تازيون خبرون

Daily Archives: November 18, 2014

آپريشن ضرب عضب کانپوءِ عمران خان جو غضب شروع ٿيو:پرويز رشيد

اسلام آباد (م ڊ) سڌ سماع جي وفاقي وزير سينيٽر پرويز رشيد چيو آهي ته آپريشن ضرب عضب کان پوءِ عمران خان جو غضب شروع ٿيو سومر تي پارليمينٽ هائوس اسلام آباد ۾ سينيٽ جي سڌسماءَ بابت قائمه ڪميٽي جي اجلاس کان پوءِ ميڊيا سان ڳالهائيندي پرويز رشيد چيو ته عمران خان کي عدالت اشتهاري قرار ڏنو آهي حڪومت نه عمران خان پنهنجي جماعت جي نالي جي ئي لڄ رکي ۽ هو ميڊيا بدران عدالت ۾ پنهنجو ڪيس وڙهي ڇو ته اسان جي معاشري ۾ انصاف عدالتن مان ئي ملندو آهي وفاقي وزير چيو ته پاڪستان مان رستن تي انصاف جو سلسلو هاڻي ختم ٿيڻ گهرجي عمران خان پاڻ کي دهشتگردي ڪلچر کان پري رکي هن چيو ته شيخ رشيد اهڙو جلسو ڪرڻ چاهي ٿو جتي عورتون نه هجن جيڪڏهن جلسي ۾ عورتون نه به هجن پر گهرن ۾ ته هونديون ئي آهن ڇا شيخ رشيد پنهنجو براهه راست خطاب به بند ڪرائيندو شيرين مزاري جي پريس ڪانفرنس تي ردعمل جو اظهار ڪندي پرويز رشيد چيو ته گذريل ڏينهن عمران خان صحافين کي پئسا ڏيڻ جو الزام هنيو اڄ شيرين مزاري چئي ڇڏيو ثبوت کان سواءِ الزام نه لڳڻ گهرجي ها وفاقي وزير اطلاعات تحريڪ انصاف جي اڳواڻ شيرين مزاري جي پريس ڪانفرنس جو جواب ڏيندي چيو ته ڪالهه عمران خان صحافين تي الزام مڙهيو ۽ اڄ شيرين مزاري چئي رهي آهي ته بغير ثبوت جي الزام نه لڳائڻ گهرجي پهريان پاڻ ۾ فيصلو ڪرڻ گهرجي ته ڇا چوڻو آهي پرويز رشيد چيو ته قادري جي اشارن تي هلندڙ قانون جي خوف کان ان سان تعلق ٽوڙي رهيا آهن عجيب ڳالهه آهي.

 

حقاني نيٽورڪ هاڻ ماضي جو قصو بڻجي چڪو آهي؛ميجر جنرل عاصم باجوه

اسلام آباد (م ڊ) پاڪ فوج جي ترجمان ميجر جنرل عاصم باجوه چيو آهي ته حقاني نيٽورڪ هاڻ ماضي جو قصو بڻجي چڪو آهي، آپريشن ضرب عضب کان پهريان دهشتگردن کي فرار ٿيڻ جو رستو ڏيڻ جو تاثر بلڪل غلط هي آمريڪا جي دوري دوران آمريڪي ميڊيا کي انٽرويو دوران ڪجهه حلقن طرفان آپريشن ضرب عضب تي شڪن کي رد ڪري ڇڏيو ڊي جي آءِ ايس پي آر چيو ته دهشتگردن کي فرار ٿيڻ کان روڪڻ لاءِ سرحد پار فورسز کي خبردار ڪيو ويو هو، پاڪ فوج بنا ڪنهن فرق جي سمورن دهشتگردن جو صفايو ڪري رهي آهي پاڪ فوج جي ترجمان واضح ڪيو ته هن وقت خيبرايجنسي ۾ آپريشن جو مقصد دهشتگردن کي قدم ڄمائڻ کان روڪڻ آهي جنهن لاءِ پوري ملڪ ۾ به انٽيليجنس جي بنياد تي به ڪارروائيون ڪيون پيون وڃن ميجر جنرل عاصم باجوه چيو ته آرمي چيف جي آمريڪي دوري سان وڌيڪ اميدون لڳائڻ ٺيڪ ناهي دهشتگرد خلاف جنگ ۾ پاڪستانين جي قربانين جو اعتراف ئي هن دوري جو اصل حصول هوندو. ٻئي طرف باڙه ۾ 10 دهشتگردن فوسز آڏو هٿيار ڦٽا ڪري ڇڏيا آهن ۽ هٿيار ۽ بارود به فورسز حوالي ڪري ڇڏيو آهي پاڪ فوج جي ترجمان آءِ ايس پي آر پاران جاري ڪيل بيان ۾ ٻڌايو ويو آهي ته 10 دهشتگردن طرفان هٿيار ڦٽا ڪرڻ کانپوءِ آپريشن ۾ هينئر تائين 350 دهشتگرد هٿيار ڦٽا ڪري چڪا آهن جن ۾ 20 اهم ڪمانڊر به شامل آهن، ياد رهي ته اتر وزيرستان ۾ جاري آپريشن جي نتيجي ۾ خيبر ايجنسي ويندڙ دهشتگردن کي ختم ڪرڻ لاءِ پاڪ فوج آپريشن خيبر ون شروع ڪري ڇڏيو آهي جيڪو ڪاميابي سان جاري آهي.

 

گورنر عشرت العباد ۽ وڏي وزير سيد قائم علي شاهه پاران ملير ۾ پل جو افتتاح

ڪراچي(اسٽاف رپورٽر) گورنر سنڌ ڊاڪٽر عشرت العباد خان، وزيراعليٰ سنڌ سيد قائم علي شاهه، صوبائي وزير بلديات شرجيل انعام ميمڻ ٿڌو نالي ملير تي تعمير ٿيندڙ پل جو افتتاح ڪيو ۽ علائقي جو تفصيلي معائنو ڪيو ان موقعي تي ميٽروپوليٽن ڪمشنر سجاد حسين عباسي ۽ ٻيا آفيسر پڻ موجود هئا پروجيڪٽ جي حوالي سان ڏنل بريفنگ ۾ ٻڌايو ويو ته بلديا عظميٰ ڪراچي تقريبن 13 ڪروڙ روپين جي لاڳت سان ان منصوبي کي 9 مهينن جي مختصر عرصي ۾ مڪمل ڪيو آهي جنهن سان ميمڻ ڳوٺ سميت ملير ۽ ٻين علائقن جي لکين ماڻهن کي سهولت حاصل ٿي وئي آهي جن جو شهر سان رابطو برسات دوران ٿڌي نالي ۾ پاڻي وڌڻ سبب ڪٽجي ويندو هو انهن کي پنهنجي ڳوٺن ۾ وڃڻ لاءِ کوکرا پار يا سپر هائي وي ڏانهن اچڻو پوندو هو جنهن سبب انهن کي ڪيترن ئي ڪلاڪن جو سفر طئي ڪرڻو پوندو هو نالي تي تعمير ٿيڻ سان 110 ميٽر طويل هن پل سان ڳوٺن جي عوام جو شهر سان رابطو ممڪن ٿي ويو آهي ان موقعي تي گورنر سنڌ ڊاڪٽر عشرت العباد خان ۽ وزير اعليٰ سنڌ سيد قائم علي شاهه هدايت ڪئي آهي ته ڳوٺن ڏانهن ويندڙ رستي کي ٻه طرفو بڻائڻ لاءِ منصوبه بندي ڪئي وڃي هنن وڌيڪ چيو ته ندي تي ٺهيل پراڻن رستن کي به بحال ڪري انهن جي مرمت ڪئي وڃي ته جيئن ٽريفڪ جي گذر ۾ وڌيڪ آساني ٿئي هنن وڌيڪ چيو ته ڳوٺن ڏانهن ويندڙ رستي تان جهاڙيون فوري طور صاف ڪيون وڃن ۽ رستي جي پيوند ڪاري جي ڪم کي فوري مڪمل ڪيو وڃي.

 

آرمي چيف جنرل راحيل شريف جو آمريڪي سينٽرل ڪمانڊ هيڊڪوارٽر جو دورو

واشنگٽن (م ڊ) آمريڪي سينٽرل ڪمانڊ هيڊڪوارٽر ۾ پاڪ آمريڪي فوج جي سربراهن وچ ۾ ملاقات ۾ آمريڪي فوج جي واپسي کانپوءِ افغانستان ۾ استحڪام جي حڪمت ملي تي غور ڪيو ويو، آمريڪي سينٽرل ڪمانڊ جي سربراهه دهشتگردن خلاف ڀرپور ڪارروائين تي پاڪ فوج کي خراج تحسين پيش ڪئي، پاڪ فوج جو سربراهه جنرل راحيل شريف هڪ هفتي جي دوري تي آمريڪا ۾ موجود آحي جنرل راحيل شريف جنرل مارٽن ڊيمپسي ۽ ٻين اعليٰ آمريڪي فوجي اختيارين سان ملاقاتون ڪيون، ان دوران ڊسمبر ۾ آمريڪي فوج جي افغانستان مان واپسي، آپريشن ضرب عضب سميت ٻين اهم معاملن تي تفصيلي خيالن جي ڏي وٺ ڪئي وئي آمريڪي اختيارين ضرب عضب جي نتيجن تي اطمينان جو اظهار ڪيو، پاڪ فوج جي سربراهه پيشڪش ڪئي آهي ته افغان فوج کي تربيت فراهم ڪرڻ ۾ پاڪستان آمريڪي فوج جي مدد لاءِ تيار آهي، آمريڪا حقاني نيٽورڪ خلاف ڪارروائي کانپوءِ پاڪستان ۾ ٻين جهادي تنظيمن خلاف ڪارروائي جو به امڪان ظاهر ڪيو آهي

 

آصف علي زرداري پيپلز پارٽي جو اهم اجلاس لنڊن ۾ طلب ڪري ورتو

لنڊن (م ڊ) پيپلز پارٽي جي شريڪ چيئرمين آصف علي زرداري اعليٰ عهديدارن جو اجلاس اڄ لنڊن ۾ طلب ڪري ورتو آهي جنهن ۾ اهم معاملن تي غور ڪيو ويندو آصف زرداري جي صدارت ۾ ٿيندڙ اجلاس ۾ خورشيد شاهه، ڊاڪٽر عاصم حسين، رحمان ملڪ، شمس الحسن ۽ ٻيا اهم اڳواڻ شرڪت ڪندا اجلاس کانپوءِ آصف علي زرداري پريس ڪانفرنس ڪندو ذريعن جو چوڻ آهي ته آصف زرداري لنڊن ۾ قيام دوران امڪاني طور تي الطاف حسين سان ملاقات ڪندو.

 

صدر ممنون حسين سان يونان جي سفير جي الوداعي ملاقات

اسلام آباد (م ڊ) صدر ممنون حسين پاڪستان ۽ يونان جي وچ ۾ ڊگهي مدي وارن ٻطرفن لاڳاپن کي اجاگر ڪندي چيو آهي ته يونان جا سيڙپڪار مختلف معاشي شعبن خاص طور تي زراعت ۽ توانائي جي ميدان ۾ سيڙپڪاري ڪري پاڪستان جي سيڙپڪار دوست پاليسين مان فائدو حاصل ڪري سگهن ٿا. هن اها ڳالهه پاڪستان ۾ يونان جي سفير پيٽراس ماورايڊس سان ڪالهه سومر ڏينهن ايوان صدر ۾ ڳالهائيندي ڪئي جنهن صدر ممنون حسين سان الوداعي ملاقات ڪئي. صدر ممنون حسين يونان سان ڊگهي مدي وارن اقتصادي ۽ واپاري رابطن کي ساراهيندي چيو ته پاڪستان يونان سان گڏيل اعتماد ۽ خيرسگالي تي ٻڌل لاڳاپن کي تمام گهڻي اهميت ڏئي ٿو. هن چيو ته پاڪستان ٻنهي ملڪن جي عوام جي گڏيل مفاد ۾ مختلف شعبن ۾ حصيداري کي وڌيڪ سگهه ڏيڻ جو خواهشمند آهي. هن چيو ته ٻنهي ملڪن مختلف عالمي فورمن تي هڪٻئي جي حمايت ۽ مختلف شعبن ۾ تعاون کي وڌيڪ هٿي ڏيڻ جي عزم جو اظهار ڪيو آهي. صدر ممنون حسين ان ڳالهه تي زور ڀريو ته ٻنهي ملڪن کي گڏيل واپار جي موجوده ماپي ۾ وڌيڪ اضافي جي لاءِ تعاون جون نيون راهون ڳولڻ گهرجن، 9 ڪروڙ ڊالر جو ٻطرفو واپاري ماپو حقيقي صلاحيت کان تمام گهٽ آهي، هن چيو ته يونان جا سيڙپڪار معشيت جي مختلف شعبن خاص طور تي زراعت ۽ توانائي جي ميدان ۾ سيڙپڪاري ڪري پاڪستان جي سيڙپڪار دوست پاليسين مان فائدو حاصل ڪري سگهن ٿا. صدر ممنون حسين آڪٽوبر 2007ع کان سفير جي حيثيت سان قيام دوران ٻطرفن لاڳاپن جي فروغ جي لاءِ پيٽراس ماروايڊس جي خدمتن کي ساراهيندي آئنده جي لاءِ نيڪ خواهشن جو اظهار ڪيو. عهدو ڇڏيندڙ سفير سفارتي مدي دوران معاونت فراهم ڪرڻ تي صدر ۽ پاڪستان حڪومت جا ٿورا مڃيا.

 

ٿر ۾ ٻارن جي فوت ٿيڻ جي جاچ ٿيڻ گهرجي، عمران جي لاڙڪاڻي ۾ جلسي سان فرق نه پوندو: آغا سراج دراني

ڪراچي (اسٽاف رپورٽر) سنڌ اسيمبلي جي اسپيڪر آغا سراج دراني چيو آهي ته ٿر ۾ ٻارن جي فوت ٿيڻ جي جاچ ٿيڻ گهرجي، عمران خان جي لاڙڪاڻي ۾ جلسي سان فرق نه پوندو. سنڌ اسيمبلي ٻاهران ميڊيا سان ڳالهائيندي سراج دراني چيو ته ٿر ۾ جيڪڏهن بک سبب ٻارڙا فوت ٿي رهيا آهن ته ان جي جاچ ٿيڻ گهرجي، سنڌ حڪومت ٿرپارڪر ۾ صورتحال جي بهتري لاءِ ڪيترائي قدم کنيا آهن، ٿر ۾ ترقياتي ڪم به ڪرايا پيا وڃن. هن چيو ته جلسا ڪرڻ عمران خان جو حق آهي هو ملڪ ۾ جتي چاهي جلسا ڪري سگهي ٿو، لاڙڪاڻي ۾ سندس جلسي ڪرڻ سان فرق نه پوندو، لاڙڪاڻي جو عوام پيپلز پارٽي سان گڏ آهي. هن چيو ته سنڌ حڪومت ناڪام ناهي ٿي، لنڊن ۾ پارٽي جو اجلاس ٿي رهيو آهي، اجلاس جي فيصلن جو انتظار آهي.

 

سنڌ کي قومي مالياتي ايوارڊ اين ايف سي به پورو حصو نه پيو ڏنو وڃي: نثار کهڙو

ڪراچي (اسٽاف رپورٽر) سنڌ جي سينئر وزير نثار احمد کهڙو چيو آهي ته 27 سالن کان پوءِ صوبائي خودمختياري ملي جڏهن ته صوبائي خودمختياري بابت عملدرآمد ڪميٽيءَ کي بهتر نموني سان ڪم ڪرڻ نه ڏنو ويو جنهن ڪري اڃان تائين صوبائي خودمختياري  مڪمل طور تي صوبن کي نه ملي سگهي آهي اهو ئي سبب آهي جو سنڌ کي قومي مالياتي ايوارڊ اين ايف سي به پورو حصو نه پيو ڏنو وڃي. اهڙن خيالن جو اظهار هن سومر ڏينهن ڪراچيءَ جي مقامي هوٽل ۾ سي پي اين اي ۽ يو اين ڊي پي پاران 18هين ترميم بابت ڪرايل سيمينار کي خطاب ڪندي ڪيو. هن چيو ته پاڪستان معاشي طور تي ڪمزور وڪيٽ تي آهي ۽ ان جو اثر صوبن تي پڻ ٿي رهيو آهي.هن چيو ته ماضيءَ ۾ سول حڪومتن کي هڪ چارج شيٽ تحت گهت موڪليو ويندو هو پر 18هين ترميم کان پوءِ ان عمل جي رستا روڪ ڪئي وئي آهي. نثار کهڙو چيو ته عوام ۽ عوامي ليڊرن جمهوريت ۽ آئين لاءِ قربانيون ڏنيون پر اڄ ڌرڻا هڻندڙ جمهوريت ۽ آئين خلاف ڳالهائي رهيا آهن شايد انهن کي ٿرڊ امپاير جو انتظار آهي جيڪو عمل جمهوريت جي نفي آهي. هن چيو ته نئون پاڪستان ٺاهڻ جون ڳالهيون ڪندڙ جمهور(عوام) کي ٻڪريون چئي رهيا آهن جن لفظن جي مذمت ڪيون ٿا. هن چيو ته ٿر واسين سان محبت ڪيون ٿا ٿر واسين جو دارومدار مويشي تي آهي ۽ ٿر ۾ صحت جون  ويجهيون ۽ بهتر سهولتون هجڻ گهرجن جنهن سان بهتري ٿي سگهي ٿي ۽ هر وقت بهتريءَ جي گنجائش موجود آهي. هن چيو ته ميڊيا کي مانيٽرنگ جو حصو سمجهون ٿا ان ڪري ميڊيا ٻين جو احتساب ڪرڻ سان گڏوگڏ پنهنجو به احتساب ڪري. هن چيو ته عدليه 4 مارشلائن کي تحفظ ڏئي صرف هڪ ڀيرو معافي ورتي جيڪو ڪافي آهي ان ڪري ان عمل تي روز عوام کان معافي ورتي وڃي.

 

ڪراچي ۾ فائرنگ جي واقعن دوران 5 ڄڻا مارجي ويا

ڪراچي(اسٽاف رپورٽر) ڪراچي ۾ فائرنگ جي واقعن دوران 5 ڄڻا مارجي ويا سائيٽ جي علائقي باواني چالي ۾ فائرنگ سبب 3 ڄڻا مارجي ويا۽ 4 زخمي ٿي پيا ايس ايڇ او سائيٽ اي انسپيڪٽر فصيح الزمان ٻڌايو ته باواني چالي ۾ اڻڄاتل ماڻهن ڇولن جي ريڙهي تي ويٺل ساجد نالي همراهه تي فائرنگ ڪري ڏني ساجد ڀڄڻ لڳو ته جوابدارن سندس پيڇو ڪندي انڌا ڌند فائرنگ ڪئي جنهن ۾ 40 سالا عليم جان، 9 سالا عرفان، 18 سالا فيض الله، 25 سالا يار محمد، 62 سالا شيرزادو ۽ 40 سالا محبوب زخمي ٿي پيا فائرنگ سبب ڀاڄ پئجي وئي، ايس ايڇ او جو چُڻ هو ته واقعي ۾ 3 ڄڻا ساجد، عرفان ۽ عليم مارجي ويا جڏهن ته 4 زخمي سول ۽ جناح اسپتال ۾ علاج هيٺ آهن شروعاتي جاچ مطابق مري ويل ساجد ڏوهاري قسم جو ماڻهو هو ۽ ڪيترين وارداتن ۾ پوليس کي گهربل هو باقي سمورا ماڻهو اتان جا رهواسي هئا جيڪي فائرنگ سبب زخمي ٿيا اورنگي ٽائون نمبر 4 شاهي آباد جي هڪ گهر ۾ فائرنگ سبب 45 سالا شخص سردار علي فوت جڏهن ته ان جو ناٺي 25 سالا فرمان علي زخمي ٿي پيو مارجي يول ۽ زخمي ٿيندڙ کي عباسي شهيد اسپتال پهچايو ويو پوليس مطابق مقتول سردار جي پٽ جوابدار حسن جو ڪنهن ڳالهه تان گهر ۾ جهيڙو ٿي پيو جنهن تي هن فائرنگ ڪري ڏني جنهن جي نتيجي ۾ ان جو والد مارجي ويو ۽ سندس ڀيڻيوو زخمي ٿي پيو جوابدار واقعي کانپوءِ فرار ٿي ويو زخمي جي حالت خطري کان ٻاهر آهي، رنڇوڙ لائن لک پتي چوڪ ويجهو ڇنڇر جي رات هٿياربندن جي فائرنگ سبب زخمي ٿيندڙ 28 سالا جنيد چوڌري ڇنڇر ۽ آچر جي وچ واري رات سول اسپتال ۾ علاج دوران زخمن جا سور نه سهندي فوت ٿي ويو، مقتول رنڇوڙ لائن جي ايم سي گرائونڊ ويجهو منصوري ڪمپائونڊ جو رهواسي هو ۽ ڪٻاڙي جو ڪم ڪندو هو، نارٿ ناظم آباد ڪٽي پهاڙي ويجهو فائرنگ سبب 30 سالا اشتياق محمد، لياقت آباد ايف سي ايريا ۾ 28 سالا حمزه، بلديه ٽائون نمبر 12 ۾ فائرنگ سبب 20 سالا عبدالواحد زخمي ٿي پيا رضويه جي علائقي ۾ جهيڙي دوران فائرنگ سبب 17 سالا عدنان، آصف ۽ 30 سالا شهزاد زخمي ٿي پيو جنهن کي طبي امداد لاءِ عباسي شهيد اسپتال پهچايو ويو.

 

پاڪستان پاران بيلسٽڪ ميزائل شاهين ون اي جو ڪامياب تجربو

راولپنڊي (م ڊ) پاڪستان سومر ڏينهن وچولي فاصلي تائين مار ڪندڙ شاهين ون اي (حتف-iv) بيلسٽڪ ميزائيل جو ڪامياب تجربو ڪيو آهي. آءِ ايس پي آر طرفان جاري بيان مطابق تجربي جو مقصد هٿيارن واري نظام جي مختلف ڊزائن ۽ فني پئراميٽرز جي توثيق ڪرڻ هو. شاهين ون اي ميزائيل ايٽمي ۽ روائتي هٿيارن کي 900 ڪلوميٽرن جي فاصلي تائين کڻي وڃڻ جي صلاحيت رکي ٿو. پاڪ بحريا جي سربراهه ايڊمرل محمد ذڪاءُ الله ڊائريڪٽر جنرل اسٽريٽجڪ پلاننگ ڊويزن ليفٽيننٽ جنرل زبير محمود حيات، ڪمانڊر آرمي اسٽريٽجڪ فورسز ڪمان ليفٽيننٽ جنرل عبيدالله خان، ڪمانڊر پاڪستان فليٽ وائيس ايڊمرل ظفر محمود عباسي، چيئرمين نيسڪام محمد عرفان برني، اسٽريٽجڪ فورسز جا سينئر آفيسر ۽ اسٽريٽجڪ ادارن جي سائنسدانن ۽ انجنيئرن عربي سمنڊ ۾ هدف کي نشانو بڻائيندڙ ميزائيل جي ڪامياب تجربي جو مشاهدو ڪيو. پاڪ بحريا جي سربراهه ايڊمرل محمد ذڪاءُ الله سائنسدانن ۽ انجنيئرنگ کي پاڪستان جي ڀروسي جوڳي گهٽ ۾ گهٽ ڊٽرنس جي صلاحيت حاصل ڪرڻ جي حوالي سان سندن پيشيواراڻي مهارت ۽ عزم ۽ جذبي کي واکاڻيو. مقامي طور تيار ڪيل گائيڊنس نظام وارو شاهين ون اي بيلسٽڪ ميزائيل پنهنجي هدف کي ٺيڪ نشانو بڻائڻ جي صلاحيت رکي ٿو. هن خطي ۾ پرامن گڏيل بقا واري پاڪستان جي خواهش جو ورجاءُ ڪيو ۽ ان مقدس مشن کي مڪمل ڪرڻ جي حوالي سان سمورن لاڳاپيل ادارن جي پيشيواراڻين صلاحيتن جي واکاڻ ڪئي. هن ڪنهن به جارحيت خلاف مادر وطن جي سلامتي جي تحفظ لاءِ پاڪستان جي هٿياربند فوجن جي صلاحيت تي ڀرپور اعتماد جو اظهار ڪيو. هوڏانهن صدر مملڪت ممنون حسين ۽ وزيراعظم محمد نواز شريف بيلسٽڪ ميزائيل جي ڪامياب تجربي کي زبردست نموني واکاڻيندي ان غير معمولي ڪاميابي تي ان ۾ شريڪ جٿن، سائنسدانن ۽ انجنيئرن کي مبارڪون ڏنيون آهن.