تازيون خبرون

Monthly Archives: September 2014

مشهور فلمساز، مصنف ۽ هدايتڪار رياض شاهد جي 42هين ورسي اڄ ملهائي ويندي

لاimagesهور (شوبز نيوز) پاڪستان فلم انڊسٽري جي مشهور فلمساز مصنف ۽ هدايتڪار رياض شاهد جي 42هين ورسي اڄ اربع تي ملهائي ويندي ان جي ورسي جي موقعي تي خصوصي تقريبن جو اهتمام ڪيو ويندو جن ۾ رياضشاهد جي خدمتن کي خراج عقيدت پيش ڪيو ويندو فلم اسٽار شان جي والد رياض شاهد صحافي طور پنهنجي ڪيريئر جي شروعات ڪئي جنهن کان پوءِ هن فلم ڀروسي جو اسڪرپٽ لکيو جيڪا فلم نهايت ڪامياب ٿي 1958 ۾ اسڪرپٽ رائٽر طور تي هن فلم انڊسٽري ۾ پنهنجو اهم مقام ٺاهيو هن 1959 فلم نيند ۽ 1961 ۾ شهيد لکي جيڪي سپر هٽ ثابت ٿيون 1962 ۾ فلم سسرال جي ڪاميابي سان هو رائيٽر فلمساز هدايتڪار طور تي به اڀريو 1963 ۾ شڪوه، 1964 ۾ خاموش رهو، 1965 ۾ پنجابي فلم الله دتا، نظام لاهور ڪاميابي ماڻي. رياض شاهد جي نيلو سان ملاقات فلم الله دتا جي شوٽنگ ۾ ٿي جنهن کان پوءِ انهن هڪٻئي کي پنهنجو همسفر بنائڻ جو فيصلو ڪندي شادي ڪري ورتي فلمساز رياض شاهد ۽ نيلو جي هڪ ڌيءِ زرقا ۽ ٻه پٽ سروش ۽ شان آهن فلم اسٽار شان موجوده دور جو سپر اسٽار آهي

 

پاڪستان پريميئر فٽبال ليگ ۾ (اڄ) هڪ ميچ کيڏي ويندي

Pakistan-Football-team-Photo-AFP-640x480اسلام آباد (اسپورٽس نيوز) ملڪ ۾ جاري 11هين پاڪستان پريميئر فٽبال ليگ ۾ (اڄ) اربع تي هڪ ميچ مسلم ڪلب ۽ افغان ڪلب چمن جي ٽيمن وچ ۾ ڪراچي ۾ کيڏي ويندي. ليگ جون ميچون اسلام آباد، لاهور ۽ ڪراچي ۾ کيڏيونپيون وڃن. ليگ ۾ سڄي ملڪ کان 12 ٽيمون حصو وٺنديون. جن ۾ دفاعي چيمپيئن ڪي آر ايل ڪراچي، اليڪٽرانڪ، پاڪستان، واپڊا، پاڪستان ايئر فورس، پاڪستان آرمي، پي آءِ اي، مسلم ڪلب چمن، ڪي پي ٽي، نيشنل بينڪ آف پاڪستان، چمن افغان ايف سي، پاڪستان ريلوي ۽ بلوچ ڪلب ڪوئٽا شامل اهن. ليگ 10 جنوري تائين جاري رهندي. جناح اسٽيڊيم اسلام آباد 132 ميچن مان 26 جي ميزباني ڪندي جڏهن ته 69 ميچون ڪراچي ۽ 37 ميچون لاهور ۾ کيڏيون وينديون

 

ايشين گيمز مينز ڪرڪيٽ ايونٽ جو ٽيون ۽ چوٿون ڪوارٽر فائينل اڄ ٿيندو

انچيون (اسپورٽس نيوز) ايشين گيمز مينز ڪرڪيٽ ايونٽ جو ڪوارٽر فائينل مرحلو شروع ٿي چڪو آهي. تفصيل مطابق Asia-Cupانچيون ۾ جاري ڪرڪيٽ ايونٽ ۾ (اڄ) اربع واري ڏينهن ٽئين ڪوارٽر ۾ افغانستان ۽ نيپال جون ٽيمون آمهون سامهون ٿينديون جڏهن ته چوٿون ۽ آخري ڪوارٽر فائينل بنگلاديش ۽ ڪويت وچ ۾ کيڏيو ويندو.

 

شعيب ملڪ کي زرعي بئنڪ ۾ مقرر ڪيو ويو

Shoaib-Malik-picutre

لاهور (اسپورٽس نيوز) پاڪستان ڪرڪيٽ ٽيم جي اڳوڻي ڪپتان شعيب ملڪ اٽڪل 15 سالن کان پوءِ پنهنجي ڊپاٽمينٽل ٽيم پي آءِ اي جي مستقل نوڪري به ڇڏي زرعي ترقياتي بئنڪ ۾ شموليت اخيتيار ڪري ورتو شعيب ملڪ چيو ته زرعي ترقياتي بئنڪ سينيئر وائيس پريزيڊنٽ طور مستقل طور نوڪري ڏيئي ڇڏي آهي ان لاءِ ايئرلائينز تان استعفيٰ ڏني آهي.

 

قومي جونيئر ٽيم سلطان جوهر هاڪي ٽورنامينٽ ۾ شرڪت لاءِ 9 آڪٽوبر تي ملائيشيا رواني ٿيندي

اسلام آباد (اسپورٽس نيوpakistan-hockey-AFP-640x480ز) قومي جونيئر ٽيم سلطان جوهر هاڪي ٽورنامينٽ ۾ شرڪت لاءِ 19 آڪٽوبر تي ملائيشيا رواني ٿيندي. ٽورنامينٽ 12 آڪٽوبر کان ملائيشيا ۾ شروع ٿيندي. قومي ٽيم جو ڪوچ اولمپيئن منظور الحسن ٻڌايو ته ٽورنامينٽ ۾ 6 ملڪن جون ٽيمون حصو وٺنديون جنهن ۾ پاڪستان سميت ڀارت، آسٽريليا، نيوزيلينڊ، برطانيه ۽ ميزبان ملائيشيا شامل آهن. ۽ ٽورنامينٽ ۾ ليگ جون پنج ميچون کيڏيون وينديون. پاڪستان ٽيم جي پنهنجي پهرين ميچ 12 آڪٽوبر تي برطانيه خلاف کيڏي ويندي. ٻين 13 آڪٽوبر تي آسٽريليا، ٽين 15 آڪٽوبر تي روايتي مخالف ڀارت، چوٿين 16 آڪٽوبر نيوزيلينڊ ۽ پنجين ميچ 18 آڪٽوبر تي ملائيشيا خلاف کيڏي ويندي

 

اسڪاٽلينڊ ريفرينڊم ۽ قومپرستيءَ جو اڀار: عبدالخالق جوڻيجو

18 سيپٽمبر 2014 تي اسڪاٽلينڊ جي برطانيه کان آزادي بابت ٿيندڙ ريفرينڊم کان ڪجهه ڏينهن اڳ ۾ لکيل پنهنجي مصمون جي پڄاڻي مون اردوءَ جي ان شعر سان ڪئي هُئي ته” گر جيت گئي تو ڪيا ڪهنا، هاري بهي تو بازي مات نهين“. اهو  ريفرينڊم ٿي ويو ۽ ان ۾ آزادي پسند هارائي ويا. هاڻي ڏسجي ته ڇا ريفرينڊم هارائڻ  سان اسڪاٽلينڊ جا قومپرست آزاديءَ جي جنگ هارائي ويا ؟ ۽ اهو به ته باقي دنيا ۾ هلندڙ ۽ اڀرندڙ قومي آزاديءَ جي تحريڪ تي ريفرينڊم جا ڪهڙا اثر پيا آهن؟.پهرين بلڪل مختصر نظر  ريفرينڊم جي مهم تي-جيڪڏهن پاڪستان جي معيار تي پرکجي ته اهو ريفرينڊم انتهائي صاف، شفاف ۽ غير جانبدار ٿيو ۽ سڌي طرح قانون جي ڪابه ڀڃڪڙي ڪانه ٿي ۽ اسڪاٽس نيشنل پارٽيءَ جي قيادت نتيجي کي تسليم به ڪيو پر جيڪڏهن قومپرست ڪارڪنن جي ردِ عمل کي ڏسجي ۽ غير جانبدار ليکڪن جي تبصرن ۽ تجزين تي نظر وجھجي ته انتهائي نفاست سان پر نظر ايندڙ طريقن سان نتيجن کي متاثر ڪرڻ جي ڪوشش ڪئي ويئي.آزادي پسندن پنهنجي مهم مثبت بنيادن تي هلائي جڏهن مخالفن منفي هربا هلايا. قومپرستن جي قوت”اميد“ هئي جڏهن ته مرڪزيت پسندن ”خوف“ جي  هٿيار کي استعمال ڪيو. جيئن اسان ڄاڻون ٿا ته هي مالياتي سرمائيداريءَ جو دور آهي ۽ لنڊن  ان جو تمام وڏو ڪرمز آهي. تنهن ڪري لنڊن ۾ قائم سمورن مالياتي ادارن اسڪاٽلينڊ جي ماڻهن کي ”ها“ ووٽ جي صورت ۾ شديد مالي نقصان جا دڙڪا ڏنا جڏهن ته اينڊنبرا ۾ قائم مالياتي ادارن ۽ بئنڪن آزاديءَ جي صورت ۾ پنهنجا ٽپڙ ويڙهي لنڊن ڀڃڻ جون ڌمڪيون ڏنيون. يورپي يونين به سموري برطانيه جي مدد لاءِ ميدان ۾ لهي پئي خاص ڪري اهي حڪومتون جن جي پنهنجي ملڪن ۾ آزاديءَ جون تحريڪون هلندڙ آهن. ان کان علاوه سرمائيدار دنيا جو سردار آمريڪا به بادشاهت کي برقرار رکڻ لاءِ  برقرار نظر آيو. مزي جي ڳالهه ته (اتر) آئرلينڊ جي خودمختياريءَ جي مسئلي تي آمريڪا بهادر آئرلينڊ جي پاسي جھڪيل هئو. آئرش ريپبلڪن  آرمي (IRA) ۽ يشن فين  کي آمريڪا مان زبردست مدد ملندي رهي ۽ خودمختياريءَ بابت ٿيندڙ گُڊ فرائيڊي (GOOD FRIDAY) معاهدي ڪرائڻ۾ به امريڪا جو اهم ڪردار هئو. اهو سڀ ان ڪري ته ان وقت جي امريڪي صدر بل ڪلنٽن سميت امريڪين جو هڪ وڏو تعداد آئرش نسل سان واسطو رکندڙ آهي. ان مان چڱي نموني پتو پوي ٿو ته امريڪا ڪيترو ”اصول ۽ انصاف“ جو رکوالو آهي. سڀ کان وڏي ڳالهه ته برطانيه، يورپ ۽ آمريڪا جي ميڊيا (جيڪي پاڻ کي آزاد ۽ غير جانبدار چورائيندا آهن) به آزاديءَ جي مخالفت  ۾ ڀرپور مهم هلائي، جنهن بابت طارق علي جو چوڻ آهي ته”اهڙي مهم تي جيڪر گوئبلز به ريس ڪري“.هاڻي ڏسون ٿا ته ريفرينڊم کانپوءِ جي ڪهڙي صورتحال آهي، اسڪاٽلينڊ جي قومي حقن واري تحريڪ ان ريفرينڊم مان ڇا حاصل ڪيو، برطانيه عظميٰ ۽ متحده بادشاهت جو مستقبل ڇا آهي ۽ يورپ سميت سڄي دنيا جي قومپرست تحريڪن تي ان ريفرينڊم جا ڪهڙا اثر پيا آهن ۽ پوندا.ان ۾ ڪو شڪ ئي ڪونهي ته دنيا ۾ ”جيت“ جو ڪو متبادل آهي ئي ڪونه، پر هار ۽ جيت جا ڪهڙا پهلو آهن اهو ڳولهڻ جي ڳالهه آهي. سڀ کان پهرين ۾ اهم ڳالهه ته اها آهي ته بحيثيت هڪ قوم اسڪاٽلينڊ جي جداگانه حيثيت کي مڃيو ويو آهي ۽ ان حيثيت ۾ ان جي قومي حق خواداريت کي نه صرف تسليم ڪيو ويو آهي پر اهو حق استعمال ڪرڻ جو موقعو به ڏنو ويو آهي. اصل ۾ سڀ کان وڌيڪ اهم ڳالهه هوندي ئي اها آهي ته ڪنهن قوم جو خواداريت وارو  حق تسليم ڪيو وڃي ۽ ان تي عمل ڪيو وڃي، باقي فيصلو ته اتان جو عوام ئي ڪندو آهي ڇاڪاڻ ته عوام ئي Sovereign يعني اقتدارِ اعليٰ جو مالڪ هوندو آهي. جديد دنيا ۾ آزادي حاصل ڪرڻ لاءِ قومي حقِ خواداريت جي مسلمه حيثيت ۽ بين الاقوامي قانون ۾ اهميت ايتري آهي ته هندستان جي مسلمانن لاءِ الڳ ملڪ حاصل ڪرڻ خاطر  محمد علي جناح ۽ ٻين ليڊرن کي به ان ئي حقِ خواداريت جو سهارو وٺڻو پيو، جيتوڻيڪ پاڪستان جي تحريڪ ان  معيار تي پوري اچي ئي ڪانه پئي ڇاڪاڻ ته جديد دنيا ۾ پوليٽيڪل سائنس ۽ قوم جي مڃيل وصف تحت مسلمان ڪا قوم آهي ئي ڪانه ته پوءِ هڪ قوم وارو حقِ خواداريت ڇا جو، پر وقت جي سپر پاور برطانيه جي انهن کي حمايت حاصل  هُئي. ٻئي طرف هندستان جي ڪميونسٽ پارٽيءَ کي به پاڪستان جي حمايت کي جائز قرار ڏيڻ لاءِ حقِ خواداريت واري ”لينني “ اصول کي آڏو آڻڻو پيو. سو 18 سيپٽمبر جي ريفرينڊم ذريعي برطانيه بهادر اسڪاٽ ماڻهن جي اقتدار اعليٰ کي تسليم ڪري چڪوآهي. هاڻي اهو اسڪاٽ عوام تي آهي ته اِهي جڏهن به چاهين آزادي حاصل ڪري سگهن ٿا.هتي اها ڳالهه به ذهن ۾ رکڻ ضروري آهي ته نه رڳو اسڪاٽش قوم جي حيثيت کي مڃيو ويو آهي ۽ نه صرف خواداريت جو حق استعمال ڪيوويو آهي پر 45 سيڪڙو عوام آزاديءَ جي حق ۾ ووٽ به ڏنو اهي ۽ اهو ان پسمنظر ۾ ته ٽي سئو سالن جي الحاق کان آزاديءَ جي باقاعده مهم ٽي سال هلي.پنهنجي ڪردار ۽ ڪارڪردگيءَ جي بنياد تي اسڪاٽش قومپرست ڇهه سيڪڙو جي فرق کي ڪهڙي وقت به ختم ڪري سگهن ٿا. ان خيال کان ئي انگريز حڪمران خوفزدهه آهن ڇاڪاڻ ته اهي ڄاڻن ٿا ته سندن ساٿاري ڪئناڊا کان آزادي حاصل ڪرڻ خاطر ڪرايل پهرئين ريفرينڊم ۾ ڪيوبيڪ جي قومپرستن کي صرف 25 سيڪڙو حمايت حاصل ٿي سگهي پر 15 سالن کانپوءِ ڪرايل ٻئي ريفرينڊم ۾ 49.4 سيڪڙو ڪيوبيڪ عوام آزاديءَ جي حق ۾ ووٽ ڏنو.جيئن مٿي ٻڌايو ويو ته برطانوي بادشاهت جي حامين آزاديءَ کان پري رکڻ لاءِ اسڪاٽش عوام کي خوفزدهه ڪرڻ جي مهم هلائي پر کين خبر ئي نه پئي ته آزاديءَ جي اتساهه ۽ جذبي جي طاقت کان هو پاڻ خوفزدهه ٿي ويا. انهن جي خوف، گهٻراهٽ ۽ مايوسيءَ جو اندازو ان مان ٿئي ٿو ته ريفرينڊم کان صرف ڪجهه ڏينهن اڳ ۾ برطانيه جي ٽنهي مک سياسي پارٽين جي ليڊرن گڏيل اعلان نامو جاري ڪيو ته جيڪڏهن اسڪاٽلينڊ جا ماڻهون ”نه“ ۾ ووٽ ڏيندا ته انهن کي وڌ کان وڌ اختيار منتقل ڪيا ويندا. ان پئڪيج کي Devo-max چيو وڃي ٿو. دلچسپ ڳالهه ته جڏهن ريفرينڊم جوسوالن امو طئي ڪيو  پئي ويو ته ان وقت ها ۽ نه کان علاوه ٽيون نقطو اهو ئي Devo-max رکڻ جي تجويز به ٽيبل تي هئي پر ان کي برطانوي وزيراعظم رد ڪري ڇڏيو. ڇاڪاڻ ته کيس ان وقت پڪو يقين هئو ته اسڪاٽلينڊ جا ماڻهون آزاديءَ کي رد ڪندا تنهن ڪري اجايو وڌيڪ اختيار ڇو ڏجن. اها تبديلي نتيجن کان قطع نظر رڳو ريفرينڊم ٿيڻ جو ڪمال آهي.هار ۽ جيت جو مزو اهو آهي. هاڻي بال انگريزن جي ڪورٽ ۾ آهي. اسڪاٽلينڊ ٻنهي صورتن ۾ فائدي ۾ آهي.برطانيه هاڻي سخت سياسي ۽ اخلاقي دٻاءُ ۾ آهي ته ڪيل واعدا پورا ڪري. جيڪڏهن وعدن تي عمل ڪندي اڃا وڌيڪ اختيار منتقل ڪيا وڃن ٿا ته پوءِ صورتحال اها هوندي ته قانوني طرح ته اسڪاٽلينڊ برطانيه جو حصو هوندو پر عملي طور آزاديءَ کان چند قدم ئي پوئتي هوندو. پر جيڪڏهن وعدن تي مڪمل طور عمل نه ٿو ڪيو وڃي ته اها صورت آزاديءَ جي ٻرندڙ باهه کي اڃا وڌيڪ ڀڙڪائيندي. ان کان علاوه ريفرينڊم ۽ وڌيڪ اخيتارين جا اعلان، ان صورتحال باقي برطانيه ۾ به هلچل مچائي ڇڏي آهي. آئرلينڊ ويلس کي به وڌيڪ خودمختياري ڏيڻ جا مطالبا ٿي رهيا آهن. ايتري تائين جو خود انگلينڊ ۾ به ساڄي ڌر (Rightists) ساڳيا اسڪاٽلينڊ جهڙا اختيار گهري رهيا آهن. انهن سان وري ٻيو مسئلو آهي.اُهي سمجھن ٿا ته”اسان کان گهٽ حيثيت وارن اسڪاٽ ماڻهن کي وڌيڪ اختيار هجن ته پوءِ اسان دنيا تي حڪمراني ڪندڙن کي ڇو گهٽ هجن مطلب ته برطانوي بادشاهت وقتي طور ٽٽڻ کان ته بچي ويئي پر ڪمزور ٿيڻ کان ان کي ڪوئي نٿو بچائي سگهي ۽ سماج کي سمجھندڙ ۽ مستقبل تي نظررکڻ واراته اهو ٿا چون ته ”متحده بادشاهت“ جو ٽٽڻ رڳو ملتوي ٿيو آهي.هاڻي اچون ٿا يورپ ۽ باقي دنيا ڏانهن. (مغربي) يورپ جا صنعتي طور ترقي يا فته ۽ مالي طور مستحڪم ملڪ جيڪي عالمي جنگين جي نتيجي ۾ قائم ٿيل سرحدن  کي نه رڳو محفوظ پر مقدس تصور ڪندا هئا. انهن کي به اسڪاٽلينڊ جي ريفرينڊم سان ڦڦڙي وٺي ويئي ۽ اهي مقدس سرحدون لڏندي محسوس ٿيون.’نه‘ ووٽ جي باوجود انهن جي نعرو آهي ته’جيڪڏهن اسڪاٽلينڊ ۾ ريفرينڊم ٿي سگهي ٿو ته پوءِ اسان وٽ ڇونه‘ اسپين ۾ ڪئٽالونيا،  باسق ۽ بيلجئم ۾ فلينڊرس وارن جون ته ڪافي پراڻيون ۽ مشهو تحريڪون آهن جن ۾ هاڻي وڌيڪ اتساهه آيو  آهي پر ڪيترين ڪمزور ۽ غير معروف قومي تحريڪن ۾ به اسڪاٽلينڊ جي ’انقلاب‘ سان نئون روح ڦوڪجي ويو آهي. ۽ (شايد) ٻي عالمي جنگ کانپوءِ پهريون دفعو عالمي ميڊيا ۾ انهن جو ذڪر ٿي رهيو آهي. جهڙوڪ آسٽريا ۽ اٽليءَ جي وچ تي ٽائرول، فرانس جي عملداريءَ هيٺ ڀونچ سمنڊ  ننڍڙو ٻيٽ ڪور سيڪا، فرانس جي ئي اولهندي ڪناري تي سائو ستابو برطاني جو خطو، اتان جا ماڻهون به پنهنجي منفرد شناخت ۽ عليحده حيثيت ۽ حقن جي بحاليءَ جو مطالبو ڪرڻ لڳا آهن. ٻيو ته ٺهيو پر اسڪينڊينيويا جا ملڪ جيڪي ماڻهن جي خوشحالي ۽ اطمينان جي حوالي سان دنيا  ۾ مشهور آهن. اتي به فنلينڊ ۾ رهندڙ سوئيڊش ماڻهو پنهنجي جدا شناخت ۽ حيثيت تي زور ڏيئي رهيا آهن. يا يورپ جو سڀ کان وڏو، خوشحال ۽ طاقتور ملڪ جرمني آهي اتي به بويريا جي رياست ۾ خودمختياريءَ جي تحريڪ زور وٺي رهي آهي.ايشيا تي نظر وجھون ٿا ته چين ۾ سنڪيانگ جاييگر، انڊونيشيا ۾ اَچي ۽ پپوا، ٿائلينڊ ۽ پٽاني ۽ سريلنڪا ۾ نامل تحريڪون وري نئين سر دنيا جي منظر تي اڀرندي نظر اچي رهيون آهن. عراق جا ڪرد ته اڳ ۾ ئي ذري گهٽ پنهنجي آزاد رياست قائم ڪري چڪا آهن ۽ مڪمل آزاديءَ لاءِ به ريفرينڊم جو اصولي فيصلو ڪري چڪا آهن. جڏهن ته پاڙيسري ملڪن ترڪي، شام ۽ ايران ۾ تقسيم ڪيل ڪرد به خودمختار حيثيت ڏانهن تيزيءَ سان قدم وڌائي رهيا آهن

. افريقه جي ملڪ مغربي صحارا جي آزاديءَ  لاءِ ريفرينڊم ته اقوام متحده سميت عالمي برادريءَ طرفان تسليم ۽ طئي ٿيل آهي پر ڪن سببن ڪري ان تي هن وقت تائين عمل نه ٿي سگهيو آهي. ان لاءِ به هاڻي يقيني طور دٻاءُ وڌندو.اسان کي سڀ کان ويجھو (جاگرافيائي توڻي سياسي طور) مسئلو ڪشمير جو آهي. ڪشمير جي مستقبل بابت فيصلو ڪرڻ خاطر ريفرينڊم جو فيصلو اقوام متحده جي معرفت 65 سال اڳ ۾ ٿي چُڪو هئو پر ان تي اڄ ڏينهن تائين عمل نه ٿي سگهيو آهي. ان لاءِ هندستان ۽ پاڪستان ٻنهي جون حڪومتون ذميوار آهن. هندستان سڄي دنيا سان ڪيل وعدي تان مڪرندي ڪشمير کي پنهنجو لازمي حصو ٿو چوي ۽ ريفرينڊم کان انڪار ٿو ڪري جڏهن ته پاڪستان وري حقِ خواداريت جي نفي ڪندي ڪشمير کي پنهنجو حصو بڻائڻ ٿو گهري. اهڙي طرح ٻئي حڪومتون ڪشمير معاملي کي ڪشميري قوم جي مستقبل بابت فيصلي جي بجاءِ هڪ سرحدي تنازعي طور ڏسن ٿيون. بهرحال 65 سالن دوران ڪشميرين جو قومي مسئلو ڪڏهن گرم ڪڏهن ٿڌي نموني علائقائي ۽ عالمي سطح تي اٿندو رهيو آهي ۽ ڪشمير جي قومي تحريڪ به ڪڏهن تيز ڪڏهن آهستي هلندي رهي آهي. اسڪاٽلينڊ جي ريفرينڊم جو اثر ڪشمير تي به لازمي طور پوڻو هئو ۽ ان جا آثار نظر به اچي رهيا آهن. ڪشميري قومپرستن نئين سر ۽ وڌيڪ زورائتي نموني حقِ خواداريت جي استعمال جو مطالبو ڪيو آهي. اُهي چون ٿا ته اسڪاٽلينڊ وانگر پر امن ۽ غير جانبدار ريفرينڊم ذريعي ڪشمير جي مسئلي جو به حل ڪڍيو وڃي. اُهي هندستان سان گڏ برطانيه کي به ڪشمير مسئلي لاءِ ذميوار قرار ڏيندي ان کان به گهرُ ڪري رهيا آهن ته اهي پنهنجي تاريخي، سياسي ۽ اخلاقي ذميواري قبول ڪندي پنهنجو ڪردار ادا ڪن.پاڪستاني سرڪار طرفان ڪشميرين جي جيڪا لفظي حمايت ٿيندي رهي هئي اها به گذريل ڪافي سالن کان ڍري ٿي چڪي آهي. پنجاب ۾ پيدا ٿيل بورزواري طبقو پنهنجي تجارتي/معاشي مفادن خاطر هندستان سان لاڳاپا بهتر ڪرڻ جي خواهش ۽ ڪوشش ۾ ڪشمير معاملي کان پاسيرو ٿيندو پئي ويو. علائقائي يا عالمي فورمن تي پاڪستان ڪشميرجي مسئلي کي يا ته کڻندو ئي ڪونه هئو يا وري ڀارت جي لائين تي هلندي ان کي ٻه طرفو معاملو قرار ڏيندو هئو. ڪافي سالن کان پوءِ پهريون دفعو پاڪستان جي وزيراعظم (نواز شريف) اقوام متحده جي جنرل اسيمبليءَ ۾ نه رڳو ڪشمير جي مسئلي کي پنهنجي تقرير ۾ کنيو پر قومي حقِ خواداريت تحت اقوامِ متحده جي قرار داد مطابق ريفرينڊم جي به گهرُ ڪئي. ڪجهه ماڻهن جو خيال آهي ته اهو پاڪستان جي اندروني صورتحال جي ڪري ٿيوآهي پر مان وثوق سان چوان ٿو ته پاليسي جي ان تبديليءَ جي پويان اسڪاٽلينڊ جي ريفرينڊم جو اثر به يقيني طور هڪڙو عنصر آهي.انهن سڀني مثبت ۽ اتساهه ڏياريندڙ ڳالهين ۽ عنصرن سان گڏ اسڪاٽلينڊ جي ريفرينڊم جي حوالي سان اسان سنڌين لاءِ هڪ منفي، پريشان ڪندڙ ۽ اکيون کولائيندڙ عنصر به سامهون آيو آهي. جيئن اڳ ۾ ذڪر ٿي چڪو ته هن ريفرينڊم سڄي دنيا ۾ هلچل مچائي ڇڏي آهي. ايترو شايد عالمي ميڊيا ۾ بحث مباحثو ريفرينڊم کان اڳ نه ٿيو هوندو جيترو بعد ۾ ٿي رهيو آهي. اخبارون، ريڊيو، ٽيليويزن ۽ سوشل ميڊيا تبصرن ۽ تجزين سان ڀريا پيدا آهن جن ۾ دنيا اندر قومي حقن جي تحريڪن جي حال ۽مستقبل جو جائزو ورتو پيو وڃي. ان سموري بحث مباحثي جي هڪ حصي طور مون اٽڪل ويهارو کن مضمون ۽ رپورٽون پڙهيا ۽ ٻڌيون هونديون پر افسوس سان چوڻو ٿو پوي ته انهن مان ڪنهن هڪ ۾به سنڌ جو ۽ سنڌ جي قومي تحريڪ جو ذڪر ناهي. جڏهن زمين جي ننڍڙن ٽڪرن ۽ ٻه اڍائي لک آباديءَ تي مشتمل غير معروف خطن جو ذڪر ٿيندو هجي ۽ 58 هزار چورس ميلن ۽ چار ڪروڙ آباديءَ واري سنڌ قوم جيڪا انساني تاريخ جي چئن عظيم ترين ۽ قديم ترين تهذيبن منجھان هڪ جي وارث هجي ان جي ڳالهه ئي نه ٿئي ته اها صورتحال رڙيون ڪري چئي رهي آهي ته اسان کي پنهنجي اندر ۾ جھاتي پائڻ کپي، اسان کي بحيثيت قوم ۽ خاص طور تي بحيثيت قومي تحريڪ پنهنجو خود تنقيدي جائزو وٺڻ کپي.

اسان منجھان ڪجهه دوست شايد چون ته ’اها سنڌي قوم جي خلاف سازش آهي‘ پر ياد رکڻ گهرجي ته ان رويي سان  اسان صرف پنهجو پاڻ کي ڌوڪو ڏئي ٿا سگهون. اهو به نه وسارڻ کپي ته سازشي ٿيوري کي پاڻ تي سوار ڪندڙ ماڻهون اهڙي خطرناڪ رستي تي اکيون ٻوٽي هلندا رهندا آهن. جنهن جي منزل صرف تباهي هوندي آهي. پاڪستان جي رياست به پنهنجي وجود جي پهرئين ڏينهن کان ’سازش‘جي نظريي تي هلي رهي آهي. ڀارت جي سازش، افغانستان جي سازش، سوويت يونين جي سازش، اسرائيل جي سازش، قومپرستن/علحدگي پسندن جي سازش، ڪميونسٽن جي سازش. . . . ۽ پوءِ مخالف پارٽين جي سازش، ايتري تائين ته پنهنجي پارٽيءَ جي اندر سازش، ان رستي تي هلندي پاڪستان ڪٿي پهتو آهي ڪجهه چوڻ جي ضرورت ناهي. ٻئي طرف جرمنيءَ جو مثال آهي. ٻي عالمگير جنگ جي تباهيءَ تي اهي چئي پئي سگهيا ته اها يهودين جي سازش آهي يا امريڪا، برطانيه ۽ روس جي گڏيل سازش آهي پر ان جي بجاءِ انهن بحيثيت قوم جي پاڻ کي ذميوار قرار ڏنو، پاڻ کان درستيءَ جي شروعات ڪيائون. . .  .۽ اڄ اها جرمني هڪ دفعو وري اقتصادي سپر پاور بڻجي چڪي آهي ۽ سياسي سپر پاور بڻجڻ طرف وڃي رهي آهي. اهو ئي سبب آهي قومن جي تاريخ تي نظر رکندڙ ۽ تاريخي عمل کي سمجھندڙ سائين جي ايم سيد سدائين چوندو هئو ته ’جيڪڏهن آزاد ٿيڻ/رهڻ چاهيو ٿا ته پنهنجو پاڻ کي سڌاريو‘

 

سنڌ ۾ تيزي سان پکڙجندڙ منشيات ۽ حڪمران

سنڌ ۾ نشي جي وبا جنهن تيزي سان پکڙجي رهي آهي، تنهن کي روڪڻ لاءِ جيتوڻيڪ حڪومتي سطح تي ڪيترائي ادارا  موجود آهن، ليڪن جيترا وڌيڪ ادارا جوڙيا وڃن ٿا، سنڌ ۾ منشيات جو ڪاروهنوار اوترو ئي چوٽ چڙهندو وڃي ٿو هن وقت نشي واري ڪاروبار کي روڪڻ لاءِ ايڪسائيز کاتو، اينٽي نارڪوٽيڪس کاتو ۽ ان کانسواءِ نشي جي سوداگرن کي سزا ڏيڻ لاءِ اينٽي نارڪوٽيڪس ڪورٽون پڻ موجود آهن جڏهن ته هر شهر ۾ موجود پوليس ٿاڻا ۽ چيڪ پوسٽون قائم ڪيل آهن جيڪي پڻ منشيات جي ڏوهارين کي سوگهو ڪري کين عدالتن آڏو پيش ڪن ٿيون. پر حڪومتي سطح تي اهي سڀئي بندوبست هوندي به منشيات جو ڪاروبار ڏينهون ڏينهن چوٽ چڙهندو نظر اچي رهيو آهي سنڌ جو اهڙو ڪو به شهر ناهي جنهن ۾ ڪچي شراب جون بٺيون هلندڙ نه هجن يا شراب جو واهپو نه ٿيندو هجي، اهڙي ريت هيروئن چرس آفيم سميت  هر قسم جي منشيات سرعام وڪرو ٿيندي ڏسڻ ۾ اچي ٿي. ڪو زمانو هو جڏهن ڪچو شراب يا ٺرو ٺاهيندڙ به پنهنجي ڌنڌي ۾ايمانداري جو مظاهرو ڪندي ان جي ڪشيد ايتري ته صفائي سان ڪندا هئا جو ڪچو شراب واپرائيندڙن کي نشي کان سواءِ وقتي طور تي ڪو ٻيو نقصان نه ٿيندو هو، پر جڏهن کان گهٽي گهٽي ۾ منرل واٽر جون بوتلون ملڻ آسان ٿي ويون آهن تڏهن کان ڪچو شراب ٺاهيندڙن جو ڪم به مورڳو آسان  ٿي پيو آهي هاڻ ته انهن کي نه ته ڪچو شراب ٺاهڻ لاءِ ڪنهن مٽ يا گندي کي ”مال مصالحي“ جي تيار ٿيڻ لاءِ زمين ۾ پورڻو پئي ٿو ۽ نه ئي مڻن جي حساب سان ڪاٺين کي ٻاري ۽ ٻاڦ کي  ڦڙو ڦڙو ڪري بوتل ۾ گڏ ڪرڻ لاءِ ڪا جاکوڙ ڪرڻي پئي  ٿي، هاڻ ته ڪچو شراب تيار ڪندڙ موت جا واپاري منرل واٽر ۾ ميڊيڪل اسٽورن تي ملندڙ نشي وارين گورين کي گهوٽي منرل واٽر جي پاڻي ۾ ملائي ٻن مان ٻارنهن ٺاهڻ ۾ رڌل آهن. جيڪڏهن ڪو موالي دانهن ڪري ٿو ته ٻيلي اڄ مال ”ڪسو“ آهي ته ٻئي  ڏينهن گورين جو ٻڪ وجهي مال کي وڌيڪ ”ٽائيٽ“ ڪرڻ جي ڪوشش ڪئي وڃي ٿي ۽ اهو ئي ”ٽائيٽ ٿيندڙ مال“ موالين جي موت جو سامان بڻجيو وڃي ان سلسلي ۾ اطلاع آهن ته نصرپور ڀرسان زهريلو شراب واپرائڻ جي حوالي سان ٻن هفتن اندر 16 کان وڌيڪ ماڻهن جو  موت سندن گهر ويٺي ئي مهمان بڻجي چڪو آهي. هوڏانهن خيرپور مان خبر آئي آهي ته ڪچو شراب واپرائڻ جي سلسلي ۾ هڪ نوجوان فوت ٿي چڪو آهي، جڏهن ته ضلعي جي اٺن تعلقن ۾ سرعام شراب وڪرو ٿي رهيو آهي. اهڙي ريت ڪالهه ٽنڊي ڄام ويجهو يو سي حاجي سانوڻ گوپانگ ۾ به  ٻن ڄڻن جي فوت ٿيڻ جا اطلاع مليا آهن هونئن ته سڄي سنڌ ۾ ڪچو شراب ته پاڻي وانگر استعمال ٿي رهيو آهي ته ٻئي طرف گٽڪو،  پان پراڳ،  مين پڙي ۽ ٻيو ڪن ڪچرو به سنڌ جي نوجوانن جي روزاني خوراڪ بڻجي پيو آهي. هر ٻئي نوجوانن جي هڪ کيسي ۾ موبائل فون ته ٻئي کيسي ۾ گٽڪي کان وٺي نشو ڏيندڙ  ڪا نه ڪا بيماري ضرور پيل ملي ٿي، ماضيءَ ۾ سنڌ جو ماڻهو يا ته ٿاڌل واپرائيندو هو يا موالي ڀنگ جو ڪونڊو پي پيا پنهنجي جان ٺاريندا هئا پر هاڻ ڀنگ گهوٽڻ وارا اهي موالي به مري ويا آهن جيڪي موالي بچيا آهن اهي اهڙي ڀنگ گهوٽي ئي نه ٿا سگهن جنهن جي پيئڻ سان ڪنهن موالي جا چوڏنهن طبق روشن ٿي وڃن. تنهن هوندي به اوتارا اڄ به ڪٿي ڪٿي آباد نظر اچن ٿا. ان حوالي سان روهڙي مان هڪ خبر رپورٽ ٿي آهي ته بندر روڊ واري علائقي ۾ صوفي فقير دين پناهه واري ميخاني ۾ ڀنگ گهوٽڻ دوران موالين ۾ ڀنگ نه ڏيڻ تان جهيڙو ٿي پيو هڪ موالي ڀنگ گهوٽڻ وارو ڏنڊو ٻئي موالي کي وهائي ڪڍيو نتيجي ۾ اهو موالي مارجي ويو جيتوڻيڪ پوليس قاتل موالي کي گرفتار ڪري ورتو آهي پر ڇا هڪ موالي جي گرفتار ٿيڻ سان سنڌ ۾ هلندڙ سڀئي ميخانا بند ٿي ويندا يا موالي توبهه تائب ٿي وڃي عبادتن ۾ مشغول ٿيندا. اهڙي ريت هيروئن جيڪا  هڪ هزار ميل پري تيار ٿئي ٿي پر ايڏي ته خاموشي سان سنڌ ۾ هيروئن جي واپارين تائين پهچي ٿي جو ڪنهن کي خبر نه ٿي پوي ته هيروئن جا واپاري ڪير آهن، جڏهن ته هيروئن واپرائيندڙن کي هر ڪو ماڻهو پري کان ڏسي سڃاڻي وٺي ٿو ته هيروئني جا هاڻي رڳو ”ٿورا ڏينهن“ آهن اڄ نه ته سڀاڻي سندس لاوارث لاش ڪنهن گند جي ڍير تي پيل نظر اچي ويندو پر مجال آهي جو اڄ ڏينهن تائين ڪنهن نيڪ مرد ان دهشتگردي خلاف ڪنهن جهاد جو اعلان ڪرڻ جي همت ڪئي هجي. جڏهن ته هيروئن به هڪ هٿ کان ٻئي هٿ ذريعي وڪامي ٿي پوليس جي ٿاڻي کان سڏ پنڌ تي ويٺل هيروئنين کي خبر هوندي آهي ته کين اها هيروئن ڪٿان ملي سگهي ٿي پر ٿاڻي وارن مان شايد ڪنهن کي به  توڙ تائين خبر نه ٿي هجي ته آخر اهو ڪير آهي جيڪو روزانو موت جا ٽوڪن ورهائي رهيو آهي پر ان  جو ڪو به نالو وٺڻ لاءِ تيار ناهي اسان سنڌ ۾ تيزي سان وڌندڙ منشيات جي لعنت کي ڪنهن وڏي سازش کان گهٽ نه ٿا سمجهون ڇاڪاڻ ته سنڌ جي نوجوانن جي هٿن ۾ ڪجهه ڌرين ڪتاب ۽ قلم کسي موتمار هٿيار ته اڳ ئي ڏيئي ڇڏيا آهن ۽ باقي جيڪي بچيا آهن تن کي نشي جو عادي بڻائي سنڌ جي هڪ وڏي حصي کي مفلوج ڪرڻ جي ناڪام ڪوشش هلندڙ آهي ان سازش جي خلاف سنڌ جي هر ساڃاهه وند ماڻهو کي پنهنجي پنهنجي طور تي نه رڳو ڪوشش ڪرڻ گهرجي پر جيڪي به موت جا سوداگر آهن تن جي نشاندهي ڪري انهن جي رستا روڪ ڪرڻ جي ڪوشش ڪرڻ گهرجي باقي جيڪڏهن اها اميد رکي وئي ته حڪومتي ادارا سنڌ ۾ وڌندڙ منشيات کي روڪڻ لاءِ ڪا وک وڌائيندا تنهن لاءِ رڳو خواب ئي ڏسي سگهجي ٿو. ان ڪري اسان سڀني کي ان اهم مسئلي طرف ڌيان ڏيڻ لاءِ پنهنجون سڀئي توانائيون استعمال ڪرڻ گهرجن اسان هتي حڪومت کان به مطالبو ڪنداسين ته اها منشيات کي روڪڻ لاءِ جن ادارن تي ذميواريون رکيل آهن تن کي سرگرم ڪري ته جيئن سنڌ کي قيامت اچڻ کان 40 سال اڳ غرق ٿيڻ کان بچائي سگهجي.

 

عدالتون حڪومت خلاف ڪنهن سازش ۾ ملوث ناهن: وزيراعظم

لنڊن (م.ڊ) وزيراعظم محمد نوازشريف چيو آهي ته اسان جلسا ناهن ڪيا جڏهن ڪيا سين ته خبر پئجي ويندي منهنجو خيال نه آهي ته عدالتون حڪومت جي خلاف ڪنهن سازش ۾ ملوث آهن پوري قوم ۽ پارليمينٽ هڪ پاسي ۽ اڱرين تي ڳڻڻ جيترا ماڻهو ٻئي پاسي آهن اقوام متحده جي جنرل اسيمبلي ۾ تقرير ۾ پاڪستاني ۽ ڪشميري عوام جي جذبن جي ترجماني هئي چونڊ عمل ۾ ڪمزوريون حل ڪرڻ اسان جي منشور جو حصو آهي منفي گيم کيڏندڙن بابت ڪجهه نٿو چوڻ چاهيان سومر تي هتي ايئرپورٽ تي ميڊيا سان ڳالهائندي وزيراعظم نوازشريف چيو ته اسان جلسا ناهن ڪيا جڏهن ڪنداسين ته خبر پئجي ويندي. هڪ سوال جي جواب ۾ وزيراعظم چيو ته اسان به مڃون ٿا ته نظام ۾ خرابيون آهن ۽ اهي درست ڪرڻ اسان جي ايجنڊا ۾ شامل هو اسان پنهنجي منشور مطابق نظام ۾ خرابيون دور ڪري رهيا آهيون ۽ ڪنداسين چونڊ عمل ۾ ڪمزوريون حل ڪرڻ اسان جي منشور جو حصو آهي اسان پنهنجي دور ۾ چونڊ عمل کي بهتر ڪرڻ جي ڪوشش ڪري رهيا آهيون. هڪ ٻئي سوال جي جواب ۾ وزيراعظم چيو ته ڌرڻي وارا جڏهن لاهور کان اسلام آباد طرف اچڻ لڳا ان وقت لاهور هاءِ ڪورٽ ڪهڙو فيصلو ڏنو هو هي سڀني جي سامهون آهي ۽ جڏهن ڌرڻن وارا ريڊ زون ۾ داخل ٿيا تڏهن به عدالت آبزرويشن ڏني هئي اها به سڀني جي آڏو آهي هن چيو ته منهنجو خيال نه آهي ته عدالتون حڪومت جي خلاف ڪنهن سازش ۾ ملوث آهن.

 

پ پ پاران 18 آڪٽوبر تي ڪراچي ۾ جلسو ڪرڻ جو اعلان, ، 18 اڪٽوبر تي خبر پئجي ويندي ته عوام ڪنهن سان گڏ آهي: بلاول ڀٽو زرداري

ڪراچي(اسٽاف رپورٽر) پيپلز پارٽي 18 آڪٽوبر تي عوامي طاقت جو مظاهرو ڪرڻ لاءِ ڪراچي ۾ جلسي ڪرڻ جو اعلان ڪري ڇڏيو، ڪور ڪميٽي جي اجلاس ۾ گلگلت سميت چئني صوبن ۾ عوامي رابطا مهم هلائڻ جو فيصلو ڪيو ويو آهي، پارٽي چيئرمين بلاول ڀٽو زرداري چيو آهي ته 18 آڪٽوبر تي خبر پئجي ويندي ته عوام ڪنهن سان گڏ آهي. بلاول هائوس ڪراچي ۾ پيپلز پارٽي جي ڪور ڪميٽي جو اجلاس پارٽي چيئرمين بلاول ڀٽو زرداري ۽ شريڪ چيئرمين آصف زرداري جي صدارت هيٺ ٿيو، جنهن ۾ اڳوڻي وزيراعظم يوسف رضا گيلاني، راجه پرويز اشرف، قمرالزمان ڪائره، خورشيد شاهه، رحمان ملڪ ۽ ٻين اڳواڻن شرڪت ڪئي. اجلاس دوران 18 آڪٽوبر تي ڪراچي جي مزار قائد وٽ عوامي طاقت جو مظاهرو ڪرڻ لاءِ جلسي ڪرڻ جو اعلان ڪيو ويو، جنهن ۾ چئني صوبن جي پارٽي اڳواڻن کي ڪارڪنن سميت شرڪت جون هدايتون ڪيون ويون. اجلاس دوران گلگلت سميت چئني صوبن ۾ عوامي رابطا مهم هلائڻ جو فيصلو ڪندي پارٽي چيئرمين بلاول ڀٽو زرداري پارٽي اڳواڻن کي رابطا مهم جو شيڊول تيار ڪرڻ جي هدايت ڪئي. اجلاس دوران ڳالهائيندي پارٽي چيئرمين بلاول ڀٽو زرداري چيو ته 18 آڪٽوبر تي خبر پئجي ويندي ته عوام ڪنهن سان گڏ آهي، شهيد بينظير ڀٽو کين ٻڌائي وئي آهي ته جمهوريت ئي بهترين انتقام آهي، پيپلزپارٽي جي سينيئر اڳواڻ يوسف رضا گيلاني چيو آهي ته 18 آڪٽوبر تي بلاول ڀٽو زرداري ڪراچي ۾ تاريخي جلسو ڪري پنهنجي سياسي ڪيريئر جي شروعات ڪندو، پيپلزپارٽجمهوريت جي جنگ وڙهي رهي آهي، ملڪ جي بقا ۽ جمهوريت لاءِ پ پ هميشه پنهنجو ڪردار ادا ڪندي رهندي.. پ پ ميڊيا سيل ڪراچي تي پ پ جي ڪور ڪميٽي جي اجلاس کانپوءِ ميڊيا کي بريفنگ ڏيندي اڳوڻي وزيراعظم يوسف رضا گيلاني چيو ته 18 آڪٽوبر تي قائداعظم جي مزار آڏو جلسو ڪري عوامي طاقت جو مظاهرو ڪيو ويندو، بلاول ڀٽو جلسو ڪري جمهوريت، ملڪي سلامتي، ادارن جي مضبوطي ۽ نوجوان نسل جي حقن لاءِ جدوجهد جي شروعات ڪندو. يوسف رضا گيلاني چيو ته پيپلزپارٽي پارليامينٽ ۾ اپوزيشن طور بهترين نموني ڪردار ادا ڪري رهي آهي، عوامي مسئلن جي حل لاءِ بلاول ڀٽو زرداري ميدان ۾ نڪتو آهي، پارٽي جا عهديدار ۽ ڪارڪن مايوس ٿيڻ بجاءِ بلاول ڀٽو زرداري جو ڀرپور نموني ساٿ ڏين.ان موقعي تي اڳوڻي وزيراعظم راجا پرويز اشرف چيو ته 18 آڪٽوبر ملڪ جي تاريخ جو ڪارو ڏينهن آهي، ان ڏينهن تي ڪارساز ويجهو محترمه بينظير ڀٽو جي قافلي تي حملو ڪري ڪيترن ئي ڪارڪنن کي شهيد ڪيو ويو هو. هن چيو ته بلاول ڀٽو زرداري 18 هين آڪٽوبر تي جلسو ڪري شهيدن جي مشن کي اڳتي وڌائڻ چاهي ٿو، ڪراچي ۾ رٿيل جلسو تاريخي هوندو. راجا پرويزاشرف جو چوڻ آهي ته هر ڀيري عام چونڊن ۾ پ پ خلاف سازشون ٿينديون رهيون آهن، پ پ جا ڪارڪن اهڙين سازشن کي هاڻي ناڪام بڻائي ڇڏيندا. هن چيو ته پنجاب ۾ پ پ اڪثريت سان موجود آهي، جاويد هاشمي جي ننڍي چونڊ ۾ حمايت ناهي ڪئي، اهو پي ٽي آءِ جو صدر هئڻ باوجود آزاد اميدوار جي حيثيت سان چونڊ وڙهي رهيو آهي، پ پ طرفان جاويد صديقي کي اميدوار بيهاريو ويو آهي.ان موقعي تي قومي اسيمبلي ۾ مخالف ڌر جو اڳواڻ سيد خورشيد شاهه، قمرالزمان قائره، وڏو وزير سيد قائم علي شاهه، منظور وٽو، آزاد ڪشمير جي وزيراعظم چوڌري عبدالمجيد سميت پ پ جا ٻيا مرڪزي اڳواڻ پڻ موجود هئا.

نيول چيف پاران جي ايڇ ڪيو جو الوداعي دورو، آرمي چيف سان ملاقات

راولپنڊي (م.ڊ) چيف آف آرمي اسٽاف جنرل راحيل شريف سان پاڪ نيوي چيف ايڊمرل آصف سنڌيلا ملاقات ڪئي جنهن ۾ گڏيل دلچسپي جي معاملن تي ويچاريو ويو. سومر ڏينهن آءِ ايس پي آر موجب پاڪ نيوي جي سربراهه آصف سنڌيلا جي ايڇ ڪيو جو الوداعي دورو ڪيو. نيول چيف آصف سنڌيلا جي ايڇ ڪيو ۾ آرمي چيف سان ملاقات ڪئي، ملاقات ۾ گڏيل دلچسپي جي معاملن تي ڳالهايو ويو. ياد رهي ته پاڪ نيوي جو سربراهه ايڊمرل آصف سنڌيلا ملازمت جي مدت پوري ڪري آڪٽوبر تي ريٽائر ٿيندو جڏهن ته نئين سربراهه لاءِ ٽن نالن جو پينل تيار ڪيو ويو. وائيس ايڊمرل ذڪاءُ الله هن وقت نيوي جو سڀ کان سينئر آفيسر آهي. وائيس ايڊمرل حشام بن صديق ۽ وائيس ايڊمرل زيڊاين عباسي ان کان پوءِ ترتيبوار سينئر آفيسر آهن، پرپوءِ اها وزيراعظم جي صوابديد آهي ته هو ڪهڙي آفيسر کي نئون نيول چيف مقرر ڪري ٿو.