تازيون خبرون

Daily Archives: November 21, 2014

ماڊل ٽائون سانحي تي ٺاهيل جي آءِ ٽي کي انصاف جو قتل سمجهان ٿو: طاهر القادري

لاهور (م.ڊ) پاڪستان عوامي تحريڪ جي سربراهه ڊاڪٽر طاهر القادري چيو آهي ته انقلاب جي مشن تان ناهيون هٽيا، حڪمت عملي تبديل ڪئي، وڌيڪ ڌرڻو جاري رکڻ بي معنيٰ هو، شهر شهر وڃي عوام کي جاڳائينداسين ڪينيڊا مان واپسي تي ماڊل ٽائون ۾ پريس ڪانفرنس ڪندي هن جو چوڻ هو ته آئون ماڊل ٽائون سانحي تي ٺاهيل جي آءِ ٽي کي انصاف جو قتل سمجهان ٿو، جن شين تي ڳالهين ۾ اتفاق ڪيو يوو ان جي ڀڃڪڙي ڪئي وئي پوري جي آءِ ٽي متاثر ڌر کي 100 سيڪڙو رد ڪريبڻائي وئي، لاهور ۾ پنهنجي رهائشگاهه تي ميڊيا سان ڳالهائيندي طاهر القادري جو چوڻ هو ته اسان شرط رکيو هو ته جي آءِ ٽي ۾ هڪ آفيسر ڪي پي ڪي مان، هڪ آءِ بي ۽ هڪ ايم آءِ جو آفيسر شامل هوندو پنجاب پوليس جو آفيسر نه هوندو جيڪڏهن قاتل پاڻ جاچ ڪري تي انصاف ناهي ملندو، طاهر القادري جو چوڻ هو ته جسٽس نجفي جي سربراهي ۾ قائم ڪميشن پنجاب حڪومت کي قتل عام جو ذميوار قرار ڏنو جيڪڏهن رپورٽ وزيراعظم، وڏي وزير جي حق ۾ آئي ته ڇا ان تي نظرثاني ڪميٽي بڻائي وڃي ها؟ رپورٽ دٻائڻ ان ڳالهه جو ثبوت آهي ته حڪومت ان ۾ملوث آهي.

 

نواز شريف ۽ شهباز شريف سميت سموريون حڪومتون شخصيتون جي آءِ ٽي جي سامهون پيش ٿيڻ لاءِ تيار آهن، : راڻا ثناءُ الله

لاهور(م.ڊ) پنجاب جي اڳوڻي قانون واري وزير راڻا ثناءُ الله چيو آهي ته جيڪڏهن ڊاڪٽر طاهر القادري کي ماڊل ٽائون سانحي جي جاچ ڪندڙ جوائنٽ انويسٽيگيشن ٽيم تي اعتراض آهي ته هو عدالت سان رابطو ڪري اڳوڻي صوبائي وزير جو چوڻ هو ته حڪومت ماڊل ٽائون سانحي جي شفاف ۽ غير جانبدار جاچ لاءِ پرعزم آهي، وزيراعظم نواز شريف ۽ پنجاب جي وڏي وزير سميت سموريون حڪومتون شخصيتون ماڊل ٽائون سانحي جي جي آءِ ٽي جي سامهون پيش ٿيڻ لاءِ تيار آهن، حڪومت رزاق چيما کي جي آءِ ٽي جو سربراهه مقرر ڪيو آهي ان جي ملازمت جو گهڻو عرصو سنڌ ۾ پنهنجا فرض انجام ڏيندي گذريو آهي ۽ ڪوبه شخص ان جي پيشيوراڻي ڪيريئر تي سوال نٿو کڻي سگهي، ان جي باوجود ڌرڻي واري سياست ڪندڙ جنهن کي چاهين ان خلاف بيان ڏئي ٿا ڇڏين ڊاڪٽر طاهر القادري کي ماڊل ٽائون سانحي جي جاچ لاءِ جوڙيل جوائنٽ انويسٽيگيشن ٽيم تي اعتراض آهي ته هو عدالت سان رابطو ڪري،

 

عمران خان ڀلي لاڙڪاڻي ۾ جلسو ڪري پر سوچي سمجهي ڳالهائي نه ته گهر کان ٻاهر نڪري نه سگهندو: نثار کهڙو

ڪراچي (اسٽاف رپورٽر) سنڌ جي سينئر وزير نثار احمد کهڙو چيو آهي عمران خان ڀلي لاڙڪاڻي ۾ جلسو ڪري پر کيس خبردار ٿا ڪيون ته هو سوچي سمجهي ڳالهائي ۽ جيڪڏهن هن سنڌ جي عوام ۽ سنڌ تي وري حملو ڪيو ته پوءِ عوام آمر مشرف وانگر هن جو به مقابلو ڪندو ۽ هو گهر کان به ٻاهر نه نڪري سگهندو. اهڙن خيالن جو اظهار هن خميس ڏينهن پنهنجي جاري ڪيل هڪ بيان ۾ ڪيو. نثار احمد کهڙو چيو ته آمر مشرف جي پولنگ ايجنٽ عمران خان جي سنڌ جي عوام وٽ ڪا به گنجائش ناهي، ان ڪري هو سنڌ ۾ پنهنجو وقت ضايع نه ڪري ۽ ڪي پي ڪي ۾ بهتري لاءِ قدم کڻي جنهن صوبي جو وڏو وزير صوبو ڇڏي سڄو ڏينهن  ڌرڻن ۾ مصروف آهي. هن چيو ته  سنڌ جي عوام ۽ پيپلز پارٽيءَ ايم آر ڊي تحريڪ کان وٺي جمهوريت لاءِ قربانيون ڏنيون ۽ هو به قرباني ڏئي پوءِ ليڊر چورائي، ايئر ڪنڊيشنڊ ڪنٽينر ۾ ويهي خطاب ڪرڻ سان ڪو به ليڊر نٿو ٿي سگهي. هن چيو ته  عمران خان ڪالاباغ ڊيم جو وڏو حامي آهي ۽ هو سنڌ جي مرضي بنا ڪالاباغ ڊيم نه ٺهڻ وارو سياسي بيان ڏئي سنڌ جي عوام کي بي وقوف نه ٿو بڻائي سگهي ۽ نه ئي سنڌ جي عوام خلاف غلط زبان استعمال ڪري سنڌ مان حمايت حاصل ڪري سگهي ٿو. نثار کهڙو وڌيڪ چيو ته سنڌ اسيمبليءَ ۾ هن پاران عمران خان خلاف پيش ڪيل مذمتي ٺهراءَ تي مسلم ليگ فنڪشنل ۽ مسلم ليگ ن جي ميمبرن نه صحيحون ڪيون نه ئي هڪ لفظ ڳالهايو پر خاموشي اختيارڪئي. هن چيو ته ڪجهه اخبارن پاران قرارداد تي ملسم ليگ فنڪشنل ۽ ملسم ليگ ن جي ميمبرن جي حمايت ڪرڻ وارين ڏنل خبرن تي افسوس آهي. هن چيو ته مون پاڻ مخالف ڌر جي اڳواڻ شهريار مهر ڏانهن قرارداد صحيح لاءِ اماڻي پر هن نه ان تي صحيح ڪئي ۽ نه ئي ان تي ڪجهه ڳالهايو. هن چيو ته پيپلز پارٽي سنڌ جي عوام جي معاملي تي ڪا به غلط ڳالهه برداشت نه ڪندي ۽ سنڌ جي عوام جي معاملي تي ايوان ۾ ملسم ليگ فنڪشنل ۽ مسلم ليگ ن جي ميمبرن جي خاموشي سندن سنڌ سان محبت جي عڪاسي ڪري ٿي.

 

ڪراچي مقابلا: بابالاڏلا گروپ جي ڪمانڊر سميت 5 ڄڻا مارجي ويا

ڪراچي (اسٽاف رپورٽر) ڪراچي ۾ فائرنگ ۽ رينجرز توڙي پوليس مقابلن ۾ بابا لاڏلا گروپ جي ڪمانڊر سميت 5 ڄڻا مارجي ويا آهن،پوليس بلاول ڪالوني واري علائقي مان 3 ڏوهارين کي گرفتار ڪرڻ جي دعويٰ ڪئي آهي. رينجرز ترجمان موجب گلشن بونير ۾ مقابلي دوران هڪ دهشتگرد قاري عبدالرحمان مارجي ويو، جنهن جو واسطو تحريڪ طالبان سان هو. لياري جي محمود شاهه روڊ تي پوليس ۽ رينجرز جي ڪارروائي ۾ بابا لاڏلا گروپ جو ڪمانڊر نبيل مارجي ويو، جڏهن ته سندس هڪ ساٿيفرار ٿي ويو آهي. گارڊن واري علائقي ۾ هٿياربندن جي فائرنگ ۾ رڪشا ڊرائيور بهادر مارجي ويو، جنهن جو لاش سول اسپتال منتقل ڪيو ويو. ناٿا خان پل ويجهو هڪ شخص جو لاش هٿ آيو، جنهن جي سڃاڻپ نه ٿي سگهي آهي. ڪراچي پوليس بلاول ڪالوني ٿاڻي جي حد مان 3 ڏوهارين صدام، طاهر ۽ امير کي مقابلي بعد گرفتار ڪرڻ جي دعويٰ ڪئي آهي. پوليس جو چوڻ آهي ته گرفتار ٿيل ڏوهاري مختلف ڪيسن ۾ گهربل هئا.

 

پي ٽي آءِ اڄ لاڙڪاڻي ۾ سياسي قوت جو مظاهرو ڪندي، تياريون عروج تي پهچي ويون

لاڙڪاڻو/ ڏوڪري (نمائنده) پاڪستان تحريڪ انصاف اڄ جمعي جي ڏينهن 21 نومبر تي لاڙڪاڻي ۾ سياسي قوت جو مظاهرو ڪندي جلسي جون تياريون عروج تي پهچي ويون ۽ سيڪيورٽِ پلان تيار ڪيو ويو تفصيل موجب پيپلزپارٽِ جو ڳڙهه لاڙڪاڻي ۾ تحريڪ انصاف ميدان سجائيندي جنهن جون تياريون عروج تي پهچي ويون آهن ۽ سيڪيورٽي کي به حتمي شڪل ڏني ويئي آهي جلسي جي لاءِ 24 فوٽ ويڪرو ۽ 64 فوٽ ڊگهو اسٽيج کي تيار ڪرڻ جو فيصلو ڪيو ويو تحريڪ انصاف جي آرگنائيزر موجب پنڊان ۾ 35 هزار ڪرسيون رکيون ويون آهن تحريڪ انصاف جي اڳواڻ ۽ جلسي جي ميزبان شفقت حسين انڙ ٻڌايو ته ماڻهن ۾ جوش ۽ خروش سبب ٻن لک ماڻهن جي شرڪت جو امڪان آهي. جلسي جي ڪاميابي لاءِ لاڙڪاڻي شهر سميت مختلف علائقن ۾ 15 کان وڌيڪ استقباليه ڪئمپ لڳايا ويا آهن.

 

مان اڃان تائين مڪمل طور اسٽار ناهيان ٿي سگهي: عاليه بٽ

ممبئي (شوبز نيوز) بالي ووڊ ۾ هٽ فلمون ڏيڻ باوجود عاليه بٽ جو چوڻ آهي ته هوءَ اڃاتائين هڪ اسٽار بڻجي نه سگهي آهي، هڪ انٽرويو دوران عاليه بٽ جو چوڻ هو ته سندس والد مهيش بٽ ۽ پوجا بٽ سندس بابت سوچين ٿا ته مان هڪ مڪمل اسٽار آهيان پر مان اڃاتائين پاڻ کي اسٽار نٿي سمجهان ڇو ته مون صرف چار فلمون ڏنيون آهن ۽ منهنجي خيال ۾ اسٽار بڻجڻ لاءِ سخت محنت ڪرڻ پوندي آهي. هڪ سوال جي جواب ۾ هن چيو ته بچپن ۾ والده کان اڪثر پنهنجي نالي جو مطلب پڇندي هئيس ته جواب ملندو آهي ته ان جو مطلب آسمان ۾ وڏي اوچي شيءِ آهي جنهن تي مان سخت بي چين ٿي ويندي هيس ۽ آسمان طرف ڏسندي هيس ته مونکي ستارا نظر ايندا هئا جنهن تي مان چوندي هيس ته مان هڪ ستارو آهيان پر مان حقيقت ۾ سمجهي وئي آهي ته اسٽار بڻجڻ لاءِ گهڻي محنت ڪرڻي پوي ٿي ۽ مان ته اڃا ابتدا ۾ آهيان.

 

چاڪليٽ هيرو وحيد مراد جي 31 هين ورسي آچر تي ملهائي ويندي

لاهور(شوبز نيوز) پاڪستان فلم انڊسٽري ۾ پنهنجو الڳ انداز رکندڙ هيرو وحيد مراد جي 31 هين ورسي 23 نومبر آچر تي ملهائي ويندي. هڪ خانگي ٽي وي چئنل جي رپورٽ مطابق وحيد مراد پهرين آڪٽوبر 1938ع ۾ سيالڪوٽ ۾ جنم ورتو ۽ پنهنجي فني ڪيريئر جي شروعات 1962ع ۾ ”اولاد” نالي فلم سان ڪئي پر 1967ع ۾ رليز ٿيل فلم ”ارمان” کيس شهرت جي بلندين تي پهچائي ڇڏيو. وحيد مراد پنهنجي مخصوص هير اسٽائل سبب تمام گهڻو مشهور ٿيو. کيس مردن کان وڌيڪ عورتون پسند ڪنديون هيون جنهن سبب کيس ”چاڪليٽ هيرو” جو خطاب مليو. وحيد مراد 23 نومبر 1983ع تي دل جو دورو پوڻ سبب لاڏاڻو ڪري ويو هو. سندس مشهور فلمن ۾ اولاد،هيرا اور پٿر، ارمان، انسان بدلتا هي، ڪنيز، سمندر، دل ميرا دهڙڪن تيري، نيند هماري خواب تمهاري، پرکهه،جب جب پهول کهلي، شمع، پهول ميري گلشن ڪا، آهٽ ۽ هيرو شامل آهن.

 

عمران هاشمي ۽ ڪنگنا جي فلم اگلي جي نئين ڊائلاگ پروموز جي وڊيو رليز

ممبئي (شوبز نيوز) بالي ووڊ اداڪار عمران هاشمي ۽ ڪنگنا رنا وت جي ايندڙ نئين ايڪشن ڪاميڊي فلم اگلي جي ٽيلر کانپوءِ ان جي نئين ڊائلاگ پروموز جي وڊيو به رليز ڪئي وئي آهي، هن پروموز ۾ سنجيدت، رنديپ هوڊا ۽ عمران هاشمي کي پاڻ ۾ جملا بازي ڪندي ڏيکاريو ويو آهي.

 

ريتڪ روشن فلم فيئر ميگزين جي ٽائيٽل پيج جي زينت بڻبو

ممبئي(شوبز نيوز)بالي ووڊ اداڪار ريتڪ روشن فلم فيئر ميگزين جي ٽائيٽل پيج جي زينت بڻبو. ذريعن مطابق ريتڪ روشن ڀارتي فلم فيئر ميگزين جي ٽائيٽل پيج تي منفرد انداز ۾ نظر اچي رهيو آهي. کيس ميرون رنگ جو لباس پهريل آهي جنهن ۾ هو انتهائي پرڪشش نظر اچي رهيو آهي. اداڪار جو ميگزين ۾ آرٽيڪل به شايع ٿيو آهي جنهن جو عنوان ”سپريشن از ورس وين ڊيٿ“ به شايع ٿيو آهي جنهن ۾ هن پنهنجي سوزا خان سان علحدگيءَ جي سموري واقعي کي بيان ڪيو آهي. اهو ميگزين 3 ڊسمبر تي مارڪيٽ ۾ دستياب هوندو.

 

آءِ سي سي ون ڊي ورلڊ ڪپ 2015 ڪائونٽ ڊائون شروع، 85 ڏينهن باقي

دبئي (اسپورٽس نيوز)آءِ سي سي ون ڊي ورلڊ ڪپ 2015 ڪائونٽ ڊائون شروع ٿي ويو آهي، ميگا ايونٽ جي منعقد ٿيڻ ۾ 85 ڏينهن باقي آهن، ورلڊ ڪپ جو ميلو 15 فيبروري تي نيوزيلينڊ ۽ آسٽريليا ۾ گڏ شروع ٿيندو، ڀارتجي ٽيم ٽائيٽل جو دفاع ڪندي، جڏهن ته ڀارت 2014ع ۾ منعقد ڪيل ميگا ايونٽ جي فائنل ۾ سريلنڪا کي هارائي ٻيون ڀيرو عالمي چيمپين بڻجڻ جو اعزاز حاصل ڪيو هو، ورلڊ ڪائونٽ ڊائون جي 100 ڏينهن جي تقريب گذريل ڏينهن دبئي ۾ منعقد ٿي، جنهن ۾ دفاعي عالمي چيمپين ڀارت، پاڪستان، آسٽريليا ۽ بين ٽيمن جي اڳواڻن سميت آءِ سي سي جي اهم شخصيتن شرڪت ڪئي، ان ايونٽ ۾ ڪرڪيٽ جون 14 ٽيمون عالمي ٽائيٽل حاصل ڪرڻ لاءِ ميدان ۾ اينديون، انهن ٽيمن کي ٻن مختلف گروپس ۾ ورهايو ويو آهي، گروپ اي ۾ انگلينڊ، آسٽريليا، سريلنڪا، بنگلاديش، نيوزيلينڊ، افغانستان ۽ اسڪاٽ لينڊ جڏهن ته گروپ بي ۾ پاڪستان، دفاعي چيمپين ڀارت، ڏکڻ آفريقا، ويسٽ انڊيز، زمبابوي، آئرلينڊ ۽ گڏيل عرب امارات شامل آهن، ورلڊ ڪپ جي شروعات 14 فيبروري تي گروپ اي جي ٽيم سريلنڪا ۽ نيوزيلينڊ ۽ انگلينڊ ۽ آسٽريليا جي ٽيمن وچ ۾ افتتاحي ميچ سان ٿيندي.