تازيون خبرون

Daily Archives: December 18, 2014

پشاور واقعي جي ڏک ۾سڄي ملڪ ۾ڪاروبار بند، تعليمي ادارن ۾قرآن خوانيون

پشاور(م.ڊ) پشاور جي آرمي پبلڪ اسڪول۾ڪالهه ٿيل دهشتگردي جي واقعي سچي ملڪ کي لوڏي ڇڏيو آهي، ۽ سڄي پاڪستان جي هر گهر ۾ڏک جي لهر ڇانيل آهي، واقعي خلاف احتجاج طور سموري ملڪ جي واپاري برادري ۽ ٻين لاڳاپيل ادارن ڪاروبار کي بند ڪرڻ جو اعلان ڪيو هو، جنهن مطابق سڄي ملڪ ۾ڪاروباري ادارا ۽ مارڪيٽون بند آهن، خيبرپختونخواهه ۾سمورا تعليمي ادارا ۽ آفيسون بند آهن، جڏهن ته سنڌ،  پنجاب، بلوچستان ۾تعليمي ادارا کليل رهيا جتي پشاور جي شهيد ٿيل شاگردن جي ايصال ثواب لاءِ قرآن خواني ڪئي وئي. دهشتگردي جي انهي واقعي تي وڪيلن به سخت احتجاج ڪيو آهي، ۽ سڄي ملڪ ۾بار ڪائونسل جي اپيلن تي عدالتي ڪاررواين جو بائيڪاٽ ڪيو ويو.

 

پشاور حملو انسانيت تي حملو آهي: ڊي جي آءِ ايس پي آر

پشاور (بيورو) ڊي جي آءِ ايس پي آر جو ميجر جنرل عاصم باجوه چيو آهي ته پشاور وارو حملو انسانيت تي حملو ۽ اسلامي تعليمات خلاف آهي. آرمي پبلڪ اسڪول پشاور ۾ ميڊيا سان ڳالهائيندي ڊي جي آءِ ايس پي آر ميجر جنرل عاصم باجوه چيو ته پشاور سانحو قومي الميو آهي ۽ اِهو داغ سڄي زندگي ڌوپي نه سگهندو. ميجر جنرل عاصم باجوه چيو ته پشاور سانحي سبب ملڪي تاريخ جو اڄ ڪارو ڏينهن آهي. هن چيو ته 7 دهشتگرد اسڪول جي پوئين پاسي کان ڏاڪڻ رکي اسڪول اندر داخل ٿيا ۽ انهن انڌا ڌُنڌ فائرنگ ڪري گلن جهڙن ٻارڙن کي رت ۾ وهنجاريو ۽ انهي هاڃي سبب ئي اڄ هو اتي بيٺو آهي، جتي شاگردن کي هجڻ گهرجي ها.

 

وزيراعظم ڦاهيون ڏيڻ واري معاملي تي سعودي بادشاهه بڻجڻ جي ڪوشش نه ڪري: الطاف حسين

ڪراچي(م،ڊ) ايم ڪيو ايم سربراهه الطاف حسين چيو آهي ته وزيراعظم ڦاهيون ڏيڻ واري معاملي تي سعودي بادشاهه بڻجڻ جي ڪوشش نه ڪري، غلط فيصلا ڪيا ويا ته رائيونڊ محل کي ڦاهي گهاٽ بڻايو ويندو. ڪراچي ۾ ايم ڪيو ايم جي مرڪز نائين زيرو تي ٽيليفون ذريعي ڪارڪنن کي خطاب ڪندي الطاف حسين چيو ته نواز شريف ڦاهين واري معاملي تي سعودي بادشاهه بڻجڻ جي ڪوشش ڪري رهيو آهي. متحده سربراهه چيو ته وزيراعظم نواز شريف کي ياد رکڻ گهرجي ته ڪنهن دور ۾ کيس به موت جي سزا ٿي هئي. الطاف حسين چيو ته موت جي سزا جو عملدار آمد پهرين طالبان دهشتگردن کان ڪيو وڃي. ايم ڪيو ايم سربراهه ڌمڪي ڏني ته غلط فيصلا ڪيا ويا ته هو ڏيڍ سئو ڏينهن ڌرڻا هڻڻ وارا نه آهن، 100 ڪلاڪن اندر ڪم ڪري ويندا. پشاور سانحي بابت ڳالهائيندي الطاف حسين چيو ته پشاور ۾ معصوم ٻارڙن کي بيگناهه شهيد ڪيو ويو، جنهن تي سڄي ملڪ جو عوام سوڳ ۾ ورتل آهي. ايم ڪيو ايم سربراهه چيو ته ملڪ جي سياسي قيادت عوام ۾ شعور پيدا ڪري، ٻي صورت ۾ دهشتگردن کي هارائڻ ممڪن ناهي. الطاف حسين چيو ته طالبانائيزيشن بابت خدشا ظاهر ڪرڻ تي مٿس چٿرون ڪيون ويون، هاڻي حالتون سڀني جي سامهون آهن. متحده سربراهه چيو ته جن کي پارٽي ڇڏي ڀڄڻو آهي، اهي مهل سان ڀڄي وڃڻ، هو سازشن جو مقابلو ڪرڻ لاءِ تيار آهي. رابطا ڪميٽي بابت ڳالهائيندي الطاف حسين چيو ته نئين رابطا ڪميٽي روزانو ميٽنگ ڪري رهي آهي، پراڻي ڪميٽي وارا پنهنجي اوقات ڏسن…

 

پشاور حملو اتروزيرستان ۾ آپريشن جو جواب آهي: طالبان

پشاور (مانيٽرنگ ڊيسڪ) ملاله يوسفزئي تي حملو ڪندڙ ملا فضل الله جي گروپ پشاور جي اسڪول تي حملي جي ذميواري قبول ڪري ورتي خانگي ٽي وي موجب تحريڪ طالبان پاڪستان چيو آهي ته اتر وزيرستان ۾ آپريشن بندڪيو وڃي تحريڪ طالبان جو چوڻ آهي ته حملو اتروزيرستان ۾ آپريشن جو جواب آهي.

 

ماهره خان فلم ”رئيس“ ۾ اداڪار شاهه رُخ خان جي هيروئن بڻجندي

ممبئي(شوبز نيوز) پاڪستاني اداڪاره ماهره خان فلم”رئيس“ ۾ اداڪار شاهه رُخ خان جي هيروئن بڻجندي. ڀارتي سڌ سماءَ وارن ذريعن موجب پاڪستاني اداڪاره ماهر خان ”رئيس“ ۾ اداڪار شاهه رُخ خان جي هيروئن جو ڪردار ادا ڪندي. اداڪاره پاڪستاني ڊرامه ”هم سفر“ سبب ڀارت ۾ تمام گهڻي مقبول ٿي آهي جنهن سبب رتيش سڌواني ۽ فرحان اختر کيس فلم ”رئيس“ ۾ ڪاسٽ ڪري ورتو آهي. فلم جي هدايت راهول ڍولڪيا ڏئي رهي آهي. شاهه رخ خان فلم ۾ گينگيسٽر جو ڪردار ادا ڪري رهيو آهي جڏهن ته نواز الدين صديقي فلم ۾ پوليس آفيسر جو ڪردار ادا ڪري رهيو آهي. اميد ظاهر ڪئي پئي وڃي ته اداڪاري فلم لاءِ بهترين چونڊ ثابت ٿيندي. فلم جي شوٽنگ جي شروعات جلد ئي ڪئي ويندي.

 

فلم ”تيور“ تامل فلم ”اوڪادو“ جو ريميڪ ناهي: هدايتڪار اميت شرما

ممبئي(شوبز نيوز) بالي ووڊ هدايتڪار اميت شرما چيو آهي ته سندس فلم ”تيور“ تامل فلم ”اوڪادو“ جو ريميڪ ناهي. هدايتڪار پنهنجي تازي انٽرويو ۾ چيو ته هو مڃي ٿو ته سندس فلم ”تيور“ جي ڪهاڻي فلم اوڪاڊو مان ماخوذ آهي پر اها فلم جي هندي ريميڪ فلم ناهي. هن اسڪرپٽ ۾ ڪافي تبديلي پڻ ڪئي، کيس فلم ترتيب ڏيڻ ۾ 7 مهينن جو عرصو لڳو. هن لاءِ سڀني کان وڏو چئلينج منوج باجبائي کي فلم ۾ ڪرڻ لاءِ راضي ڪرڻ هو. هو خوش آهي ته منوج سندس خواهش جو احترام ڪري ڪيو ۽ فلم ۾ ڪم ڪرڻ تي راضي ٿيو. فلم جي هيروئن سوناڪشي آهي، هن ٻُڌايو ته سونا ڪشي فلم ۾ ڪردار جي مناسبت سان وزن گهٽايو آهي ۽ هاڻي هوءَ مڪمل فٽ آهي. فلم جي ٻي ڪاسٽ ۾ ارجن ڪپور شامل آهي. فلم جلدئي سئنيما گهرن ۾ نمائش لاءِ پيش ڪئي ويندي.

 

فلم ”اگلي“ 20 ڊسمبر تي رليز ٿيندي

ممبئي(شوبز نيوز) بالي ووڊ فلمساز انوراگ ڪشيپ جي فلم ”اگلي“ 20 ڊسمبر تي سئنيما گهرن ۾ نمائش لاءِ پيش ڪئي ويندي. اگلي جي اهمڪاسٽ ۾ راهول ڀٽ، رونيت راني، گريش ڪلڪرني، سدهانت ڪپور، تياسوني ڪولياپور ۽ ٻيا شامل آهن. انوراگ پنهنجي انٽرويو ۾ چيو ته عدالت فلم ”اگلي“ جي نمائش کي ان ڪري روڪي رکيو ڇو ته هن فلم ۾ سگريٽ ۽ شراب نوشي ڏيکاري وئي آهي، جيڪا فلم اسڪرپٽن جي ڊماند آهي. هن هڪ سال تائين عدالت ۾ ڪيس وڙهيو آهي، جنهن کانپوءِ ان کي فلم جي نمائش لاءِ اجازت ڏني وئي آهي. هن چيو ته هو ان معاملي کي ختم نٿو ڪري بلڪه سمجهوتو ڪري رهيو آهي.

 

ايشوريا بچن ”اي دل هي مشڪل“ منفرد روپ ۾ نظر ايندي

ممبئي(شوبز نيوز) بالي ووڊ اداڪاره ايشوريا راءِ بچن فلم ”اي دل هي مشڪل“ ۾ منفرد روپ ۾ نظر ايندي. ان ڳالهه جو انڪشاف اداڪاره انوشڪا شرما پنهنجي تازي انٽرويو ۾ ڪيو. هن ٻُڌايو ته فلم ساز ڪرن جوهر جي فلم ”اي دي هي مشڪل“ ۾ ايشوريا سان پهريون ڀيرو ڪم ڪندي. جنهن جي هن کي گهڻي خوشي آهي. ايشوريا جو فلم ۾ ڪردار مختلف آهي، ان لاءِ هوءَ هڪ منفرد روپ ۾ نظر ايندي.

 

لاڙڪاڻي ۾ جونيئر گيمز ٽو جي پڄاڻي، گيمز پشاور سانحي سان منسوب ڪرڻ جو اعلان

لاڙڪاڻو(اسورٽس نيوز) لاڙڪاڻي ۾ اولمپڪس اسپورٽس ڪاميٽي پاران منعقد ڪيل لاڙڪاڻو جونيئر گيمز ٽو پشاور سانحي سان منسوب ڪندي اختتامي تقريب منعقد ڪئي وئي. جنهن ۾ قومي ترانو وڄائي هڪ منٽ جي خاموشي اختيار ڪري معصوم شهيدن لاءِ دعا گهري وئي ۽ گلن رکيا ويا. تقريب جو مهمان خاص ڊي آءِ جي لاڙڪاڻو ڊاڪٽر سائين رکيو ميراڻي، ايس ايس پي لاڙڪاڻو ڪامران نواز هئا، تقريب انتهائي سادگي سان پڄاڻي تي پهتي، 23 مختلف اسڪولن جي ٻارڙن پنهجون ٽرافيون معصوم شهيدن جي نالي منسوب ڪرڻ جو اعلان ڪيو. تقريب جي آخر ۾ ڊي آءِ جي لاڙڪاڻو ڊاڪٽر سائين رکيو ميراڻي لاڙڪاڻو جونيئر گيمز جي ايٿليڪس پوزيشن حاصل ڪندڙ گلوبل سائنس ڪاليج جي ٽيم کي ڏني، جڏهن ته سمبارا اسڪول ٻي پوزيشن حاصل، بيڊمينٽن بوائز ايجوڪيٽرس اسڪول پهرين ۽ آئيڊيل اسڪول ٻي پوزيشن حاصل ڪئي. اهڙي طرح ڪرڪيٽ ۾ مڌر فائونڊيشن پهرين ۽ سٽي اسڪول ٻي، آرم ريسلنگ مڌر فائونڊيشن اسڪول پهرين ۽ نيو مشعل اسڪول ٻي، ٽگ آف وار ۾ گلوبل اسڪول پهرين، پبلڪ اسڪول ٻين، ونجهه وٽي راند ۾ پبلڪ اسڪول پهرين، سمبارا اسڪول ٻي، چيس ۾ پبلڪ اسڪول ۽ گلوبل اسڪول بي پوزيشن حاصل ڪئي. جڏهن ته ڇوڪرين ۾ ايٿليڪس ۾ سمبارا پهرين، گلوبل ٻي، ٽگ آف وار ۾ گلوبل پهرين، سمبارا ٻي، بيڊمينٽن سمبارا پهرين، پبلڪ اسڪول ٻين، ٿرو بال گلوبل اسڪول، پهرين، سمبارا اسڪول ٻي، ونجهه وٽي گلوبل اسڪول پهرين، سمبارا ٻي، مهندي ڊزائنگ ۾ گلوبل اسڪول پهرين، ايجوڪيٽرس ٻي پوزيشن حاصل ڪئي. راندين ۾ 23 مختلف اسڪولن جي 3 هزار کان وڌيڪ ٻارڙن راندين ۾ حصو ورتو ۽ رانديون 8 ڏينهن جاري رهيون، جنهن ۾ 8 سو کان وڌيڪ ميڊل، ٽرافيون ۽ سرٽيفڪيٽ ٻارن ۾ تقسيم ڪيا ويا. ان موقعي تي اولمپڪس اسپورٽس ڪاميٽي جي چيئرمين ايس اقبال بابو چيو ته پشاور سانحي جي ڪري هي تقريب انتهائي سادگي سان منعقد ڪئي وئي. آرگنائيزنگ ڪاميٽي پاران معصوم شهيدن کي خراج تحسين پيش ڪيون ٿا. ڊي آءِ جي لاڙڪاڻو ڊاڪٽر سائين رکيو ميراڻي چيو ته پشاور سانحو انتهائي اهم سانحو آهي، جنهن سان قوم جي دل کي ڇيهو رسيو آهي. اسان ان واقعي جي سخت لفظن ۾ ۾مذمت ڪيون ٿا. ايس ايس پي لاڙڪاڻو ڪامران نواز چيو ته دهشتگردي خلاف سڀني کي گڏ ڪم ڪرڻُ پوندو،

 

آءِ سي سي ون ڊي ڪرڪيٽ ورلڊ ڪپ 2015ع جو ڪائونٽ ڊائون شورع، 58 ڏينهن باقي

دبئي(اسورٽس نيوز) آءِ سي سي ون ڊي ورلڊ ڪپ 2015ع جو ڪائونٽ ڊائون شروع ٿي چڪو آهي. ميگا ايونٽ منعقد ٿيڻ ۾ 58 ڏينهن باقي رهجي ويا. ورلڊ ڪپ جو ميلو 15 فيبروري تي نيوزيلينڊ ۽ آسٽريليا ۾ لڳندو. ڀارتجي ٽيم ٽائيٽل جو دفاع ڪندي. ورلڊ ڪپ ڪائونٽ ڊائون جي 100 ڏينهن واري تقريب گذريل ڏينهن دبئي ۾ منعقد ٿي جنهن ۾ دفعاي چيمپئن ڀارت، پاڪستان، آستريليا ۽ ٻين ٽيمن جي اڳواڻن سميت آءِ سي سي جي اهم شخصيتن شرڪت ڪئي. ايونٽ ۾ سڄي دنيا مان 14 ٽيمون عالمي ٽائيٽل حاصل ڪرڻ لاءِ ايڪشن ۾ نظر اينديون، جن کي ٻن گروپن ۾ ورهايو ويو آهي.