تازيون خبرون

Daily Archives: December 4, 2014

چيف اليڪشن ڪمشنر جي مقرري، حڪومت ۽ اپوزيشن 3 نالن تي اتفاق ڪري ورتو

اسلام آباد (بيورو) حڪومت ۽ آپوزيشن اتفاق راءِ سان چيف اليڪشن ڪمشنر جي مقرري لاءِ ٽي نالا پارلياماني ڪميٽي کي موڪلي ڇڏيا، پارلياماني ڪميٽي (اڄ) خميس ڏينهن پنهنجي اجلاس ۾ نئين چيف اليڪشن ڪمشنر جي منظوري ڏيندي. اربع ڏينهن وزيراعظم نواز شريف جي هدايت تي ناڻي وزير اسحاق ڊار ۽ مخالف ڌُر جي اڳواڻ سيد خورشيد شاهه وچ ۾ تفصيلي ملاقات ٿي جنهن دوران ٻنهي اڳواڻن ٻين پارٽين کان علاوه تحريڪ انصاف کي به اعتماد ۾ ورتو، تحريڪ انصاف ويچار هيٺ ٽنهي اڳوڻن ججن مان ڪنهن جي نالي تي ڪو اعتراض نه ڪيو جنهن تي جسٽس (ر) رضا احمد خان، جسٽس (ر) طارق پرويز ۽ جسٽس (ر) تنوير احمد خان جا ٽي نالا پارلياماني ڪميٽي کي موڪلڻ تي اتفاق ڪيو ويو. ملاقات بعد پارليامينٽ هائوس ۾ گڏيل پريس ڪانفرنس کي خطاب ڪندي ناڻي وزير اسحاق ڊار ۽ سيد خورشيد شاهه چيو ته سپريم ڪورٽ طرفان 5 ڊسمبر جي ڊيڊ لائين ختم ٿيڻ کان پهريان ئي مشاورت جو عمل مڪمل ڪيو ويو آهي، اسحاق ڊار چيو ته وزيراعظم لنڊن روانگي کان پهريان کيس ان حوالي سان تمام اختيار ڏئي ويو هو ۽ حڪومت جي اها خواهش هئي ته ٽي نالا اتفاق راءِ سان پارلياماني ڪميٽي کي موڪليا وڃن ڇوته ماضي ۾ نگران وزيراعظم جي مقرري لاءِ ٽي ٽي نالا ڪميٽي کي موڪليا ويا هئا. هن چيو ته مخالف ڌُر جي اڳواڻ ۽ قائد ايوان طرفان اسپيڪر کي باضابطا طور تي ٽئي نالا موڪليا ويا آهن ۽ پارلياماني ڪميٽي جو اجلاس (اڄ) خميس ڏينهن گهرايو ويو آهي. سيد خورشيد شاهه چيو ته ملڪي تاريخ ۾ پهريون ڀيرو چيف اليڪشن ڪمشنر جي مقرري لاءِ ڊگهي مشاورت ٿي، حڪومت پنهنجي ۽ آپوزيشن پنهنجي اتحادين کي اعتماد ۾ ورتو آهي. هن چيو ته ڪجهه عرصو اڳ ڪجهه نالا شارٽ لسٽ ڪيا ويا هئا پر هڪ پارٽي طرفان اعتراض اچڻ بعد اهو سلسلو ڪٽيو ويو هو ۽ هاڻ سپريم ڪورٽ جي هدايتن جي روشني ۾ اسان اهو عمل مڪمل ڪيو آهي، خورشيد شاهه ٻڌايو ته جيڪي ٽي نالا چيف اليڪشن ڪمشنر جي مقرري لاءِ پارلياماني ڪميٽي کي موڪليا ويا آهن انهن ۾ وفاقي شرعي عدالت جو چيف جسٽس جسٽس (ر) سردار محمد رضا، جسٽس (ر) طارق پرويز ۽ جسٽس (ر) تنوير احمد خان شامل آهن. خورشيد شاهه ٻڌايو ته هن تحريڪ انصاف جي وائيس چيئرمين شاهه محمود قريشي سان رابطو ڪيو آهي ۽ کيس ٽنهي نالن تي اعتماد ۾ ورتو آهي ۽ شاهه محمود قريشي انهن ٽنهي مان ڪنهن نالي تي ڪو اعتراض ناهي ڪيو. هن ٻڌايو ته ايم ڪيو ايم جي ڊاڪٽر فاروق ستار، جماعت اسلامي جي امير سراج الحق، محمود خان اچڪزئي، اسفنديارولي، مير حاصل خان بزنجو، جي يو آءِ جي مولانا عبدالغفور حيدري، آفتاب شيرپائو سميت ٻين پارٽين سان رابطا ڪيا ويا آهن، هن چيو ته 8 1 هين ترميم کان پهريان چيف اليڪشن ڪمشنر جي مقرري جو اختيار صرف حڪومت وٽ هوندو هو ۽ اهو اختيار پارليامينٽ کي ڏنو ويو آهي. هڪ سوال تي خورشيد شاهه چيو ته آئين ۾ واضح طور تي لکيل آهي ته چيف اليڪشن ڪمشنر جي مقرري لاءِ قائد ايوان ۽ مخالف ڌُر جي اڳواڻ ۾ مشاورت ٿيڻ گهرجي ان ۾ ٻين پارٽين جو ڪو ذڪر نه آهي پر اسان اخلاقي روايتون پوريون ڪندي ٻين پارٽين سان رابطا ڪيا آهن، جڏهن اسحاق ڊار ۽ خورشيد شاهه کان اهو سوال ڪيو ويو ته ان ڳالهه جي ڪهڙي گارنٽي آهي ته عمران خان ٻيهر ڪنٽينر تي بيهي انهن معزز جج سڳورن کي تنقيد جو نشانو نه بڻائيندو ۽ ڇا پي ٽي آءِ کان ڪو اسٽيمپ پيپر لکرايو ويو آهي ته هنن چيو ته براه مهرباني اوهان اهڙا سوال نه ڪريو اسان کي اميد آهي ته جيڪا اسان جي ڳالهه شاهه محمود قريشي سان ٿي آهي اهي ان کان پوئتي نه هٽندا، اسحاق ڊار چيو ته نه صرف خورشيد شاهه پر منهنجي به شاهه محمود قريشي سان انهن ٽنهي نالن تي مشاورت ٿي آهي ۽ اسان آئين تي عمل ڪيو آهي، مولانا عبدالغفور حيدري سان رابطو ڪيو. هڪ سوال تي هن چيو ته انتخابي سڌاري جي ڪميٽي پنهنجا ڪم ڪري رهي آهي، هن وقت آئين ۾ اهو لکيل آهي ته سپريم ڪورٽ جو ريٽائرڊ جج ئي چيف اليڪشن ڪمشنر بڻجي سگهي ٿو پرپوءِ خورشيد شاهه هڪ تجويز ڏني هئي ته ججن کان علاوه ريٽائرڊ بيوروڪريٽس کي به چيف اليڪشن ڪمشنر بڻايو وڃڻ گهرجي پر اڃا تائين آئين ۾ اهڙي ڪا ترميم ناهي آندي وئي. هڪ ٻئي سوال تي هن چيو ته هاڻ اسان معاملو ڪميٽي کي موڪلي ڇڏيو آهي پارلياماني ڪميٽي جو اهو ڪم آهي ته اها جنهن جي حق ۾ به فيصلو ڪندي اميد آهي اهو معزز شخص ان ذميداري کي سهڻي طريقي سان ادا ڪندو ۽ ڪو مسئلو پيدا نه ٿيندو.

 

چيف اليڪشن ڪمشنر جي مقرري: اسپيڪر قومي اسيمبلي ۽ سينيٽ چيئرمين جي مشاورت، 3 1 رڪني ڪميٽي قائم

اسلام آباد (بيورو) چيف اليڪشن ڪمشنر جي مقرري لاءِ قومي اسيمبلي اسپيڪر ۽ سينيٽ چيئرمين نيئر بخاري سان مشاورت بعد 3 1 رڪني پارلياماني ڪميٽي جوڙي وئي، ڪميٽي جو نئين چيف اليڪشن ڪمشنر جي مقرري لاءِ اجلاس (اڄ) خميس ڏينهن 1 1 وڳي ڪميٽي چيئرمين سينيٽر رفيق رجوانه جي سربراهي ۾ پارليامينٽ هائوس ۾ ٿيندو جنهن ۾ وزيراعظم ۽ مخالف ڌُر جي اڳواڻ طرفان چيف اليڪشن ڪمشنر جي مقرري لاءِ موڪليل ٽن نالن جسٽس (ر) رضا احمد خان، جسٽس(ر) طارق پرويز ۽ جسٽس (ر) تنوير احمد خان مان هڪ جي منظوري ڏني ويندي. تفصيل موجب پارلياماني ڪميٽي ۾ سينيٽر رفيق رجوانه چيئرمين ن ليگ، سينيٽر سردار يعقوب ناصر ن ليگ، سينيٽر اسلام الدين شيخ پيپلزپارٽي، سينيٽر حاجي محمد عديل اي اين پي، قومي اسيمبلي ميمبر ارشد لغاري ن ليگ، ڊاڪٽر درشن ن ليگ، جنيد چوڌري ن ليگ، ڪيپٽن (ر) محمد صفدر ن ليگ، شازيه مري پيپلزپارٽي، اياز سومرو پيپلزپارٽي، ڊاڪٽر فاروق ستار ايم ڪيو ايم ۽ شهريار آفريدي پاڪستان تحريڪ انصاف شامل آهن. ڪميٽي جي قيام جو نوٽيفڪيشن اسيمبلي سيڪريٽريٽ جاري ڪري ڇڏيو آهي ۽ اسپيڪر کي موڪليل خط جي ڪاپي به ڪميٽي جي چيئرمين رفيق رجوانه کي ملتان ۾ فيڪس ڪئي وئي آهي ۽ ڪميٽي جي تمام ميمبرن کي سڀاڻي صبح 1 1 وڳي پارليامينٽ هائوس ۾ پهچڻ جي هدايت ڪئي وئي آهي، جڏهن ته شاهه محمود قريشي عمران خان سان مشاورت بعد شهريار آفريدي کي ڪميٽي جي اجلاس ۾ شرڪت ڪرڻ يا نه ڪرڻ جو فيصلو ڪندو.

 

ايم ڪيو ايم جا الزام رد، سموريون ڀرتيون ميرٽ تي پيون ٿين : شرجيل ميمڻ

ڪراچي (اسٽاف رپورٽر ) سنڌ جي اطلاعات ۽ بلديات واري وزير شرجيل انعام ميمڻ چيو آهي ته پوليس کاتي سميت صوبي جي سمورن ادارن ۾ ڀرتيون ميرٽ جي بنياد تي ڪيون پيون وڃن ۽ ان ۾ ڪنهن به قسم جي سياسي يا سفارشي ڪلچر جي ڪا به گنجائش ناهي. وزيراعليٰ سنڌ سيد قائم علي شاهه صوبي جي سمورن معاملن کي بهتر طريقي سان هلائي رهيو آهي. ايم ڪيو ايم جي اڳواڻ وسيم اختر پاران سنڌ حڪومت تي لڳايل سمورا الزام هٿ ٺوڪيا ۽ بي بنياد آهن ۽ اسان انهن سمورن الزامن کي رد ڪريون ٿا. اربع ڏينهن وسيم اختر پاران ميڊيا جي ذريعي سنڌ حڪومت تي لڳايل الزامن جي موٽ ۾ جاري ڪيل پنهنجي هڪ بيان ۾ شرجيل انعام ميمڻ چيو ته ميرٽ جو صفايو ته صدر مشرف جي دور ۾ ڪيو ويو هو ۽ ان ئي دور ۾ ڀرتين  ۾ سفارشي ۽ سياسي ڪلچر کي فروغ ڏنو ويو.  هن چيو ته مشرف دور ۾ نه فقط ميرٽ کانسواءِ وڏي انگ ۾ ڀرتيون ڪيون ويون پر وڏي پيماني تي ترقيون ڏنيون ويون جنهن جا نتيجا اسان اڄ ڀوڳي رهيا آهيون. شرجيل انعام ميمڻ وسيم اختر پاران لڳايل الزامن کي هٿ ٺوڪيو، ڪوڙ تي ٻڌل ۽ بي بنياد قرار ڏيندي چيو آهي ته وزير اعلي سنڌ سيد قائم علي شاهه هن وقت صوبي جا سمورا معاملا ۽ خاص طور سمورن ادارن ۾ ميرٽ تي ڀرتين سميت ٻين معاملن جي سخت نگراني ڪري رهيو آهي ۽ هو صوبي جي سمورن اشوز کي افهام و تفهيم ۽ بردباري سان حل ڪرڻ ۾ ڪوشان آهي.

 

سنڌ ۾ ميرٽ جو قتل ٿي رهيو آهي: وسيم اختر جو الزام

ڪراچي (اسٽاف رپورٽر ) ايم ڪيو ايم جي اڳواڻ وسيم اختر جو چوڻ آهي ته سنڌ ۾ ميرٽ جو قتل عام ٿي رهيو آهي ميرٽ جي نالي تي عوام کي بيوقوف بڻايو پيو وڃي ڪراچي ۾ ايم ڪيو ايم جي مرڪز نائن زيرو تي پريس ڪانفرنس ڪندي متحده قومي موومينٽ جي اڳواڻ وسيم اختر جو چوڻ هو ته سنڌ ۾ ميرٽ جي نالي تي 98 سيڪڙو عوام کي بيوقوف بڻايو پيو وڃي سنڌ ۾ سياسي بنيادن تي ڀرتيون ڪيون پيون وڃن جڏهن ته صوبي جو چيف ايگزيڪيوٽو ميرٽ جو راڳ ڳائيندو رهي ٿو هن جو چوڻ هو ته پوليس ۾ ڀرتي لاءِ ٽيسٽ ۽ انٽرويو پاس ڪندڙ 76 ڄڻا ان ڪري گرفتار ڪيا وڃن ٿا ته هو پنهنجي نوڪري جي ليٽر بابت پڇن ٿا، سنڌ جي وڏي وزير کان پڇيو وڃِ ته ڪهڙي صوبي جا فرض ادا ڪري رهيو آهي سنڌ ۾ بيڊ گورننس جون سموروين حدون پار ٿي چڪيون آهن.

 

نشاني بازي جي صلاحيت وڌائڻ لاءِ نئون نظام متعارف ڪرايو: آرمي چيف

جهلم (م.د) پاڪستان آرمي جي نشاني بازي جو ساليانو مقابلو ختم ٿي ويو، آرمي چيف جنرل راحيل شريف جوانن جي نشاني بازي جي صلاحيت تي مڪمل اطمينان جو اظهار ڪيو آءِ ايس پي آر مطابق پاڪ آرمي جو نشاني بازي جو ساليانو مقابلو جهلم ويجهو آرمي فائرنگ رينج ۾ 2 هفتن تائين جاري رهيو، آرمي چيف جنرل راحيل شريف فائرنگ رينج جهلم ۾ نشاني بازي جي مقابلن جو معائنو ڪيو جوانن رائيفل، لائيٽ مشين گن سان رائنگ ۾ پنهنجي مهارت جو مظاهرو ڪيو آرمي چيف جوانن جي نشاني بازي جي اعليٰ معيارکي ساراهيو. ان موقعي تي آرمي چيف چيو ته پيشيوراڻن معاملن ۾ مهارت لاءِ هر جوان کي تربيتي عمل مان گذرڻو آهي جوانن جي نشاني بازي جي صلاحيت وڌائڻ لاءِ نئون نظام متعارف ڪرايو ويو آهي آرمي چيف جوانن ۾ ٽرافيون ۽ ميڊل ورهايا مقابلن ۾ ملتان ڪور مجموعي طور تي 2014ع تي ٽرافي حاصل ڪئي.

 

نام نهاد قوم پرست لاشن تي سياست ڪري رهيا آهن: ترجمان سنڌ حڪومت وزير اعليِٰ سنڌ

ڪراچي (اسٽاف رپورٽر ) وزير اعليٰ سنڌ سيد قائم علي شاهه جي ترجمان چيو آهي ته نام نهاد قوم پرست اڳواڻ هاڻي لاشن تي سياست ڪرڻ جيڪوشش ڪري رهيا آهن. جڏهن ته وزير اعليٰ سنڌ سيد قائم علي شاهه پهريان ئي فهيم ڀٽو، سرويچ پيرزادو، واجد لاشاري ۽ وحيد لانگاهه جا لاش برآمد ٿيڻ تي آئي جي سنڌ کي انڪوائري جو حڪم ڏئي ڇڏيو آهي. ترجمان وزير اعليٰ سنڌ وڌيڪ چيو ته پيپلزپارٽي سنڌ جي عوام جي بهتر خدمت ڪري رهي آهي، اهو ئي سبب آهي جو سنڌ جا ماڻهو پيپلزپارٽي کي منتخب ڪن ٿا.

 

اتر وزيرستان ۾ پاڪ فضائيه جي بمباري، 2 اهم ڪمانڊرن سميت 15 دهشتگرد مارجي ويا

اتر وزيرستان(م.ڊ) پاڪ فضائيه جي اتر وزيرستان ۾ بمباري جي نتيجي ۾ دهشتگردن جي ٻن اهم ڪمانڊرن سميت 15 دهشتگرد مارجي ويا آءِ ايس پي آر مطابق پاڪ فضائيه اتر وزيرستان ۾ دهشتگردن جي ڪيترن ئي ٺڪاڻن کي نشانو بڻايو جنهن جي نتيجي ۾ 15 دهشتگرد مارجي ويا ذريعن مطابق حملي ۾ مارجي ويلن مان دهشتگردن جا 2 اهم ڪمانڊر به شامل آهن جيڪي هاءِ ويليو ٽارگيٽ هئا ۽ اتروزيرستان ۾ لڪيل هئا، پاڪ فضائيه طرفان گذريل ڏينهن به دهشتگردن جي ٺڪاڻن کي نشانو بڻايو ويو هو جنهن دوران 17 دهشتگرد مارجي ويا هئا ياد رهي ته پاڪ فوج طرفان اتر وزيرستان ۾ دهشتگردن جي خلاف 15 جون کان آپريشن ضرب عضب جاري آهي جنهن دوران 1500 کان وڌيڪ دهشتگردن کي ختم ڪيو ويو آهي.

 

مني لانڊرنگ ڪيس: الطاف حسين جي ضمانت ۾ 14 اپريل تائين واڌ

لنڊن(م.ڊ) اسڪاٽ لينڊ يارڊ پوليس مني لانڊرنگ ڪيس ۾ متحده قومي موومينٽ جي قائد الطاف حسين جي ضمانت ۾ 14 اپريل 2015ع تائين واڌ ڪري ڇڏي آهي ايم ڪيو ايم جي اعلامئي مطابق اسڪاٽ لينڊ يارڊ مني لانڊرنگڪيس ۾ ايم ڪيو ايم جي قائد الطاف حسين جي ضمانت ۾ هڪ ڀيرو ٻيهر 14 اپريل 2015ع تائين واڌ ڪري ڇڏي آهي، ان حوالي سان لاڳاپيل اختيارين الطاف حسين کي تحيريري طور تي آگاهه ڪري ڇڏيو آهي، ياد رهي ته اسڪاٽ لينڊ يارڊ گذريل سال جون ۾ الطاف حسين کي مني لانڊرنگ ۾ پوليس اسٽيشن طلب ڪيو هو جڏهن ته ان کانپوءِ ان کي ضمانت تي آزاد ڪيو ويو هو ان کانپوءِ ان جي ضمانت ۾ واڌ ڪئي وئي هئي.

 

چونڊ ڌانڌلي تي جوڊيشل ڪميشن جوڙڻ سان مسئلو حل ٿي سگهي ٿو: سراج الحق

اسلام آباد(بيورو) جماعت اسلامي جي امير سراج الحق بني گالا اسلام آباد ۾ تحريڪ انصاف جي سربراهه عمران خان سان ملاقات ڪئي ملاقات کانپوءِ ميڊيا سان ڳالهائيندي هن جو چوڻ هو ته جيڪڏهن حڪومت چونڊ ڌانڌلي جي معاملي تي عدالتي ڪميشن بڻائڻ لاءِ تيار ٿئي ٿي ته مسئلو حل ٿي سگهي ٿو سراج الحق جو چوڻ هو ته چيف اليڪشن ڪمشنر جي مقرري بابت اسحاق ڊار، خورشيد شاهه ڳالهيون ڪيون هيون اليڪشن جي موجوده سسٽم ۾ پارٽي ۽ پارٽي جا ليڊر اغوا ٿين ٿا،هن چيو ته حڪومت ڳالهين جي ميز تي نه آئي، پي ٽي آءِ کي ڪيئن چئون ته اعلان واپس وٺن اسان سچي نيت سان ڳالهيون ڪري رهيا آهيون جلسا ته حڪومت به ڪري رهي آهي.

 

8 1 آگسٽ تي اسحاق ڊار دعويٰ ڪئي هئي ته 0 8 1 ملين بيلٽ پيپرز ڇاپيا ويا آهن: عمران خان

اسلام آباد (بيورو) تحريڪ انصاف جي چيئرمين عمران خان اليڪشن ڪميشن آف پاڪستانطرفان وڌيڪ بيلٽ پيپرز جي ڇپائي وارو معاملو دٻائڻ جي ڪوششن جي سخت مذمت ڪندي چيو آهي ته 8 1 آگسٽ تي ناڻي وزير اسحاق ڊار اليڪشن ڪميشن جي سيڪريٽري اشتياق احمد خان جي موجودگي ۾ دعويٰ ڪئي هئي ته 0 8 1 ملين بيلٽ پيپرز ڇاپيا ويا آهن، تحريڪ انصاف 8 2 نومبر جي پريس ڪانفرنس ۾ اٽڪل 3 5 لک ڇاپيل وڌيڪ بيلٽ پيپرز جي حوالي سان تفصيل قوم سامهون پيش ڪري ڇڏي هئي، اليڪشن ڪميشن ان ڏينهن ميڊيا کي ٻڌايو ته 8 لک کان وڌيڪ بيلٽ پيپرز ڇاپيا ويا، ان جي ابتڙ پهرين ڊسمبر تي اليڪشن ڪميشن پاڻ 3 9 لک کان وڌيڪ بيلٽ پيپرز ڇاپڻ جو اعتراف ڪيو، ملڪ ۾ آزاداڻا ۽ شفاف جاچ ممڪن بڻائڻ لاءِ اليڪشن ڪميشن جا ميمبر تڪڙا مستعفي ٿي وڃن. جاري پنهنجي بيان ۾ عمران خان وڌيڪ چيو ته اليڪشن ڪميشن جهڙو قومي ادارو جنهن تي عوام جي ٽيڪسن مان اربين رپيا خرچ ڪيا وڃن ٿا اهو پنهنجي ڪوتاهين ۽ بي ضابطگين تي پردو وجهڻ جي سياسي ڪوششن ۾ رُڌل آهي. 8 2 نومبر تي ميڊيا جي روبرو پيش ڪيل حقيقتن جو حوالو ڏيندي تحريڪ انصاف جي چيئرمين جو چوڻ آهي ته وٽس اليڪشن ڪميشن طرفان ڪيل بي قاعدگين ۽ بي ضابطگين جي حوالي سان نهايت اهم معلومات موجود آهي، جنهن کي 3 1 0 2 ع جي چونڊن ۾ ڪئي ويل ڌانڌلي جي جاچ لاءِ جوڙيل عدالتي ڪميشن جي روبرو به پيش ڪيو ويندو. پنهنجي بيان ۾ تحريڪ انصاف چيئرمين بيلٽ پيپرز جي ڇپائي متعلق تمام ريڪارڊ محفوظ بڻائڻ جو به مطالبو ڪيو ۽ چيو ته جيتوڻيڪ اليڪشن ڪميشن آف پاڪستان ان معاملي ۾ ڌُر آهي، جيتوڻيڪ ڇاپي خانن ۽ اليڪشن ڪميشن جي قبضي ۾ موجود ريڪارڊ ڪڍرائي محفوظ بڻايو وڃي ته جيئن ان ۾ ردوبدل نه ڪري سگهجي. ان سان ان جو وڌيڪ چوڻ هو ته جن تڪن تائين ان کان وڌيڪ بيلٽ پيپرز جي ترسيل ڪئي وئي ان جو ريڪارڊ به منظرعام تي آندو وڃي ۽ اسان جي اطلاعن موجب هڪ تڪ لاءِ 9 6 جڏهن ته ٻئي لاءِ 0 0 0 8 1 بيلٽ پيپرز جاري ڪيا ويا. پنهنجي بيان ۾ تحريڪ انصاف چيئرمين آزاداڻا ۽ شفاف جاچ ممڪن بڻائڻ لاءِ اليڪشن ڪميشن جي ميمبرن کان فوري مستعفي ٿيڻ جو مطالبو به ڪيو.