تازيون خبرون

Daily Archives: October 23, 2014

پ پ کي سنڌ ۾ هاڻ ڪنهن اتحاد جي ضرورت نه آهي: بلاول ڀٽو

لاڙڪاڻو(بيورو) پاڪستان پيپلز پارٽي جي چيئرمين بلاول ڀٽو زرداري چيو آهي ته پ پ کي سنڌ ۾ هاڻ اتحاد جي ضرورت نه آهي ۽ نه ئي وري 2018ع وارين چونڊن بعد ڪو اتحاد ڪبو. بيگم نصرت ڀٽو جمهوريت ۽ آمريت خلاف لازوال جدوجهد ڪئي. مادر جمهوريت جي خواب کي ضرور پورو ڪنداسين. اهڙن خيالن جو اظهار هن ڪالهه ڳڙهي خدابخش ڀٽو ۾ بيگم نصرت ڀٽو جي ٽئين ورسي تي حاضري ڀرڻ بعد وڏي تعداد ۾ آيل ڪارڪنن کي خطاب ڪندي ڪيو. هن چيو ته اڄ جمهوريت جو ڏينهن آهي ۽ بيگم نصرت ڀٽو جي ورسي آهي، جيڪا پ پ پ جي ڪو چيئرپرسن هئي. هن آمر ضياءُ جي آمريت خلاف نه صرف پ پ کي منظم ڪيو ۽ جمهوريت لاءِ پڻ جدوجهد ڪري سموري ملڪ کي گڏ ڪيو. شهيد بينظير ڀٽو ۽ مادر جمهوريت ايم آر ڊي جي تحريڪ هلائي آمريت کي ڪمزور ڪيو ۽ اهڙو وقت آيو جو ملڪ مان آمريتجو خاتمو ٿي ويو ۽ جمهوريت جو سج اڀريو. هن چيو ته اڄ به آصف علي زرداري ۽ آءُ جمهوريت جي مضبوطيءَ لاءِ ٻين پارٽين سان گڏجي ڪم ڪرڻ چاهيون ٿا. جمهوريت اسان جو ايمان آهي. هن چيو ته جيڪڏهن اسان چاهيون ها ته بدلو وٺون ها ۽ طاقت جو استعمال ڪري سگهون. اسان کي طاقت، اقتدار ۽ حڪومت جا بکيا نه آهيون ۽ اسان مادر جمهوريت جي خواب کي ضرور پورو ڪنداسين. هن چيو ته ايم ڪيو ايم سان اتحاد ڪري قانون سازي ڪئي پر هاڻ 2008ع، 2013 ۾ جيڪو اتحاد ٿيو ان کي ٻيهر نه ورجائينداسين. 2018ع وارين چونڊن ۾ ڪاميابي ماڻي ڪو به اتحاد نه ڪنداسين. هن چيو ته اسان جمهوريت خاطر نواز ليگ جو ساٿ ڏنو. منهنجي والد آصف علي زرداري کي 12 سال قيد ڪاٽڻو پيو. هن تي تشدد ڪيو ويو ۽ هن موٽ ۾ ڳلو ڪٽڻ وارن سان ڀاڪر پائي جمهوريت کي اڳتي وڌائڻ لاءِ ساٿ ڏنو. هن چيو ته اچو ته گڏجي خوشحال، مضبوط ۽ جمهوري پاڪستان ٺاهيون. اسان جو ساٿ ڏيو يا هٽي وڃو. ان موقعي تي سندس ماسي صنم ڀٽو، ايم اين اي فريال ٽالپر اسٽيج تي گڏ هئا. جڏهن ته وڏي تعداد ۾ ايم اين ايز، ايم پي ايز ۽ پ پ ڪارڪنن فاتحه خواني ڪري بيگم نصرت ڀٽو جي مزار تي حاضري ڀري.

 

ڪوئيٽا ۾ هٿياربندن جي فائرنگ، 9مسافر قتل

ڪوئيٽا (م.ڊ) ڪوئيٽا جي مقامي علائقي هزاره گنجي ۾ فائرنگ جي نتيجي ۾ 9 ڄڻا قتل هڪ زخمي ٿي پيو واقعي کان پوءِ علائقي ۾ ڏهڪاءُ پکڙجي ويو ڪوئيٽا ۾ سيڪيورٽي هاءِ الرٽ ڪئي ويئي پوليس جوابدارن جي گرفتاري لاءِ سرچ آپريشن شروع ڪري ڇڏيو واقعي جي خلاف هزاره ڊيموڪريٽڪ پارٽي ٽن ڏينهن جي سوڳ جو اعلان ڪندي شٽرڊائون هڙتال جو سڏ ڏنو صدر ممنون حسين، وزيراعظم نوازشريف ۽ وزيراعليٰ ڊاڪٽر عبدالمالڪ واقعي جي مذمت ڪندي جوابدارن کي آخري انجام تائين پهچائڻ جو عزم ڪيو آهي جڏهن ته گهرو وزير چوڌري نثارعلي خان واقعي جي رپورٽ طلب ڪري ورتي آهي. خميس تي هزاره گنجي جو علائقو هزاره ٽائون جي ڀاڄيون وڪرو ڪندڙن لاءِ ان وقت مقتل گاهه بڻجي ويو جڏهن هو معمول مطابق ڀاڄيون ۽ ميوو خريد ڪرڻ کان پوءِ واپس پنهنجي علائقن ڏانهن وڃڻ لاءِ تيار هئا ڪجهه سبزي وڪرو ڪندڙ پنهنجو سامان بس ۾ رکي ويهڻ وارا هئا ۽ ڪجهه جو سامان رکيو پيو ويو انهيءَ وقت ڪجهه نقاب پوش اتي پهتا ۽ بس تي انڌاڌند فائرنگ ڪئي جنهن جي نتيجي ۾ بس ۾ سوار 9 ڄڻا گولين جو نشانو بڻجي ويا.

 

خطي جي ترقي لاءِ سارڪ ملڪن جا تڪرار حل ٿيڻ گهرجن: وزير اعظم

اسلام آباد (بيورو) وزيراعظم نواز شريف چيو ته خطي جي ترقي لاءِ سارڪ ملڪن جا تڪرار حل ٿيڻ گهرجن، پاڪستان نيپال سان ويجها اقتصادي ۽ ثقافتي ناتا چاهي ٿو، پاڪستان ۽ نيپال وچ ۾ گڏيل واپار جي رجحان ۾ واڌ هئڻ گهرجي، گڏيل واپار جي واڌاري لاءِ گڏيل اقتصادي ڪميشن کي وڌيڪ موثر بڻايو وڃي، پاڪستان نيپال سان گڏجي سارڪ سرگرمين جو فروغ چاهي ٿو. هو وزيراعظم هائوس ۾ نيپال جي پرڏيهي وزير مهندرا بهادر پانڊي سان ملاقات ۾ ڳالهائي رهيو هو. ان موقعي تي ڳالهائيندي وزيراعظم نواز شريف وڌيڪ چيو ته پاڪستان نيپال سان ويجها اقتصادي ۽ ثقافتي ناتا چاهي ٿو. پاڪستان نيپال سان گڏجي سارڪ سرگرمين جو روغ چاهي ٿو. هر سال ٿيندڙ سارڪ اجلاس ۾ پاڪستان جي نمائندگي اعليٰ سطح تي ٿيندي، پاڪستان ۽ نيپال جي گڏيل تجارتي رجحان ۾ واڌ ٿيڻ گهرجي، خطي جي ترقي لاءِ سارڪ ملڪن وچ ۾ تڪرار حل هئڻ گهرجي. وزيراعظم چيو ته گڏيل واپار جي واڌاري لاءِ گڏيل اقتصادي ڪميشن کي وڌيڪ موثر بڻايو وڃي.

 

وزير اعظم نااهلي ڪيس، اڌ اسيمبلي به فارغ ٿي وڃي فرق نٿو پوي، فيصلو ضرور ڏبو: سپريم ڪورٽ

اسلام آباد (بيورو) سپريم ڪورٽ وزيراعظم جي ناهلي لاءِ داخل هڪ درخواست ۾ اٿاريل قانوني نڪتن تي اٽارني جنرل کان هڪ هفتي ۾ جامع جواب گهري ورتو جڏهن ته جسٽس جواد ايس خواجا رمارڪس ڏنا آهن ته عدالت اسيمبلي ميمبرن جي صادق ۽ امين هجڻ جي شرط متعلق درخواست تي فيصلو ضرور ڏيندي، اڌ اسيمبلي به فارغ ٿي وڃي تب کين فرق نٿو پوي. جسٽس جواد ايس خواجا ۽ جسٽس قاضي فائز عيسيٰ تي ٻڌل 2 رڪني بئنچ وزيراعظم کي نااهل قرار ڏيڻ متعلق درخواست جي ٻڌڻي ڪئي. ياد رهي ته اها بئنچ 3 هڪ جهڙين درخواستن جي ٻڌڻي ڪري رهي آهي. اهي درخواستون پي ٽي آءِ جي اڳواڻ اسحاق خاڪواني، ق ليگ جي سربراهه چوڌري شجاعتحسين ۽ ايڊووڪيٽ گوهر نواز سنڌو طرفان داخل ڪيون ويون هيون، جنهن ۾ سپريم ڪورٽ کان وزيراعظم کي نااهل قرار ڏيڻ جي اپيل ڪئي وئي هئي. درخواست گذارن جو چوڻ هو ته جيتوڻيڪ وزيراعظم پارليامينٽ جي گڏيل اجلاس دوران 9 2 آگسٽ تي مبينا طور تي ڪوڙ ڳالهايو هو ته موجودهه سياسي تعطل جي خاتمي لاءِ پاڪستان تحريڪ انصاف ۽ پاڪستان عوامي تحريڪ ۽ حڪومت وچ ۾ فوج کي ٽياڪڙي جو ڪردار ادا ڪرڻ لاءِ حڪومت گذارش نه ڪئي هئي. حڪومت طرفان اٽارني جنرل سلمان اسلم بٽ عدالت ۾ پيش ٿيو. درخواست گذار ايڊووڪيٽ گوهر نواز عدالت کي اپيل ڪئي ته اها هاءِ ڪورٽ واري فيصلي خلاف اپيل ۾ آيو آهي، عدالت عظميٰ سندس گذارشن کي ٻڌي. جسٽس جواد ايس خواجا پنهنجي رمارڪس ۾ چيو ته اسان اوهان کي به ٻڌنداسين پر اڄ 2 رڪني بئنچ آهي، ٽيون جج موجود نه آهي. اٽارني جنرل چيو ته اهو معاملو پهرين ئي لارجر بئنچ سامهون موجود آهي، اهم سوال اهو آهي ته اهو معاملو آئين جي آرٽيڪل 6 6 تحت عدالتي دائريڪار ۾ اچي ٿو يا نه. درخواست گذار گوهر سنڌو چيو ته هڪ ڀيرو طئي ٿي وڃڻ گهرجي ته ڪهڙي طرح جا ماڻهو اسيمبلين ۾ پهچندا. جسٽس جواد ايس خواجا چيو ته قوم چاهي ٿي ته انهن جا نمائندا سچا هجن، قوم سان سچ ڳالهائڻ هر شخص جو فرض آهي. هن رمارڪس ڏنا ته عدالت اسيمبلي ميمبرن جي صادق ۽ امين هجڻ جي شرط متعلق درخواست تي فيصلو ضرور ڏيندي، اڌ اسيمبلي به فارغ ٿي وڃي تڏهن به کين فرق نٿو پوي. هن چيو ته اسان به چاهيون ٿا ته اهو معاملو هڪ ڀيرو طئي ٿي وڃي، اڃا مڪاني چونڊون به ٿيڻيون آهن ۽ اُتي به اميدوارن جي صادق ۽ امين هجڻ جا جهڳڙا ٿيندا، ان لاءِ ان مسئلي تي عدالت جو ڪو نه ڪو فيصلو بطور مثال هئڻ گهرجي. سندس چوڻ هو ته ان فيصلي سان هڪ ميمبر يا اڌ اسيمبلي فارغ ٿي وڃي اسان کي ان مان ڪو فرق نٿو پوي. عدالت وزيراعظم جي نااهلي واري ڪيس ۾ ٻين ٻن ڌُرين ق ليگ جي چوڌري شجاعت حسين ۽ تحريڪ انصاف جي اسحاق خاڪواني کي هدايت ڪئي ته اهي تحريري طور تي آگاهه ڪن ته ڇا اهي ذاتي حيثيت ۾ يا پنهنجي پارٽين طرفان ان ڪيس جي پيروي ڪندا. عدالت درخواست گذار گوهر سنڌو طرفان اٿاريل قانوني نڪتن تي اٽارني جنرل کان جواب گهرندي درخواستن جي ٻڌڻي هڪ هفتي لاءِ ملتوي ڪري ڇڏي. ياد رهي ته پاڪستان تحريڪ انصاف 3 1 0 2 ع ۾ ٿيل عام چونڊن ۾ مبينا ڌانڌلي ۽ پاڪستان عوامي تحريڪ لاهور ۾ تحريڪ منهاج القرآن سيڪريٽريٽ تي پوليس جي فائرنگ سان ڪارڪنن جي مارجڻ تي احتجاجي طور وزيراعظم ۽ وڏي وزير جي استعيفيٰ جو مطالبو ڪري رکيو آهي. اسلام آباد ۾ ڌرڻن دوران فوج طرفان حڪومت ۽ احتجاج ڪندڙ پارٽين وچ ۾ معاملو حل ڪرائڻ لاءِ سهولتڪار بڻجڻ جي ڪوشش ڪئي وئي هئي، جنهن تي وزيراعظم قومي اسيمبلي ۾ بيان به ڏنو ته فوج کي ٽياڪڙي جو ڪردار ادا ڪرڻ جي درخواست نه ڪئي وئي هئي. وزيراعظم جي بيان بعد آءِ ايس پي آر هڪ بيان ۾ چيو هو ته وزيراعظم آرمي چيف جنرل راحيل شريف سان ملاقات ۾ اها درخواست ڪئي هئي ته هو موجودهه سياسي بحران کي حل ڪرڻ لاءِ بطور مددگار پنهنجو ڪردار ادا ڪري.

 

سنڌ جي امڪاني ورهاڱي خلاف قومپرست پارٽين جي سڏ تي ڦيٿا روڪ هڙتال ، ڪاروبار بند

ڪراچي/لاڙڪاڻو/حيدرآباد/خيرپور ناٿن شاهه (نمائندن وٽان) سنڌ جي امڪاني ورهاڱي جي خلاف خميس تي قومي عوامي تحريڪ جي اپيل تي سنڌ جي مختلف شهرن ۾ ڦيٿا روڪ هڙتال ۽ شٽرڊائون هڙتال ڪئي ويئي هڙتال سبب ڪراچي جي ڀرپاسي جا علائقا گلشن حديد، ملير، موسميات، سفوران ڳوٺ، سچل ڳوٺ، ڀٽائي آباد، چنيسر ڳوٺ، پپري، يوسف ڳوٺ، بلاول ڳوٺ ۽ ٻيا ڪيترائي علائقي جتي سنڌي قومپرستن جي گهڻائي آهي صبح جي وقت بند رهيا سنڌ جي مختلف شهرن ۾ جلاءُ گهراءُ ڪيو ويو ريليون ڪڍيون ويون ٽنڊوالهيار ۾ اڻڄاتل ماڻهن پاران دفتر ويندڙن تي پٿراءُ سان 3 ڄڻا زخمي ٿيا تفصيل موجب سنڌ جي قومپرست جماعتن ايم ڪيو ايم جي سنڌ جي ورهاڱي جي مطالبي کي ناقابل قبول قرار ڏيندي خميس تي متحده قومي موومينٽ پاران سنڌ ۾ نئون صوبي ٺاهڻ جي مطالبي جي خلاف خميس تي قومي تحريڪ پاران سنڌ ۾ هڙتال ڪئي ويئي پاڪستان پيپلزپارٽي ۽ مسلم ليگ (ن) سميت سمورين قومپرست پارٽين هڙتال جي حمايت ڪئي آهي خميس تي ڪراچي جي ڀرپاسي جي علائقن جتي سنڌين جي اڪثريت آهي ان سميت سنڌ جي مختلف شهرن ۾ ڪاروبار بند رهيا جڏهن ته ٽريفڪ معمول کان گهٽ نظر آئي حيدرآباد ۾ ڪاروبار جزوي طور تي بند رهيو، دادو ڄامشورو، نوابشاهه، سکر، ميرپورخاص، لاڙڪاڻو، خيرپور ناٿن شاهه ۽ جيڪب آباد جي مختلف علائقن ۾ ڪاروباري مرڪز بند نظر آيا خيرپور، ٺٽو، بدين، ٽنڊومحمدخان، نوشهروفيروز، ڪشمور ڪنڌڪوٽ سميت سنڌ جي ٻين ننڍن وڏن شهرن ۾ به ڪٿي جزوي ۽ ڪٿي مڪمل هڙتال ڪئي ويئي جڏهن ته ڪيترن ئي علائقن ۾ نوجوانن ڏنڊا کڻي دڪان ۽ ڪاروبار بند ڪرايو سنڌي قومپرست قيادت مطابق متحده ۽ سنڌ حڪومت ٻئي عوام کي بيوقوف بڻائڻ جي ڪوشش ڪري رهيون آهن پنهنجي ڪرپشن ۽ نااهلي پردو وجهڻ لاءِ عوامي سطح تي ظاهر ۾ ويڙهه وڙهي رهيون آهن جڏهن ته اندروني طور تي ٻئي هڪ آهن جيئي سنڌ قومي محاذ متحده جي ضلعي دفترن جو 26 آڪٽوبر کان گهراءُ ڪرڻ ۽ انهن جي دفترن آڏو ڌرڻو هڻڻ جو فيصلو ڪيو آهي جيڪڏهن ان دوران الطاف حسين ۽ متحده قيادت سنڌ کي ورهائڻ جو مطالبو واپس نه ورتو ته محرم کان پوءِ اڳئين مرحلي ۾ متحده جي مرڪز نائين زيرو ٻاهران به ڌرڻو هنيو ويندو جسقم جو چيئرمين صنعان قريشي ۽ پارٽي جي ترجمان نياز ڪالاڻي ميڊيا سان ڳالهائيندي چيو ته سنڌ هزارين سال کان هڪ وحدت آهي ان کي ڪنهن به طرح ورهائڻ سنڌ جي رهواسين کي قبول نه آهي احتجاجي پروگرام مطابق جسقم جا ڪارڪن 26 آڪٽوبر تي گهوٽڪي، 27 آڪٽوبر تي ڪشمور ۽ ڪنڌڪوٽ 28 آڪٽوبر تي شڪارپور ۽ 29 آڪٽوبر تي لاڙڪاڻي ۾ متحده جي دفترن اڳيان ڌرڻو هڻندا جڏهن ته 29 آڪٽوبر تي ئي آئينده جو پروگرام ۽ لائحه عمل جو اعلان ڪيو ويندو نياز ڪالاڻي مطابق ايم ڪيو ايم قيادت پنهنجي پاليسي تبديل نه ڪئي ۽ الطاف حسين بيان واپس نه ورتو ته مرحلي وار حيدرآباد ۽ متحده جي مرڪز نائين زيرو تي به ڌرڻا هڻنداسين, خيرپور ناٿن شاهه ۾ ايم ڪيو ايم جي سنڌ کي ٻه حصا ڪرڻ واري بيان جي ردعمل ۾ قومي عوامي تحريڪ پاران سموري سنڌ ۾ ڏنل شٽربند ۽ ڦيٿا روڪ هڙتال جي سڏ تي خيرپور ناٿن شاهه ۾ مڪمل طور تي شٽر بند هڙتال ڪئي وئي، شهر جي شاهي بازار، ريشم گلي ۽ مين روڊ سميت سڀ ڪاروبار مرڪز بند رهيا ۽ ڦيٿو جام رهيو، قومي عوامي تحريڪ جي ڪارڪنن سومر چانڊيو، مجيد ڪلهوڙو، غلام حيدر ملاح، شبير مشوري ۽ ٻين جي اڳواڻي ۾ احتجاجي ريلي ڪڍي عوامي پريس ڪلب اڳيان احتجاجي مظاهرو ڪيو ويو، ان موقعي تي مڇريل ڪارڪنن ٽائرن کي باهيون ڏئي ايم ڪيو ايم ۽ سندس حمايتي تنظيمن خلاف ڇتي نعريبازي ڪري رهيا هئا، ان موقعي تي اڳواڻن خطاب ڪندي چيو ته ايم ڪيو ايم سنڌ دشمن تنظيم آهي، ان تنظيم تي پابندي مڙهي وڃي، هنن چيو ته الطاف حسين ۽ سندس قيادت پاران سنڌ دشمن بيان بازي سان سنڌ جي عوام جي دل آزاري ٿي آهي، الطاف حسين سنڌ جي عوام کان معافي وٺڻ گهرجي. ٻئي پاسي متحده قومي موومينٽ چيو آهي ته نوان صوبا پاڪستان جي خوشحالي جي ضمانت هوندا.

 

بلاول ڀٽو زرداري جي لاڙڪاڻي جي ڌرم شالا ۾ هندو برادري طرفان ڪوٺايل ڏياري جي تقريب ۾ شرڪت،

لاڙڪاڻو(بيورو ) پاڪستان پيپلز پارٽي جو چيئرمين بلاول ڀٽو زرداري هندو برادري کي ڏياري جي مبارڪ باد ڏيڻ لاءِ لاڙڪاڻي جي ڌرم شالا مندر ۾ پهچي ويو. سندس استقبال ايم اين اي رميش لعل، ايڊوڪيٽ ڪلپنا ديوي ۽ ٻين ڪيو. بلاول ڀٽو جي آمد دوران سيڪيورٽيجي انتظام انتهائي سخت ڪيا ويا هئا. بلاول ڀٽو زرداري سموري ڌرم شالا مندر جو دورو ڪيو. هندو برادري پاران بلاول ڀٽو زرداري کي سنڌي اجرڪ جو تحفو پيش ڪيو ۽ دليپ سوئيٽ جي مشهور مٺائي کائڻ لاءِ پيش ڪئي. ان موقعي تي هن هندو برادري کي ڏياري جون واڌايون ڏنيون. ساڻس ايم ايم اي فريال ٽالپر، اسپيڪر سنڌ اسيمبلي آغا سراج دراني، سينيئر وزير سنڌ نثار احمد کهڙو، ايم پي اي سهيل انور سيال ۽ ٻيا اڳواڻ گڏ هئا.

 

عالمي اڳواڻن کي جنگين بدران تعليم تي وڌيڪ خرچ ڪرڻ گهرجي: ملاله يوسفزئي

فلاڊلفيا(اي پي پي) امن جو نوبل انعام حاصل ڪندڙ پاڪستاني نينگري ملاله يوسفزئي سڄي دنيا ۾ امن ۽ تعليم کي هٿي وٺرائڻ لاءِ پنهنجي عزم کي ورجائيندي عالمي اڳواڻن تي زور ڀريو آهي ته اهي جنگين بدران تعليم تي وڌيڪ رقمون خرچ ڪن. گلف اخبار جي رپورٽ مطابق ملاله يوسفزئي لبرٽي ميڊل وٺڻ دوران چيو تهعالمي اڳواڻن کي جنگين بدران پنهنجا اختلاف ۽ مسئلا ڳالهين ذريعي حل ڪرڻ گهرجن. هن چيو ته غربت، جهالت ۽ دهشتگرديءَ خلاف تعليم ئي بهترين هٿيار آهي. هن چيو ته جڏهن طالبان سوات ۾ آيا ته وٽس صرف 2 رستا هئا يا ته تعليم لاءِ آواز لاءِ اُٿاري يا مرڻ جو انتظار ڪري. ملاله چيو ته ويڙهاڪن کيس خاموش ڪرڻ جي ڪوشش ڪري وڏي غلطي ڪئي. لبرٽي ايوارڊ ڏيندڙ نيشنل ڪانسٽيٽيوشن سينٽر جي ويب سائيٽ مطابق ايوارڊ سان ملاله کي هڪ لک ڊالر جو انعام ڏنو وڃي ها جيڪو هن پاڪستان ۾ انساني همدرديءَ جي امدادي ڪمن ۽ تعليم کي هٿي وٺرائڻ جي ڪوششن لاءِ ڏيڻ جو اعلان ڪيو.

 

مولانا فضل الرحمان تي خودڪش حملو، مولانا بچي ويو، 2 ڄڻا مارجي ويا، 2 2 زخمي ، ذميواري جند الله قبولي ورتي

ڪوئيٽا، اسلام آباد (م.د/بيورو) بلوچستان جو صوبائي گادي وارو هنڌ هڪ ڀيرو وري دهشتگردي جي وڪڙ ۾، هڪ ئي ڏينهن ۾ دهشتگردي جا ٽي واقعا، جي يو آءِ (ف) جي سربراهه مولانا فضل الرحمان تي خودڪش حملي ۾ 2 ڄڻا مارجي ۽ 2 2 زخمي ٿي پيا، لاشن ۽ زخمين کي اسپتال پهچايو ويو، مولانا فضل الرحمان حملي ۾ بچي ويو، صدر ممنون حسين، وزيراعظم نواز شريف سميت تمام سياسي اڳواڻن جي خودڪش حملي جي مذمت. ڪوئيٽا جي علائقي مالي باغ ۾ مفتي محمود ڪانفرنس جي پڄاڻي تي مولانا فضل الرحمان جي قافلي تي خودڪش حملو ٿيو جنهن جي نتيجي ۾ 2 ڄڻا مارجي ۽ 2 2 زخمي ٿي پيا، پرپوءِ مولانا فضل الرحمان بچي ويو پر سندس بلٽ پروف گاڏي جا شيشا ڀڄي پيا. ريسڪيو ذريعن موجب لاشن ۽ زخمين کي اسپتال پهچايو ويو آهي، جن مان ڪجهه زخمين جي حالت نازڪ هجڻ سبب وڌيڪ فوتين جو خدشو آهي. ٻئي طرف جي يو آءِ (ف) جي سربراهه مولانا فضل الرحمان تي حملي جي ذميداري تحريڪ طالبان پاڪستان کان علحده ٿيل هڪ گروپ پابندي مڙهيل تنظيم جند الله قبول ڪري ورتي. خانگي ٽي وي موجب پابندي مڙهيل تنظيم جند الله جي ترجمان ٽيليفون تي ڳالهائيندي ان واقعي جي ذميداري قبولي ورتي پرپوءِ مولانا فضل الرحمان تي خودڪش حملي جو سبب ناهي ٻڌايو ويو. ياد رهي ته ڪوئيٽا ۾ مولانا فضل الرحمان تي حملي ۾ 3 ڄڻا مارجي ۽ 2 2 کان وڌيڪ زخمي ٿي پيا.

 

نادرا اين اي 214 جي جاچ رپورٽ جاري ڪري ڇڏي، 27 هزار کان وڌيڪ ووٽ جعلي قرار

ڪراچي (اسٽاف رپورٽر) نادرا قومي اسيمبلي جي تڪ 5 1 2 جي جاچ رپورٽ جاري ڪري ڇڏي، هڪ لک 4 7 هزار 5 2 6 مان صرف 7 4 هزار 1 9 2 ووٽ صحيح ۽ 7 2 هزار 3 7 2 غلط نڪتا جڏهن ته 9 9 هزار 2 5 7 جي تصديق نه ٿي سگهي. نجي ٽي وي موجب خميس ڏينهن نادرا قومي اسيمبلي جي تڪ 5 1 2 جي تحقيقاتي رپورٽ جاري ڪري ڇڏي آهي جنهن مطابق تڪ ۾ هڪ لک 4 7 هزار 5 2 6 ووٽ وڌا ويا جن مان 7 4 هزار 1 9 2 ووٽ صحيح نڪتا ۽ 7 2 هزار 3 7 2 غلط پرپوءِ 9 2 2 ووٽ ڪنهن ٻئي جي سڃاڻپ ڪارڊ تي وڌا ويا ۽ 2 5 7 9 9 ووٽن جي تصديق نه ٿي سگهي. رپورٽ موجب صرف 8 2 سيڪڙو ووٽ گهربل معيار تي لٿا ۽ ووٽن جي تصديق نه ٿيڻ سبب غير معياري مس آهي. ياد رهي ته تڪ اين اي 5 1 2 مان پيپلزپارٽي جو اڳواڻ نواب علي وساڻ ڪامياب ٿيو هو ۽ غوث علي شاهه سندس ڪاميابي کي چئلينج ڪيو هو.

 

جاويد هاشمي پنجاب جي گورنر ٿيڻ کان معذرت ڪري ورتي، راڻا ثنا جي ٿيڻ جا امڪان

فيصل آباد(م.ڊ) تحريڪ انصاف جي اڳوڻي صدر مخدوم جاويد هاشمي پنجاب جي گورنر ٿيڻ کان معذرت ڪري ڇڏي آهي چيو وڃي ٿو ته وفاقي سرڪار کيس انهي عهدي جي آڇ ڪئي هئي جڏهن ته موجوده گورنر محمد سرور کي وفاقي سرڪار پرڏيهه ۾ پاڪستانين جا مسئلا ۽ ٻيا معاملا نبيرڻ لاءِ نئون عهدو ڏيڻ واري هئي جاويد هاشمي جي انڪار کانپوءِ هاڻ حڪومت اهو فيصلو في الحال ملتوي ڪري ڇڏيو آهي ۽ نئين گورنر لاءِ راڻا ثناءُ الله جي نالي تي ويچاريو پيو وڃي مخدوم جاويد هاشمي جو چوڻ آهي ته هو هاڻي پنهنجو علاج ڪرائڻ لاءِ چين ويندو جتان واپس موٽڻ کانپوءِ جيڪڏهن سندس صحت اجازت ڏني ته پوءِ هو پنهنجي ايندڙ حڪمت عملي جو فيصلو ڪندو ٻئي طرف ذريعن جو چوڻ آهي ته راڻا ثناءُ الله کي جيڪڏهن گورنر ڪيو ويو ته کيس عدالتي مسئلن کي منهن ڏيڻو پوندو پر اهو به آهي ته گورنر طور کيس عدالت ۾ پيش ٿيڻ جي ڇوٽ مليل هوندي ۽ هن خلاف ڪابه ڪارروائي نه ٿي سگهندي ياد رهي ته راڻا ثناءُ الله جو نالو ماڊل ٽائون ڪيس جي جوابدارن ۾ شامل آهي.