تازيون خبرون

Daily Archives: October 12, 2014

شهباز شريف جي وزير اعظم سان ملاقات، جمهوريت ۽ حڪومت کي ڪمزور ڪندڙ ناڪام ٿيندا: نواز شريف

لاهور (م.ڊ) وزيراعظم ميان نواز شريف چيو آهي ته حڪومت جو پورو ڌيان ملڪ کي بجلي جي لوڊشيڊنگ سميت تمام بحرانن مان نجات ڏيارڻ تي ڏنل آهي، عوام سان ڪيل هر واعدو پاڙينداسين، جمهوريت ۽ حڪومت کي ڪمزور ڪندڙ ناڪام ٿيندا، پاڪستاني عوام جمهوريت ۽ حڪومت سان گڏ آهي، عوام کي ڪنهن به سطح تي اڪيلو نه ڇڏينداسين، پنجاب حڪومت ٻوڏ سٽيلن جي بحالي لاءِ قدم وڌيڪ تيز ڪري، محرم ۾ سيڪيورٽي جا فول پروف انتظام ڪيا وڃن، ملتان سانحي جي شفاف انڪوائري ڪري ذميدارن خلاف قانون موجب ڪاروائي ڪئي وڃي. هو پنجاب جي وڏي وزير شهباز شريف سان ملاقات دوران ڳالهائي رهيو هو جڏهن ته ان موقعي تي ملڪ جي موجودهه سياسي صورتحال، تحريڪ انصاف جي ملتان واري جلسي ۾ پيش آيل ناخوشگوار واقعي، ٻوڏ متاثرن جي امداد ۽ محرم ۾ سيڪيورٽي انتظامن سميت ٻين معاملن تي به ڳالهايو ويو ۽ وڏي وزير ان حوالي سان کنيا ويندڙ قدمن کان وزيراعظم نواز شريف کي بريفنگ ڏني آهي جڏهن ته ان موقعي تي ڳالهائيندي وزيراعظم نواز شريف وڌيڪ چيو ته حڪومت جي راهه ۾ رڪاوٽون اٽڪائيندڙ اصل ۾ ملڪ جي ترقي ۽ خوشحالي جا دشمن آهن پر حڪومت عوام جي مدد سان ملڪ کي نه صرف تمام بحرانن مان نجات ڏياريندي پر اسان ملڪ کي به ترقي ۽ خوشحالي جي راهه تي هلائينداسين. هن چيو ته احتجاجي ڌرڻن جي سياست ڪندڙن جا اصل مقصد قوم سامهون اچي چڪا آهن ۽ عوام به اهڙن ماڻهن جو ساٿ ناهي ڏئي رهيو جنهن سبب اهي پاڻ ئي مايوسي جو شڪار ٿي چڪا آهن.

 

بلاول ڀٽو ڪشمير مسئلو حل نه ٿيڻ گڏيل قومن جي ناڪامي قرار ڏئي ڇڏيو

ڪراچي (اسٽاف رپورٽر/اين اين آءِ) پاڪستان پيپلزپارٽي جي چيئرمين بلاول ڀٽو زرداري چيو آهي ته اقوام متحده پنهنجي ڪمزورين جو تجزيو ڪري ڪشمير متعلق ڪراردادن تي عمل ڪرائي ڪشمير جي مسئلي جي حل کان سواءِ خطي ۾ امن ممڪن نه آهي عالمي برادري جو رويو تعصب وارو آهي پاڪستان ۾ مذهبي نفرت جي باهه ڀڙڪائي پئي وڃي آمريت جي دور ۾ ڪيل فيصلن جا نتيجا اسان اڄ به ڀوڳي رهيا آهيون اسان پنهنجين اهنجن جا پاڻ ذميوار آهيون ڪنهن کي الزام نٿا ڏيئي سگهون اسان کي پنهنجن فيصلن ۽ قدمن جي ذميواري پاڻ کڻڻي پوندي بمن بدران ڪتاب وٺڻا پوندا اسان کي غير سياسي عنصر کي طاقت ڏيندي ياد رکڻ گرجي ته هي عنصر اهي نه ڪنهن قانون کي مڃين ٿا نه رياست کي هي اهي ماڻهو آهن جيڪي عوام کي جواب به نٿا ڏين هي ملڪ دشمن پنهنجا غلط مقصد حاصل ڪرڻ لاءِ وڙهن ٿا اسان کي ڊڪٽيٽر حڪمراني ڪئي جمهوري پاڪستاني هجڻ جي ناطي اهو ثابت ڪرڻو پوندو ته ماضي پاڻ کي ورجائي ٿو اسان ڪنسرٽ ۽ ليپ ٽاپ سان پنهنجي نالي جي سڃاڻپ نٿا چاهيون اسان کي آمريت، فاشزم ۽ بادشاهتن جي دورن کان ڏسڻو پوندو ۽ جمهوريت کي هٿي ڏيڻي پوندي هو آچر تي سنڌ اسيمبلي بلڊنگ مان ماڊل يونائيٽييڊ نيشنل جي عنوان سان شهيد ذوالفقارعلي ڀٽو انسٽيٽيٽو آف ٽيڪنالوجي ۽ بلاول هائوس جي تعاونس ان منعقد چئن ڏينهن واري ڪانفرنس جي آخري ڏينهن نمائندن کي خطاب ڪري رهيو هو ان موقعي تي آغا سراج دراني، سيده شهلا رضا، بختاور ڀٽو زرداري ۽ اويس مظفر موجود هئا ڪانفرنس ۾ آمريڪا سوئيڊن ۽ نائيجيريا روس جي 9 شاگردن سميت 1500 شاگردن شرڪت ڪئي ڪانفرنس ۾ شهيد ذوالفقارعلي ڀٽو جي 1971 ۾ اقوام متحده ۾ ڪئي ويندڙ تقرير تي شاگردن آڏو وڊيو تي نشر ڪئي ويئي جنهن ۾ ذوالفقارعلي ڀٽو کي اقوام متحده ۾ پولينڊ جي قرارداد ڦاڙيندي ڏيکاريو ويو هن چيو ته اڄ اولهه دنيا شام لبيا مصر ۾ عرب اپرنگ مدد ڪرڻ لاءِ ۽ ننڍي ۽ جلد حاصل ڪرڻ جي مقصدن لاءِ وري اها ئي غلطي ڪري رهي آهي غير سياسي عنصرن کي هٿيار ۽ پئسا ڏيئي رهي آهي پر هي راند هاڻي اڳ کان وڌيڪ خطرناڪ آهي اڄوڪو عالمي نظام ان قائدي تي هلي رهيو آهي ته طاقت ۽ ڪمزور کان وڌيڪ برتر آهي پاڪستان پيپلزپارٽي جي دور ۾ اسان بين الاقوامي سطح تي پاڪستان جو جهنڊو هميشه بلند رکيو ۽ اقوام متحده جي سيڪيورٽي ڪائونسل بين الاقوامي ملڪن کي قائل ڪري وڌيڪ ووٽ حاصل ڪيا ۽ اقوام متحده جي سيڪيورٽي ڪائونسل ۾ نشست حاصل ڪئي هن چيو ته پاڪستان جو آواز ضروري آهي ۽ ان آواز کي ٻڌڻ پوري دنيا تي لازم آهي مان عالمي برادري کي چوان ٿو ته ٻڌو شهيد ذوالفقارعلي ڀٽو جي آواز کي شهيد محترمه بينظير ڀٽو جي آواز کي پاڪستان جي آواز کي مان صرف 26 سالن جو آهيان مان هڪ امن پسند جمهوري ۽ دنيا جي قديم تهذيب سنڌو تهذيب جو حصو آهيان ۽ مان چاهيان ٿو ته دنيا اسان جو آواز ٻڌي هن چيو ته مذهبي جنون منهنجي نانا منهنجي ٻن مامن ۽ منهنجي ماءُ کي شهيد ڪيو منهنجي پاڪ ڌرتي کي رت ۾ وهنجهاريو ۽ اڄ به هي مذهبي فسطائيت جي باهه پاڪستان ۾ ڀڙڪي رهي آهي مان عالمي برادري کي چوان ٿو ته پاڪستان جي آواز ٻڌو پاڪستان جي تاريخ سکو هن چيو ته 1980 ۾ سڄي دنيا روس جي خلاف افغان جنگ ۾ حصو ورتو پر ان دوران غير رياستي عنصرن کي پئسو ۽ اسلحو ڏيئي هڪ اهڙي اڻڄاڻ غلطي ڪئي جنهن جي ڪري اڄ دنيا ان وقت جي مجاهدين کي اڄ جو دهشتگرد چوي ٿي 30 سالن کان پوءِ اڄ به پاڪستان ان اڻڄاڻ غلطي جي سزا ڀوڳي رهيو آهي هن چيو ته هڪ امن پسند جمهوري مسلمان رياست جي خلاف مسلسل اهڙي طرح جو تعصب تي ٻڌل رويو ۽ اهو به دنيا جي سڀ کان اعليٰ اداري پاران هاڻي وڌيڪ برداشت نٿو ڪري سگهجي اسان وٽ صرف ٻه رستا آهن يا اسان پرامن خوشحال ۽ ترقي پسند مسلمان مملڪت بڻجون جيڪا مسلما امه جي لاءِ هڪ روشن مثال ۽ عالمي سطح تي هڪ اڳواڻ ملڪ بڻجي سگهي يا وري اسان هڪ مذهبي فسطائيتي مملڪت بڻجون جيڪو نه صرف هن خطي پر پوري دنيا لاءِ هڪ خطرو بڻجي وڃون هن چيو ته ڪشمير 66 سال گذرڻ کان پوءِ 1948 ۾ دنيا جو ڪيل حق خود اراديت جو واعدو پورو ٿيڻ جي انتظام ۾ آهي اهڙن حالتن ۾ اهو چوڻ غلط نه ٿيندو ته ڪشمير مسئلي جو حل نه ٿيڻ اقوام متحده جي ڪاميابي نه آهي پر هڪ وڏي ناڪامي آهي اسان هي ان لاءِ چئون ٿا ڇو ته اسان انصاف ۾ جمهوريت ۾ عالمي قانونن ۽ عالمي عدالت تي يقين رکون ٿا 6 جون 1998 تي اقوام متحده جي قرارداد نمبر 1172 منظور ڪئي ان قرارداد مطابق پاڪستان انڊيا کي ڪنهن به قسم جي جوهري ٽيڪنالوجي سامان يا شين جي فراهمي بند ڪئي ويئي هئي پر اڄ اهي سمورا جوهري دروازا جيڪي پاڪستان ۽ انڊيا جا بند ڪيا ويا هئا اهي هڪ هڪ ڪري صرف ڀارت لاءِ کوليا پيا وڃن هن چيو ته پاڪستان جي دهشتگردن سان جنگ جمهوريت لاءِ مسلسل جدوجهد ڪشمير جو قبضو ۽ ڪشمير ۾ ظلم جيڪڏهن دنيا شهيد ذوالفقارعلي ڀٽو جو آواز ٻڌو هجي ها شهيد محترمه بينظير ڀٽو جوآواز ٻڌو هجي ها پاڪستان پنهنجن ماڻهن جو آواز ٻڌو هجي ها ۽ پاڪستان جو آواز دنيا ٻڌو هجي ها ته عالمي امن هڪ خواب نه پر حقيقت هجي ها.

 

عمران خان سمجهي ٿو ته يلغار ڪري حڪومت تي قبضو ڪري وٺندو، هاڻي ايئن نه ٿيندو: پرويز رشيد

ميانوالي (م.ڊ) وفاقي وزير پرويز رشيد چيو آهي ته عمران خان جي سوچ آهي ته يلغار ڪري حڪومت تي قبضو ڪري وٺنداسين هاڻي ايئن نه ٿي سگهندو تبديلي ووٽ سان ايندي آهي لڳي ٿو ته عمران خان 2018 ۾ به ڌانڌلي جو الزام هڻندو اسان جي سرحدن جي خلاف ورزي ڪئي پئي وڃي پر وطن عزيز تي ڪک به برداشت نه ڪنداسين سرحدن ٻاهران ٿيندڙ هر حملي جو مڙس ٿي مقابلو ڪنداسين ميانوالي ۾ ميڊيا سان ڳالهائيندي هن چيو ته جڏهن اسان کي حڪومت ملي هئي ته دهشتگردي ۽ توانائيجي بحران معيشت جي جسم مان جان ڪڍي ڇڏي هئي. هو هي دعويٰ ته نٿا ڪن ته موجوده حڪومت سمورا مسئلا حل ڪري ڇڏيا جڏهن ته حڪومت جي پهرين سال ۾ ئي تبديلي نظر اچن شروع ٿي ويئي آهي. اسان کي حڪومت ملي ته ڊالر 112 رپيا هو ۽ اسان ان کي 98 جي سطح تي آندوسين. پرويز رشيد چيو آهي ته هاڻوڪي ڀارتي اڳرائي بابت پاڪستان جي نقطي نظر کان دنيا کي آگاهه ڪرڻ لا، 5 وڏن ملڪن ۾ پاڪستاني سفير اماڻيا ويندا. ميڊيا سان ڳالهائيندي وفاقي وزير چيو ته قومي سلامتي ڪانفرنس ۾ فيصلو ٿيو هو ته حڪومت گڏيل قومن کي ڀارت طرفان سرحدن جي ڀڃڪڙين تي خط لکندي. هن چيو ته اسان ڀارتي جارحيت خلاف دنيا جي هر فورم تي وڙهنداسين ۽ دنيا کي ڀارتي فوجين طرفان سيز فائر جي ڀڃڪڙين جي حوالي سان آگاهه ڪنداسين. هن چيو ته اسان جا سفير عالمي برادري کي پاڪستان جي نقطه نظر کان آگاهه ڪري رهيا آهن. ملڪ جي سلامتي ۽ وقار اسان جي پهرين ترجيح آهي. هڪ سوال جي جواب ۾ هن چيو ته عمران خان کي خيبر پختونخواه ۾ پنهنجي حڪومت تي ڌيان ڏيڻ گهرجي. وفاقي ۽ صوبائي حڪومت 2018ع ۾ عوام آڏو احتساب لا، پيش ٿينديون. هن چيو ته تبديلي هميشه ووٽ ذريعي آئي آهي ۽ مستقبل ۾ به ان لا، اهو ئي طريقيڪار اختيار ڪيو ويندو. هن چيو ته ڪنهن به قوم ڪنهن به ٻاهرين ۽ اندروني جارحيت خلاف وڙهڻ ۽ ملڪي سرحدن جي حفاظت لا، هر وقت تيار آهي. سڄي قوم پاڪستان جي فوج سان گڏ بيٺل آهي جيڪي اسان جي نسلن جي مستقبل لا، قربانيون ڏئي رهيا آهن

 

وڏي وزير سان ن ليگ اڳواڻ زين انصاري جي ملاقات، سياسي صورتحال تي ڳالهيون

ڪراچي ( اسٽاف رپورٽر) سنڌ جي وڏي وزير سيد قائم علي شاهه سان پاڪستان مسلم ليگ (ن) جي اڳواڻ زين انصاري چيف منسٽر هائوس ۾ ملاقات ڪئي. ملاقات دوران ملڪ خاص طور صوبي سنڌ جي سياسي صورتحال ۽ گڏيل دلچسپي وارن معاملن تي خيالن جي ڏي وٺ ڪئي . ان موقعي تي وزير جو معاون خاص وقار مهدي ۽ پوليٽيڪل ڪو آرڊينيٽر صديق ابو ڀائي پڻ موجود هئا.ا

 

ڪشمير تڪرار کي گڏيل قومن جي قراردادن موجب حل ڪرايو وڃي: پاڪستان

اسلام آباد (بيورو) وزيراعظم جي پرڏيهي معاملن واري صلاحڪار سرتاج عزيز گڏيل قومن جي سيڪريٽري جنرل بانڪي مون کي خط ذريعي لائين آف ڪنٽرول ۽ ورڪنگ بائونڊري تي گذريل هڪ هفتي کان وڌيڪ جاري ڇڪتاڻ ۽ لڳاتار جنگ بندي معاهدي جي ڀڃڪڙي کان آگاهه ڪيو. خط ۾ ان مسئلي کي حل ڪرڻ لا، گڏيل قومن ۾ هڪ قرارداد آڻڻ جي ضرورت تي به زور ڀريو ويو. سرتاج عزيز خط ۾ بانڪي مون ۽ عالمي برادري کان مطالبو ڪيو آهي ته اهي پاڪستان ۽ ڀارت وچ ۾ سرحدي ڇڪتاڻ کي ختم ڪرڻ ۾ پنهنجو ڪردار ادا ڪري، خط ۾ چيو ويو آهي ته گذريل ڪجهه هفتن کان ڀارتي فورسز لائين آف ڪنٽرول تي لڳاتار فائرنگ ڪري رهي آهي، ڀارپهرين آڪٽوبر کان 0 1 آڪٽوبر تائين لائين آف ڪنٽرول جي 0 2 جڏهن ته ورڪنگ بائونڊري تي 2 2 ڀيرا ڀڃڪڙيون ڪيون، ان دوران ڀارتي فائرنگ سان 2 1 پاڪستاني شهري شهيد ۽ 2 5 زخمي ٿيا جن ۾ 9 پاڪستاني فوجي به شامل آهن، ڀارتي فائرنگ تي پاڪستان ذميداري سان جوابي ڪاروائي ڪئي. خط ۾ چيو ويو آهي ته پاڪستان ڀارت سان ڪشمير سميت تمام معاملن جو پُرامن حل چاهي ٿو، گذريل ڪئين ڏهاڪن کان پاڪستان گڏيل قومن ۽ بين الاقوامي برادري کي يادگيري ڪرائي رهيو آهي ته خطي ۾ امن جي قيام لا، اهي ان سلسلي ۾ پنهنجي واعدن کي پاڙين ۽ گڏيل قومن جي قراردادن موجب ڪشمير مسئلي کي حل ڪيو وڃي.

 

ڪراچي ۾ اڌ ڪلاڪ دوران فائرنگ ۽ ٻين پُرتشدد واقعن ۾ 4 ڄڻا مارجي ويا

ڪراچي (اسٽاف رپورٽر) ڪراچي جي مختلف علائقن ۾ اڌ ڪلاڪ دوران فائرنگ ۽ ٻين پُرتشدد واقعن ۾ 4 ڄڻا مارجي ويا. پوليس موجب گلبهار جي خاموش ڪالوني ۾ موٽر سائيڪل تي سوار هٿياربندن فائرنگ ڪري هڪ شخص کي قتل ڪري ڇڏيو. اورنگي ٽائون جي ايم پي آر ڪالوني ۾ فائرنگ سان 2 ڄڻا مارجي ويا. گلستان جوهر جي بلاڪ 2 1 ۾ هڪ گهر مان هڪ شخص جو لاش مليو آهي، جنهن جي ڳچي تي ڇري ڦيري وئي آهي، ان کان علاوه ان جي هٿن جون نسون به ڪٽيل آهن.يسڪيو رضاڪارن تمام لاشن کي ويجهي اسپتال پهچائي ڇڏيو آهي. ياد رهي ته گذريل هڪ سال کان ڪراچي ۾ پوليس ۽ رينجرز جو ٽارگيٽ ڪلرز ۽ ٻين ڏوهه پيشا ماڻهن خلاف آپريشن جاري آهي پرپوءِ سرعام ڏينهن ڏٺي ماڻهن جو عام قتل اڃا به جاري آهي.

 

ملتان سانحي ۾ عمران خان ڪارڪنن جي عيادت نه ڪري بي حسي جو مظاهرو ڪيو: سعد رفيق

لاهور (م.د) ريلوي واري وفاقي وزير خواجا سعد رفيق چيو آهي ته قاسم باغ ملتان سانحي ۾ تحريڪ انصاف جي قيادت طرفان پنهنجي ئي ڪارڪنن جي عيادت ڪرڻ بجا، بي حسي جو مظاهرو ڪرڻ شرمناڪ آهي، پي ٽي آ، پارٽي اندر ان بدنظمي جي جاچ ڪرائي جنهن ڪري بيگناهه ماڻهو موت جو شڪار ٿيا، قاسم باغ سانحو دل ڏکائيندڙ واقعو آهي، جنهن لا، هر اک آلي آهي، آچر ڏينهن لاهور پريس ڪلب ۾ هڪ پريس ڪانفرنس کي خطاب ڪندي چيو ته توانائي بحران تي ضابطو آڻڻ جي سلسلي ۾ چينيسيڙپڪاري کي اڳيان وڌائڻ لا، وزيراعظم محمد نواز شريف جو ايندڙ مهيني چين جو دورو متوقع آهي، دوري سان ملڪ ۾ توانائي سميت ٻين شعبن ۾ سيڙپڪاري بابت اڳڀرائي ٿيندي، وفاقي وزير چيو ته جلسن ۾ پي ٽي آ، جي بدنظمي ضرب المثل بڻجي چڪي آهي، پي ٽي آ، قيادت ڪوڙ ڳالهائي پنهنجي نااهلي تي پردو وجهي رهي آهي، عمران خان پنهنجي زخمي ڪارڪنن جي عيادت لا، اسپتال وڃڻ بجا، بي حسي جو مظاهرو ڪندي هليو ويو، جيڪو شرمناڪ عمل آهي، اهو هڪ پارٽي سربراهه کي سونهي نٿو، ان موقعي تي هن چيو ته 12 آڪٽوبر جو ڏينهن تاريخ جو هڪ ڪارو ڏينهن آهي، جڏهن هڪ چونڊيل جمهوري حڪومت تي ضرب هنئي وئي، جيڪڏهن ان وقت چونڊيل حڪومت کي ختم نه ڪيو وڃي ها ته اسان کي اڄ توانائي سميت ٻيا مسئلا درپيش نه هجن ها، وفاقي وزير چيو ته مسلم ليگ (ن) جو ويزن آهي ته ووٽ وسيلي تبديلي عوام جو حق آهي، ان حق کي انهن کان ڪو به کسي نه ٿو سگهي، جمهوريت جي مضبوط لا، پاڪستاني عوام وڪيلن، عدليا، سول سوسائٽي، ميڊيا ۽ سياسي پارٽين پنهنجو پنهنجو ڪردار ادا ڪيو آهي ۽ اڳيان به ڪردار ادا ڪندا رهندا. پنجاب حڪومت قاسم باغ ملتان سانحي جي زخمين کي علاج جي سهولت فراهم ڪري رهي آهي، جيڪا حڪومت جي ذميواري آهي.

 

آپريشن ضرب عضب، 24 دهشتگرد مارجي ويا، ٺڪاڻا تباهه

راولپنڊي/ پشاور/ خيبر ايجنسي/ سوات (م.ڊ) پاڪ فوج جو دهشتگردن خلاف آپريشن ضرب عضب ڪاميابي سان جاري، دته خيل ۽ وادي تيره ۾ دهشتگردن جي ٺڪاڻن تي جيٽ جهازن جي بمباري ۽ سوات ۾ سيڪيورٽي فورسز سان چڪرين ۾ 4 2 دهشتگرد مارجي جڏهن ته 6 ٺڪاڻا تباهه ڪيا ويا، خيبر ايجنسي جي وادي تيراه ۾ طالبان جي 2 ڌڙن ۾ چڪرين دوران 3 ويڙهاڪ مارجي جڏهن ته 7 زخمي ٿي پيا. آ، ايس پي آر موجب اتر وزيرستان ۾ پاڪ فوج جو آپريشن ضربِ عضب ڪاميابسان جاري آهي. دته خيل ۾ تازي هوائي ڪاروائي ۾ 1 1 شدت پسند مارجي ويا. آ، ايس پي آر موجب ڪاروائي ۾ 2 ٺڪاڻا مڪمل طور تي تباهه ٿي ويا. ان کان پهريان خيبر ايجنسي جي وادي تيراه ۾ جيٽ جهازن جي بمباري سان 0 1 شڪي شدت پسند مارجي ويا. سرڪاري ذريعن موجب جيٽ جهازن وادي تيراه جي مختلف علائقن ۾ شدت پسندن جي ٺڪاڻن کي نشانو بڻايو، ڪاروائي ۾ چار ٺڪاڻا مڪمل طور تي تباهه ٿي ويا، جيٽ جهازن ٽي ٽي پي جي شدت پسندن کي نشانو بڻايو. سوات جي تعلقي چار باغ ۾ سيڪيورٽي فورسز ۽ شدت پسندن وچ ۾ ٿيل چڪرين ۾ 3 شدت پسند مارجي ويا، چڪرين ۾ هڪ سيڪيورٽي اهلڪار زخمي ٿيو. برطانوي نشرياتي اداري موجب ٿاڻي چار باغ جي محرر ٻڌايو ته واقعو چار باغ جي علائقي منگلنان جي ڳوٺ خدنگ ۾ پيش آيو ۽ اتي سرچ آپريشن دوران چڪريون ٿيون. ياد رهي ته چار باغ ۾ هڪ هفتو اڳ تعمير هيٺ پوليس اسٽيشن کي ڌماڪي سان اڏايو ويو هو جنهن سان عمارت مڪمل طور تي تباهه ٿي وئي هئي. پوليس موجب ٿاڻي جي تعمير هيٺ عمارت ۾ 2 ڌماڪا ٿيا هئا جنهن سان عمارت جي ٻي منزل مڪمل طور تي تباهه ٿي وئي. گذريل آچر تي نامعلوم انتها پسندن مٽه ۾ امن ڪميٽي جي هڪ ميمبر کي سندس سرڪاري محافظ سميت قتل ڪري ڇڏيو هو، ڇنڇر واري ڏينهن مينگوره شهر ۾ هڪ پيٽرول پمپ تي دستي بم سان حملو ڪيو ويو جنهن ۾ هڪ شخص زخمي ٿي پيو. سرڪاري انگ اکرن موجب 4 1 0 2 ع جي 0 1 مهينن ۾ سوات جي مختلف علائقن ۾ امن ڪميٽين جي 3 2 کان وڌيڪ ميمبرن کي نشانو بڻايو ويو. اپر سوات جي قومي جرڳي جي ترجمان فيروز شاهه ٻڌايو ته علائقي ۾ طالبان جا حمايتي موجود آهن جيڪي ٻاهران ايندڙ شدت پسندن کي سهولتون مهيا ڪن ٿا. ٻئي پاسي خيبر ايجنسي جي وادي تيراه ۾ طالبان جي 2 ڌڙن ۾ چڪرين دوران 3 ويڙهاڪ مارجي جڏهن ته 7 زخمي ٿي پيا. آچر ڏينهن نجي ٽي وي موجب سلامي ڪنڊو علائقي ۾ ٿيل اهي چڪريون پابندي مڙهيل تحريڪ طالبان پاڪستان جي مهمند ۽ اورڪزئي گروپن وچ ۾ ٿيون، ويڙهه ۾ ٻنهي گروپن جو جاني نقصان ٿيو. خيبر ايجنسي جي علائقي باڙا ۾ چڪرين بعد پابندي مڙهيل لشڪر اسلام جا شدت پسند امر بالمعروف گروپ جي ٽن ڪارڪنن کي اغوا ڪري پاڻ سان تيراه وادي کڻي ويا. بازار ذڪا خيل ۾ رستي ڪناري بم پوريندڙ لشڪر اسلامي جا 2 عسڪريت پسند ذڪا خيل امن لشڪر جي ڪارڪنن هٿان ماريا ويا.

 

اسحاق ڊار ۽ آءِ ايف اي ڊي جي صدر وچ ۾ ملاقات

واشنگٽن (م.د) ناڻي واري وفاقي وزير اسحاق ڊار آچر ڏينهن انٽرنيشنل فنڊ فار ايگريڪلچرل ڊولپمينٽ (آءِ ايف اي ڊي) جي صدر ڪي نائيو نوانز سان ملاقات ڪئي، ان موقعي تي ناڻي واري وفاقي وزير چيو ته پاڪستان حڪومت زرعي شعبي جي ترقي ۾ آءِ ايف اي ڊي جي معاونت کي قابل تحسين سمجهي ٿي، ملڪ جي مجموعي قومي پيداوار ۾ زراعت جو وڏو حصو شامل آهي، ڪي نائيو ان موقعي تي چيو ته ايشيا ۽ ماٺي سمنڊ ۾ آءِ ايف اي ڊي مان لاڀ وٺندڙ ملڪن ۾ پاڪستان چوٿين نمبر تي وڏو ملڪ آهي، جڏهن ته پاڪستان آءِ ايف اي ڊي جي ڪوششن ۾ به ڀائيوار آهي، هن چيو ته ٻين مالياتي ادارن جي ڀيٽ ۾ آءِ ايف اي ڊي هيٺين سطح تي ملڪيتي حقن تي ڪم ڪرڻ جي پاليسي اختيار ڪئي آهي ۽ پاڪستان ۾ آءِ ايف اي ڊي جي ڪم ۾ بهتري آئي آهي، پنهنجي مختلف پروگرامن جنهن تحت ڳوٺاڻن علائقن ۾ نوجوانن کي روزگار جي فراهمي شامل آهي، جي وڏي اهميت آهي، ناڻي واري وزير چيو ته حڪومت ناڻي جي فراهمي کي ڳوٺاڻن علائقن ۾ سيڙپڪاري کي خاص اهميت ڏئي رهي آهي، هن ان فنڊ ۾ وڌيڪ اضافي جي ضرورت تي زور ڀريندي چيو ته ڳوٺاڻن علائقن ۾ ان تي وڌيڪ ڌيان ڏيڻ جي ضرورت آهي، هن يقين ڏياريو ته ڏيهه واپسي تي هو آءِ ايف اي ڊي جي معاملن جي حوالي سان صوبن سان ڳالهائيندو، ڪي نائيو چيو ته آءِ ايف اي ڊي خاص مهم شروع ڪئي آهي ۽ 2015ع تائين پاڪستان لاءِ وڌيڪ وسيلا موجود هوندا.

 

ملتان سانحي جي شفاف جاچ ٿيڻ گهرجي، انتظاميه غير جانبدار انڪوائري نٿي ڪري سگهي: عمران خان

اسلام آباد (بيورو) پاڪستان تحريڪ انصاف جي چيئرمين عمران خان چيو آهي ته ملتان سانحي جي شفاف جاچ ٿيڻ گهرجي انتظاميه واقعي جي غيرجانبدارانه انڪوائري نٿي ڪري سگهي پارٽي ۾ اندروني جاچ به ڪري رهيا آهيون ملتان وڃڻ کان اڳ ميڊيا سان ڳالهائيندي عمران خان چيو ته ڪور ڪميٽي جو اجلاس به سڏايو آهي هن ٻڌايو ته هو ملتان واقعي ۾ مارجي ويلن جي گهر ويندو عمران خان چيو ته سرگودا جلسي ۾ ڪير ڪير اسٽيج تي ايندو ان جو فيصلو مان پاڻ ڪندس هن چيو ته ملتان ۾اسٽيڊيم جي گيٽ ڪنهن بند ڪئي تالو ڪنهن لڳايو ان بابت معلوم ڪرڻو پوندو واقعي جي عدالتي جاچ ڪرڻ گهرجي عمران خان هڪ دفعو ٻيهر چيو ته چونڊن ۾ تاريخي ڌانڌلي ٿي آهي.