تازيون خبرون

Daily Archives: November 6, 2014

اوربلنگ تي هاڻي تائين ڇا ڪيو ويو؟ وزير اعظم

اسلام آباد (بيورو) وزيراعظم نواز شريف چيو آهي ته اقتصادي راهداري جي منصوبن تي چين دوري دوران بيجنگ ۾ صحيحون ٿينديون، اقتصادي راهداري تحت منصوبن کي جلد کان جلد مڪمل ڪيو ويندو، ملڪي معيشت جي خرابي ۾ بدعنوان عنصرن جو تمام وڏو هٿ آهي، موجودهه حڪومت ڪرپشن ختم ڪري ڪرپٽ عنصرن کي عبرت جو مثال بڻائيندي، نيلم جهلم منصوبي تي پوئين حڪومت ۾ ڪم ٿيڻ کپي ها، بدقسمتي سان نه ٿيو، منصوبي تي چئوڻي پنجوڻي وڌيڪ لاڳت اچي رهي آهي، پوئين حڪومت ۾ بجلي جا ڪارخانا، موٽرويز جي تعمير ۽ گوادر پورٽ جهڙا منصوبا مڪمل ٿي وڃن ها ته اڄ حالتون ئي ڪجهه ٻيون هجن ها، منصوبابندي وزير جا آئيڊياز سٺا آهن، انهن تي ڪم ڪرڻ جي ضرورت آهي، هو انهن مطابق سڌارو آڻي، ملڪ مان غربت جي خاتمي ۽ ٻين مسئلن سان منهن ڏيڻ لاءِ سرڪاري شعبي ۾ سڌاري لاءِ ترجيحاتطئي ڪيون وڃن، ادائيگين ۾ توازن ۽ زرمبادلي جي ذخيرن ۾ واڌ لاءِ برآمدات وڌائڻي پوندي، ماضي جي روايتن کان هٽي ترقي جا نوان باب کولڻ کپن، بجلي جي کوٽ تي ضابطي آڻڻ لاءِ ملڪي تاريخ جو سڀ کان جامع پروگرام بڻجي رهيو آهي، ترجيحي سڌاري تي 2 کان 3 مهينن ۾ عملدرآمد شروع ٿي وڃڻ کپي. هو وفاقي ڪابينا جي اجلاس کي خطاب ڪري رهيو هو. اجلاس ۾ پاڻي ۽ بجلي جي وفاقي وزير خواجا آصف، منصوبابندي وزير احسن اقبال، تجارت وزير خرم دستگير ۽ ريلوي وزير خواجا سعد رفيق پنهنجي پنهنجي وزارتن جي ڪارڪردگي تي اجلاس کي بريفنگ ڏني. وزيراعظم نواز شريف اجلاس شروع ٿيندي ئي سڀ کان پهريان اووربلنگ ۽ ان حوالي سان پيشرفت بابت پڇا ڪئي، جنهن تي پاڻي ۽ بجلي وزير خواجا آصف بريفنگ ڏيندي چيو ته وڌيڪ بلن جي روڪٿام ۽ عوام کي ريليف ڏيڻ لاءِ قدم کنيا پيا وڃن، پاڻي ۽ بجلي وزارت صارفين جي شڪايتن جو ازالو ڪندي، عوام کي ريليف ڏيڻ لاءِ طريقيڪار طئي ڪري رهيا آهيون، وڌيڪ بلن جي حوالي سان ڪابينا جي فيصلن تي مڪمل عملدرآمد ٿيندو، مستقبل ۾ به اهڙي صورتحال کان بچاءَ لاءِ قدم کڻي رهيا آهيون. وزيراعظم نواز شريف خواجا آصف کي مخاطب ڪندي چيو ته اووربلنگ جي معاملي ۾ ملوث عنصرن جي به نشاندهي ٿيڻ کپي، صارفين جي حقن جو تحفظ ۽ شڪايتن جو ازالو هر صورت يقيني بڻايو وڃي. جنهن تي خواجا آصف وزيراعظم کي خاطري ڏياري ته اووربلنگ ۾ ملوث عنصرن جي نشاندهي ڪئي ويندي ۽ کين سخت سزا ڏني ويندي. اجلاس ۾ وفاقي وزير احسن اقبال واٽر پاليسي، نيشنل ريسرچ پاليسي تي ۽ آڪسفورڊ يونيورسٽي جي اشتراڪ سان جيڪي منصوبا شروع ڪيا ويا ان تي بريفنگ ڏني. منصوبابندي وزير احسن اقبال وزارت جي ڪارڪردگي تي بريفنگ ڏيندي چيو ته پاڪ چين اقتصادي راهداري منصوبي کي حقيقت بڻائڻ تي ڌيان ڏنو، تمام لاڳاپيل ادارن جي مشاورت سان ويزن 5 2 0 2 کي حتمي شڪل ڏني، تمام ترقي يافتا ملڪن جي پيشرفت کي سامهون رکي ويزن 5 2 0 2 تيار ڪئي، 8 1 0 2 ع تائين ترقي جي شرح کي 6 سيڪڙو تائين وٺي وڃڻ جو هدف مقرر ڪيو آهي، سرڪاري ترقياتي پروگرام ۾ اقتصادي راهداري لاءِ فنڊز رکيا، هڪ سال ۾ 1 0 8 3 ارب جا 0 4 2 منصوبا منظور ڪيا. گذريل دور ۾ بدعنواني، فنڊز جي عدم فراهمي، منصوبي ۾ دير جا سبب آهن، پاڪ چين اقتصادي راهداري تحت 5 4 ارب ڊالر جو پورٽ فوليو آهي، 4 3 ارب ڊالر توانائي ۽ 1 1 ارب ڊالر بنيادي ڍانچي جي بهتري لاءِ آهن، بهتر ڪم ڪرڻ تي وزارت جي ملازمن کي ماهوار ايوارڊ ڏيون ٿا، 2 4 سيڪڙو ٻار عدم غذائيت جو شڪار آهن، ويزن 5 2 0 2 جي منصوبن جي نگراني ۽ عملداري جو يونٽ قائم ڪيو ويو آهي، اڳين چند سالن ۾ پيدا ٿيندڙ پاڻي بحران کان بچڻ لاءِ ڪم ڪري رهيا آهيون. وزيراعظم نواز شريف منصوبابندي وزير احسن اقبال جي خيالن کي ساراهيندي چيو ته اوهان جيڪي جيڪي منصوبا سوچا اهي لاجواب آهن هاڻ صرف انهن تي ڪم ڪري انهن کي مڪمل ڪرڻ جي ضرورت آهي. احسن اقبال بعد ريلوي وزير خواجا سعد رفيق پنهنجي وزارت جي ڪارڪردگي جي حوالي سان اجلاس کي بريفنگ ڏيندي چيو ته وزارت ريلوي ۾ موڪل ڪلچر ختم ڪيو ويو آهي، ريلوي جي بحالي لاءِ 3 سالن جو وقت درڪار هو، ڏيڍ سال ڪاميابي سان گذاريو ويو آهي، پاڪستان ريلوي جو 7 6 سيڪڙو ٽريڪ پنهنجي مدت پوري ڪري چڪو، ريلوي ۾ ٽيڪنيڪي عملي ۽ آءِ ٽي جي شعبي تي خاص ڌيان ڏئي رهيا آهيون، خطي ۾ موجود ريلوي جي نظام جو مقابلو ڪرڻ لاءِ 0 1 سال درڪار آهن. خواجا سعد رفيق چيو ته اسان مسافر ٽرينن جو انگ 2 9 مان وڌائي 4 0 1 ڪري ڇڏيو آهي، مال ڀريل گاڏين لاءِ رکيل 8 انجڻ وڌائي 5 4 ڪيا ويا آهن، مشرف دور ۾ گهرايل 9 6 انجڻ ڪوڙي جو ڍير بڻجي چڪيون آهن، ريلوي جي ليگل شعبي جي نئين جوڙجڪ ڪري رهيا آهيون، 5 3 پراڻا انجڻ پنهنجي وسيلن مان بحال ڪيا ويا، ريلوي انجنيئرز لاءِ تربيت جا خاص پروگرام شروع ڪري رهيا آهيون. هن چيو ته بنا ڪنهن فرق ڪاروائي ڪري ريلوي جي 8 1 5 ايڪڙ زمين تان حد دخلين کي ختم ڪرايو، گذريل سال پاڪستان ريلوي جي مسافرن ۾ 7 5 لک کان وڌيڪ جي واڌ ٿي، ريلوي وٽ تيل جا ذخيرا هڪ ڏينهن جا هئا ان کي وڌائي 4 ڏينهن تائين پهچائي ڇڏيو آهي، گذريل سال ريلوي مان ساڍا 3 ارب رپيا ڪمايا، هلندڙ سال هدف 7 ارب رپيا آهي. بريفنگ بعد وزيراعظم نواز شريف خواجا سعد رفيق جي ڪارڪردگي کي واکاڻيو، وزيراعظم نواز شريف تجارت جي وفاقي وزير خرم دستگير جي وفاقي ڪابينا کي ڏنل بريفنگ تي هدايت ڪئي ته ايران ۽ وچ اوڀر جي ملڪن سان رابطو ڪري ڪپهه ۽ چانور گهرايو. وزيراعظم آبادگارن جي مسئلن کي فوري طور تي حل ڪرڻ جي هدايت ڪئي ۽ لاڳاپيل وزيرن کي چانور جي جلد کان جلد برآمد يقيني بڻائڻ جي هدايت ڪئي. ان کان پهريان ڪابينا جي اجلاس ۾ ايران کي بجلي جي رهتن جي ڏس ۾ چانور موڪلڻ جي تجويز ڏني وئي هئي. وزيراعظم نواز شريف وفاقي ڪابينا جي اجلاس ۾ ڪوٽ راڌا ڪشن قصور ۾ مسيحي جوڙي جي مارجڻ جي مذمت ڪندي هدايت ڪئي ته حڪومت واقعي جي ذميدارن کي قرار واقعي سزا ڏيندي، واقعو هانءُ ڏاريندڙ آهي ان جي ڀرپور مذمت ڪرڻ گهرجي. وزيراعظم اجلاس جي ميمبرن کي چيو ته ملڪ مان غربت جي خاتمي ۽ ٻين مسئلن سان منهن ڏيڻ لاءِ سرڪاري شعبي ۾ سڌاري لاءِ ترجيحات طئي ڪريو، ادائيگين ۾توازن ۽ زرمبادلي جي ذخيرن ۾ واڌ لاءِ برآمدات وڌائڻي پوندي، ماضي جي روايتن کان هٽي ترقي جا نوان باب کولڻ کپن، بجلي جي کوٽ تي ضابطو آڻڻ لاءِ ملڪي تاريخ جو سڀ کان جامع پروگرام بڻجي رهيو آهي، ترجيحي سڌاري تي 2 کان 3 مهينن ۾ عملدرآمد شروع ٿي وڃڻ گهرجي.

 

لياري ٻيهر جنگ جو ميدان بڻجي ويو، بمن ۽ گولين جي برسات، پ پ جا 3 عهديدار قتل

ڪراچي (اسٽاف رپورٽر) لياري جو علائقو هڪ دفعو ٻيهر جنگ جو ميدان بڻجي ويو هٿياربند گروپن جا هڪٻئي تي جديد هٿيارن سان حملا پيپلزپارٽي جا 3 علائقائي عهديدار قتل خميس جي صبح به ڇڪتاڻ برقرار گلستان ڪالوني ۽ رانگي واڙا ۾ دستي بمن جي برسات سردار عذير بلوچ جي در تي ٽي ايوان گولا فائر ڪيا يوا جٽ پٽ مارڪيٽ عيدو لين غلام شاهه لين ۾ به دستي بمن سان حملا سردار عذير بلوچ جي گهر تي ٽي ايوان گولا اڇلايا ويا سنڌ جي وڏي وزير پيپلزپارٽي جي علائقائي عهديدارن جي قتل جو نوٽيس وٺندي قاتل گرفتار ڪرڻ ۽ ڏوهارين خلاف وڏو آپريشن ڪرڻ جو حڪم ڏيئي ڇڏيو. ذريعن موجب نپيئر جي علائقي لياري زونل آفيس بزد شاهه ٽيرس ۾ قائم دواخاني ويجهو ڪرسين تي ويٺل ماڻهن تي موٽر سائيڪلن تي سوار لياري گينگ وار جي ڏوهارين انڌاڌند فائرنگ ڪئي ۽ فرار ٿي ويا جنهن سان علائقي ۾ ڏهڪاءُ پکڙجي ويو جڏهن ته واقعي وقت ڀاڄ پئجي ويئي پوليس ۽ رينجرز اطلاع ملندي ئي ٿڏي تي پهچي زخمي ماڻهن کي سول اسپتال پهچايو جتي عنايت بلوچ ولد خدابخش، اعجاز لوڌي ۽ عبدالشڪور بلوچ مارجي ويا جڏهن ته سخت زخمي علي حيدر بلوچ کي خانگي اسپتال منتقل ڪيو ويو جتي علي حيدر بلوچ جي حالت ڳڻتي جوڳي ٻڌائي وڃي ٿي پوليس موجب مقتول عنايت بلوچ ڊسٽرڪٽ سائوٿ پيپلز خاڪروب يونين جو صدر هو ۽ عبدالشڪور پيپلزپارٽي جو ڪارڪن هو جڏهن ته اعجاز لوڌي مقتول ۽ پيپلزپارٽي جي ڪارڪن علي حيدر جو دوست هو ڪجهه ڏينهن اڳ ئي لنڊن مان آيل هو پوليس جو چوڻ هو ته بابا لاڏلا گروپ جي لڳ ڀڳ 15 کان 20 هٿياربندن انڌاڌند فائرنگ ڪئي ۽ فرار ٿي ويا واقعي کان پو3 جٽ پٽ مارڪيٽ رانگهي واڙا سنگهولين شاهه بيگ لين 8 چوڪ ۽ ٻين علائقن ۾ لياري گينگ وار جي ٻن گروپن ۾ هٿياربند ويڙهه شروع ٿي ويئي رات دير تائين فائرنگ ٿيندي رهي جنهن سبب علائقي واسي پنهنجي گهرن تائين محدود ٿي ويا.

 

چيف اليڪشن ڪمشنر جي مقرري لاءِ وزيراعظم ۽ خورشيد شاهه وچ ۾ پهرين باضابطا مشاورت

اسلام آباد (بيورو) چيف اليڪشن ڪمشنر جي مقرري لاءِ وزيراعظم نواز شريف ۽ مخالف ڌُر جي اڳواڻ سيد خورشيد شاهه وچ ۾ پهرين باضاب ا مشاورت، خورشيد شاهه وزيراعظم سان ملاقات ۾ چيف اليڪشن ڪمشنر جي منصب لاءِ سپريم ڪورٽ جي اڳوڻي جسٽس (ر) سعيد الزمان صديقي، جسٽس (ر) ڀگوان داس ۽ اڳوڻي سينئر جج ميان اجمل تي ٻڌل 3 نالا پيش ڪري ڇڏيا، وزيراعظم جسٽس (ر) ميان اجمل جو نالو رد ڪري ڇڏيو، چيف اليڪشن ڪمشنر لاءِ ان کان علاوه اڳوڻي چيف جسٽس تصدق حسين جيلاني، جسٽس (ر) طارق پرويز ۽ جسٽس ناصر اسلم ذاهد جا نالا به سامهون اچي ويا، تحريڪ انصاف جسٽس ناصر اسلم ذاهد کي نئون چيف اليڪشن ڪمشنر بڻائڻ جي تجويز ڏئي ڇڏي، مخالف ڌُر جي اڳواڻ خورشيد شاهه چيو آهي ته هو ان منصب تي متفقه نالو سامهون آڻڻ لاءِ تحريڪ انصاف سميت ٻين مخالف پارٽين سان به مشاورت ڪندو. وزيراعظم هائوس ۾ وزيراعظم نواز شريف ۽ مخالف ڌُر جي اڳواڻ سيد خورشيد شاهه وچ ۾ مستقل چيف اليڪشن ڪمشنر جي مقرري تي مشاورت لاءِ پهرين باضابطا ملاقات ٿي. ملاقات ۾ ٻنهي اڳواڻن اتفاق ڪيو ته نئين چيف اليڪشن ڪمشنر جي مقرري لاءِ حڪومت ۽ آپوزيشن وچ ۾ اتفاق راءِ سان ڪنهن غيرجانبدار ۽ شفاف ڪردار واري شخصيت جو نالو سامهون آڻڻ گهرجي. ملاقات بعد ميڊيا سان ڳالهائيندي خورشيد شاهه چيو ته هو آپوزيشن پارٽين جي مشاورت سان حتمي نالو فائنل ڪندو ۽ ان حوالي سان جلد جماعت اسلامي جي امير سراج الحق ۽ تحريڪ انصاف جي چيئرمين عمران خان سان ملاقات ڪري ان جي راءِ وٺندو. هن چيو ته هو نٿو چاهي ته چيف اليڪشن ڪميشن جي مقرري پهرين ڏينهن ئي تڪراري ٿي وڃي. هن چيو ته ايم ڪيو ايم حڪومت سان گڏ ڏسڻ ۾ اچي رهي آهي ان لاءِ ان سان حڪومت پاڻ ئي مشاورت ڪندي. هن اميد ظاهر ڪئي ته ايندڙ ٻن کان ٽن ڏينهن وچ ۾ مشاورت لاءِ ان حوالي سان حتمي نالو سامهون اچي ويندو. خورشيد شاهه چيو ته چيف اليڪشن ڪمشنر جي مقرري جي حوالي سان حڪومت سان مشاورت جاري آهي ۽ ايندڙ 3 ڏينهن ۾ نالو فائنل ڪري وزيراعظم کي پيش ڪري ڇڏيندس.

 

پ پ چيئرمين جي پوليٽيڪل سيڪريٽري جهانگير بدر جي وڏي وزير سان ملاقات

ڪراچي (اسٽاف رپورٽر) پي پي پي چيئرمين بلاول ڀٽو زرداري جي پوليٽيڪل سيڪريٽري جهانگير بدر خميس ڏينهن چيف منسٽر هائوس ڪراچي ۾ پي پي پي سنڌ جي صدر ۽ سنڌ جي وڏي وزير سيد قائم علي شاهه سان ملاقات ڪئي. ملاقات ۾ سنڌ جي وڏي وزير جا خاص مددگار وقار مهدي ۽ راشد رباني به موجود هئا. ان موقعي تي سنڌ جي وڏي وزير سيد قائم علي شاهه ۽ جهانگير بدر ملڪي سياسي صورتحال ۽ پي پي پي جي تنظيمي معاملن تي ڳالهه ٻولهه ڪئي. اڳواڻن ڪراچي ۾ آڪٽوبر تي ٿيندڙ جلسي جي ڪاميابي تي به ڳالهه ٻولهه ڪئي ۽ پي پي ڪارڪنن کي وڌيڪ متحرڪ ڪرڻ تي به ڳالهه ٻولهه ڪئي.

 

شرجيل ميمڻ پاران گمبٽ جي صحافي جي قتل جي مذمت، ڊي آءِ جي سکر کي جوابدار گرفتار ڪرڻ جي هدايت

ڪراچي (اسٽاف رپورٽر) سنڌ جو صوبائي وزير شرجيل انعام ميمڻ ڌرتي نيوز ٽي وي گمبٽ جي رپورٽ محمد جيوڻ آرائين جي قتل جي سخت لفظن ۾ مذمت ڪندي ڊي آءِ جي سکر کي قاتل جلد گرفتار ڪرڻ جون هدايتون جاري ڪيون آهن هن محمد جيوڻ آرائين جي گهرڀاتين ۽ وارثن سان تعزيت جو اظهار ڪندي کيس يقين ڏياريو ته حڪومت قاتل گرفتار ڪري آخري انجام تائين پچائيندي خميس تي جاري پنهنجي هڪ بيان ۾ شرجيل ميمڻ چيو ته آزاد صحافت جي رستي ۾ ڪنهن کي رنڊڪ نه بڻجڻ ڏنو ويندو هن چيو ته پاڪستان پيپلزپارٽي جو منشور آزاد صحافت آهي ۽ ان لاءِ شهيد ذوالفقارعلي ڀٽو ۽ شهيد بينظير ڀٽو آخري دم تائين جدوجهد جاري رکي هئي ۽ اڄ به پيپلزپارٽي صحافت تي ڪنهن به قسم جي پابندي ۽ ان جي رستي ۾ رنڊڪ برداشت نه ڪندي شرجيل ميمڻ محمد جيوڻ آرائين جي وارثن سان تعزيت جو اظهار ڪيو ۽ کيس يقين ڏياريو ته کين انصاف فراهم ڪيو ويندو.

 

وزيراعظم اسيمبلي ۾ جيڪو چيو آرمي چيف ترديد ناهي ڪئي، الزام ثابت ناهن ٿيا: سپريم ڪورٽ

اسلام آباد (بيورو) سپريم ڪورٽ جي ٽه رڪني بئنچ وزيراعظم نااهلي ڪيس جي ٻڌڻي 10 نومبر تائين ملتوي ڪندي چيو آهي ته ايندڙ ٻڌڻي تي سپريم ڪورٽ ڪوئيٽا رجسٽري ۾ ٻڌڻي ٿيندي جڏهن ته عدالت ريمارڪس ڏنا اهن ته وزيراعظم اسيمبلي جي فلور تي جيڪو ڪجهه به چيو آرمي چيف ان جي ترديد ناهي ڪئي. وزيراعظم تي لڳايل الزام ثابت ناهن ٿيا وقتي چيف جسٽس جواد ايس خواجه جي سربراهي ۾ ٽه رڪني بئنچ وزيراعظم نااهلي متعلق ڪيس جي ٻڌڻي ڪئي ٻڌڻي دوران جڏهن عدالت ڪيس ڪوئيٽا منتقل ڪرڻ لاءِ چيو ته تحريڪ انصاف جي وڪيل عرفان قادر ان تي اعتراض ڪندي چيو ته اسان جي ڪيس جو وارو اچي ٿو ته اسان کي ٻڌونٿو وڃي بئنچ جي سربراهه جسٽس جواد ايس خواجه عرفان قادر کي مخاطب ٿيندي چيو ته اوهان کي سڄو ڏينهن ڪوئيٽا ۾ ٻڌنداسين عرفان قادر چيو ته هو ڪيس جي پيروي لاءِ ڪوئيٽا نه ويندو هو سپريم ڪورٽ جو سينيئر وڪيل آهي ان جي درخواست به نٿي لڳائي وڃي بئنچ جي تشڪيل جي خلاف درخواست جمع ڪرائي جيڪا رجسٽرار اعتراض وري رد ڪري ڇڏي. رجسٽرار جي اعتراصن جي خلاف به اپيل ڪئي جنهن جي ٻڌڻي نه ڪئي پئي وڃي ان جي درخواست التوا هيٺ آهن هو ڪوئيٽا ڇو وڃي هن چيو ته عدالتي فيصلي خلاف نظرثاني درخواست داخل ڪندو هي ان جو قانوني حق آهي سپريم ڪورٽ مان انصاف ٿيندي نظر نٿو اچي جسٽس جواد ايس خواجه چيو ته اوهان کي تڪڙ آهي ته ڪيس جي جلد ٻڌڻي متعلق درخواست داخل ڪيو آئين جي آرٽيڪل 63 تحت وزيراعظم جي نااهلي لاءِ براهه راست اسپيڪر وٽ وڃي نٿو سگهجي عدالت جائزو ورتو آرٽيڪل 63 جي تشريح لاءِ سپريم ڪورٽ جو ڪوئي لارجر بئنچ ناهي ٺهيو ٻڌڻي جسٽس سرمد جلال عثماني ريمارڪس ۾ چيو ته وزيراعظم تي لڳايل الزام اڃا تائين ثابت ناهن ٿيا جڏهن ته وزيراعظم ۽ آرمي چيف وچ ۾ اڪثر ملاقاتون ٿينديون رهنديون آهن ۽ وزيراعظم اسيمبلي فلور تي جيڪو به چيو آرمي چيف ان جي ترديد ناهي ڪئي. وزيراعظم جي آرمي چيف سان ملاقات ڪالهه به ٿي آهي ڇا وزيراعظم انهن سمورن معاملن جي ترديد ڪئي آهي عدالت عرفان قادر پاران جسٽس جواد ايس خواجه جي بئنچ ۾ موجودگي جي خلاف داخل درخواست تي چيو ته رجسٽرار آفيس جيڪي اعتراض لڳايا آهن انهن کي چئمبر ۾ ٻڌو ويندو ٻڌڻي دوران معزز بئنچ گذريل ڏينهن جي خبر جي حوالي سان چيو ته صحافت ذميواراڻي ٿيندي آهي صحيح رپورٽنگ نه ڪرڻ خيانت آهي ميڊيا ڄاڻ جو امين آهي ڪجهه اخبارن سنسني خيز رپورٽنگ ڪئي ان دوران عدالت جو چوڻ هو ته اٽارني جنرل جيڪو وفاق پاران جواب داخل ڪيو آهي ان ۾ موجوده درخواستون رد ڪرڻ جي اپيل ڪئي آهي عدالت ڪيس جي وڌيڪ ٻڌڻي 10 نومبر تائين ملتوي ڪري ڇڏي.

 

آرمي چيف افغانستان پهچي ويو، افغان هم منصب سان ملاقات، ٻه طرفن لاڳاپن تي ڳالهيون

اسلام آباد(بيورو) پاڪستان جو آرمي چيف هڪ ڏينهن واري دوري تي افغانستان پهتو آهي جتي هو افغان صدر ۽ چيف ايگزيڪيوٽو سان به ملاقات ڪندو نيٽو جو سيڪريٽري جنرل اسٽولن برگ به اڻ اعلانيل دوري تي افغانستان پهچي ويو، پاڪستاني آرمي چيف جنرل راحيل شريف افعان هم منصب جنرل ڪريمي سان ملاقات ڪئي آهي، ملاقات ۾ ٻه طرفن لاڳاپن تي خيالن جي ڏي وٺ ڪئي وئي آءِ ايس پي آر مطابق آرمي چيف دوري دوران افغان صدر اشرف غني، چيف ايگزيڪيوٽو عبدالله عبدالله، دفاع واري وزير قومي سلامتي واري صلاحڪار سميت سميت اعليٰ فوجي اختيارين سان به ملاقاتون ڪندو، نيٽو جو سيڪريٽري جنرل اڻ اعلانيل دوري تي افغانستان جي گادي واري شهر ڪابل پهچي ويو جتي هو افغانستان جي اڳواڻن ۽ سيڪيورٽي فورسز سان ملاقات ڪندو.

 

آءِ ايس آءِ جو ڊي جي ليفٽيننٽ جنرل ظهيرالسلام نوڪري جو مودو پورو ٿيڻ تي رٽائر ٿي ويو

اسلام آباد (بيوروِ) انٽر سروسز انٽيليجنس جو ڊائريڪٽر جنرل ليفٽيننٽ جنرل ظهيرالسلام نوڪري جو مدو پورو ٿيڻ تي رٽائرڊ ٿي ويو نئون سربراهه ليفٽيننٽ جنرل رضوان اختر اڄ جمعي تي ملڪ جي سڀ کان وڏي انٽيليجنس اداري جي سربراهه جي حيثيت سان ذميواريون سنڀاليندو آءِ ايس آءِ جو نئون سربراهه ليفٽيننٽ جنرل رضوان اختر ترقي کان اڳ ڪراچي ۾ ڊي جي رينجرز جي عهدي تي مقرر هو.

 

پاڪستان آپريشن ضرب عضب بابت آمريڪي دفاعي وزارت جي رپورٽ رد ڪري ڇڏي

اسلام آباد (بيورو) پاڪستان آپريشن ضرب عضب بابت آمريڪي دفاعي وزارت جي رپورٽ رد ڪندي چيو آهي ته آپريشن ۾ دهشتگردن خلاف ڪوبه فرق نه ڪري رهيا آهيون، پرڏيهي وزارت جي ترجمان جو چوڻ آهي ته فوجي آپريشن کان پهريان افغانستان ۽ آمريڪا کي اعتماد ۾ ورتو ويو هو اسلام آباد ۾ هفتيوار بريفنگ ۾ پرڏيهي وزارت جي ترجمان تسنيم اسلم ٻڌايو ته خطي ۾ امن جي قيام لاءِ پاڪستان ۽ ڀارت وچ ۾ ڳالهيون ضروري آهن قانون نافذ ڪندڙ ادارا لاهور ۾ واهگابارڊر تي ٿيندڙ بم حملي ۾ جاچ ڪري رهيا آهن، پرڏيهي ترجمان ٻڌايو ته وزيراعظم نواز سريف چين جي دوري تي روانو ٿيندو جتي هو چيني هم منصب ۽ چيني صدر سان ملاقاتون ڪندو وزيراعظم چين جي دوري دوران مختلف معاهدن تي به صحيحون ڪندو ترجمان جو وڌيڪ چوڻ هو ته آرمي چيف جنرل راحيل شريف پنهنجي افغانستان جي دوري دوران افغا اختيارين سان سرحدي معاملن تي ڳالهيون ڪندو هن جو چوڻ هو ته افغان صدر جلد پاڪستان جو دورو ڪندو.

 

پنجاب جي وڏي وزير جو مسيحي جوڙي جي ٻارڙن لاءِ 50 لک رپيا مالي امداد ۽ 10 ايڪڙ ايراضي ڏيڻ جو اعلان

قصور (م.ڊ) پنجاب جي وڏي وزير محمد شهبازشريف شريف قصور جي علائقي ڪوٽ راڌا ڪشن جي مقامي ڳوٺ ۾ زنده ساڙيل زال مڙس جي گهر ويو ۽ مظلوم خاندان سان واقعي تي ڏک ۽ افسوس جو اظهار ڪيو وڏي وير مظلوم خاندان سان همدردي جو اظهار ڪندي چيو ته اوهان کي هر حال ۾ انصاف فراهم ڪيو ويندو ۽ انصاف ٿيندي به نظر ايندو جوابدار سزا کان نه بچي سگهندا هن مظلوم خاندان کي آٿت ڏيندي چيو ته بربريت جي هن واقعي جي جيتري مذمت ڪئي وڃي گهٽ آهي وڏي وزير مسيحي جوڙي جي ٽنهي ٻارڙن لاءِ 50 لک رپيا مالي امداد ۽ کين 10 ايڪڙ ايراضي ڏيڻ جو اعلان ڪيو هن چيو ته ٽنهي ٻارڙن جي ڪفالت پنجاب حڪومت ڪندي کين تعليم ۽ صحت جون مفت سهولتون فراهم ڪيون وينديون.