تازيون خبرون
افغانستان ۾ امن جي بحالي لاءِ هر ممڪن مدد ڪنداسين: وزيراعظم - زرداري ۽ شهباز شريف کي ڪجهه ڪرڻ جي ضرورت ناهي، عمران خان پاڻ ڪري رهيو آهي: خورشيد شاهه - آمريڪي مداخلت، آئي ايم ايف پاڪستان کان نئين کان اڳ پراڻي قرضن جا تفصيل گهري ورتا - نواز-زرداري سياست ختم، الله تعاليٰ وٽ دير آهي انڌير ناهي: فواد چوڌري - نواز شريف مريم لاءِ اين آر او ڳولي رهيو آهي، مارچ کان اڳ چورن ۽ ڦورن تي ٻهارو ڦري ويندو: شيخ رشيد - چيف جسٽس ميان ثقاب نثار جي ترڪ صدر طيب اردوان سان ملاقات، عوام جي وچ ۾ محبت ۽ گهري جذباتي لڳاءَ جو ذڪر به ڪيو - ڪئمرامين تي تشدد ڪندڙ گارڊ خلاف ڪارروائي ٿيندي، حرڪت گارڊ جي بدنامي منهنجي ٿي: نواز شريف - سنڌ سرڪار جو تاريخي فيصلو، پي اي ايف ۽ سنڌ حڪومت ايمبولينس سروس شروع ڪرڻ جي معاهدي تي صحيحون ڪري ڇڏيون - هڪ وک به مديني جهڙي رياست ڏانهن ناهي کنئي ويئي، بلوچستان کي ظالم سرڪار ۽ سردارن غريب رکيو آهي: سراج الحق - سياست جو بنارسي ٺڳ شيخ رشيد جمهوريت لاءِ ناسور آهي، نواز شريف جو مٿو چمڻ وارو اڄ عمران خان جا بوٽ چَٽي رهيو آهي: راڻا ثناءُ الله

Daily Archives: December 25, 2014

دهشتگردي جو علاج نه ڪيو ته تاريخ معاف نه ڪندي: وزير اعظم

اسلام آباد (بيورو) وزيراعظم محمد نوازشريف واضح ڪيو آهي ته دهشٽگردن جي خلاف جهڙا تهڙا نه پر سخت فيصلاڪرڻا پوندا ڪمزور قدم کنيا ويا ته قوم قبول نه ڪندي ڏوهارين کي سزا ملڻ تي ئي عوام مطمئن ٿيندو دهشتگردي ڪينسر جهڙِ بيماري آهي جنهن جو علاج نه ڪيو ته تاريخ اسان کي معاف نه ڪندي اسان کي پنهنجا خدشا گڏجي ختم ڪرڻا پوندا پاڪستان پنهنجي سرزمين تي دهشتگردي برداشت نه ڪندو شهرن ۾ به هڪ ضرب عضب ڪرڻ گهرجي افغان فورسز شدت پسندن جي خلاف ڪارروائي شروع ڪري ڇڏي آهي افغانستان جي نئين صدر جو رويو دهشٽگردي جي خلاف مثبت آهي اسان کي فائدو وٺڻ گهرجي اربع تي هتي وزيراعظم هائوس وزيراعظم جي سربراهي ۾ قومي پارليماني جماعتن جي اڳواڻن جو اجلاس ٿيو جنهن ۾ سمورن سياسي جماعتن جي نمائندن مشاهد حسين سيد رشيد گوڊيل عمران خان وزيراعليٰ خيبرپخ تونخواهه شيرين مزاري شاهه محمود قريشي ڊاڪٽر عارف علوي مولانا فضل الرحمان غلام احمد بلور افراسياب خٽڪ بابر غوري غفور حيدري احسن اقبال سعد رفيق آصف ڪرماني آزاد ڪشمير ۾ اپوزيشن ليڊر راجا فاروق حيدر سميت پاڪستاني فوج جو سربراهه جنرل راحيل شريف ۽ فوج جو ڳجهو ادارو آءِ ايس آءِ جو سربراهه ليفٽيننٽ جنرل رضوان اختر شريڪ ٿيا ذريعن موجب اسفنديارولي ۽ محمود خان اچڪزئي اجلاس ۾ شرڪت کان انڪار ڪندي پنهنجا نمائندا موڪليا اجلاس ۾ سمورن صوبن جي وڏن وزيرن کي به گهرايو ويو هو جڏهن ته سنڌ جي وڏي وزير قائم علي شآهه طبيعت خراب هئڻ سبب اجلاس ۾ شرڪت کان موڪل ورتي اجلاس کي شروعاتي خطاب ۾ وزيراعظم نوازشريف چيو ته اجلاس ۾ سمورن سياسي جماعتن جي اڳواڻن جي شرڪت تي ٿورائتو آهيان هن چيو ته پاڪستان جي غير معمولي صورتحال غير معمولي قدمن جي گهرج ڪري ٿي بيشمار ننڍين ننڍين تنظيمن رياست جي خلاف هٿيار کڻي ورتا آهن پشاور جو واقعو سڄي دنيا لاءِ هڪ الميو آهي ڪيستائين هي ماڻهو قوم جي ٻارڙن معصوم شهرين ۽ سيڪيورٽي ادارن جي اهلڪارن کي ماريندا رهندا ڏوهارين کي سزا ملڻ تي ئي قوم مطمئن ٿيندي اسان ڪمزور قدم کنيا ته قوم قبول نه ڪندي پاڪستان هن جنگ ۾ هن وقت تائين ڳري قيمت چڪائي آهي ان سان اسان جي معيست تي به ڪافي بار پيو آهي دهشتگردي ڪينسر جهڙي بيماري آهي جنهن جو علاج نه ڪيو ته تاريخ اسان کي معاف نه ڪندي اسان کي ان جي خلاف سخت فيصلا ڪرڻا پوندا جيڪي پاڪستان کي پاڙان ختم ڪرڻ چاهين ٿا جيڪي قوم جي معصوم ٻارڙن کي قتل ڪري رهيا آهن ڇو ته انهن جي دلين ۾ رحم نه پر پٿر آهي ان موقعي تي جهڙن تهڙن فيصلن جو ڪوئي فائدو نه آهي ان کان اڳ اسان ڪڏهن به فيصلائتي جنگ ناهي وڙهي جڏهن ته هاڻي اسان فيصلائتي جنگ شروع ڪئي آهي هن کان اڳ اسان ڳالهين جي ذريعي به معاملا حل ڪرڻ جي ڪوشش ڪئي ڪراچي ايئرپورٽ تي حملي کان پوءِ ضرب عضب جو فيصلو ٿيو ۽ ان سلسلي ۾ به پهريان مشاورت ڪئي ان آپريشن جون ڪارروايون نهايت مثبت رهيون آهن ضرب عضب نه صرف اتر وزيرستان ۾ جاري آهي پر ان سلسلي ۾ اسان افغان عملدارن سان به مسلسل رابطي ۾ آهيون وزيراعظم چيو ته اجلاس ۾ شامل سمورين جماعتن آڏو ملڪ جي موجوده صورتحال ۽ پشاور سانحي جو المناڪ واقعو آهي خدا نه ڪري اهڙي قسم جا ٻيا واقعا به ٿي سگهن ٿا جيڪڏهن اسان هن وقت صحيح فيصلو نه ڪيو ته ان جو بار ملڪ جي سمورن سياسي قيادت تي ايندو اسان کي پنهنجا خدشا گڏجي ويهي ختم ڪرڻا پوندا هڪ ضرب عضب اتر وزيرستان ۾ ٿي رهيو آهي ته ٻيو ضرب عضب انهن عنصرن جي خلاف به ٿيڻ گهرجي جيڪي ملڪ اندر ويهي وطن کي غير مستحڪم ڪري رهيا آهن ۽ دهشتگردن جهڙو سوچ جهڙا خيال رکن ٿا وزيراعظم چيو ته قوم جون نظرون پارليماني اڳواڻن جي اجلاس ۾ آهن اسان جيڪڏهن ڪمزور فيصلا ڪيا ته قوم مطمئن نه ٿيندي هن چيو ته پاڪستان دهشتگردي خلاف جنگ ۾ قربانيون ڏنيون وزيراعظم چيو ته پاڪستان پنهنجي سرزمين دهشتگردي برداشت نه ڪندو شهرن ۾ به هڪ ضرب عضب ڪرڻ گهرجي وزيراعظم چيو ته خوشي جي ڳالهه آهي جو پشاور جي سانحي تي سمورا اڳواڻ هڪ ئي صفحي تي آهن جهڙي طرح پشاور ۾ ٻارڙن کي ماريو ويو انساني تاريخ ۾ اهڙو مثال شايد ئي ملي.

 

چيف جسٽس پاران دهشتگردي ۽ عام ڪيسن کي الڳ الڳ ڪري ٻڌڻ جو فيصلو

اسلام آباد (بيورو) سپريم ڪورٽ جي چيف جسٽس جي صدارت هيٺ دهشتگردي جي خاتمي بابت اجلاس دوران دهشتگردي ۽ عام ڪيسن کي الڳ الڳ ڪري ٻڌڻ جو فيصلو ڪيو ويو، چيف جسٽس ناصر الملڪ چيو آهي ته دهشتگردي جي ڪيسن جي روزاني جي بنياد تي ٻڌڻي ڪئي وڃي. اسلام آباد ۾ سپريم ڪورٽ جي چيف جسٽس ناصر الملڪ جي صدارت هيٺ دهشتگردي جي خاتمي بابت اجلاس ٿيو، جنهن ۾ هاءِ ڪورٽس جي چيف جسٽس ۽ دهشتگردي جي خاتمي بابت عدالتن جي انچارج ججن شرڪت ڪئي. اجلاس کانپوءِ جاري ڪيل پڌرائي ۾ چيو ويو آهي ته اجلاس دوران سپريم ڪورٽ ۽ هاءِ ڪورٽس ۾ دهشتگردي جي خاتمي بابت اپيلن جي ترجيح نيادن تي ٻڌڻي ڪرڻ، دهشتگردي ۽ عام ڪيسن کي الڳ الڳ ڪري ٻڌڻ جو فيصلو ڪيو ويو،جنهن لاءِ هاءِ ڪورٽس جي چيف جسٽس کي فوري طور ڪيس الڳ ڪرڻ جي هدايت ڪئي وئي. پڌرائي موجب اجلاس دوران فيصلو ڪيو ويو ته دهشتگردي جي خاتمي بابت عدالتن کي محفوظ هنڌن تي منتقل ڪرڻ لاءِ قدم کنيا وڃن ۽ لا اينڊ جسٽس ڪميشن دهشتگردي جي خاتمي بابت قانون تي نظر ثاني ڪري. اجلاس دوران هدايت ڪئي وئي ته دهشتگردي جي خاتمي بابت ڪيسن جي حوالي سان نگران جج هر مهيني گڏجاڻي ڪن، جنهن جي ماهوار رپورٽ سپريم ڪورٽ کي اماڻي وڃي. اجلاس دوران ڳالهائيندي چيف جسٽس ناصر الملڪ چيو ته پشاور سانحي سبب هر شخص ۽ پوري قوم زخمي آهي، دهشتگردي جي ڪيسن جي روزاني جي بنياد تي ٻڌڻي ڪئي وڃي.

 

ماضي ۾ بلوچستان جي معاشي، اقتصادي اهميت تي ڌيان نه ڏنو ويو: ممنون حسين

ڪوئيٽا (م.د) ماضي ۾ بلوچستان جي معاشي ۽ اقتصادي اهميت تي ڌيان نه ڏنو ويو پر جمهوري حڪومت بلوچستان جي ترقي ۽ ان کي ملڪ جي ٻين صوبن جي برابر آڻڻ لاءِ سموريون ممڪن ڪوششون ڪري رهي آهي اها ڳالهه صدر ممنون حسين ڪوئيٽا ۾ گورنر بلوچستان محمد خان اچڪزئي سان ملاقات ۾ ڪئي ملاقات ۾ گوادر کان ڪاشغر معاشي راهداري جا منصوبا، معاشي راهداري جي منصوبي ۾ مرحيليوار روڊ ۽ ريل نيٽ ورڪ جي اڏاوت ۽ بلوچستان جي انتظامي ۽ ملڪ جي جملي سياسي صورتحال تي تفصيلي خيالن جي ڏي وٺ ٿي. هن چيو ته گوادر کان ڪاشغر تائين معاشي راهداري جي رٿا بلوچستان جي تعاون کان سواءِ ناممڪن آهي رٿا جي تعمير کان پوءِ معاشي راهداري جي مثبت اثرن کان بلوچستان جو عوام به سڌي طرح فائدو وٺندو گورنر بلوچستان محمد خان اچڪزئي بلوچستان جي ترقي لاءِ جمهوري حڪومت جون ڪوششون ساراهيندي صوبي جي انتظامي معاملن ۽ اهم معاملن تي پاڪستان جي صدر کي بريف ڪيو ملاقات ۾ گورنر بلوچستان جي وڏي ڀاءُ احمد خان اچڪزئي جي وفات تي مرحوم جي بلند درجن لاءِ فاتحه خواني ڪئي ويئي ان کان اڳ جڏهن صدر بلوچستان جي ٽن ڏينهن جي دوري تي ڪوئيٽا پهتو ته گورنر بلوچستان ۽ صوبائي وزيرن ۽ چونديل نمائندن صدر جو استقبال ڪيو ٽن ڏينهن جي دوري ۾ صدر ڪوئيٽا کان علاوه اڄ زيارت به ويندو.

 

دهشتگردي جي خاتمي لاءِ سخت قانون ۽ اثرائتي قدمن جي ضرورت آهي: آرمي چيف

اسلام آباد (بيورو) آرمي چيف جنرل راحيل شريف چيو آهي ته دهشتگردي جي خاتمي لاءِ سخت قانونن ۽ اثرائتي قدمن جي ضرورت آهي، آپريشن ضرب عضب دهشتگردي جي خاتمي تائين جاري رهندو، ايساف ڪمانڊر ۽ افغان جنرل دهشتگردي جي خاتمي لاءِ سهڪار جي خاطري ڪرائي آهي. وزيراعظم نواز شريف جي صدارت هيٺ پارلياماني اڳواڻن کي بريفنگ ڏيندي آرمي چيف جنرل راحيل شريف چيو ته پاڪ فوج دهشتگردن خلاف مختلف آپريشن شروع ڪيا آهن، آپريشن ضرب عضب ۽ خيبر ون ڪاميابي سان جاري آهن. آرمي چيف چيو ته آپريشن ضرب عضب ۾ هـِن وقت تائين 21 سئو دهشتگرد مارجي چڪا آهن، جڏهن ته هڪ سئو 90 کان وڌيڪ پاڪ فوج جا جوان پڻ شهيد ٿيا آهن. هن چيو ته آپريشن ضرب عضب ۾ بنا ڪنهن فرق جي ڪارروائي ڪئي پئي وڃي، دهشتگردي جي مڪمل خاتمي تائين آپريشن ضرب عضب جاري رهندو. آرمي چيف جنرل راحيل شريف وڌيڪ چيو ته دهشتگرد جي خاتمي لاءِ سخت قانونن ۽ اثرائتي قدمن جي به ضرورت آهي.  پاڪ فوج جي سربراهه ٻڌايو ته ايساف ڪمانڊر ۽ افغان آرمي چيف سان سندس ملاقات ڪاميابي رهي، ٻنهي ڪمانڊرز دهشتگردي خلاف جنگ ۾ پاڪستان سان هر ممڪن سهڪار جي خاطري ڪرائي آهي.

 

پي ٽي آءِ، (ق) ليگ، پيپلزپارٽي، قومي وطن پارٽي، دهشتگردي ڪيسن لاءِ فوجي عدالتون قائم ڪرڻ جي حمايت ڪري ڇڏي

اسلام آباد (بيورو) پاڪستان تحريڪ انصاف، مسلم ليگ (ق) پيپلزپارٽي، قومي وطن پارٽي دهستگردي جي ڪيسن جي ٻڌني لاءِ فوجي عدالتون قائم ڪرڻ جي حمايت ڪري ڇڏي اسلام آباد ۾ قومي پارليماني جماعتن جي اڳواڻن جي اجلاس ۾ عمران خان چيو ته دهشتگردي جي ٽوڙ لاءِ پوري قوم تيار آهي تحريڪ انصاف دهشتگردي جي لعنت مان نجات لاءِ ڀرپور ڪردار ادا ڪندي فوج ۽ قوم جون قربانيون ضرور رنگ لائينديون عمران خان چيو ته هو فوج جي نگراني ۾ خصوصي عدالتونقائم ڪرڻ جي حمايت ڪري ٿو جڏهن ته هي عدالتون هڪ مخصوص وقت لاءِ ئي قائم ٿيڻ گهرجن مسلم ليگ (ق) جي مشاهد حسين سيد به فوجي عدالت قائم ڪرڻ جي حمايت تي آمريڪا جو مثال ڏنو جتي پاڪستان جي ڀيٽ ۾ ڏوهه گهٽ آهن هن چيو ته آمريڪا دهشتگردي خلاف ڪاميابي حاصل ڪرڻ لاءِ هي ئي حڪمت عملي اختيار ڪئي فوجي عدالتون قائم ڪري دهستگردن کي فوري سزائون ڏنيون وڃن. وزيراعظم قدم وڌايو اسان اوهان سان گڏ آهيون هڪ خانگي ٽي وي موجب پيپلزپارٽي به فوجي عدالتون قائم ڪرڻ جي مشروط حمايت ڪئي آهي قومي وطن پارٽي جي اڳواڻ آفتاب احمد خان شيرپائو فوجي عدالتن جي حمايت ڪندي چيو ته مخصوص حالتون ۾ غير معمولي قدم وقت جي ضرورت آهي سياسي ۽ عسڪري قيادت دهشتگردي خلاف متحد ٿي وڙهڻ لاءِ تيار آهي.

 

پاڪ فوج هن وقت ريپڊ ريسپانس فورس تحت سڄي ملڪ ۾ موجود آهي: چوڌري نثار

اسلام آباد (بيورو) وفاقي گهرو وزير چوڌري نثار چيو آهي ته دهشتگردي هڪ رات ۾ ختم نٿي ٿي سگهي، دهشتگردي جي خاتمي لاءِ 10 هزار فوجي مختلف شهرن ۾ موجود آهن، دهشتگردي جي ڪارروائي تي ڪو به آواز ناهي اٿاريندوپر فوج ڪارروائي ڪندي آهي ته فوجين جو احتساب شروع ڪيو ويندو آهي. اسلام آباد ۾ پارلياماني اڳواڻن جي اجلاس کي بريفنگ ڏيندي وفاقي گهرو وزير چوڌري نثار چيو ته پاڪ فوج هن وقت ريپڊ ريسپانس فورس تحت سڄي ملڪ ۾  موجود آهي. هن چيو ته مختلف شهرن ۾ دهشتگردي جي خاتمي لاءِ 10 هزار فوجي موجود آهن پر رڳو وفاق ۽ پنجاب آرٽيڪل 245 تحت فوج جي مقرر هئڻ جي درخواست ڏني آهي،جيڪڏهن،سنڌ، پنجاب ۽ بلوچستان درخواست نه ڏني ته فوج دستا واپس گهرايا ويندا. وفاقي گهرو وزير چيو ته ميڊيا دهشتگردن کي بليڪ لسٽ ڪري ڇڏي، دهشتگردن جون ڌمڪيون ميڊيا تي بريڪنگ نيوز تي هلنديون آهن، اهو سلسلو بند ٿيڻ گهرجي. هن چيو ته گذريل 8 ڏينهن کان ميڊيا انتهائي ذميواري جو مظاهرو ڪيو آهي، اميد آهي ته اڳتي به ميڊيا پنهنجي ذميوارين کان آگاهه هوندو. چوڌري نثار جو چوڻ هو ته جن پارٽين تي پابندي لڳائي ويندي آهي، اهي ٻين نالن سان ڪم شروع ڪري ڇڏينديون آهن، پابندي مڙهيل تنظيمن کي متبادل نالن سان ڪم ڪرڻ جي اجازت نه ڏني ويندي. وفاقي گهرو وزير چيو ته انٽرنيٽ ذريعي دهشتگردي روڪڻ لاءِ قدم کنيا پيا وڃن، جڏهن ته سوشل ميڊيا تي به دهشتگردن جا پروموشن روڪڻ لاءِ طريقيڪار واضح ڪيو پيو وڃي. وفاقي گهرو وزير وڌيڪ چيو ته دهشتگردن جي رابطن کي معطل ڪرڻ تي اتفاق ٿيو آهي، هن وقت سول ۽ ملٽري سهڪار جي به ضرورت آهي، جيڪڏهن گڏجي قدم کنيا ويا ته فائدو ٿيندو. چوڌري نثار ٻڌايو ته غير قانوني سمون ۽ موبائيل بلاڪ ڪرڻ ڪرڻ ۾ کين عملي ڏکيائون پيش اچي رهيون آهن پر ان سلسلي ۾ به قدم کنيا پيا وڃن.

 

ايم ڪيو ايم مارش لا جو مطالبو ڪري ڇڏيو، آرمي چيف 2 سال ملڪ جو واڳون سنڀالي: الطاف حسين

ڪراچي (اسٽاف رپورٽر) لاله قلعه گرائونڊ ۾ هنگامي پريس ڪانفرنس ايم ڪيو ايم جي سربراهه الطاف حسين چيو آهي ته وزيراعظم جي صدارت ۾ ٿيندڙ اجلاس ۾ فوجي عدالتون بڻائڻ تي بحث ٿي رهيو آهي. غير جمهوي رستو اختيار ڪرڻو آهي ته بهتر ته پاڪستان ۾ مارشل لا جو اعلان ڪيو وڃي. ملڪ ۾ پهريان ئي 100 ڀيرا مارشل لا لڳي چڪي آهي هاڻي هڪ ڀيرو ٻيهر لڳائي وڃي. الطاف حسين چيو ته آرمي چيف جنرل راحيل شريف 2 سالن لاءِ پاڪستان جون واڳون سنڀالي. ملڪ ۾ اهڙي مارشل لا لڳائي جيڪڏهن مون به چوري ڪئي هجي ته هڪ هڪ پائي وصول ڪري. هن سوال ڪيو ته پاڪستان ۾ اهڙي ڪا پارٽي آهي جنهن پاڪستان کي نه ڦريو هجي؟ ايم ڪيو ايم جي سربراهه جو چوڻ هو ته دنيا ۾ جيترا به انقلاب آيا انهن ۾ فوجي جي آفيسرن ۽ سپاهين جو وڏو هٿ رهيو آهي. جيستائين سڄي قوم فوج جو ساٿ نه ڏيندي اُن وقت تائين پاڪستان کي دهشتگردي کان نٿو بچائي سگهجي.

 

صرف فوجداري ڪيسن جو ٽرائيل ملٽري ڪورٽس ۾ ممڪن آهي: اعتزازاحسن

اسلام آباد (مانيٽرنگ ڊيسڪ) پاڪستان پيپلزپارٽي جي سينيئر اڳواڻ اعتزازاحسن چيو آهي ته صرف فوجداري ڪيسن جو ٽرائيل ملٽري ڪورٽس ۾ ممڪن آهي سيڪشن ٽو ون ڊي تحت ڪنهن سول فوج جي خلاف ڪنهن قسم جي سازش ڪئي هجي تي ٽرائيل لاءِ انهن عدالتن ۾ کڻي وڃي سگهجي ٿو هڪ انٽرويو ۾ چوڌري اعتزازاحسن چيو ته فاٽا ۾ فوجي عدالتن جي قيام بابت انهن کي اڃا تائين آگاهه ناهي ڪيو ويو هن چيو ته لاهور ۽ سنڌ هاءِ ڪورٽ پاران قيدين جي موت جي سزا تي عملدرآمد روڪڻ جو بنيادي سبب هي آهي ته انهن جوابدارن جا ڪيس اڃا تائين التوا هيٺ آهن جڏهن ان کان اهو سوال ڪيو ويو ته عدالتن جو قيدين جي سزائن تي ورتل اسٽي آرڊر ۽ ان کي حڪومت پاران چئلينج ڪرڻ کي اوهان ڪيئن ڏسو ٿا ته هن چيو ته حڪومت کي هي حق حاصل آهي ۽ ٿي سگهي ٿو ته هو هي سمجههندي هجي ته ان قيدين کي اپيل ڪرڻ جو موقعو فراهم ڪيو ويو جڏهن ته غلط بياني کان ڪم ورتو ويو سپريم ڪورٽ بار ايسوسيئيشن جي اڳوڻي صدر چيو ته حڪومت جو هي موقف درست نه آهي ته دنيا ۾ ڪائي اهڙي عدالت ۽ قانون موجود نه آهي جو قيدي کي اپيل ڪرڻ جو حق نه ڏي لال مسجد جي خطيب مولانا عبدالعزيز پاران پشاور حملي جو جواز پيش ڪرڻ ۽ سول سوسائٽِ جي ماڻهن کي مظاهرو ڪرڻ تي ڌمڪيون ڏيڻ ۽ ان تي سياسي ردعمل تي ڳالهائيندي چوڌري اعتزازاحسن چيو ته هن وقت ضرورت ان ڳالهه جي آهي ته مسجد کي پاڪ ڪيو وڃي ڇو ته ڪنهن به عبادتگاهه کي ڪيرائڻ جائز عمل نه آهي ۽ نه ئي مسئلي جو حل آهي هڪ سوال جي جواب ۾ ڇا گذريل پنجن سالن ۾ مولانا عبدالعزيز جيڪڏهن اهڙي قسم جا بيان ڏنا ته ان کي ڇو منظرعام تي نه آندو ويو ته هن چيو ته ٿي سگهي ٿو ته ماضي ۾ به اهڙي قسم جا بيان آڏو آيا هجن ۽ جيڪڏهن ايئن آهي ته ان جي خلاف ايڪشن ٿيڻ گهرجي ها. هن چيو ته هو سمجهي ٿو ته اهڙي قسم جي بيانن جي روڪٿام لاءِ ڪنهن قانونسازي جي ضرورت نه آهي پر هڪ حڪومتي فيصلي جي ضرورت آهي.

 

پي سي بي چيئرمين جي گورنر سنڌ سان ملاقات، لاهور واقعي ڪرڪيٽ کي نقصان ڏنو: شهريار خان

ڪراچي (اسٽاف رپورٽر) گورنر سنڌ ڊاڪٽر عشرت العباد خان اڱاري ڏينهن پاڪستان ڪرڪيٽ بورڊ جي چيئرمين شهريار خان سان ملاقات ڪئي. شهريار خان گورنر سنڌ سان ڪرڪيٽ کي هٿي وٺائڻ ۽ عالمي ڪرڪيٽ ٽيمن جي پاڪستان جي دوري دوران فول پروف سيڪيورٽي متعلق تفصيلي ڳالهه ٻولهه ڪئي. چيئرمين پي سي بي چيو ته لاهور واري واقعي سان قومي ڪرڪيٽ کي سخت نقصان پهتو پر حڪومت جي قدمن سان هڪ ڀيرو وري انٽرنيشنل ڪرڪيٽ جا دروازا کلي ويا آهن. ڪيترين ئي انٽرنيشنل ڪرڪيٽ ٽيمون پاڪستان ۾ ميچون کيڏڻ جو اشارو ڏنو آهي. تازو ئي ڪينيا جي ڪرڪيٽ ٽيم به پنهنجو دورو مڪمل ڪري چڪي آهي. ڪرڪيٽ بورڊ جلد پاڪستان ۾ انٽرنيشنل ڪرڪيٽ ميچن لاءِ عالمي ٽيمن کي مدعو ڪندو. ان موقعي تي گورنر سنڌ پي سي بي چيئرمين جي خدمتن کي واکاڻيندي يقين ڏياريو ته ڪرڪيٽ کي هٿي وٺائڻ لاءِ حڪومت ڪرڪيٽ بورڊ سان مڪمل سهڪار جاري رکندي. هن چيو ته پاڪستان ۾ عالمي ڪرڪيٽ ميچون انتهائي اڻٽر آهن. ڪينيا جي ٽيم جو پاڪستان جو دورو سٺو سنئوڻ آهي. حڪومت انٽرنيشنل ٽيمن کي پاڪستان جي دوري دوران فول پروف سيڪيورٽي فراهم ڪندي.

 

پاڪستان دهشتگردي خلاف جنگ ۾ سڀ کان وڌيڪ متاثر ٿيو آهي: آمريڪا جو اعتراف

واشنگٽن (م.ڊ) امريڪا پشاور سانحي کانپوءِ پاڪستان کي هر ممڪن مدد فراهم ڪرڻ جي آڇ ڪندي چيو آهي ته ڦاهي جي سزا تي عمل  ڪرڻ پاڪستان جو پنهنجو معاملو آهي، دهشتگردي خلاف ويڙهه ۾ پاڪستان سان هر سطح تي  گڏ آهيون. واشنگٽن ۾ روزاني پريس بريفنگ ڏيندي امريڪي پرڏيهي وزارت جِي ترجمان ميري هارف چيو ته پاڪستان سان هر سطح تي ڳالهيون جاري آهن، ڦاهي جي سزا تي عملدرآمد پاڪستان جو گهرو معاملو آهي. ميري هارف چيو ته پاڪستان دهشتگردي خلاف جنگ ۾ سڀ کان وڌيڪ متاثر ٿيو آهي، ساڻن دهشتگردي خلاف هر سطح تي سهڪار ڪيو ويندو. هن چيو ته امريڪا پشاور سانحي کانپوءِ پاڪستان کي هر ممڪن مدد فراهم ڪرڻ جي آڇ ڪئي آهي. امريڪي پرڏيهي ترجمان چيو ته پاڪستان ممبئي حملن جي جوابدارن کي انجام تائين پهچائڻ جي خاطري ڪرائي آهي، ممبئي حملن ۾ ملوث ذڪِيءُ الرحمان لکوِي جي ضمانت تي ڳڻتي آهي.