تازيون خبرون

Daily Archives: October 16, 2014

دهشتگردن جو هر هنڌ تعاقب ڪنداسين: سياسي ۽ عسڪري قيادت جو فيصلو

اسلام آباد (بيورو) وزيراعظم جي صدارت هيٺ سيڪيورٽي متعلق اجلاس ۾ فيصلو ڪيو ويو ته دهشتگردن جو هرهنڌ تعاقب ڪيو ويندو خميس تي وزيراعظم هائوس ۾ ٿيل اجلاس ۾ گهرو وزير بچاءُ وارو وزير آرمي چيف ڊي جي آءِ ايس آءِ جنرل ظهيرالسلام ۽ نامزد ڊي جي آءِ ايس آءِ ليفٽيننٽ جنرل رضوان اختر شريڪ ٿيا اجلاس ۾ ملڪ جي اندروني ۽ علائقائي سيڪيورٽي صورتحال جو جائزو ورتو ويو عسڪري عملدارن اوڀر ۽ اولهه سرحدن جي صورتحال چوڌري نثار ملڪ جي اندروني سلامتي جي صورتحال تي بريفنگ ڏني آپريشن ضرب عضب ۾ هن وقت تائين جي اڳڀرائي لائين آف ڪنٽرول ۽ ورڪنگ بائونڊري جي صورتحال تي پڻ غور ڪيو ويو خيبر ايجنسي ۾ دهشتگردن جي خلاف شروع ڪيل ڪارروائي جو پڻ جائزو ورتو ويو اجلاس ۾ فيصلو ڪيو ويو ته دهشتگردن جي هر هنڌ ڪڍ لڳي انهن جو خاتمو ڪيو ويندو.

 

وزير اعظم سميت 11 ڄڻن خلاف قتل ڪيس جو فيصلو معطل ، پوليس کي ڪارروائي نه ڪرڻ جو حڪم

اسلام آباد (بيورو) اسلام آباد هاءِ ڪورٽ تحريڪ انصاف ۽ پاڪستان عوامي تحريڪ جي ڪارڪنن جي پوليس ڪاروائي دوران ٿيل فوتين تي ايڊيشنل سيشن جج اسلام آباد جي وزيراعظم، وفاقي گهرو وزير، دفاع وزير ۽ ريلوي وزير سميت پوليس ۽ انتظاميا جي 11آفيسرن خلاف قتل جو ڪيس داخل ڪرڻ متعلق فيصلي کي معطل ڪري پوليس کي هر طرح جي ڪاروائي کان روڪي ڇڏيو. اسلام آباد هاءِ ڪورٽ جي جج جسٽس شوڪت عزيز ڪيس ۾ نامزد ڪيل پوليس آفيسرن طرفان داخل ڪيل درخواست جي ٻڌڻي ڪئي. ايڊيشنل اٽارني جنرل وقار راڻا چيو ته شاهراهه دستور تي مقرر پوليس اهلڪارن واقعي ڏينهن پاڪستان تحريڪ انصاف ۽ پاڪستان عوامي تحريڪ جي ڪارڪنن کي وزيراعظم هائوس ڏانهن مارچ ڪرڻ کان روڪيو. هن چيو ته ڪنهن به پوليس اهلڪار وٽ ڪو باهه وارو هٿيار موجود نه هو. هن چيو ته پوليس حڪام پنهنجون ذميداريون ادا ڪيون آهن ۽ ڪنهن انتظامي حڪم تي جوڊيشل آرڊر پاس نٿو ڪري سگهجي. وقار راڻا چيو ته اسلام آباد جي ايڊيشنل سيشن جج پوليس حڪام کي ٻڌڻ بغير سندن خلاف ڪيس داخل ڪرڻ جا حڪم جاري ڪري ڇڏيا، جيڪو ڪنهن به طور انصاف جا تقاضا پورا نٿو ڪري. هن عدالت کي ٻڌايو ته ان واقعي جون 2 ايف آءِ آرز پهرين کان داخل آهن، هڪ ڪيس سيڪريٽريٽ ٿاڻي جي انچارج جي مدعيت ۾ جڏهن ته ٻيو ڪيس پاڪستان عوامي تحريڪ طرفان داخل ڪرايو ويو آهي. ايڊيشنل اٽارني جنرل چيو ته سيڪريٽريٽ ٿاڻي پوليس ايڊيشنل سيشن جج جي حڪمن تي وزيراعظم سميت ٻين نامزد ماڻهن خلاف ڪيس داخل ڪري ورتو هو، جنهن تي عدالت پوليس حڪام کي ان ڪيس تي وڌيڪ ڪاروائي کان روڪي ڇڏيو. ان کان علاوه درخواست گذار ۽ ٻين ڌُرين کي نوٽيس جاري ڪري ڇڏيا. ياد رهي ته اسلام آباد ايڊيشنل سيشن جج 9 2 سيپٽمبر کي شاهراهه دستور تي ڌرڻو ڏيندڙ پارٽي پاڪستان تحريڪ انصاف جي درخواست تي 31 آگسٽ ۽ پهرين سيپٽمبر تي پي ٽي آءِ جي ڪارڪنن تي مبينا طور تي پوليس جي فائرنگ سان ٿيل چئن ڄڻن جي قتل خلاف وزيراعظم، پنجاب جي وڏي وزير سميت 1 1 ڄڻن خلاف قتل جو ڪيس داخل ڪرڻ جو حڪم ڏنو هو.

 

بلاول پاران باغ جناح جو دورو، جلسي جي انتظامن جو جائزو ورتو ، قوم جي دعائن سان پ پ تاريخي جلسو ڪندي: بلاول ڀٽو

ڪراچي (اسٽاف رپورٽر) پاڪستان پيپلزپارٽي جي چيئرمين بلاول ڀٽو زرداري خميس تي باغ جناح جو دورو ڪيو ان سان گڏ سيد اويس مظفر شرجيل انعام ميمڻ عبدالقادر پٽيل نجمي عالم جميل سومرو ۽ ٻيا پڻ موجود هئا بلاول ڀٽو زرداري 18 آڪٽوبر تي باغ جناح ۾ پيپلزپارٽي جي ٿيندڙ جلسي جي انتظامن جو جائزو ورتو پيپلزپارٽي ڪراچي ڊويزن جي صدر عبدالقادر پٽيل بلاول ڀٽو زرداري کي جلسي جي تيارين ۽ سيڪيورٽي انتظامن جي حوالي سان آگاهه ڪيو ان موقعي تي اتي موجود ڪارڪنن بلاول ڀٽو زرداري کي پاڻ سان گڏ ڏسي خوشي جو اظهار ڪيو ۽ سندس حق ۾ نعرا هنيا. بلاول ڀٽو زرداري هٿ لوڏي ڪارڪنن جي نعرن جو جواب ڏنو ان موقعي تي بلاول ڀٽو زرداري پارٽي اڳواڻن کي هدايت ڪئي ته جلسي ۾ ڪارڪنن ۽ عوام جي سهولتن لاءِ خاص انتظام ڪيا وڃن خاص ڪري عورتن لاءِ انتظام بهتر ڪيا وڃن جلسي گاهه ۾ اچڻ ۽ وڃڻ جي موقعن تي ڊسيپلين جو خاص خيال رکيو وڃي ان موقعي تي پارٽي اڳواڻن سان ڳالهائيندي بلاول ڀٽو زرداري چيو ته 18 آڪٽوبر جو جلسو عوامي جلسو هوندو ۽ هن جلسي ۾ ڀٽو جا جيالا شهيد بينظير جا جانثار ۽ عوام شريڪ ٿيندو پيپلزپارٽي عوامي جماعت آهي قوم جي دعائن سان پيپلزپارٽِ تاريخي جلسو ڪندي ان کان اڳ بلاول ڀٽو زرداري سيوهڻ شريف ۾ حضرت لعل شهباز قلندر جي مزار تي حاضري ڀري هن مزار تي گلن جا چادر چاڙهي فاتحه خواني ڪئي ۽ ملڪ ۽ قوم جي خوشحالي ترقي ۽ امن لاءِ خاص دعا ڪئي.

 

عمران خان ڪوڙ ڳالهائي عوام کي ورغلائڻ جي ڪوشش ڪري رهيو آهي: خورشيد شاهه

سکر(بيورو) قومي اسيمبلي ۾ مخالف ڌر جي اڳواڻ خورشيد شاهه چيو آهي ته عمران خان ڪوڙ ڳالهائي عوام کي ورغلائڻ جي ڪوشش ڪري رهيو آهي، عمران خان تجربي ڪار سياستدان ناهي. سکر ايئرپورٽ تي ميڊيا سان ڳالهائيندي مخالف ڌر جي اڳواڻ خورشيد شاهه چيو ته عمران خان کي غريب عوام سان ڪابه دلچسپي ناهي، عمران خان سان گڏ نچڻ وارا امير گهرن ۾ پيدا ٿيا آهن. خورشيد شاهه چيو ته چيف اليڪشن ڪمشنر جي مقرري بابت وزيراعظم سان ڳالهه ٻولهه ٿي آهي، هو ڪجهه ڏينهن لاءِ مهلت چاهين ٿا. هن وڌيڪ چيو ته بلاول ڀٽو زرداري جي جان کي خطرو آهي پر هر ڪنهن جي جان جي حفاظت ڪرڻ وارو الله ئي آهي.

 

انشاءُالله اهو ڏينهن ايندو جڏهن دنيا آمريڪا بدران پاڪستان ڏانهن واجهائيندي: سراج الحق

لاهور (م.ڊ) امير جماعت اسلامي سراج الحق چيو آهي ته ڪروڙين غريب عوام ٻن ويلن جي ماني لاءِ سڪي رهيو آهي جڏهن ته 5 سيڪڙو ڪرپٽ امير غريب عوام جو رت چوسي ٻاهرين ملڪن ۾ پنهنجا محل ٺاهڻ ۽ پنهنجا اڪائونٽس ڀرڻ ۾ مصروف آهن 67 سالن ۾ عوام کي سبزباغ ڏيکاري صرف ڪوڙن واعدن تي ڪمڪڍيو ويو اليڪشن مهم ۾ وڏي واقعي لوڊشيڊنگ مهانگائي بيروزگاري ختم ڪرڻ جا نعرا هنيا ويا پر هڪ به واعدو پورو نه ٿي سگهيو پاڪستان جي قيام لاءِ لکين ماڻهن قرباني هنن لٽيرن لاءِ نه ڏني هئي جماعت اسلامي 21، 22 ۽ 23 نومبر کان تحريڪ پاڪستان جي سلسلي ۾ عام اجتماع منعقد ڪندي جنهن ۾ عوامي ايجنڊا جو اعلان ڪيو ويندو اسان جا حڪرمان آءِ ايم ايف، ورلڊ بئنڪ ۽ آمريڪا جي اشارن تي هلن ٿا انشاءُ الله اهو ڏينهن به ايندو جڏهن دنيا آمريڪا ڏانهن ڏسڻ بدران پاڪستان ڏانهن واجهائيندي اهڙن خيالن جو اظهار هن جماعت اسلامي جي جنرل سيڪريٽري لياقت علي بلوچ ۽ ٻين سان گڏ منصوره ۾ پريس ڪانفرنس ڪندي ڪيو.

 

پاڪ فوج آپريشن ”ضرب عضب“ جو دائرو وڌائي ڇڏيو، هوائي ڪارروائي، 12 شدت پسند مارجي ويا

خيبر ايجنسي، راولپنڊي (م.ڊ) پاڪ فوج جو آپريشن ضرب عضب ڪاميابي سان هدف ڏانهن جاري، اتر وزيرستان ۾ جاري آپريشن ”ضرب عضب“ جو دائريڪار وسيع ڪيو ويو، خيبر ايجنسي ۾ هوائي ڪاروائي، 1 2 شدت پسند مارجي ويا، 0 1 زخمي، 7 ٺڪاڻا تباهه ڪيا ويا. آءِ ايس پي آر موجب خميس ڏينهن خيبر ايجنسي ۾ جيٽ جهازن شدت پسندن جي ٺڪاڻن تي هوائي ڪاروائي ڪئي. سرڪاري ذريعن موجب ساه ۽ اڪاخيل ۾ شدت پسندن جي ٺڪاڻن تي ڪاروائي ۾ 6 1 شدت پسند مارجي ۽ 0 1 زخمي ٿي ويا جڏهن ته سندن 7 ٺڪاڻا به تباهه ٿي ويا.

 

حاڪم ۽ محڪوم سڀ آئين جي آڏو برابر آهن، ڪوئي غلط فهمي ۾ نه رهي: سپريم ڪورٽ

اسلام آباد (بيورو) سپريم ڪورٽ آف پاڪستان جي جج مسٽر جسٽس جواد ايس خواجه وزيراعظم جي نااهلي متعلق درخواست جي ٻڌڻي دوران چيو آهي ته حاڪم ۽ محڪموم سڀ آئين اڳيان برابر آهي استثنيٰ ڪنهن کي نه هئڻ گهرجي ۽ نه ئي ڪوئي آئين کان منهن موڙي سگهي ٿو سزا کان سواءِ ڪوئي نااهل نٿو ٿي سگهي ايندڙ ٻڌڻي تي اٽارني جنرل کي به ٻڌنداسين خميس تي سپريم ڪورٽ ۾ جسٽس جواد ايس خواجه جي سربراهي ۾ ٽه رڪني بئنچ وزيراعظم جي نااهلي متعلق درخواست جي ٻڌڻي ڪئي درخواست گذار گوهر نواز سنڌو درخواست جي ٻڌڻي لائق هئڻ متعلق دليل ڏيندي چيو ته اسپيڪر عدالتي فيصلي کان پوءِ نااهلي جو فيصلو ڪري ٿو منهنجي درخواست ٻڌڻي جوڳي آهي ۽ هي ئي منهنجو فورم آهي گوهر نواز ٻڌايو ته يوسف رضا گيلاني جي آئين کي پٺي ڏيڻ تي نااهلي سان رياستي ادارا مضبوط ٿيا جنهن تي ڊپٽي اٽارني جنرل چيو ته يوسف رضا گيلاني جو معاملو نوازشريف جي ڪيس کان مختلف هو جسٽس جواد ايس خواجه چيو ته اوهان جو چوڻ آهي ته اسپيڪر 18هين ترميم کان پوءِ براهه راست نااهلي نٿو ڪري سگهي اسان اٽارني جنرل کي نوٽيس جاري ڪري ڇڏيو آهي ايندڙ ٻڌني تي اٽارني جنرل کي به ٻڌنداسين جسٽس خواجه چيو ته سزا ڏيڻ لاءِ صرف عدالتي فورم ئي آهي آئين چوي ٿو ته سزا کان سواءِ ڪائي نااهلي نٿي ٿي سگهي پوءِ ڇو ڪوئي فوجي هجي يا عام شخص وزيراعظم جي اهليت يا نااهليت جو فيصلو عدالت کي ڪرڻو آهي اڄ ڪوئي حاڪم يا محڪوم نه آهي ڪنهن کي غلط فهمي آهي ته ذهن مان ڪڍي ڇڏي هي فرق 1947 کان اڳ جو هو اڄ جو نه آهي ڊپٽي اٽارني جنرل چيو ته اٽارني جنرل سلمان اسلم بٽ بيروني ملڪ آهي هڪ ٻن ڏينهن تائين عدالتي معاونت لاءِ موجود هوندو عدالت درين کي نوٽيس جاري ڪرڻ لاءِ درخواست گذار کي لکت ۾ سبب ڄاڻائڻ جي هدايت ڪندي ڪيس جي ٻڌڻي ايندڙ هفتي تائين ملتوي ڪري ڇڏي.

 

ڌرڻا بري طرح ناڪام ٿي چڪا جلد پنهنجي موت پاڻ مري ويندا: سعد رفيق

راولپنڊي (م.ڊ) وفاقي وزير ريلوي خواجه سعد رفيق چيو آهي ته ملتان جو ضمني چونڊن ۾ پاڪستان تحريڪ انصاف کي اخلاقي شڪست ٿي چڪي آهي ملتان جي ضمني چونڊن ۾ ڪوڙ جي مقابلي ۾ جمهوريت جو ساٿ ڏيئي رهيا آهيون سازشون ڌرڻا ۽ الزام نوازشريف ۽ ان جي ٽيم کي پاڪستان جي معاشي ڌماڪو ڪرڻ کان نٿا روڪي سگهن عمران خان کي ڪوڙ جو ورلڊ چئمپين ڊڪليئر ڪري رهيو آهيان ڌرڻا فلاپ ٿيا آهن راولپنڊي ۾ وفاقي وزير ريلوي خواجه سعد رفيق چيو ته چين صدر ڀارت ۾ 20 ارب ڊالر جا معاهدا ڪيا جڏهن ته پاڪستان نه اچي سگهيو عمران خان ۽ طاهرالقادري پاڪستان ۾ پرڏيهي سيڙپڪاري روڪي ڌرڻن سان اسان کي نه پر 18 ڪروڙ عوام کي خطرو آهي ۽ هي ڌرڻو عوام جي حق ۾ ڌاڙو آهي ٻنهي پارٽين جا ڌرڻا فلاپ ٿي ويا آهن ايندڙ ڪجهه ڏينهن ۾ ڌرڻا پاڻ ئي ختم ٿي ويندا هن چيو ته پي ٽي آءِ جي قيادت بجلي استعمال ڪري رهي آهي جڏهن ته بل ادا نٿا ڪن. بجلي جي رٿا ۾ دير جو ذميوار عمران خان آهي سعد رفيق چيو ته 11 مئي جي چونڊن ۾ پاڪستان جي ڪروڙين ماڻهن مسلم ليگ (ن) کي اڪثريت ڏيئي مڪمل اعتماد جو اظهار ڪيو هو اڳوڻي حڪومت جي مايوس ڪندڙ ڪارڪردگي کيس آءِ سي يو تائين وٺي ويئي وزيراعظم محمد نوازشريف جي قيادت ۾ ان جي ٽيم ملڪ کي مالياتي بدنظمي جي سيلاب مان ڪڍيو بيورو ڪريسي ۾ ديانتدار ماڻهو آندا ڪراچي ۾ دهشتگردن خلاف طالبان ۽ دهشتگردن جي خلاف سياسي پارٽين کي اعتماد ۾ وٺي آرمي جي مشاورت سان فيصلائتي ڪارروائي ڪئي ويئي جنهن جي ڪري اڄ سڄي ملڪ ۾ امن امان جي صورتحال بهتر ٿي آهي.

 

حڪمرانن ذاتي ملز کي بچائڻ لاءِ غريبن جي فصلن ۽ آبادين کي ٻوڏ ۾ لوڙهيو: طاهرالقادري

اسلام آباد (بيورو) پاڪستان عوامي تحريڪ جي اڳواڻ ڊاڪٽر طاهرالقادري چيو آهي ته حڪمرانن ذاتي ملون بچائڻ لاءِ غريبن جي فصلن ۽آبادين کي ٻوڏ جي حوالي ڪري ڇڏيو پاڪستان عوامي تحريڪ اقتدار ۾ اچي فصلن جي انشورنس ڪندي ٻوڏ جي بچاءُ لاءِ وقت کان اڳ انتظام ۽ ڪنهن به نقصان جي صورت ۾ ان جو ازالو ڪيو ويندو عوامي تحريڪ اقتدار ۾ اچي هارين کي مفت زمينون ڏيندي هر شهري کي انصاف ملندو ڪوئي ٿاڻو ڪنهن سان ناانصافي نه ڪري سگهندو اهڙو نظام ايندو جو هر شخص کي انصاف ملندو پاڪستان عوامي تحريڪ جو منشور ۽ منهنجوپيغام گهر گهر پهچائين اسان غريبن کي اقتدار ۾ آڻي خوشحالي ۽ انصاف تي ٻڌل معاشرو اڏڻ چاهيون ٿا هن چيو ته نوازشريف ٻوڏ متاثرن سان ڪوڙ ڳالهايو متاثرن کي پئسا نه ڏيڻا هئا ته انهن سان دوکو ڇو ڪيو حڪمرانن کي قلم 420 تحت جيل اماڻيو وڃي ۽ ٻوڏ متاثر علائقن جي ٻن مهينن جا يوٽيلٽي بل معاف ڪيا وڃن قوم جو ليڊر جو جيڪڏهن ڪرپٽ ۽ نااهل هجي ته پوءِ عوام بک بدحالي جو شڪار ٿي ويندي ۽ ليڊر جيڪڏهن سچو ۽ ديانتدار هوندو ته هر شهري خوشحالي واري زندگي گذاريندو اهڙن خيالن جو اظهار هن چنيوٽ ۾ ٻوڏ متاثرن جي عوامي اجتماع کي خطاب ڪندي ڪيو ان مد ۾ ٻوڏ متاثرن ۾ امداد به ورهائي ويئي.

 

اين اي 149 ملتان جي ننڍي چونڊ ۾ عامر ڊوگر کي جاويد هاشمي تي سرسي

ملتان (بيورو) اين اي 149 جي ننڍي چونڊ جي غير سرڪاري نتيجن موجب عامر ڊوگر جاويد هاشمي تي سرسي حاصل ڪري ورتي آهي. عامر ڊوگر جي ڊيري تي جشن، ڀنگڙا، آتشبازي، هوائي فائرنگ ۽ مٺاهيون ورهايون ويون. ملتان مان قومي اسيمبلي جي تڪ اين اي 149 ۾ پولنگ جو عمل صبح 8 بجه کان شروع ٿيو جيڪو بغير ڪنهن وقفي جي شام بجه تائين جاري رهيو، تڪ جي 3 لک 45 هزار 998 رجسٽرد وُٽرن لاءِ 286 پولنگ اسٽيشنون قائم ڪيون ويون هيون، ضمني چونڊن ۾ سينيئر سياستدان مخدوم جاويد هاشمي، پ پ جو ڊاڪٽر جاويد صديقي ۽ عامر ڊوگر سميت 12 اميدوارن ۾ ميدان ۾ لٿل هئا، جڏهن ته اصل مقابلو مسلم ليگ ن جي حمايت حاصل ڪندڙ جاويد هاشمي ۽ تحريڪ انصاف جي حمايت حاصل ڪندڙ آزاد اميدوار عامر ڊوگر وچ ۾ هو، پولنگ دوران ڪيترين ئي جڳهين تي عامر ڊوگر ۽ جاويد هاشمي جي حامين ۾ منهن ماري به ٿي ۽ هڪ ٻئي تي ڌانڌلي جا الزام پڻ لڳايا ويا شمس آباد پولنگ اسٽيشن تي سياسي ڪارڪن نوچ ۾ منهن ماري سبب عارضي طور تي پولنگ عمل به روڪيو ويو جڏهن ته رينجرز موقعي تي پهچي صورتحال تي ڪنٽرول ڪندي ٻيهر پولنگ شروع ڪرائي پولنگ اسٽيشنن تان جاري ڪيل غير سرڪاري نتيجن مطابق عامر ڊوگر کي جاويد هاشمي تي برتري حاصل آهي جڏهن ته هينئر تائين پولنگ اسٽيشن ۾ ووٽن جي ڳڻپ جاري آهي 190 پولنگ اسٽيشنن تي غير سرڪاري نتيجن مطابق عامر ڊوگر 36 هزار 623 جڏهن ته جاويد هاشمي 29 هزار 11 سئو ووٽ کنيا آهن عامر ڊوگر جي برتري ۾ اضافي سان گڏوگڏ تڪ ۾ تحريڪ انصاف جي ڪارڪنن ۾ به جوش وڌندو پيو وڃي ۽ اتي جشن ماحول پيدا ٿي ويو آهي. ٻئي طرف تحريڪ انصاف جي اڳوڻي صدر ۽ ملتان ۾ ضمني چونڊن جي اميدوار جاويد هاشمي جو چوڻ آهي ته ملڪ ۾ تبديلي جو واحد رستو چونڊون ئي آهن جيتوڻيڪ هن اليڪشن جا نتيجا منهنجي حق ۾ ناهن پر عوام جي فيصلي کي قبول ڪريان ٿو، ملتان ۾ ميڊيا سان ڳالهائيندي جاويد هاشمي چيو ته ڪنٽينرن ذريعي حڪومتون ناهن بدلايون وينديون ۽ اها حقيقت اڄ ثابت ٿي چڪي آهي عمران خان يا طاهر القادري وٽ به حڪومتون بدلائڻ جو نسخو بيلٽ ئي هجڻ گهرجي ڇو ته تبديلي جو واحد رستو چونڊون آهن ۽ ٻيون شيون ملڪ جي تباهي جو سبب بڻجنديون، هن چيو ته مون جيڪو چاهيو ان ۾ ڪامياب ٿيس اڄ سڀئي طاقتون ووٽ جي رستي تي اچڻ ۾ ڪامياب ٿي ويون آهن جڏهن ته ضمني چونڊن جا نتيجا منهنجي حق ۾ ناهن آيا پر عوام جو شڪرگذار آهيان ۽ انهن جي هر فيصلي کي قبول ڪندي مخالف اميدوار کي ڪاميابي جي مبارڪباد پيش ڪريان ٿو، جاويد هاشمي جو چوڻ هو ته ن ليگ منهنجي سڌي سنئين مدد ناهي ڪئي ۽ نه ئي مان ان جو خواهشمند هوس پر ان جي ڪارڪنن ضمني چونڊن ۾ منهنجي لاءِ ڏاڍي محنت ڪئي هن چيو ته منهنجي تڪ جي ماڻهن  شڪايت ڪئي ته اسان اوهان کي چونڊيون ٿا ۽ اوهان استعيفيٰ ڏئي ٿا ڇڏيو جنهن تي آئون پنهنجن ماڻهن کي وضاحت نٿو ڏئي سگهان ڇو ته مون اصولي فيصلو ڪيو هو ان کان علاوه ڪوبه رستو نه هو.