تازيون خبرون

Daily Archives: October 3, 2014

ملڪ جي ترقي جو رستو روڪيندڙن کي الله هدايت ڏئي: نواز شريف

inp 03-94اسلام آباد /مري(م.ڊ/بيورو) وزيراعظم نواز شريف عالمن سڳورن تي زور ڀريو آهي ته هو پنهنجي صفن ۾ اتحاد پيدا ڪري حڪومت کي درپيش مسئلن سان منهن ڏيڻ ۾ حڪومت جو ساٿ ڏين، پاڪستان هن وقت هڪ نازڪ دور مان گذري رهيو آهي، عالم هنن حالتن ۾ اهم ڪردار ادا ڪري سگهن ٿا، دهشتگردي سان منهن ڏيڻ ۾ عالمن جو ڪردار ان لحاذ کان اهم آهي ته هو ٻين مسلمانن کي ان ڳالهه جي تعليم ڏئي سگهن ٿا ته اسلام هڪ پُرامن مذهب آهي ۽ تشدد کي فروغ نٿو ڏئي. وزيراعظم هائوس ۾ مختلف طبقي فڪر سان تعلق رکندڙ مذهبي اڳواڻن جي وفد کي خطاب ڪندي وزيراعظم نواز شريف چيو ته دهشتگردي سان منهن ڏيڻ ۾ به عالمن جو ڪردار ان لحاظ کان اهم آهي ته اهي ٻين مسلمانن کي ان ڳالهه جي تعليم ڏئي سگهن ٿا ته اسلام هڪ پُرامن مذهب آهي ۽ تشدد کي فروغ نٿو ڏئي. وزيراعظم موجودهه ملڪي حالتن ۾مختلف مذهبي اڳواڻن طرفان پيش ڪيل تجويزن جو به جائزو ورتو ۽ سندن سهڪار تي شڪريو ادا ڪيو. هوڏانهن وزيراعظم نواز شريف چيو آهي ته سماجي تڪرار جي جلد حل لاءِ انصاف جي متبادل نظام ۾ سڌاري جي ضرورت آهي، ماڻهو ننڍن ننڍن معاملن جي حل لاءِ ڏهاڪن تائين عدالتن ۾ ڌڪاکائيندا رهن ٿا، متبادل نظام سان عدالتن کي وڌيڪ مضبوطي ۽ ماڻهن کي در تي سستو انصاف فراهم ٿيندو، متبادل نظامِ انصاف ۾ اهليت، ڏاهپ ۽ سٺي شهريت جي حامل ماڻهن کي اڳتي آڻڻ جي ضرورت آهي جڏهن ته موجودهه عدالتي نظام اندر جديد ٽيڪنالاجي جي وڌ کان وڌ استعمال کي فروغ ڏنو وڃي، قومي اسيمبلي اسپيڪر کي درخواست ڪريون ٿا ته انصاف جي متبادل نظام تي اتفاق راءِ لاءِ پارلياماني ڪميٽي جوڙي. هو وزيراعظم هائوس ۾ اعليٰ سطحي اجلاس جي صدارت ڪري رهيو هو. اعليٰ سطحي اجلاس ۾ وزيراعظم نواز شريف کي انصاف جي متبادل نظام جي حوالي سان تفصيلي بريفنگ ڏني وئي جنهن ۾ سُڌ سماءَ جو وفاقي وزير پرويز رشيد، منصوبابندي ۽ ترقي و مواصلات جو وفاقي وزير احسن اقبال، وزيراعظم جو خاص مددگار ڊاڪٽر مصدق ملڪ ۽ قانون سيڪريٽري ظف الله خان شريڪ هئا. ان موقعي تي وزيراعظم نواز شريف جو چوڻ هو ته انصاف جي متبادل نظام سان موجودهه عدالتي نظام کي وڌيڪ مضبوطي ۽ رليف ملندو ڇوته ان سان عدالتن ۾ ناقابل حل تڪرار جي خاتمي ۾ مدد ملندي. هن ان ڳالهه تي زور ڀريو ته انصاف جي جي متبادل نظام ۾ سڌاري جي ضرورت آهي ته جيئن عام ماڻهو کي مهانگي انصاف جي نظام مان ڇوٽڪارو ملي جڏهن ته ان سان عدالتن تي ڪيسن جو بوج به گهٽبو، ان ڳالهه جي سخت ضرورت آهي ته تڪرارن جو جلد کان جلد حل نڪري جڏهن ته ان لاءِ موجودهه عدالتي نظام کي جديد ٽيڪنالاجي سان ليس ڪرڻ جي ضرورت آهي خاص ڪري تحقيقات جي عمل ۾ ٽيڪنالاجي کان مدد وٺڻ ضروري آهي. هن چيو ته خيبر پختونخوا ۽ قبائلي علائقن ۾ جرڳو سسٽم سماجي تڪرارن جي حل جو بهترين مثال آهي، لهذا انصاف جي متبادل نظام ۾ ڳوٺ، ٻهراڙي جي سطح تي قابل، ڏاهپ ۽ سٺي شهريت جي حامل ماڻهن کي اڳتي آندو وڃي. وزيراعظم هدايت ڪئي ته انصاف جي متبادل نظام لاءِ فوري طور تي قانون جو مسودو تيار ڪري ان تي قومي ۽ صوبائي ڪانفرنسز ۾ بحث ڪرايو وڃي. وڌيڪ هن چيو ته اسان قومي اسيمبلي اسپيڪر سردار اياز صادق کي درخواست ڪريون ٿا ته انصاف جي متبادل نظام جي قانون تي اتفاق راءِ پيدا ڪرڻ لاءِ پارلياماني ڪميٽي جوڙي. ٻئي طرف وزيراعظم نواز شريف چيو آهي ته پاڪستان جي ترقي جو رستو روڪيندڙن کي الله هدايت ڏئي، عوام سان چونڊن ۾ ڪيل هر واعدي کي پورو ڪيو، مري شهر جي خوبصورتي ۾ واڌ ڪئي ويندي، جي پي او جي نئين تعمير ڪري اصل حالت ۾ بحال ڪيو ويندو، پاڻي جي مسئلي کي مڪمل طور تي حل ڪرايو ويندو، مري جي ترقي لاءِ گڏيل منصوبو بڻايو ويو آهي، مري ۾ جديد اسپتال ۽ يونيورسٽي قائم ڪئي ويندي. اهي ڳالهيون هن جي پي او چوڪ تي ماڻهن جي ميڙ کي خطاب ڪندي ڪيون. وزيراعظم نواز شريف مري ۾ بس ٽرمينل جي بحالي جي منصوبي جو جائزو ورتو. وزيراعظم کي بس ٽرمينل جي بحالي ۽ واڌ بابت بريفنگ به ڏني وئي. بريفنگ ۾ چيو ويو ته 1 مئي 4 1 0 2 ع کان بس ٽرمينل تي ڪم شروع ڪيو ويو، هل ٽرمينل منصوبي جو 5 9 سيڪڙو ڪم مڪمل ڪيو ويو آهي، منصوبو 0 1 آڪٽوبر تائين مڪمل ٿي ويندو، منصوبي تي 3 ڪروڙ 0 3 لک رپيا لاڳت آئي، پهرين مرحلي ۾ جي پي او جي ڇت تي ٻاهرين حصي جو ڪم جاري آهي، ٻئي مرحلي ۾ عمارت جي اندروني مرمت ۽ سيٽنگ ڪئي ويندي، ٻئي مرحلي جو ڪم اپريل 5 1 0 2 ع تائين مڪمل ڪيو ويندو، بس ٽرمينل جي واڌ ۽ جي پي او جي بحالي مري ترقياتي منصوبي جو حصو آهي، ترقياتي منصوبي تحت پاڻي جي فراهمي ۽ صفائي جي نظام سميت مختلف منصوبن تي ڪم جاري آهي، مري ۾ رستن جي تعمير ۽ نئين پارڪنگ منصوبي تي به ڪم ٿي رهيو آهي جيڪو جلد مڪمل ڪيو ويندو. منصوبي جو جائزو وٺڻ بعد وزيراعظم نواز شريف جي پي او چوڪ تي خطاب ڪندي چيو ته مري پاڪستان جي ڪجهه خوبصورت شهرن مان هڪ آهي، شهر جي خوبصورتي ۾ وڌيڪ واڌ ڪئي ويندي، جي پي او جي نئين تعمير ڪري ان کي اصل حالت ۾ بحال ڪيو ويندو، مري ۾ ٿيندڙ ترقياتي ڪمن جي نگراني پاڻ ڪندس، بس ٽرمينل سان علائقي جي ماڻهن کي سهولت ملندي.

 

ڪنهن انسان جو قتل سڀ کان وڏو فتنو ۽ حرام آهي: حج خطبو

hajj-2012-khutbaميدان عرفات(م.ڊ/اين اين آءِ/ اي پي پي) سعودي عرب جي مفتي اعظم شيخ عبدالعزيز شيخ اسلامي ملڪن جي حڪمرانن کي خبردار ڪيو آهي ته الله کان ڊڄن ۽ پنهنجي عوام جي ڀلائي ۽ فلاح جو خيال ڪن، اهو نه وسارين ته اهي الله آڏو جوابده آهن، ڪنهن به مسلمان کي زيب نٿو ڏئي ته هو ڪنهن جهيڙي ۽ فساد ۾ پوي، ايندڙ نسلن جي رتوڇاڻ ۽ فتني کان بچڻ لاءِ تربيت ڪرڻ گهرجي، داعش خوراج ۽ انسانيت جا ويري آهن، ڪنهن به مسلمان کي ناحق قتل ڪرڻ اسلام ۾ حرام آهي، جمعي ڏينهن ميدان عرفات ۾ مسجده نمره ۾ حج جو خطبو ڏيندي، مفتي اعظم چيو ته اسلام ۾ هر طرح جي فحاشي ۽ بدعنوانيءَ کي حرام قرا ر ڏنو ويوآهي. اسلامي ملڪ پنهنجي فوجي ۽ سياسي قوت کي هر طرح سان مضبوط بڻائين. هن چيو ته بدقسمتيءَ سان اڄ اسان پنهنجن مسئلن جو حل پنهنجن دشمنن ۾ تلاش ڪريون ٿا. هن چيو ته مسلمان حڪمران پنهنجون ذميواريون پوريون ڪن، هو اهو نه وسارين ته اهي الله اڏو جوابده آهن. اسلام جا دشمن مستقل سازشن ۾ مصروف آهن. اسان هڪ اهڙي دؤر ۾ رهون پيا، جنهن ۾ هر طرف سازشون ٿي رهيون آهن. مفتي اعظم چيو ته مسلمان ملڪن جي ميڊيا پنهنجي ذميواري ادا ڪري ۽ اسلام جي سربلندي لاءِ ڪم ڪري. مسلمان اُمت سڀ کان وڏي داعي ۽ ان کي دنيا کي سڌيءَ راهه تي آڻڻ آهي. هن چيو ته حاجين جي خدمت ڪندڙن لاءِ دعاگو آهيان. سڀ کان افضل ڏينهن يوم عرفه آهي. مفتي اعظم چيو ته هن وقت مسلمان اُمت جنهن مشڪل مان گذري رهي آهي ان جو هڪ سبب اهو آهي ته اسان پنهنجي اخلاق، عادتن ۽ تعليمات کان پري ٿي ويا آهيون. هڪ انسان جو قتل سڄي انسانيت جو قتل آهي. مسلمان هر پريشانيءَ ۾ صبر کان ڪم وٺي. مسلمانن کي گهرجي ته اهي پنهنجي نفس تي قابو رکن. هن چيو ته اسلام مڪمل شريعت آهي جيڪا زندگيءَ جون هدايتون ڪريون ٿو، جيڪڏهن انسان پنهنجي نفس تي قابو نه رکي سگهي ته پٺتي پوڻ شروع ٿي ويندو آهي. انسان الله جي عبادت ڪن ۽ ان جي نعمتن تي شڪر ادا ڪن، اسلام آسان دين آهي، ان اسان لاءِ ڪا مشڪل ناهي رکي، اسلام دين حق ۽ ڪامل آهي جيڪو قيامت تائين رهندو. نبي ڪريم صلي الله عليه وسلم جن کان پوءِ ڪو نبي نه ايندو.

 

پاڪستان کي بچائڻو آهي ته سمورين قوتن کي گڏجي ڪم ڪرڻو پوندو: آصف زرداري

inp 03-95لاهور (بيورو) اڳوڻي صدر آصف علي زرداري منصوره ۾ جماعت اسلامي جي امير سراج الحق سان ملاقات ڪئي جنهن ۾ ملڪ جي موجوده سياسي صورتحال تي خيالن جي ڏي وٺ ڪئي وئي. ملاقات کانپوءِ پريس ڪانفرنس ڪندي اڳوڻي صدر آصف علي زرداري چيو ته اسان کي پاڪستان جي باري ۾ سوچڻو پوندو ڇو ته هي وقت بدلجي رهيو آهي، دنيا تبديل ٿي رهي آهي ۽ ملڪ جي نئين سڃاڻپ بڻجي رهي آهي. پاڙيسرين ۾ ايتري مضبوطي اچي وئي آهي جيڪا پهريان ڪڏهن به نه هئي. هن چيو ته پيپلزپارٽي جي ايجنڊا رڳو مسئلن جو حل ۽ ملڪ جي سمورين سياسي قوتن کي گڏ ڪرڻ آهي. اسانجي ايجنڊا رڳو هڪ مسئلي جي حل تائين محدود ناهي. پاڪستان جي سمورين سياسي قوتن سان ملندس ته جيئن اسان جي پنهنجي جنگ ۾ ڪوبه شيطان اسان کي نقصان نه پهچائي سگهي. مشرقي پاڪستان اسان جي ڪمزورين سبب ٽٽو هو. سڀني دوستن کي ملائڻو آهي ته جيئن پاڪستان کي ڪير به نقصان نه پهچائي سگهي. پاڪستان کي بچائڻو آهي ته سمورين قوتن کي گڏجي ڪم ڪرڻو پوندو. پاڪستان کي بڻائڻ لاءِ سڀني کي پنهنجو ڪردار ادا ڪرڻُ پوندو. اڳوڻي صدر چيو ته ڪجهه ماڻهو موجوده حالتن ۾ سياست ڪرڻ چاهين ٿا. جماعت اسلامي جي امير سراج الحق جو چوڻ هو ته 23 سالن کانپوءِ پيپلزپاري جي ڪنهن اڳواڻ منصوره جو دورو ڪيو. آصف زرداري چاهي ٿو ته سياسي معاملن جو حل نڪري. پيپلزپارٽي هميشه ملڪ  جي بهتري ۽ ڀلائي لاءِ سياست ڪئي. پيپلزپارٽي سياسي جرڳي ۾ به اهم ڪردار ادا ڪيو. هن چيو ته جمهوريت جي حفاظت ڪرڻ اسان سڀني جي ذميواري آهي. ماضي جي رويين کي ڇڏي نئين جمهوري ڪلچر کي اپنائڻو پوندو. جيڪا پارٽي عوامي ايجنڊه ڏانهن اچي ٿي ته اُن جو ساٿ ڏينداسين.

 

پاڪستان ۾ جمهوريت جو وجود صرف ۽ صرف پيپلزپارٽي جي ڪري آهي: قائم علي شاهه

02 copyسانگهڙ (ڊ.ر) پاڪستان ۾ جمهوريت جو وجود صرف پيپلزپارٽي جي ڪري آهي جنهن لاءِ سڀ کان پهريان شهيد ذوالفقارعلي ڀٽو ڊڪٽيٽر ايوب خان کان جمهوريت جو حق کسي ورتو ان کان پوءِ شهيد محترمه بينظير ڀٽو 30 سالن تائين ڊڪٽيٽرن سان بهادري سان مقابلو ڪيو ۽ 2007 ۾ وطن اچي پنهنجي جان جو نذرانو ڏيئي جمهوريت بحال ڪرائي هن چيو ته هن وقت به پيپلزپارٽي وٽ اها ئي نوجوان قيادت بلاول ڀٽو زرداري جي صورت م موجود آهي جيڪا 18 آڪٽوبر کان ملڪ ۽ قوم جي ترقي ۽ جمهوريتجي بحالي لاءِ ڪراچي کان هڪ وڏي تاريخ ساز اجتماع کي خطاب ڪري پنهنجي سياسي سفر جي شروعات ڪندو هن چيو ته انڊيا يا دنيا ۾ ڪنهن به ملڪ ۾ پيپلزپارٽي جهڙي سياسي جماعت نه آهي جنهن جي قيادت ملڪ ۽ قوم جي ترقي ۽ جمهوريت جي بقا لاءِ پنهنجي جان جو نذرانو ڏي هو جمعي تي سانگهڙ ضلعي جي شهر جهول ۾ تازو ئي پ پ ۾ شموليت ڪندڙ رانا عبدالستار پاران سندس اعزاز ۾ ڏنل استقباليه کي خطاب ڪري رهيو هو سنڌ جي وڏي وزير چيو ته اهو اسان نٿا چئون پر خود اقوام متحده قرارداد پاس ڪري شهيد محترمه بينظير ڀٽو جي خدمتن کي خراج تحسين پيش ڪيو ۽ انهن جي خدمتن کي ساراهيو سنڌ جي وڏي وزير چيو ته پ پ پاڪستان جي سمورين قومن ۽ برادرين لاءِ بنا فرق خدمتون سرانجام ڏنيون آهن ۽ سنڌ جي حقن جو پڻ تحفظ ڪيو آهي هن مثال ڏيندي چيو ته سنڌ ۾ ڪوئلي تي سنڌ جي ملڪيت تسليم ڪرائڻ اڳوڻي صدر آصف علي زرداري جو هڪ وڏو ڪارنامو آهي ۽ هاڻي اسان هي ايڪٽ پاس ڪرايو آهي ته جنهن علائقي مان گئس نڪرندي ان علائقي کي گئس جي سهولت جي فراهمي ۾ ترجيحي ڏني ويندي. هن چيو ته هي پ پ جي بنا فرق خدمتن جو نتيجو آهي جو اڄ هن تقريب ۾ ٻين جماعتن جي عهديدارن ۽ سوين ورڪرن ۾ پ پ ۾ شموليت جو اعلان ڪيو آهي جن کي اسان ڀليڪار چئون ٿا پ پ هڪ فئملي وانگر پارٽِ آهي جنهن ۾ ورڪرن جي عزت ۽ حوصلو وڌايو وڃي ٿو هن چيو ته سانگهڙ پ پ جو قلعو آهي ۽ هتان نه صرف پ پ قومي ۽ صوبائي اسيمبلي جون سيٽون کٽيون آهن پر هتان جا ماڻهو 18 آڪٽوبر جي جلسي ۾ وڏي انگ ۾ شرڪت ڪري علائقي جي سياست ۾ هلچل پيدا ڪندا. وڏي وزير رانا عبدالستار، شازيه مري، عاجز ڌامره ۽ ٻين مقررن پاران پيش ڪيل مسئلن جو حوالو ڏيندي اعلان ڪيو ته سانگهڙ ضلعي لاءِ شهدادپور ۾ ميڊيڪل يونيورسٽي قائم ڪئي ويندي پر سانگهڙ ۾ سنڌ يونيورسٽي جو ڪئمپس قائم ڪيو ويندو هن ضلعي جي عام روڊن جي تعمير ۽ مرمت جو پڻ اعلان ڪيو ۽ يقين ڏياريو ته ماڻهن کي بجلي ۽ گئس جون سهولتون پڻ فراهم ڪيون وينديون هن پڇري تائين پاڻي پهچائڻ لاءِ آبپاشي کاتي جي اهلڪارن کي هدايت ڪئي. ان کان اڳ تقريب جي ميزبان حاجي عبدالستار آجياڻو پيش ڪيو ۽ سانگهڙ جي ترقي لاءِ اسپيشل ترقياتي پئڪيج ڏيڻ جي ضرورت تي زور ڏنو تقريب کي ضياءُالحسن لنجار، پ پ شهيد بينظير آباد جي صدر تقريب کي خطاب ڪندي چيو ته پ پ هميشه ماڻهن جي بنا فرق خدمت ڪئي آهي جنهن جو مثال اڄ ڪيترنئي برادرين پاران پ پ ۾ شموليت جو اعلان آهي هن چيو ته سانگهڙ ضلعي جا ماڻهو ڪيترنئي ڏهاڪن کان پيرن ۽ ميرن وٽ يرغمال هئا جن کي پ پ اچي آزاد ڪرايو آهي جڏهن ته ايم اين اي شازيه مري خطاب ڪندي چيو ته سانگهڙ ضلعي ۾ پ پ جو ٻج هميشه لاءِ شهيد ذوالفقارعلي ڀٽو پوکيو هو هن چيو ته سانگهڙ ضلعو معاشي لحاظ کان فعال ضلعو آهي پر هتي روڊن جي بهتر نيٽ ورڪ جي ضرورت آهي پ پ جي ضلعي صدر سرفراز راڄڙ چيو ته پ پ اها جماعت آهي جن هميشه ماڻهن جي ڏکڻ سورن ۾ خدمت ۽ مدد ڪئي آهي تقريب کي سينيٽر عاجز ڌامره، روشن جوڻيجو، فداحسين ڏيرو سميت پ پ ۾ شموليت اختيار ڪندڙن پڻ خطاب ڪيو. پاڪستان پيپلزپارٽي شموليت اختيار ڪندڙن ۾ مسلم ليگ (ن) جو ضلعي صدر محمد نواز، بلو ڀتي، جنت خان پٺاڻ، مسلم ليگ (ق) جو اسلام الدين قريشي، مسلم ليگ (ف) جو نائب صدر جمال الدين آرائين، احمد بلوچ سردار فاروق بلوچ نعيم احمد آرائين ۽ ٻين ورڪرن پيپلزپارٽِ ۾ شموليت جو اعلان ڪيو ۽ چيو ته اهي 18 آڪٽوبر تي ڪراچي ۾ بلاول ڀٽو زرداري جي ٿيندڙ جلسي ۾ سوين گاڏين جي قافلي جي صورت ۾ شرڪت ڪن.

 

سڄي ملڪ جو عوام بلاول ڀٽو زداري جي آواز تي لبيڪ چئي 18آڪٽوبر واري جلسي ۾ شرڪت ڪندو: شرجيل ميمڻ

FullSizeRenderحيدرآباد (بيورو) اطلاعات ۽ بلديات واري صوبائي وزير شرجيل انعام ميمڻ چيو آهي ته سنڌ سميت ملڪ جو عوام پ پ پ چيئرمين بلاول ڀٽو زرداري جي آواز تي لبيڪ جو نعرو هنيو آهي ۽ 18 آڪٽوبر 2014ع تي سندس پهرين سياسي جلسي جي موقعي تي ڪراچي ۾ عوام جو هڪ سمنڊ گڏ ٿيندو جيڪو پنهنجي نوجوان قائد بلاول سان محبت جو اظهار ڪندو . اهڙو اظهار هن جمعي ڏينهن سول لائين حيدرآباد ۾ پنهنجي رهائشگاهه تي بلاول ڀٽو زرداري جي 18 آڪٽوبرواري جلسي جي سلسلي ۾ پي ايس 50 جي عوام جي شرڪت ۽ انتظامن جي حوالي سان پنهنجي تڪ جي ماڻهن سان   گڏجاڻي دوران ڪيو. صوبائي وزير شرجيل انعام ميمڻ چيو ته بلاول ڀٽو زرداري پ پ پ   جو هڪ نوجوان ۽ باصلاحيت اڳواڻ آهي ۽ پنهنجي ناني شهيد ذوالفقار علي ڀٽو ۽ پنهنجي والده شهيد بينظير ڀٽو وانگر هڪ بهادر سياستدان پڻ آهي ۽ مستقبل ۾ سندس قابليت ۽ دانشمندي جمهوريت جي مضبوطي ۽ غريب عوام جي فلاح بهبود لاءِ ڪارائتي ثابت ٿيندي ۽ اهو ئي ڪارڻ آهي جو اڄ ملڪ جو نوجوان طبقو بلاول ڀٽو زرداري سان پيار ڪري ٿو ۽ قوم جو ن ساڻس وڏيون اميدون وابسته آهن. هن چيو ته شهيد خاندان جي نشاني بلاول ڀٽو پنهنجي ابتدائي سياسي ڪيريئر ۾ عوام ۽ مظلوم طبقي لاءِ جيڪا همدردي ۽ خدمت جو جذبو رکي ٿو اهو سندس ڪاميابي جو وڏو راز آهي. هن چيو ته بلاول پنهنجي شهيد والده جي ڇڏيل مشن کي پورو ڪرڻ جو عهد ڪري ورتو آهي. تازو ئي ٻوڏ دوران بلاول جو اهو جذبو عوام پاڻ ڏٺو جنهن جي   نتيجي ۾ اڄ ملڪ جو عوام بلاول کي پنهنجو قائد تسليم ڪري ٿو ۽ سندس آواز تي لبيڪ چئي سندس جلسي کي تاريخ جو ڪامياب ترين جلسو ثابت ڪندو، جنهن سان مخالف حيران ٿي ويندا. هن چيو ته ملڪ جو عوام اڄ به پ پ پ جي حمايت ڪري ٿو ۽ شريڪ چيئرمين آصف علي زرداري جي ڪامياب پاليسين تي کيس خراج تحسين پيش ڪري ٿو ڇاڪاڻ ته آصف علي زرداري ڏکين حالتن ۾ ملڪ کي نه فقط بچايو پر ان کي ترقي يافته ملڪن جي صف ۾ آندو. هن چيو ته اها ئي پ پ پ جي خصوصيت آهي ته اها هميشه ملڪ کي بحرانن مان ڪڍي ترقيءَ جي راهه تي آڻي ٿي ۽ اهو ئي ڪارڻ آهي جو ملڪ ۽ جمهوريت دشمن عنصر پ پ پ خلاف مختلف سازشون ڪن ٿا پر پ پ پ ۽ عوام جي مضبوط ڳانڍاپي سبب مخالفن جون اهڙيون سموريون سازشون ناڪام ٿي وڃن ٿيون. گڏجاڻي ۾ پي ايس 50 جي مختلف يو سيز جي عهديدارن، ڪارڪنن سميت عوام جي وڏي انگ شرڪت ڪئي ۽ بلاول ڀٽو زرداري جي جلسي ۾ وڌ کان وڌ شرڪت ڪرڻ جي خاطري پڻ ڪرائي. ان موقعي تي صوبائي وزير کي ٻڌايو ويو ته پي ايس 50 ۾ هر يوسي ۽ ديهه سطح تي ان سلسلي ۾ گڏجاڻيون پڻ منعقد ڪيون ويون آهن ۽ جلسي ۾ شرڪت لاءِ ٽرانسپورٽ سميت سمورا انتظام مڪمل ڪيا ويا آهن ۽ پي ايس 50 جو عوام پنهنجي محبوب قائد بلاول ڀٽو زرداري جي آواز تي لبيڪ چئي 18 آڪٽوبر تي ڪراچي پهچندو. گڏجاڻي ۾ صوبائي وزير شرجيل انعام ميمڻ ، پ پ پ جي يو سي عهديدارن سان ڌار ڌار ملاقاتون ڪيون ۽ سندن طرفان جلسي ۾ شرڪت لاءِ ڪيل انتظامن بابت تفصيلي ڄاڻ پڻ ورتي.

 

 

خيبر ايجنسي: آپريشن ضرب عضب جاري، 15 دهشتگرد مارجي ويا

خيبر ايجنسي(اي پي پي) isprخيبر ايجنسيءَ ۾ پاڪ فوج جي جيٽ جهازن جي بمباريءَ ۾ 15 دهشتگرد مارجي ويا ۽ دهشتگردن جا 3 ٺڪاڻا تباهه ٿي ويا آهن. پاڪ فوج جي سڌ سماءَ واري کاتي آءِ ايس پي آر مطابق پاڪ فوج جي اثرائتي هوائي بمباريءَ ۾ دهشتگردن جا 3 ٺڪاڻا تباهه ڪيا ويا، جنهن جي نتيجي ۾ 15 دهشتگرد مارجي ويا آهن. پڌرائيءَ ۾ وڌيڪ ٻُڌايو ويو آهي ته رياست دشمن عنصرن خلاف آپريشن ڪاميابيءَ سان جاري آهي ۽ دهشتگردن جي خاتمي تائين اها ڪارروائي جاري رهندي.

 

سنڌ حڪومت هڪ ڀيرو ٻيهر سنڌ ۾ ٻٽو نظام لاڳو ڪري ڇڏيو

ڪراچي (مانيٽرنگ ڊيسڪ) سنڌ حڪومت هڪ ڀيرو ٻيهر ٻهراڙي ۽ شهري علائقن لاءِ ٻٽو نظام لاڳو ڪري ڇڏيو آهي. هڪ ڀيرو ٻيgovt of sindh logo copyهر مڪاني کاتن ۾ ٻٽو نظام لاڳو ڪيو ويو آهي. هڪ انگريزي اخبار جي رپورٽ موجب ٻٽي نظام سان سنڌ جي ٻهراڙي جي علائقن  بيوروڪريٽڪ ڪنٽرول ۾ اضافو ٿيو آهي. اربع ڏينهن وزيراعليٰ هاوس ۾ هڪ اجلاس ٿيو جنهن ۾ ڪيل فيصلن موجب ڪراچي، حيدرآباد، سکر ۽ لاڙڪاڻي کي ڇڏي ڪمشنر ۽ ڊپٽي ڪمشنرن جي انتظامي ۽ ماليڪنٽرول تحت رکيو ويو آهي. جڏهن ته ٻهراڙي جي بلدياتي معاملا انهيءَ فيصلي سان متاثر نه ٿيندا جنهن جو نوٽيفڪيشن جاري ڪيو ويو آهي. ڪمشنر ڪراچي شعيب احمد صديقي ٻٽي نظام جي تصديق ڪندي چيو آهي ته حڪومت مالياتي نظم ۽ ضبط برقرار رکڻ ۽ مشنرن ۽ ڊپٽي ڪمشنرن کي ڪنٽرولنگ اٿارٽي ڏيڻ لاءِ ضلعي ڪونسلن، ميونسپل ڪميٽين، ٽائون ڪميٽين ۽ مرڪزي ڪميٽين ۾ ترقياتي فنڊن جي شفاف استعمال کي يقيني بڻائڻ لاءِ اُهو فيصلو ڪيو ويو آهي. ڪابه ضلع ڪونسل ۽ ميونسپل ڪميٽي انهيءَ فيصلي سان متاثر نه ٿيندي ڇو ته اُهو فيصلو ڪراچي ۾ لاڳو نه ڪيو ويندو. هن چيو ته ”هي هڪ مائنس ون فارمولو آهي“ ڪراچي ميٽروپوليٽن ڪارپوريشن (ڪي ايم سي) ايڊمنسٽريٽر رئوف فاروقي چيو آهي ته ڪراچي کي سندس پراڻي پوزيشن تي برقرار رکيو ويندو. اسين ايڊمنسٽريٽر انهيءَ نظام کي هلائينداسين بيوروڪريسي نه هلائيندي.  ضلعي جا ڊپٽي ڪمشنر ضلعي جي سمورن تائونن جا ڪنٽرولنگ اٿارٽي ٿي ويندا جڏهن ته اربع ڏينهن ڪيل فيصلي جي بنياد تي اسسٽنٽ ڪمشنر، تعلقن ۽ سب ڊويزن ۽ ٽائون ڪميٽين جا انتظامي معاملا هلائيندو. انهيءَ کانسواءِ ترقياتي ڪمن لاءِ انهن بيوروڪريٽس کي آڊٽ ۽ انتظامن معاملن لاءِ ٻيهر ذميوار بڻايو ويو آهي. جڏهن ته انهن آفيسرن جي ڪارڪردگي جي نگراني ۽ چيف سيڪريٽري کي رپورٽ ڪري سگهندا. وڏي وزير جي ترجمان موجب اُهو فيصلو لاڳاپيل آڦيسن جي اڪائونٽن ۾ وڏي پيماني تي گهوٻين کانپوءِ ڪيو ويو آهي. سنڌ اسيمبلي ۾ مخالف ڌر ٻٽي نظام کي ردڪري ڇڏيو آهي. مخالف ڌر جو چوڻ هو ته اُهو فيصلو انتظامي يونٽن ۾ سنڌ کي ورهائڻ جي هڪ ڪوشش آهي. ڇو ته اُهي هڪ نظام لاڳو نٿا ڪري سگهن. فنڪشنل ليگ جي پارليماني اڳواڻ نندڪمار  چيو ته اسين سمورن پليٽ فارمن تي انهيءَ جي مخالفت ڪنداسين. هن چيو ته پاڪستان پيپلزپارٽي ماضي ۾ شهري ۽ ٻهراڙي جي جي علائقن ۾ اُهو نظام لاڳو ڪيو جنهن کي عوام رد ڪري ڇڏيو هو  ٻٽي نظام خلاف وڏي تحريڪ کانپوءِ حڪومت پنهنجو فيصلو واپس ورتو هو. هڪ ڀيروٻيهر ٻٽي نظام خلاف ڀرپور احتجاج ڪيو ويندو. مسلم ليگ نواز جي ايم پي اي شفيع ڄاموٽ چيو آهي ته پارٽي اڳواڻن سان مشاورت کانپوءِ پنهنجو لائحه عمل واضح ڪنداسين.  جڏهن ته متحده قومي موومينٽ پاران انهيءَ معاملي تي ڪوبه ردعمل نه ڏنو آهي. خالد مقبول صديقي چيو آهي ته اسان اڃا تائين انهيءَ معاملي کي ناهي ٻڌو.

 

بالي ووڊ انڊسٽري ۾ ڪم جو تجربو سٺو رهيو: حمائمه ملڪ

Humaima-Malikممبئي (شوبز نيوز) پاڪستاني اداڪارا حمائمه ملڪ چيو آهي ته بالي وود انڊسٽري ۾ اسان جي ادڪارن کي نه صرف عزت ڏني وڃي ٿي، بلڪه مداحن کان به پيار ملي ٿو، پاڪستاني اداڪارا حمائمه ملڪ بالي ووڊ فلم ”راجا نٽور لال“ ڪامياب بزنس ڪيو آهي، هن بالي ووڊ فلم ”خوبصورت“ جي پريميئر جي خصوصي تقريب ۾ چيو ته پاڪستاني اداڪارن کي ڀارت جي فلم انڊسٽري ۾ نه صرف قدر ۽ احترام حاصل آهي بلڪه مداح به ان سان پيار ڪندا آهن، هن اداڪار فواد خان کي مبارڪباد ڏني، جنهن فلم ”خوبصورت“ ۾ بهترين اداڪاري ڪري پاڻ کي بهترين اداڪار ڄاڻايو آهي، اداڪارا پاڪستاني فلم ”بول“ ۽ ”عشق خدا“ ۾ به اداڪاري ڪري چڪي آهي ۽ اها سُپر هٽ فلم آهي

 

مهيش بٽ جو تيلگو فلم ”سايا“ جو هندي ريميڪ ٺاهڻ جو اعلان

mahesg-bhatt1ممبئي (شوبز نيوز) بالي ووڊ فلمساز مهيش بٽ تيلگو فلم جو هندي ريميڪ ٺاهڻ جو اعلان ڪيو آهي، ميڊيا ريپورٽن مطابق فلمساز مهيش بٽ تيلگو فلم ”سايا“ جو هندي ريميڪ ٺاهڻ جو اعلان ڪيو آهي، فلم جو نالو ”مرڊر 4“ هوندو، فلم جو پروڊيوسر مڌر سريدار هوندو. فلم جي ڪاسٽ لاءِ چونڊ رهيل آهي، ان لاءِ مهيش بٽ خاص طور تي آڊيشن وٺندو، فلم جي شوٽنگ جي جلد شروعات ڪئي ويندي.

 

پي ٽي وي لاهور سينٽر تان عيد جي موقعي تي مزاحيه خاڪا ڏيکاريا ويندا

ptv-logoلاهور (شوبز نيوز) پي ٽي وي لاهور سينٽر تان عيد جي موقعي تي مزاحيه خاڪا ڏيکاريا ويندا، ان سلسلي ۾ پروڊيوسر محمد بشير ٽي وي سينيئر فنڪارن سان گڏ مزاحيه خاڪا رڪارڊ ڪيا آهن، ڊاڪٽر عطاءُ الله حالي جي لکيل خاڪن ۾ اداڪار ساجن عباس، عيني طاهره، اسلم راز، عبدالرشيد، غلام احمد ، اسلم ملڪ سميت مختلف فنڪار پرفارم ڪيو، خاڪن جو عنوان ”هم ڀي منه مين زبان رکتي هين“ آهي، ان جي ڪردارن ۾ عيد الاضحيٰ جي حوالي سان ٻڪرن جي حالت بيان ڪئي وئي آهي.