تازيون خبرون

Daily Archives: October 30, 2014

عمران خان جي سپريم ڪورٽ ۾ پنهنجي ئي وڪيٽ ڪري پئي، ناڪامي جو اعتراف ڪري: پرويز رشيد

اسلام آباد (بيورو) سڌسماءَ جي وفاقي وزير سينيٽر پرويز رشيد چيو آهي ته عمران خان جي سپريم ڪورٽ ۾ پنهنجي وڪيٽ ڪري پئي رانديگر صحيح راند کيڏي رهيو آهي نه ئي امپائر آڏو راند ڏيکارڻ جي قابل وڃي رهيو آهي. تحريڪ انصاف ملڪ جي ترقي ۾ رنڊڪ نه وجهي ناڪامي جو اعتراف ڪري ڌرڻو ختم ڪري قومي اسيمبلي ۾ پنهنجو ڪردار ادا ڪري اسان جو ضمير مطمئن ۽ دل صاف آهي عمران خان جيڪا ڳالهه رستن ۽ سپريم ڪورٽ ۾ ثابت نه ڪري سگهيو ڳالهين جي ميز تي ان کي مطئن ڪنداسين. آئين جي حد ۾ ان جي مطالبن جو جوڳو جواب ڏينداسين نوازشريف ان جي جماعت جمهوريت چونڊ عمل ۽ اسان جي ذات متعلق جيڪي الزام مڙهيا اسان ان کي الله جي عدالت ۾ ڇڏيون ٿا اسان انهن الزامن تي ڪائي شڪايت نٿا ڪيون حڪومت نجڪاري نه پر پارٽنرشپ ڪري رهي آهي خميس تي پارليمينٽ هائوس ٻاهران ميڊيا سان ڳالهائيندي سينيٽر پرويز رشيد چيو ته عمران خان جي سپريم ڪورٽ ۾ پنهنجي وڪيٽ ڪري پئي عمران خان جي پنهنجي وڪيٽ ئي سندس نو بال جو شڪار ٿي ويئي عمران خان جي امپائر جي آڱر مٿي ڪرائي اسان کي ٻاهر ڪڍڻ جو موقعو مليو هو الزامن سان گڏ ڪي ثبوت يا دستاويز موجود نه هئا عمران خان پٽيشنز سان خود عدالت ۾ پيش ٿئي ها ۽ اهي الزام ثابت ڪري ها جيڪي هو گذريل ڪيترن مهينن کان ڪنٽينر تي بيهي رڻي رهيو آهي هن چيو ته اسان کي شڪ هو ته عمران خان سپريم ڪورٽ ۾ اردو بازار مان ڇپيل بيلٽ پيپر پيش ڪندو جنهن جي بنياد تي هو چوي ٿو ته چونڊن ۾ ناانصافي ٿي سپريم ڪورٽ آڏو ثابت ڪنداسين ته ڪيئن رٽرننگ آفيسر عمران جي چونڊن کي ناڪام ڪيو ۽ اهو به ٻڌائينداسين ته ميان نوازشريف جي تقرير ڪيئن چونڊن تي اثرانداز ٿي اسان کي گمان هو ته هو اهو به ٻڌائيندو ته نگران وزيراعليٰ پنجاب نجم سيٺي ڪهڙو ڪردار ادا ڪيو ۽ ڪيئن چيف جسٽس افتخار چوڌري چونڊن کي متاثر ڪيو نه ئي پٽيشنز هاءِ ڪورٽ آڏو پنهنجا الزام درست ثابت ڪري سگهيو ۽ نه ئي عمران خان کي جرئت ٿي جو هو ڪنٽينرتان لهي ۽ جيترو بالنگ ڪرائڻ وقت رن اپ وٺندو هو ايتري فاصلي تي موجود سپريم ڪورٽ ۾ امپائر آڏو پيش ٿئي ها هن چيو ته ان جو مطلب آهي ته رانديگر صحيح راند نه پيو کيڏي ۽ نه ئي ان ۾ صلاحيت آهي يا هو رانديگر امپائر آڏو راند ڏيکارڻ جي قابل ئي ناهي رهيو هو هاءِ ڪورٽ بدران صرف خالي ڪرسين آڏو پنهنجو مقدمو پيش ڪري رهيو آهي هن چيو ته سپريم ڪورٽ جي فيصلي کان پوءِ عمران خان ڌرڻو ختم ڪري کيس بهتري موقعو مليو هو ته هو سپريم ڪورٽ ۾ الزام ثابت ڪري ها پر هو الزام ثابت ڪرڻ ۾ ناڪام ٿي ويو.

 

13 نومبر تائين چيف اليڪشن ڪمشنر مقرر ڪيو وڃي: سپريم ڪورٽ جو حڪم

اسلام آباد (بيورو) سپريم ڪورٽ چيف اليڪشن ڪمشنر جي مقرري متعلق قومي اسيمبلي ۾ آپوزيشن ليڊر خورشيد شاهه جي 3 مهينن جي وڌيڪ مهلت واري اپيل رد ڪندي چيو آهي ته مقرر ٿيل وقت ۾ مقرري نه ٿيڻ جي صورت ۾ پنهنجي جج جون خدمتون واپس ورتيون وينديون، عدالت 3 1 نومبر تائين چيف اليڪشن ڪمشنر جي مقرري اڻٽر بڻائڻ جو حڪم ڏنو آهي. چيف جسٽس جي سربراهي ۾ 3 رڪني بئنچ چيف اليڪشن ڪمشنر جي مقرري لاءِ قومي اسيمبلي ۾ مخالف ڌُر جي اڳواڻ سيد خورشيد شاهه جي ٽن مهينن جي وڌيڪ مهلت واري درخواست جي ٻڌڻي ڪئي. ٻڌڻي دوران درخواست گذار جي وڪيل اعتزاز احسن موقف اختيار ڪيو ته حڪومت ۽ آپوزيشن ۾ مشاورت جاري آهي جڏهن ته انتخابي سڌاري جو عمل جاري آهي، جيڪڏهن چيف اليڪشن ڪمشنر جي مقرري متعلق طريقيڪار تبديل ٿيو ته مسئلو ٿيندو، لهذا عدالت 3 مهينن جي مهلت ڏئي ڇڏي، جنهن تي عدالت قرار ڏنو آهي ته موجودهه آئيني طريقيڪار موجب مقرري ڪئي وڃي، مشاورت ڪندڙ گذريل هڪ سال کان ڇا ڪري رهيا هئا؟ چونڊ سڌاري جو عمل ته هاڻ شروع ٿيو پر مقرري جو معاملو پراڻو آهي، مشاورت ۽ چونڊ سڌارو ٻه الڳ الڳ شيون آهن. چيف جسٽس جو چوڻ هو ته هي آئيني عهدو آهي ۽ مقرري به آئيني تقاضو آهي، مستقل مقرري نه ٿيڻ سان معاملا متاثر ٿيا آهن. عدالت اٽارني جنرل کان پڇو ته ڇا وزيراعظم کي مقرري لاءِ وقت کپي جنهن تي سندس چوڻ هو ته ان حوالي سان خبر ناهي پر عدالت جيڪو به حڪم ڏيندي، ان تي عمل ڪيو ويندو. عدالت قومي اسيمبلي ۾ مخالف ڌُر جي اڳواڻ خورشيد شاهه جي درخواست رد ڪندي حڪم ڏنو ته 3 1 نومبر تائين چيف اليڪشن ڪمشنر جي مقرري اڻٽر بڻائي وڃي.

 

وزيراعظم آءِ سي سي جي صدارت لاءِ نجم سيٺي جي نالي جي منظوري ڏيئي ڇڏي

لاهور (م.ڊ) وزيراعظم محمد نوازشريف انٽرنيشنل ڪرڪيٽ ڪائونسل جي صدارت لاءِ نجم سيٺي جي نالي جي منظوري ڏيئي ڇڏي ضابطي جي ڪارروائي کان پوءِ نجم سيٺي ايندڙ سال پهرين جولاءِ تي عهدو سنڀاليندو ٻڌايو ويو آهي ته پاڪستان ڪرڪيٽ بورڊ جي چيئرمين شيريارخان گورننگ بورڊ آءِ سي سي جو آئينده صدر لاءِ متفقه طور تي نجم سيٺي جونالو تجويز ڪيو هو پي سي بي جي پيٽرن چيف وزيراعظم ميان نوازشريف ان جي نالي جي منظوري ڏيئي ڇڏي آهي جنهنکان پوءِ 10 نومبر تي آءِ سي اي جي ايگزيڪيوٽو بورڊ جي اجلاس ۾ نجم سيٺي جي نالي جي حتمي منظوري ڏني ويندي ۽ ضابطي جي ڪارروائي کان پوءِ نجم سيٺي ايندڙ سال پهرين جولاءِ تي هڪ سال لاءِ عهدو سنڀاليندو.

 

مهاڻن کي سامونڊي صورتحال جو وسيع تجربو ۽ مهارت حاصل هوندي آهي: قائم علي شاهه

ڪراچي (اسٽاف رپورٽر) وزير اعليٰ سنڌ سيد قائم علي شاهه ڪالهه سامونڊي علائقن جو دورو ڪيو ۽ نيلوفر طوفان جي حوالي سان احتياطي قدمن جو جائزو ورتو. وڏي وزير ان موقعي تي مهاڻن سان پڻ ڳالهه ٻولهه ڪئي ۽ سندس مسئلا معلوم ڪيا. سيد قائم علي شاهه چيو ته مهاڻن کي سامونڊي صورتحال جو وسيع تجربو ۽ مهارت حاصل هوندي آهي. وڏي وزير دوري دوران ابراهيم حيدري ۾ صفائي سٿرائي جي خراب حالت هجڻ جو سختي سان نوٽيس وٺندي ڊپٽي ڪمشنر کي هدايت ڪئي ته هو علائقي ۾ صفائي سٿرائي کي بهتر ڪري ۽ هو وري ٻيهر هفتي بعد ابراهيم حيدري جو دورو ڪندو ۽ جيڪڏهن صفائي سٿرائي جي حوالي سان شڪايت سامهون آئي ته لاڳاپيل ماڻهن جي خلاف سخت ڪارروائي ڪئي ويندي

 

چنيوٽ ويجهو مسافر وين جو سلينڊر ڌماڪي سان ڦاٽي پيو، 13 مسافر فوت

چنيوٽ(م.د) فيصل آباد کان چنيوٽ ويندڙ مسافر وين جڏهن سم نالي جي ڀرسان پهتي ته گيس ليگ ٿيڻ سبب اوچتو باهه لڳي وئي جنهن جي نتيجي ۾ مسافر وين ۾ سوار 13 مسافر جيئرا سڙي ويا جڏهن ته 16 ماڻهو سڙي زخمي ٿي پيا آهن. ريسڪيو 1122 جي عملي ڊسٽرڪٽ هيڊڪوارٽر اسپتال چنيو پهچايو جتي 3 زخمين جي حالت جوڳي هئڻ سبب فيصل آباد الائيڊ اسپتال منتقل ڪيو ويو آهي پنجاب جي وڏي وزير انساني جانين جي زيان تي افسوس جو اظهار ڪندي هدايت ڪئي آهي ته زخمين کي علاج جي سهوليت فراهم ڪئي وڃي ۽ واقعي جي باري ۾ رپورٽ طلب ڪري ورتي آهي.

 

او جي ڊي سي ايل جي ملازمن تي تشدد: جمشيد دستي جو قومي اسيمبلي ۾ ڌرڻو، پ پ جو واڪ آئوٽ

اسلام آباد(بيورو) قومي اسيمبلي جي آزاد ميمبر جمشيد ستي اسپيڪر جي ڊائيس سامهون ڌرڻو هنيو جڏهن ته او جي ڊي سي ايل ملازمن تي تشدد خلاف پيپلز پارٽي قومي اسيمبلي جي اجلاس جو بائيڪاٽ ڪري ڇڏيو اسپيڪر سردار اياز صادق جي صدارت هيٺ قومي اسيمبلي جو اجلاس شروع ٿيو ته جمشيد دستي ڳالهائڻ جي اجازت گهري پر اجازت نه ملڻ تي هو اسپيڪر جي ڊائيس سامهون ويهي رهيو جمشيد دستي جو چوڻ هو ته گذريل ڏينهن ملازمن تي تشدد ٿيو جنهن دوران جمشيد دستي سميت 50 ملازم زخمي ٿي پيا پر ايوان ۾ مسلسل ڳالهائڻ جي اجازت نه پئي ڏني وڃي تشدد جي جاچ لاءِ ڪميٽي قائم ڪئي وڃي ۽ ذميوارن کي سزا ڏني وڃي او جي ڊي سي ايل ملازمن تي پوليس تشدد خلاف پيپلز پارٽي علامتي واڪ آئوٽ ڪيو ۽ پنهنجو احتجاج رڪارڊ ڪرائيندي خورشيد شاهه چيو ته پيپلز پارٽي مزدورن جي پارٽي آهي ان جي حقن جو تحفظ يقيني بڻائينداسين، گهرو وزير چوڌري نثار ايوان کي ٻڌايو ته پوليس ضرورت کان وڌيڪ انتظامي ڦڙتي ڏيکاري جيڪو رويو اختيار ڪيو ويو ان تي الڳ ڪميٽي قائم ڪنداسين انتظامي فيصلن جي خلاف احتجاج مزدورن جو حق آهي هن جو چوڻ هو ته حڪومت مزدورن جي حقن جو تحفظ ڪندي ۽ بيان ڏئي هو ايوان مان هليو ويو گهرو وزير جي رويي تي پيپلز پارٽي اجلاس جو بائيڪاٽ ڪري ڇڏيو ۽ ايوان مان سمورا ميمبر نڪري ويا ان کانپوءِ اسيمبلي جو اجلاس جمعي تي صبح 10 بجه تائين ملتوي ڪيو ويو.

 

آمريڪي ڊرون حملا پاڪستاني خودمختياري جي خلاف آهن: تسنيم اسلم

اسلام آباد(بيورو) پاڪستان ڏکڻ وزيرستان ۾ٿيل ڊرون حملي جي سخت لفظن ۾ مذمت ڪندي چيو آهي ته هي حملا پاڪستان جي خودمختياري جي خلاف آهن آمريڪا سان هر سطح تي ڊرون حملن جو معاملو اٿاريو آهي پرڏيهي ترجمان تسنيم اسلم هفتيوار بريفنگ ۾ ٻڌايو ته موجوده حالتن ۾ پاڪستان جي حدن ۾ آمريڪي ڊرون حملا غير ضروري آهن، پاڪستان دهشتگردن خلاف ڀرپور آپريشن ڪري رهيو آهي جڏهن ته ڊرون حملا عالمي قانون جي خلاف آهن، هن ٻڌايو ته ڀارت ايل او سي معاهدي جي پاسداري ڪري گذريل ڏينهن به ٻه ڀيرا ڀارتي سفارتڪارن کي پرڏيهي آفيس گهرائي احتجاج رڪارڊ ڪرايو.

 

ڏکڻ وزيرستان ۾ ڊرون حملو، عرب ڪمانڊر عادل سميت 4 پرڏيهي مارجي ويا

پشاور، وانا (م.ڊ) ڏکڻ وزيرستان ۾ آمريڪي جاسوس جهازن جي حملي ۾ عرب ڪمانڊر عادل، سوڊان جو ابودائود دين ۽ سعودي عرب جا عمر ۽ عمادي به مارجي ويا، 5 ڄڻا زخمي، تعلق حقاني نيٽ ورڪ سان هيو، حملي بعد جاسوس جهازن جي هيٺين لامارن سان علائقي ۾ خوف هراس پکيڙجي ويو. سرڪاري ۽ ٻين ذريعن موجب جاسوس جهاز اعظم ورسڪ جي علائقي ۾ وزير قبائل سان تعلق رکندڙ اشرف نالي شخص جي گهر تي چار ميزائل فائر ڪيا جتي حقاني نيٽ ورڪ جا اهم ڪمانڊر روپوش هئا. اطلاعن موجب يمن سان تعلق رکندڙ ڪمانڊر عادل سان گڏ سوڊان جو ابودائود دين ۽ سعودي عرب جا عمر ۽ عمادي به مارجي ويا، مقامي ذريعن موجب مارجي ويلن ۾ واڌ جو به خدشو آهي. ٻڌايو ويو آهي ته ڊرون حملي بعد به جاسوس جهازن جا لامارا جاري رهيا جنهن سبب علائقي ۾ خوف هراس پکيڙجي ويو. سرڪاري ذريعن موجب حملو صبح ڏکڻ وزيرستان جي صدر مقام وانا کان اٽڪل 0 1 ڪلو ميٽر پري تعلقي برمل جي علائقي اعظم ورسڪ ۾ هڪ گهر تي ڪيو ويو، حملي ۾ چار ڄڻا مارجي ويا. سرڪاري ذريعن موجب جنهن گهر کي نشانو بڻايو ويو عسڪريت پسند ان کي هڪ مرڪز طور استعمال ڪري رهيا هئا. هلندڙ سال ڏکڻ ۽ اتر وزيرستان ۾ آمريڪي جاسوس جهازن طرفان عسڪريت پسندن جي ٺڪاڻن ۽ گاڏين تي ڪالهه 5 1 حملا ڪيا ويا جن مان 2 حملا ڏکڻ وزيرستان جڏهن ته 3 1 حملا اتر وزيرستان ۾ ڪيا ويا آهن، انهن حملن ۾ درجنين شدت پسند مارجي چڪا آهن، ڪافي ڊرون حملا اتر وزيرستان ۾ ڪيا ويا پرپوءِ ڏکڻ وزيرستان ۾ به ڊرون حملن ۾ مبينا شدت پسندن کي نشانو بڻايو ويو. هلندڙ سال اتر وزيرستان ۾ 5 1 جون کان فوجي آپريشن ضرب عضب شروع ٿيڻ بعد ڪافي شدت پسند پاڪ افغان سرحدي علائقن ڏانهن منتقل ٿي ويا آهن.

 

سامونڊي طوفان جو ئي نه پر سياسي نيلوفر جو به خطرو آهي: سراج الحق

ڪوئيٽا(م.ڊ) جماعت اسلامي جي امير سراج الحق هڪ ڀيرو وري وزيراعظم ميان نواز شريف ۽ عمران خان کي اپيل ڪئي آهي ته اهي پاڻ ۾ گڏجيويهي ملڪ ۾ هلندڙ سياسي بحران جو ڪو حل ڪڍن هن چيو ته هڪ طرف ته سامونڊي طوفان نيلوفر جو خطرو آهي ته ٻئي طرف ڪراچي ۽ سنڌ ۾ سياسي نيلوفر جو به خطرو آهي ۽ انهن حالتن ۾ اسان جي ڪوشش آهي ته ڪو نئون هنگامو نه کڙو ٿئي اڄ ڪراچي کان ڪوئيٽا پهچڻ تي ميڊيا سان ڳالهائيندي هن چيو ته اسان جو اڳ به موقف هو ته تحريڪ انصاف جي ميمبرن جون استعيفائون منظور نه ڪيون وڃن ۽ ان سلسلي ۾ سياسي جرڳي اسپيڪر کي ذاتي طور تي به اپيل ڪئي هئي ڇو ته جيڪڏهن استعيفائون منظور ٿيون ته پوءِ سياسي بحران اڃان وڌي ويندو ۽ سمورين ڌرين ۾ ڇڪتاڻ وڌندي، جنهن کانپوءِ وچولي عرصي وارين چونڊن جو امڪان اڃان وڌي ويندو هن چيو ته آئون نه ٿو چاهيان ته سياسي ويڙهه جي ڪري ملڪ جا مسئلا اڃان وڌي وڃن هن وقت سموري قوم کي محرم دوران امن امان جو مسئلو درپيش آهي ۽ ملڪ جون حالتون به ڪي خاص چڱيون ناهن خيبر پختونخواهه ۽ قبائلي علائقن ۾ آپريشن هلي رهيو آهي ۽ 11 لکن کان وڌيڪ آءِ ڊي پيز جو مسئلو اڃان حل نه ٿيو آهي ان صورتحال ۾ حڪومتي وزيرن سياسيتدانن ۽ ڪن ٻين وڏن جو ته ڪجهه به نه بگڙجندو پر عوام جو ڪافي نقصان ٿيندو جماعت اسلامي جي امير جو اهو به چوڻ هو ته ڌرڻن کان اڳ به ملڪي معيشت سٺي نه هئي ۽ هاڻ ته اڃان به صورتحال وڌيڪ خراب ٿيندي پئي وڃي جيڪو حڪومتي معاشي ناڪامي جو ثبوت آهي بلوچستان جي حوالي سان سراج الحق جو چوڻ هو ته اتي امن امان جي صورتحال تمام خراب آهي ۽ اتي جي مسئلن تي ڌيان ڏيڻ جي ضرورت آهي.

 

بلوچستان دهشتگردي کان بچي ويو، سوين راڪيٽ، خودڪش جيڪيٽون هٿ

ڪوئيٽا(م.ڊ) محرم الحرام دوران دهشتگردي جو وڏو منصوبو ناڪام بڻايو ويو، ايف سي بلوچستان جي ضلعي مستونگ ۽ قلعه عبدالله ۾ ڪارروائي دوران 3 جوابدارن کي گرفتار ڪري وڏي مقدار ۾اسلحو ۽ بارود به هٿ ڪيو ويو مستونگ جي علائقي ڪانڪ ۽ قلعه عبدالله جي تعلقي گلستان ۾ڇاپا هنيا ويا ٻنهي ڪارروائين ۾ وڏي تعداد ۾ اسلحو، بارود ۽ خودڪش جيڪيٽون هٿ ڪيون ويون، ميڊيا سامهون پيش ڪيل اسلحي ۾ 15 خودڪش جيڪيٽون، 107 ايم ايم جا 100 راڪيٽ، 122 ايم ايم جا 2 راڪيٽ، 30 سمال مشين گن، 8 ڪلاشنڪوف، ٻه ٽن بارودي مواد، وڏي تعداد ۾ رائونڊ ۽ ٻيو سامان شامل آهي، صوبائي گهرو وزير سرفراز بگٽي ۽ ايف سي اختيارين جو چوڻ آهي ته هٿ آيل اسلحو محرم ۾ دهشتگردي جي ڪارروائن ۾ استعمال ٿيڻو هو، ڪارروائين دوران گرفتار ڪيل 3 جوابدارن کان وڌيڪ پڇا ڳاڇا جاري آهي.