تازيون خبرون

Daily Archives: November 7, 2014

سنڌ جي وڏي وزير ٽارگيٽيڊ آپريشن وڌيڪ تيز ڪرڻ جي هدايت ڪري ڇڏي

ڪراچي(اسٽاف رپورٽر) سنڌ جي وڏي وزير سيد قائم عيل شآهه ڪراچي ۾ امن امان جي صورتحال تي عدم اطمينان جو اظهار ڪندي شهر ۾ ٽارگيٽيڊ آپريشڻ کي تيز ڪرڻ جي هدايت ڪري ڇڏي آهي وڏي وزير سيد قائم علي شاهه جي سربراهي ۾ امن امان بابت اهم اجلاس ٿيو جنهن ۾ آءِ جي سنڌ، ايڊيشنل اءِ جي ڪراچي سميت ٻين قانون نافذ ڪندڙ ادارن جي اعليٰ آفيسرن شرڪت ڪئي جڏهن ته اجلاس ۾ صوبائي وزير به شريڪ ٿيا، اجلاس ۾ ڪراچي ۾ امن امان ۽ خاص طور تي لياري جي صورتحال تي غور ڪيو ووي جڏهن ته ان دوران آءِ جي سنڌ وزيراعليٰ کي امن امان جي صورتحال بابت بريفنگ ڏيندي ٻڌايو ته لياري ۾ 2 گروپ پنهنجي جنگ وڙهي رهيا آهن علائقي ۾ 132 ڏوهاري ماڻهو مقابلي ۾ مارجي ويا آهن جڏهن ته علائقي ۾ پهرئين جي ڀٽ ۾ ٽارگيٽ ڪلنگ ۾ گهٽتائي آئي آهي اجلاس ۾ وزيراعليٰ سنڌ ۽ صوبائي وزيرن ڪراچي۽ لياري ۾ امن امان جي صورتحال تي ڳڻٽي جو اظهار ڪيو جڏهن ته آءِ جي سنڌ طرفان بريفنگ تي وڏي وزير جو چوڻ هو ته اسان کي بريفنگ جي ضرورت ناهي شهر ۾ مڪمل طور تي امن ڏسڻ چاهيون ٿا ڪراچي ۾ ٽارگيٽيڊ آپريشن جا مڪمل نتيجا حاصل ناهن ٿيا ان لاءِ شهر ۾ ٽارگيٽيڊ آپريشن وڌيڪ تيز ڪيو وڃي ڪراچي ۽ خاص طور تي لياري ۾ ڏوهاري ماڻهو ۽ دهشتگرد ايندا آهن جنهن سبب دهشتگردي سبب متاثر آهيون ان لاءِ ان کي منهن ڏيڻ لاءِ فوسز جي هر صورت ۾ مدد ڪئي وڃي سنڌ جي وڏي وزير شهر ۾ امن امان لاءِ فورسز جي قربانين کي ساراهيندي چيو ته امن جي قيام لاءِ فورسز قربانيون ڏنيون ۽ تمام وڏو ڪم ڪيو آهي پر ٽارگيٽ ڪلنگ تي ڪنٽرول ڪرڻ لاءِ وڌيڪ ڪوششن جي ضرورت آهي اجلاس ۾ لياري جي خراب صورتحال کي نظر ۾ رکندي علائقي ۾ وڌيڪ 5 نوان ٿاڻا قائم ڪرڻ ۽ شهر جي حساس ٿاڻن ۾ مقرر پوليس اهلڪارن کي ملندڙ خصوصي الائونس ۾ به اضافي جو فيصلو ڪيو ويو جڏهن ته لياري جي ترقياتي ڪمن لاءِ 50 ڪرور روپيا فوري طور تي جاري ڪرڻ جو به حڪم ڏنو ويو.

 

سياسي پارٽين جو راڻا ڀڳوان داس جي نالي تي اتفاق

اسلام آباد(بيورو) سياسي پارٽين جسٽس (ر) راڻا ڀڳوان داس کي چيف اليڪشن ڪمشنر مقرر ڪرڻ تي رضامندي ظاهر ڪري ڇڏي آهي جنهن کانپوءِ راڻا ڀڳوان داس کي مڃائڻ لاءِ ڪوششون شروع ڪيون ويون آهن، قومي اسيمبلي ۾ اپوزيشن ليڊر سيد خورشيد شاهه وزيراعظم ميان نواز شريف جي چين مان واپسي کانپوءِ ان سان ملاقات ڪري جسٽس (ر) راڻا ڀڳوان داس کي نئون چيف اليڪشن ڪمشنر مقرر ڪرڻ لاءِ قائل ڪندو ۽ وزيراعظم جي راضپي تي مقرري لاءِ آئين ۾ ترميم به ڪري سگهجي ٿي، ياد رهي ته جسٽس (ر) راڻا ڀڳوان داس جو نالو اپوزيشن خورشيد شاهه طرفان تجويز ڪيو ويو هو جڏهن ته راڻا ڀڳوان داس پاڻ ئي عهدوسنڀالڻ کان معذرت ڪئي هئي جنهن جو اظهار خورشيد شاهه به ڪيو هو ذريعن مطابق خورشيد شاهه ۽ شاهه محمود قريشي وچ ۾ ٿيندڙ ملاقات کانپوءِ پيپلز پارٽي سينيٽر رضا رباني کي جسٽس (ر) راڻا ڀڳوان داس سان ملي ان کي چيف اليڪشن ڪمشنر بڻجڻ لاءِ راضي ڪرڻ جو ٽاسڪ ڏن ويو آهي ۽ ان سلسلي ۾ هو جمعي جي شامل ان سان ملاقات ڪندو.

 

ٻن مهينن ۾ سياسي بحران سان ملڪ کي پهتل نقصان جو ازالو ڪنداسين: وزيراعظم

اسلام آباد (بيورو) وزيراعظم محمد نوازشريف چيو آهي ته عوام کي بجلي جي لوڊشيڊنگ کان بچائڻ لاءِ چين وڃي رهيو آهيان ٻن مهينن ۾ سياسي بحران سان ملڪ ۾ پهتل نقصان جو ازالو ڪنداسين وزيراعظم نوازشريف چين وڃڻ کان اڳ پنهنجي بيان ۾ چيو ته پنهنجي عوام کي ايندڙ سرگرمين ۾ بجلي جي لوڊشيڊنگ کان بچائڻ لاءِ چين وڃي رهيو آهيان وزيراعظم چيو ته پاڪ چين اقتصادي راهداري جا بهتري نتيجا نڪرندا اربين رپين جي منصوبن سان پاڪستان جي 10 لک کان وڌيڪ نوجوانن کي روزگار جا موقعا ملندا هن چيو ته گذريل ٻن مهينن ۾ سياسي بحران سان ملڪ کي گهڻو نقصان ٿيو نقصان جو ازالو ڪيو ويندو پاڪستان جي ڀلائي لاءِ ڪم ڪرڻ جو عزم ڪري ڇڏيو آهي نوازشريف چيو ته چين جي تعاون سان شروع ڪيل منصوبن سان هزارين نوجوانن کي روزگار ملندو هن چيو ته حڪومت اسلام آباد ۾ ڌرڻن سبب ٿيل نقصان جي ازالي لاءِ جيڪو ممڪن ٿي سگهيو اهو ڪم ڪندي.

 

خورشيد شاهه جي شاهه محمود قريشي سان ملاقات، چيف اليڪشن ڪمشنر جي مقرري لاءِ مختلف نالن تي مشاورت

اسلام آباد (بيورو) چيف اليڪشن ڪمشنر جي مقرري تي مشاورت لاءِ قومي اسيمبلي ۾ مخالف ڌر اڳواڻ خورشيد شاهه تحريڪ انصاف جي وائيس چيئرمين شاهه محمود قريشي سان ملاقات ڪئي جنهن ۾ پي ٽي آءِ پاران جسٽس (ر) ناصر اسلم زاهد جو نالو تجويز ڪيو ويو جمعي تي چيف اليڪشن ڪمشنر جي مقرري لاءِ خورشيدشاهه شاهه محمود قريشي سان اسلام آباد ۾ ملاقات ڪئي جنهن ۾ چيف اليڪشن ڪمشنر جي مقرري لاءِ مختلف نالن تي مشاورت ڪئي ويئي ملاقات ۾ نئين اليڪشنڪمشنر جي مقرري متعلق خيالن جي ڏي وٺ ڪئي ويئي شاهه محمود قريشي چيو ته تحريڪ انصاف ناصر اسلم زاهد جو نالو ڏنو آهي جنهن تي خورشيد شاهه چيو ته حڪومت ۽ اپوزيشن ٻنهي پاران تصدق حسين جيلاني جو نالو ڏنو ويو، جسٽس (ر) رانا ڀڳوانداس ۽ جسٽس ميان اجمل جا نالا به غور هيٺ آهن.

 

پرويز رشيد جو عمران خان کي عدالتي جاچ ۾ مبينه ڌانڌلي ثابت ٿيڻ سان مشروط ڪرڻ متعلق بيان جي آجيان

اسلام آباد (بيورو) وفاقي وزير پرويز رشيد عمران خان پاران وزيراعظم نوازريف جي استعيفا جي مطالبي کي عدالتي جاچ ۾ مبينه ڌانڌلي ثابت ٿيڻ سان مشروط ڪرڻ متعلق بيان جي آجيان ڪندي ان کي مثبت اڳڀرائي قرار ڏنو ميڊيا سان ڳالهائيندي هن چيو ته چونڊ سڌارا ته اسان جو پنهنجو مطالبو آهي هر جماعت اها ئي ڳالهه ڪري رهي آهي ۽ اسان هن مطالبي کي عملي جامو پارائڻ لاءِ هڪ سڌاراتي ڪميٽي به جوڙي آهي جيڪا پنهنجو ڪم ڪري رهي آهي ۽ مبينه ڌانڌلي جي جاچ لاءِ عدالتيڪميشن جي تشڪيل لاءِ پهريان کي خط لکيو ويو آهي هن چيو ته حڪومت هر وقت تحريڪ انصاف جي لاءِ تيار آهي اڳ به عمران خان ڳالهيون رد ڪيون هيون جيڪڏهن هو ڳالهيون ڪرڻ گهري ٿو ته شاهه محمود قريشي يا ڪنهن ٻئي شخص کي آزادي ڏي ٽن ڏينهن کان پوءِ اسان جي ڳالهين واري ڪميٽي جو سربراهه اسحاق ڊار وطن واپس ايندو ۽ اسان پوءِ ڪٿي به وڃي تحريڪ انصاف سان ملڻ لاءِ تيار آهيون.

 

شرجيل انعام ميمڻ طرفان پي ايس 50 تڪ جي مختلف علائقن جو دورو، ترقياتي ڪمن جو معائنو

حيدرآباد (بيورو) اطلاعات ۽ بلديات واري صوبائي وزير شرجيل انعام ميمڻ پي ايس 50 ۾ جاري مختلف ترقياتي ڪمن جو اوچتو دورو ڪندي عملدارن کي سخت هدايت ڪئي آهي ته اهي ڪمن کي فوري طور مڪمل ڪن ته جيئن تڪ جي عوام کي بنيادي سهولتون فراهم ڪري سندن زندگي جي معيار کي بهتر بڻائي سگهجي. هن اهڙو اظهار جمعي ڏينهن پي ايس 50 جي مختلف علائقن ۾ مختلف برادرين سان سندن وارثن جي لاڏاڻي تي عذر خواهي ڪرڻ کانپوءِ مختلف ترقياتي رٿائن جو دورو ڪرڻ دوران ڳالهائيندي ڪيو. صوبائي وزير شرجيل انعام ميمڻ چيو ته پ پ پ حڪومت پنهنجي هر دور اقتدار ۾ عوام جي خدمت ڪئي آهي ۽ اهو شهيد ذوالفقار علي ڀٽو ۽ شهيد بينظير ڀٽو جو فلسفو آهي جنهن تي اڄ به پ پ پ قائم آهي ۽ پنهنجي شهيدن جي مشن کي جاري رکندي ملڪ جي غريب عوام جو سهارو بڻي آهي. هن چيو ته پي ايس 50 ۾ رڪارڊ ترقياتي ڪم شروع ڪرايا ويا آهن، جن جي مڪمل ٿيڻ سان حيدرآباد جي ٻهراڙي وارو علائقو هڪ ماڊل سٽي بڻجي ويندو ۽ هتان جي رهواسين کي زندگي جون سموريون سهولتون ميسر ٿينديون. ان موقعي تي هن يو سي هٽڙي ۾ وڏيرو وڪيو پنهور سان سندس ڀاڄائي، هوسڙي ۾ انتظار راجپوت سان سندس چاچي، ٽنڊو قيصر ۾ عزيز پهوڙ سان سندس ڀاءُ، هٽڙي ۾ امام الدين نوناري ۽ نوناري برادري جي ٻين 6 فردن سان سندن وارثن مسو ڀرڳڙي ۾ رئيس سعيد خان بروهي، مسو ڀرڳڙي ۾ صحافي عاشق ترڪ سان سندس ڀاءُ ۽ ميوو حاجاڻو ۾ مختلف ماڻهن سان سندن وارثن جي لاڏاڻي تي پڻ عذرخواهي ڪئي ۽ گهري ڏک جو اظهار ڪيو. بعد ۾ صوبائي وزير تڪ ۾ جاري ترقياتي ڪمن جو پڻ جائزو ورتو ۽ هدايت ڪئي ته ڪمن جي معيار کي نظر ۾ رکندي وقت سر ترقياتي رٿائون مڪمل ڪيون وڃي. بعد ۾ صوبائي وزير شرجيل انعام ميمڻ علائقي جي معززين سان ملاقاتون پڻ ڪيون ۽ عام ماڻهن سان گڏجاڻيون ڪري سندن مسئلا دريافت ڪيا ۽کين خاطري ڪرائي ته سندن مسئلا ترجيحي بنيادن تي حل ڪيا ويندا، ان موقعي تي حاجي بدر ميمڻ، رئيس حاڪم علي کٽياڻ، سيد شفقت شاهه، وڏيرو ڪريم بخش جهيجو، وڏيرو لعل بخش جهيجو، سيد روشن علي شاهه، مولابخش مشوري، شاهزيب سيواڻي ۽ ٻيا پڻ ساڻس گڏ هئا.

 

ليفٽيننٽ جنرل رضوان اختر آءِ ايس آءِ جي نئين سربراهه جون ذميواريون سنڀالي ورتيون

اسلام آباد(بيورو) آءِ ايس آءِ جي نئين سربراهه ليفٽيننٽ جنرل رضوان اختر پنهنجي عهدي جي چارج سنڀالي ورتي پاڪستان جي سڀ کان وڏي انٽيليجنس ايجنسي انٽر سروس انٽيليجنس (آءِ ايس آءِ) جي نئين سربراهه ليفٽيننٽ جنرل رضوان اختر پنهنجي عهدي جي چارج سنڀالي ورتي آهي ميجر جنرل کان ليفٽيننٽ جنرل جي عهدي تي ترقي حاصل ڪندڙ رضوان اختر ليفٽيننٽ جنرل ظهيرالاسلام جي ريٽائرمينٽ کانپوءِ آءِ ايس آءِ جي 21 هين سربراهه جي حيثيت سان پنهنجون ذميواريون سرانجام ڏيندو جڏهن ته ان کان پهريان هو ڊائريڪٽر جنرل سنڌ رينجرز جي طور تي فرض سرانجام ڏيندو رهيو هو، ياد رهي ته رضوان اختر جي سربراهي ۾ ڪراچي ۾ ڏوهاري ماڻهن خلاف ٽارگيٽيڊ آپريشن به ٿيو جنهن ۾ هن شهر ۾ امن قائم ڪرڻ لاءِ تمام گهڻيون خدمتون سرانجام ڏنيون جڏهن ته رضوان اختر آپريشن دوران ڪجهه پوليس آفيسرن کي هٽائڻ تي به خدشن جو اظهار ڪيو هو.

 

ايف آءِ اي ۾خراب شهريت رکندڙ 9 آفيسرن کي اهم عهدن تان هٽايو ويو

اسلام آباد (بيورو) گهرو وزير چوڌري نثار علي خان جي هدايت تي ايف آءِ اي ۾ سٺي ڪارڪردگي جو مظاهرو نه ڪرڻ ۽ بري شهريت جي حامل ايڊيشنل ڊائريڪٽر سميت 9 آفيسرن کي اهم عهدن تان هٽائي بليڪ لسٽ ڪيو ويو. ايف آءِ اي جي باخبر ذريعن ”آءِ اين پي“ کي ٻڌايو ته گذريل ڏينهن گهرو وزير چوڌري نثار علي خان ايف آءِ اي هيڊڪوارٽر جي دوري دوران ڊي جي ايف آءِ اي غالب بنديشه کي هدايت ڪئي هئي ته ايف آءِ اي ۾ ڪرپشن ۾ ملوث ۽ بري شهريت رکندڙ آفيسرن کي برداشت نه ڪيو ويندو، گهرو وزير جي ان هدايت جي روشني ۾ ڊي جي ايف آءِ اي ڪجهه آفيسرن متعلق شڪايتون ملڻ تي ان جي جاچ ڪرائي جيڪا صحيح ثابت ٿي جنهن تي ايف آءِ اي ايڪشن وٺندي ايڊيشنل ڊائريڪٽر ايف آءِ اي شاهد حسين، ڊپٽي ڊائريڪٽر چوڌري سجاد اڪرم سميت 9 آفيسرن کي اهم عهدن تان هٽائي بليڪ لسٽ ڪيو ويو آهي ۽ کين آئيندهه ايف آءِ اي ۾ اهم عهدن تي مقرر نه ڪيو ويندو. ڊي جي ايف آءِ اي انهن آفيسرن کي اهم عهدن تان هٽائڻ جي رپورٽ گهرو وزارت کي موڪلي ڇڏي آهي.

 

رپورٽ جعلي آهي، منظور وساڻ ٿر جي حوالي سان پاڻ سان منسوب رپورٽ کي جعلي قرار ڏيئي ڇڏيو

ڪراچي (اسٽاف رپورٽر) صوبائي وزير منظور حسين وساڻ ٿر جي حوالي سان پاڻ سان منسوب رپورٽ جنهن ۾ وزيراعليٰ سنڌ کي ٿر ۾ جاني نقصان جو ذميوار قرار ڏنو ويو هو ان کي جعلي قرار ڏنو ويو آهي خانگي ٽي وي چينل سان ڳالهائيندي منظور وساڻ چيو ته ٿر ۾ ڏڪار متعلق اڃا تائين ڪائي رپورٽ جاري ناهي ڪئي هن چيو ته ٿر جي ان بابت رپورٽ تيار ٿيڻ ۾ وڌيڪ ٻه ڏينهن لڳي سگهن ٿا صوبائي وزير چيو ته بلاول ڀٽو زرداري پارٽي سربراهه آهي شوڪاز نوٽيس ڏيئي سگهي ٿو.

 

ڀارت ۾ پاڪستاني ڪرڪيٽ ٽيم جون ٽي شرٽس پائڻ تي 10 نوجوانن غدار قرار، ڪيس داخل جو ڪيس داخل

نئين دهلي(اي پي پي) ڀارتي شهر لکنئو جي هڪ ڳوٺ ۾ هڪ مذهبي جلوس دوران پاڪستاني ڪرڪيٽ ٽيم جون ٽي شرٽس پائڻ تي 10 نوجوانن خلاف غداري جو ڪيس داخل ڪيو ويو آهي. ڪشمير ميڊيا سروس مطابق ڪشي نگر اتر پرديش ۾ ايس پي لليت ڪمار سنگهه صحافين کي ٻڌايو آهي ته ڪچوف ۾ کڀر سهتان پوليس اسٽيشن ۾ 10 نوجوانن خلاف غداري جي الزامن تي ايف آءِ آر داخل ڪئي وئي آهي. 4 نومبر تي نوجوانن طرفان پاڪستاني ڪرڪيٽ ٽيم جو ٽي شرٽس پائي پهچي هڪ مذهبي جلوس ۾ شرڪت ڪرڻ کان پوءِ ڪليان ڇاپر ڳوٺ ۾ حالتون ڇڪتاڻ واريون آهن. ڪجهه مقامي ماڻهن نوجوانن جي ان قدم تي ڪاوڙ جو اظهار ڪيو جنهن کان پوءِ انهن ان بابت پوليس کي اطلاع ڏنو. پوليس جي دخل اندازي کان پوءِ نوجوان پنهنجون ٽي شرٽس لاهي ڇڏيون. ڪنهن به اڻ وڻندڙ واقعي کان بچڻ لاءِ علائقي ۾ پوليس جي وڏي نفري مقرر ڪئي وئي آهي.