تازيون خبرون

Daily Archives: November 17, 2014

ڌرڻن جي سياست ڪندڙ ملڪ ۽ قوم کي محرومين جو شڪار ڪرڻ گهرن ٿا؛نواز شريف :

لاهور (بيورو) وزيراعظم محمد نوازشريف چيو ته ڌرڻن جي سياست ڪندڙ ملڪ ۽ قوم کي محرومين جو شڪار ڪرڻ گهرن ٿا ملڪ کي بحرانن مان ڪڍڻ لاءِ ترقياتي منصوبن تي ڪم جاري رکنداسين چين سان طئي ٿيندڙ معاهدا مڪمل ٿيڻ سان پاڪستان ترقي جون نيون منزلون طئي ڪندو مسلم ليگ (ن) جي حڪومت پنهنجي منشور تي عمل پيرا آهي انشاالله جڏهن ٻيهر عوام وٽ وينداسين ته ڪامياب ٿينداسين اهڙن خيالن جو اظهار هن گذريل ڏينهن جاتي عمره رائونڊ ۾ محمد شهبازشريف سان ٿيندڙ ملاقات ۾ ڳالهه ٻولهه ڪندي ڪيو ان دوران عمران خان پاران 30 نومبر تي ڏنل ڪال ٻوڏ متاثرن جي آبادڪاري لاءِ جاري امداد جو ٻيو مرحلو چين سان طئي ٿيندڙ معاهدن افغانستان جي صدر جي پاڪستان جي دوري سميت صوبي ۽ ملڪي جي جملي صورتحال تي تفصيلي خيالن جي ڏي وٺ ڪئي ويئي جاتي عمره رائونڊ ۾ ملاقات ۾ شهبازشريف وزيراعظم محمد نوازشريف کي آگاهه ڪيو ته ٻوڏ متاثرن کي امداد جي ٻئي مرحلي ۾ 6 ڏينهن ۾ 6 ارب 62 ڪروڙ ماليت جا پي آرڊر تقسيم ڪيا ويا آهن. هن ان عزم جو اظهار ڪيو ته مسلم ليگ (ن) جي حڪومت ٻوڏ متاثرن جي مڪمل بحالي تائين پنجاب حڪومت ڪائي ڪسر نه ڇڏيندي

 

عمران خان 30 نومبر تي اسلام آباد ۾ دهشتگردي جو منصوبو جوڙيو آهي: پرويز رشيد

اسلام آباد(بيورو) اطلاعات، نشريات ۽ قومي ورثي جي وفاقي وزير سينيٽر پرويز رشيد عمران خان کي چيو آهي ته هو تشدد بدران ملڪ جي ترقي ۽ خوشحالي جي لاءِ پارلياماني جمهوري سياست ڪري. هو ڪالهه آچر ڏينهن هتي پريس ڪانفرنس کي خطاب ڪري رهيو هو. ان موقعي تي پرنسپل انفارميشن آفيسر رائو تحسين علي خان به موجود هو. پريس ڪانفرنس دوران پي ٽي وي هيڊڪوارٽرز تي حملي ۽ عمران خان جون اشتعال انگيز تقريرون به ڏيکاريون ويون. وفاقي وزير چيو ته اهي سموريون ڳالهيون ثابت ڪن ٿيون ته پي ٽي وي هيڊڪوارٽرز تي حملو پي ٽي آءِ جي ڪارڪنن ڪيو، عمران خان پاڻ کي پي ٽي وي تي حملي کان آجو قرار نه ٿو ڏئي سگهي. هن چيو ته عمران خان 14 آگسٽ کان پهرين سيپٽمبر 2014ع تائين اشتعال انگيز تقريرون ڪيون جن جي نتيجي ۾ غنڊه گردي ۽ حملن جا واقعا ٿيا. سينيٽر پرويز رشيد چيو ته حقيقتن مان ثابت ٿيو آهي ته پي ٽي وي هيڊڪوارٽرز تي حملو پي ٽي آءِ جي ڪارڪنن عمران خان جي حڪم تي ڪيو. هن چيو ته وڊيو فوٽيج سان عمران خان جو اصل چهرو سامهون اچي ويو آهي جنهن حملي آورن کي پنهنجا ٽائيگرز قرار ڏنو جيڪي پي ٽي آءِ جا جهنڊا کنيل هئا. هن چيو ته حملي کانپوءِ عمران خان کي پنهنجي ڏوهه جو احساس ٿيو، هن چيو ته گرفتار ٿيل حملي آورن کي عمران خان پنهنجي گاڏي بيهاري پوليس جي حراست مان ڇڏرايو جن جي وڪالت پي ٽي آءِ جي وڪيلن ڪئي ۽ 50، 50 لک جا سندن ضمانتي مچلڪا پي ٽي آءِ جي اڳواڻن داخل ڪرايا. وفاقي وزير چيو ته عمران خان ٻڌائي ته ڇا هو ننڊ ۾ بيان ڏي ٿو يا جاڳندي. عمران خان پنهنجي ڪارڪنن کي چيو ته پي ٽي وي، وزيراعظم هائوس تي حملو ڪريو، سرڪاري عمارتن تي قبضو ڪريو، عمران خان ان ڏينهن ڌمڪي ڏني ته اڄ سڄو پاڪستان بند ٿي ويندو. عمران خان اهو به چيو ته جيڪڏهن وزيراعظم استعيفيٰ نه ڏيندو ته منهنجا ٽائيگرز جيڪو ڪندا ان جا ذميوار توهان هوندا. عمران خان پنهنجي ٽائيگرز کي پوليس حراست مان ڇڏرايو، ڪنٽينر تي بيهي طاهرالقادري کان مبارڪون وصول ڪيون. اطلاعات واري وفاقي وزير چيو ته شيخ رشيد ساهيوال جي جلسي ۾ چيو ته پوري ملڪ کي ڪيرائي ڇڏيو، وڳوڙ ڪريو، ڇا عمران خان شيخ رشيد جي تقرير دوران ننڊ ۾ هو، جيڪڏهن ننڊ ۾ هو ته پوءِ شيخ رشيد سان تعلق ختم ڪري، جيڪڏهن جاڳي رهيو هو ته پوءِ شيخ رشيد جي ڌمڪين سان جيڪو نقصان ٿيندو ان جو ذميوار عمران خان هوندو. هن چيو ته عمران خان هاڻي پي ٽي وي تي حملي کان جان ڇڏرائڻ جي ڪوشش لاءِ چئي رهيو آهي ته هو ته ان وقت ستو پيو هو. سڀاڻي وڌيڪ واقعن مان سندس جان ڇڏرائڻ مشڪل ٿي ويندو. هن عمران خان کي چيو ته بهتر آهي ته هو تشدد جي سياست ختم ڪري پارلياماني جمهوري سياست ڪري. هن چيو ته جيڪڏهن حملي آور عمران خان جا ڪارڪن نه هئا ته کين ڇو ڇڏرايو ويو. هن چيو ته عمران خان هاڻي صفايون ڏيڻ بدران اشتعال انگيزي ختم ڪري ۽ اهو به ٻڌائي ته ڇا هو شيخ رشيد جي تقرير کي own ڪري ٿو يا نه، عمران خان اعلان ڪري ته هو ماڻهن کي تشدد جي لاءِ نه اتساهيندو، اشتعال انگيزي نه ڪندو ۽ وڳوڙ واريون ڳالهيون نه ڪندو. هن چيو ته طاهرالقادري انقلاب ڌرڻو ڇڏي پنهنجي پاسپورٽ جي تجديد لاءِ هليو ويو، سندس انقلاب جي قيمت پاسپورٽ جي تجديد آهي، پاڪستان جي عوام انهن ماڻهن کي چڱي طرح سڃاڻي ورتو آهي. عمران خان ڪنٽينر تي بيهي ڳالهيون ڪرڻ کان انڪار ڪيو، وفاقي وزير چيو ته جمهوري رستو صبر وارو پر پائيدار هوندو آهي. هن چيو ته چونڊ سڌارن واري ڪميٽي ڪم ڪري رهي آهي. وفاقي وزير چيو ته آئين تڪ کولڻ جو اختيار وزيراعظم کي نه ٿو ڏي، اهو اليڪشن ڪميشن جي صوابديد تي آهي، هن چيو ته جڏهن ملڪ اقتصادي طور تي زبون حالي جو شڪار هو ته ان وقت ڪنهن کي انقلاب ياد نه آيو، حڪومت جي ڪوششن سان ملڪ هاڻي ترقي جي راهه تي گامزن آهي، چين توانائي سميت مختلف شعبن لاءِ 42 ارب ڊالر جي سيڙپڪاري جو اعلان ڪيو، اسلام آباد ۾ تازي پرڏيهي سيڙپڪاري ڪانفرنس معاشي بهتري جو ثبوت آهي، هر شعبي لاءِ سيڙپڪاري لاءِ بهتر ماحول موجود آهي. هڪ سوال تي هن چيو ته عدالت عمران خان جي مستقبل جو فيصلو ڪندي، آچر ڏينهن جهلم ۾ فائرنگ جي واقعي بابت سوال تي وفاقي وزير چيو ته مسلم ليگ (ن) يا حڪومت جو ان واقعي سان ڪو تعلق نه آهي ظاهري طور تي اهو فائرنگ جي مٽاسٽا جو واقعو آهي جنهن کي هڪ ڌر تسليم ڪيو آهي. هن چيو ته فائرنگ واري واقعي جي جاچ جاري آهي

 

جنهن اسيمبلي ۾ مني لانڊرنگ وارو ويراعظم ويٺل هجي ان جي ڪهڙي حيثيت آهي: شيخ رشيد

جهلم(بيورو)عوامي مسلم ليگ جي سربراهه شيخ رشيد چيو آهي ته جنهن اسيمبلي ۾ مني لانڊرنگ وارو وزيراعظم ويٺل هجي ان اسيمبلي جي زندگي ۽ موت جي ڪهڙي حيثيت آهي، نواز شريف ۽ آصف زرداري ملڪ کي اڏهي وانگر کائين پيا، اسان جمهوريت جي خلاف ناهيون ڌانڌلي واري حڪومت جي خلاف آهيون جهلم ۾ پاڪستان تحريڪ انصاف جي جلسي کي خطاب ڪندي شيخ رشيد چيو ته عدليه نوٽيس وٺِ پي آءِ اي جو سربراهه ڪهڙي بنياد تي بڻيو؟ جلسي ۾ مائرون ڀينرون ويٺل آهن هڪ جلسو ڪندس جنهن ۾ عورتون نه هونديو ، جنگ ٿيندي يا امن فيصلو 30 نومبر تي عمران خان کي ڪرڻو آهي جنهن نظام عوام کي لٽيو ان کي باهه ڏيڻ گهرجي.

 

نوازشريف ڌرڻو ناڪام بڻائڻ لاءِ انٽيليجنس بيورو کي ڪروڙين روپيا ڏنا: عمران خان

جهلم (مانيٽرنگ ڊيسڪ پاڪستان تحريڪ انصاف جي چيئرمين عمران خان چيو آهي ته نوازشريف ڌرڻي کي ناڪام بڻائڻ لاءِ آئي بي کي 270 ڪروڙ روپيا ڏنا ۽ هر مهيني اشتهارن جي مد ۾ 3 ارب روپيا ڏنا پيا وڃن. جهلم ۾ جلسي کي خطاب ڪندي عمران خان چيو ته گذريل ڏينهن اسلام آباد ۾ هڪ ڪرڪيٽ ميچ ٿيو جنهن ۾ افغان صدر ۽ نوازشريف موجوا هئا پر ”گو نواز گو“ جي خوف سبب عوام کي نه گهرايو ويو. وقت اچي ويو آهي ته اسين فرسوده نظام مان نجات وٺون، اسين هڪ نئون پاڪستان بڻائينداسين جنهن جنهن جي بنياد تي عدم ۽ برابري هجي، 30 نومبر تي اسلام ۾ فيصلائتي جنگ ٿيندي. ڌانڌلي کي بينقاب ڪرڻ تائين عمران خان جو ڌرڻو ختم نه ٿيندو 94 ڏينهن کان ڪنهن جي شادي يا فوتگي ۾ ناهيان ويو ٻارن سان به ناهيان مليو انصاف گهرجي ته 30 نومبر تي مون سان گڏ اسلام آباد پهچجو وقت اچي ويو آهي ته ٿاڻي جي سياست ڪندڙن کان جان ڇڏايون اهڙو نئون پاڪستان بڻايون جنهن ۾ انسان جي عزت هجي حڪمران هاڻ توهان کي غلام بڻائڻ لاءِ پنهنجن ٻارن کي تيار ڪري رهيا آهن مون ڪڏهن به لاهور کان ٻاهر ايتريون عورتون ناهن ڏٺيون عمران خان سنڌ جي پيڙهيل ماڻهن سان گڏ بيٺل هوندو سنڌ ۾ اچي ماڻهن جي خوف جون زنجيرون ٽوڙينداسين جهلم ۾ تحرڪي انصاف جي جلسي کي خطاب ڪندي عمرا نخان چيو ته بٽ هڪ عظيم قوم آهي گلو کي گلو چوندس بٽ نه، نئون پاڪستان بڻائڻ لاءِ صرف 200 قابل ماڻهو گهرجن 100 هرڻيون گڏجي حملو ڪن ته چيتو ۽ گدڙ ڀڄي ويندو، هن سوال ڪيو ته ڪرپشن ڪندڙ وزيراعظم عمران خان کي جيل موڪلي سگهي ٿو؟ عمران خان چيو ته ڌانڌلي کي بينقاب ڪرڻ تائين عمران خان جو ڌرڻو ختم نه ٿيندو منهنجي بجلي به ڪٽي وئي ميڻ بتي سان وقت گذاريندو آهيان آءِ بي جو بجيٽ 20 ڪروڙ رويپا آهن حڪومت ڌرڻي کان ڊڄي اني کي 270 ڪروڙ روپيا ڏنا تجزيه نگارن جي ضمير خريدڻ جي ڪوشش ڪئي وئي ٽي وي اينڪرن جي ٻولي لڳائي وئي ميڊيا هائوسز جو ضمير خريدڻ لاءِ پئسا لڳايا ويا

 

اڳوڻي صدر آصف زرداري صدرالدين هاشواڻي کي توهين عزت جو نوٽيس موڪلي ڇڏيو

ڪراچي(اسٽاف رپورٽر: اڳوڻي صدر ۽ پاڪستان پيپلز پارٽي جي شريڪ چيئرمين آصف علي زرداري ملڪ جي وڏي سرمائيدار گروپ هاشو گروپ جي سربراهه صدرالدين هاشواڻي کي توهين عزت جو قانوني نوٽيس موڪلي ڇڏيو آهي هي نوٽيس آصف زرداري جي وڪيل فاروق نائيڪ ذريعي موڪليو ويو نوٽيس ۾ چيو ويو آهي ته صدرالدين هاشواڻي پنهنجي ڪتاب ۾ حقيقتن کي لڪائڻ جي ڪوشش ڪندي اڳوڻي صدر جو ذڪر اهڙن لفظن ۾ ڪيو آهي جن سان ان جي نيڪ نامي تي اثر پيو آهي، متاثر سمجهي ٿي ته هي الزام هڪ سوچيل سمجهيل منصوبي تحت لڳايا ويا آهن ان لاءِ ضروري آهي ته انهن الزامن تي معافي گهري وڃي ۽ 14 ڏينهن ۾ جواب ڏنو وڃِ نه ته قانوني ڪارروائي ڪئي ويندي آصف زرداري جي ترجمان فرحت الله بابر به نوٽيس موڪلڻ جي تصديق ڪئي آهي.

 

اُتر وزيرستان ۾ آپريشن دوران 34 دهشتگرد مارجي ويا، 3 جوان شهيد

اُتروزيرستان (مانيٽرنگ ڊيسڪ) دته ختم ۾ آپريشن ضرب عضب دوران پاڪ فوج جي سرچ آپريشن ۽ فضائي ڪارروائي دوران پابندي مڙهيل تنظيم جي ڪماندڙ ۽ پرڏيهين سميت 34 دهشتگرد مارجي ويا آهن جڏهن ته 3 جوان شهيد ٿي ويا آهن. پاڪ فوج جي سڌ سماءَ واري کاتي (آءِ ايس پي آر) طرفان آچر ڏنهن هتي جاري بيان مطابق اتر وزيرستان ايجنسي جي علائقي دته خيل ۾ هوائي حملن ۾ 37 دهشتگرد مارجي ويا جن ۾ انهن جو اهم ڪمانڊر ۽ غير ملڪي به شامل آهن. پاڪ فوج جي  سرچ آپريشن ۾ 7 دهشتگرد مارجي ويا جڏهن ته مقابلي ۾ 3 جوان شهيد ۽ 4 زخمي ٿي پيا.

 

ايشوريا راءِ بچن کي ٻن فلمن ۾ عورت پوليس آفيسر جي ڪردارن جي آڇ

ممبئي (شوبز نيوز) بالي ووڊ اداڪاره ايشوريا راءِ بچن کي ٻن مختلف فلمن ۾ عورت پوليس آفيسر جي ڪردار جي آڇ ڪئي وئي آهي، ڀارتي ميڊيا موجب ايشوريا جنهن ڊگهي عرصي کان پوءِ فلم ”جذبه“ ذريعي فلمي دنيا ۾ واپسي ڪئي آهي، کي وڌيڪ فلمن جون آڇون آيون آهن، کيس ٻن فلمن ۾ عورت پوليس آفيسر جو ڪردار نڀائڻ لاءِ آفرز مليون آهن، ٻئي فلمون عورتن جي حساس موضوع تي ٻڌل آهن. ان حوالي سان ايشوريا جو چوڻ آهي ته ٻنهي فلمن ۾ سندس ڪردار هڪ جهڙو آهي، تنهن ڪري هوءَ ٻنهي مان ڪا هڪ فلم سائن ڪندي، جنهن جو اسڪرپٽ وڌيڪ جاندار لڳو هوءَ اها فلمن جوائن ڪندي

 

اداڪار شفيع محمد شاهه جي ستين ورسي (اڄ) ملهائي ويندي

ڪراچي(شوبز نيوز) فلم، ٽيليويزن ۽ ريڊيو جي ليجنڊ اداڪار شفيع محمد شاهه جي ستين ورسي (اڄ) 17 نومبر تي عقيدت ۽ احترام سان ملهائي ويندي. تفصيل مطابق شفيع محمد شاهه سنڌ جي ضلعي نوشهروفيروز جي تعلقي ڪنڊيارو ۾ 1949ع ۾ جنم ورتو. هن ٽي وي جي 50 ڊرامه سيريلز ۽ 100 کان وڌيڪ ڊرامن ۾ پنهنجي اداڪاري جا اڻ مٽ نقش ڇڏيا. شفيع محمد شاهه خانگي ٽي وي چئنل تان نشر ٿيل شاهڪار ڊرامي ”چاند گرهن“ ۾ ”شاهه جي“ جو يادگار ڪردار ادا ڪيو. شفيع محمد شاهه 17 نومبر 2007ع تي 58 سالن جي ڄمار ۾ لاڏاڻو ڪري ويو هو. سندس مشهور ڊرامن ۾ ”جنگل”، ”ديوارين”،”تيسرا ڪناره”، ”ايمرجنسي وارڊ” ”آنچ” ۽ ٻيا ڪيترائي ڊراما شامل آهن. شفيع محمد شاه ڪيترين ئي فلمن ۾ به ڪم ڪيو جن ۾ بيوي هو تو ايسي، روبي، تلاش، ايسا بهي هوتا هي ۽ سلاخين شامل آهن

 

اداڪار وحيد مراد جي 32 هين ورسي 23 نومبر تي ملهائي ويندي

لاهور (شوبز نيوز)اداڪار وحيد مراد (مرحوم) جي ورسي 23 نومبر تي لاهور ۽ ڪراچي ۾ ملهائي ويندي. مرحوم کي وفات ڪئي 32 سال ٿي چڪا آهن. مرحوم هدايتڪار ايس ايم يوسف جي اردو فلم ”اولاد“ کان فلمي ڪيريئر جي شروعات ڪئي هئي. هن پنهنجي دور ۾ ارمان، هيرا اور پٿر، احسان، نصيب اپنا اپنا، دوراها، سالگره، شمع، ان داتا ۽ نگينه جهڙين معياري فلمن ۾ ڪيو هو

 

آنجهاني راج ڪپور جي فلمن جو ريميڪ نٿو ٺاهي سگهجي: رنڌير ڪپور

ممبئي (شوبز نيوز)بالي ووڊ اداڪار رنڌير ڪپور چيو آهي ته سندس والد راج ڪپور جي فلمن جو ريميڪ نٿو ٺاهي سگهجي. ڀارتي ميڊيا موجب رنڌير ڪپور پنهنجي تازي انٽرويو ۾ چيو آهي ته هو پنهنجي والد آنجهاني اداڪار راج ڪپور جي فلمن جي ريميڪ جي سخت خلاف آهي، سندس فلمون پنهنجي زماني جون حقيقي ڪلاسڪ فلمون آهن، سندس خيال ۾ ڪو اهڙو فلمساز ناهي جيڪو انهن فلمن کان بهتر ريميڪ ٺاهڻ جي قابل هجي. هن چيو ته پهرين زماني جون فلمون ان دور جي ماڻهن تي ٺاهيون ويون آهن، هاڻي دور ڇو ته بدلجي ويو آهي، ان لاءِ اڄ جون فلمون انهن کان مختلف آهن، هاڻي ايوارڊ پئسو ٺاهڻ جو اهم ذريعو بڻجي چڪا آهن، اداڪار رنڌير ڪپور اداڪاري کان علاوه فلمن ”حنا“، ”ڌرم ڪرم“ ۽ ”ڪل آجڪل“ جون هدايتون پڻ ڏئي چڪو آهي