تازيون خبرون

Daily Archives: December 25, 2014

ڪوئيٽا: پرنس روڊ لڳ ڌماڪو، 2 ڄڻا مارجي ويا، 36 زخمي

ڪوئيٽا(م.ڊ) ڪوئيٽا جي ڪاروباري علائقي پرنس روڊ جنگشن ويجهو ريمورٽ ڪنٽرول بم ڌماڪو، 2 ڄڻا مارجي ويا، 36 زخمي، 6 جي حالت ڳڻتي جوڳي، زخمين ۾ عورتون ٻارڙا به شامل، ڌماڪي وقت ماڻهو شاپنگ ڪري رهيا هئا، تفصيل موجب اربع جي رات ڪوئيٽا جي علائقي ۽ فوڊ پوائنٽ جي ايريا پرنس روڊ لڳ جنگشن/2
ويجهو اڻڄاتل ماڻهن موٽر سائيڪل ۾ ريمورٽ ڪنٽرول بم رکيو هو جنهن سان زوردار ڌماڪو ٿيو، اطلاعن موجب 7 دڪان، 6 موٽر سائيڪلون، گاڏيون ۽ ڀرپاسي جي فليٽن ۽ دڪانن جا شيشا ٽٽي پيا، ڌماڪو ان وقت ٿيو جڏهن صدر ممنون حسين گورنر هائوس ۾ گورنر بلوچستان محمد خان اچڪزئي پاران ڊنر ۾ شامل هو جنهن ۾ صوبائي وزير، اسيمبلي ميمبر ۽ قبائلي اڳواڻن سميت سول ۽ اعليٰ عملدار موجود هئا.

 

نيلم جهلم هائيڊرو پاورپروجيڪٽ جي نوسيري سائيٽ تي اڏاوت دوران ٿنڀو ڪري پيو، 9 پورهيت فوت

مظفر آباد (مانيٽرنگ ڊيسڪ) آزاد ڪشمير ۾ نيلم جهلم هائيڊرو پاور پروجيڪٽ جي نوسيري سائيٽ تي اڏاوت هيٺ ٿنڀو ڪرڻ جي نتيجي ۾ 9 پورهيت دٻجي فوت ٿي ويا، ذريعن موجب فوتي پورهيتن ۾ چيني شهري به شامل آهن. مظفر آباد ۾ نيلم جهلم هائيڊرو پاور پروجيڪٽ جي نوسيري سائيٽ تي اڏاوت هيٺ ٿنڀو ڪري پيو، جنهن جي نتيجي ۾ ڪيترائي پوهيت دٻجي ويا، جن مان 9 ڄڻن جا لاش ملبي هيٺان ڪڍيا ويا. انتظاميه موجب، اڏاوٽ هيٺ ٿنڀو ڪرڻ سبب 10 کان وڌيڪ پورهيت ملبي هيٺان دٻجي ويا هئا، جن مان 9 ڄڻن جا لاش ڪڍيا ويا، جڏهن ته وڌيڪ ڦاٿل پورهيت کي ٻاهر ڪڍڻ لاءِ ڪرين ذريعي ريسڪيو ڪم جاري آهي. ذيعن موجب، دٻجي فوت ٿيلن ۾ چيني شهري به شامل آهن.

 

5 قيدين کي ڦاهي تي عملدرآمد روڪڻ جون درخواستون رد، موت جي سزا جو فيصلو برقرار

لاهور (بيورو) لاهور هاءِ ڪورٽ 5 دهشتگردن جي ڦاهي خلاف داخل درخواستون خارج ڪري ڇڏيون. لاهور هاءِ ڪورٽ جي راولپنڊي بئنڇ جي جج جسٽس ارشد محمود تبسم گجرات ۾ فوجي ڪيمپ تي حملي ۽ واهه فيڪٽري ڌماڪي ۾ ملوث احسان عظيم، عمر نديم، آصف ادريس، ڪامران اسلم ۽ عامر يوسف جي وارثن جي درخواستن جي ٻڌڻي ڪئي. ٻڌڻيءَ دوران وفاق پاران ڊپٽي اٽارني جنرل ساجد الياس ڀٽي دليل ڏيندي چيو ته 5 ئي قيدين چناب پل تي حملو ڪيو هو، جنهن ۾ 7 فوجي شهيد ٿيا هئا.ڊپٽي اٽارني جنرل ، عدالت کي آگاهي ڏني ته 5 ئي قيدين کي موت جي سزا ٻڌائي وئي آهي جن تي عملدرآمد  ٿيڻ هو پر عدالت اسٽي آرڊر جاري ڪري ڇڏيو آهي. ڊپٽي اٽارني جنرل چيو ته قيدين کي اپيلن جو پورو حق ڏنو ويو هو پر سندن درخواستون رد ٿي چڪيون آهن، عدلت کي استدعا آهي ته قيدين جي ڦاهي تي عملدرآمد روڪڻ وارو حڪم معطل ڪ ڪيو وڃي. عدالت، درخواست تي دليل ٻڌڻ بعد فيصلو محفوظ ڪري ڇڏيو آهي، جيڪو بعد ۾ ٻڌايو ويو.  ڌرين جو موقف ٻڌڻ کانپوءِ عدالت ڦاهي جي سزا خلاف درخواستون خارج ڪري ڇڏيون. واضح رهي ته 5 ئي جواندارن کي 22 ڊسمبر تي لکپت جيل ۾ ڦاهي ڏيڻي هئي ۽ انهيءَ سلسلي ۾ سندن بليڪ وارنٽ به جاري ٿي چڪا هئا.

 

سموري دنيا ۾ سال 2014ع ٻارڙن لاءِ بدترين رهيو، 23 ڪروڙ ٻار متاثر ٿيا

نيويارڪ(م.د) گڏيل قومن جي اداري يونيسيف سال 2014 کي سڄي دنيا ۾ ٻارڙن جي لاءِ انتهائي بدترين سال قرار ڏئي ڇڏيو آهي، هلندڙ سال پُرتشدد واقعن ۾ 23 ڪروڙ ٻار متاثر ٿيا، جنهن جي تازه مثال پاڪستان ۾ پيش اچڻ وارو پشاور اسڪول جو سانحو آهي. ٻارن جي تعليم ۽ صحت جي لاءِ ڪم ڪندڙ گڏيل قومن جي اداري يونيسيف جي رپورٽ ۾ چيو وي آهي ته هن سال سڄي ۾ 23 ڪروڙ ٻار مسلح تصادم جو نشانو بڻيا، 2014 ۾ ٻارن جي معذوري، جنسي زيادتي، تشدد ۽ انتهائي بيدرديسان قتل ڪرڻ جا واقعا منظر عام تي آيا. اهڙو ئي دل لوڏيندڙ واقعو 16 ڊسمبر تي پاڪستان جي شهر پشاور ۾ به پيش آيو، جنهن سڄي دنيا کي لوڏي ڇڏيو، ان ڏينهن دهشتگردن پشاور جي هڪ اسڪول ۾ حملو ڪري 135 ٻارن کي شهيد ڪري ڇڏيو، جمهوريه وسطي آفريڪا، عراق، جنوبي سوڍان، شام، يوڪرين ۽ فلسطين ۾ 1 ڪروڙ 50 لک ٻار پُرتشدد جي واقعن جو نشانو بڻيا، يونيسيف جي مطابق 2 ڪروڙ 30 لک ٻار اهڙن علائقن ۾ رهندا آهن جتي بحران يا فساد جاري آهن، جڏهن ته گني، لائبيريا ۽ سيرا ليون جي ٻارن کي ايبولا وائرس جي خطرا آهي، وسطي جمهوري افريقا ۾ فرقه ورانه تشدد جي سبب ڪل آبادي جو پنجو حصو بي گهر ٿي ويا، جنهن ۾ 23 لک ٻار متاثر ٿيا. جڏهن ته 10 هزار مسلح گروپ جو حصو بڻجي ويا ۽ 430 ماريا ويا  يا معذور ٿي ويا،  فلسطين ۾ 538 ٻار مارجي ويا، جڏهن ته 3 هزار کان وڌيڪ زخمي ٿي ا، شام ۾ گهرو ويڙهه سبب 73 لک ٻار متاثر ٿيا آهن، ان طرح عراق ۾ 27 لک ٻار متاثر ٿيا، جن مان 700 ماري ويا يا معذور ٿيا، ڏکڻ سوڊان ۾ ساڍا ست لک ٻار بي گهر ٿيا، 600 کان وڌيڪ مارجي ويا، 200 کان وڌيڪ معذور ۽ 12 هزار هٿياربند گروپ ۾ شامل ڪيا ويا.

 

فلم ”پي ڪي” چئن ڏينهن ۾100 ڪروڙ کان وڌيڪ بزنس ڪري ورتو

ممبئي(شوبز نيوز)تازو رليز ٿيل بالي ووڊ فلم ”پي ڪي” چئن ڏينهن ۾100 ڪروڙ کان وڌيڪ جو بزنس ڪري ورتو. ڀارت جي سڌ سماءَ وارن ذريعن مطابق ”پي ڪي” جنهن جي مرڪزي ڪاسٽ ۾ عامر خان، انوشڪا شرما،بومن ايراني ۽ سوشانت سنگهه راجپوت شامل آهن،چئن ڏينهن ۾ 100 ڪروڙ کان وڌيڪ رقم ڪمائي آهي. هيل تائين ان فلم جو بزنيس 117 ڪروڙ رڪارڊ ڪيو ويو آهي. هوڏانهن انوشڪا شرما ٽوئيٽر تي پنهنجي پيغام ۾ چيو ته رڳو چئن ڏينهن ۾ فلم جي بزنس جي شرح ڏسي هوءَ جذباتي ٿي روئي ويٺي ته فلم جي سڄي عملي جي محنت رنگ لاٿو. مداحن فلم کي بي حد پسند ڪيو آهي. فلم جي سينيما گهرن ۾ شاندار نمائش جاري آهي.

 

فلم ”خاموشيان” 30 جنوري تي رليز ٿيندي

ممبئي(شوبز نيوز) بالي ووڊ فلمساز مهيش ڀٽ چيو آهي ته فلم ”خاموشيان“ جو گانو ”تو هر لمحه، سندس فلم ”عاشقي 2“ جي گاني”تم هي هو” سان ملندڙ جلندڙ آهي. پنهنجي تازي انٽرويو ۾ مهيش ڀٽ چيو آهي ته ماڻهن کي اهو گانو ٻڌي ساڳيو تاثر ملندو جيڪو ”تم هي هو“ ٻڌي مليو هو. فلم ”خاموشيان” جنهن جي مرڪزي ڪاسٽ ۾ گورميت چوڌري، علي افضل ۽ سپنا آهن. اها فلم 30 جنوري تي سينيما گهرن جي زينت بڻجندي.

 

پهريون ڀيرو ”ڊرٽي پوليٽڪس“ ۾ عورت جو مرڪزي ڪردار ادا ڪري رهي آهيان: مليڪا شيراوت

ممبئي(شوبز نيوز): بالي ووڊ ۾ پنهنجي گليمرس رول ۽ تڪراري بيانن سبب شهرت رکندڙ اداڪاره مليڪا شيراوت گذريل ٻن سالن کان اوچتو وڏي اسڪرين تان غائب رهي آهي پر هاڻ هوءَ نئين فلم ڊرٽي پوليٽڪس سان هڪ ڀيرو ٻيهر فلمي دنيا ۾ واپس اچي رهي آهي ۽ خاص ڳالهه آهي ته هوءَ ان نئين فلم ۾ مرڪزي ڪردار ادا ڪندي نظر ايندي جيڪا ڪنهن هيرو بجاءِ هڪ عورت جي مرڪزي ڪردار واري فلم آهي گذريل ڏينهن ان فلم جو ٽريلر جاري ڪيو ويو ان موقعي تي مليڪا شيراوت ان فلم ۾ ڪم ڪرڻ دوران پنهنجي جذبن ۽ بالي ووڊ ۾ کان پري رهڻ جو سبب به ٻڌايو مليڪا شيراوت ٻڌايو ته آئون ڊائريڪٽر ڪي سي بوڪادياجي جو شڪريو ادا ڪرڻ چاهينديس جنهن مون کي ان عورت جي مرڪزي والري فلم لاءِ چونڊيو عام طور تي مون ان طرح جو ڪردار ڪڏهن به ادا ناهي ڪيو ڇو ته مون کان هميشه گليمرس رول ئي ڪرايا ويندا آهن هي منهنجي زندگي ۾ ملڻ وارو واحد موقعو هو ۽ آئون پاڻ به اهڙي ئي ڪنهن فلم جي انتظار ۾ هيس.

 

چاڪليٽ گرل نمرت ڪور ”ايئر لفٽ” ۾ اڪشي ڪمار جي هيروئن بڻبي

ممبئي(شوبز نيوز) بالي ووڊ فلم ”لنچ باڪس“ مان مشهوري ماڻيندڙ اداڪاره نمرت ڪور پنهنجي نئين فلم ۾ اڪشي ڪمار جي هيروئن بڻبي. لنچ باڪس ۾ ديسي روپ ۾ نظر اچڻ بعد نمرت ڪور ڪيڊبري چاڪليٽ جي اشتهار ۾ ويسٽرن اسٽائل ۾ نظر آئي ۽ ان اشتهار کيس وڌيڪ مشهور ڪري ڇڏيو. نمرت ڪور ٻڌايو ته هوءَ فلم ”ايئر لفٽ“ ۾ اڪشي ڪمار سان نظر ايندي. نمرت مطابق ايئر لفٽ جي ڪهاڻي حقيقت جي زندگي جي واقعي تي ٻڌل آهي ۽ فلم جي شوٽنگ ابو ظهبي ۾ شروع ٿيندي

 

آءِ سي سي ورلڊڪپ ٽورنامينٽ 2015ع شروع ٿيڻ ۾ باقي 51 ڏينهن

دبئي (اسپورٽس نيوز)آءِ سي سي ورلڊڪپ ٽورنامينٽ 2015ع شروع ٿيڻ ۾ باقي 51 ڏينهن رهجي ويا آهن. ورلڊڪپ جو ميلو 14 فيبروري تي نيوزيلينڊ ۽ آسٽريليا ۾ گڏ لڳندو. ڀارت جي ٽيم ٽائيٽل جو دفاع ڪندي. ڀارت 2011ع ۾ منعقد ٿيل ميگا ايونٽ جي فائينل ۾ سريلنڪا کي شڪست ڏئي ٻيو ڀيرو عالمي چيمپئن بڻجڻ جو اعزاز حاصل ڪيو هو. ورلڊڪپ ڪائونٽ ڊائون جي 100 ڏينهن واري تقريب دبئي ۾ منعقد ٿي چڪي جنهن ۾ دفاعي چيمپيئن ڀارت، پاڪستان، آسٽريليا ۽ ٻين ٽيمن جي اڳواڻن سميت آءِ سي سي جي اهم شخصيتن شرڪت ڪئي. ايونٽ ۾ 14 ٽيمون ٽائيٽل حاصل ڪرڻ لاءِ ايڪشن ۾ نظر اينديون. انهن ٽيمن کي ٻن گروپن ۾ ورهايو ويو آهي. گروپ اي ۾ انگلينڊ، آسٽريليا، سريلنڪا، بنگلاديش، نيوزيلينڊ، افغانستان ۽ اسڪاٽ لينڊ جڏهن ته گروپ بي ۾ پاڪستان، دفاعي چيمپيئن ڀارت، ڏکڻ آفريڪا، ويسٽ انڊيز، زمبابوي، آئرلينڊ ۽ گڏيل عرب امارات شامل آهن. ورلڊڪپ جي شروعات 14 فيبروري تي گروپ اي جي ٽيمن سريلنڪا ۽ نيوزيلينڊ ۽ انگلينڊ ۽ آسٽريليا جي ٽيمن وچ ۾ افتتاحي ميچ سان ٿيندي. گروپ بي ۾ پاڪستان ۽ ڀارت پنهنجي سفر جي شروعات 15 فيبروري تي هڪ ٻئي خلاف ايڊيليڊ اول گرائونڊ ۾ ميچ سان ڪندا. ڏکڻ آفريڪا، پاڪستان ۽ سريلنڪا ٽائيٽل جي ڊوڙ لاءِ مضبوط اميدوار آهن.

 

ڏکڻ آفريقا ۽ ويسٽ انڊيز وچ ۾ ٻين ٽيسٽ (سڀاڻي) کان شروع ٿيندي

پورٽ الزبٿ (اسپورٽس نيوز)ڏکڻ آفريقا ۽ ويسٽ انڊيز جي ڪرڪيت ٽيمن وچ ۾ ٻئين ٽيسٽ (سڀاڻي) جمعي کان سينٽ جارج پارڪ، پورٽ الزبٿ ۾ شروع ٿيندي. ميزبان ٽيم ڏکڻ آفريقا کي ٽن ميچن جي سيريز ۾ 1.0 جي سرسي حاصل آهي. سينچورين ۾ کيڏيل پهرين ٽيسٽ ۾ پروٽيز ڪاري آنڌي کي اننگز ۽ 220 رنسن جي واضح مارجن تان شڪست ڏني. ٻنهي ٽيمن وچ ۾ سيريز جي ٽئين ۽ آخري ٽيسٽ 2 کان 6 جنوري تائين نيولينڊ، ڪيپ ٽائون ۾ کيڏي ويندي.