تازيون خبرون

Daily Archives: December 3, 2014

سپريم ڪورٽ سياسي گند ڌوئڻ جي لانڊري ناهي: جسٽس ثاقب نثار

اسلام آباد (بيورو) سپريم ڪورٽ انتخابي سڌارو عملدرآمد ڪيس ۾ وفاق ۽ اليڪشن ڪميشن کان جواب گهري ورتو، جسٽس ثاقب نثار چيو آهي ته سپريم ڪورٽ سياسي گند ڌوئڻ جي لانڊري ناهي، عدالتي فيصلي تي عملدرآمد ناهي ٿيو ته ڇا عام چونڊون 3 1 0 2 ع پابندي مڙهيل قرار ڏئي ڇڏيون يا عدم پيروي ڪندڙن کي توهين عدالت جا نوٽيس جاري ڪريون. سپريم ڪورٽ جي جسٽس ثاقب نثار جي سربراهي ۾ 2 رڪني بئنچ انتخابي سڌارو عملدرآمد ڪيس جي ٻڌڻي ڪئي. درخواست گذار بلال منٽو موقف اختيار ڪيو ته انتخابي سڌارو ڪيس ۾ سپريم ڪورٽ جي فيصلي تي عملدرآمد ناهي ٿيو. جسٽس ثاقب نثار رمارڪس ڏنا ته ان تي ڪو اعتراض ناهي ته عدالتي فيصلي تي عملدرآمد ٿيڻ گهرجي، جيڪڏهن عدالتي فيصلي تي عملدرآمد ناهي ٿيو ته ڇا عام چونڊون 3 1 0 2 ع پابندي مڙهيل قرار ڏئي ڇڏيون يا وري عدالتي حڪم جي عدم پيروي ڪندڙن کي توهين عدالت جا نوٽيس جاري ڪريون. هن چيو ته هن ملڪ جو بنياد جمهوريت ۽ جمهوريت جو بنياد شفاف چونڊن تي آهي، اهي بنياد نه هوندا ته نه ملڪي سلامتي هوندي نه ئي جمهوريت ۽ نه ادارا هوندا. جسٽس ثاقب نثار چيو ته سپريم ڪورٽ سياسي گند ڌوئڻ جي لانڊري نه آهي، ووٽ جي لازمي شرط لاءِ قانون سازي ضروري هوندي آهي. اليڪشن ڪميشن جي وڪيل منير پراچا چيو ته عدالت کي انتخابي سڌاري واري ڪيس ۾ قانون سازي جون تجويزون ڏيڻ جو اختيار نه آهي. ان تي جسٽس ثاقب نثار چيو ته جڏهن جمهوريت ملڪي سلامتي لاءِ ضروري آهي ته قانون سازي جي تجويز ڏيڻ ضروري نه آهي جيڪڏهن فيصلو پسند ناهي ته اٽارني جنرل عدالت کي ٻڌائي ڇڏي، عدالت تحريڪ انصاف ۽ ورڪر پارٽي جي درخواست تي وفاق ۽ اليڪشن ڪميشن کان جواب گهرندي ڪيس جي ٻڌڻي جنوري جي ٻئي هفتي تائين ملتوي ڪري ڇڏي.

 

اسلام آباد ڪو سومناٿ جو مندر ناهي جنهن تي حملي جون ڳالهيون ڪيون پيون وڃن : آصف زرداري

لاهور(م.ڊ) پيپلز پارٽي جي شريڪ چيئرمين ۽ اڳوڻي صدر آصف علي زرداري جو چوڻ آهي ته اسلام آباد ڪو سومناٿ جو مندر ناهي جنهن تي حملي جون ڳالهيون ڪيون پيون وڃن اتي هڪ جمهوريت پارليامينٽ آهي جنهن ۾ فيصلا ٿين ٿا، لاهور ۾ پيپلز پارٽي جي يوم تاسيس جي موقعي تي ورڪرز ڪنوينشن کي خطاب ڪندي آصف زرداري چيو ته اسان کي ملڪ بڻائڻو آهي ۽ ايندڙ نسلن لاءِ ڪم ڪرڻو آهي ان لاءِ اسان ملڪ بند نٿا ڪري سگهون ۽ اسلام آباد ڪو سومناٿ مندر ناهي جنهن تي حملي جون ڳالهيون ڪيون پيون وڃن اتي هڪ جمهوريت پارليامينٽ آهي جتي فيصلا ٿين ٿا پارليامينٽ ۽ اسان جي جمهوري نظام ۾ خاميون ضرور آهن جيڪي دنيا جي سٺي مان سٺي جمهوريت ۾ به هونديون آهن هن جو چوڻ هو ته قومن تي مشڪلاتون اينديون آهن ته ليڊرشپ جو ڪم آهي ته هو اهڙن موقعن تي صحيح فيصلو ڪري اسان جمهوريت جي بقاءَ رکي ۽ان جي باوجود سسٽم کي ٽوڙڻ نه ڏنو جيتوڻيڪ اسان کي به ان سان شڪايتون آهن پر اسان کي پنهنجين شڪايتن کي گڏ رکي اڳتي هلڻو آهي ۽ جمهوريت ۾ اهڙيون روايتون قائم رکڻيون آهن، اڳوڻي صدر جو چوڻ هو ته اسان ڪردار ۽ برداشت سان ثابت ڪري ڇڏيو آهي ته ٻين ماڻهن کي سياست ۾ گهڻو ڪجهه سکڻ جي ضرورت آهي ايندڙ نسلن سان ملڪ بڻائڻ جو واعدو ڪيو آهي ان لاءِ ڪوبه غلط فيصلو نه ٿا ڪري سگهون ڇو ته عوام جو اسان تي وڏو وزن ۽ شهيدن جو قرض آهي هن چيو ته سڀ کان پهريان گو بابا گو جو نعرو اسان لڳايو عمران خان 20 سالن کانپوءِ گو جو نعرو شروع ڪيو جڏهن ته اسان کي صرف گو گو ناهي ڪرڻو سياست به ڪرڻي آهي، اسان جي دل ۾ اڄ به سقوط ڍاڪا جو درد آهي پر عمران خان جي سوچ سياسي ناهي ان لاءِ ان کي هي تاريخون ياد ناهن رهنديون سياست ۾ گهڻيون شيون ڏسي قدم کڻڻ پوندو آهي، آصف زرداري چيو ته پارٽي جا سمورا ورڪر ڌڙا بڻائڻ وارن سان نه پر مون سان گڏ آهن پارٽي جون ٽڪيٽون مون کي ڏيڻيون آهن ته پوءِ اهي ڇو پاڻ ۾ وڙهي رهي آهن مون پارٽي جي انهن ليڊرن کي اعليٰ مقام ڏنو جيڪي ڪنڊ ۾ پيل هئا پر هو پوءِ به گروپ بڻائڻ چاهين اٿ ۽ جيڪڏهن ڪو پارٽي ۾ رهي خدمت نٿو ڪري سگهي ته امپائر جي آڱر کڄڻ جو انتظار ڪرڻ وارن وٽ وڃي اسان کي ان جي ڪابه ضرورت ناهي.

 

وزيراعظم ۽ اپوزيشن ليڊر چيف اليڪشن ڪمشنر لاءِ 4 نالا شارٽ لسٽ ڪري ورتا

اسلام آباد(بيورو) حڪومت ۽ اپوزيشن چيف اليڪشن ڪمشنر جي لاءِ 4 نالن جي فهرست تيار ڪري ورتي آهي وزيراعظم نواز شريف ۽ اپوزيشن ليڊر خورشيد شاهه چيف اليڪشن ڪمشنر لاءِ 4 نالا شارٽ لسٽ ڪري ڇڏيا آهن جن ۾ وفاقي شرعي عدالت جو چيف جسٽس جسٽس سردار رضا، جسٽس (ر) شاڪر الله، جسٽس (ر) طارق پرويز ۽ جسٽس (ر) ميان محمد اجمل جا نالا شامل آهن ذريعن مطابق وزيراعظم نواز شريف برطانيه وڃڻ کانپوءِ مخالف ڌر جي اڳواڻ ۽ وزيراعظم وچ ۾ ٽيليفون تي رابطو ٿيو جنهن ۾ ايندڙ چيف اليڪشن ڪمشنر لاءِ انهن چئن نالن تي تفصيلي مشاورت ڪئي وئي جڏهن ته خزاني واري وزير اسحاق ڊار به خورشيد شاهه کي ٽيليفون ڪيو ۽ ٻنهي اڳواڻن چيف اليڪشن ڪمشنر جي نالي تي مشاورت ڪئي.

 

 

نواز شريف وٽ سٺي ٽيم، عمران خان وٽ گهڻين شين جي کوٽ آهي: خورشيد شاهه

لاهور (م.ڊ) قومي اسيمبلي ۾ مخالف ڌُر جي اڳواڻ سيد خورشيد شاهه چيو آهي ته وزيراعظم نواز شريف وٽ سٺي ٽيم ۽ عمران خان وٽ ڪافي شين جي کوٽ آهي، عمران خان هڪ بگڙيل ٻار آهي، چار ٿاٻا کائي خود ئي سنڀالجي ويندو. ميڊيا سان ڳالهائيندي خورشيد شاهه چيو ته قومي اسيمبلي جو مدو 5 سالن مان گهٽائي 4 سال ڪيو وڃي ته مسئلا حل ڪرڻ ۾ آساني ٿيندي. هن چيو ته سياست ۾ نه ڪو آخري دوست هوندو آهي نه آخري دشمن. عمران خان کي تنقيد جو نشانو بڻائيندي خورشيد شاهه چيو ته بگڙيل ٻار چار ٿاٻا کائي پاڻ ئي سنڀالي ويندو.

 

جيڪڏهن ايم ڪيو ايم بلاول جي بيان تي عدالت وئي ته اسان به شاهدن سان گڏ لنڊن جو رخ ڪنداسين: شرجيل ميمڻ

ڪراچي(اسٽاف رپورٽر) پاڪستان پيپلز پارٽي جي مرڪزي ڊپٽي سيڪريٽري اطلاعات شرجيل انعام ميمڻ الطاف حسين جي پيپلز پارٽي پاران چيئرمين بلاول ڀٽو خلاف ڏنل بيان جي ردعمل ۾ چيو آهي ته بلاول ڀٽو زرداري الطاف حسين کي ڪابه ڌمڪي نه ڏني آهي. بلاول ڀٽو زرداري پنهنجي تقرير ۾ جيڪو ڪجهه چيو اهو سچ تي ٻڌل هو. شرجيل ميمڻ چيو ته ايم ڪيو ايم اڳواڻ الطاف حسين کي ڪنهن قسم جي ڪا به وضاحت نه ڏينداسين جيڪڏهن الطاف حسين کي عدالت ۾ وڃڻ جو شوق آهي ته اهو ضرور پورو ڪري وٺي. شرجيل ميمڻ چيو ته جيڪڏهن ايم ڪيو ايم يا الطاف حسين بلاول ڀٽو زرداري خلاف ڪنهن به عدالت ۾ ويو ته اسان به برطانيه جي عدالت ۾ سمورن ثبوتن سان گڏ الطاف حسين خلاف وينداسين.

 

ايم ڪيو ايم بلاول ڀٽو کان ڌمڪين واري بيان جي وضاحت گهري ورتي، عدالت وينداسين: متحده الطاف حسين

ڪراچي(اسٽاف رپورٽر) ايم ڪيو ايم سربراهه الطاف حسين، بلاول ڀٽو زرداري جَي ڌمڪين واري بيانن جِي وضاحت نه ڪرڻ جِي صورت ۾ عدالت وڃڻ جِو اعلان ڪري ڇڏيو آهي. لنڊن مان جاري ڪيل بيان ۾ الطاف حسين چيو ته بلاول ڀٽو زرداري 6 آڪٽوبر 2014ع تي عيدالاضحيٰ جَي موقعي تي ڪراچي ۾ پنهنجي خطاب دوران چيو هو ته ”انڪل الطاف“ توهان پنهنجي اڻڄاتل ماڻهن کي سنڀاليو. هـُن چيو ته پي پي چيئرمين خطاب ۾ اهو به چيو هو ته جيڪڏهن سندس ڪارڪنن کي ڪجهه به ٿيو هولنڊن ۾ هن جو جيئڻ حرام ڪري ڇڏيندو. متحده سربراهه چيو ته آصف زرداري ٻڌائي ته سندس ڪارڪنن کي ڪڏهن ۽ ڪٿي رهڙ آئي آهي؟ الطاف حسين چيو ته 15 ڏينهن اندر پيپلز پارٽي بلاول ڀٽو زرداري جي بيانن جي وضاحت نه ڪئي ته هو عدالت ويندا.

 

اتر وزيرستان/ خيبر ايجنسي ۾ دهشتگردن خلاف آپريشن ، پرڏيهين سميت 52 دهشگرد مارجي ويا، ٺڪاڻا تباهه

راولپنڊي، خيبر ايجنسي، اورڪزئي ايجنسي (م.ڊ) اتر وزيرستان ۽ خيبر ايجنسي ۾ دهشتگردن خلاف آپريشن ضرب عضب ۽ خيبر ون ڪاميابي سان جاري، سيڪيورٽي فورسز خيبر ايجنسي ۽ اورڪزئي ايجنسي ۾ دهشتگردن جي چيڪ پوسٽن تي حملن کي ناڪام بڻائي ڇڏيو، جيٽ جهازن جي بمباري ۽ سيڪيورٽي فورسز سان دوبدو فائرنگ ۾ غير ملڪين سميت 2 5 دهشتگرد مارجي جڏهن ته ڪيترائي زخمي ٿي پيا. آءِ ايس پي آر اتر وزيرستان ۾ غير ملڪين سميت 7 1 دهشتگردن جي مارجڻ جي تصديق ڪئي. ميڊيا رپورٽس موجب اتر وزيرستان ۾ سيڪيورٽي فورسز جي هوائي ڪاروائي ۾ اهم دهشتگرد ڪمانڊرن سميت 0 3 دهشتگرد مارجي ويا. سيڪيورٽي فورسز جيٽ جهازن ذريعي اتر وزيرستان جي تعلقي دته خيل ۾ لٽڪه واري هنڌ دهشتگردن جي ٺڪاڻن کي نشانو بڻايو جنهن جي نتيجي ۾ 2 اهم دهشتگرد ڪمانڊرن سميت 0 3 دهشتگرد مارجي ويا جن ۾ غير ملڪي به شامل هئا. جيٽ جهازن 2 گاڏين کي نشانو بڻايو، جن بابت خدشو ظاهر ڪيو پيو وڃي ته اهي گاڏيون آپگهاتي حملن ۾ استعمال ٿي سگهيون پئي. پاڪ فوج جي سُڌ سماءَ کاتي (آءِ ايس پي آر) غير ملڪين سميت 7 1 دهشتگردن جي مارجڻ جي تصديق ڪئي. ٻئي پاسي عسڪري حڪام موجب خيبر ايجنسي ۾ سيڪيورٽي فورسز سان دوبدو فائرنگ ۾ 7 دهشتگرد مارجي ويا. وادي تيراه ۾ سيڪيورٽي فورسز چيڪ پوسٽ تي 0 5 کان 0 6 دهشتگردن جي چيڪ پوسٽ تي حملي کي ناڪام بڻائي ڇڏيو، جوابي ڪاروائي ۾ 7 دهشتگرد مارجي ويا، دهشتگردن چڪرين ۾ ڳري هٿيارن جو استعمال ڪيو. ٻئي پاسي اورڪزئي ايجنسي جي علائقي شيرين دره ۾ سيڪيورٽي فورسز چيڪ پوسٽ تي دهشتگردن جي حملي کي ناڪام بڻايو. فورسز جي جوابي ڪاروائي جي نتيجي ۾ 5 1 دهشتگرد مارجي ويا.

 

سرويچ پيرزادو جو مڙهه سوين آلين اکين سان ڳوٺ ٻلهڙيجي ۾ مٽي ماءُ حوالي، سوڳ برقرار

باڊهه(رپورٽر) اڄ صبح 11 هين بجه اغوا بعد قتل ٿيل سرويچ پيرزادو جي مڙهه کي موهن جو دڙو ڀرسان ڳوٺ ٻلهڙيجي ۾ مٽي ماءُ حوالي ڪيو پيو ويو سندس تڏو ٻلهڙيجي ۾ وڇايو ويو آهي سرويچ پيرزادي جي عمر 25 سال هئي جڏهن ته ابتدائي تعليم ڳوٺ ٻلهڙيجي مان ئي حاصل ڪئي هئي سندس کي3 ڀائر ۽ 3 ڀينرو اٿس سندس والد لطف پيرزادو شاهه عبدالطيف ڀٽائي جو پارکو آهي هن شاهه لطيف جي شاعري تي تحقيق پڻ ڪندو رهيو واضع رهي ته سرويچ پيرزادو کي 11 سيپٽمبر تي ڪراچي جي علائقي صدر مان اغوا ڪيو ويو هو جنهن جو گذريل ڏينهن نوري آباد جي علائقي مان لاش هٿ آيو جڏهن ته ڏوڪري، باڊهه، موهن جو دڙو ۽ ٻين شهرن ۾ ڏک واري لهر ڇانيل آهي. جسمم جساف صدر حفيظ پيرزادو چيو ته سنڌ جي آجپي تائين جدوجهد جاري رهندي، سنڌي قوم غلامي جا زنجير ٽوڙي ڇڏيا آهن. هن چيو ته سنڌ جي حقن لاءِ جدوجهد ڪندڙن کي پنجاب سامراج لاشن جي صورت ۾ موٽ ڏئي ظلم جي انتها ڪري ڇڏي آهي. هن گڏيل قومن ۽ انساني حقن جي تنظيمن کان مطالبو ڪيو ته سنڌ جي نوجوانن جي چچريل لاشن وارن واقعن جو نوٽيس ورتو وڃي.

 

”اولڊ از گولڊ“ زرداري صاحب اولڊ کي پڪڙي رکو، پ پ ۾ ڌڙا ٿي رهيا آهن: امين فهيم

لاهور(م.ڊ) پيپلز پارٽي جي مرڪزي اڳواڻ مخدوم امين فهيم چيو آهي ته آصف زرداري صاحب کي درخواست ڪيان ٿو ته ڌڙن کي ختم ڪري پارٽي کي متحد ڪري بلاول هائوس لاهو ۾ پپيلز پارٽي جي ورڪرز ڪنوينشن جي ٻئين مرحلي ۾ خطاب ڪندي هن چيو ته پارٽي سان تمام مضبوط رشتو آهي هي پارٽي محترمه بينظير ڀٽو جي امانت آهي پراڻن ورڪرن جي محنت کي نظر نه ڪيو، چوندا آهن ته اولڊ از گولڊ، گولڊ کي پڪڙي رکو پيپلز پارٽي هڪ تمام وڏي پارٽي آهي هر ورڪر جي پنهنجي پنهنجي خواهش آهي فيصلا ڪنهن جي خواهش تي نه پر گڏجي ٿيندا آهن بدقسمتي سان پارٽي ۾ ڌڙا بڻجي ويا آهن.

 

حڪومت پي ٽي آءِ سان کليل دل سان ڳالهيون نه ڪيون ته ملڪ ۾ تمام وڏو سانحو ٿي سگهي ٿو: سراج الحق

لاهور (م.ڊ) امير جماعت اسلامي سراج الحق چيو آهي ته حڪومت پي ٽي آءِ سان کليل دل سان ڳالهيون نه ڪيون ته ملڪ ۾ تمام وڏو سانحو ٿي سگهي ٿو پاڪستان کي عراق ۽ شام وانگر فساد جهڙو ۽ جڳهڙي جو مرڪز جون تياريون ڪيون پيون وڃن ۽ اهو منصوبو آمريڪا جو آهي پاڪستان کي اسلامي فلاحي رياست بنائڻ لاءِ ڪوششون ڪري رهيا آهن ان جي لاءِ تمام محبت وطن کي گڏ ٿيڻو پوندو لاهور ۾ هڪ تقريب ۾ شرڪت کان پوءِ ميڊيا سان ڳالهائيندي سراج الهق چيو ته سياسي بحران جي حل لاءِ ڌريون ڳالهين جي ميز تي اچن اسان ان جي لاءِ حڪومت ۽ عمران خان سان رابطي ۾ آهيون. جلسا جلوس ٿيندا رهندا ملڪ کي نقصان نه پهچڻ گهرجي. هن چيو ته پاڪستان جي بنيادي مسئلن ۽ وسيلن جي گهٽتائي ملڪ جي خاطر سڀ ملي ڪري جدوجهد ڪن. هن چيو ته پاڪستان سان محبت ڪندڙ هڪ ٿي وڃن. هن چيو ته 30 نومبر تي عمران خان ۽ حڪومت جو پرامن رهڻ هڪ سٺي ڳالهه آهي.