي چئي سگهان ٿو ته ٽي ايم ايز ۾ ڪرپشن آهي. ميڊيا سان ڳالهائيندي اپوزيشن ليڊر شهريار مهر چيو ته ٽي ايم اي کي هڪ ڪروڙ 52 لک منٿلي ملندي آهي، جيڪا ٻن ڏيهن اندر غائب ٿي ويندي آهي. شهريار مهر چيو ته شرجيل ميمڻ تي لڳايل سمورا الزام درست آهن، ڪلمو پڙهي چئي سگهان ٿو ته ٽي ايم اي ۾ ڀرپور ڪرپشن آهي. شهريار مهر وڌيڪ چيو ته سموري سنڏ ۾ 119 ٽي ايم ايز آهن،  هر ٽي ايم اي تي وزيرن پاران منٿلي مقرر ٿيل هوندي آهي.

جوڊيشل ڪميشن لاءِ فوجي عدالتن وانگر اتفاق راءِ پيدا ڪرڻي پوندي: احسن اقبال

اسلام آباد (بيورو) منصوبابندي واري وفاقي وزير احسن اقبال چيو آهي ته انتظامي غلطين کي ڌانڌلي نه ٿو چئي سگهجي تحريڪ انصاف جي شرطن تي جوڊيشل ڪميشن بڻائڻ لاءِ فوجي عدالتن وانگر اتفاق راءِ پيد اڪرڻو پوندو، اسلام آباد ۾ ميڊيا سان ڳالهائيندي احسن اقبال جو چوڻ هو ته حڪومت ڌانڌلي جي جاچ لاءِ جوڊيشل ڪميشن بڻائڻ لاءِ تيار آهي جڏهن ته تحريڪ انصاف جي ٽرمز آف ريفرنس تي ڪميشن جوڙن جي آئين ۽ قانون اجازت نه ٿو ڏئي هن چيو ته پرزائيڊنگ آفيسر جو ٺپو نه لڳائڻ جي ذميوار ن ليگ تي وجهڻ غلط آهي، اين اي 122 ۾ بغير ٺپن وارا ووٽ عمران خان جا گهڻا آهن، احسن اقبال جو چوڻ هو ته سمورن مدرسن جو احترام ڪريون ٿا 99 سيڪڙو مدرسا دين جي خدمت ڪري رهيا آهن اهو تاثر غلط آهي ته حڪومت مدرسن خلاف آپريشن ڪندي  آپريشن انتهاپسندي خلاف ٿيندو چاهي اها يونيورسٽي هجي يا مدرسو، وفاقي وزير پئٽرول بحران سبب عوام کي پيش ايندڙ مشڪلاتن تي ڏک جو اظهار ڪيو ۽ ان کي نظام جي ڪمزوري قرار ڏنو احسن اقبال چيو ته ڪوشش ڪنداسين ته ترقياتي بجيٽ تي ڪٽ نه لڳڻ ڏيون ملڪ ۾ تعليمي نصاب کي جديد بڻائڻ لاءِ ڪم شروع ڪيو ويو آهي.

 

نيپرا پاران ڪي اليڪٽرڪ تي هڪ ڪروڙ روپيا ڏنڊ

ڪراچي (اسٽاف رپورٽر) نيپرا ڪي اليڪٽر کي صارفين کان ميٽر رينٽ جي مد ۾ ورتل چارجز کي غير قانوني قرار ڏيندي ان تي هڪ ڪروڙ روپيا ڏنڊ وجهي ڇڏيو، نيپرا اختيارين مطابق ڪي اليڪٽرڪ طرفان ساڍا 7 روپيا في صارف ميٽر رينٽر وٺڻ غير قانوني آهي، ڪي اليڪٽرڪ کي ملٽي ٽيرف جاري ڪيو ويو هو جنهن جي تحت ڪمپني منظور ڪيل ٽيرف کان علاوه ڪنهن به مد ۾ صارفين کان اضافي پئسا وصول ڪرڻ جي مجاز ناهي، نيپرا طرفان ڪي اليڪٽرڪ کي هينئر تائين ورتل سمورو ميٽر رينٽ صارفين کي واپس ڪرڻ جو حڪم ڏيندي ان تي قاعدن جي ڀڃڪڙي ڪرڻ تي هڪ ڪروڙ روپين جو ڏنڊ به وڌو ويو.